Date
शुक्र, मंसिर ४, २०८३
Fri, November 20, 2026
Home Blog Page 852

सखुवा प्रसाैनीमा नि:शुल्क आँखा शिविर सम्पन्न

0

वीरगंज । पर्साकाे सखुवा प्रसाैनी गाउँपालिका वडा नं. १ सथवलमा शनिबार नि:शुल्क आँखा शिविर सम्पन्न भएकाे छ ।

सखुवा प्रसाैनी गाउँपालिका स्वास्थ्य शाखाकाे आयाेजनामा श्री नेरा मावि सथवलमा भएकाे शिविरमा २ सय जनाले आँखा परिक्षण गराएकाे गाउँपालिका स्वास्थ्य संयाेजक राजेश राैनियारले जानकारी दिए । जस मध्ये ५० जनामा माेतिया बिन्दु फेला परेकाे संयाेजक राैनियारले वताए ।

केडिया आँखा अस्पताल परवानीपुरकाे प्राविधिक सहयाेगमा भएकाे शिविरकाे उद्घाटन गाउँपालिका अध्यक्ष प्रदिप जयसवालले गरेका थिए ।

शिविरमा माेतियाबिन्दु फेला परेकाे सम्पूर्णकाे नि:शुल्क सल्यक्रिया समेत गरिने प्रमुख प्रशासकिय अधिकृत संदेश कुमार यादवले वताए ।

नि:शुल्क अल्ट्रासाउन्ड

सखुवा प्रसाैनी गाउँपालिमा नि:शुल्क अल्ट्रासाउन्ड शिविर पनि सम्पन्न भएकाे छ । शिविरमा ३१ जना गर्भावती महिलाहरुकाे नि:शुल्क अल्ट्रासाउन्ड गरिएकाे गाउँपालिका स्वास्थ्य संयाेजक राैनियारले जानकारी दिए ।

गाउँपालिका स्वास्थ्य शाखाकाे आयाेजनामा स्वास्थ्य चाैकी सखुवा प्रसाैनीमा भएकाे शिविरमा १८ जना र स्वास्थ्य चाैकी मधुवल मथवलमा भएकाे शिविरमा १३ जना गर्भावती महिलाहरुकाे अल्ट्रासाउन्ड गरिएकाे उनले जानकारी गराए ।

जग्गाधनीलाई थाहा नदिई ७ कठ्ठा जग्गा नामसारी

0

वीरगंज । पर्साकाे पाेखरिया नगरपालिका वडा नं. ४ पाेखरिया बसपार्क छेउमा रहेकाे कित्ता नं. २८४, २८५ को ७ कठ्ठा जग्गा आफुलाई थाहा नदिई अनितादेवी घर्तीको नाममा नामसारी भएकाे जग्गाधनी बब्ली सिंहले वताएका छन्  ।

बब्ली सिंहलाई मंसिर ९ गते अंशबण्डाको लागि मालपाेत कार्यालय पर्सामा लगिएकाे थियाे । बब्लु सिंहकाे भाई बुहारी अनिता  देबी धर्तीकाे भागमा पर्ने कुल जग्गाकाे आधि साढे ३ कठ्ठा जग्गा अंशबण्डा गर्नु पर्नेमा अनिताकाे भागमा पर्ने साढे तीन कठ्ठा जग्गा र बब्लुकाे भागमा रहेको उत्तिकै जग्गा अनितादेवी घर्तीको नाममा बकसपत्र पास भएपछि घटना बाहिरिएको हो ।

अंशबण्डा गर्न पुगेका बब्लीलाई झुक्याई बुहारी अनिता देबी, लेखनदास जादोलाल साह र अधिवक्ता अनिरुद्ध सिंहले मालपोत अधिकृत चन्द्रबहादुर कटुवालसँग मिलोमतोगरी जग्गा पास गरेको देखिन्छ ।

साेमबार वीरगंजमा पत्रकार सम्मेलन गर्दै बब्लु सिंहले लेखनदास र मालपोत कार्यालयका अधिकृतले आफुसंग केही नसाेधेकाे वताए । उनले आफू संग मात्र सहि छाप गराएका कारण घरपुगेपछि शंका लागेर आफन्त लक्ष्मण सिंहसंग भन्दा साे कुरा थाह भएकाे वताए ।

त्यसकाे भाेली पल्ट मालपाेत कार्यालय पुगेर बुझेकाे र साेही दिन जिल्ला प्रशासन कार्यालय पर्सामा उजरी समेेत दिएकाे उनले वताए ।

नामसारी भएकाे जग्गाकाे पहिलेको पुर्जा आफूसँगै रहेको पत्रकार सम्मेलनमा बब्लु सिंहले देखाउदा पुर्जामा अहिलेसम्म रातो चिह्न समेत नलगाएकाे देखिन्छ तर सो जग्गा कसरी पास भयो भन्ने विषयमा जिल्ला प्रशासन कार्यालयले अनुसन्धान शुरू गरेको छ ।

बब्लीले दिएको नवेदनको आधारमा मालपोत कार्यालय पर्सामा पत्राचार गर्दै जग्गा पास गर्ने, गराउने लेखनदास, सहीछाप गर्ने अधिकृत तथा अन्य व्यक्तिहरूको नाम खुलाई र तत्काल सो जग्गा अरूको नाममा नामसारी गर्नु अघि वास्तविक जग्गाधनी बब्लीको रायविना पास नगर्न पत्राचार गरेको देखिन्छ ।

बब्लु सिंहले राजिखुसी बकस पत्र गरेका हुन् : अनिता देवी धर्ती 

यस अघि अनिता देवी धर्तीले पनि शुक्रबार वीरगंजमा पत्रकार सम्मेलन गर्दै बब्लु सिंहले राजिखुसी जग्गाकाे बकस पत्र गरेकाे वताएकी थिइन ।

जेठा ससुरा बब्लु सिंहकाे खानपिन, रेखदेख र सेवाटहल मैले गरी आएकाेमा उँहाले खुसी भई आफ्नाे अंश हककाे जग्गा मध्ये ७ कठा जग्गा मालपाेत कार्यालय पर्सामा गई माघ १४ गते मेराे नाममा बकस पत्र गरेकाे वताएकी थिइन ।

अतिथी भवन निर्माण सहयाेगार्थ सखुवा प्रसाैनीमा महायज्ञकाे आयाेजना

0

वीरगंज । पर्साकाे सखुवा प्रसाैनी गाउँपालिका वडा नं. १ औराहा (रेन्ज)मा श्रीमद् भागवत धन-धान्याञ्चल सप्ताह ज्ञान महायज्ञ सुरु भएकाे छ ।

शिवरात्रीकाे अवसरमा सुरु भएकाे महायज्ञकाे शनिबार गाउँपालिका अध्यक्ष प्रदिप जयसवालले उद्घाटन गरेका थिए ।

गाउँपालिकाकाे सहयाेगमा शिव मन्दिर प्रर्वद्धन, पुन:निर्माण तथा अतिथी भवन निर्माण सहयाेगार्थ महायज्ञकाे आयाेजना गरिएकाे महायज्ञ मुल समाराेह समितिले जनाएकाे छ ।

महायज्ञ मूल समाराेह समितिका अध्यक्ष प्रमाेद सिलवालकाे अध्यक्षतामा भएकाे उद्घाटन समाराेहमा गाउँपालिकाकी उपाध्यक्ष फुलमती चाैधरी, वडाध्यक्ष बिश्वनाथ पटवारी, राजेन्द्र कडेल, गाउँपालिकाकाे स्वास्थ्य संयाेजक राजेश राैनियार लगायतकाले मन्तव्य राखेका थिए भने कार्यक्रमकाे संचालन गिरी राज कडेलले गरेका थिए ।

७ दिन सम्म चल्ने महायज्ञमा ब्यास पिठासिन बाचक पं. शिवप्रसाद सापकाेटा, कथा उप-वाचक पं. विष्णुप्रसाद तिमिल्सिना लगायतकाकाे मुखारविन्दबाट अमृतमय कथा वाचन, राष्ट्रिय तथा अन्तराष्ट्रिय ख्याती प्राप्त कलाकारहरुद्वारा संगितमय भजन एवम् झाँकी लिला समेत प्रस्तुत गरिने कार्यक्रम संचालक कडेलले जानकारी दिए । 

मेयर सरावगीद्वारा ४ कोठे विद्यालय भवनको शिलान्यास

0

वीरगञ्ज । वीरगञ्ज महानगरपालिका वडा न. १५ भिस्वास्थित श्री नेपाल राष्ट्रिय आधारभूत विद्यालयको भवन निर्माणको लागि शुक्रबार शिलान्यास गरिएको छ ।

वीरगञ्ज महानगरपालिकाका नगरप्रमुख विजय कुमार सरावगीले एक कार्यक्रमका बिच भवनको शिलान्यास गरेका थिए ।  ४ कोठे भवनको शिलान्यास गर्दै नगरप्रमुख सरावगीले विद्यालयको बृद्धि विकास र शैक्षिक गुणस्तरमा कुनै किसिमको सम्झौता नगर्न विद्यालयका प्रधानाध्यापकलाई निर्देशन दिए ।

साथै उनले उक्त भवनको निर्माणले विद्यालयको भौतिक पुर्वाधार विकास हुने र यसले विद्यालयको पठनपाठनमा थप सघाउ पुग्ने विश्वास व्यक्त गरे ।

पर्सा, बारा र रौतहटका ५ दर्जन पत्रकार सम्मानित

0

जितपुर  । ब्रह्म कुमारी राजयोग सेवा केन्द्र वीरगंजले शुक्रबार ८५ औँ महाशिवरात्रि महोत्सव ज्ञान महायज्ञको अवसरमा पत्रकारहरुलाई सम्मान गरेको छ । बाराको पिलुवामा आयोजित महोत्सव उद्घाटन कार्यक्रममा पर्सा, बारा र रौतहटका ५ दर्जन पत्रकारहरुलाई सेवा केन्द्रले सम्मान गरिएको थियो ।

कार्यक्रमका प्रमुख अतिथि प्रदेश नं.२ का उधोग, पर्यटन वन तथा वातावरण मन्त्री राम नरेश राय यादवले पत्रकारहरुलाई खादा ओढाई सम्मान पत्रले सम्मान गरेका थिए । पिलुवास्थित सेवा केन्द्रको व्यवस्थापनमा निर्माण गर्न लागिएको पिस पार्कको मन्त्री यादवले शिलान्यास समेत गरेका थिए ।

सेवा केन्द्र वीरगंजकी मुख्य संचालिका राजयोगनी ब्रह्म कुमारी रबिना दिदीको अध्यक्षतामा भएको कार्यक्रममा प्रदेश सभा सदस्य ज्वाला साह, नेपाली काँग्रेसका नेता शोभाकर पराजुली, नेपाल पत्रकार महासंघ प्रदेश नं. २ का सचिव गुरु गौत्तम, पत्रकार महासंघ पर्साका अध्यक्ष श्याम बन्जारा, ब्रहमकुमार राम सिंह लगायतको सहभागीता रहेको थियो ।

नव निर्वाचित पदाधिकारी तथा सदस्यहरुको शपत ग्रहण 

0
वीरगंज । जिल्ला बचत तथा ऋण सहकारी संघ लि. पर्साको नव निर्वाचित पदाधिकारी तथा सदस्यहरुको शपत ग्रहण तथा सम्मान कार्यक्रम शुक्रबार सम्पन्न भएको छ ।
वीरगंजको गण्डकस्थित कलर्स रिसोर्टमा भएको कार्यक्रममा निर्वाचन अधिकृत रामनारायण कुर्मीले नव निर्वाचित पदाधिकारी तथा सदस्यहरुको शपथ ग्रहण गराएका थिए । 
 
गत शनिबार भएको निर्वाचनमा संघको अध्यक्षमा राजेश पण्डित, संघको वरिष्ठ उपाध्यक्षमा असगर अलि अंसारी, उपाध्यक्षमा राकेश यादव, महासचिवमा  जिष्णु बराल, सचिवमा प्रभाकर गुप्ता, कोषाध्यक्षमा नगनारायण सिंह, सदस्यहरुमा भागवती शर्मा, गिरी राज कडेल, अरुण कुमार शर्मा, कुन्दन प्रसाद र विजय कुमार गुप्ता निर्वाचित भएका थिए । 
 
त्यसैगरी, संघको लेखा सुपरिक्षण समितिको संयोजकमा राजेन्द्र प्रसाद जयसवाल, सदस्यमा हृदयनारायण साह र मनोज गुप्ता निर्वाचित भएका थिए । संघका अध्यक्ष पण्डितको अध्यक्षता र वीरगंज महानगरपालिकाका मेयर विजय कुमार सरावगीको प्रमुख आतिथ्यतामा शपत ग्रहण तथा सम्मान कार्यक्रम भएको थियो । 

समाजवादी दलित मुक्ति महासंघ पर्सा गठन

0

वीरगञ्ज । जनता समाजवादी पार्टीको भातृ संगठन समाजवादी दलित मुक्ति महासंघ जिल्ला कार्य समिति पर्सा शुक्रबार गठन गरिएको छ ।

जसपा पर्साका अध्यक्ष रामनरेश यादबको सभापतित्वमा सम्पन्न दलित अगुवाहरुको भेलाले नरेन्द्र हजाराकाे अध्यक्षतामा ३१ सदस्यीय समाजवादी दलित मुक्ति महासंघ पर्सा गठन गरेकाे जसपा पर्साका जिल्ला सचिव तबरेज अहमदले जानकारी दिए ।

नव गठित महासंघ पर्साकाे उपाध्यक्षमा जगत राम, जयप्रकाश राम, सचिबमा नागमणि, सहसचिबमा गणेश राम, अवधेश बैठा लगायत रहेका छन् । भेलाले समितिको बरिष्ठ सल्लाहकारमा राजदेव पासवानलाई चयन गरेकाे छ ।

भेलाले आगामी चैत्र ६ र ७ गते आवासिय प्रशिक्षणको आयोजना गर्न समेत निर्णय गरेकाे जिल्ला सचिव अहमदले वताए ।

जिल्लाभित्रका पार्टी संगठनका सक्रिय दलितहरुको क्षमता अभिबृद्धी र नेतृत्व विकासका निमित्त प्रत्येक स्थानीय तहबाट ५ जना पुरुष र २ जना महिला गरी ७ जनाको दरले ९८ जनालाई परवानीपुरस्थित कृषि केन्द्रमा आवासिय प्रशिक्षणको आयोजना गरिने सचिव अहमदले जानकारी दिए ।

भेलालाई सम्बोधन गर्दै जसपाका केन्द्रिय सदस्य एवम् प्रदेश सभा सदस्य प्रह्लाद गिरीले जात व्यवस्थाको अन्त्य गरी समानता र समावेशिताको बाटोलाई अंगाल्नुपर्नेमा जोड दिएका थिए । दलित समुदायलाई समाजका हरेक क्षेत्रमा पहुँच र समावेश बनाउने अभिप्रायले संगठन विस्तार गरिएको उनले वताए ।

कार्यक्रममा जसपा पर्साका इन्चार्ज एवम् प्रदेश सभा सदस्य सिहासन सा कलवारले दलित समुदायलाई समृद्ध नबनाउँदा सम्म देश समृद्धि हुन नसक्ने धारणा राखेका थिए ।

सो अवसरमा जसपा प्रदेश २ का उपाध्यक्ष रामप्रित पासवानले दलित शब्दको उत्पति, जात व्यवस्थाको इतिहासदेखी वर्तमानसम्मको अवस्थाबारे प्रकाश पारेका थिए ।

भेलामा जसपाकी प्रदेश सदस्य ललिता दासले दलित समुदाय जाग्नु पर्ने बेला आएको र दमन तथा शोषण सहेर बस्ने बेला नभएको भन्दै गीत प्रस्तुत गरेकी थिइन ।

१४ बर्षपछि मानव बेचबिखन मुद्दाका फरार अभियुक्त दास पक्राउ

0

वीरगंज । मानव बेचबिखन मुद्दाका एक फरार अभियुक्तलाई प्रहरीले पक्राउ गरेकाे छ । बाराकाे करैयामाई गाउँपालिका वडा नं. ८ नरहीका ४६ बर्षिय जगदिश दासलाई प्रहरीले पक्राउ गरेकाे हाे ।

२०६३ मंसिर २१ गते साँझ ७ बजे जिल्ला बाराकाे साविक गा.वि.स.करैया वडा नं.८ स्थित करैया पुलमा काठमाण्डौंबाट आएको बा २ ख ६४१ नम्बरको दिवा यात्रुबाहक बसलाई पक्राउ परेका दास समेतका व्यक्तिहरुले बसलाई अवरोध गरी रोकी बसभित्र प्रवेश गरी साथमा लिई राखेको हातहतियार (कटुवा बन्दुक) देखाई बसका धनी जिल्ला खोटाङ्ग गा.वि.स.दिक्तेल वडा नं.२ घर भई जिल्ला भक्तपुर मध्युपुर ठिमि नगरपालिका वडा नं.१५ मा बस्ने तारा कुमार खत्रीलाई समाती निजको साथमा रहेको नगद, मोबाइल र घडी समेत खोसी लिई अपरहण गरेका थिए ।

फिरौती रकम नपाए भारतमा लगी बेच्ने योजना अनुरुप आँखामा पट्टी बाँधी अपहरण गरी लगी पक्राउ परेका दासको घरमा बन्धक बनाई राखेको अवस्थामा निज पीडित उक्त स्थानबाट अपहरणकारीको आँखा छली भाग्न सफल भएको तथा प्रहरीले उद्दार गरी जिल्ला प्रहरी कार्यालयमा बारामा ल्याई जाहेरी बमोजिम मुद्दा दर्ता भएको थियाे ।

साेही मुद्दाका १४ बर्षदेखी फरार अभियुक्त दासलाई पक्राउ गरिएकाे जिल्ला प्रहरी कार्यालय बाराका प्रवक्ता एवम् प्रहरी नायब उपरिक्षक गाैतम मिश्राले जानकारी दिए ।

प्रकाउ गरिएकाे दासलाई मानव बेचबिखन तथा ओसार(नियन्त्रण) एेन, २०६४ अन्तर्गत सम्मानित बारा जिल्ला अदालतमा म्याद अनुमति लिई अनुसन्धान भइरहेकाे उनले जानकारी दिए ।