वीरगञ्ज । पर्साको कालिकामाई गाउँपालिका वडा नं. ३ हरिहरपुर बिर्ताबाट प्रहरीले लागू औषध गाँजा र चरेससहित एक व्यक्तिलाई पक्राउ गरेको छ ।
ईलाका प्रहरी कार्यालय पोखरिया मातहतका रहेको ईलाका प्रहरी कार्यालय कालिकामाईबाट खटेको प्रहरी टोलीले हरिहरपुरस्थित प्रेम हजराको घरमा छापामारी गरेर गाँजा र चरेससहित उनलाई पक्राउ गरेको हो ।
विशेष सूचनाको आधारमा शुक्रबार हरिहरपुरस्थित हजराको घरमा प्रहरीले छापामारी गर्दा एक किलो एक सय ग्राम गाँजा र ४ सय ग्राम चरेस बरामद गरिएको ईलाका प्रहरी कार्यालय पोखरियाका प्रहरी निरिक्षक दिपक थापाले बताए ।
शुक्रबार साँझ सवा ६ बजेको करिवमा प्रहरीले हजराको घरमा छापामारी गरि उनको घरमा लुकाएर राखिएको लागूऔषध गाँजा र चरेस बरामद गरेको थियो ।
पक्राउ परेका हजरालाई ईलाका प्रहरी कार्यालय पोखरिया ल्याई आवश्यक कारवाही अगाडी बढाईएको प्रहरी निरिक्षक थापाले जानकारी दिए ।
