Date
शुक्र, मंसिर ४, २०८३
Fri, November 20, 2026
Home Blog Page 829

स्थिति भ्यावह छ, संक्रमित मृत्युदर १४ प्रतिशत

0

आदरणीय सरोकारबाला माहानुभाब ज्यूहरु
प्रशासन, राजनितीकर्मी, नागरिक समाज, संचारकर्मी तथा सर्बसाधारण
निकै खिन्नता,पीडाका साथ लेख्दै छु ।
साच्चिकै यो देशमा सरकार र सरकारी निकायको काम कर उठाउनु र अख्तियारको दुरुपयोग गर्ने बाहेक केही पनि छैन । नागरिकले पाउनु पर्ने स्वास्थ्य जस्तो मौलिक अधिकार पनि आज नपाएको घट्नाहरु हुनु लाजमर्दो छ ।

संबिधानकै कुरा गर्ने हो भने, धारा ३५ मा त्यसको पनि उपधारा (ख) मा आकस्मिक सेवा निःशुल्क पाउने बारे स्पष्ट उल्लेख गरिएको छ तर अहिलेको माहामारीमा कति जनाले निःशुल्क सेवा पाएका छन ? हुने खानेले एम्बुलेन्स, हेलिकप्टरबाट महंगा अस्पतालमा उपचार गराएका छन भने अन्य मध्यम स्तरिय तथा निम्न स्तरका आम नागरिकहरु उपचारको लागि हार गुहार पर्ने अवस्था छ ।

हे नागरिक समाज र सरोकारवालाहरु स्थिति निकै नै संबेदनशिल छ, बाहिर देखिएको बिबाह, भोज भतेर र किनमेलको दृश्यहरु यथार्थ भन्दा निकै विपरित छ । अहिले समुदायमा कोभिड फैलिएको अवस्था भन्दा पनि भयावह छ ।

परिक्षण गराएका भन्दा, बिना परिक्षणका संक्रमितहरु कैयौं गुणाले बढी छन् । स्थितिको गम्भीरताले बुझ्न केही तथ्यले संकेत गर्छ । नारायणी अस्पतालमा हाल सम्म सक्रिय संक्रमित ५७ जना र शुक्रबारसम्म ८ जना (नारायणी अस्पतालको मात्र) को मृत्युु हुनु भनेको झन्डै १४% हो जुन आफैमा भयावह छ । त्यस बाहेक बिगत केही सातामा २ दर्जन भन्दा बढी बिरामीहरु विभिन्न निजि अस्पतालमा उलभगmयलष्ब जस्ता लक्षण लिएर मृत्यु भएको कुरा सोच्नै पर्ने हुन्छ ।

स्थिति कति संबेदनसिल छ भने वीरगंजका अधिकांश निजि अस्पतालको ष्कयबितष्यल भरिएको छ, नारायणी अस्पतालको ज्म्ग् र क्ष्ऋग् सतप्रतिसत ययअगउष्भम छ । निकायहरु मौन किन ? के सडकमा कोलहाल हेरेर मात्र ब्यब्स्थापन हुने हो ? संक्रमण दर घटाउने उपायहरु प्रभाब्कारिता साथ लागू गर्नु पर्छ । थप संक्रमितहरुको उपचारको लागि सैया तथा जनशक्तिको ब्यबस्थापन ढिलो भइसक्यो ? मृत्युदर घटाउन पनि प्रभाबकारी कदम चाल्नु पर्ने जरुरी छ ? वरिष्ठ, अनुभवी तथा बिज्ञहरुको सहयोग लिनु आवश्यक देखिन्छ । जाग जाग ! जागन जाग ! भो भयो, अति सुत्यौ अब त जाग !

लेखकः डा.उदय नारायण सिंह नारायणी अस्पतालका चिकित्सक एवम् नेपाल चिकित्सक संघ नारायणी शाखाका सचिव हुन ।

सानो पाइलाद्वारा कोभिड संकट व्यवस्थापन केन्द्रलाई स्वास्थ्य सामाग्री सहयोग

0

वीरगंज  । सामुदायिक संस्था सानो पाइलाले जिल्ला कोभिड संकट व्यवस्थापन केन्द्रलाई स्वास्थ्य सामाग्री उपलब्ध गराएको छ । कोरोनाभाइरसको जोखिम न्युन राख्न प्रयोग हुने उपकरणहरु संस्थाले केन्द्रलाई उपलब्ध गराएको हो । संस्थाले कोभिड टेस्टिंग बुथ १ थान, थर्मल गन २ थान, एन ९५ मास्क ५० पिस, सर्जिकल मास्क १ सय पिस, फेस शिल्ड २० पिस, ग्लोब्स् २ सय पिस, १० पिस प्रोटेक्टीभ ग्लासेस लगायतका सामगीहरु उपलब्ध गराइएको हो ।

संस्थाका सञ्चालन प्रमुख जय साहले पर्साका सहायक प्रमुख जिल्ला अधिकारी भिमकान्त पौडेललाई कोरोना न्युनिकरणमा प्रयोग हुने सामाग्रीहरु हस्तान्तरण गरेका थिए । डिसिसिएमसिको आग्रहमा सिमानामा स्वास्थ्य परिक्षणमा सहजताका लागि उपकरणहरू उपलब्ध गराइएको सञ्चालन प्रमुख साहले बताए ।

सहायक प्रमुख जिल्ल अधिकारी पौडेलले संस्थाले उपलब्ध गराएको सामाग्रीले भारतबाट नेपाल आउनेहरुको स्वास्थ्य परिक्षणमा सहज हुने विश्वास व्यक्त गरे ।

संस्थाले उपलब्ध गराएको टेस्टिंग बुथ स्वाब संकलनका लागि पनि उपयोगि हुने पौडेलको दावी छ । टेस्टिंग बुथबाट स्वाब संकलन गर्दा संक्रमणको सम्भावना न्युन हुने संस्थाका स्रोत परिचालन प्रमुख भाजु पटेलले जानकारी दिए ।

वीरगंज महानगरको विभिन्न वडामा माओबादीको कमिटी गठन

0

वीरगंज । नेकपा (माओबादी केन्द्र) को वीरगंज महानगरको विभिन्न वडामा वडा कमिटी गठन भएको छ । वीरगंज महानगरपालिकाको वडा नं. १५,१९ र २५कमिटी गठन भएको हो । वीरगंज महानगरपालिकाको वडा नं. २५ मा सनिवार भएको नेकपा ( माओबादी केन्द्र)को वडा भेलाले रोशन देवान्को अध्यक्षतामा २१ सदस्यीय वडा समिति गठन गरेको छ ।

जस्मा उपाध्यक्ष भुनेस्वर राउत कुर्मी सचिव साबिर देवान सदस्यहरु राजेश पतेल राजेश पतेल सन्जय शाह जहिर देवान जाकिर मिया लगायतका कमितिमाओबादीका प्रदेश नं. २ का प्रदेश समिति सदस्य रामदरश कुशवाहा प्रमुख अतिथि, वीरगंज महानगर अध्यक्ष रहबर अन्सारी बिशिस्ट अतिथि उपस्थितीमा वडा कमिटी गठन भएको अखिल (क्रान्तिकारी)का केन्द्रिय सदस्य तथा जिल्ला ईन्चार्ज महमद जुबेर आलमले वताए ।

यस्तै, यस अघि वीरगंज महानगरपालिकाको वडा नं.१५ मा श्याम शुन्दर सहनीको अध्यक्षतामा १५ सदस्यीय, वडा नं. १९ मा मुन्ना यादवको अध्यक्षतामा २१ सदस्यीय र वडा नं. २५ मा रोशन देवानको अध्यक्षतामा २१ सदस्यीय वडा कमिटी गठन भएको उनले जानकारी दिए ।

एक महिलासहित ६५ जनाद्वारा रक्तदान

0

वीरगंज । स्वतन्त्र समाज नेपालको आयोजनामा शनिबार वीरगंजको घण्टाघरमा रक्तदान कार्यक्रम सम्पन्न भएको छ । संस्थाका सचिब रबी वर्णवालको संयोजकत्वमा भएको कार्यक्रममा एक महिलासहित ६५ जनाले रक्तदान गरेको रक्तसञ्चार केन्द्र वीरगंजका प्रमुख सौरभराज पाण्डेले जानकारी दिए ।

कार्यक्रममा ट्राफिक प्रहरी निरिक्षक सुमन कार्की, अनिल प्रसाद गुप्ता, जित वर्णवाल, निरन्जन राउत, अभिषेक पटेल, भोला प्रसाद यादव, राहुल तामांग, विवेक लामिछाने, बिकास चौधरी लगायतले रक्तदान गरेका थिए ।

वीरगंज महानगर पालिकाको सह–आयोजनामा भएको कार्यक्रममा वीरगंज महानगरपालिकाकी उपप्रमुख शान्ती कार्की, सशस्त्र प्रहरी उपरिक्षक राजेन्द्र खड्का, जिल्ला ट्राफिक प्रहरी कार्यालय पर्साका प्रमुख प्रहरी निरिक्षक सुमन कार्की, सामाजिक अभियानता प्रकाश थारु, युवा अभियानता दिलिपराज कार्की, संस्थाका अध्यक्ष कन्हैयालाल झा, सहसचिब नितेश वर्णवाल लगायतको उपस्थिति रहेको थियो ।

कार्यक्रममा नेशनल गेम करातेमा पर्सा जिल्लाबाट प्रथम र द्वितिय स्थान हाँसिल गरेका २ जना कराते खेलाडीहरुलाई सम्मानसमेत गरिएको थियो ।

वीरगंजमा थप ९० जनामा कोरोना संक्रमण

0

वीरगंज ।पर्सामा थप ६५ जनामा कोरोना भाईरस संक्रमण पुष्टि भएको छ । वीरगंजस्थित नारायाणी अस्पतालको प्रयोगशालामा १४० जनाको स्वाबको नमूना आरटी पिसिआर बिधिबाट परीक्षण गर्दा ९० जनामा संक्रमण पुष्टि भएको हो । संक्रमित हुनेमा पर्साका ६५

जना, बाराका २२ जना र रौतहटका ३ जना रहेको अस्पतालको कोभिड संयोजक डा. सरोज रोशन दासले बताए । उनका अनुसार संक्रमित हुनेमा ६६ जना पुरुष र २४ महिला रहेका छन् । संक्रमित हुनेहरु ५ बर्षीय बालकदेखी ७७ बर्षीय बृद्धसम्म रहेका छन् । उनीहरुको सिटी भ्यालु १४ देखी ३५ सम्म रहेको छ ।

पर्साको कालिकामाई गाउँपालिकाका वडा नं. ४ का एक जना, बहुदरमाई नगरपालिका वडा नं. ३ का एक जना, धोबिनी गाउँपालिका वडा नं. ५ का एक जना संक्रमित भएका छन् भने अन्य संक्रमितहरु वीरगंज महानगरपालिकाको वडा नं.२, ३, ४, ६, ७, ९, १०, ११, १३, १४, १५, १६, २४ र ३१ का रहेका छन् ।

बहुर्वाभाठ्ठमा आगलगीः ऋण लिएको रु ५ लाख नगद र थ्रेसर जल्यो

0

वीरगंज  ।  पर्साको बिन्दवासिनी गाउँपालिका वडा नं. २ बहुअर्वाभाठ्ठामा शनिबार आगलगी भएको छ । आगलगीमा परि ३ जनाको दुई वटा घर पूर्ण रुपले जलेर खरानी भएको प्रहरीले जनाएको छ ।

स्थानीय बनु पासवान, हिरालाल पासवान र मोतिलाल पासवानको घर जलेको प्रहरी चौकी बहुअर्वाभाठ्ठाले जनाएको छ । बनु र हिरालाल भाई हुन । दुबै जना एउटै घरमा बस्दै आएका थिए । आगलगीले बनुको घरमा रहेको नगद रु ५ लाख, रु ३ लाख २० हजार मूल्य पर्ने थ्रेसर, गरगहना धान चामल, कपडालत्ता लगायतको समाग्री जलेर नष्ट भएको हो ।

आगलगीमा बनुले वीरगंजस्थित एक बैंकबाट ऋण निकालेर घरमा राखेको नगद रु ५ लाखसमेत जलेर नष्ट भएको पिडितले जनाएका छन् । यस्तै आगलगीले मोतिलाल पासवानको घरमा रहेको धान, चामल, कपडा लत्ता लगायतको सामग्री जलेर नष्ट भएको हो । आगलगीले रु १५ लाखभन्दा बढिको क्षति भएको पिडितहरुले जनाएका छन् ।

सुरुमा बनुको घरमा आगलगी भएका कारण उनको धेरै क्षति भएको हो । वीरगंज महानगरपालिकाबाट पुगेको दुई वटा दमकल, पोखरिया नगरपालिकाबाट पुगेको एउटा दमकल, नेपाल प्रहरी, सशस्त्र प्रहरी र स्थानीयको सहयोगमा करिब डेढ घण्टापछि आगो नियन्त्रणमा आएको थियो । आगलगी हुनुको स्रोत खुल्न नसकेको प्रहरीले जनाएको छ ।

सुरक्षित वैदेशिक राेजगारी सम्बन्धि संचारकर्मीहरुसंग अन्तरक्रिया

0

वीरगंज । सुरक्षित वैदेशिक राेजगारी सम्बन्धि संचारकर्मीहरुसंगकाे अन्तरक्रिया कार्यक्रम बिहिबार वीरगंजमा सम्पन्न भएकाे छ । वीरगंज महानगरपालिका, हेल्भेटास नेपाल र दिब्य युवा क्लबको आयोजनामा संचालित सुरक्षित आप्रवाशन परियोजना (सामी) अन्तर्गत भएकाे कार्यक्रम सम्पन्न भएकाे हाे ।

कार्यक्रममा वाेल्दै हेल्भेटासका प्रदेश नं. २ का परियाेजना संयाेजक विजय ठाकुरले  देश मै राेजगारी सृजना नभए सम्म वैदेशिक राेजगारीमा जाने क्रम नराेकिने  वताए । उनले वैदेशिक राेजगारी आजकाे बाध्यता भएकाे वताउँदै स्वदेश मै राेजगारी सृजना नभए सम्म नराेकिने वताए ।

उनले भने “सकेसम्म वैदेशिक राेजगारीमा जानु नै हुँदैन्, जाने नै भए सही सूचना लिएर र सीप सिकेर मात्र जानुपर्छ ।” यसै सम्बन्ध वैदेशिक राेजगारीमा जाने युवाहरुकाे लागि सूचना तथा परामर्श सेेवा प्रदान गर्न जिल्ला प्रशासन कार्यालयहरुमा आप्रवासी स्राेत केन्द्र संचालन ल्याइएकाे वताए ।

कार्यक्रम अधिकृत शिवचरण प्रसाद रौनियारले वैदेशिक रोजगारलाई सुरक्षित, व्यवस्थित, मर्यादित, उपलब्धिमुलक एवं शोषणरहित बनाउने उद्देश्यले परियोजना संचालन गरिएकाे वताए ।

उनले परियाेजना बारे प्रस्तुती गर्दै वैदेशिक राेजगारमा धेरै शुल्क तिरेर जानु परेकाे, अलपत्र पर्ने, जानी नजानी अवैध क्रियाकलापमा सलंगन हुनु पर्ने जस्ता समस्याहरु रहेकाे वताए ।

त्यसैले वैदेशिक राेजगारमा जानु अघि कानुनी व्यवस्थाको बारेमा थाहा पाउन जरुरी रहेकाे वताए ।

परियाेजनाकाे लक्ष्य वैदेशिक राेजगारमा रहेका नेपाली कामदार र तिनका परिवार राज्य संयन्त्रबाट संरक्षित तथा गन्तव्य मुलुकमा मर्यादित कार्य वातावरणबाट लभान्वित हुने रहेकाे उनले जानकारी गराए ।

उनले परियाेजना अन्तर्गत वैदेशिक राेजगारमा जानेकाे संख्या घटाेस भन्ने उद्देश्यले वित्तिय साक्षरता कार्यक्रम समेत संचालन गरिएकाे वताए ।

नेपाल पत्रकार महासंघका पर्साका कार्य समिति सदस्य अमित अग्रवालकाे अध्यक्षतामा भएकाे कार्यक्रममा दिव्य युवा क्लबकी वित्त तथा प्रशासन अधिकृत कल्पना कुर्मी, मनाेसमाजिक परामर्शकर्ता निर्मला भण्डारी, वितिय साक्षरता सहजकर्ता सुनिल कुमार लगायत पर्सेली संचारकर्मीहरुकाे सहभागिता रहेकाे थियाे ।

नेपाल पत्रकार महासंघ पर्साकाे सभाहलमा भएकाे कार्यक्रमकाे सहजिकरण परियाेजना संयाेजक जयनारायण चाैधरीले गरेका थिए ।

नेपाल सरकार र स्वीस सरकारको द्विपक्षीय सम्झौता अनुसार सुरक्षित आप्रवासन परियोजना (सामी–तेस्रो चरण) श्रम, रोजगार तथा सामाजिक सुरक्षा मन्त्रालय अन्तर्गत सञ्चालनमा रहेको छ ।

श्रम, रोजगार तथा सामाजिक सुरक्षा मन्त्रालयको नीतिगत नेतृत्व, प्रदेश सरकार सामाजिक विकास मन्त्रालयको समन्वयमा सम्बन्धित स्थानीय तहहरूको व्यवस्थापन तथा कार्यान्वनमा पर्साकाे वीरगंज महानगरपालिका, पर्सागढी नगरपालिका, सखुवा प्रसाैनी गाउँपालिका र ठाेरी गाउँपालिकामा परियोजना सञ्चालनमा छ ।

पर्सामा परियाेजना संचालनकाे लागि परामर्श सेवा दिव्य युवा क्लबले दिइरहेकाे छ ।

सांस्कृतिक रुपले नेपाल हिन्दु राष्ट्र कायम छ : महामन्त्री पराण्डे

0

वीरगंज । विश्व हिन्दु परिषदका अन्तराष्ट्रिय महामन्त्री मिलिन्द पराण्डेले नेपाल राजनितिक रुपले नभए पनि सांस्कृतिक रुपले हिन्दु राष्ट्र कायम नै रहेको बताएका छन् ।

विश्व हिन्दु परिषद नेपालले बिहिबार वीरगन्जमा आयोजना गरेको परिच्यात्मक तथा भेटघाट कार्यक्रमलाई सम्बोधन गर्दै उनले भने, नेपाल कहिले पनि धर्मनिरपेक्ष देश हुन सक्दैन, यहाँका राजनितिक दलका नेताहरुले क्षणिक स्वार्थका लागि कागजमा मात्र धर्मनिरपेक्ष लेखेका छन तर नेपाल अहिले पनि हिन्दु राष्ट्र नै छ ।

महामन्त्री पराण्डेले मुख्यगरी चार कारणले हिन्दुलाई कमजोर पार्ने खेल भईरहेको वताए । उनले ईसाईको प्रचारबाजी र धर्मान्तरण, ईस्लामीक आतंकबादी, कुनै धर्ममा विश्वास नहुने लहर र पश्चिमी भोगदावी शैली भित्रिनाले हिन्दुलाई कमजोर बनाउँन हिन्दुमाथि प्रहार भईरहेको बताए ।

पाकिस्तान र बंगलादेशमा हिन्दुहरुमाथि संकटको अवस्थामा रहेको छ । त्यहाँ अस्तीत्वको संघर्ष हुँदै आएको छ । त्यहाँका न्यायपालिका मुस्लीमकै छ, दिनहुँ हिन्दुमाथि अन्या अत्याचार बढेपनि हिन्दुवासी संगठन खुलेर काम गर्न सकेको छैन । चौतर्फी रुपमा हिन्दुमाथि नै प्रहार गर्ने काम भईरहेको छ ।

जुन ठाउँमा मुस्लीम अवादी बढेको छ, त्यो ठाउँमा जव जिहाद, चेलीबेटी बेचविखन, गौहत्या र मुस्लीम तुष्टीकरणको राजनितिक बढदै गएको छ । ईसाई मिसेनरीले पनि समाजको गरिब स्तरका व्यक्तिहरुलाई ललाई पखाई झुक्याएर धर्मान्तरण गरी पश्चिमी भोगबादको प्रभाव बढाएको छ जसले गर्दा हिन्दु आफनो संस्कारबाट टाढा हुदै गएको छ ।

हिन्दु समाज भित्र पनि विभिन्न दोष लागिरहेको छ । उनले भने, हिन्दु समाजको तत्वज्ञान सर्वोश्रेष्ठ छ तर तत्वज्ञान भन्दा धेरै टाढा हामी गईरहेका छौं । जातिय छुवाछुट, भेदभाव, जातिय भाषा, सम्प्रदायको अंहकारले गर्दा एक हिन्दुले अर्को हिन्दु संगको व्यवहार गलत गर्ने गरेका छन । यी कुरा धर्मतत्वज्ञान विपरित भएपनि समाजिक कुरुती हाम्रो समाजमा स्थापित भईसकेको छ । यसबाट मुक्त बनाउँन सम्पूर्ण हिन्दु एकजुट हुनुपर्छ ।

विघटित हिन्दुलाई संगठित बनाउँन, म हिन्दु हुँ भन्ने क्षीण रहेको भावलाई स्वाभिमानका साथ कसरी आत्मसाथ गरेर अगाडी बढ्न सकिन्छ त्यस विषयमा गहन रुपमा लाग्नु पर्छ । हिन्दुको जीवन मुल्यलाई पुनप्रस्तावित कसरी गर्न सकिन्छ त्यसतर्फ लाग्न अहिलेको मुख्य उदेश्य रहेको उनले बताए ।

उनले भने “महामन्त्री पराण्डेले हिन्दु समाजको धार्मिक व्यवस्था कायम राख्न साँधु सन्त, मठमन्दिर, अर्चक पुजारी, पर्वत्योहार, यात्रालाई शक्ती केन्द्रको रुपमा प्रज्वलीत गरेर यसकै आधारमा हिन्दु समाज एक सुत्रमा बाँधिराख्न प्रेरित गर्नुपर्छ ।”

हाम्रो समाजभित्र लुकेर रहेको भित्रि दोषलाई अन्त्य गरी बाहिरी आक्रमण जडवादी कम्युनिष्ट सोच, इसाई मेसिनरीको, ईस्लामिक आतंककारी, गौ हत्या, जव जिहाद, पश्चिमी प्रभावको रक्षा गर्नु समाजको मुख्य काम रहेको हुनाले हिन्दु हिन्दुको भावले खडा भएमात्र यो सम्भव रहेको उनले बताए ।

अहिले कम्युनिष्ट र इसाईले जनगणनाको नाममा हिन्दुलाई बाटने काम गरीरहेको छ । १० बर्ष पहिला भएको जनगणना फर्ममा धर्मलाई चार वटा खण्डमा विभाजन गरिएको थियो । तर २०७८ को जनगणना फर्ममा हिन्दुलाई विभाजन गर्न १२ वटा खण्डमा बनाईएको छ हिन्दुको जनसंख्या ६० प्रतिशत भन्दा कम देखाउँन पश्चिमी शक्ति लागि परेको उनले बताए ।

कार्यक्रममा वीरगंज उद्योग वाणिज्य संघका उपाध्यक्ष एवं हिन्दु स्वयंसेवक संघ पर्साका संस्थापक माधव राजपालले नेपाल प्रवासमा रहेका परिषदका अन्तराष्ट्रिय महामन्त्री मिलिन्द पराण्डेलाई दोसल्ला ओढाई सम्मान गरेका थिए ।

हिन्दु स्वंयमसेवक संघका जिल्ला कार्यवाह ललन द्धुवेद्धीको संयोजगत्वमा सम्पन्न परिच्यात्मक कार्यक्रममा विश्व हिन्दु परिषद नेपालका महामन्त्री प्रहलाद रेग्मी, संघका नगरकार्यवाह रामलखन यादव, विश्व हिन्दु परिषद वीरगन्ज महानगर उपाध्यक्ष कृष्णमोहन सहाय लगायतको सहभागिता रहेको थियो ।