Date
शुक्र, मंसिर ४, २०८३
Fri, November 20, 2026
Home Blog Page 834

वीरगंज १० मा माओबादी केन्द्रकाे कमिटी गठन

0

वीरगंज । नेपाल कम्युनिस्ट पार्टी (माओबादी केन्द्र)को वीरगन्ज महानगरपालिका वडा नम्बर १० को कमिटि गठन गरिएको छ । शुक्रबार भएको वडा भेलाले पवन गुप्ताको अध्यक्षतामा ११ सदस्यीय वडा कमिटि गठन गरेको हो ।

नवगठित कमिटिको उपाध्यक्षमा आशा गिरी, सचिवमा जियालाल साह, सह–सचिवमा रोशन गुप्ता, कोषाध्यक्षमा बबिता कुमारी चयन भएका छन् ।

त्यसैगरी, कमिटीकाे सदस्यहरुमा बिनोद साह, बिकास चौरसिया, मनोज साह, अफताब खान, संतोष साह, पिंटु पटेल रहेका छन् । त्यसैगरी, ४ सदस्यीय सल्लाहकार समिति समेत गठन गरिएकाे अखिल (क्रान्तिकारी) का केन्द्रिय सदस्य जुबेर आलमले वताए । जुन समितिमा शत्रुधन गिरी,  मनोज कुमार गुप्ता, दिनेश साह र हरी जैशी रहेका छन् ।

शत्रुघन गिरीको अध्यक्षतामा भएको कार्यक्रममा माओबादी केन्द्रका प्रदेश कमिटि सदस्य रामदरस कुश्वाह, वीरगंज माहानगर अध्यक्ष रहबर अन्सारी, ज़िल्ला सदस्य प्रभाकर गुप्ता लगायतको उपस्थिति रहेको थियो । 

त्यसैगरी, शुक्रबार नै वीरगंज महानगरपालिकाकाे वडा नं. २९ मा रुदल अन्सारीकाे अध्यक्षतामा २१ सदस्यीय कमिटी गठन भएकाे छ । 

पर्सामा थप ५० जनामा काेराेना संक्रमण पुष्टि

0

वीरगंज । पर्सामा थप ५० जनामा काेराेना भाइरस संक्रमण पुष्टि भएकाे छ । वीरगंजस्थित नारायणी अस्पतालकाे प्रयाेगशालामा शुक्रबार गरिएकाे परिक्षणमा पर्साका ५० जना सहित थप ५७ जनामा काराेना संक्रमण पुष्टि भएकाे हाे ।

शुक्रबार साँझ आएको रिपोर्ट अनुसार ९४ जनाको स्वाब परीक्षण गर्दा ५७ जनामा कोरोना संक्रमण पुष्टि भएको अस्पतालले जनाएको छ । जसमा पर्साका ५० जना, बाराका ४ जना र रौतहटका ३ जना रहेका छन् ।

संक्रमण पुष्टि हुनेहरुमा ३७ जना पुरुष र २० जना महिला रहेका छन् भने उनीहरुको उमेर समूह १२ देखि ७२ वर्षसम्म रहेको नारायणी अस्पतालका काेभिड संयाेजक डा. सरोज रोशन दासले जानकारी दिए ।

उनका अनुसार ८ जना संक्रमितहरुको स्वास्थ्य अवस्था खराब रहेकोले उनीहरुलाई नारायणी अस्पतालको आइसोलेशनमा राखेर उपचार भइरहेको छ । संक्रमण पुष्टि हुनेहरुको सिटी भ्यालु १४ देखि ३५.६ रहेको छ ।

संक्रमित हुनेहरु पर्साकाे छिपरहरमाई गाउँपालिका, सखुवा प्रसाैनी गाउँपालिका, बहुदरमाई नगरपालिकाका एक/एक जना र अन्य वीरगंज महानगरपालिकाकाे विभिन्न वडाका रहेका छन् ।

संक्रमितकाे संख्या बढ्दै

पर्सामा दिन प्रतिदिन संक्रमितहरुको संख्या बढ्दै गइरहेको बुझ्न सकिन्छ । शंकास्पद व्यक्तिहरुको मात्रै पीसीआर परीक्षण गर्दा ४० देखि ६० प्रतिशतको हाराहारीमा संक्रमण पुष्टि भइरहेको छ भने पीसीआर परीक्षणको दायरा बढाउने हो भने झन बढी संक्रमितहरु फेला पर्न सक्ने अवस्था छ ।

कोरोना संक्रमण पुष्टि भएकाहरुलाई होम आइसोलेशनमा राख्ने व्यवस्था गरिएको कारण पनि समाज स्तरमा कोरोना फैलिन सक्ने अवस्था सिर्जना भएको छ । हालसम्म पर्सा जिल्लामा ३ हजार ४ सय १५ जनामा कोरोना संक्रमण पुष्टि भइसकेको छ भने ३ हजार १ सय ९९ जना संक्रमितहरु निको भइसकेका छन् ।

यसैगरि पर्सा जिल्लामा हालसम्म कोरोनाबाट ५८ जनाको मृत्यु भइसकेको छ भने १६४ जना होम आइसोलेशनमा छन् । होम आइसोलेशनमा बस्नेहरुमध्ये १ सय पुरुष र ६४ जना महिला रहेका छन् ।

यसैगरि नेपाल भारत सीमा क्षेत्रमा भारतबाट नेपाल प्रवेश गर्नेहरुलाई भइरहेको चेकजाँचको क्रममा करिब ३ हजार ५ सयको भारतीय नागरिकहरुको साधारण परीक्षण गरिएको छ भने ३ सय ९० जनाको एन्टिजेन परीक्षण गरिएको छ । जसमा १० जनामा कोरोना संक्रमण पुष्टि भइसकेको छ ।

पर्सागढीमा रक्तदान कार्यक्रम सम्पन्न

0

वीरगंज । पर्साकाे पर्सागढी नगरपालिकाकाे वडा नं. ८ हरपुरमा शुक्रबार रक्तदान कार्यक्रम सम्पन्न भएकाे छ । युवा समाज हरपुरको सहयोग र  पर्सागढी नगरपालिका वडा नं. ८ को आयोजनामा भएकाे कार्यक्रममा २२ जनाले रक्तदान गरेका थिए ।

हरपुर सामुदायिक भवनमा भएकाे कार्यक्रमको उद्घाटन रक्तदान गरेर वडाध्यक्ष किसुन देव प्रसाद यादबले गरेका थिए ।

साे कार्यक्रममा ब्रमानन्द यादव, त्रिपुरारी दास थारु, राज प्रसाद चाैधरी, धुब्र प्रसाद कुर्मी, भुपेन्द्र कुमार राम, उत्तम राम, सुर्य प्रकाश साह, फुपेन्द्र कुमार दास, मधुकर प्रसाद यादव, बाचा साह तेली, अशाेक महताे थारु, केशव राम लगायतकाले रक्तदान गरेका थिए ।

रक्तदान कार्यक्रम रक्त स‌चार केन्द्र वीरगंजकी प्राविधिक दिलीमाया घिमिरे नेतृत्वकाे प्राविधिकहरुकाे सहयाेगमा भएकाे थियाे ।

स्राेत नखुलेकाे आठ लाख नगदसहित वीरगंजका फकिर पक्राउ

0

वीरगंज । पर्सा प्रहरीले अवैध हुण्डी कारोबारमा संलग्न रहेको आशंकामा आठ लाख नगदसहित एक जनालाई पक्राउ गरेको छ । पक्राउ पर्नेमा वीरगंज महानगरपालिका वडा नम्बर ३ छपकैया निवासी ४८ वर्षीय जोखन साह फकिर रहेका छन् ।

विशेष सूचनाको आधारमा जिल्ला प्रहरी कार्यालय पर्साबाट खटेको प्रहरी टोलीले वीरगंज महानगरपालिका–१६ नगवास्थित बाबा होटल अगाडि सडक खण्डमा चेकजाँच गर्ने क्रममा स्रोत नखुलेको ८ लाख नगद बरामद गरि उनलाई नियन्त्रणमा लिएको पर्साका प्रहरी नायब उपरीक्षक ओमप्रकाश खनालले जानकारी दिए ।

उनका अनुसार गएराति करिब २ बजेको समयमा साइकलमा चढी हिँडिरहेको अवस्थामा निजलाई रोकेर चेकजाँच गर्दा फकिरको साथबाट उक्त परिमाणको रकमसहित नियन्त्रणमा लिइएको बताए ।

बरामद गरिएको नगदसहित फकिरलाई जिल्ला प्रहरी कार्यालय पर्सामा ल्याई बैंक तथा वित्तिय संस्था सम्बन्धी ऐन २०७३ विपरीतको कसुरमा मुद्दा दर्ता गरि आवश्यक अनुसन्धान अगाडि बढाइएको प्रहरी नायब उपरीक्षक खनालले जानकारी दिए ।

सखुवा प्रसाैनी गाउँपालिकामा सार्वजनिक सुनवाई कार्यक्रम सम्पन्न

0

वीरगंज । पर्साको सखुवा प्रसाैनी गाउँपालिकामा मंगलबार सार्वजनिक सुनुवाई कार्यक्रम सम्पन्न भएको छ ।

गाउँपालिकाको वडा नम्बर १ मधुवन मथवलको खजुरिचा चोकमा भएकाे सार्वजनिक सुनुवाई कार्यक्रम सम्पन्न भएको हो । वडा नम्बर १ का अध्यक्ष विश्वनाथ पटवारीको अध्यक्षता र गाउँपालिका अध्यक्ष प्रदिप जयसवालको प्रमुख आतिथ्यमा भएको कार्यक्रममा स्थानीय जनताले सडक, विद्यालय, स्वास्थ्यचौकी, नदी नियन्त्रण जस्ता विषय प्राथमिकतामा राख्न वताए ।

सखुवा परसैनी गाउँपालिकाको आयोजन र सहयोगी नेपालकाे संयोजनमा भएको सार्वजनिक सुनुवाइ कार्यक्रममा बोल्दै स्थानीयले धानको बिउ, रसायनिक मलकाे वितरण र विद्यलयमा अपुग शिक्षक दरबन्दी जस्ता विषयमा जिज्ञासा र सुझाव राखेका थिए ।

कार्यक्रमका प्रमुख अथिती रहेका गाउँपालिका अध्यक्ष जयसवालले आफुहरुले विकासको वजेट स्थानीय आवश्यक्ताको पहिचान गरेर र वडास्तरबाट पेश भएर आएका योजनाहरुका अनुसारमा काम गर्ने गरेको बताए । उनले कृषी, शिक्षा र स्वास्थ्यजस्ता विषय आफुहरुको पाथमिकतामा रहेको बताए ।

कार्यक्रमकी विशिष्ठ अतिथी रहेकी गाउँपालिकाकी उपाध्यक्ष फुलमति चौधरीले आफुहरुले समुदायस्तरमा उठेका बिवादहरु स्थानीय न्यायिक समिमित मार्फत छलफल र मेलमिलाप गराएर मिलाउने गरेको बताइन ।

त्यस्तै पालिकामा हुने निर्णयहरुमा जनताको आवश्यक्तालाई केन्द्रबिन्दुमा राख्ने गरेको दावी गरिन ।

प्रमुख प्रशासकिय अधिकृत सन्देश यादवले गाउँपालिकाको कार्यालयबाट प्रवाह हुने सेवालाई प्रभावकारी बनाउन लागि परेको बताए । उनले विकास निर्माणको कामदेखि योजना कार्यन्यवनका हरेक चरणमा कार्मचारी वर्गबाट गरिने कार्य राम्रो होस भन्ने प्रयास गर्ने गरेको बताए ।

स्थानीय भागवत दास थारुले गाउँपालिकाको काम कारवाही पारदर्शी हुनु पर्ने राय जनाए ।

कार्यक्रममा संयोजनाकर्ता संस्थाका प्रतिनिधि अफरोज अहमदले नागरिक प्रतिवेदश र वर्हिगम अभिमतको सर्वेक्षण प्रतिवेदन सार्वजनिक गरेका थिए । कार्यक्रममा बिभिन्न वडाका जनप्रतिनिधि, कर्मचारीहरु, स्थानिय राजनीतिक दलका अगुवा, नागरिक अगुवा, महला र भद्रभलादमीहरुको सहभागिता रहेकाे थियो ।

होटेल व्यवसायी संघद्वारा नवनिर्वाचित पदाधिकारी सम्मानित

0
वीरगंज । हाेटल तथा पर्यटन व्यवसायी संघ वीरगंजले साेमबार एक कार्यक्रमका बिच वीरगंज उद्योग बाणिज्य संघ र नेपाल पत्रकार महासंघमा निर्वाचित पदाधिकारी तथा सदस्यहरुलाई सम्मान गरेकाे छ ।
 
संघले वीरगंजकाे कुमु हाेटलमा आयाेजना गरेकाे कार्यक्रममा वीरगंज उद्याेग वाणिज्य संघ र नेपाल पत्रकार महासंघमा निर्वाचित सम्पूर्णलाई सम्मान गरिएकाे थियाे । वीरगंज उद्याेग वाणिज्य संघकाे अध्यक्षमा निर्वाचित सुबाेध गुप्तासहितकाे सम्पूर्ण कार्य समिति र नेपाल पत्रकार महासंघकाे केेन्द्रिय सचिवमा निर्वाचित दिपेन्द्र चाैहान, पत्रकार महासंघ प्रदेश नं. २ काे महासचिवमा निर्वाचित श्याम बन्जारा लगायतकालाई सम्मान गरिएकाे थियाे ।
 
यस्तै, नेपाल पत्रकार महासंघमा पर्सा शाखाकाे अध्यक्षमा निर्वाचित उनुप तिवारी, उपाध्यक्ष युवराज खड्का, सह सचिव जितेन्द्र साह, काेषाध्यक्ष संजिव मिश्रा, सदस्यहरु अजय चाैरसिया, नरेश सर्राफ, अमित अग्रवाल, श्याम कुशवाहा, रस्मी राज भण्डारी लगायतकालाई पनि सम्मान गरिएकाे थियाे ।
 
यस्तै, महासंघकाे केन्द्रिय परिषदमा निर्वाचित महेश चन्द्र गाैतम, प्रदेश परिषद सदस्यमा निर्वाचित रामनारायण कुर्मी, कृष्ण कुमार खनाल, प्रणय कुमार साह, शिवशंकर साह, प्रकाश तिवारी लगायतकालाई पनि गमछा ओढाएर फुलकाे माल र अबिरकाे टिका लगाएर सम्मान गरिएकाे थियाे ।   
 
हाेटल तथा पर्यटन व्यसायी संघका अध्यक्ष हरि पन्तकाे अध्यक्षता र संविधान सभा सदस्य एवम् हाेटल तथा पर्यटन व्यवसायी संघका संरक्षक अनिल रुङ्गटाकाे प्रमुख आतिथ्यतामा भएको कार्यक्रममा बिरगंज उद्योग बाणिज्य संघका वरिष्ठ उपाध्यक्ष हरि गौतम, सशस्त्र प्रहरी उपरीक्षक राजेन्द्र खड्का, चन्डी गणका गणपति मदन जङ् राणा, पर्साका प्रहरी उपरीक्षक बेल बहादुर पाण्डे, हाेटल व्यवसायीका सल्लाहकार पशुपति बिक्रम शाह, उषा शाह लगायतकाको सहभागीता रहेको थियो ।
 
स्वागत मन्तव्य शेखर चौधरीले राखेकाे कार्यक्रमकाे सन्चालन निरज पिठाकोटे मगरले गरेका थिए ।

ठोरीमा हुलाकी राजमार्गको काम अघि बढाउन प्रधानमन्त्रीको निर्देशन

0

काठमाडौं । प्रधानमन्त्री केपी शर्मा ओलीले ठोरीमा रोकिएको हुलाकी सडकको काम तत्काल अघि बढाउन निर्देशन दिएका छन् ।

ठोरीबाट काठमाडौं आएको एक प्रतिनिधि टोलीले सोमबार राष्ट्रिय सभागृहमा प्रधानमन्त्री ओलीलाई भेटेर हुलाकी सडक निर्माण कार्य तत्काल अघि बढाउन माग राखेर ज्ञापन पत्र बुझाएको थियो ।

ज्ञापन पत्र बुझ्दै प्रधानमन्त्री ओलीले २/४ ओटा रुख र दुई चार कट्ठा जमिनका कारण राष्ट्रिय गौरवको आयोजना निर्माणमा अवरोध गर्न नहुने भन्दै तत्काल समस्या समाधान गरेर काम सुरु गर्न सम्बन्धित निकायलाई निर्देशन दिएको प्रतिनिधि टोलीका सदस्य हेम चापागाईंले अनलाइनखबरलाई बताए ।

प्रधानमन्त्री ओलीले ठोरीको विकासका लागि सरकार प्रतिबद्ध रहेको बताउँदै ठोरी-माडीको विकासमा अवरोध भए आफूलाई जानकारी दिन ठोरीवासीसँग आग्रह गरेको उनले बताए ।

कार्यक्रममा ‘अधुरो हुलाकी सडक संघर्ष समिति’का अध्यक्ष जगेन्द्र पौडेलले हुलाकी सडक निर्माण अवरोधबारे प्रधानमन्त्री ओलीलाई जानकारी गराएका थिए ।

सो क्रममा राम जन्मभूमि क्षेत्र विकास समितिका अध्यक्ष प्रकाश खनालले राम जन्मभूमि क्षेत्र ठोरीमा रामायण सर्किट निर्माणको बारेमा प्रस्ताव सहितको ज्ञापन पत्र बुझाएका थिए ।

यस अघि प्रतिनिधि टोलीले वनमन्त्री प्रेम आले र भौतिक पूर्वाधार तथा यातायात मन्त्री वसन्तकुमार नेम्बाङलाई पनि ज्ञापन पत्र बुझाउँदै रोकिएको हुलाकी सडक निर्माण अघि बढाउन माग राख्दै ज्ञापन पत्र बुझाएको थियो । अनलाइन खबरबाट

प्रस्तावित नागरिकता विधेयक प्रतिगामी : सांसद यादव

0

वीरगंज । संसद पुन: वैवाहिक अङ्गिकृत र जन्मसिद्ध नागरिकताको विषय उठेको छ । नेपालमा विवाह गरेर आउँने विदेशी महिला र जन्मसिद्ध नागरिकका सन्तानसँग अन्याय भइरहेको भन्दै संसद आवाज उठेको हो ।

सांसद प्रदीप यादवले राज्य व्यवस्था तथा सुशासन समितिले नेपाली पुरुषसँग विवाह गर्ने भारतीय चेलीलाई ७ वर्षपछि नागरिकता दिने प्रस्तावित विधेयक प्रतिगामी र पितृसत्तात्मक सोचले लिप्त भएको बताएका छन् । सोमबार बसेको प्रतिनिधिसभाको बैठकमा बोल्दै सांसद् यादवले हुनै नसक्ने सम्भावित कुराको डरले नेपालमा विवाह गरेर आउँने विदेशी र विशेषगरी भारतीय चेलीहरुसँग अन्याय गर्न लागिएको बताएका हुन् ।

७० वर्षदेखि चल्दै आएको कानुनलाई उल्टाएर नेपालमा विवाह गरेर आउँने चेलीहरुले राष्ट्रियतामाथि आँच पुर्‍याउन सक्ने भयले ७ वर्षसम्म नागरिकता जस्तो महत्वपूर्ण अधिकारबाट वञ्चित गर्नु मानवअधिकार विरोधी भएको उनको तर्क छ ।

नागरिकता नहुँदा नेपालमा कानूनी रुपले एउटा सिमा कार्ड खरिद गर्नदेखि आन्तरिक हवाई उडानसम्म चढ्न नमिल्ने बताउँदै मधेसी समूदायलाई होच्याउने खालको विधेयकलाई जसपा र नेपाली काङग्रेसले दर्ता गराएको प्रस्ताव अनुसार संसदबाट संसोधन गर्ने उनले माग गरे ।

सांसद् यादवले नेपालमा विवाह गरेर आएका भारतीय चेलीले राष्ट्रियता, अखण्डता र देशको हित विपरित काम गरेको एउटापनि प्रमाण प्रस्तुत गर्न चुनौती दिए । उनले पूर्व युवराज्ञी हिमानी शाहको उदाहरण दिँदै भारतीय चेलीहरुले उल्टै नेपालको हितमा काम गर्दै यहाँको संस्कृती र परम्परालाई जोगाएको बताए ।

‘हामी हुँदै नसक्ने कुराको डरलाई लिएर भारतीय चेलीहरुलाई नागरिकताको अधिकारबाट ७ वर्षसम्म वञ्चित गर्ने कुरा गर्दैछौँ । हाम्रो देशमा आज कयौँ भारतीय चेलीहरु सांसदेखि ठूलाबडा अहोदामा समेत छन्,’ यादवले भने, ‘आजसम्म उनीहरुले कुनै राष्ट्रघात गरेका छन् ? उल्टै पूर्व युवराज पारस जस्तो श्रीमान् हुँदाहुँदै पूर्व युवराज्ञी हिमानी शाहले नेपाली संस्कृती र परम्परालाई सधै जोगाएर राख्ने काम गरेकी छन् । उनि जस्ता लाखौँ छन् । तर राष्ट्रघात गर्ने एउटापनि छैनन् ।’

जसपाको केन्द्रीय सदस्यसमेत रहेका सांसद् यादवले केही व्यक्तिले षडयन्त्र पूर्वक नेपाल-भारतको ऐतिहासिक र धार्मिक सम्बन्धलाई बिगार्न नागरिकता विधेयक ल्याएको दावी गरे । प्रस्तावित विधेयकका कारण तराईका मधेसी मात्र नभएर पूर्वका जनजाती र पश्चिमका खसबाहुनसमेत प्रभावित हुने उनको भनाई छ ।

उनले जन्मसिद्ध नागरिकता भएका नेपालीहरुको सन्तानलाई राज्यले अलपत्र पारेको आरोप लगाए । ‘लाखौँ युवायुवती नागरिका बिना अलपत्र बनेका छन् । उनीहरुलाई शिक्षादेखि रोजगारीको अवसरबाट पनि वञ्चित गरिँदै छ, ‘यादवले भने, ‘राज्यबाट सेवा सुविधासमेत प्राप्त नगर्दा उनीहरुले राष्ट्रियता गुमाएको महसुस गर्दैछन । यसको समाधान नभए उनीहरुको जीवन बर्बाद हुन्छ ।’

संविधानको धारण ११ को उपधारा ३ मा उल्लेख गरे अनुसार जन्मसिद्धका सन्तानहरुलाई नागरिकता दिनुपर्ने राज्यको दाइत्व भएपनि सर्वाच्च अदालत र संसदमा प्रस्तुत हुननसकेका केही विधेयकका कारण उनीहरुको जीवनसँग खेलवाड भइरहेको उनले बताए । उनले यस विषयलाई छिटोभन्दा छिटो समाधान गर्न माग समेत राखे ।

पाेखरियामा इलाका प्रशासन स्थापनाकाे माग गर्दै प्रधानमन्त्रीलाई ज्ञापन

0

वीरगंज । पर्साकाे पाेखिरया नगरपालिकाले पाेखरियामा इलाका प्रशासन कार्यालय स्थापना गर्न माग गर्दै प्रधानमन्त्री केपी शर्मा ओलीलाई ज्ञापन पत्र बुझाएकाे छ ।

नगरपालिकाका मेयर दिपनारायण राैनियारले पर्साका प्रमुख जिल्ला अधिकारी पिताम्बर घिमिरेमार्फत प्रधानमन्त्री ओलीलाई ज्ञापन पत्र बुझाएका हुन् ।

जिल्ला प्रशासन कार्यालयबाट सम्पादन हुने सार्वजनिक सेवाका लागि ईलाका प्रशासन कार्यालय पोखरीयामा स्थापना गर्न, भुमि व्यस्थापन तथा मालपोत कार्यालयबाट सम्पादन हुने सार्वजनिक सेवाका लागि सेवा केन्द्र पोखरीयामा स्थापना गर्न र नापी कार्यालयबाट सम्पादनहुने सार्वजनिक सेवाका लागि सेवा केन्द्र पोखरीयामा स्थापना गर्न माग गर्दै ज्ञापन पत्र बुझाइएकाे प्रमुख प्रशासकिय अधिकृत अमित कुमार गिरीले वताए ।

यस्तै, ज्ञापन पत्रमार्फत नगरपालिका भित्र रहेकाे अतिक्रमित जग्गा खाली गराउन समेत माग गरिएकाे उनले जानकारी दिए । 

जिल्लाकाे मध्य भागमा अवस्थित रहेको पोखरीया नगरपालिकामा जिल्लाका अधिकांश ग्रमीणा क्षेत्रमा जनताहरु सार्वजनिक सेवाका महत्वपूर्ण कार्यालयहरु जिल्ला प्रशासन कार्यालय, भुमि व्यवस्था तथा मालपोत कार्यालय, नापी कार्यालय लगायतका कार्यालयहरु वीरगंजमा रहेको कारणले सम्पूर्ण सेवा लिनका लागि वीरगंज नै पुग्नु पर्ने बाध्यता रहेका कारण जनताले प्राप्त गर्ने सेवा जनताकै घरदैलोमा प्राप्त होस भन्ने उदेश्य स्वरुप सेवा केन्द्र स्थापना गर्न माग गरिएकाे मेयर राैनियारले वताए ।

जिल्लाका सवै भन्दा टाढा रहेको ठाेरी, भिस्वा, जगमंगलापुर, धोवीनी, लंगडी लगायतका ठाउँहरुबाट वीरगंज पुग्न सार्वजनिक सवारी साधनको प्रयाप्तता पनि नभएको अवस्थामा त्यस भेगका जनताको लागि पोखरीया नगर एक सहज पहुँच हुने केन्द्रको रुपमा रहेको छ ।

ज्ञापन पत्र बुझाउन जिल्ला प्रशासन कार्यालय पर्सामा नगरपालिकाकी उप मेयर सलमा खातुन, वडाध्यक्षहरु, कार्यापालिका सदस्यहरु र केही कर्मचारीहरु पुगेका थिए ।