Date
शुक्र, मंसिर ४, २०८३
Fri, November 20, 2026
Home Blog Page 853

वीरगंजमा चल्ने ई-रिक्साकाे भाडा ताेकियाे

0
e riksa_kalikatimes
वीरगंजमा संचालनमा रहेकाे ई रिक्सा । फाईल तस्बिर

वीरगन्ज । वीरगन्ज महानगरपालिकाको कार्यालयमा शुक्रबार ई–रिक्साको रुट र भाडा दर सम्बन्धि छलफल कार्यक्रम सम्पन्न भएको छ ।

कार्यक्रममा वीरगन्ज महानगरपालिका अन्तर्गत रहेको यातायात तथा सवारी व्यवस्थापन कार्यबिधि २०७६ कार्यान्वयनका लागि कार्यदल समेत गठन गरिएको छ ।

वीरगन्ज महानगरपालिकाका पुर्वाधार बिकास समितिका अरबिन्द कुमार गुप्ताको संयोजकत्वमा गठित कार्यदलकाे सदस्य सचिबमा बिजय कुमार गुप्ता, सदस्यमा सडक तथा यातायात व्यवस्था शाखा बिरगन्ज, नागरिक समाज बिरगन्जका अमर गौतम, ट्राफिक बिज्ञ राजन श्रीवास्तव, नेपाल ईलेक्ट्रिक रिक्सा सञ्चालक कम्पनी प्रा.लि. वीरगन्ज पर्साका अध्यक्ष अमजद अन्सारी, यातायात व्यवस्था कार्यालय वीरगन्जका सवारी शाखाका अधिकृत अजय लाल कर्ण लगायतका रहेका छन् ।

साेही कार्यदलले वीरगन्ज महानगर भित्र चल्ने ईरिक्साको भाडा दर सर्वसहमतीबाट निर्णय गरेको र शनिबार देखि ई–रिक्साका रुट र भाडादर सबैले देख्ने गरि राखिने निर्णय गरेकाे छ ।

कार्यदलकाे बैठकले १० वटा स्थान जाने र आउने रुट कायम गरेको छ भने रुट अनुसारको बोर्ड र भाडादर समेत सर्वसाधारणले देख्ने गरि राखिने निर्णय गरेकाे हो ।

रुट नं. १ मा घन्टाघर देखि सुरु भई माईस्थान, लोहारपट्टि चोक सम्म १०, बिर्ता चौकको, नारायणी अस्पताल सम्म १५, ईदगाह चौक सम्मको २५ र रजतजयन्ती चोक हुँदै मितेरी पुलसम्मको ३० रुपैया कायम भएको छ ।

रुट नं.२ मा घन्टाघर देखि डेरि हक १०, मुर्ली चोकसम्म १०, त्रिमुर्ति चोक र पावरहाउस चोकसम्मको १५, चिनिमिल आवास र पिपरा बहुअरि २० त्यसपछि गण्डक चौकसम्मको ३० रुपैया तोकिएको हो ।

रुट नं. ३ मा घन्टाघर– जिल्ला प्रशासन कार्यालय – रानिघाट – श्रीपुरटोल – वडा प्रहरी कार्यालय – राधेमाई – करबोला चोक सम्मको २० रुपैया तोकिएको छ भने रुट नं. ४ मा घन्टाघर देखि लिंकरोड–ब्यारेक चौक– नयाबसपार्क – मेडिकल– भेडियाही गाउँ सम्मको २५ रुपैया रहेको छ ।

रुट नं. ५ मा लक्ष्मनवा चौक देखि – प्रतिमा चौक, ब्रह्मचोक सम्म १०, न्युरो अस्पताल, नेपाली सेनाको ब्यारेक सम्म १५ र ३ नम्बर सडक हुँदै रेशमकोठी चोक, लोहारपट्टी चोकको २०, राष्ट्र बैक –नगरपालिका चोक सम्म २५ र रा. बैक चोक हुँदै पुरानो बसपार्क सम्मको ३० लिने तोकिएको छ ।

बालबालिकाकाे सवालमा अति संवेदनशिल हुन जरुरी छ : मेयर सरावगी

0

वीरगंज । बिपत बाल अधिकारको सुनिश्चिता हाम्राे र सबैको साझा प्रतिबद्धता भने मुल नाराका साथ शुक्रबार वीरगंजमा बाल अधिकारको संरक्षण प्रबर्द्धन तथा बालबालिका सम्बन्धी ऐनको कार्यन्वयनमा स्थानिय तहको भुमिका सम्बन्धी जिल्ला स्तरिय छलफल कार्यक्रम सम्पन भएको छ ।

जिल्ला समन्वय समिती पर्साको आयोजना र राष्ट्रिय बालअधिकार परिषद श्रीमहल ललितपुरको सहजिकरणमा वीरगंजस्थित पुजन होटलमा भएकाे कार्यक्रम सम्पन्न भएकाे हाे । 

कार्यक्रममा बालअधिकार सम्बन्धमा नेपालको कानुनमा भएको मुख्य प्रावधानहरुको बारेमा राष्ट्रिय बालअधिकार परिषदकी नमुना भुसालले प्रस्तुती गरेकी थिइन । भुसालले प्रस्तुती गर्दै नेपाल सरकारले २०७२ को धारा ३९ मा बालबालिकाको मौलिक अधिकारको बारेमा बोलेकोले स्थानिय तहले पनि कार्यबिधी बनाउनु पर्नेमा जोड दिएकी थिइन ।

कार्यक्रमका प्रमुख अतिथी वीरगंज महानगरपालिकाका मेयर बिजय कुमार सरावगीले बालअधिकारको सवालमा हामी सबै जनप्रतिनिधी तथा कर्मचारीहरु अग्रगतीमा काम गर्न जरुरी रहेको बताए । उनले भने “कामको दौरानमा कोई कम बेस होला तर बालअधिकारको सवालमा सबैले कानुन होस वा शिक्षा, स्वास्थ्य, बालविवाह, श्रम शोषणको बारेमा अति संबेदनशिल भई अगाडी बढनु पर्छ ।”

जिल्ला समन्वय समिती पर्साका सभापति नेक महम्मद अंसारीको अध्यक्षता भएकाे कार्यक्रममा १४ वटा पालिकाले ऐन कार्यन्वयन गर्न प्रतिबद्धता जनाएका थिए ।

कार्यक्रममा वीरगंज महानगरपालिकाकी उप मेयर शान्ति कार्की, जिल्ला समन्वय समिती पर्साका उपप्रमुख ठाकुर प्रसाद न्यौपाने, जगरनाथपुर गाउँपालिकाका अध्यक्ष जालिम मियाँ, ठोरी गाउँपालिकाका प्रमुख पिएल श्रेष्ठ, जिराभवानी गाउँपालिकाका प्रमुख रामप्रीत चौधरी, पटेर्वा सुगौली गाउँपालिकाकी उपप्रमुख ममता चौधरी, छिपहरमाई गाउँपालिकाका प्रमुख प्रशासकिय अधिकृत देवनाथ साह, बिन्दवासिनी गाउँपालिकाका निमित प्रमुख प्रशासकिय अधिकृत मुन्ना रौनियार लगायतकाले मन्तब्य राखेका थिए भने जिल्ला समन्वय समिती पर्साका समन्वय अधिकारी छवीरमण भटराईले स्वागत मन्तब्य राखेका थिए ।

पाेखरिया र बारागढीमा भएकाे कार्यक्रममा १२३ जनाद्वारा रक्तदान

0

वीरगंज । पर्साको पोखरियामा शुक्रबार रक्तदान कार्यक्रम सम्पन्न भएकाे छ । नेपाल रेडक्रस साेसाइटी पाेखरिया उप शाखामा भएकाे कार्यक्रममा ८३ जनाले रक्तदान गरेकाे रक्त संचार केन्द्र वीरगंजका प्राविधिक धिरेन्द्र झाले जानकारी दिए ।

नेपाल रेडक्रस सोसाइटी पोखरिया उप शाखाका सभापति भगवान प्रसाद कुर्मीको सभापतित्वमा भएकाे कार्यक्रममा अनिल गिरी, जनार्धन गिरी, रामाकान्त महताे, बृजेश साह, प्रभेन्द्र प्रसाद थारु, प्रभात पटेल, हरिकिशाेर प्रसाद चाैहान, अजय कुमार यादव, अजय महताे नुनिया, रमेन्द्र ठाकुर, आदित्य कुमार गुप्ता, अनिल यादव, दुर्गा बहादुर कार्की, सुमन प्रसाद ब्राहमण, अमित चाैहान, बिरेन्द्र साह लगायतकाले रक्तदान गरेका थिए ।

पोखरिया नगरपालिका, पाेखरिया अस्पताल, नेपाल रेडक्रस सोसाइटी पोखरिया उप शाखा, इलाका प्रहरी कार्यालय पाेखरिया, सशस्त्र प्रहरी बल पोखरिया र नेपाल बिधुत प्राधिकरण वितरण केन्द्रकाे संयुक्त आयाेजनामा रक्तदान कार्यक्रम भएकाे थियाे । 

कार्यक्रममा प्रदेश सभा सदस्य प्रहलाद गिरी, पोखरिया नगरपालिकाका मेयर दिपनारायण राैनियार, नेपाल रेडक्रस सोसाइटी पर्साका कार्यक्रम प्रमुख उदयराज शर्मा, जिल्ला सदस्य दयाशंकर सिँह, ललन द्विवेदी, हिमान्चल साह, शैलेन्द्र मिश्रा, डा. अनिल यादव लगायतको सहभागिता रहेको थियोे ।   

 बारागढीमा २ महिलासहित ४० जनाद्वारा रक्तदान 

बाराकाे बारागढी गाउँपालिकामा पनि शुक्रबार खुल्ला रक्तदान कार्यक्रम सम्पन्न भएकाे छ । बारागढी गाउँ कार्यपालिकाकाे कार्यालयमा भएकाे कार्यक्रममा २ महिलासहित ४० जनाले रक्तदान गरेको रक्तसञ्चार केन्द्र वीरगञ्जका प्रमुख सौरभ राज पाण्डेले जानकारी दिए । 

बारागढी गाउँपालिकाको सहयोग तथा नेपाल रेडक्रस सोसाइटी बारागढी उपशाखा र बारागढी युवा क्लब खोपवाको आयोजनामा रक्तदान कार्यक्रम भएको थियाे ।

रक्त सञ्चार केन्द्रकाे प्राविधिक सहयोगमा भएकाे कार्यक्रममा नेपाल रेडक्रस सोसाइटी बारागढी उपशाखाका सभापति माधव प्रसाद उपाध्याय गौतम, डा.आमोदमणि दिक्षित, सुशिलराज गौतम, बारागढी युवा क्लब खोपवाका अध्यक्ष उपेन्द्र चौधरी, मुकेश चौधरी, बारागढी गाउँपालिका अध्यक्ष देवदत्त बछार थारु, उपाध्यक्ष लक्ष्मीदेवी राय, प्रमुख प्रशासकीय अधिकृत आमोद चौधरी, वडाध्यक्ष मनेजर चौधरीलगायतको उपस्थिति रहेको थियो ।

बिहारको भारतीय बजारमा नेपाली रुपैयाँको मनपरी बट्टा

0

जिराभवानी । कोरोना भाइरसको कारण करिब ८ महिनादेखि पर्सा लगायत मधेशका जिल्लाहरुमा नाकाबन्दीले खाद्यान्न तथा दैनिक उपभोग्य सामग्रीको असहज परिस्थितिको मौका छोपी सिमावर्ती भारतीय बजारहरुमा नेपाली रुपैयाँसंग भारतीय रुपैयाँ साट्दा मनपरी बट्टा शुल्क लिई नेपालीहरु ठगिदै आईरहेका छन् ।

सिमावर्ती भारतीय बिहारको बजारहरुमा सरसामान खरिद गर्न पुगेका सर्वसाधारण मनपर्दी दर रेटमा नेपाली रुपैयाँसँग भारतीय रुपैयाँ साट्दा मनपरी शुल्क लिईएको एक स्थानीयले बताए ।

केही दिन अगाडि बिहेको लागि खाद्यान्न सामग्री खरिद गर्न पर्साकाे सिमा नजिकको भारतीय बजार भङ्गहा बजारमा पटेर्वा सुगौली गापा २ का स्थानीय राजेश मन्डल पुगेका थिए । राहुल भन्ने पसलेलाई भेट्दा १०० नेपालीको ५५ रुपैयाँ मात्र भारु दिई आफू ठगिएको महसुस गरेका थिए । यो सँगै आजभोलि १ हजार नेपाली रुपैयाँको भारु ६०० / ६१० त कहिले ६१५ भारु दिइने गरेका छन् ।

भार्तिय सिमावर्ती मैनाटड, सिक्टा, इनार्वा, भङ्गहा, जमुनिया, भिखना ठोरीका स्थानबाट दैनिक उपभोग्य वस्तु ल्याउने क्रममा त्यहाँका व्यपारीहरु सर्वसाधारण नेपालीहरुलाई ठगिदै आईरहेको छन् ।

यसैगरी, लत्ताकपडा खाद्यान्नमा पनि दररेट सस्तो भएपनि समस्या पहिलाको नै देखिन्छ । त्यसकारण जीवन एकदमै अस्तव्यस्त हुनुका साथै दैनिक जीवन उकास्न र दैनिकी काट्न धो धो रहेको स्थानियहरुकाे गुनासाे रहेकाे छ ।

गुणस्तरहीन भारतीय अण्डाले नेपाली बजार प्रभावित 

0

सर्लाही । खुल्ला सीमानाका कारण गुणस्तरहीन भारतीय अण्डा सस्तो मूल्यमा भित्रिन थालेपछि यहाँका अण्डा उत्पादक किसान मारमा परेका छन् ।  

भारतबाट लुकाइछिपाइ गुणस्तरहीन सेतो अण्डा यहाँका बजारमा भित्रिन थालेपछि यहाँका अण्डा उत्पादक किसान मारमा परेका हुन् । “सेतो अण्डाले बजार विगा¥योे । उस्तै देखिएपनि सेतो अण्डा यहाँ उत्पादन भए जस्तो हुँदैन”, अण्डा व्यावसायी सुभाष तिमल्सिनाले भन्नुभयो, “गुणस्तरहीन भारतीय सेतो अण्डा बजारमा छ्याप्पछ्याप्ती पाउन थालेपछि यहाँका वास्तविक किसान मारमा परेका छन् ।’  

भारतीय सेतो अण्डा नेपालको उत्पादन भन्दा सस्तो हुने भएकाले लुकाइछिपाई ल्याई नेपाली बजारमा भारतीय अण्डा बिक्री वितरण गर्ने गरेका कारण आफूहरु मारमा परेको सर्लाहीका पोल्ट्री व्यवसायीको गुनासो छ ।

आफूहरुले पटक–पटक भारतीय अण्डाको आयात रोक्न माग गरे पनि स्थानीय प्रशासनले यसबारे चासो देखाएको छैन उनीहरुको भनाइ छ ।  भारतबाट भित्रिने पक्षीजन्य वस्तु नियन्त्रणका लागि आवश्यक पहल भइरहेको सर्लाहीका सहायक प्रमुखजिल्ला अधिकारी भुमेश्वर पोखरेलले जानकारी दिनुभयो ।

भारतबाट भित्रिने कुखुरा, चल्लार अण्डामा रोक लगाउन सीमा क्षेत्रमा खटिएका सशस्त्र प्रहरी र नेपाल प्रहरीलाई निर्देशनदिइसकेको उहाँले बताउनुभयो ।

सर्लाहीको  सीमावर्ती क्षेत्र मलङ्गवा, त्रिभुवननगर, पर्सा, सङ्ग्रामपुर, हरिपुर्वा, कौडेना, गोडैता, फूलपरासी, मधुवनगोठ, सिसौटलगायतका बजारमा भारतीय अण्डाको व्यापार फस्टाएको छ ।

स्वदेशी उत्पादन प्रवद्र्धनकालागि भारतबाट भित्रिने पक्षीजन्य वस्तु नियन्त्रण गर्नु आवश्यक रहेको जिल्ला समन्वय समिति सर्लाहीका सभापति मेथुर चौधरीले बताउनुभयो । रासस

सांसद साहद्वारा एक गरिब परिवारलाई सहयाेग

0

पर्सागढी । वीरगंज माहानगरपालिकाकाे वडा नं. २९ मुसैली टोलका एक गरिब परिवारलाई बिहिबार प्रदेश सांसद राजेशवर साहले सहयाेग गरेका छन् ।

आगाे लागेर गम्भिर घाइते भएकी स्थानिय राजेश महतोकी श्रीमती रिङकु देबीकाे उपचारकाे क्रममा फागुन ९ गते मृत्यु भएकाे थियाे । 

उनकै मृत्युकाे १२ ‌औं दिनकाे पुण्य तिथीमा सांसद साहले काम क्रियाकाे लागि खाद्या सामग्री सहयाेग गरेका हुन् । सांसद साहले आफै राजेश महतोकाे घर मै पुगी दुई बोरा चामल, दुई बोरा चिउरा, एक बोरा दाल, चिनी एक बोरा, नुन, तेल एक काटून लगायतकाे सामग्री सहयोग गरेका थिए ।

साे समयमा नेपाली कांग्रेसका नेता मदन यादब, सरजु महतो, मदन ठाकुर लगायतकाे उपस्थिती रहेको थियो ।

सुरक्षित सिकाई प्रबर्धनकाे लागि स्थानिय सरोकारवालाहरुसंग संवाद

0

वीरगंज । पर्साको कालिकामाई गाउँपालिका वडा नं. २ भेडिहारीमा बिहिबार सुरक्षित सिकाई प्रबर्धनकाे लागि स्थानिय सरोकारवालाहरुसंगको संवाद कार्यक्रम सम्पन्न भएको छ ।

श्री सुकई साह माध्यमिक विद्यालय भेडिहारीमा भएको कार्यक्रममा वोल्ने वक्ताहरुले विद्यालयमा सुरक्षित सिकाईको बाताबरण बनाउन गाउँपालिकाले पहल गर्नु पर्ने वताए । यसका साथै गाउँपालिकाले विद्यालय कक्षा काेठाकाे अभाव रहेकाेले भौतिक संरचना निर्माणको लागि योजना बनाउनु पर्ने वताए थिए ।

विद्यालयको एउटा कक्षामा ८० जनादेखी २०० जना सम्म विद्यार्थी रहे पनि कक्षा कोठाको अभाव रहेकोले गाउँपालिकाले कक्षा काेठा निर्माण गर्नु पर्ने  वक्ताहरुकाे भनाई थियाे ।

गाउँपालिकाले शिक्षा क्षेत्रको बजेट बढाएर भए पनि विद्यालयको भौतिक संरना निर्माण गरी सुरक्षित र गुणस्तरिय शिक्षा पर्दान गर्नु पर्ने वक्ताहरुको सुझाव थियो ।

भिएसो नेपालको सहयोग र आसमान नेपालको आयोजनामा भएको कार्यक्रममा गाउँपालिका अध्यक्ष नथुनी प्रसाद कुशवाहा, उपाध्यक्ष राजेश चौरसिया, प्रमुख प्रशासकिय अधिकृत जयचन्द्र साह, ब्रिलिएन्ट युवा क्लबका अध्यक्ष छठु साह, विद्यालय व्यवस्थापन समितिका अध्यक्ष विनोद चौरसिया, गाउँपालिकाको प्रशासन शाखा प्रमुख राजु अधिकारी, शिक्षा शाखा प्रमुख हिमान्सु भट, स्वास्थ्य सह संयोजक महेन्द्र चौरसिया लगायतको सहभागिता रहेको थियो ।

चलचित्र पत्रकार संघ नेपालको पर्सा शाखा गठन

0

वीरगञ्ज ।  चलचित्र पत्रकार संघ नेपालको पर्सा शाखा गठन गरिएको छ । रेडियो वीरगञ्जकी कार्यक्रम संयोजक निलिमा पौडेको अध्यक्षतामा ११ सदस्यीय तदर्थ समिति गठन गरिएको हो । 

बिहिवार एक कार्यक्रमका बिच गठित कार्यसमितिको उपाध्यक्षमा विवेक कर्ण, सचिबमा सूर्यनारायण वि.क., सहसचिबमा प्रणय साह, कोषाध्यक्षमा समिना रञ्जितकार, सदस्यहरुमा क्रमश सोनम गौतम, रश्मिराज भण्डारी, शम्भु कुमार सुमन, जय यादब, रन्जित यादब र एञ्जल चौधरी रहेका छन् । 

चलचित्र पत्रकार संघ नेपाल पर्सा शाखा गठन कार्यक्रमलाई सम्बोधन गर्दै कार्यक्रमका प्रमुख अतिथि चलचित्र पत्रकार संघ नेपालका केन्द्रिय महासचिब समिर बलामीले वीरगञ्जमा नेपाली चलचित्रको बजार अन्य क्षेत्रको भन्दा कम भएको हुँदा यस समितिले चलचित्रको बजार बढाउन सघाउने विश्वास व्यक्त गरे ।

देशकै आर्थीक एवम् व्यापारिक हबको रुपमा परिचित वीरगञ्जमा चलचित्रकाे सम्भावनाहरु भएपनि राज्यको नजरबाट उपेक्षामा परेको बताउँदै यहाँका कला प्रतिभा तथा संस्कृतिको प्रवर्द्धन एवम् संरक्षण गर्न संघले भुमिका खेल्नुपर्नेमा जोड दिए । चलचित्र पत्रकारको इतिहासदेखी वर्तमान अवस्थाको बारेमा प्रकाश पार्दै महासचिब बलामीले संघको सक्रियताले गर्दा चलचित्रकर्मीहरुको नजर वीरगञ्जमा पर्ने अवस्थाको सृजना गर्न कार्यसमितिका पदाधिकारीलाई अपिल गरे ।

कार्यक्रममा नेपाल पत्रकार महासंघ पर्साका अध्यक्ष श्याम बन्जारा, चलचित्र निर्माता एवम् होटल तथा पर्यटन व्यावसायी संघ पर्साका अध्यक्ष हरी पन्त, ब्रोडकास्टिंग एशोसियसन नेपाल प्रदेश न. २ का संयोजक आरसी यादब, नेपाल आदिवासी जनजाती पत्रकार संघ प्रदेश न. २ का संयोजक निरज पिठाकोटेले शुभकामना मन्तव्य व्यक्त  गरेका थिए । 

कार्यक्रममा सञ्चारकर्मी नवराज फुयालले स्वागत मन्तव्य राखेका थिए ।

विमितकाे घर मै पुगी मृत्यु दाबीकाे चेक हस्तान्तरण

0

वीरगंज । सानिमा लाईफ इन्स्याेरेन्स वीरगन्ज शाखाले आज एक विमितकाे मृत्यु दाबी घर मै पुगेर हस्तान्तरण गरेकाे छ ।

वीरगंज महानगरपालिका वडा नं. २८ दर्दवा टोल निवासी शेष राउत कुर्मीको नाबालिक छोरी रोशनी पटेलको मृत्युदाबीकाे चेक उनकाे घर मै पुगी हस्तान्तरण गरिएकाे सानिमा लाईफ इन्स्याेरेन्सकी ग्राहक सेवा कर्मचारी सुस्मिता जयसवालले वताइन ।

विमित राेशनी पटेलकाे मृत्यु दाबी एक लाख ३५ हजार ६ सय बराबरकाे चेक उनकाे बुवा शेष राउत कुर्मीलाई हस्तान्तरण गरिएकाे ग्राहक सेवा कर्मचारी जयसवालले जानकारी दिइन ।

मृत्यु दाबीकाे चेक एक कार्यक्रमकाे बिच सानिमा इन्स्युरेन्सका बजार व्यवस्थापन रुसत्म मियाँ र ग्राहक सेवा कर्मचारी जयसवाले संयुक्त रुपमा हस्तान्तरण गरेका थिए ।