Date
शुक्र, मंसिर ४, २०८३
Fri, November 20, 2026
Home Blog Page 830

पर्साका ७९ सहित थप ८८ जनामा कोरोना संक्रमण पुष्टि

0

वीरगंज  । नारायणी अस्पतालमा १ सय ९२ जना को थ्रोट स्वाबलाई आरटी–पिसिआर प्रविधिबाट परिक्षण गर्दा ८८ जना कोरोनाभाइरसका सङ्क्रमित भेटिएका छन् ।

नारायणी अस्पतालले उपलब्ध गराएको विवरण अनुसार पर्सा, बारालगायतका जिल्लाहरुबाट आएका व्यक्तिहरुको थ्रोट स्वाबको नमुनालाई परिक्षण गर्दा पर्साका ७९ जनासहित ८८ जनमा सङ्क्रमण पुष्टि भएको हो । सङ्क्रमण पुष्टि हुनेमा २४ जना महिलापनि रहेका छन् ।

त्यसैगरी बारा जिल्लाका ७, रौतहट र रुकुम जिल्लाका १÷१ जनामा पनि सङ्क्रमण पुष्टि भएको नारायणी अस्पतालका कोभिड संयोजक डा. सरोज रोशन दासले जानकरी दिए । डा. दास अनुसार पर्सामा सङ्क्रमण पुष्टि भएकामध्ये फेरीपनि अधिकान्स वीरगंज महानगरपालिकाका बासिन्दा छन् ।

पर्साको बहुदारमाई नगरपालिकाका ३ जना बाहेक अन्य ७६ जना वीरगंज महानगरको विभिन्न वडाका बासिन्दा रहेका उनले बताए । सङ्क्रमण पुष्टि भएका ७९ जनामा ४ वर्षीय बालकदेखि ७८ वर्षीय वृद्धपनि रहेका छन् । उनीहरुको सिटि भ्यालु १४ देखि ३४ सम्म रहेको डा. दासले बताए ।

कोरोना संक्रमित र सामान्य विरामीको एकै ठाउँमा उपचार

0

वीरगंज । वीरगंजस्थित नारायणी अस्पतालको आकस्मिक कक्षमा कोरोना संक्रमित र अन्य सामँन्य विरामीको एकै ठाउँमा उपचार गर्ने गरिएको छ । अस्पतालको व्यवस्थापनमा कमजोरी, जनशक्ति तथा ठाउँको अभावमा आकस्मिक कक्षमै कोरोना संक्रमित र सामान्य विरामीहरुको उपचार एकै ठाउँमा भइरहेको छ ।

चैत्रको दोस्रो सातादेखि वीरगंजलगायत पर्सा जिल्लामा संक्रमितहरुको संख्या तीब्र रुपमा बढ्दै गइरहेको अवस्थामा सामान्य विरामीको पनि कोरोना संक्रमितहरुसँगै उपचार भइरहेको कारण संक्रमण फैलिने जोखिम बढेको छ ।

कोरोना पुष्टि भएका विरामीसँगै आएका कुरुवासमेत विरामीसँग बसेर उनको उपचारमा चाहिने सामान एवं चेकजाँचका लागि स्वाब ल्याउने, लैजाने, खुलेआम अस्पताल परिसरमा घुम्ने गरेका कारण पनि अस्पतालबाटै संक्रमण फैलिने जोखिम बढेको हो । कोरोनाको आशंका गरिएका विरामीहरुलाई आकस्मिक कक्षमा राखेर स्वाब संकलन गर्ने, परीक्षण गर्ने एवं पुष्टि भएपछि मात्रै आइसोलेशनमा लैजाने गरिएको छ । तर, त्यसभन्दा अघि औपचारिक रुपमा संक्रमण पुष्टि हुनु अगावै संक्रमितका कुरुवामार्फत् अस्पतालका अन्य विरामीमा पनि संक्रमण फैलिरहेको छ ।

कोरोना संक्रमितको उपचारका लागि नारायणी अस्पतालमा बनाइएको २५ वेडको आईसीयूमा संक्रमितहरु बढ्दै गएको कारण तत्काल आउने विरामीहरुलाई आकस्मिक कक्षमै राखेर चेकजाँच एवं उपचार गर्नुपर्ने बाध्यता रहेको अस्पतालका निमित्त मेडिकल सुपरिटेण्ड डा. एनामुल हकले जानकारी दिए । उनका अनुसार आकस्मिक कक्षलाई विभिन्न भागमा बाँडफाँड गरेर संक्रमणको आशंका गरिएका विरामीलाई एउटा क्याविनमा र अर्को क्याविनमा अन्य विरामीहरुको उपचार भइरहेको जानकारी दिए ।

पानी एवं विरामीहरुलाई चाहिने सामानहरु ल्याउनका लागि संक्रमितहरु पनि आकस्मिक कक्ष बाहिर खुलेआम घुम्ने गरेका छन् । बजारमा मास्क नलगाउनेहरुलाई कारवाही प्रक्रिया थालिएको अवस्थामा संक्रमितहरुको उपचार गर्ने अस्पताल नै व्यवस्थित हुन नसक्दा अस्पतालबाटै संक्रमण फैलिरहेको छ । अस्पताल परिसरमा जथाभावी औषधिजन्य पदार्थहरु पनि फाल्ने गरिएको कारण पनि अन्य विरामी पनि उपचारका लागि त्यहाँ गए संक्रमित हुनसक्ने सम्भावना बढेको देखिन्छ ।

वीरगंजको विभिन्न वडामा माओबादीको कमिटी गठन

0

वीरगंज । वीरगंज महानगरको विभिन्न वडामा नेकपा (माओबादी केन्द्र) को वडा कमिटी गठन भएको छ । वीरगंज महानगरपालिकाको वडा नं. १४,१६,२० र ३२ मा वडा कमिटी गठन भएको हो । वीरगंज महानगरपालिकाको वडा नं. १६ मा बुधबार भएको नेकपा (माओबादी केन्द्र)को वडा भेलाले सुरेश रामको अध्यक्षतामा १५ सदस्यीय वडा समिति गठन गरेको छ ।

माओबादीका प्रदेश नं. २ का प्रदेश समिति सदस्य रामदरश कुशवाहा, वीरगंज महानगर अध्यक्ष रहबर अन्सारी, जिल्ला सदस्य सलाम अंसारी, प्रभु यादव, राजु बैठा, रुपनरायन सिंह, टुनटुन तिवारी लगायतको विशेष उपस्थितीमा वडा कमिटी गठन भएको अखिल (क्रान्तिकारी)का केन्द्रिय सदस्य तथा जिल्ला ईन्चार्ज महमद जुबेर आलमले वताए ।

यस्तै, यस अघि वीरगंज महानगरपालिकाको वडा नं.१४ मा महेश पतेलको अध्यक्षतामा ११ सदस्यीय, वडा नं. १६ मा सुरेश रामको अध्यक्षतामा १५ सदस्यीय, वडा नं. २० मा हदिश मियाको अध्यक्षतामा १३ सदस्यीय, वडा नं. ३२ मा वजिर अन्सारीको अध्यक्षतामा ४१ सदस्यीय वडा कमिटी गठन भएको उनले जानकारी दिए ।

प्रेस चौतार्रीद्वारा पत्रकार महासंघमा निर्वाचित पदाधिकारीहरु सम्मानित

0

वीरगंज । प्रेस चौतारी नेपाल पर्साले बुधबार नेपाल पत्रकार महासंघको निर्वाचनमा निर्वाचित पदाधिकारी तथा सदस्यहरुलाई सम्मान गरेको छ ।

पत्रकार महासंघ पर्साको सभाहलमा भएको कार्यक्रममा चैत्र २५ गते सम्पन्न निर्वाचनमा केन्द्र, प्रदेश र जिल्लामा निर्वाचित भएकाहरुलाई सम्मान गरेको हो । कार्यक्रमका प्रमुख अतिथी नेकपा एमालेका राष्ट्रिय सभाका संसदीय दलका नेता तथा प्रदेश नम्बर २ का प्रदेश सचिव सुमन प्याकुरेलले नवनिर्वाचित पदाधिकारीहरुलाई सम्मान गरेका थिए । नेता प्याकुरेलले पत्रकार समाजका अभिन्न अंङ भएकोले सत्य तथ्य समाचार लेखेर जनतालाई सुचना दिन आग्रह गरे । उनले वर्तमान राजनीतिक परिवर्तन घटना बारे आफुहरु चिन्तित भएको बताए ।

प्रेस चौतारी पर्साका अध्यक्ष श्याम बन्जाराको अध्यक्षतामा भएको सम्मान कार्यक्रममा संविधान सभा सदस्य राजकुमार गुप्ता, नेपाल पत्रकार महासंघका केन्द्रीय सचिव दिपेन्द्र चौहान, केन्द्रीय सदस्य केसि लामिछाने, नेकपा एमाले पर्साका अध्यक्ष प्रभु हजरा, प्रेस चौतारीका सल्लाहकार महेश दास, पत्रकार महासंघ पर्साका अध्यक्ष अनुप तिवारी, नेपाल प्रेस युनियनका अध्यक्ष राम नारायण कुर्मी ,वानका महासचिव आरसि यादव लगायतले ् शुभकामना मन्तब्य राखेका थिए ।

व्यापारीहरुको लागत घटाउने र छिटो निकासी पैठारी हुने वातावरण बनाईएको छ : प्रमुख खत्री

0

लालबहादुर खत्री सुख्खा बन्दरगाह कार्यालय वीरगंजका प्रमुख हुन । उनी ६ महिना अघि कात्तिक १२ गतेदेखी सुख्खा बन्दरगाह(डूाईपोर्ट) कार्यालय वीरगंजको प्रमुखको कार्यभार समहालेका छन् । उनी आएको कात्तिक महिनामा सुख्खा बन्दरगाह कार्यालय वीरगंजले पाएको लक्ष्यभन्दा १.५३ प्रतिशत बढि राजश्व संकलन गरेको छ । नेपाल सरकारको भन्सार विभागले ३ अर्ब ६ करोड ४८ लाख राजश्व संकलन गर्न लक्ष्य दिएकोमा सुख्खा बन्दरगाह कार्यालय वीरगंजले ३ अर्ब ११ करोड १६ लाख राजश्व असुली गरेको छ । यस्तै सुख्खा बन्दरगाह कार्यालय वीरगंजले मंसिर महिनाको लक्ष्यभन्दा ३.६ प्रतिशत कम राजश्व संकलनमा गरेको छ । नेपाल सरकारको भन्सार विभागले मंसिर महिनाको राजश्व संकलन गर्न ३ अर्ब ७ करोड ६१ लाख लक्ष्य दिएकोमा सुख्खा बन्दरगाह कार्यालय वीरगंजले २ अर्ब ९६ करोड ५४ लाख मात्रै राजश्व संकलन गरेको थियो । यस्तै पौष महिनामा पाएको लक्ष्यभन्दा १.७ प्रतिशतले कम राजश्व असुली गरेको थियो । भन्सार विभागले ३ अर्ब २४ करोड ४३ लाख राजश्व संकलन गर्न लक्ष्य दिएकोमा सुख्खा बन्दरगाह कार्यालय वीरगंजले ३ अर्ब १८ करोड ९० लाख राजश्व संकलन गरेको थियो । यस्तै सुख्खा बन्दगाह कार्यालय वीरगंंजले माघ महिनाको लक्ष्यभन्दा १३.८ प्रतिशत कम राजश्व संकलन गरेको थियो । भन्सार विभागले ४ अर्ब ४२ करोड ३० लाख राजश्व संकलन गर्न लक्ष्य दिएकोमा सुख्खा बन्दरगाह कार्यालय वीरगंजले ३ अर्ब ८१ करोड २६ लाख मात्रै राजश्व संकलन गर्न सकेको थियो । यस्तै विभागले फागुन महिनामा दिएको लक्ष्यभन्दा सुख्खा बन्दरगाह कार्यालय वीरगंजले १०.९ प्रतिशत कम राजश्व संकलन गरेको थियो । भन्सार विभागले ४ अर्ब ४१ करोड ७८ लाख राजश्व संकलन गर्न लक्ष्य दिएकोमा सुख्खा बन्दरगाह कार्यालय वीरगंजले ३ अर्ब ९३ करोड ६० लाख राजश्व संकलन गरेको थियो । यस्तै अर्थ मन्त्रालयको भन्सार विभागले यस कार्यालयलाई चैत्र महिनामा दिएको लक्ष्यभन्दा २२.७९ प्रतिशत बढि राजश्व संकलन गरेको छ । भन्सार विभागले ३ अर्ब ९७ करोड १४ लाख राजश्व संकलन गर्न लक्ष्य दिएकोमा सुख्खा बन्दरगाह कार्यालय वीरगंजले ४ अर्ब ८७ करोड ६६ लाख राजश्व संकलन गरेको हो । यी ६ महिनाको अवधीमा सुख्खा बन्दरगाह कार्यालय वीरगंजले पाएको लक्ष्यभन्दा १.०१ प्रतिशत कम राजश्व असुली गरेको तथ्याङ्कले देखाएको छ । अर्थात सुख्खा बन्दरगाह कार्यालय वीरगंजले ६ महिनामा लक्ष्यभन्दा ३० करोड ६२ लाख राजश्व कम असुली गरको छ । यो सहित सुख्खा बन्दरगाह कार्यालय (ड्राईपोर्ट) बाट हुने कारोबारको विषयमा केन्द्रित रहेर सुख्खा बन्दरगाह कार्यालय वीरगंजका प्रमुख लालबहादुर खत्रीसंग कालिका टाईम्सको लागि बलिराम यादवले गरेको कुराकानीको सम्पादित अं शः 

१) वर्तमान समयमा सुख्खा बन्दरगाह (ड्राईपोर्ट) कार्यालय वीरगंजबाट हुने कारोबारको अवस्था कस्तो छ ?

कोरोना महामारी (कोभिड(१९) को कारण अन्य नाकाहरु जस्तै यहाँ पनि असर परेको छ । तर यो नाकामा अन्य देशहरु (तेस्रो मुलुक)को पनि व्यापार हेर्ने भएकोले खासै असर परेको छैन । अन्य मुलुकहरुबाट हुने कारोबार निरन्तर भईनै रहेको छ ।

२) सुख्खा बन्दरगाह(ड्राईपोर्ट) कार्यालय वीरगंज भएर आयात निर्यात हुने कस्ता कस्ता कारोबार बढि हुन्छ ? बताईदिनुस् न !

ड्राईपोर्ट भन्सार कार्यालय भनेको सुख्खा बन्दरगाह कार्यालय पनि हो । हाम्रो देश भू–परिवेष्टिक राष्ट्र भएको हुनाले समुन्द्रसंग जोडिएको छैन । संमुन्द्रसंग नजोडिएको हुनाले विदेश (तेस्रो मुलुक) बाट जति पनि सामान आउँछ र नेपालबाट जति पनि सामान अन्तर्राष्ट्रिय व्यापार अन्तर्गत ति नाकाहरुमा जान्छन् त्यसको आयात र निर्यातको सम्पूर्ण विवरण यो कार्यालयमा हुन्छ र त्यसैको आधारमा भन्सार असुली गर्ने भएको हुनले यो कार्यालयले ठुलो–ठुलो संख्यामा जस्तै केराउ, मकै, गाडीहरु, ईलेक्ट्रोनिक्स, ईलेक्ट्रिक्स सामानहरु, औधोगिक कच्चा पद्धार्थहरु, फलाम आदी आयात गर्ने गर्दछ । त्यही अनुसारको आफ्नो क्षमता बमोजिमको नेपाली उत्पादनलाई तेस्रो मुलुकहमा पनि पठाउने गर्दछ ।

३) सुख्खा बन्दरगाहबाट हुने पहिलेको कारोबारको अवस्था र तपाई आईसकेपछिको अवस्थामा के फरक छ ?

समय अनुसार भन्सारमा सुधार हुने प्रकृया भई नै रहन्छ । अगाडी पनि कसटममा हुने व्यापार सहजीकरणसित सम्बन्धीत जति पनि अफ्ठ्यारा स्थितिहरु जस्तै कानुनी अड्चनहरु, प्रकृयासंग सम्बन्धीत अड्चनहरु त्यो सबै बाँधा र अड्चनहरु सुधार हुँदै गएको थियो र अहिले पछिल्लो दिनमा पनि हामी झन् व्यापारलाई सहजीकरण गराएका छौ र आशिकुँडाको प्रयोग गरेका छौ । आशिकुँडाको प्रयोग गरेपछि अटोमेशन एउटा औधोगिकरणको आधारमा र सबै काम विधुतिय माध्यमबाट सम्पन्न हुने व्यवस्था मिलाएर कसटमभित्रका प्रकृयालाई सुधार गरेका छौ । यसले व्यवसायीहरुको लागत घट्ने र छिटो छरिटो रुपमा निकासी पैठारीको व्यापार हुने अपेक्षा गरेका छौ ।

४) ठेकेदार र कर्मचारीको मिलेमतोमा तौल घटाएर बढि मालसामान लोड गरी गाडी पास हुने गरेको आरोप लाग्ने गर्छ ? यसमा के भन्न चाहनुहुन्छ ?

यस्तो कुरा मैले सुनेको छैन । अब होला कुनै ठाउँमा मान्छेहरुले बदमासी गर्दैनन् भने छैन । तर जहाँसम्म यो कार्यालयको कुरा छ यहाँ त्यसतो खालको कुनै पनि कुरा हुन सक्ने सम्भावना छैन । किन भने हामीले यहाँ यस्तो किसिमको व्यवस्था मिलाएका छौं जहाँ सम्बन्धीत व्यापारीहरुले आफूले ल्याउने सामान र पठाउने सामान घोषणा गर्छ र त्यो घोषणा गरेको सामानको परिणाम, मूल्य सबै घोषण गरेर स्वयेम निस्काशन प्रणाली अन्तर्गत अथवा अटोमेशनको आधारमा स्वयेम घोषणा गर्ने प्रणाली छ जुन प्रणालीको अनुसार व्यापारीले पेश गर्छन र त्यसलाई चेकजाँच गरेर मात्रै हामीले पठाउने गरेको हुनाले शंका गर्ने कुनै ठाउँ छैन । हुन सक्ला कहिलकाही मान्छेले गलत काम गरेर आफ्नो निजी स्वार्थ पुरा गर्ने प्रयास गर्न सक्ला । तर यहाँ त्यसतो हुन्छ भने भन्न सक्ने अवस्था छैन । सुख्खा बन्दरगाहमा त्यस्तो आधार र कुनै घट्ना पनि घट्ेको अहिले पाईएको छैन ।

५) केही हप्ता पहिला आईसीपीबाट धान बोकेको जाँचपास भएको एक ट्रकमा १ करोड भन्दा बढिको अबैध कपडा बरामद भएको थियो । ड्राईपोर्टबाट हुने कारोबारमा त्यस्तो घट्ना सार्वजनिक मात्रै नभएको तर कर्मचारी र ठेकेदारको मिलेमतोमा यहाँबाट पनि त्यस्तो कारोबार हुने गरेको आम चर्चा छ ?

त्यसतो प्रमाण पाएको खण्डमा हामीले कर्मचारीलाई कारबाही गर्छाै । यहाँका कुनै पनि कर्मचारी त्यसतो कार्यमा लागेको हुँदैनन् । यहाँबाट ठुलो स्केलको तेस्रो मुलुकमा गर्ने अन्तर्राष्ट्रिय व्यापार हुने भएकोले छिटपुट, सानो तिनो खालको व्यापार गर्ने सम्भावना छैन । यहाँको प्रणालीले नै त्यो कुरालाई रोकेको छ ।
त्यसकारण ठेकेदार र कर्मचारी मिल्दैमा सबै काम गर्न सकिन्छ भने सम्भावना छैन् । यहाँको भन्सार प्रणाली, निकासी पैठारीको जस्तो खालको संयन्त्र छ त्यसले त्यसतो खालको कामलाई निरुत्साहन, दुरुत्साह गर्दछ । साना भन्सार अथवा मेनुअल रुपमा गर्ने अरु साना मुख्यम कसटममा त्यसतो खालको समस्या हुन सक्ला । त्यो भनेको व्यापार गर्ने मान्छेतर्फको कमजोरी हो भन्सार प्रणालीको कारणले हैन मलाई लाग्छ । तद्यापी यहाँ त्यसतो गलत कारोबार भएको देखियो भने दोषी कर्मचारी वा जोसुकैलाई कारबाही गर्छौ ।

६) तपाई यहाँ आएको बेला केही समस्या वा वेतिथि थियो कि थिएन ?

म कात्तिक महिनामा आएको हो । यहाँको समस्या बुझेर बिग्रेको ठाउँमा सुधार गर्दैछौ । जस्तै कार्यालय व्यवस्थापनको ठाउँ थिएन । अर्काे कर्मचारीहरुको आवासको व्यवस्थापनको काम गर्दैछौ । यहाँभित्रको विभाग क्षेत्रमा करार भएको हुन्छ कि यो महिनामा यो विभागले यति राजश्व उठाउने । त्यही एग्रिमेनट अनुसार प्रत्येक पानाको लाईन लाईन हेरेर कामहरु गरिरहेका छौं । तसर्थः हाम्रो बुद्धि विवेकले भ्याएसम्म र हामीले समय र साथ दिएसम्म यो कार्यालयलाई राम्रो कसरी बनाउने ? यो कार्यालयमा एकदमै ठुलो स्केलमा व्यापार बढि सक्यो तर ठाउँ छैन । त्यसको लागि नयाँ घर बनाईदिन अनुरोध गर्ने गरेका छौ । वास्तवमा हामीलाई यो कार्यालयको कसरी प्रगति होस् भन्ने चिन्ता लागेको छ । यो कार्यालयमा भएको विकृति विसंगतिलाई नियन्त्रण गरी गलत काम गर्ने मान्छेलाई कारबाही गरि तह लगाउने एजेण्डा अनुसार हामी कार्य गर्दैछौ ।

७) ड्राईपोर्टबाट व्यापारी र कर्मचारीको मिलेमतोमा अबैध कारोबार हुन्छ भन्ने सुनिन्छ नि ?

हामी स्वयेम घोषणा गर्ने प्रणाली । हामीले स्वयेम घोषणा गरेर उनीहरुले घोषणा गरेको आधारमा हामीले जाँचपास गरेको प्रणालीअन्तर्गत प्रणालीमा रहेको कुनै गल्तीको कारणले केही व्यापारीहरुले बदमासी गर्न सक्छन् तर सबै व्यापारी त्यस्तै नै गर्छन भनेको होईन । एक÷दुईटा कुनै व्यापारी हुन सक्छन जसको कारणले सबैको बदनामी हुन्छ । त्यस्तो हाकलजुकल हुन सक्ला । तर यहाँ ट्रेनबाट हुने कारोबार हुन्छ ।
ठुल–ठुला कन्टेनरहरुलाई लोड गरेर तिनीहरु सिलबन्द गरेर यहाँ आउने गर्दछ । त्यसकारण तपाईले भनेको जस्तो हुने ठाउँ छैन । अब भोली कसलाई के हुन्छ भने कुनै ठेकान छैन । यद्यापी सुख्खा बन्दरगाहबाट भईरहेको कुनै पनि गलत कार्य वा बदमासी बारे यदि कसैलाई जानकारी छ भने हामीलाई जानकारी र सजग गराईदिनु भयो भने हामी वहाँहरुप्रति कृतज्ञ हुन्छौ । राज्यको कुनै पनि निकायमा कुनै किसिमको बदमासी हुँदैछ भने त्यसको बारेमा जानकारी गराई गलत कार्यलाई निरुत्साहन गर्नमा मदत गर्नुपर्छ ।

८) यहाँ आएदेखी पाएको लक्ष्य अनुसार कतिको राजश्व उठेको छ ?

साउनदेखी नै लक्ष्य अनुसारको राजश्व संकलन हुँदै आएको छ । असार मसान्तसम्म पुग्दा यो वर्ष संकलन हुने राजश्व देखिन्छ ।

९) तेस्रो मुलुकबाट खास गरी के को आयात बढि भईरहेको छ ?

सबै भन्दा बिढ केराउको आयात भएको छ । त्यसपछि मकै, फलाम, गाडी, तयारी पोशाक बढि आयात भएको छ । नेपालमा यसको मांग बढि भएकोले यी सामानहरुको आयात बढेको हो ।

१०) सुख्खा बन्दरगाह (ड्रकाईपोर्ट) भित्रको दुईटा ट्रेनको लिंक प्रयोग बिहिन छ, त्यो कहिले प्रयोगमा आउँला ?

यो ईन्टरमोडेल यातायात विकास समितिको कार्य क्षेत्र अधिकार भित्र पर्ने भएको हुनाले कहिलेसम्म मर्मत सम्भार गरी बनाईसक्ने भने कुरा वहाँहरुलाई नै थाहा होला । यो भन्दा अगाडी वहाँहरु धेरै पटक आएर २÷३ वटा डेलिकेशन हेरेर यहाँको समस्याबारे जानकारी लिनु भएको छ । यसलाई बनाउन आगामी आर्थिक वर्षमा वहाँहरुले केही बजेट छुट्याएर चाँडै नै काम पुरा गर्नुुहुन्छ जस्तो मलाई लाग्छ ।

११) प्रयोग बिहिन ट्रेनको लिकका काराण व्यापारमा कस्तो समस्या हुने गरेको छ ?

धेरै ट्रेनहरु आएको बेला मालसमान भित्रयाउन समस्या हुन्छ । सबै रेल्वे लिंकहरु अपरेशन भएको भए यो भन्दा बढि व्यापार हून्थ्यो र बढि व्यापार भएपछि राजश्व पनि बढि नै उठ्थ्यो होला । रेल्वे लाईन छिटोभन्दा छिटो संचालनमा आउनु प¥यो भने हामीले सम्बन्धीत निकायलाई आग्रह पनि गरेका छौं । कसटम सम्बन्धी जति पनि पूर्वाधार छन् यी सबै पूर्वाधारहरु बाणिज्य मन्त्रालय अन्तर्गत ईन्टरमोडेल यातायात विकास समितिको कार्य क्षेत्र भित्र पर्छ । आगामी आर्थिक वर्षमा यो समस्या सामाधान हुन्छ भने वहाँहरुप्रति हाम्रो विश्वास छ ।

जिल्ला प्रशासन कार्यालय पर्सामा आप्रवासी श्रोत केन्द्रको स्थापना

0

वीरगंज । वैदेशिक रोजगारलाई सुरक्षित, व्यवस्थित, मर्यादित, उपलब्धिमुलक एवं शोषणरहित बनाउने उद्देश्यले सुरक्षित आप्रवाशन परियोजना (सामी) पर्सामा पनि शुरु भएको छ । परियोजना अन्तर्गत सुरक्षित बैदेशिक रोजगारको लागि आप्रवासी श्रोत केन्द्र जिल्ला प्रशासन कार्यालय पर्सामा स्थापना गरिएको छ ।

वीरगंज महानगरपालिका, हेल्भेटास नेपाल र दिब्य युवा क्लबको आयोजनामा संचालित परियोजना अन्तर्गत स्थापना गरिएको आप्रवासी श्रोत केन्द्रको बुधबार वीरगन्ज महानगरपालिकाका मेयर विजय कुमार सरावगी र प्रमुख जिल्ला अधिकारी पिताम्बर घिमिरेले उद्घाटन गरेका छन् ।

आप्रवासी श्रोत केन्द्रको उद्घाटन गर्दै मेयर सरावगीले बैदेशिक रोजगारीमा जाने व्यक्तिलाई कसरी सुरक्षित पठाउन सकिन्छ त्यही नै परियोजनाको मुख्य विषय भएको वताए । उनले स्थापना गरिएको केन्द्र मार्फत बैदेशिक रोजगारीमा जाने व्यक्तिहरुलाई प्ररामर्श दिएर सुरक्षित बनाउनु र बैदेशिक रोजगारी मर्यादित बनाउने परियोजनाको मुख्य काम भएकाे वताए ।

मेयर सरावगीले परियोजनालाई पर्सा जिल्लाको १४ औं स्थानिय तहमा विस्तार गरि संचालन गर्नु पर्नेमा जोड दिए । त्यसको लागि र परियोजना निरन्तरताको लागि आफुले समेत पहल गर्ने मेयर सरावगीको भनाई थियो ।

प्रमुख जिल्ला अधिकारी घिमिरेले बैदेशिक रोजगारमा जाने व्यक्तिहरुलाई जानु अघि कानुनी व्यवस्थाको बारेमा जानकारी गराउन जरुरी रहेको वताए । उनले अब देखी बैदेशिक रोजगारमा जाने व्यक्तिहरुलाई केन्द्रमार्फत परामर्श दिएपछि पासपोर्ट बनाउने काम गरिने वताए ।

कार्यक्रममा जिल्ला प्रहरी कार्यालय पर्साका प्रमुख प्रहरी उपरिक्षक बेल बहादुर पाण्डे, हेल्भेटासका प्रदेश नं. २ का परियाेजना संयाेजक विजय ठाकुर, कार्यक्रम अधिकृत शिवचरण प्रसाद रौनियार, भिएसो नेपालका रबिन्द्र कुमाल, समाजिक संस्था जिल्ला समन्वय समिति पर्साका अध्यक्ष इब्राहिम देवान, दिव्य युवा क्लबका कार्यकारी निर्देशक रामाकान्त पटेल लगायतकाले मन्तव्य राखेका थिए भने कार्यक्रमको संचालन जयनारायण चौधरीले गरेका थिए ।

नेपाल सरकार र स्वीस सरकारको द्विपक्षीय सम्झौता अनुसार सुरक्षित आप्रवासन परियोजना (सामी–तेस्रो चरण) श्रम, रोजगार तथा सामाजिक सुरक्षा मन्त्रालय अन्तर्गत सञ्चालनमा रहेको छ ।

यस परियोजना अन्तर्गतका कार्यक्रम ३९ जिल्लाका १५६ स्थानीय तहहरुमा सञ्चालित छन् । परियोजनाको समय सिमा २०७५ भाद्र ३१ देखि २०७९ असार ३१ सम्म रहेको छ ।

श्रम, रोजगार तथा सामाजिक सुरक्षा मन्त्रालयको नीतिगत नेतृत्व, प्रदेश सरकार सामाजिक विकास मन्त्रालयको समन्वयमा सम्बन्धित स्थानीय तहहरूको व्यवस्थापन तथा कार्यान्वनमा यस परियोजनाका कार्यक्रमहरू सञ्चालनमा रहेको छन् ।

पर्सामा परियाेजना संचालनकाे लागि परामर्श सेवा दिव्य युवा क्लबले दिइरहेकाे छ ।

वीरगंज महानगरको ब्यानर सगरमाथामा, महानगरवासी गौरवान्वित

0

वीरगंज । वीरगंज महानगरपालिकाको ब्यानर लिएर सगरमाथा आरोहण गर्न गएका पर्साको ठोरी गाउँपालिकका वडा नम्बर ५ बस्ने हरेराम खड्का सगरमाथाको ६ हजार एकसय १९ मिटर उचाईसम्म पुगेका छन् ।

सर्बोच्च शिखर सगरमाथा आरोहण गर्न गएका खड्कालाई वीरगंज महानगरपालिकाका मेयर बिजय कुमार सरावगीले माहानगरबाट दुई लाख पचास हजार आर्थिक सहयोगसहित महानगरपािलकाको ब्यानर दिएर बिदाई गरेका थिए ।

मंगलबार सांझ सम्मको यात्रामा खड्काले सगरमाथाको ६ हजार एक सय १९ मिटर उच्चाइको लबुचे भन्ने ठाँउसम्म पुगेका थिए । उनले लबुचेबाट फोटो खिचेर महानगरपालिकाका प्रमुख सरावगीलाई समेत पठाएका छन् ।

नेपालको दक्षीण सिमनाको समथल भू–भागबाट उत्तरी सीमाना सर्वोच शिखर सगरमाथामा महानगरपालिकको व्यानर फहराउन पाउँदा महानगरवासी गौरवान्वित भएको मेयर सरावगीले बताए ।

सगरमाथा आरोहणमा रहनुभएका खड्काले मंगलबार सम्म ६ हजार एकसय १९ मिटरको उचाई पूरा गरेको फोटो प्राप्त भएपछि अन्त्यन्त खुशी लागेको मेयर सरावगीले बताए ।

खड्काले संसारकै सबैभन्दा उच्च भागमा महानगरको ब्यानर पु¥याएर संसारमा चिनाउन समेत सफल हुने विश्वास सरावगीले व्यक्त गरे ।

स्थानीय तहको अधिकार खोस्दै प्रदेश २ सरकार

0

वीरगंज । प्रदेश २ सरकारले स्थानिय तहहरुसंग माघ मासन्त भित्र मागी सक्नु पर्ने सर्शत अनुदानकाे आयाेजना अझै सम्म नमागेका कारण आयाेजना निर्माणमा ढिलाई भएकाे छ ।

प्रदेश सरकारले सर्शत अनुदान, सम्पुरक अनुदान र विशेष अनुदानकाे लागि स्थानिय तहलेे बजेट बनाउँदाका बखत बजेट सिलिङ पठाए पनि हाल सम्म आयाेजना माग नगर्दा स्थानिय तहकाे आयाेजना निर्माण प्रभावित भएकाे हाे ।

प्रदेश सरकारले कार्यविधिले ताेकेकाे समयभित्र नभई गत आर्थिक बर्षकाे अन्त्यमा भएपनि स्थानिय तहबाट ती अनुदान मार्फत संचालन हुने आयाेजनाकाे हकमा आयाेजना माग गरेर स्वीकृत गरेकाे थियाे । त्यस कारण आर्थिक मसान्तकाे अन्त्य अन्त्यमा कामहरु भएकाे थियाे । यसले असारे विकासकाे प्रसय दिएकाे देखिन्छ ।

प्रदेश सर्शत अनुदानकाे हकमा “प्रदेश सर्शत अनुदान सम्बन्धि कार्यविधि २०७५” अनुसार चालु आर्थिक बर्षकाे माघ मसान्त भित्र स्थानिय तहले आयाेजना छनाैट गरी पठाउने र प्रदेश सरकारले उक्त याेजना स्वीकृत गर्ने व्यवस्था रहेकाे छ ।

समाचार स्राेतका अनुसार चालु आ.व. २०७७/०७८ मा उक्त अवधि भित्र प्रदेश सरकारले आयाेजना माग नगरेकाे र सर्शत अनुदान सम्बन्धि कार्यविधि २०७५ लाई २०७७ साल फागुन-चैत महिना तिर संघियताकाे मर्म विपरित तथा संघिय सरकारकाे अभ्यास विपरित एकलाैटी रुपले संसाेधन गरेकाे छ ।

संसाेधि कार्यविधि अनुसार कानुन मन्त्रीकाे संयाेजकत्वमा आर्थिक मामिला सचिव सदस्य सचिव हुने गरी समिति गठन गरी उक्त समितिले प्रदेशकाे सर्शत आयाेेजना प्रदेश सभा सदस्यमार्फत पेश गर्न लगाई समितिले स्विकृत गर्ने गरी स्थानिय तहकाे अधिकार खाेस्ने रणनितिमा प्रदेश सरकार रहेकाे स्थानिय तहका जनप्रतिनिधिहरु बताउँछन् ।

उनीहरुका अनुसार यस्ताे भइदिएकाे खण्डमा एकातर्फ समयमै आयाेजना छनाैट नहुने र छनाैट भएकाे आयाेजनालाई स्थानीय तहले आत्मसात नगरी आयाेजना संचालन नहुने र उक्त आयाेजनाले स्थानीय आवश्यकतालाई सम्बाेधन नगर्ने देखिन्छ ।

यसका साथै आयाेजना छनाैटमा दाेहाेराेपना हुने अवस्था सृजना हुने पनि देखिन्छ भने अर्काेतर्फ प्रदेश सरकारले पठाएकाे बजेट सिलिङका आधारमा स्थानिय तहकाे कार्यपालिका तथा सभाले आयाेजना छनाैट गरी प्रदेशकाे सर्शत अनुदानकाे आयाेजना कार्यन्वयनकाे क्रममा रहेका कारण प्रभावित हुन सक्ने छ ।

यता संघ सरकारले तराई मधेश समृद्धि कार्यक्रम, प्रादेशिक एवम् स्थानीय सडक निर्माण तथा सुधार कार्यक्रम, सर्शत अनुदान, सम्पुरक अनुदान, विशेष अनुदान र स्थानिय स्तरकाे सडक तथा पुल कार्यक्रम अन्तर्गत भाैतिक पूर्वधारका आयाेजनाहरु स्थानिय तहबाट आयाेजना माग गरी उक्त आयाेजना स्वीकृत गरी बजेट विनियाेजन गर्दै आएकाे छ ।

तर प्रदेश २ सरकार संघीयताकाे मर्म विपरित प्रदेश सर्शत अनुदानकाे रकम संसदीय काेषकाे माेडेलमा नक्कल गरी संचालन गर्न खाेजेकाे छ । जुन निहित स्वार्थकाे प्रतीक हाे । यसले अधिकार र संघियताकाे वकालत गर्ने प्रदेश २ सरकार आफै संघियताकाे सिद्धान्तलाई विर्सेकाे देखिन्छ ।

यसका साथै संशाेधित कार्यविधि  प्रदेश सरकारकाे वेभसाइडमा पनि नराख्नुले झन प्रदेश सरकार अपारदर्शीतालाई बढावा दिएकाे पिन प्रष्ट हुन्छ ।