वीरगंज । पर्साकाे पर्सागढी नगरपालिकामा साेमबार खाद्यान्न सामग्री वितरण गरिएकाे छ । गाउँपालिकाकाे वडा नं ५, ६, ७ मा रहेको मुसहर, तात्वा, डोम, परिवारलाई खाद्यान्न सामग्री वितरण गरिएकाे हाे ।
स्ट्रीट चाइल्ड नेपाल र जावास संस्थाको सहयोगमा आस्मान नेपालले खाद्यान्न सामाग्री वितरण गरेकाे वडाध्यक्ष असलम आलमले जानकारी दिए ।
गाउँपालिकाकाे ३ वटा वडा ५२ गरिब, विपन्न परिवारलाई खाद्य सामाग्री संस्थाले वितरण गरेकाे उनले जानकारी दिए ।
संस्थाले प्रति परिवार चामल २५ किलो, नुन ३ किलो, मास दाल ३ किलो, मसुरो दाल २ किलो, खाने तेल ३ किलो, चाना २ किलो खाद्यन्न सामाग्री वितरण गरेकाे थयाे ।
वडाध्यक्ष आलमकाे अध्यक्षता भएकाे खाद्यान्न सामाग्री वितरण कार्यक्रममा पर्सागढी नगरपालिकाकी उप मेयर अर्चना चाैधरी, जवासका शिवनाथ यादव, वडा सदस्य सतिया देवी, योगेन्द्र साह, सैनुलाह मियाँ, लाल बाबु पण्डित, मात्रिक मंडल, रमेश यादव लगायतकाे उपस्थिति रहेको थियो ।
