वीरगंज । पर्साकाे सखुवाप्रसौनी गाउँपालिका वडा -५, एकडर्वा लखनपुरमा डोम, मुसहर समुदायको सशक्तिकरणकाे लागि दलित दबाब समुह गठन गरिएको छ ।
पिसफोर दलित फाउन्डेसन नेपाल, प्रदेश -२ को आयोजनामा भएकाे डाेम, मुसहर समुदायकाे भेलाले रामाअशिस मुसहरकाे संयोजकत्वमा ११ सदस्यीय दलित दबाब समुह गठन गरेकाे हाे । जुन समितिकाे सह-संयोजक संगिता देवी डोम, सदस्यहरु संतोस मुसहर, रामजी मुसहर, मन्तोरा देवि मुसहर, उमा देवी मुसहर, जितेन्द्र मुसहर, गणेश मुसहर, किसमा देवी डोम, दावा मुसहर, राजिन्द्र मुसहर चयन भएका छन् ।
डोम, मुसहर समुदायको अधिकारको लागि संघर्ष गर्न आवश्यक देखिएले दबाब समुह गठन गरिएकाे पिसफाेर फाउन्डेसनका अध्यक्ष मनाेज रामले वताए । दलित समुदायको सबै जाती भन्दा डोम, मुसहर समुदायको अवस्था निकै कमजोर रहेकोेले सशक्तीकरणकाे लागि समुह गठन गरिएकाे उनले जानकारी दिए ।
डोम, मुसहर लगायत दलित समुदायको माथि भैइरहेको हिंसा, हत्या, विभेदको विरुद्ध आवाज उठाउन पनि समुहले काम गर्ने छ ।
भेलामा दलितको सामाजिक न्याय तथा सामाजिक स्वतन्त्रताको लागि १०१ दलित युवा नेतृत्व अभियानको संयोजक सुरेन्द्र पासवान, पिसफोर दलित फाउन्डेसनका अशोक राम, परमान्द राम, चन्द्र किशोर राम, दलित अगुवा लगायतको सहभागिता रहेकोे थियाे ।
