Date
शुक्र, मंसिर ४, २०८३
Fri, November 20, 2026
Home Blog Page 833

पर्सामा ४९ जना संक्रमित थपिए, १९ जनालाई अस्पताल भर्ना गरियाे

0

वीरगंज । पर्साका थप ४९ जनामा काेराेना भाइरस संक्रमण पुष्टि भएकाे छ । वीरगंजस्थित नारायणी अस्पतालकाे प्रयाेगशालामा आइतबार ९६ जनाकाे आरटी पिसिआर विधिबाट गरिएकाे परिक्षणमा थप ६१ जनामा काेराेना पाेजिटिभ देखिएकाे हाे ।

थपिएका संक्रमितहरु पर्साका ४९ जना, बाराका ११ जना र सर्लाहीका एक जना रहेकाे नारायणी अस्पतालका काेभिड संयाेजक डा. सरोज रोशन दासले बताए । उनका अनुसार संक्रमित हुनेमा ५० पुरुष र ११ महिला रहेका छन् । संक्रमितहरु ५ बर्षदेखी ७२ बर्ष उमेर समुहका रहेका छन् । उनीहरुकाे सिटी भ्यालु १४ देखी ३५.५ रहेकाे छ ।

पर्सामा थपिएका संक्रमितहरु वीरगंज महानगरपालिकाकाे वडा नं. ३, ४, ६, ८ १०, ११, १२, १५, १६, १९, २५, २६ का रहेका छन् भने  धाेबिनी गाउँपालिकाकाे वडा नं. ४ काे एक जना र ५ काे एक जना रहेका छन् ।

त्यसैगरी, बाराकाे परवानीपुर गाउँपालिका वडा नं. ३ काे एक जना, कलैया उपमहानगरपालिकाकाे वडा नं. ४ काे ५ जना, वडा नं. ६ का एक जना, निजगढ नगरपालिका वडा नं. ७ का ४ जना रहेका छन् ।

त्यसैगरी, सर्लाहीकाे हरिपुरवा ३ का एक संक्रमण पुष्टि भएकाे काेभिड संयाेजक डा. दासले जानकारी दिए । नारायणी अस्पतालमा हाल १९ जना संक्रमितलाई भर्ना समेत गरिएकाे उनले वताए ।

वीरगंजबाट चोरीको मोटरसाईकलसहित एक जना पक्राउ

0

वीरगंज । पर्सा प्रहरीले वीरगंजबाट चाेरीकाे माेटरसाइकल सहित एक जनालाई पक्राउ गरेकाे छ ।

प्रहरी चौकी बसपार्कबाट खटीएको प्रहरी टोलीले आइतबार विहान ०२:०० बजेको समयमा वीरगंज महानगरपालिकाकाे वडा नं.१६ स्थित चालीस फिटे सडक खण्डबाट बाराकाे फेटा गाउँपालिका वडा नं.६ हाल वीरगंज महानगरपालिकाकाे वडा नं.१३ मा डेरा लिई बस्दै आएको बर्ष २० को रेयाज मियाँ ठकुराईलाई नियन्त्रणमा लिएकाे हाे ।

शनिबार राती ९ बजेको समयमा बीरगंज महानगरपालिकाकाे वडा नं.१६ स्थितघरको कम्पाउण्ड भित्र पार्किङ गरी राखिएको अवस्थाबाट साेही ठाउँ बस्ने बर्ष २८ को बिशाल साहको नाममा दर्ता रहेको चेसिसनं. ZBNL29007LBB44419 र ईन्जिन नं. BJ157FMJA92021310 भएको प्रदेश नं.२-०३-००७ नम्बरको सेतोमा रातो रंगको टिएनटी १५० सिसिको मोटरसाइकल चोरी भएको थियाे ।

साे माेटरसाइकल खोजतलास तथा अनुसन्धानको क्रममा पक्राउ परेका ठकुराईले उक्त घरको कम्पाउण्ड भित्र प्रवेश गरी माेटरसाइकलकाे लक फुटाई लिई जादै गरेको अवस्थामा पक्राउ गरिएकाे जिल्ला प्रहरी कार्यालय पर्साले जनाएकाे छ ।

ठकुराईमाथी चोरी सम्बन्धी कसूर मुद्दामा पर्सा जिल्ला अदालतबाट ७ दिन म्याद थप गरी अनुसन्धान प्रकृया अगाडि बढाइएको जिल्ला प्रहरी कार्यालय पर्साका प्रवक्ता एवम् प्रहरी नायब उपरिक्षक ओमप्रकाश खनालले जानकारी दिए । 

वीरगंज महानगरका कक्षा ५ सम्मको सबै विद्यालय बन्द हुने

0

वीरगंज । वीरगंज महानगरपालिकाले कक्षा ५ को सबै विद्यालयहरु बैशाख ६ गते सोमबारदेखि बन्द गर्ने निर्णय गरेको छ ।

आईतबार महानगर प्रमुख विजय कुमार सरावगीको अध्यक्षतामा बसेको महानगरपालिकाको बैठकले सोमबारदेखि कक्षा ५ सम्मको सबै सामुदायिक र संस्थागत विद्यालयहरु बन्द गर्ने निर्णय गरेको हो ।

कोरोना भाईरस (कोभिड–१९) को संक्रमण देशव्यापी रुपमा फैलिएको र त्यसको प्रत्यक्ष जोखिममा विद्यालयका बालबालिकाहरुमा पर्ने भएकोले जोखिमको परिस्थितिलाई मध्यनजर गर्दै बैशाख ६ गते सोमबारदेखि महानगरक्षेत्रका सबै सामुदायिक र संस्थागत विद्यालयहरु बन्द गर्ने निर्णय भएको वीरगंज महानगरका प्रमुख विजय कुमार सरावगीले जानकारी दिए ।

बैठकले कक्षा ५ सम्मको विद्यार्थीहरुको कक्षा वृद्धि आन्तरिक मूल्यांकनको आधारमा मिलाउन समेत सबै विद्यालयहरुलाई अनुरोध गरेको छ ।

कार्यालयहरुमा स्वास्थ्य सुरक्षा अपनाउन उच्च अदालतकाे आदेश

0

वीरगंज । उच्च अदालत जनकपुर अस्थाई ईजलास बीरगंजले कोभिड महामारीको अवस्थालाई ध्यानमा राखि कार्यालयहरुमा मास्क बिना प्रवेश निषेध गर्न, अनावश्यक भिडभाड कम गर्नका लागी गेटपास लगायतको ब्यवस्था गर्न, कार्यालयहरुको कर्मचारी तथा सेवाग्राहीहरुको लगी उचित साबुन पानी तथा भौतिक दुरी कायम गर्नको लागी उचित प्रबन्ध मिलाउन उच्च अदालतको अस्थाई बीरगंजका रजिष्ट्रार तथा पर्सा बारा र रौतहट जिल्ला अदालतको श्रेस्तेदारको नाँउमा अल्पकालिन अन्तरिम आदेश जारी गरेको छ ।

यसैगरि जिल्ला प्रशासन कार्यालय पर्सा, जिल्ला संकट ब्यवस्थापन केन्द्र तथा सम्बन्धित पालिकाहरुले आफ्ना मातहतमा रहेका सार्वजनिक स्थलमा साबुन पानीको ब्यवस्था गर्न र पी.सी.आर. टेस्टको उचित ब्यवस्था गर्न समेत आदेश जारी गरेको छ ।

उच्च अदालत जनकपुरको अस्थाई ईजलास बीरगंजका न्यायाधिश अन्जु उप्रेती ढकालको एकल ईजलासले सो अल्पकालिन अन्तरिम आदेश जारी गर्दै अन्तरिम आदेशको छलफलका लागी यही बैशाख १३ गते दुबैपक्षलाई छलफलका लागी बोलाएको छ ।

अधिवक्ता प्रमोद प्रसादले जिल्ला प्रशासन कार्यालय पर्सा, जिल्ला प्रहरी कार्यालय पर्सा, उच्च अदालत बीरगंज ईजलासका रजिष्ट्रार, पर्सा बारा रौतहट जिल्ला अदालतका श्रेस्तेदार मालपोत कार्यलय पर्सा लगायत १२ जनालाई बिपक्षी बनाई दायर गर्नु भएको रिट निवेदनमा आइतबार सुनुवाई गर्दै अदालतले सो अन्तरिम आदेश जारी गरेको हो । 

पेशीमा निवेदक लगायत बरिष्ठ अधिवक्ताद्वय ईन्द्रदेव प्रसाद चौधरी, मनमोहन तिमिलसिना, अधिवक्ताहरु शिव कोईराला, सुधिर कुमार कर्ण, रामनारायण प्रसाद कुर्मी, शैलेन्द्र चौरसिया, बिशाल चौधरी तथा हरिहर साह लगायतले बहस गरेका थिए ।

जितपुरमा शार्वजनिक शाैचालय निर्माण हुने

0

रोशन गुप्ता /
जितपुर । जीतपुरसिमरा उपमहानगरपालिकामा सार्वजनिक शाैचालय निमार्ण हुने भएकाे छ । जनप्रतिनिधि निर्वाचित भएकाे ४ बर्ष हुन लागेपनि व्यपारीक नगरी जीतपुर शौचालय विहिन रहेको थियो ।

आम जनताहरुले शाैचालय निर्माणकाे लागि पटक पटक पहल गर्दा पनि सम्बन्धीत निकायकाे ध्यान पुग्न सकेकाे थिएन । केही समय पहिला कालिका टाईम्सले शाैलालय सम्बन्धमा समाचार समेत प्रकाशन गरेकाे थियाे ।

पथलैया–वीरगंज ६ लेन सडक विस्तारको क्रममा जितपुरको शौचालय भतकाइएको थियो । करिब ३ वर्षदेखि जितपुर शौचालय विहीन रहेको थियो । जीतपुरमा सार्वजनिक शौचालय निर्माण गर्नका लागि सबै जनप्रतिनिधि तयार भए पनि त्यसका लागि उपयुक्त ठाउँ नपाएको कारणले निर्माण हुन सकेको थिएन ।

वर्षाैदेखि जितपुरमा कराते खेल खेलाइने ठाउँ शौचालयको लागि उपयुक्तहुने देखिएको भएपनि करातेका सम्बन्धीत निकायसंग छलफल नहुँदा शौचालयको कार्य अगाडी बढन सकेकाे थिएन । शौचालयको लागि हाल कराते डोजोसँग सहकार्यमा शौचालय तथा डोजोलाई व्यवस्थित बनाई डोजोको केही भाग प्रयोग गरि शौचालय निमार्ण गर्ने सहमति भएको छ ।

शौचालय तथा कवाडको निमार्ण वडा स्तरिय बजेटबाट हुने भएकाे छ । शाैचालय निर्माणकाे लागि रु १० लाख ५३ हजार २ सय बजेट छुट्याइएकाे जनकारी जीतपुरसिमरा उपमहानगरपालिका वडा नं‍. ७ का वडाध्यक्ष रामबाबु प्रसाद कलवारले दिए ।

यता डोजोमा कराते खेल खेलाउने सह–प्रशिक्षक मनोज कुमार साहले जीतपुरको विकाको लागि सदेव तयार रहेको र सार्वजनिक शौचालयको लागि साथ साथै डोजोलाई पनि व्यवस्थित गर्दै जानु पर्ने वताए ।

सार्वजनिक शौचालय निमार्ण समितिका अध्यक्ष प्रकास गिरीका अनुसार ३ वर्षदेखि शौचालयकाे खाचो भएको कारणले गर्दा जीतपुरका व्यपारी, स्थानिय तथा बाहिरबाट आएका व्यपारीहरु धेरै सास्ति हुँदै आएको थियो । आम जनताहरुको समस्यालाई ख्याल गर्दै शौचालय छिटै निमार्ण हुने बताए । 

तीन जना फरार प्रतिवादी पक्राउ

0

वीरगंज ।  बारा प्रहरीले ३ जना फरार प्रतिवादीलाई पक्राउ गरेकाे छ । बाराकाे कलैया उपमहानगरपालिका वडा नं. ६ निवासी धुमन साह सोनार, साेही उपमहानगरपालिका वडा नं.९ निवासी असलम देवान र सुवर्ण गाउँपालिका वडा नं.८  निवासी नेपाली खाँ पैठान भन्ने आजाद खाँ पैठानलाई प्रहरीले पक्राउ गरेकाे हाे । 

फैसला कार्यान्वयनको सिलसिलमा बारा जिल्ला अदालतको मिति २०७६/०३/२७ गतेको फैसला आदेशले कुटपिट अंगभंग मुद्दामा कैद तथा जरिवाना लागि फरार रहेका साेनार र देवानलाई पक्राउ गरिएकाे जिल्ला प्रहरी कार्यालय बाराले जनाएकाे छ ।

अदालतले साेनारलाई  ४ बर्ष कैद, रु ४० हजार जरिवाना र देवानलाई ६ महिना कैद, रु ५ हजार जरिवाना ताेकेकाे जिल्ला प्रहरी कार्यालय बाराका प्रवक्ता एवम् प्रहरी नायब उपरिक्षक गाैतम मिश्रले वताए ।

बिहिबार जिल्ला प्रहरी कार्यालय बाराबाट खटिएको प्रहरी टोलीले निजहरूलाई लुकिछिपी बसेको अवस्थामा फेला पारी पक्राउ गरी बारा जिल्ला अदालतमा पेश गरिएकोमा अदालतकाे आदेशानुसार निज प्रतिवादीलाई कैद तथा जरिवाना भुक्तानको लागि कारागार कार्यालय वीरगंज पठाइएको उनले जानकारी दिए ।

त्यसैगरी, बारा जिल्ला अदालतमा बिचाराधिन रहेको ठगी मुद्दाका प्रतिवादी पैठानलाई शुक्रबार पक्राउ गरी बारा जिल्ला अदालतमा दाखिला गरिएको प्रवक्ता मिश्रले वताए ।