Date
शुक्र, मंसिर ४, २०८३
Fri, November 20, 2026
Home Blog Page 876

पत्रकार महासंघ पर्साकाे २४ औं साधारण सभा सम्पन्न

0
patrakar mahasanghko sadharan sabha

वीरगंज । नेपाल पत्रकार महासंघ पर्साको २४ औं साधारण सभा मंगलबार वीरगंजमा सम्पन्न भएको छ ।

वीरगंजस्थित नेपाल पत्रकार महासंघ पर्साकाे भवनमा भएकाे सधारण सभाकाे उद्घाटन समारोहलाई सम्बोधन गर्दै महासंघका केन्द्रिय सचिव रामप्रसाद दहालले वीरगंजकाे पत्रकारितामा धेरै परिर्वतन आएकाे वताए ।

पर्सा जिल्लाले बनाएकाे सदस्यता सुदृढिकरण आचारसंहिता सिंगो देशले नै पालना गरेकाे वताउदै उनले पहिला भन्दा यहाँकाे पत्रकारितामा धेरै परिवर्तन आएकाे वताए । यहाँकाे पत्रकारित गलत ढंगले अगाडी बढे त्यसकाे असर देशभर नै पर्ने उनकाे भनाई थियाे ।

कार्यक्रमकाे प्रमुख अतिथी समेत रहेका सचिव दहालले महासंघ अब प्रत्यक्ष निर्वाचित प्रणालीमा जान लागेकाे जानकारी गराए ।  उनले पाेखरामा भएकाे महासंघकाे साधारण सभाले प्रत्यक्ष निर्वाचित सहभागिता मूलक नेतृत्व चयनकाे लागि विधान संसाेधन गरेकाे जानकारी गराए ।

साेही साधारण सभाले महासंघलाई ट्रेड युनियनमा लैजान समेत निर्णय गरेकाे जानकारी गराए । उनले महासंघ ट्रेड युनियन संस्थाकाे रुपमा दर्ता भयाे भने पत्रकारकाे श्रमकाे अधिकारकाे सम्मान हुने धारण राखे ।

सचिव दहालले सरकारले ल्याउन लागेकाे कराेडाैं जरिवाना र पत्रकारलाई जेल हाल्ने कानुन राेकन महासंघ सफल भए पनि फेरी अध्याधेश मार्फत त्यस्तै कानुन ल्याउन सरकारले तयारी गरेकाे बाहिर चर्चा रहेका कारण त्यसलाई राेकन मानसिक रुपमा तयार रहन समेत आग्रह गरे । 

कार्यक्रमका विशिष्ठ अतिथी नेपाल पत्रकार महासंघ कै सचिव शितल महताेले सभ्य र मर्यादित पत्रकारिता गर्न आग्रह गरे । उनले तथ्यमा अधारित पत्रकारिता गर्न आग्रह गर्दै देश मै चिनाउने खाले वीरगंजकाे पत्रकारिता हुनु पर्ने सुझाए । 

नेपाल पत्रकार महासंघ पर्साका अध्यक्ष श्याम बन्जाराकाे अध्यक्षतामा भएकाे उद्घाटन समाराेहमा महासंघका केन्द्रिय काेषाध्यक्ष राजेश मिश्रा, प्रदेश नम्बर २ अध्यक्ष दिपेन्द्र चौहान, उपाध्यक्ष केसी लामिछाने, पूर्व अध्यक्ष अशोक तिवारी, नेकपा पर्साका अध्यक्ष प्रभु हजरा, नेपाली काँग्रेस पर्साका सचिव श्याम पटेल, जसपा पर्सा अध्यक्ष रामनरेश यादव, प्रमुख जिल्ला अधिकारी आस्मान तामाङ, पर्साका प्रहरी उपरिक्षक बेलबहादुर पाण्डे, सशस्त्र प्रहरी उपरिक्षक राजेन्द्र खड्का लगायतकाले शुभकामाना मन्तव्य राखेका थिए ।

महासङ्घ पर्साका उपाध्यक्ष अनुप तिवारीले स्वागत गरेको कार्यक्रमको संचालन महासंघ पर्साका सचिव युवराज खड्काले गरेका थिए ।

स्व. गाेपाल गिरी स्मृति पत्रकारित पुरस्कार यादव र केसरीलाई प्रदान 

उद्घाटन समाराेह मै स्वर्गीय गोपाल गिरि स्मृति क्रियाशिल पत्रकारिता पुरस्कारबाट वीरगंजका पत्रकार गया यादव र कन्हैयालाल केसरीलाई पुरस्कृत गरिएको थियो । नारायणी टुडे दैनिक पत्रिकाका सम्पादक यादव र गाेरखा पत्र दैनिक पत्रिकाका पर्सा सम्वाददाता केसरीलाई नगद रु २५ हजारकाे चेक र सम्मान पत्रलले दाेसल्ला ओढाएर पुरस्कृत गरिएको थियाे ।

त्यसैगरी उद्घाटन समाराेह मै महासङ्घ पर्साकाे पूर्व सभापति शंकर खतिवडा, सत्रुघन नेपाल, दिपेन्द्र चाैहान, अशोक तिवारी, केसी लामिछाने, वरिष्ठ पत्रकार जगदिश शर्मा, शितल महतो, महेश दासलगायतलाई दोसल्ला ओढाई सम्मान गरिएकाे थियाे । 

सदस्यता सिफारिसमा नपरेका पत्रकारद्वारा बिराेध प्रदर्शन

pranay sahdawara birodh pradrasanसाधारण सभाकाे उद्घाटन सत्र महासंघकाे भवन भित्र चलिरहदा महासंघकाे भवनकाे मुल गेट मै एक संचारकर्मीले बिराेध प्रदर्शन गरेका थिए । म क्रियाशिल पत्रकार हाेइन ? किनकी‍…, क्रियाशिल पत्रकारकाे परिभाषा के लेखिएकाे पम्पलेट लिएर महासंघकाे भवकाे मुल गेट मै बसेर पत्रकार प्रणय साह विराेध जनाएका थिए ।

उनले सदस्य सिफारिसमा विभेद भएकाेले आफु सांकेतिक बिराेध जनाएकाे वताए । सुरुमा एकलै धारण बसेका साहलाई केही अरु पत्रकारले आएर साथ दिएपछि उद्घाट समाराेहबाट नेपाल पत्रकार महासंघ प्रदेश नं. २ का उपाध्यक्ष केसी लामिक्षानेले आएर सदस्यताकाे लागि आश्वासन जनाए पछि आफु धारणबाट उठेकाे उनले वताए ।

महासंघ पर्साकाे नयाँ सदस्यताकाे लागि ३० जनाकाे नाम महासंघकाे जिल्ला शाखाले प्रदेश शाखालाई सिफारिस गरेकाे छ ।

साधारण सभा सम्पन्न 

sadharan sabha ma brijlal paswanसाधारण सभाकाे उद्घाटन समाराेह पश्चात बन्द सत्र सुरु भएकाे थियाे । महासंघ पर्साका अध्यक्ष श्याम बन्जाराकाे अध्यक्षतामा भएकाे बन्द सत्रमा महासंघ पर्साका सचिव युवराज खड्काले वार्षिक प्रगति प्रतिवेदन र कोषाध्यक्ष भुषण यादवले वार्षिक आर्थिक प्रतिवेदन प्रस्तुत गरेका थिए ।

दुबै प्रतिवेदनमाथी छलफलकाे क्रममा साधारण सभाका सदस्यहरुले महासंघकाे नयाँ सदस्यता वितरण भएकाे कमिकमजाेरी सच्याउन, स्वर्गिय गाेपाल गिरी पत्रकारिता पुरस्कार क्रियाशिल पत्रकारलाई दिनुपर्ने, पत्रकारहरुकाे क्षमता अभिवृद्धि गर्नु पर्ने सुझाव दिएका थिए ।

साधारण सभाकाे बन्द सत्रमा पत्रकार राघव साह, वृजलाल पासवान, अशाेक तिवारी, छठु साह, रितेश त्रिपाठी, विजय चाैहान, विजय भण्डारी, प्रताप श्रेष्ठ,  दिपक गाैतम, मनाेज पटेल, सुरेश विडारी, निरज पिठाकोठे मगर लागयतकाले सल्लाह सुझावसहितकाे आ आफ्नाे धारणा राखेका थिए ।

हाजिर गराई काम गर्न दिन कालिकामाईलाई उच्च अदालतकाे आदेश

0

वीरगंज । उच्च अदालत जनकपुर अस्थायी इजलाश वीरगंजले कालिकामाई गाउँपालिकाकाे नाममा अन्तरिम आदेश जारी गरेकाे छ ।

गाउँपालिकाकाे सेवा ईकाइमा कार्यरत एमआईएस अपरेटर र फिल्ड सहायककाे म्याद थप सम्बन्धि मुद्दा उच्चा अदालत सम्म पुगेपछि साेमबार न्यायाधीश गणेश प्रसाद बराल र न्यायाधिश अन्जु उप्रेतीकाे संयुक्त इजलाशले अन्तरिम आदेश जारी गरेकाे हाे ।

एमआइएस अपरेटर लक्ष्मण साहले माघ १४ गते उच्च अदालतमा दर्ता गराएकाे उत्प्रेषण परमादेश मुद्दामा आइतबार सुनवाई गर्दै दुई जना न्यायाधिशहरुकाे संयुक्त इजलाशले हाजिर गराई काम गर्न दिन आन्तरिम आदेश जारी गरेकाे हाे ।

राष्ट्रिय परिचय पत्र तथा पञ्जीकरण विभागले पुस २० गते म्याद थप गर्न दिएकाे निर्देशन समेत गाउँपालिकाले पालना नगरे पछि एमआइस अपरेटर लक्ष्मण साहले उच्च अदालतमा कालिकामाई गाउँपालिका कार्यालय, गाउँपालिकाकाे प्रमुख प्रशासकिय अधिकृत, गाउँपालिका अध्यक्ष र गाउँ कार्यापालिका विरुद्ध दिएकाे मुद्दामा सुनवाई गर्दै अन्तरिम आदेश जारी गरेकाे हाे । 

कालिकामाई गाउँ कार्यपालिकाकाे पुस ११ मा भएकाे प्रस्ताव नं. ८ काे निर्णय र साे निर्णयकाे आधारमा भएकाे पत्रचार कार्यान्वयन नगरी आयाेजनाकाे लक्ष्य अनुसार निवेदक साहलाई हाजिर गराई काम गर्न दिनु भनी विपक्षीहरुकाे नाममा उच्च अदालत नियमावली २०७३ काे नियम ४२(१) बमाेजिम आन्तरिक आदेश जारी गरेकाे छ । साेकाे जानकारी विपक्षीहरुलाई गराउन समेत आदेशमा उल्लेख छ ।

रिट निवेदक एमआइएस अपरेटर साहकाे तर्फबाट अधिवक्ता कमल माेहन पाेखरेल र विपक्षी कालिकामाई गाउँपालिका कार्यालय समेतकाे तर्फबाट अधिवक्ता रामनाथ महताेले बहस गरेका थिए ।

यस अघि एमआइस अपरेटर र फिल्ड सहायककाे म्याद थप गर्न विभागले दिएकाे निर्देशन गाउँपालिकाले पालना नगरेेपछि उच्च अदालतमा मुद्दा परेकाे थियाे ।

unch adalatko aadesh

कालिकामाईले म्याद थप नहुनुकाे लिखित कारण पनि उपलब्ध गराएन

0

वीरगंज । कालिकामाई गाउँपालिकाले एमआइस अपरेटर र फिल्ड सहायककाे म्याद थप नहुनुकाे लिखित कारण पनि उपलब्ध गराउन मानेकाे छैन् । राष्ट्रिय परिचय पत्र तथा पञ्जीकरण विभागले म्याद थप गर्न दिएकाे निर्देशन समेत पालना गरेकाे छैन ।

एमआइस अपरेटर लक्ष्मण साह र फिल्ड सहायक भेष साहले लिखित कारण माग गर्दा पनि गाउँ कार्यपालिका कार्यालयले उपलब्ध गराएकाे छैन । 

दुबै जनाले संयुक्त रुपमा विभिन्न किसिमकाे लिखित सूचना माग गर्दै गाउँ कार्यपालिकाकाे कार्यालय हरिहरपुरमा मिति २०७७/१०/०९ गते नै निवेदन दर्ता गराए थिए । गाउँ कार्यपालिका कार्यालयमा दर्ता नं. ७१९ मा निवेदन दर्ता भएपनि १० दिन वितिसक्दा पनि सूचना उपलब्ध नभएकाे गुनासाे प्राप्त भएकाे छ ।

निवेदन दर्ता गराउने बेलामा अधिकृत साहले ५ दिन पछि प्रमाणित कागजात उपलब्ध गराउन वताएका थिए । पांच दिन पछि कार्यालय ति कर्मचारी कार्यालय पुग्दा पनि सूचना अधिकारी उलब्ध नगराएका हुन् । 

दुबै जनाले आफ्नाे हाजरीकाे प्रमाणित प्रतिलिपी, म्याद थप नहुनुकाे लिखित कारण, कार्यापालिकाले म्याद थप नगर्न गरेकाे निर्णयकाे प्रमाणित प्रतिलिपी, हाल सम्मकाे कार्य अनुभव, प्रशासन शाखाले मिति २०७७/०८/०८ मा उठाएकाे म्यादकाे टिप्णी आदेश, हाजिरी नगर्नुकाे  लिखित कारण लगायतकाे ७ वटा प्रमाणित कागजात सहितकाे सूचना माग गरेका थिए ।

 यसले आम नागरिककाे सूचना सम्बन्धिकाे हक समेत कुण्ठित भएकाेले सम्बन्धित निकायकाे ध्यान पुग्न जरुरी देखिन्छ ।

जनता आवास कार्यक्रम अन्तर्गत निर्माण हुने घरकाे शिलान्यास

0
pradip yadav

वीरगञ्ज । विगठित प्रतिनिधि सभा सदस्य (सांसद) प्रदीप यादवले पर्सामा जनता आवास कार्यक्रम अन्तर्गत निर्माण गर्न लागिएको घरको शिलान्यास गरेका छन् । पर्सा निर्वाचन क्षेत्र नम्बर १ बाट निर्वाचित प्रतिनिधिसभा सदस्य प्रदीप यादवले प्रदेश नम्बर २ सरकारको बजेटबाट सञ्चालित जनता आवास कार्यक्रम अन्तर्गत निर्माण गर्न लागिएको २८ घरको शिलान्यास गरेका हुन् ।

पर्सा क्षेत्र नम्बर १ (क) बाट निर्वाचित प्रदेशसभा सदस्य जनत अन्सारीको विशेष पहलमा वीरगञ्ज महानगरपालिका वडा नम्बर ३१ को लक्षमीपुरमा रहेका अतिविपन्न, दलित र पिछडिएका समुदायको उत्थानका लागि प्रदेश सरकारले चलाएको जनता आवस कार्यक्रम अन्तर्गत घरहरु निर्माण गर्न लागेको छ ।

शिलन्यास कार्यक्रमलाई सम्बाेधन गर्दै सांसद यादवले जनताको समस्या समाधानका लागि प्रदेश सरकारले निरन्तर काम गरिरहेको बताए । उनले विपक्षी दलले आफूपानि काम नगर्ने र प्रदेश सरकारले गरिरहेको कामविरुद्ध जनतालाई भ्रमित पार्ने प्रपोगण्डा मचाउँने काम मात्र गरिरहेको आरोप लगाए ।

‘प्रदेश नम्बर २ को सरकारले आफ्नो अधिकारमा रहेका हरेक क्षेत्रको विकास र प्रवर्द्धनका लागि काम गरिरहेको छ,’ सांसद् यादवले भने, ‘तर विपक्षीहरुलाई प्रदेश सरकारलाई बद्नाम गराउन विभिन्न प्रपोगण्डा मात्र रच्न जानेका छन् । आफै काम गर्दैनन् र गर्न खोज्दा बद्नाम मात्र गर्छन ।’

फरक प्रसंगमा बोल्दै जसपाको केन्द्रिय सदस्यसमेत रहेका यादवले प्रधानमन्त्री ओलीले संसद् विघटन गरेर देशमा “कु” गर्न लागेको बताए । उनले नेकपाले जनतासँग विश्वासघात गरेको बताउँदै सरकार सफल भएपछि जनताको आक्रोशबाट बच्न संसद् विघटन गरिएको आरोप लगाए ।

शिलान्यास कार्यक्रममा प्रदेशसभा सदस्य जनत अन्सारी, जसपाका पर्सा जिल्ला अध्यक्ष रामनरेश यादव, सचिव तबरेज अहमद लगायतको उपस्थिति रहेको थियो ।

दाेस्राे र तेस्राे माेडल ६ दिने एनिमेटर तालिम सम्पन्न

0

वीरगंज । संवाद सहजीकरणकाे लागि दाेस्राे र तेस्राे माेडलकाे ६ दिने एनिमेटर तालिम साेमबार वीरगंजमा सम्पन्न भएकाे छ ।

 युराेपिएन युनियनकाे सहयाेग र चाइल्ड नेपाल, संरक्षण नेपालकाे सहकार्य तथा ग्रामिण पुनर्निमाण संस्था (आरआरएन) काे आयाेजनामा संचालित किशाेरी संवाद कार्यक्रम अन्तर्गत हाेटल विजय ज्याेति वीरगंजमा संचालित तालिम सम्पन्न भएकाे हाे ।

तालिमकी सहभागि शान्ति किशाेरी संवाद केन्द्र परवानीपुरकी एनिमेटर राेमा कुमारी झाले वैदेशिक राेजगारीमा जादा अपनाउनु पर्ने सावधानी बारे तालिमबाट सिकेकाे वताइन । उनले विदेश मात्र गएर पैसा कमाउन नसकिने आफ्नाे देशमा पनि विभिन्न किसिमकाे राेजागरी गरेर पैसा कमाउन सकिने वताइन ।

अनमाेल किशाेरी संवाद केन्द्रका एनिमेटर  हैदर अली हवारीले समाज परिर्वतन र जिवन परिवर्तनकाे बारेमा तालिमबाट सिकेकाे वताए । उनले आम्दनीकाे स्राेत कसरी बढाउन सकिने र खर्च कसरी बचत गर्न सकिने बिषयमा पनि जानकारी प्राप्त भएकाे वताए ।

मुस्कान  किशाेरी संवाद केन्द्रकी एनिमेटर पुजा कुमारी गुप्ताले एडभान्स खर्च कटाैती गरे र जुवा, तासकाे खर्च बचत गरे जिवनमा दु:ख कष्ट नहुने वताइन । अध्ययनकाे क्रममा प्राप्त हुन नसकेकाे ज्ञापन तालिमबाट प्राप्त भएकाे उनकाे भनाई थियाे ।

किशाेरी संवाद कार्यक्रमका कार्यालय प्रमुख भिम कुमार राईकाे अध्यक्षतामा भएकाे तालिम समापन समाराेहमा पत्रकार सुरेश विडारी, कार्यक्रमका वित्त अधिकृत रविन अधिकारी, संवाद अधिकृत प्रकाश पाण्डे, संवाद उत्प्रेरक उमा राय माझीले मन्तव्य मार्फत तालिमबाट सिकेकाे कुरा व्यहारमा लागु गर्न सुझाव दिएका थिए । कार्यक्रमकाे सहजिकरण संवाद उत्प्रेरक सुनेश्वर साहले गरेका थिए । 

तालिम समापन समाराेह मै संवाद संचालन निर्देशिका भाग २ र ३ समेत वितरण गरिएकाे थियाे ।

पकहा मैनपुरकाे निमित प्रमुख प्रशासकिय अधिकृत सिंहमाथी हातपात

0
pakaha mainpur_mahesh sing

वीरगंज । पर्साकाे पकहा मैनपुर गाउँपालिकाकाे निमित प्रमुख प्रशासकिय अधिकृत महेश सिंहमाथी हातपात भएकाे छ ।

गाउँ कार्यपालिकाकाे कार्यालय पकहा मैनपुरमा साेमबार दिउसाे १२ बजेकाे करिबमा उपाध्यक्ष कुशमी देबीलेे अधिकृत सिंहमाथी हातपात गरेकी समाचार प्राप्त भएकाे छ ।

उपाध्यक्ष कुशमीकाे रु ५ लाखकाे सडक ढलानकाे एउटा याेजना उनकाे आदेश बेगर नै अरुलाई अधिकृत सिंहले कार्य आदेश दिएकाे विषयमा विवाद हुदा हातपात भएकाे वताइएकाे छ । उपाध्यक्ष कुशमीले अधिकृत सिंहलाई आफ्नाे कार्यकक्षमा बाेलाएर मेराे याेजना मेराे आदेश बेगर अरुलाई किन दिनुभयाे साेध्दा अधिकृत सिंहले अपशब्द प्रयाेग गरेका कारण उपाध्यक्ष कुशमीले हातपात गरेकी प्रत्यक्षदर्शीले वताएका छन् ।

गत बर्ष कै पकहा मैनपुर गाउँपालिका वडा नं. २ मैनपुरस्थित सडक ढलानकाे याेजनाकाे विषयमा विवाद हुदा भनाभन समेत भएकाे थियाे । स्थानियका अनुसार उपाध्यक्ष कुशमीले अधिकृत सिंहमाथी हातपात गरेपछि उनी कार्यालयबाट निस्किएर वीरगंज तर्फ लागेका थिए ।

यस बिषयमा अधिकृत सिंहसंग बुझ्दा मेराे र उपाध्यक्ष विच समान्य विवाद मात्र भएकाे र कसैले आफुमाथी हातपात नगरेकाे वताए । उनले उपाध्यक्षले राखेकाे कुरा मैले अध्यक्ष समक्ष राख्ने वताएर कार्यालयबाट निस्किएकाे वताए । अधिकृत सिंंहले आफ्नाे वीरगंज काम भएकाेले दिउसाे नै कार्यालयबाट निस्केकाे वताए ।

उपाध्यक्ष कुशमीले अधिकृत सिंहले आफुमाथी अपशब्ध प्रयाेग गरेका कारण हात छाेडकी स्विकार गरिन । उनले भनिन “यस बिषयमा आफुसंग प्रमुख जिल्ला अधिकारी ज्युले समेत फाेन गरेर साेध्नु भयाे । उहाँले जिल्ला प्रशासन कार्यालय पर्सामा आउन भन्दा आफुले भाेली (मंगलबार) आउने भनेकाे वताइन ।”

अधिकृत सिंहले गाउँपालिका अध्यक्ष विजय चाैरसियाले भनेकाे कुरा मात्र गर्ने, मैले हिसाबकिताब माग्दा पनि उपलब्ध नगराएकाे उनले वताइन ।

पकहा मैनपुर गाउँपालिकामा अध्यक्ष र उपाध्यक्ष बिच लामाे समयदेखी विवाद चल्दै आएकाे छ । गाउँपालिका एकलाैटी तरिकाले अध्यक्ष चाैरसियाले चलाउदै आएकाे उपाध्यक्ष कुशमीकाे गुनासाे छ ।

सम्पादकीय : शित–लहरमा सरकारी बेवास्ता

0

तराईमा बढदो शितलहरका कारण यहाँका जनजीवन कष्टकर बन्दै गएको छ । दिनहुँको बढदो कठ्याङ्गदो चिसो बाट सिंगो तराईको जनजीवन कष्टकर बन्दै जाँदा पनि सरकारी संयन्त्रले कुनै चासो देखाएको छैन ।

वर्षेनी आउने चिसोको मौषममा सरकारी संयन्त्र परिचालित भई चिसोको मारमा परेका निसहाय र गरिब जनतालाई विभिन्न राहत उपलब्ध गराउँदै आए पनि यसपाली पूर्णतः बेवास्ता गरिएको छ ।

यस अघिका चिसोको मौसममा बाटो हिंड्ने बटुवाहरुको अवस्थालाई मध्यनजर गर्दै ठाउँ–ठाउँ न्यानो हुन दाउरा बालेर आगोको ब्यवस्था गरिन्थ्यो भने यसपाली त्यो पनि गरिएको छैन । सामान्यतः यो शित–लहरको मौषममा अति बिप्पन परिवारहरुलाई न्यानो कपडाको अभावका कारण जनजीवन कष्टकर हुनुका साथै विभिन्न रोग व्याधि हुने भएकोले त्यसबाट जोगाउन सरकारी राहतको आवश्यकता देखिन्छ तर त्यसमा सरकारी संयन्त्र उदासीन छ ।

स्थानिय आवश्यकता मध्यनजर गर्दै सोही अनुसार बजेट परिचालन गर्न स्थानीय सरकार अधिकारसम्पन्न रहे पनि स्थानीय आवश्यकता प्रति स्थानीय सरकारहरू पनि गम्भीर देखिएका छैन्न ।

विगतका दिनहरूमा यो मौषमलाई ध्यानमा राखी विभिन्न संघ संस्थाहरुले तदारुकता देखाउदै विभिन्न राहत योजनाहरु ल्याए पनि यसपाली त्यो पनि देखिएन । तसर्थ अविलम्ब स्थानिय आवश्यता अनुसार यो शितलहरमा सरकारी संयन्त्रले गम्भिरता देखाउ“दै विभिन्न राहत योजनाहरु ल्याउन जरुरी छ ।