Date
शुक्र, मंसिर ४, २०८३
Fri, November 20, 2026
Home Blog Page 846

नेता श्यामकिसोर पटेल माओबादी त्यागेर पुन: कांग्रेसमा फर्के

0

वीरगञ्ज । नेकपाका नेता श्यामकिसोर पटेल पुन: नेपाली कांग्रेसमा फर्केका छन् । पर्साकाे धाेबिनी गाउँपालिका वडा नं. ३ हरिरपुर निवासी नेता पटेललाई नेपाली कांग्रेस पर्सा क्षेत्र नम्बर ४ का सभापती रमेश पाण्डेले मंगलबार एक कार्यक्रमका बिच अबिरकाे टिका र फुलकाे माला लगाई पार्टीमा स्वागत गरेका थिए । 

गत स्थानीय तहको निर्वाचनमा नेपाली कांग्रेसबाट पटेलकी श्रीमती धाेबिनी गाउँपालिकाकाे उपाध्यक्षमा चुनाव लडेकी थिइन । तर नेपाली कांग्रेसबाट चुनाव लडेका गाउँपालिका अध्यक्षकाे उम्मेदवार चुनाव जिते पनि उपाध्यक्षकाे उम्मेदवार रहेकी उनकी श्रीमती चुनाव हारेपछि पटेल त्यसपछि भएकाे संसदिय निर्वाचनमा माओबादी केन्द्रमा प्रबेश गरेका थिए ।

वीरगंज पानीटंकीस्थित पर्सा क्षेत्र नं. ४ काे सम्पर्क कार्यालमा मंगलबार भएकाे कार्यक्रममा पटेल औपचारिक रुप मै पुन: नेपाली कांग्रेसमा फर्केकाे क्षेत्रिय सचिव श्रीकान्त यादवले वताए ।

साे अवसरमा वाेल्दै पटेलले आफू भट्केर अन्यत्र गएपनि फेरी घर फर्किंदा खुसि लागेकाे वताए । उनले पार्टीले दिने जिम्मेवारी इमान्दारिता पूर्वक निर्वाह गर्ने प्रतिबद्धतासमेत व्यक्त गरे । 

पार्टी प्रबेश कार्यक्रममा नेपाली कांग्रेसका महासमिति सदस्य वशिष्ठ नारायण प्रसाद कुर्मी, बृहस्पती कृष्ण श्रेष्ठ, जिल्ला सदस्य नविन सिंह, क्षेत्रिय सचिव बलिस्टर अहमद, नेता विरेन्द्र महताे केंवट, भुपेन्द्र तिवारी, वासदेव तिवारी, जिवन सापकाेटा, दिपेन्द्र सिंह, इमरान आलम लगायतको सहभागिता रहेको थियो ।

मेयर रनिङ्ग शिल्ड प्रतियाेगिताकाे क्रिकेट खेलमा विवाद

0

वीरगन्ज । वीरगन्जको आदर्शनगर रंगशालामा जारी दोश्रो मेयर रनिङ्ग शिल्ड प्रतियोगितामा विवाद उत्पन्न भएको छ ।प्रतियाेगिता अन्तर्गत भइरहेकाे क्रिकेट खेलमा विवाद उत्पन्न भएकाे हाे ।

वीरगन्जका विभिन्न माध्यमिक विद्यालयहरुकाे सहभागीतामा भइरहेकाे क्रिकेट खेलमा आफुहरुबाट अन्याय भएकाे ओम नेशनल एकडेमीका विद्यार्थीहरुले गुनासाे गरेका छन् ।

आफुहरु क्वाटर फाइनल खेलमा त्रिजुद्ध स्कुलाई हराउदै सेमिफाइनमा प्रबेश गरे पनि आफुहरुलाई सेमिफाइनल नखेलाई हारेकाे त्रिजुद्धलाई खेलाइएकाेले अन्याय भएकाे नेशनल एकेडमीका विद्यार्थीहरुकाे भनाई छ ।  

उनीहरुले त्रिजुद्ध स्कुलका काेच समेत रहेका खेल आयाेजक कमिटीका सदस्य प्रकाश शर्माले त्रिजुद्ध स्कुलाई जिताउने योजना अनुरुप ओम नेशनल एकडेमी विद्यालयलाई असक्षम टिम (डिस क्वालिफाइड) गर्न लगाएको आरोप लगाएका छन् । तर त्रिजुद्ध पनि साउथजाेनसंग सेमिफाइनलमा हारेपछि बाहिरिएकाे छ । 

नियमानुसार १६ वर्षभन्दा मुनिका विद्यार्थीहरुले मात्रै भाग लिन पाउने उक्त खेलमा पहिला जाँचबुझ नगरी त्रिजुद्ध स्कुलका विद्यार्थीसँग क्वार्टर फाइनल जितेपछि उक्त विद्यार्थीहरुको उमेर छानविन गरि टिमलाई नै असक्षम टिम भनेर खेलबाट निकालेर हारेका टिम जित्रुद्ध स्कुलका विद्यार्थीहरुलाई सेमिफाइनल खेलाइएकाे थियाे ।

सेमिफाइनमा साउथजाेनसंग त्रिजुद्ध स्कुल हारेपछि फाइनल खेल मंगलबार साउथजोन र मनोकामना मावि बिच भइरहेकाे छ ।

हारेकाे त्रिजुद्ध स्कुलसंग प्रतियाेगिताकाे उजरी शाखामा नेशनल एकडेमीका खेलाडीहरुमा बढी उमेरकाे खेलाडीहरुकाे सहभागिता रहेकाे उजरी दिन लगाइए पश्चात छानविनको क्रममा क्वार्टर फाइनल जितेका ओम नेशनल एकडेमीका १५ जना विद्यार्थीमध्ये एक जना विद्यार्थीको १६ वर्ष ३ महिना उमेर पाएपछि असक्षम टिम (डिस क्वालिफाइड) गरिएको थियो ।

त्यस पश्चात आफूसँग अन्याय भएको भन्दै विद्यार्थीहरुले अन्य स्कुलका टिममा पनि बढि उमेरका खेलाडी रहेको भनेर छानविन गर्नका लागि निवेदन दिदा कमिटिले लिन नमानेको र इम्पायर नेहाल अहमदले उल्टै हामिलाई दुव्र्यवहार समेत गरेकाे पीडित विद्यार्थीहरुको आरोप छ । उनीहरुका अनुसार सबै टिममा सहभागी विद्यार्थीहरुको उमेर छानविन हुनु पर्छ ।

यसबारे ओमनेशल एकेडमीका विद्यार्थीहरुले पर्साका प्रमुख जिल्ला अधिकारी आस्मान तामाङलाई पनि जानकारी गराएका छन् ।

प्रमुख जिल्ला अधिकारी तामाङ्गले विद्यार्थीहरुले गुनासो सुन्दै अन्य स्कुलका विद्यार्थीहरुको उमेर पनि छानविन हुने वताए । उनले विद्यार्थीहरुले दिएको निवेदनको आधारमा छानविन हुन्छ, खेलकुद सम्पन्न भएपछि यदि उमेर बढि भेटिए जितेका टिमलाई पनि डिस क्वालिफाइड गर्न सकिने बताए ।

अपराधको सन्दर्भमा कसैले भने पनि तलमाथि हुँदैन : एसपी पाण्डे

0

पर्साका प्रहरी उपरिक्षक (एसपी) बेलबहादुर पाण्डेले अपराधको सन्दर्भमा कसैले भनेर वा नभेर तलमाथि हुने गतल भ्रममा नपर्ने आग्रह गरेका छन् । कुनै पनि घटनामा प्रहरीले पिडित कै पक्षमा काम गर्ने गरेको उनी बताउँछन । केही केही मान्छेहरुमा ठुलाबडालाई भनाएर वा लिएर गयौं भने पुलिसले अलि बढि सुनिदिन्छ कि भन्ने गलत भ्रम रहेकोले त्यसता भ्रममा नपर्न उनले सुझाव दिएका छन् । समाजमा हुने कुनै पनि अपराधका कार्य जो प्रहरी कार्यसंग सम्बन्धीत छ अथवा प्रहरी कार्य क्षेत्रभित्र पर्छ त्यसका सवालमा कुनै पनि वर्गका पिडित निसंकोच, बेझिझक जिल्ला प्रहरी कार्यालय र मातहतका कार्यालयमा आएर आफ्ना कुरा राख्ने आग्रह पनि गरेका छन् । उनले आफू जिल्ला प्रहरी कार्यालय पर्सामा आएको दुई महिना मै ३ करोड भन्दा माथि अबैध समान बरामद गरि चोरी तस्करीलाई नियन्त्रण अपराधिक क्रियाक्लापलाई नियन्त्रण गरेको दाबी गरेका छन् । उनै प्रहरी प्रहरी उपरिक्षक बेलबहादुर पाण्डेसंग पर्सा जिल्लाको अपराधिक गतिबिधी तथा चोरी तस्करी बारे कालिका टाईम्सको लागि बलिराम यादवले गरेको कुराकानीको संपादित अंश

१) यहाँ पर्सा जिल्लामा आएदेखी अपराधिक क्रियाक्लाप नियन्त्रण गर्न के के गर्नु भएको छ ?
पर्सा जिल्लामा आएको दुई महिना हुन लाग्यो । प्रहरीले निरन्तर रुपमा जे गर्नु पर्ने हो त्यही कामलाई अगाडी बढाएको हो । जिल्लामा भएको स्रोत साधन तथा जनशक्तिले नै काम गरिन्छ र त्यही अनुसार मैले पनि गर्दै गरेको हो । अपराध नियन्त्रण गर्ने र भएका अपराध बारे सफल अनुसन्धान गरी पिडितलाई न्याय र पिडकलाई दण्डको भागिदार बनाएर पूर्ण अपराध नियन्त्रण गरेर शान्ति सुरक्षाको वातावरण बनाउने काममा हामी निरन्तर लागेका छौ । यसमा सोची बिचारी योजनाबद्ध तरिकाले हामी लागेका छौं र त्यसको असर प्रभाव सकारात्मक किसिमको रहेको छ ।

२) पर्सा जिल्लामा कस्ता किसिमका बढि अपराधिक गतिविधी हुने गरेको छ ?
पर्सामा १०७ किलो मिटर खुल्ला सिमाना छ । त्यहाँबाट चोरी तस्करी हुने गर्छ । अर्काे जिल्लामा विभिन्न किसिमका अपराधिक क्रियाक्लापहरु छन् । पर्सा जिल्लामा हत्या, महिला तथा बालबालिका बिरुद्धको अपराध, जबरजस्ती करणी, बालबिबाह, लागु औषध र भारतबाट आउने औषधी जन्य लागु औषध र नेपालबाट जाने गाँजाजन्य लागु औषध, हुन्डी कारोबार र सुनचाँदी तस्करी लगायतका अपराध छन् भने मैले आएको दुई महिनाको अवधिमा कार्य संचालन गरेको अपरेशनबाट देखिएको छ । यसमा प्रहरीले सफल अनुसन्धान गरी अपराधिक क्रियाक्लाप नियन्त्रण गरेको र नियन्त्रण गर्न निरन्तर लागेको छ ।

३) अझै पनि लुकिछिपी हुने चोरी तस्करी र अपराधका घटना कसरी खोतालेर बाहिर निकाल्नु हुन्छ ? यसमा कस कसको साथ र सहयोगको अपेक्षा राख्नु हुन्छ ?
हामीले जनताबाट सहयोगको अपेक्षा खोज्ने हो । किन भने समाजमा नै सबै अपराध हुन्छ । अपराध बिहिन समाजको कल्पना गर्न सकिन्न । अपराधका घटना जसरी हुन्छ र जो जो जसरी संलग्न हुन्छ ती सबै विषय प्रहरीमा आउँदैन । समान्यता के भनिन्छ भने ४० प्रतिशत अपराधिक घटनाहरु प्रहरी नोटिसमा आउँछ र कारवाही प्रकृयामा जान्छ । तर ६० प्रतिशत कानुनी प्रकृयामा प्रहरी जानकारीमा आउँदैन भन्ने छ । त्यसकारण जे जे अपराधका घटनाहरु छन्, त्यसलाई प्रहरी जानकारीमा ल्याउने र फौजदारी मुद्दाको तहत कारवाही प्रकृयामा लाने नै हुन्छ । त्यसका लागि हामीले निरन्तर काम गरिरहेका छौं ।

४) लागु औषध सेवन र कारोबारमा संलग्न युवा जमातलाई मुक्ति दिलाउन के के गर्नु भएको छ ? र अन्यलाई यस्ता कुलतमा फस्न नदिन यहाँको योजना के छ ?
यो बढो ठुलो गम्भिर विषय हो । मैले मेरो भएको काम मात्रै गर्ने हो । लागु औषध नियन्त्रण ऐन २०३० को उलंघनको सन्दर्भमा लागु औषधको सेवन, लागु औषध ओसारपोसार, उत्पादन, भण्डारण लगायतको सन्दर्भमा हामी कानुन बमोजिमको कारवाहीमा लिएर जान्छौ । यो संगसंगै रोकको पनि विषय हो । हाम्रो काम र कारवाहीको प्रकृयाले मात्रै लागु औषध कारोबार वा सेवनमा गर्ने युवा जमातलाई रोक्न सकिदैन । यसमा सचेतनाको पनि आवश्यकता छ । हामीले समुदायिक प्रहरी सेवा केन्द्रहरु मार्फत र अन्य क्लब, स्थानीय समुदायहरु मार्फत पनि सचेतना मूलक कार्यक्रममा गएका छौ । यो दोहोर प्रकृयाबाट प्रहरीले कारबाही संचालन गरेर जो दोषी छ त्यसलाई पक्राउ गरेर कारबाही प्रकृयामा लान्छौ । विभिन्न संस्था, क्लबहरु मार्फत स्कुल, कलेज र समुदायमा गई प्रहरीले आगु औषध कारोबार र सेवनमा मान्छे नजाउन, संलग्न नहोउन भन्ने हिसाबले सचेतना गराउने काम निरन्तर गर्दै आएको छ । लागु औषध सम्बन्धी सरोकारवाला पक्षहरुसंग पनि हातोमाले गरि काम गरिरहेका छौ तर यसका बाबजुद पनि समस्या चाँहि दिनप्रति दिन बढ्दो छ । व्यक्तिगत रुपमा मलाई यो चिन्ताको विषय बनेको छ ।

५) कतिपय पिडितहरु प्रहरीसंग डराएर पनि न्यायको लागि जिल्ला प्रहरी कार्यालयमा नेता वा अन्य माध्यमबाट आउने गर्दछ ? यस बारे के भन्नु हुन्छ ?
पिडित त आफै आउने हो । पिडित कसैकाे माध्यमबाट आउने होईन । प्रहरीमा पिडित चौबिसै घण्टा आउन सक्छ । आओस् पनि हो र जो सही पिडित हो त्यो आफै आईदियो भने म बढि खुशी हुन्छु । हामीले पक्षधरता लिने भनेको पिडितको हो । यसमा कतिपय केही मान्छेको माध्यमबाट आउँछन् त्यो सही होईन । समाजमा हुने कुनै पनि अपराधका कार्य जो प्रहरी कार्यसंग सम्बन्धीत छ अथवा प्रहरी कार्य क्षेत्रभित्र पर्छ त्यसका सवालमा कुनै पनि वर्गका पिडित निसंकोच, बेझिझक जिल्ला प्रहरी कार्यालय र मातहतका कार्यालयमा आएर आफ्ना कुरा राख्न सक्नु हुन्छ । त्यो विषय अनुसार हामी कार्य गर्छाै र गरिरहेका पनि छौ । तर केही केही मान्छेहरुमा ठुलाबडालाई भनाएर वा लिएर गयौं भने पुलिसले अलि बढि सुनिदिन्छ कि भन्ने गलत भ्रम हुन्छ । त्यस्ता गलत भ्रममा नपर्दा हुन्छ । किन भने अपराधको सन्दर्भमा कसैले भनेर वा नभनेर तलमाथि गर्ने छुट हामीलाई छैन ।

६) पर्सा जिल्ला खुल्ला सिमाना हो, यहाँ बालुवादेखी पोके समेत तस्करी हुने गरेको आरोप छ, कतिको चुनौती छ, पर्सा जिल्ला ? खुल्ला सिमानाका कारण जोखिम रहि नै रहन्छ । हाम्रो कोशिस चोरी तस्करीलाई न्युनिकरण र नियन्त्रण गर्ने हो । खुल्ला सिमाना भएपनि ल्याउन सक्ने ठाउँहरुमा प्रहरीले कडा निगरानी गरिरहेको छ र यसमा हामी सफल भएका छौ ।

७) तर पर्सा प्रहरी तस्करदेखी सिमा आवतजावतको सुरक्षामा समेत सक्षम हुन नसकेको जनगुनासो बढ्दो छ ? यसलाई यहाँले कुन रुपमा लिनुहुन्छ ?
जनगुनासो त छदै छैन । म आईसकेपछि ३ करोडभन्दा बढिको समान समातेका छौ । घरायसी प्रयोजनको लागि २/३ केजी चिनी लिएर आउने अवस्था मुख्य नाकाबाट पनि छ । त्यो अवस्था बाहेक गलत ढङ्गले हुने तस्करी कार्यको बिरुद्धमा छौ । तस्करी हुन नदिन सबै ठाउँमा कडाई गरिएको छ ।

८) खासगरि माथिल्लो तहका प्रहरीभन्दा पनि तल्लो तहका प्रहरीका कारण प्रहरी कार्यालय बदनाम हुने गरेको देखिन्छ ? पर्सा प्रहरी कार्यालयलाई बदनाम गराउने प्रहरीलाई यहाँको पालामा कस्तो कारबाहीको अपेक्षा गर्न सकिन्छ ?
गुनासो र आरोप रहने कुरा एउटा पाटो भयो । जब कुनै पनि तहको कर्मचारी गलत कार्यमा संगलग्न भएको सबुत प्रमाण पुग्छ भने हामीले त्यही कसुरमा विभागीय कारबाही गर्छाै । यसमा हामीले निरन्तर मातहतका युनिट र कर्मचारीहरुलाई निर्देशन दिईरहेका छौ । काममा सुधार पनि आएको छ । त्यस्ताे कारबाही गर्ने अवस्था देखेका छैनौं ।

९) मुलुकको राजश्व छली गरी अर्थतन्त्रलाई धवस्त पार्ने माफियाहरुलाई तह लगाउन यहाँले कस्तो रणनिती बनाएर अगाडी बढ्दै हुनुहुन्छ ?
त्यो त त्यही हो–सिमामा हुने चोरी तस्करी । जसरी भएपनि हामी नियन्त्रण गर्छाै । त्यसमा हामी मात्रै होईन, सिमा सुरक्षामा खट्ने सशस्त्र प्रहरी पनि छ । हामी जहाँ जहाँ र जुन नाकामा छौ । हाम्रो मुख्य कर्तव्य गलत हिसाबले हुने गतिबिधी रोक्ने हो । चोरी तस्करीले राजश्व छलीमा योगदान गर्ने हो र त्यो रोक्ने हाम्रो ड्युटी पनि हो । हामी लागेका छौ । जिल्ला सुरक्षा समन्वय समिति र सशस्त्र प्रहरी बलसंग जिल्लामा पनि छलफल र समन्वय हुन्छ र युनिटवाईज पनि हुन्छ । हामी जहाँ छौ, त्यहाँ सशस्त्र प्रहरी पनि छ । कार्यगत र सौद्धान्तिक हिसाबमा जिल्लामा समन्वय र सहकार्य छ र हाम्रो काम प्रभावकारी ढङ्गले अगाडी बढेको छ ।

१०) अन्त्यमा के भन्न चाहनु हुन्छ ?
सिमामा हुने अपराध वा जिल्ला भित्र हुने कुनै पनि गलत कामकारबाही अथवा अपराधिक क्रियाककलाप तत्काल छिटोभन्दा छिटो प्रहरीलाई जानकारी दिई दिनुपर्छ र प्रहरी कार्यमा सूचना वा अन्य काम कारबाहीले सहयोग गरिदिनु भयो भने अपराध नियन्त्रण गर्ने काममा त्यसले योगदान गर्छ र त्यो योगदान भनेको अन्नतः त्यही समाजमा रहेको व्यक्तिलाई नै लाभ हुने हो । जब समाज सही दुरुषत हुन्छ, गलत मान्छे रहदैन तब त्यो बस्न लायक समाज हुन्छ । सभ्य र बस्ने लायक समाज बनाउने नै हाम्रो भूमिका हुन्छ । त्यसको लागि हामीले जनताको नै सहयोग र सदभावकाे अपेक्षा राखेका छौ ।

गुप्ताको नेतृत्वमा वीरगंज उद्योग वाणिज्य संघको नयाँ कार्यसमिति

0
वीरगंज । वीरगंज उद्योग वाणिज्य संघको ४५ औं वार्षिक साधारण सभाबाट सुबोध गुप्ताको नेतृत्वमा नयाँ कार्यसमिति चयन भएकाे छ । आइतबार भएकाे निर्वाचनमा अध्यक्षमा गुप्ता निर्विराेध निर्वाचित भएका हुन् । 
 
कार्यसमितिको बरिष्ठ उपाध्यक्षमा अनिल कुमार अग्रवाल, उपाध्यक्षमा हरिप्रसाद गौतम, महासचिवमा मनोज कुमार दास, सचिवमा अरविन्द्र अमात्य, आषिश कुमार लाठ, कोषाध्यक्षमा गोविन्द शाह, सहकोषाध्यक्षमा प्रेमचन्द्र गोयल, सहसचिवमा शुशान्त चाचान तथा अनोज रुगटा निर्वाचित भएकाे प्रमुख निर्वाचन अधिकृत बालमुकुन्द खरेलले वताए ।
 

केही पदाधिकारी निर्विराेध र केही निर्वाचनबाट भएकाे उनले जानकारी दिए ।

कार्यसमितिकाे द्वितीय उपाध्यक्षमा हरि प्रसाद गौतम र सुनिल कुमार खेतानबीच प्रतिस्पर्धा भएको थियो । जसमा गौतमलाई २६ मत र खेतानलाई ६ मत मात्रै परेको थियो । त्यस्तै, उद्योगतर्फको सचिवमा अरविन्द अमात्यलाई २२ र सुरेश रुंगटालाई ९ मत परेको थियो । कोषाध्यक्षमा गोविन्द प्रसाद शाह २ मतले विजयी भए । साहलाई १७ र नवनित अग्रवाललाई १५ मत परेको थियो ।

सहकोषाध्यक्षमा प्रेमचन्द्र गोयले २७ मत ल्याएर विजयी भए र अर्का उम्मेदवार अंकित खेतानको पक्षमा ५ मत मात्रै परेकाे थियाे ।
दुई बर्ष कार्यकाल रहेकाे नयाँ कार्यसमितिको सपथ ग्रहण १५ दिनपछि हुने जनाइएकाे छ ।

प्रेस चाैतारीकाे नेतृत्वमा वीरगंज महानगरपालिकासंग सूचना माग

0

वीरगंज । पर्सेली संचारकर्मीहरुकाे एक समुहले साेमबार वीरगंज महानगरपालिकाकासंग सूचना माग गरेका छन् । संचारकर्मीहरुले सुचनाको हक प्रयाेग गर्दै महानगरपालिकाको सामाजिक विकास महाशाखाबाट भएका काम कारवाहीको विवरण माग गरेका हुन् ।

प्रेस चौतारी नेपाल पर्साका अध्यक्ष अनुप तिवारीको नेतृत्वकाे संचारकर्मीहरुकाे टाेलीले वीरगंज महानगरपालिकाकाे सुचना अधिकारी अरबिन्दलाल कर्णसँग सूचनाको हक सम्बन्धी ऐन अनुसार सुचना माग गर्दै निवेदन दर्ता गराएका छन् ।

 निवेदन बुझ्दै सूचना अधिकारी कर्णले आफूले माग भएका सुचना र विवरणहरु कानून सम्मत अबिलम्ब उपलब्ध गराउने विश्वास दिलाएकाे प्रेस चाैतारी पर्साका अध्यक्ष तिवारीले वताए ।

निवेदन मार्फत वीरगंज महानगरको विभिन्न वडाहरुमा आयोजना गरिएको सार्वजनिक सुनुवाई कार्यक्रमको आयोजना गर्ने संस्थाहरुको नाम विवरण, संस्था दर्ता प्रमाण पत्र (कम्पनीको हकमा कम्पनी दर्ता प्रमाण पत्र, प्रबन्ध पत्र र नियमावली), प्यान दर्ता प्रमाण पत्र, लेखा परिक्षण प्रतिवेदन, कर चुक्ता प्रमाण पत्र, प्रस्तावना पत्र, वीरगंज महानगरपालिकाद्वारा गरिएको सम्झौता पत्र, सुचिकरण, बिनियोजित रकम लगायत कानूनले स्पष्ट गरेका कागजात, सम्पन्न भइसकेका सार्वजनिक सुनुवाई कार्यक्रमहरुको आर्थिक प्रतिवेदन, बिल भौचर र अन्य आवश्यक कागजातहरुको प्रमाणित प्रतिलिपि माग गरिएको छ ।

त्यसैगरी, आ.व.०७७ श्रावणदेखि हालसम्मको अवधिमा कुन कुन संस्थालाई कुन कुन परियोजना वा प्रयोजनका लागि कार्यक्रमहरु प्रदान वा सम्झौता गरिएका छन् । सो कार्यक्रम र संस्थाहरुको नामावलीसहित कार्यक्रम प्राप्त गरेका संस्थाहरुको दर्ता प्रमाण पत्र (कम्पनीको हकमा कम्पनी दर्ता प्रमाण पत्र, प्रबन्ध पत्र र नियमावली), प्यान दर्ता प्रमाण पत्र, लेखापरिक्षण प्रतिवेदन, कर चुक्ता प्रमाण पत्र, प्रस्तावना पत्र, वीरगंज महानगरपालिकाद्वारा गरिएको सम्झौता पत्र लगायत सम्पन्न भइसकेका कार्यक्रमहरुको आर्थिक प्रतिवेदन, बिल भौचर र अन्य आवश्यक कागजातहरुको प्रमाणित प्रतिलिपि माग गरिएको छ ।

यसका साथै वीरगंज महानगरको ३२ वटैवडाहरुको प्रोफाईल प्रयोजनका लागि बृत्त चित्र (डकुमेन्ट्री) निर्माण गर्न कुन संस्थालाई जिम्मा दिइएको वा सम्झौता गरिएको हो सोको प्रस्तावना पत्र, वीरगंज महानगरपालिकाद्वारा गरिएको सम्झौता पत्र लगायत अन्य आवश्यक कागजातहरुको प्रमाणित प्रतिलिपि, पत्रकारिता क्षेत्रसँग सम्बद्ध संघ संस्थाहरुको नाममा विभिन्न कार्यक्रम संचालन वा अनुदानका रुपमा लिइएको रकम र त्यसको प्रगती विवरण लगायत अन्य आवश्यक कागजातहरुको प्रमाणित प्रतिलिपिसमेत माग गरिएको छ ।

सूचना मागकाे लागि वीरगंज महानगर कार्यपालिकाकाे कार्यालयमा इकोनोमिक जर्नालिष्ट एशोसिएसनका राष्ट्रिय अध्यक्ष विजय कुशवाहा, तराई मिडिया एशोसिएसनका अध्यक्ष जितेन्द्र साह, जनता टेलिभिजनका संजीव मिश्रा, कान्तिपुर दैनिकका भूषण यादव, प्रेस मन्च नेपाल पर्साका वरिष्ठ उपाध्यक्ष श्याम कुशवाहा, मध्य नेपाल सन्देशका जियालाल साह, राससका सफल खतिवडा, नेपाल टेलिभिजनका आरोहण साह, आवाज एफ.एम.का राकेश साह लगायतका संचारकर्मीहरु पुगेका थिए ।

विद्यालयमा सुरक्षित सिकाईको वातावरण बनाउन आवश्यक : मेयर सरावगी

0

वीरगन्ज । ‘विद्यालयमा सुरक्षित सिकाई वातावरणका लागि मूलधारको नीति” विषयक जिल्ला स्तरीय अन्तरकृया कार्यक्रम आइतबार वीरगंजमा सम्पन्न भएको छ ।

कार्यक्रमको उदघाटन गर्दै वीरगन्ज महानगरपालिकाका मेयर विजयकुमार सरावगीले हरेक नीति निर्माणमा संघ सरकारको विरोधाभाषपूर्ण अवस्थाका कारणले स्थानीय तहको क्षेत्राधिकार भित्र रहेका शिक्षाको नीति निर्माणमा पनि समस्या हुने गरेको बताए ।

उनले स्थानीयतहहरुले संविधान र कानूनको दायरा भित्र रहेर नीति निर्माण गर्दा समेत संघ सरकारले विभिन्न समयमा निर्देशनात्मक आदेश दिएर त्यस्ता नीतिहरुको कार्यान्वयनमा अवरोध गर्ने गरेको बताए ।

विद्यालयमा बालबालिकाहरुलाई सुरक्षित सिकाईको वातावरण बनाउनु पर्ने बताउदै मनोवैज्ञानिक रुपमा नकारात्मक असर पार्ने खालको वातावरण विद्यालयमा भए त्यसले दक्षजनशक्ति उत्पादन हुन नसक्ने बताए ।

बालबालिकाको सिक्ने प्रारम्भिक थलो नै विद्यालय भएको र भोलीका युवाहरुको भविष्यको आधारशीला पनि विद्यालय नै भएकोले विद्यालयमा सुरक्षितसिकाईको वातवरण हुन आवश्यक रहेको बताए ।

कार्यक्रमा पर्सागढी नगरपालिकाका मेयर लाेकनारायण यादव, पाेखरिया नगरपालिकाकी उम मेयर सलमा खातुन लगायत पर्साका अन्य स्थानीय तहका प्रमुख, शिक्षा समितिका प्रमुख तथा प्रमुख प्रशासकीय अधिकृतहरुको उपस्थिति रहेको थियो ।

तोलामा ४०० ले बढ्यो सुनको मूल्य

0

काठमाडौँ । स्थानीय बजारमा पहेँलो धातुको मूल्य आज तोलामा रु ४०० ले उकालो लागेको छ । चैत महिनाको पहिलो दिन नै छापवाला सुन तोलामा रु ८६ हजार ६०० मा कारोवार हुने गरी मूल्य निर्धारण भएको छ ।

फागुन २८ गते अर्थात् शुक्रबार छापवाला सुन तोलामा रु ८६ हजार २०० मा कारोवार भएको थियो । यस्तै तेजाबी सुन आज तोलामा रु ८६ हजार १५० मा कारोवार हुनेछ । शुक्रबार तेजाबी सुन तोलामा रु ८५ हजार ७५० मा कारोवार भएको थियो ।

चाँदीको मूल्य भने स्थिर रहेको छ । चाँदी तोलामा रु एक हजार २७० मा कारोवार हुने गरी मूल्य निर्धारण भएको नेपाल सुनचाँदी व्यवसायी महासङ्घले जनाएको छ । रासस

पर्सागढीमा महिलामाथी छुरा प्रहार, दुई जना पक्राउ

0

बीरगन्ज । पर्साको पर्सागढी नगरपालिकामा एक जना महिला धारिलाे हतियार प्रहारले घाइते भएकी छन् । धारिलाे हतियार प्रहारले पर्सागढी नगरपालिका वडा नम्बर ३ पकडिया बडनिहार, मुसहर टोलकी  ४० वर्षीय लक्ष्मिनिया देवी चौधरी घाइते भएकी हुन् ।

आइतबार बिहान ३ बजेको समयमा २-३ जनाको समूहले चौधरीमाथि छुरा प्रहार गरेको वताइएकाे छ । आक्रमणपछि चौधरीले सहयोगका लागि कराएर गुहार लगाएपछि आक्रमणकारीहरु फरार भएका थिए ।

चौधरीको छाती, टाउको र पाखुरालगायत शरीरका विभिन्न भागमा धारिलाे हतियार प्रहारले घाउ भएकाे देखिएकाे छ । उनको अहिले बीरगन्जकाे पानि ट्याङ्कीस्थित एलएस न्यूराे हँस्पिटलमा उपचार भइरहेकाे पर्सा प्रहरीका प्रवक्ता एवम् प्रहरी नायव उपरीक्षक (डीएसपी) ओमप्रकाश खनालले जानकारी दिए । 

घटना सम्बन्धमा दुई जनालाई नियन्त्रणमा लिएर अनुसन्धान भइरहेकाे डिएसपी खनालले वताए । 

उनले भने “हामी दुई जनालाई नियन्त्रणमा लिएर अनुसन्धान गरिरहेका छाैं, घाइतेकाे उपचार भइरहेकाेले व्यान लिन सकेका छैनाैं । त्यही भएर अहिले केही भन्न सकिदैन् ।” 

घाइते महिला आफ्नो घरमा एक्लै बस्दै आएकी छिन् ।