वीरगंज । ज्यान मार्ने उद्याेग मुद्दाका फरार दुई जना अभियुक्तलाई प्रहरीले पक्राउ गरेकाे छ । पर्साको पकाहा मैनपुर गाउँपालिका वडा नं.२ निवासी वर्ष २२ को गनेश साह र वर्ष ३५ को संजय साह तेलीलाई प्रहरीले पक्राउ गरेकाे हाे ।
ज्यान मार्ने मुद्दाका दुई जनालाई पक्राउ गरि थप अनुसन्धान भइरहेकाे जिल्ला प्रहरी कार्यालय पर्साका प्रवक्ता प्रहरी नायब उपरिक्षक मनाेजित कुंवरले वताए ।
बैशाख ७ गते स्थानिय दिलिप साह र रामाकान्त साह पक्ष बिच झडप भएकाे थियाे । झडपमा परी ९ जना घाइते भएका थिए । साे समयमा घाइते मध्येका रामाकान्त साहकाे अवस्था चिन्ताजनक रहेपनि प्रहरीले मुद्दा दर्ता नगरे पछि पिडितले उच्च अदालतमार्फत मुद्दा दर्ता गराएकाे थियाे ।
साेही मुद्दाका ९ फरार अभियुक्त मध्येेका दुई जनालाई प्रहरीले पक्राउ गरेकाे हाे ।
