Date
शुक्र, मंसिर ४, २०८३
Fri, November 20, 2026
Home Blog Page 850

सखुवा प्रसौनीले बा“ड्यो आपाङ्गलाई व्हील चेयर

0

वीरगंज । पर्साको सखुवा प्रसौनी गाउँपालिकाले आपङ्गता भएकाहरुलाई मंगलबार व्हील चेयर वीतरण गरेको छ । गाउँपालिकाबाट १० जना आपाङ्गता भएकाहरुलाई घर घरमै पुगी व्हील चेयर वितरण गरिएको प्रमुख प्रशासकीय अधिकृत सन्देश यादवले बताए ।

गाउँपालिका अध्यक्ष प्रदिप जयसवाल, उपाध्यक्ष फूलमति चौधरीले आफै अपाङ्गता भएकाहरु घर घरमा पुगी व्हील चेयर वितरण गर्नु भएको उनले बताए ।

वडा नं. १ मधुवन मथवलका एक जनालाई, वडा नं. २ सखुवा प्रसौनीका २ जनलाई, वडा नं. ४ देउरबानाका ५ जनालाई र वडा नंं. ५ महुवनका २ जनालई व्हील चेयर वितरण गरिएको गाउँपालिका स्वास्थ्य संयोजक राजेश रौनियारले जानकारी दिए ।

चक्कु प्रहार गरी निजगढमा युवककाे हत्या, अभियुक्त पक्राउ

0

वीरगंज । बाराकाे निजगढ नगरपालिकाका वडा नं. ९ बुद्ध चाैकमा चक्कु प्रहार गरी एक युवककाे हत्या गरिएकाे छ । मंगलबार विहान १८ बर्षिय कालु भनिने रोहित शर्माकाे घाटीमा चक्कु प्रहार गरी हत्या गरिएको हाे । 

मृतक राेहित एक्लै घरमा रहेको बेला उनीसंगै बसेका रौतहट चन्द्रपुर नगरपालिका वडा नं.४ निवासी २९ बर्षिय अरुण कुमार सिंहले उनकाे हत्या गरेकाे प्रहरी अनुसन्धानबाट खुलेकाे छ । प्रहरीले उनलाई पक्राउ समेत गरिसकेकाे छ ।

पक्राउ परेका अरुणले अनुसन्धानको सिलसिलमा अनुसन्धान टोली समक्ष आफुले उक्त घटना घटाएको बयान समेत दिएको प्रहरीले जनाएकाे छ ।

घटना घटाउँदा प्रयोग गरिएका कपडाहरू ( ज्याकेट, पाइन्ट ) निजको चपुरस्थित निजकै घरमा र  हत्यामा प्रयोग गरिएका चक्कु तथा मोटर साइकल समेत बरामद भएकाे जिल्ला प्रहरी कार्यालय बाराका प्रवक्ता पहरी नायब उपरिक्षक गाैतम मिश्रले वताए ।

अभियुक्त अरूणलाई चपुरस्थित नजिकै किराना पसलबाट नियन्त्रणमा लिइएको उनले जानकारी दिए । उनका अनुसार निजको हातहरूमा काटिएको आलो घाउहरू तथा रगत समेत रहेको फेला परेकाे छ ।

अभियुक्त अरूणकाे मृतकसँग पहिला देखिनै रिसइवि रहेको थियाे । अरुणकाे राेहीतसंग लागू औषध सेवन गर्ने विषयमा विवाद भइरहने, आफुलाई अपमानित गरेको अरुणले ब्यान दिएकाे उनले वताए ।

यसका साथै, पिस्तोलले हानी मारीदिन्छु भनेको कारणले निजलाई मार्ने मनसाय अनुसारनै चक्कुसहित साेमबार राती ९:३० बजेदेखि नै निज मृतककै घरमा निजसँगै बसेका अरुणले मंगलबार बिहान ४ बजे तिर चक्कु प्रहार गरी हत्या गरी भागी चपुरस्थित घरमा गई कपडा बदलिई पसलमा गई बसेकाे अवस्थामा पक्राउ गरिएकाे प्रहरी नायब उपरिक्षक मिश्राले जानकारी दिए ।   

पक्राउ परेका अरुणमाथी कर्तव्य ज्यान सम्बन्धी मुद्दामा थप अनुसन्धान भइरहेको उनले जानकारी दिए ।

घटनाको सूचना प्राप्त हुने बितिकै इलाका प्रहरी कार्यालय निजगढबाट प्रहरी निरिक्षक र जिल्ला प्रहरी कार्यालय बाराबाट प्रहरी नायब उपरिक्षक मिश्रको कमाण्डमा अनुसन्धान टोली घटनास्थलमा पुगी अनुसन्धान प्रकृया अगाडी बढाइएको थियाे ।

जितपुरकाे उचडीमा महिलाहरुलाई सेनेटरी प्याड बितरण  

0

रोशन गुप्ता /
जितपुर । बाराकाे जितपुरसिमरा उपमहानगरपालिका वडा नं. १८ उचिडिमा मंगलबार २ सय ५० जना महिलालाई सेनेटरी प्याड तथा पेन्टी वितरण गरिएको छ ।

जितपुरसिमरा उपमहानगरपालिका र राम रुकमाणी परोपकारीको सहर्कायमा एक हजार दुई सय ५० पिस प्याड र पेन्टी वितरण गरिएको वडा सदस्य कमला न्याैपानले जानकारी दिइन ।

एक कार्यक्रमका बिच जितपुरसिमरा उपमहानगरपालिकाकी नगर उपप्रमुख सरस्वती चौधरीले महिलाहरुलाई ३ वटा प्याड तथा एउटा पेन्टी बाडेकी थिइन ।

साे कार्यक्रममा वडाध्यक्ष अर्जुन दाहाल, शुभित्र न्युपैने, अनिता चौधरी, सामाजिक शाखाका अधिकृत दुर्गा न्युपैने, राम रुकमणी, परोकारी गुढीका महासचिव उपेन्द्र जोसी, समाज सेवी मनोज कुमार साह लगायतकाे उपस्थिति रहेको थियो । 

भारतको उत्तराखण्डका मुख्यमन्त्री रावतद्वारा राजीनामा

0

काठमाण्डाै । भारतको उत्तराखण्ड राज्यका मुख्यमन्त्री त्रिवेन्द्र सिंह रावतले आफ्नो पदबाट राजीनामा दिएका छन् । उनले राज्यपाल बेबी रानी मौर्यलाई आफ्नो राजीनामा बुझाएका हुन् ।

राजीनामा बुझाएपछि उनेले राजीनामा बुझाउने आफ्नो नभइ पार्टीको निर्णय भएको बताएकाे बीबीसी हिन्दीले जनाएको छ । रावतले राजीनामाका विषयमा जानकारी दिन बुधवार  सांसदहरूको बैठक बोलाएका छन् ।

भारतीय जनता पार्टीको तर्फबाट मुख्यमन्त्री बनेका रावत केही दिनदेखि राजीनामाको दबाब बढ्दै गएको थियो । सन् २००० मा गठन भएको उत्तराखण्ड राज्यमा अहिलेसम्म आठ जना मुख्यमन्त्री बनिसकेका छन् । ७० सदस्यको उत्तराखण्डको विधानसभामा अहिले भाजपाका ५६, कांग्रेसका ११ र दुई जना स्वतन्त्र विधायक छन् । एक सिट खाली छ ।

बहुमत भए पनि पार्टीभित्रको असन्तोषका कारण रावतलाई पदबाट राजीनामा गर्न लगाएको भारतीय सञ्चारमाध्यमले जनाएका छन् । भाजपाले मुख्यमन्त्री त्रिवेन्द्र सिंह रावतका कारण उत्तराखण्डका मानिसमा सरकारप्रतिको धारणा नकारात्मक बनेको आरोप लगाएको छ ।   

उत्तराखण्ड राज्य बनेदेखि नै राजनीतिक अस्थिरता कायम छ, मात्र नारायण दत्त तिवारी नै एक यस्ता मुख्यमन्त्री हुन जसले पाँच वर्षकाे आफ्नाे कार्यकाल पूरा गरेनन् ।

शिव जयन्तीको अवसरमा छपकैयामा रक्तदान कार्यक्रम सम्पन्न

0

वीरगंज । ब्रहमाकुमारी राजयोग सेवा केन्द्र बिरगंजको आयोजनामा मंगलबार रक्तदान कार्यक्रम सम्पन्न भएकाे छ । ८५ औ त्रिमुर्ति शिव जयन्तीको अवसरमा भएकाे कार्यक्रममा ६ महिलासहित २५ जनाले रक्तदान गरेका थिए ।

वीरगंजकाे छपकैया भएकाे कार्यक्रममा रन्जु चौधरी, सन्जु चौधरी, राम देनि जैसवाल, जसोदा देबि, निपुल कुशवाहा, मन्जु यादव, राजु घले, गोवर्धन चौधरी, छोटेलाल प्र. कलवार, रबि कुमार, उत्तम कुमार साह, आनन्द कुमार साह, उमेश कुशवाह, राजेश कुशवाहा, पवन कुमार शर्मा, सुमित कुमार अग्रवाल, बिकास राउत, ईजहार अहमद, रितिक अग्रवाल, श्याम प्रबेश कुमार, अजय चौरसिया, पुस्प कुमार श्रेष्ठ, शशि कृष्ण यादव लगायतकाले रक्तदान गरेका थिए ।

ब्रहमाकुमारी राजयोग सेवा केन्द्र बिरगंजका क्षेत्रीय सन्चालिका रबिना दिदिको सभापतित्व र नेपाल चिकित्सक संघ पर्साका अध्यक्ष डा‍. अरुण कुमार कर्णको प्रमुख आतिथ्यमा भएको कार्यक्रममा नेपाल रेडक्रस सोसाइटी पर्साका उप- सभापति एवं ब्लड डोनर्स एसोसिएसन पर्साका संयोजक श्रीमती मधु राणा, सामुदायिक सेवा केन्द्र छपकैया-२ बिरगंजका अध्यक्ष ग्यासुदिन ठकुराई लगायतकाको सहभागिता रहेको थियो ।

रक्तदान कार्यक्रममा रक्त संचार केन्द्र वीरगंजकाे प्राविधिक सहयाेगमा भएकाे थियाे ।

नारी दिसवकाे अवसरमा चेतनामूलक सडक नाटक

0

वीरगंज । अन्तराष्ट्रिय महिला दिवसकाे अवसरमा साेमबार पर्साकाे जगरनाथपुर र धाेबिनी गाउँपालिकामा बालविवाह र दाईजाेप्रथा सम्बन्धि चेतनामूलक सडक नाटक प्रस्तुत गरिएकाे थियाे ।

भिएसाे नेपाल र दिव्य युवा क्लबकाे साझेदारीमा संचालित किशाेरी सशक्तिकरणका लागि शिक्षा कार्यक्रम अन्तर्गत सडक नाटक प्रस्तुत गरिएकाे परियाेजना संयाेजक गणेश ठकुरीले वताए ।

१११ औं अन्तराष्ट्रिय महिला दिवसकाे अवसरमा जगरनाथपुर गाउँपालिकाकाे वडा नं. १ पिपराडीमा र धाेबिनी गाउँपालिकाकाे वडा नं. ४ लंगडीमा सडक नाटक प्रस्तुत गरिएकाे उनले जानकारी दिए ।

परियाेजनाका १५ जना सानी बहिनी र ठूली बहिनीहरुले सडक नाटकमा अभिनय गरेका थिए भने परियाेजनाका कर्मचारीहरुले सहजिकरण गरेका थिए । जगरनाथपुरमा गाउँपालिकाकी उपाध्यक्ष बिसमिल्लाह खातुन र धाेबिनीमा वडाध्यक्ष मनवर अहमदकाे अध्यक्षतामा सडक नाटक कार्यक्रम भएकाे थियाे ।

पाेखरियामा महिला स्वास्थ्यकर्मी र सुरक्षाकर्मी सम्मानित

0

वीरगंज । अन्तराष्ट्रिय नारी दिवसको उपलक्ष्यमा साेमबार पाेखरियामा जनचेतनामूलक रैली तथा नारी सम्मान कार्यक्रम सम्पन्न भएको छ ।

पोखरीया नगरपालिकाको आयोजनामा भएको कार्यक्रममा १६ जना स्वास्थ्यकर्मी, ४ जना छात्रा र २ जना महिला सुरक्षकर्मीहरुलाई सम्मान गरिएकाे थियाे । कोरोना भाईरसको महामारीमा आफ्नो ज्यानलाई प्रभाव नगरी कोरोनाबाट बच्न आम सर्वधाराणका लागि रातदिन काम गर्ने स्वास्थ्यकर्मी, सुरक्षकर्मी र बिधार्थीहरुलाई सम्मान गरिएको पोखरीया नगरपालिकाकी उपप्रमुख सलमा खातुनले बताइन ।

१ सय ११ औ नारी दिवसको उपलक्ष्यमा भएको कार्यक्रममा उपप्रमुख खातुनले महिलाहरुको लागि अगामी योजनाहरु पनि घोषणा गरेकी थिइन । उनले कक्षा १० मा उत्कृष्ट ५ जना छात्रालाई क्रमश एक जनलाई ३० हजार, एक जनालाई २० हजार र ३ जनालाई १० हजारले, ११ कक्षाका उत्कृष्ट ३ जना छात्रालाई क्रमश ३० हजार, २० हजार र १० हजारले र कक्षा १२ का ३ जना उत्कृष्ट छात्रालाई ५० हजार, ३० हजार, २० हजार पुरुस्कृत गरिने वताइन ।

यस्तै, उच्च शिक्षा हासिल गर्न जाने उत्कृष्ट २ जना मध्ये १ जना छात्र र १ जना छात्रालाई ६० हजारको दरले पुरस्कृत गर्ने घोषणा गरिन ।

यसका साथै, कृषक महिला, उधमी महिला, एकल महिला तथा महिला पत्रकारलाई पनि आउने नारी दिवसमा सम्मान तथा पुरस्कृत गर्ने घोषणा गरिन । पोखरीया नगरपालिकामा पहिलो चोटी भएको यस्तो कार्यक्रम अब निरन्तरता पाउने उप प्रमुख खातुनले वताइन ।

कार्यक्रमका प्रमुख अतिथी तथा पोखरीया नगरपािलकाका प्रमुख दिपनारायण रौनियारले महिला बिना पुरुष अधुरो हुने भएकोले महिलालाई सम्मान गर्न नभुल्ने बताए । ईतिहास गवाह छ सिताको सहयोगले रामको नाम अगाडी आयो भने पार्वतीको सहयोगले शंकर भगवानको नाम अगाडी प्रचलीत भयो त्यस कारण महिलाको सहयोग बिना नपुरुष अगाडी बढन सक्छन नत्र देश नै अगाडी बढन सक्ने भएकोले नारी बिना सारा काम अधुरो हुने उनकाे भनाई थियाे ।

कार्यक्रममा वडाध्यक्ष लक्ष्मण साह कानु, ईलाका प्रहरी कार्यालय पोखरीयाका प्रहरी निरिक्षक दिपक थापा, सशस्त्र प्रहरी निरिक्षक प्रमोद राय, स्वास्थ्य संयोजक कौशलेन्द्र मिश्रा लगायतले शुभकामना मन्तब्य राखेका थिए ।

कार्यक्रममा स्वास्थ्य शाखाबाट सिमा साह, सुनिता राई, सपना पटेल, आचल कुमारी पाण्डे, रेणु तिवारी, रेन्जु मिश्रा, संगीता कुमारी दास, किरण दास, श्यामा देवी कर्ण, सिता यादव, सिवानी रिमाल, खुश्बु मिश्रा, सचिन दास, चिंता यादव, गुंजा चौधरी, गंगा बिष्ठ, मिना देवी, ईलाका प्रहरी कार्यालय पोखरीयाकी असई पुजा मिश्रा र लक्ष्मी श्रेष्ठ र ४ जना छात्राहरुलाई सम्मान गरिएको थियो ।

यस्तै, दुई वटा विद्यालयलाई सेनेटरी पैड पनि बितरण गरिएको थियो ।

पोखरीया नगरपािलकाकी उपप्रमुख खातुनको अध्यक्षता र नगर प्रमुख रौनियारको प्रमुख आतिथ्यमा भएकाे कार्यक्रमकाे कार्यक्रमकाे सहजीकरण नरेन्द्र साह कानुले गरेका थिए ।

प्रेस संगठनबाट महासंघ पर्साकाे अध्यक्षमा राघव साहलाई उम्मेदवार बनाउने निर्णय

0

वीरगंज । प्रेस संगठन नेपाल जिल्ला कार्य समिति पर्साकाे बैठक आज सम्पन्न भएकाे छ । प्रेस संघठन पर्साका संयोजक निरज पिठाकोटे मगरको अध्यक्षतामा बसेकाे बैठकले नेपाल पत्रकार महासंघ पर्साकाे अध्यक्षमा राघव साहलाई उम्मेदवार बनाउने निर्णय गरेकाे छ । 

चैतमा हुने पत्रकार महासंघकाे निर्वाचनकाे लागि अन्य पत्रकार संगठनहरुसंग सहकार्य र समन्वय गर्नकाे लागि बैठकले प्रेस संगठन नेपालका केन्द्रिय सदस्य एवम् प्रदेश नं. २ का सचिव बृजलाल पासवानकाे संयाेजकत्वमा ५ सदस्यीय संवाद तथा सहाकार्य समिति समेत गठन गरेकाे छ ।

जुन समितिकाे सदस्यहरुमा अध्यक्ष पदकाे उम्मेदवार राघव साह, प्रदेश सदस्य तुलसी भन्डारी, किरण राज पाण्डे र जिल्ला संयाेजक निरज पिठाकोटे मगर रहेको छन् ।

नेपाल पाेष्ट डेलीकाे कार्यालयमा बसेकाे बैठकमा प्रेस संगठन नेपालका प्रदेश सदस्य कृष्ण उदास खनाल, जगत राई, प्रमाेद यादव लगायतकाे सहभागिता रहेकाे थियाे ।

उम्मेदवार साह प्रेस संगठनका केन्द्रिय सदस्य एवम् प्रदेश नं. २ का सह संयाेजक हुन् ।