Date
शुक्र, मंसिर ४, २०८३
Fri, November 20, 2026
Home Blog Page 877

जिराभवानी र सखुवा प्रसाैनीमा कुष्ठ राेग दिवस मनाइयाे

0
कुष्ठ राेग दिवस

वीरगंज । पर्साकाे विभिन्न पालिकामा आइतबार ६८ औ विश्व कुष्ठ राेग दिवस मनाइएकाे छ । जिराभवानी गाउँपालिका र सखुवा प्रसाैनी गाउँपालिकाले चनचेतमूलक अन्तरक्रिया कार्यक्रम गरेर कुष्ठ राेग दिवस मनाएकाे हाे ।

जिराभवानी गाउँपालिकाकाे स्वास्थ्य शाखाले गाउँपालिका कार्यालयमा कुष्ठ राेग सम्बन्धि अन्तरक्रिया कार्यक्रमकाे आयाेजना गरी कुष्ठ राेग दिवस मनाएकाे स्वास्थ्य संयाेजक सफिकुल अन्सारीले जानकारी दिए ।

“काेराेना महामारी हाम्राे सम्यता र समय मै कुष्ठ राेगकाे व्यवस्थापनमा हाम्राे सक्रियता” मुल नाराकाे साथ दिवस मनाइएकाे उनले वताए ।

गाउँपालिका उपाध्यक्ष उषा देवी थरुइनीकाे अध्यक्षतामा भएकाे कार्यक्रममा कार्यपालिका सदस्य उर्मिला देबी पासवान, उर्मीला थरुइनी, गाउँपालिका अन्तर्गतकाे सबै स्वास्थ्य संस्थाहरुकाे फाेकल पर्सन, विभिन्न वडाका स्वयम्  सेविकाहरु लगायतकाे सहभागिता रहेकाे थियाे ।

यस्तै सखुवा प्रसाैनी गाउँपालिकाकाे वडा नं. ४ देउरवानामा कुष्ठ राेग सम्बन्धि जनचेतना मूलक कार्यक्रम गरी कुष्ठ राेग दिवस मनाइएकाे गाउँपालिका स्वास्थ्य संयाेजक राजेश राैनियारले जानकारी दिए ।

वडाध्यक्ष मियाँ विरुद्ध जिप्रका र वीरगंज महानगरपालिकामा ज्ञापन

0

वीरगंज । राष्ट्रिय एकता अभियानले आइतबार जिल्ला प्रशासन कार्यालय र वीरगंजमा महानगरपालिकामा ज्ञापन पत्र बुझाएकाे छ ।

वीरगंज महानगरपालिकाकाे वडा नं. २१ का वडाध्यक्ष हबिब मियाँले राजहंस घियु उद्याेगकाे प्रभावमा आएर त्यस अगाडीकाे बस्ती मात्र खाली गराएकाे भन्दै अभियानले पर्साका प्रमुख जिल्ला अधिकारी आस्मान तामाङ र वीरगंज महानगरपालिकाका मेयर विजय कुमार सरावगीलाई ज्ञापन पत्र बुझाएकाे हाे ।

वडाध्यक्ष मियाँले जातिय र आर्थिक प्रभावमा आएर उद्याेग अगाडीकाे जग्गामा रहेकाे दलित, गरिब र निमुखा परिवारकाे बस्ती मात्र खाली गराएर अन्यायपूर्ण काम गरेकाे अभियानले आराेप लगाएकाे छ । साविककाे रेल्बेकाे जग्गामा रहेकाे उद्याेग अगाडी जग्गा मात्र खाली गराउनु र वडाध्यक्ष समेतकाे घर साविक कै रेल्बेकाे जग्गा रहे पनि खाली नगराउनु अन्यायपूर्ण भएकाे अभियानले बुझाएकाे ज्ञापन पत्रमा उल्लेख छ ।

रेल्बेकाे जग्गामा रहेकाे वडाध्यक्षसहितकाे घरहरु पनि खालि गराउनु पर्ने अभियानले माग समेत गरेकाे छ । अभियानका केन्द्रिय सदस्य कृष्ण साहकाे नेतृत्वमा बुझाइएकाे ज्ञापन पत्रमा उद्याेगकाे मिलाेमताेमा भएकाे गतिविधि नियन्त्रण गर्दै आवश्य छानविन गरी कारवाही गर्न माग समेत गरिएकाे  छ ।

युवा जनशक्ति समाजले सुरु ग¥यो युवा जागरण अभियान

0

वीरगंज । युवा जनशक्ति समाज नेपाल पर्साले युवा जागरण अभियान सुरु गरेको छ ।समाजको आईतवार कार्यालयको सभाहलमा बसेको बैठकले युवा जागरण अभियानको लागि एक समिति निर्माण गरी कार्य थलानी गर्न कार्यदेश दिएको छ ।

युवा जनशक्ति नेपालका अध्यक्ष बिनेश प्रसाद कुर्मीको सभापतित्वमा बसेको बैठकले युवा जागरण अभियानको लागि प्रदीप ठाकुरको संयोजकत्वमा ११ सदस्यीय कमिटी गठन गरेको छ । सो कमिटीको सह–संयोजकमा संगीता पाण्डे, सदस्यहरुमा सुभाष चन्द्र गुप्ता, अजय कुमार चौरसिया, श्रवण प्रसाद साह, रंजीत चौरसिया, अफरोज अहमद, करण पटेल, कुन्दन गुप्ता, बिदया सागर, नन्दलाल ठाकुर रहनु भएको छ ।

सो समितिको बरिष्ठ सल्लाहकारमा बिरेन्द्र ठाकुर र शेष मखदुम जहाँगस्त रहनु भएको छ । नव गठित अभियानले समाजमा रहेका कुरिति, बिसंगतीलाई हटाउन, युवाहरुलाई सामाजिक कार्यमा लगाउन अभिप्रेरित गर्ने, कुलतमा लागेका, बेरोजगार युवाहरुलाई रोजगारको लागि पहल गर्ने, युवाहरुमा रहेको हरेक समस्या समाधानका लागि पहल गर्ने उदेश्यका साथ सो अभियान सुरु गरेको समाजका अध्यक्ष कुर्मीले जानकारी दिनु भयो ।

सो अवसरमा संस्थाका सचिव जायेद हुसैन, नेहाल अहमद लगायतका पदाधिकारी एवं सदस्यहरुको सहभागीता रहेको थियो ।

प्रचण्ड–माधव पक्षको धर्ना कार्यक्रम स्थगित, आन्दोलन थप सशक्‍त बनाउने

0

काठमाडौं । नेपाल कम्युनिस्ट पार्टी ९नेकपा० को प्रचण्ड–माधव पक्षका अध्यक्षद्वय पुष्पकमल दाहाल ‘प्रचण्ड’ र माधवकुमार नेपाल आइतबार माइतीघर मण्डलामा भइरहेको धर्नामा सहभागी भएका छन् ।

सो पार्टीका संघीय र प्रदेश सांसदहरु माघ १४ देखि माइतीघर मण्डलामा दैनिक धर्ना दिँदै आएका छन् । पार्टीले प्रतिनिधिसभा विघटनविरुद्ध तेस्रो चरणको आन्दोलन कार्यक्रम अन्तर्गत धर्ना दिँदै आएको हो । आगामी २८ गते हुने व्यापक जनप्रदर्शनको तयारीस्वरूप आजबाट धर्नाको कार्यक्रम स्थागित गरिएको हो।

नेकपा अध्यक्षद्वय पुष्पकमल दाहाल प्रचण्ड र माधवकुमार नेपालको उपस्थितिमा आजबाट धर्ना कार्यक्रम स्थगित गरिएको स्थायी कमिटी सदस्य पम्फा भुसालले बताइन्। धर्ना कार्यक्रम २१ गतेसम्मका लागि तोकिएको थियो। यसअघि पुस १० गते पनि ‘हामी यहाँ छौँ’ भन्दै प्रचण्ड र माधवसहितका नेता कार्यकर्ताहरू माइतीघरमा बसेका थिए।

यो समूहले बुटवल, विराटनगर र धनगढीमा विरोधसभा आयोजना गरिसकेको छ। यसअघि दुई चरणका विरोध कार्यक्रम सम्पन्न गरिसकेको प्रचण्ड नेपाल समूहले तेस्रो चरणमा पनि काठमाडौंलगायत देशभर प्रदर्शन तथा विरोधसभाका कार्यक्रम आयोजना गरेको छ।

गत पुस ५ गते प्रधानमन्त्री केपी ओलीको सिफारिसमा राष्ट्रपति विद्या भण्डारीले प्रतिनिधिसभा विघटन गरेपछि नेकपा विभाजित भएको छ। अहिले दुबै समूह देशभर आमसभा गर्न व्यस्त छन्। सत्तारुढ समूह चुनाव लक्षित सभामा व्यस्त छ भने प्रचण्ड–नेपाल समूह विरोधसभामा व्यस्त छ।

 

कालिकामाईबाट गाँजा र चरेससहित एक जना पक्राउ

0

वीरगञ्ज । पर्साको कालिकामाई गाउँपालिका वडा नं. ३ हरिहरपुर बिर्ताबाट प्रहरीले लागू औषध गाँजा र चरेससहित एक व्यक्तिलाई पक्राउ गरेको छ ।

ईलाका प्रहरी कार्यालय पोखरिया मातहतका रहेको ईलाका प्रहरी कार्यालय कालिकामाईबाट खटेको प्रहरी टोलीले हरिहरपुरस्थित प्रेम हजराको घरमा छापामारी गरेर गाँजा र चरेससहित उनलाई पक्राउ गरेको हो ।

विशेष सूचनाको आधारमा शुक्रबार हरिहरपुरस्थित हजराको घरमा प्रहरीले छापामारी गर्दा एक किलो एक सय ग्राम गाँजा र ४ सय ग्राम चरेस बरामद गरिएको ईलाका प्रहरी कार्यालय पोखरियाका प्रहरी निरिक्षक दिपक थापाले बताए ।

शुक्रबार साँझ सवा ६ बजेको करिवमा प्रहरीले हजराको घरमा छापामारी गरि उनको घरमा लुकाएर राखिएको लागूऔषध गाँजा र चरेस बरामद गरेको थियो ।

पक्राउ परेका हजरालाई ईलाका प्रहरी कार्यालय पोखरिया ल्याई आवश्यक कारवाही अगाडी बढाईएको प्रहरी निरिक्षक थापाले जानकारी दिए ।

सशस्त्र प्रहरीद्वारा अबैध कुखुराको चल्ला नष्ट

0

वीरगंज ।सशस्त्र प्रहरी बल पर्साले भारतबाट अबैध रुपमा ल्याउँदै गरेको लाखौं मूल्य बराबरको कुखुराको चल्ला बरामद गरि नष्ट गरेको छ । सशस्त्र प्रहरी बल सुरक्षा बेस क्याम्प बहुअर्वाभाठ्ठाबाट खटेको प्रहरी टोलीले शनिबार बिहान बहुदरमाई वडा नं. १ बिश्रामपुरबाट करिब १९ सय कुखुराको चल्ला सहित भारतीय नम्बरको मोटरसाईकल पक्राउ गरेको थियो ।

भारतबाट अबैध रुपमा भन्सार छली चोरी पैठारी गरी नेपालको भित्रि ग्रामिण भेगसम्म भित्रियाई सकेको अवस्थामा सशस्त्र प्रहरी बल बहुअर्वाभाठ्ठाबाट खटेको गस्ती टोलीलाई देख्नसाथ उक्त कुखुराको चल्लाहरु फालेर तस्करी गर्ने मानिस फरार रहेको शसस्त्र प्रहरीले जनाएको छ ।

पर्साको विन्दासिनीदेखी उत्तरतर्फ द्यच्ण्छ च्् टघडढ नम्बरको भारतीय मोटरसाईकलमा लगिरहेको अवस्थामा पक्राउ गरिएको उक्त कुखुराको चल्ला शनिबार दिउसो बहुअर्वाभाठ्ठा बेस क्याम्प पछाडी खाल्डो खनि नष्ट गरिएको प्रहरीले जनाएको छ । प्रहरीका अनुसार पक्राउ गरिएको कुखुरासहितको गाडीको अन्दाजी मूाल्य रु १ लाख ५८ हजार रहेको छ । शनिबार विदा भएकोले मोटरसाईकललाई भोली वीरगंज भन्सार कार्यलयमा बुझाउने सशस्त्र प्रहरीले जनाएको छ ।

                              तस्करीकै चल्लाबाट पर्साका अधिकांश कुखुरा फर्म संचालन रहेको खुलासा
शित लहर र कुाहिरो बढेपछि पर्साको ग्रामिण भेगबाट राति–राति र बिहान बेलुका दैनिक लाखौंको राजश्व छली गर्ने अबैध कारोबार फस्टाएको छ । सिमासहित ग्रामिण भेगमा खटेका तल्लो तहका केही शसस्त्र प्रहरी र नृेपाल प्रहरीका अधिकारीका कारण सिमा क्षेत्रसहित भित्रि ग्रामिण भेगसम्म कुखुराको चलाको तस्करी भएको स्थानीयले बताएका छन् ।

सरकारले उठाएको राजश्वबाट मुलुकको अर्थतन्त्र चले पनि प्रहरी संगठनमा आबद्ध केही प्रहरीले सरकारको राजश्व छली गरी राति–रातिमा अबैध कारोबार गराईरहेको दक्षिणी सिमा नाकाबाट करिब ६÷७ किलो मिटर भित्रबाट समातिएको कुखुराको चल्लाबाट पुष्टि हुन्छ ।

पर्साको बिन्दवासिनी, बहुदरमाई, पर्सागढी, सखुवा प्रसौनी लगायतका गाउँपालिकामा संचालन रहेको कुखुरा फर्ममा भारतबाटै तस्करी भई आएको कुखुराको चल्लाबाट व्यवसाय संचालन रहेको नाम नराख्ने सर्तमा एक जना कुखुरा व्यवसायीले नै बताएका छन् । भारतसंग सिमा नाका जोडिएको अमरपट्टी, झौवागठ्ठी, ईटयाही, बिन्दवासिनी र बहुर्वाभाठ्ठा हुँदै उत्तरी ग्रामिण बिश्रामपुर, भौटाटार, डोकैला बहुअरी, रामनगरी, एकटाङ्गा लगायतका ठाउँहरुमा भारतीय र नेपाली तस्करहरुले प्रत्येक हप्ता लाखौं मूल्य बराबरको राजश्व उठने अबैध कुखुराको चल्ला भित्रियाउने गरेको स्रोतले जनाएको छ ।

अतः सम्बन्धीत निकायले तदारुकताका साथ यी ठाउँहरुमा कडा निगरानी गर्दै जाने हो भने मुलुकको अर्थतन्त्रमा अझै टेवा पुग्नुको साथै कुखुराको चल्ला तस्करी र तस्कर माफियालाई तह लगाउन सकिने स्रोतको दाबी छ । तसर्थः राजश्व बृद्धि गर्न खुल्ला सिमाना भएको पर्साको अमरपट्टि, सबैठवा, भिस्वा, जानकीटोला लगायतका सिमा नाकामा राति–राति र विहान सम्बन्धीत निकायको विशेष ध्यानाकर्षण हुने आवश्यक देखिएको छ ।

पशु स्वास्थ सेवा प्राविधिक संघ पर्साको नयाँ कार्य समिति चयन

0

वीरगंज । नेपाल पशु स्वास्थ सेवा प्राविधिक संघ पर्साको प्रथम जिल्ला अधिवेशन शनिबार वीरगंजमा सम्पन्न भएको छ । वीरगंज ड्राईपोर्टस्थित बाटिका होटलमा भएको अधिवेशनले केशराज प्रसाद कुर्मीको अध्यक्षतामा नया“ जिल्ला कार्य समिति चयन गरेको छ ।

जुन समितिको उपाध्यक्ष सुजाता चौधरी, दिपनारायण रौनियार, सचिव गौरिशंकर यादव, सह–सचिव नरेन्द्र प्रसाद साह, कोषाध्यक्ष मोहन कुमार साह चयन भएका छन् ।

समितिको सदस्यमा खेमराज पटेल, हरिओम साह कानु, संजोग राम, सुबासनी कुमारी, रिना कुमारी दास, प्रदीप कुमार पटेल, अच्छेलाल साह, हरिनारायण पण्डित, आयुष यादव, संजित साह तेली रहेका छन् ।

केशव प्रसाद कुर्मीको अध्यक्षता र नेपाली कांग्रेस पर्साका सभापति अजय दुवेदीको प्रमुख आतिथ्यतामा भएको अधिवेशन उदघाट्न समारोहमा धोविनी गाउ“पालिकाका अध्यक्ष सुरेश प्रसाद कुर्मी, संघका केन्द्रिय अध्यक्ष जनक रावल, कर्मचारी युनियनका केन्द्रिय उपाध्यक्ष उतम कटुवाल, मनोज तिवारी, क्न्द्रिय सचिव अशोक कुमार रौनियार, युगल किसोर सिंह, संघका केन्द्रिय महासचिव सुरेश कुमार श्रेष्ठ, बैजुलाल गुप्ता, मंदिप महतो लगायतकाको उपस्थिति रहेको थियो ।

कार्यक्रममै नव निर्वाचित कार्य समितिका पदाधिकारी तथा सदस्यहरुलाई प्रमाण पत्र समेत वितरण गरिएको थियो ।

छिपहरमाईमा निःशुल्क आँखा शिविर सम्पन्न

0

वीरर्गज । पर्साको छिपहरमाई गाउ“पालिका वडा नं. २ टिहुकीमा शनिबार निःशुल्क आ“खा शिविर सम्पन्न भएको छ । छिपहरमाई गाउ“पालिकाको सहयोग र सामुदायिक तालिम केन्द्रको आयोजनामा भएको शिविरमा ७ सय १२ जनाले आ“खा परीक्षण गराएका छन् ।

जस मध्ये १ सय ८६ जनामा मोतियाबिन्दु फेला परेको आयोजक संस्थाले जनाएको छ । शिबिरमा निःशुल्क औषधी समेत वितरण गरिएको र मोतियाबिन्दु फेला परेकाहरुलाई निःशुल्क सल्यक्रिया समेत गरिने छ ।

छिपहरमाई गाउ“पालिका अध्यक्ष मनोज कुमार गुप्ताको अध्यक्षतामा भएको शिविरमा समसुल मिया“, वडाध्यक्ष महेन्द्र साह कलवार, बिनोद साह, मौजिलाल साह, स्वास्थ्य संयोजक शम्भु साह, नरेन्द्र साह, अमोद केवट, पत्रकार लालबाबु बानिया, रितु कुमारी कर्ण लगायतको सहभागिता रहेको थियो ।

शिबिरमा केडिया आ“खा अस्पतालका चिक्तिसक शिवशंकर प्रसाद, कौशल कुमार कर्ण, राकेश कुमार गिरी, निशा न्यौपाने, राजेश अधिकारी, सोमबहादुर श्रेष्ठ लगायतले आ“खा परीक्षण गरेका थिए ।

युवाहरुको सक्रियतामा गरिबलाई कम्बल

0

वीरगंज ।  वीरगंज महानगरपालिका वडा नं. ३१ बेलवा र लक्ष्मीपुर टोलका ८० जना गरिब तथा विपन्नलाई कम्बल वितरण गरिएको छ । युवाहरुको सक्रियतामा शनिबार ८० जना विपन्नलाई कम्बल वितरण गरिएको हो ।

युवाहरुको व्यक्तिगत सहयोग र प्रयासमा कम्बल वितरण गरिएको युवा समाजसेवी अजय चौरसियाले बताए । सामाजिक अभियन्ता प्रकाश थारुको विशेष पहलमा लक्ष्मीपुरको एक सामुदायिक विधालय र बेलवा टोलको विपन्न वस्तीमा अनौपचारिक कार्यक्रम आयोजना गरेर कम्बल वितरण गरिएको उनले बताए ।

एक हप्तादेखि बढेको चिसोसंगै उक्त टोलका वासिन्दाहरुको सास्ती पनि बढेको खबर पाउनासाथ कम्बल बाड्ने निर्णय गरेको चौरसियाले बताए ।

उक्त कम्बल साथि–भाईको आर्थिक सहयोगले कम्बल वितरण गरिएको थियो । कम्बल वितरण कार्यक्रममा अभियन्ता प्रकाश थारु, युवाहरु जया साह, शिक्षिका अनुराधा चौरसिया लगायतकाको सहभागिता रहेको थियो ।

इकोनोमिक रिपोटर्स एसोसिएशनको समिक्षा भेला एवम् सम्मान कार्यक्रम

0

वीरगंज  । इकोनोमिक रिपोटर्स एसोसिएशन नेपालको आयोजनामा शनिबार वीरगंजमा समिक्षा भेला एवम् सम्मान कार्यक्रम सम्पन्न भएको छ । वीरगंजको गण्डकस्थित क्लर्कस् रिसोर्टमा भएको कार्यक्रमलाई सम्बोधन गर्दै वरिष्ठ पत्रकार जगदिश शर्माले पत्रकारिता क्षेत्र स्थित नभई झुण्डिएको अवस्था रहेको बताएका छन् । पत्रकारिताको धरातल कहा“ रहेको प्रश्न गर्दै कहि न कहिबाट बाध्यताबस प्रभावित रहेको बताए ।

पत्रकारिता भनेको विचित्र किसिमको रहेको बताउ“दै सबै परिस्थितिको सामना गर्न सक्ने पत्रकार सन्तुलन हुनु पर्ने धारणा राखे । कार्यक्रमका प्रमुख अतिथि समेत रहेको पत्रकार शर्माले व्यापारीहरुमा बढि मुनाफा कमाउने मनोबृतिका कारण व्यवसायिक दायित्यव बोध नभएको बताए ।

पहिला केही निश्चित नाफा मात्र लिएर व्यवसायिहरु व्यापार गर्दै आएपनि केही समय यता आएर बढि पैसा कमाउने उदेश्यले बढि मुनाफा कमाउने मनोबृतिको विकास भएको कारण व्यापारीहरुले पनि आफ्नो दायित्व बोध गरिदिन आग्रह गरे । प्रतिक दैनिकका प्रधान सम्पादक समेत रहेका पत्रकार शर्माले भने, ‘‘विश्वमा हामी धनी छौ, मात्र गर्न नसकेको हो । काम गर्ने क्षमता छ तर गर्न नसकेर पछाडी परेका हौं ।’’ हामीमा उत्पादन गर्न क्षमता भएपनि बजार नभएका कारण हाम्रो व्यवसायको विकाश नभएको उनले बताए ।

                                                   सबै पक्ष इमान्दार हुनुपर्छ : अध्यक्ष चौहान
नेपाल पत्रकार महासघ प्रदेश नं. २ का अध्यक्ष दिपेन्द्र चौहानले सबै पक्ष आ–आफ्नो ठाउ“बाट इमन्दार हुनु पर्नेमा जोड दिए । पत्रकारले मात्र ठुला उद्योग, व्यापारीको विषयमा कलम चलाए आर्थिक पत्रकारिता हुने नभई गरिब, कृषकको विषयमा समाचार लेख्दा पनि आर्थिक पत्रकारिताको क्षेत्रभित्र पर्ने बताए ।

                                               उद्योगहरुमा सूचना केन्द्र होस : पत्रकार चन्द्रकिसोर
खोज पत्रकारिता केन्द्र काठमान्डौंका अध्यक्ष चन्द्रकिशोर झाले उद्योगहरुले सूचना लुकाउने होईन सूचना दिने कार्य गर्नु पर्ने बताए ।
उनले भने,‘‘उद्योगहरुमा सूचना केन्द्र होस, सूचना लुकाउने होईन, सूचना दिने कार्य होस् ।’’ यसले उद्योगको नोक्सान नभई फाईदा हुने धारणा राखे ।

पत्रकारहरुको आर्थिक क्षेत्रमा धेरै अवसर रहेको बताउ“दै उनले त्यसको लागि दक्षता र क्षमता पनि हुनु पर्ने बताए । उनले प्रदेश नं. २ मै वीरगंजका आर्थिक पत्रकारहरु लिड गर्न सक्ने अवस्थासमेत रहेको बताए ।

                                              एसोसिएशनको संयोजकमा ओमप्रकाश खनाल

तीन वर्ष अघि गठन भएको एसोसिएशनले आर्थिक क्षेत्रको विकासको लागि विभिन्न कार्यक्रम गर्दै आएको छ । वीरगंजका पत्रकार रितेश त्रिपाठीको संयोजकत्वमा गठन भएको एसोसिएशनको तीन वर्ष पुरा भएपछि संयोजक फेरिएको हो । एसोसिएशनको संयोजक भएका पत्रकार खनालको सोही कार्यक्रममा पदस्थापन समेत गरिएको थियो । जुन एसोसिएशनसंग वीरगंजका १३ जना क्रियशिल पत्रकार आवद्ध रहेका छन् ।

एसोसिएशनको सदस्यमा पत्रकार शंकर अचार्य, क्रान्ति शाह, माधुरी महतो, अनिल तिवारी, निरज पिठाकोटे मगर, सुरेश विडारी, राधेश्याम पटेल, जियालाल साह, बिमला गुप्ता, कविता खड्का, सत्यराज घिमिरे रहेका छन् ।