वीरगंज । पर्सा प्रहरीले ब्राउन सुगर सहित एक जनालाई पक्राउ गरेकाे छ । पक्राउ पर्नेमा वीरगंज महानगरपालिकाकाे वडा नं.१८ निवासी ३८ बर्षिय शिवलाल महतो धानुक रहेकाे प्रहरीले जनाएकाे छ ।
सूचना परिचालन र प्रहरी कारवाहीको सिलसिलामा जिल्ला प्रहरी कार्यालय पर्साबाट खटिएकाे प्रहरी टाेलीले वीरगंज महानगरपालिकाकाे वडा नं.१६ शंकरआचार्य गेटबाट बुधबार सांझ ५:४५ बजे धानुकलाई पक्राउ गरेकाे हाे ।
भारतको रक्सौलबाट वीरगंजतर्फ साईकलमा आइरहेका महताेमाथि शंका लागी शरीर रीतपूर्वक खानतलासी गर्दा निजले लगाएको कालो हाफ ज्याकेटको खल्तीबाट लागु औषध ब्राउन सुगर अं.२५ (पचीस) ग्राम फेला परेको जिल्ला प्रहरी कार्यालय पर्साले जनाएकाे छ ।
उक्त लागु औषध ब्राउन सुगर र साईकलसहित निजलाई नियन्त्रणमा लिई लागु औषध सम्बन्धि कसुरमा थप अनुसन्धान अगाडि बढाइएको जिल्ला प्रहरी कार्यालय पर्साका प्रवक्ता एवम् प्रहरी नायब उपरिक्षक ओमप्रकाश खनालले जानकारी दिए ।
