वीरगंज । पर्सा प्रहरीले अवैध हतियार सहित दुई जनालाई पक्राउ गरेकाे छ ।
पक्राउ पर्नेमा वीरगंज महानगरपालिकाकाे वडा नं.२४ सिर्सिया निवासी वर्ष २७ को दिपेन्द्र साह र साेही ठाउँ बस्ने वर्ष २३ को सनोज गुप्तालाई रहेका छन् ।
सूचना परिचालन तथा प्रहरी कारवाहीको सिलसिलामा २ नं.प्रदेश प्रहरी कार्यालाय जनकपुर र जिल्ला प्रहरी कार्यालय पर्सासमेतको संयुक्त टोलीले मंगलबार सांझ ६:१५ बजे वीरगंज महानगरपालिकाकाे वडा नं.१३ श्रीपुरस्थित हुलाकी रोडबाट दुबै जनालाई पक्राउ गरेकाे हाे ।
दुबै जनाकाे साथबाट गोली नभएको कटुवा पेस्तोल १ थान फेला परेकोले उक्त कटुवा पेस्तोल बरामद गरी निजहरुलाई नियन्त्रणमा लिइएकाे जिल्ला प्रहरी कार्यालय पर्साले जनाएकाे छ ।
पक्राउ परेका दुबै जनामाथी हात हतियार मुद्दा दर्ता गरी थप अनुसन्धान अगाडि बढाइएकोव्यहोरा जिल्ला प्रहरी कार्यालय पर्साका प्रवक्ता एवम् प्रहरी नायब उपरिक्षक ओमप्रकाश खनालले जानकारी दिए ।
