वीरगञ्ज । वीरगञ्ज महानगरपालिका वडा न. १५ भिस्वास्थित श्री नेपाल राष्ट्रिय आधारभूत विद्यालयको भवन निर्माणको लागि शुक्रबार शिलान्यास गरिएको छ ।
वीरगञ्ज महानगरपालिकाका नगरप्रमुख विजय कुमार सरावगीले एक कार्यक्रमका बिच भवनको शिलान्यास गरेका थिए । ४ कोठे भवनको शिलान्यास गर्दै नगरप्रमुख सरावगीले विद्यालयको बृद्धि विकास र शैक्षिक गुणस्तरमा कुनै किसिमको सम्झौता नगर्न विद्यालयका प्रधानाध्यापकलाई निर्देशन दिए ।
साथै उनले उक्त भवनको निर्माणले विद्यालयको भौतिक पुर्वाधार विकास हुने र यसले विद्यालयको पठनपाठनमा थप सघाउ पुग्ने विश्वास व्यक्त गरे ।
