वीरगंज । पर्सामा थप २३ जनामा काेराेना भाइरस (काेभिड १९) संक्रमण पुष्टि भएकाे छ । नारायणी अस्पतालकाे प्रयाेगशालामा साेमबार गरिएकाे परिक्षणमा पर्साका २४ जना र बाराकाे एक जना गरि २५ जनामा संक्रमण पुष्टि भएकाे हाे ।
१९२ जनाकाे स्वाबकाे नमुना पिसिआर विधिबाट परिक्षण गर्दा २ महिलासहित २५ जनामा काेराेना पाेजिटिभ देखिएकाे नारायणी अस्पतालका प्रवक्ता डा. अतुलेश कुमार चाैरसियाले जानकारी दिए ।
उनका अनुसार संक्रमितहरु १८ बर्षदेखी ७० बर्ष उमेर समुहका रहेका छन् । उनीहरुकाे सिटी भ्यालु १८ देखी ३४ सम्म रहेकाे छ ।
संक्रमित हुनेमा पर्साकाे कालिकामाई गाउँपालिकाकाे वडा नं. १ का ५ जना, वीरगंज महानगरपालिकाकाे वडा नं. १६ का एक जना, २१ का ५ जना, वडा नं. ३२ का ८ जना र वडा नं. २९ का २ जना रहेका छन् ।
यस्तै वीरगंजस्थित रहेकाे एभरेष्ट बैंकका ३५ बर्षिय पुरुष र ठाेरी गाउँपालिकाकाे वडा नं. ५ सुवर्णपुरका ३९ बर्षिय पुरुषमा काेराेना पाेजिटिभ देखिएकाे प्रवक्ता डा. चाैरसियाले वताए । बाराका संक्रमित बारागढी नगरपालिका वडा नं. ७ का बासिन्दा हुन् ।
केही समय यता पर्सामा संक्रमितकाे संख्यामा कमि आउन थाले पनि पुन: बढ्न थालेकाे छ । आइतबार गरिएकाे परिक्षणमा पर्साका ६ जनामा मात्र संक्रमण पुष्टि भएपनि साेमबार त्यसकाे ४ गुणा बढी २४ जनामा संक्रमण पुष्टि भएकाे हाे ।
