Date
शुक्र, मंसिर ४, २०८३
Fri, November 20, 2026
Home Blog Page 839

महुवनमा दलित क्षमता अभिवृद्धि कार्यक्रम सम्पन्न

0

वीरगंज । दलित अगुवाहरुको लागि सरकारी योजना तथा दलित अधिकार तथा दलित सशक्तीकरण बारे १ दिने नेतृत्व क्षमता अभिवृद्धि कार्यक्रम बुधबार महुवन सम्पन्न भएकाे छ । पिसफोर दलितस फाउन्डेसन नेपालको आयोजनामा भएकाे कार्यक्रममा पर्सा जिल्लाको सखुवाप्रसौनी गाउँपालिका र जिराभवानी गाउँपालिकाको दलित अगुवाहरुकाे सहभागी रहेकाे थियाे ।

कार्यक्रममा दलित अगुवाहरुलाई प्रदेश सरकारले बनाएको दलित सशक्तीकरण ऐनको बारे, जातीय भेदभाव तथा छुवाछूत कसुर सजाय ऐन, संविधानले दिएको हक अधिकार, गाउँपालिका/नगरपालिकाले दलितको लागि गरेको व्यवस्था, सरकारले दिएको सेवा/ सुविधा बारे छलफल गरिएको फाउन्डेसनका अध्यक्ष मनाेज रामले वताए ।

कार्यक्रममा दलितको सामाजिक न्याय, सामाजिक स्वतन्त्रता, सामाजिक परिवर्तन तथा दलित सशक्तीकरण, राजनीति, शैक्षिक र आर्थिक विषयमा हुनेमा जोड दिएइएकाे थियाे । यसका साथै नेपाल सरकार, प्रदेश सरकार र स्थानीय सरकारले दलितलाई दिईने सेवा सुविधाको बारे कार्यक्रममा छलफल गरिएको अध्यक्ष रामले जानकारी गराए ।

कार्यक्रमा फाउन्डेेेसनका उपाध्यक्ष चन्द्रकिशोर राम, सदस्य सुरेन्द्र पासवान, कोषाध्यक्ष लिलाकती देवी, सदस्य उदम देवी, दलित अगुवा बालदेव राम, नागेन्द्र पासवान, हाकिम मुसहर, नागिन्द्र पासवान, जयलाल राम, समपतियक देवी मुसहर, सरस्वती देवी मुसहर, इनरदेव राम, श्यामिनाथ राम लगायत दलित दबाब समुहका सदस्यहरुको उपस्थित रहेकोे थियो । 

परवानीपुरको सातौं गाउँ सभा सम्पन्न

0

परवानीपुर । बाराको परवानीपुर गाउँपालिकाको बुधबार सातौं गाउँ सभा परवानीपुरस्थित कृषि अनुसन्धान केन्द्रमा सम्पन्न भएको छ ।

सभालाई सम्बाेधन गर्दै गाउँपालिका अध्यक्ष हरि नारायण शाहले २० वर्षमा नभएको काम आफूहरुले ३ वर्षमा गरेर देखाएको दाबी गरे । उनले गाउँपालिकाको विकास हेर्न हरेक वडामा जान आम नागरिकलाई आग्रह गरे । कोरोनाको कारणले गर्दा गाउँपालिकाको विकास निर्माणमा केही कमी भएपनि छुटेका योजनाहरुलाई यस सभाबाट परिपूर्ति गर्ने बताए ।

प्रमुख प्रशासकीय अधिकृत सुनिल कुमार चौरसियाले सबै गाउँपालिकाका प्रतिनिधिहरुसँग मिलेर काम गर्ने प्रतबद्धता व्यक्त गरे । उनले अहिलेको समयलाई बढी भन्दा बढी काम गरेर देखाउने पर्नेमा जोड दिए । साथै उनले कानुनको दायरामा रहेर योजना बनाउन सबै जनप्रतिनिधिसँग आग्रह समेत गरे ।

वडा नं ४ का वडाध्यक्ष गजेन्द्र पटेलले गाउँपालिकाको विकासको लागि सबै मिलेर काम गर्न आवश्यक रहेको बताए । उनले विगतमा भएको कमी कमजोरीहरुलाई बिर्सेर नयाँ ढंगले अगाडि बढ्नेमा जोड दिए ।

सभामा गाउँपालिका उपाध्यक्ष सावित्री देवी, पाँच वटै वडाका वडाध्यक्ष, कार्यपालिका सदस्य, गाउँपालिका सदस्य, कर्मचारी, सुरक्षाकर्मी, सञ्चारकर्मी लगायतको उपास्थि रहेको थियो भने कार्यक्रम सञ्चालन रवीन्द्र कुमार मिश्रले गरेका थिए ।

पत्रकार महासंघ पर्सा शाखामा लगाइएकाे ताला फाेडेर खाेलियाे

0

वीरगंज । नेपाल पत्रकार महासंघ पर्सा शाखाकाे कार्यालयमा बुधबार लगाइएकाे ताला फाेडेर खाेलियाे । पत्रकार महासंघकाे सदस्यता नपाएका विभिन्न संचारमाध्यममा कार्यरत पत्रकारहरुले लगाएकाे ताला फाेडेर खाेलिएकाे थियाे ।

पत्रकार महासंघ पर्सा शाखाले सदस्ता वितरणमा काखा पाखा गरेकाे भन्दै असन्तुष्ट पत्रकारहरुकाे एक समुहले महासंघ पर्सा शाखाकाे कार्यालयमा तालाबन्दी गरेकाे थियाे । तालाबन्दी भए लगतै महासंघकाे कार्यालय पुगेकाे कार्य समितिका सदस्यहरु र केही अन्य पत्रकाहरुले ताला ताेडेर खाेलेका थिए ।

नजिकिदै गरेको निर्वाचनको मुखमा क्रियाशिल पत्रकारहरुलाई पाखा लगाएर आफ्ना नजिकका नातेदारहरुलाई सदस्यता वितरण गरेको आरोप लगाउँदै उनिहरुले तालाबन्दी गरेका थिए । सदस्यता वितरणमा विभेद गर्नुका साथै सक्रिय पत्रकारहरुको मनोवल गिराई अन्य पेशामा आवद्ध भएकाहरुलाई वितरण गरेको भन्दै विरोधमा उत्रिएका पत्रकारहरुले आपत्ति जनाए । 

ताला ताेडेर कार्यालय खाेलिए लगतै सरकासफाई गरिएकाे फाेटाेहरु पनि सार्वजनिक गरिएकाे थियाे ।

नेपाल पाेष्ट डेलीका अशोक सङ्ग्रौला, यात्रा डेलीका आसु सर्राफ, आजतक दैनिकका विनाेद पटेल, मिरमिरे अनलाइनका दिपक चौरसिया, वीरगंज सिटीका निखिल वर्णवाल, दैनिक वीरगंजका रन्जित चौरसिया, माई टिभीका उमेश दुवे लगायतकाे पत्रकारहरुकाे समुहले तालबन्दी गरेका थिए ।

नयाँ सदस्यताकाे नमावली प्रकाशन भए लगतै मंगलबार पत्रकार महासंघ पर्सा शाखाकाे कार्यसमितिका दुई पदाधिकारीसहितका ४ जनाले पनि संयुक्त रुपमा एक प्रेस विज्ञप्ती जारी गर्दै विराेध जनाएका थिए ।

लागु औषध ब्राउन सुगरसहित एक जना पक्राउ

0

वीरगंज । पर्सा प्रहरीले ब्राउन सुगर सहित एक जनालाई पक्राउ गरेकाे छ । पक्राउ पर्नेमा वीरगंज महानगरपालिकाकाे वडा नं.१८ निवासी ३८ बर्षिय शिवलाल महतो धानुक रहेकाे प्रहरीले जनाएकाे छ ।

सूचना परिचालन र प्रहरी कारवाहीको सिलसिलामा जिल्ला प्रहरी कार्यालय पर्साबाट खटिएकाे प्रहरी टाेलीले वीरगंज महानगरपालिकाकाे वडा नं.१६ शंकरआचार्य गेटबाट बुधबार सांझ ५:४५ बजे धानुकलाई पक्राउ गरेकाे हाे । 

भारतको रक्सौलबाट वीरगंजतर्फ साईकलमा आइरहेका महताेमाथि शंका लागी शरीर रीतपूर्वक खानतलासी गर्दा निजले लगाएको कालो हाफ ज्याकेटको खल्तीबाट लागु औषध ब्राउन सुगर अं.२५ (पचीस) ग्राम फेला परेको जिल्ला प्रहरी कार्यालय पर्साले जनाएकाे छ ।

उक्त लागु औषध ब्राउन सुगर र साईकलसहित निजलाई नियन्त्रणमा लिई लागु औषध सम्बन्धि कसुरमा थप अनुसन्धान अगाडि बढाइएको जिल्ला प्रहरी कार्यालय पर्साका प्रवक्ता एवम् प्रहरी नायब उपरिक्षक ओमप्रकाश खनालले जानकारी दिए ।

वीरगंजबाट अवैध हतियारसहित दुई जना पक्राउ

0

वीरगंज । पर्सा प्रहरीले अवैध हतियार सहित दुई जनालाई पक्राउ गरेकाे छ ।

पक्राउ पर्नेमा वीरगंज महानगरपालिकाकाे वडा नं.२४ सिर्सिया निवासी वर्ष २७ को दिपेन्द्र साह र साेही ठाउँ बस्ने वर्ष २३ को सनोज गुप्तालाई रहेका छन् ।

सूचना परिचालन तथा प्रहरी कारवाहीको सिलसिलामा २ नं.प्रदेश प्रहरी कार्यालाय जनकपुर र जिल्ला प्रहरी कार्यालय पर्सासमेतको संयुक्त टोलीले मंगलबार सांझ ६:१५ बजे वीरगंज महानगरपालिकाकाे वडा नं.१३ श्रीपुरस्थित हुलाकी रोडबाट दुबै जनालाई पक्राउ गरेकाे हाे ।

 दुबै जनाकाे साथबाट गोली नभएको कटुवा पेस्तोल १ थान फेला परेकोले उक्त कटुवा पेस्तोल बरामद गरी निजहरुलाई नियन्त्रणमा लिइएकाे जिल्ला प्रहरी कार्यालय पर्साले जनाएकाे छ ।

पक्राउ परेका दुबै जनामाथी हात हतियार मुद्दा दर्ता गरी थप अनुसन्धान अगाडि बढाइएकोव्यहोरा जिल्ला प्रहरी कार्यालय पर्साका प्रवक्ता एवम् प्रहरी नायब उपरिक्षक ओमप्रकाश खनालले जानकारी दिए ।

लिपनीमालमा किशाेर, किशाेरीहरुलाई शैक्षिक सामग्री वितरण

0

वीरगंज । बाराको परवानीपुर गाउँपालिका वडा नम्बर ३ लिपनीमालमा संचालित उज्वल किशोरी सम्बाद केन्द्रमा बुधबार एक कार्यक्रमकाे बिच शैक्षिक सामाग्री वितरण गरिएकाे छ ।

किशोरी सम्बाद कार्यक्रमका कार्यालय प्रमुख भिम कुमार राइको अध्यक्षता र परवानीपुर गाउँपालिकाको वडा नम्बर ३ का वडाध्यक्ष अनिल कुमार रामको प्रमुख आतिथ्यतामा भएकाे कार्यक्रममा साे सामाग्री वितरण गरिएको हाे ।

युरोपियन युनियनको आर्थिक सहयोग र चाइल्ड नेपाल एवम् संरक्षण नेपालको सहकार्यमा नेपाल ग्रामीण पुनर्निर्माण संस्थाद्वारा संचालित किशोरी सम्बाद कार्यक्रम अन्तर्गत २४ जना किशाेर, किशाेरीहरुलाई शैक्षिक सामग्री वितरण गरिएकाे कार्यक्रमका फिल्ड सुपरभाइजर सुनेश्वर प्रसाद साहले बताए ।

शैक्षिक सामाग्री वितरणले दलित, गरिब तथा असाहय बालबालिकाहरुलाई विद्यालयमा निरन्तरता दिने उनले वताए ।

वडा कार्यालय, विद्यालय तथा सम्बाद सहयोग समितिको सिफारिसमा शैक्षिक सामाग्री वितरण गरिएको कार्यालय प्रमुख राइले बताए । बिधालयमा निरन्तरता दिन तथा शिक्षासंग जोडी राख्ने कार्यलाई निरन्तरता दिने उदेश्यले शैक्षिक सामाग्री वितरण गरिएको उनले वताए ।

क्षयरोग दिवसकाे अवसरमा जनचेतनामूलक कार्यक्रम सम्पन्न

0

वीरगंज । वीरगंज महानगरपालिकाको स्वास्थ्य तथा सामाजिक विकास महाशाखाले बुधबार क्षयरोग विरुद्धको जनचेतनामूलक कार्यक्रम सम्पन्न गरेको छ ।

विश्व क्षयरोग दिवसको अवसरमा भएकाे कार्यक्रमकाे प्रमुख अतिथि वीरगन्ज महानगरपालिकाका मेयर विजय कुमार सरावगीले  महामारीको रुप लिएको कोरोना जस्तै क्षयरोग पनि खतनारक भएकोले उपचार समय मै गर्नुपर्ने बताए ।

उनले विशेषगरी गरिब विपन्न समुदायमा यस्ता रोगको जोखिम बढी हुने भएकोले यसको न्युनिकरणका लागि जनचेतना आवश्यक रहेको बताए । क्षयरोगको सरकारले निःशुल्क उपचार गर्ने भएकोले आफूलाई क्षयरोग छ कि छैन भनेर चेकजाँच गराएर स्वस्थ रहनपनि उनले महानगरवासीहरुलाई सुझाव दिए ।

महानगरपालिकाको स्वास्थ्य तथा सामाजिक विकास महाशाखाका प्रमुख बरिष्ठ जनस्वास्थ्य अधिकृत अरुण महतोको अध्यक्षतामा भएको कार्यक्रममा महानगरपालिका भरीका स्वास्थ्य संस्थाका प्रमुख तथा कर्मचारीहरुको सहभागिता रहेको थियो ।

हेल्थ डेस्क निर्माणका लागि जग्गाको निरक्षण

यसैबीच महानगरपालिकाले कोरोना संक्रमण फैलिन नदिनका लागि सीमामा हेल्थ डेस्कको स्थापनाका लागि जिल्लास्थित सुरक्षा अधिकारी सहितको टोलीले निरीक्षण गरेको छ ।

वीरगन्ज भन्सार कार्यालयमा प्रिफ्याबको हेल्थ डेस्क निर्माणका लागि जग्गाको निरक्षण गरेको हो ।

पर्साका प्रमुख जिल्ला अधिकारी अस्मान तामाङ, प्रहरी उपरीक्षक वेल बहादुर पाण्डे, सशस्त्र प्रहरी उपरीक्षक राजेन्द्र खड्का सहितको टोलीले हेल्थ डेस्क स्थापनाको लागि जग्गाको निरीक्षण गरेको हो ।

मेयर सरावगीद्वारा क्यूआर कोडबाट तरकारी खरिदको शुभारम्भ

0

वीरगंज । वीरगंजकाे मीनाबजारमा अब क्यूआर कोड मार्फत पनि तरकारी खरिद गर्न पाईने भएको छ ।

माछापुच्छे बैंकले बुधबार मीनाबजारमा डिजिटल प्रविधि मार्फत कारोबारका लागि फलफूल तरकारी ब्यवसायीहरुलाई क्यूआर कोड वितरण गरेको छ ।

कार्यक्रमका प्रमुख अतिथि वीरगन्ज महानगरपालिकाका मेयर विजय कुमार सरावगीले क्युआर कोड वितरण गरेका थिए । मेयर सरावगी आफैले पहिलो ग्राहक बनेर क्युआर कोड प्रयोग गरि सामान खरिद गरी क्यूआर कोडको उदघाटन समेत गरेका थिए ।

साे अवसरमा उनले सूचना प्रविधिको विकासलाई सही ढंगबाट प्रयोग गर्न सके समय र सुरक्षा दुवैमा फाईदा हुने बताए ।

वीरगंजकाे तरकारी तथा फलफूल बजारको मुख्य केन्द्र मीना बजारमा नगद रहित कारोबार गर्नका लागि क्यूआर कोडको माध्यमबाट कारोबार गर्ने सुविधा उपलब्ध गराएको माछापुच्छे« बैंकले जनाएको छ ।

विश्व क्षयराेग दिवसकाे अवसरमा पत्रकारसंग अन्तरक्रिया

0

वीरगंज । पर्सामा गत बर्ष ८ सय ४२ जना नयाँ क्षयरोगी फेला परेका छन् । जस मध्ये ५० जनाको मृत्यु समेत भएको छ ।

विश्व क्षयरोग दिवसको अवसरमा बुधबार जिल्ला स्वास्थ्य कार्यालय पर्सामा आयाेजित पत्रकार संगकाे अन्तरक्रिया कार्यक्रममा यस्ताे तथ्यांक प्रस्तुत गरिएकाे हाे ।

जिल्ला परियाेजना संयाेजक संताेष कुमार गुप्ताले प्रस्तुत गरेकाे तथ्यांक अनुसार गत बर्ष देशभरमा ४२ हजार नयाँ क्षय रोगी फेला परेका हुन् । जस मध्ये बर्षभरीमा झण्डै ५५ सय जनाको मृत्यु भएको थियाे । 

प्रस्तुत तथ्यांक अनुसार देशभरीमा प्रत्येक दिन एक सय १५ जना क्षय राेग बिरामी फेला पर्ने गरेका छन् भने १५ जनाको मृत्यु हुने गरेको छ ।

प्रदेश नं. २ मा मात्र क्षयरोग बिरामी १५ हजार २ सय रहेको र जस मध्ये उपचारमा रहेका बिरामीकाे संख्या ५ हजार ७ सय ५ र उपचारमा नआएका बिरामीको संख्या ९ हजार ५ सय रहेको जनाइएको छ । क्षयरोगीमा ३ प्रतिशत मानिसको मृत्यु हुने गरेको छ । 

पर्सा जिल्ला अन्तर्गत ठाेरी गाउँपालिकाकाे निरमलबस्ती, पर्सागढीकाे बागवाना र सखुवा प्रसाैनीकाे मधुवलमथवल क्षयरोगको उच्च जोखिमा रहेको छ ।

मुलुकलाई २०३५ सम्म क्षयराेग उन्मूलन गर्ने लक्ष्य रहेपनि समाजमा लुकिएर रहेकाे ५० प्रतिशत क्षयराेग बिरामी पता लागेन भने गर्न नसकिने स्वास्थ्य कार्यालय पर्साका जनस्वास्थ्य निरिक्षक बालकृष्ण यादवले वताए ।

क्षय रोगीहरु समाजमा खुलेर आउन नमान्ने तथा समाजले राम्रो दृष्टीकोण नराख्ने अवस्थारहेको हुदा पनि समस्या भएकाे उनले वताए ।

जिल्ला स्वास्थ्य कार्यालय पर्साका बरिष्ठ जनस्वास्थ्य अधिकृत कामेश्वर चौरसियाले सवारी दुर्घटना भन्दा बढी क्षय रोगबाट मृत्यु हुने गरेको वताए । उनले नेपाललाई २०३५ सम्म क्षयरोग मुक्त गर्ने लक्ष्य लिएको भए पनि क्षयरोगी लुक्ने, समयमा औषधी नियमीत खान नकिएको जस्ता समस्याका कारण लक्ष्य प्राप्ति गर्न नसकिने वताए ।

उनले एक जना क्षयराेग बिरामी १० जनालाई राेग सार्ने भएकाेले सचेत हुन जरुरी रहेकाे वताए । प्रदुषण, स्वासप्रस्वास खालकाे समस्याका कारण लाग्ने क्षयराेग बढी गरिब र विपन्न परिवारकाे व्यक्तिलाई हुने गरेकाे वताए ।

जिल्ला स्वास्थ्य कार्यालय पर्साकाे आयाेजनामा भएकाे कार्यक्रमा नेपाल पत्रकार महासंघ पर्साका सचिव युवराज खड्का लगायतका ३ दर्जन भन्दा बढी संचारकर्मीहरुकाे सहभागिता रहेकाे थियाे ।

साेही कार्यक्रममा क्षयराेग निकाे भएका आमा लामा घिसिङलाई सम्मान समेत गरिएकाे थियाे ।