Date
शुक्र, मंसिर ४, २०८३
Fri, November 20, 2026
Home Blog Page 813

एमाले पर्सा (नेपाल-खनाल) पक्षकाे बैठक सम्पन्न

0

वीरगंज । नेकपा एमाले पर्साका माधव नेपाल र झलनाथ खनाल पक्षकाे जन संगठनका प्रमुख तथा पदाधीकारीहरुको बैठक शनिबार वीरगंजमा सम्पन्न भएको छ।

बैठकमा वाेल्दै नेकपा एमालेका केन्द्रिय सदस्य एवम् पर्सा इन्चार्ज रामचन्द्र साहले आगामी दिनको रणनीति तय गरेर अगाडि बढ़नका लागी तयारी अवस्थामा रहन जनसंगठन प्रमुखहरुलाई निर्देशन दिए ।

बैठकमा सहभागि सबैले पार्टी एकता हालको स्थितिमा दोहरो चरित्र भएका केही नेताको कारण माधव नेपाल -झलनाथ खनालको पक्षका नेता तथा कार्यकर्ता अल्मल परेको धारणा राखेका थिए ।

कार्यक्रममा उठेका जिज्ञासा सम्बन्धमा वाेल्दै जिल्ला अध्यक्ष बालगोपाल थापा, नेता अरबिंद सिंह लगायतले अहिलेको लड़ाई पार्टी भित्रको मात्र नभएर राष्टियता, लोकतान्त्र र संबिधान रक्षाको लागि भएको प्रष्ट पारेका थिए ।

बैठकमा सहभागि अधिकांशले अध्यक्ष ओलीले कम्युनिष्ट आन्दोलनलाई समाप्त पार्न लागेको बताएकाे युवा संघका केन्द्रीय सचिवालय सदस्य अनिल पटेलले जानकारी दिए ।

निजामती कर्मचारी संगठन पर्साकाे भवनमा बसेकाे बैठकमा नेता मनोज चौधरी, बृजलाल पासवान, संतोष सिंह, युवा संघ नेपालका पर्सा इन्चार्ज अनिल पटेल, सह इन्चार्ज लालबाबू यादव, केन्द्रिय सदस्य सन्जु चौधरी, रमेश थारू, राजकुमार सर्राफ, जिल्ला अध्यक्ष भुपेन्द्र साह, नगर अध्यक्ष उमेश ठाकुर, बिधार्थी नेता आसिस पटेल, रन्जित श्रीवास्तव, सुनिल पासवान लगायतको उपस्थिति रहेको थियो ।

१२ महिलासहित एक सय ३३ जनाद्वारा रक्तदान

0
वीरगंज । वीरगंजमा दुई ठाउँमा शनिबार रक्तदान कार्यक्रम सम्पन्न भएकाे छ । वीरगंजकाे छुट्टाछुट्टै दुई ठाउँमा भएको कार्यक्रममा १२ महिलासहित १३३ जनाले रक्तदान गरेकाे रक्त संचार केन्द्र वीरगंजले जनाएकाे छ ।
 
राष्ट्रिय युवा संघ नेपाल पर्साको आयोजनामा आवाज एफएम परिसरमा भएको कार्यक्रममा १ महिला सहित ८१ जनाले रक्तदान गरेका थिए । 
 
संघका पर्सा अध्यक्ष एवं सचिवालय सदस्य महम्द निजामुदिनको अध्यक्षतामा भएकाे कार्यक्रममा अनुष्का शर्मा, राकेश साह, आनन्द पटेल, देवकुमार सर्राफ, रामप्रकाश सर्राफ, राजकुमार साह, दिनेश मिश्रा, कुर्बान शेख, बिराज यादव, नरेश यादव लगायतकाले रक्तदान गरेका थिए । 
 
संबिधान सभा सदस्य एवं नेकपा एमालेका नेता राजकुमार गुप्ताको प्रमुख आतिथ्यमा कार्यक्रममा नेपाल पत्रकार महासंघ प्रदेश २ का महासचिव श्याम बन्जारा, नेकपा एमालेका युवा नेता तेजप्रकाश निषाद, सुन्दर कुर्मी, नेपाल पत्रकार महासंघ पर्साका काेषाध्यक्ष संजिव मिश्रा, युवा संघका केन्द्रिय सदस्य रबि गुप्ता, चन्दन गुप्ता, महमद मेराज, बाबुराम खनाल, नेपाल खेलकुद महासंघका केन्द्रिय सदस्य अकलेश साह, युवा नेता संतोष पासवान, अनिल हजरा लगायतको उपस्थिती रहेको थियो । 
 
यस्तै, वीरगंज युवा समाजको आयोजनामा रक्त सन्चार केन्द्र छपकैयामा भएको आकस्मिक रक्तदान कार्यक्रममा ११ महिलासहित ५२ जनाले रक्तदान गरेका थिए ।
 
कार्यक्रममा डा. निरज सिंह, डा. सुनिल यादव, हेमन्त तामाङ, सन्जिव थापा, अर्जुन गुप्ता, सुरजमान श्रेष्ठ, दिवश सिंह ठकुरी, सरोज गुरुङ, करण सिंह, प्रिती सिंह राजपुत, अमरनाथ साह, रुबि साह, कोमल साह, प्रिया साह, अशोक चौधरी कलवार, ममता जैसवाल, बिचित सोनी लगायतकाले रक्तदान गरेका थिए ।
 
समाजका अध्यक्ष कमल चौगाईको अध्यक्षता र वीरगंज महानगरपालिकाका मेयर बिजय कुमार सरावगिकाे प्रमुख आतिथ्यतामा भएकाे कार्यक्रममा पर्साका प्रमुख जिल्ला अधिकारी पिताम्बर अधिकारी, डा. दिप्ती यादव, डा. प्रिति यादव, सामाजिक अभियन्ता ओमप्रकाश सरार्फ लगायतकाे उपस्थिती रहेकाे थियाे ।

विश्व बालश्रम बिरुद्धकाे दिवसमा बालबालिकाहरुलाई स्टेशनरी

0
वीरगंज । नेकपा माओबादी (केन्द्र) निकट अनेरास्ववियू क्रान्तिकारी वीरगंज महानगर समितिले विश्व बालश्रम बिरुद्धकाे दिवसको अवसरमा शनिबार  मायाकाे छात्राबासमा बालबालिकाहरुलाई स्टेशनरी तथा खेलकुद सामग्री वितरण गरेकाे छ ।
 
अनेरास्ववियू क्रान्तिकारी वीरगंज महानगर अध्यक्ष बिबेक कुमार साहको नेतुत्वमा गएको विद्यार्थीहरु नेताहरुले आमाको माया छात्राबासमा पुगि त्यहा रहेका बिद्यार्थीहरुलाई आवश्यक स्टेशनरी तथा खेलकुद सामाग्री बितरण गरेकाे अनेरास्ववियु क्रान्तिकारीका केन्द्रिय सदस्य एवम् पर्सा इन्चार्ज अध्यक्ष जुबेर आलमले जानकारी दिए ।
 
साे अवसरमा अनेरास्ववियू क्रान्तिकारीका जिल्ला अध्यक्ष कबिराज पटेल, वीरगंज महानगरका सह संयोजक सोएब आला, विद्यार्थी नेता दिलसाद एहमद, रबिन्द्र गुप्ता लगायतको उपस्थिती रहेको थियाे ।

शैक्षिक माफिया विरुद्द लड्न संयुक्त विद्यार्थी संघर्ष समिति गठन

0

वीरगंज । वीरगंजमा विद्यार्थीहरुको हित र शैक्षिक माफियाहरुको विरुद्द लड्न विभिन्न राजनीतिक दल सम्बद्द विद्यार्थी संगठनहरु एक भएका छन् ।

वीरगंजमा शुक्रबार सम्पन्न विभिन्न ५ विद्यार्थी संगठनको भेलाले संयुक्त विद्यार्थी संघर्ष समिति बनाएर अघि बढ्ने निर्णय गरेको हो ।

भेलाले नेवि संघका जिल्ला अध्यक्ष विकास तिवारीको संयोजकत्वमा २५ सदस्यिय संघर्ष समिति बनाएको छ । जसको सहसंयोजकमा अखिल क्रान्तिकारी पर्साका संयोजक कविराज पटेल रहेका छन् । संघर्ष समितिको नेतृत्व हरेक तीन/तीन महिनामा रोलक्रमका आधारमा परिवर्तन हुने निर्णय गरेको छ ।

कोभिड महामारीका कारण ठप्प भएको शैक्षिक क्षेत्र चलायमान बनाउन, विद्यार्थीको हितमा आवाज उठाउन र शैक्षिक माफियाहरुको विरुद्धमा संघर्ष गर्न एक्ला एक्लै लाग्नु भन्दा संयुक्त रुपमा परिचालन हुन सके प्रभावकारी हुने भएकाले सबैको सहमतिमा संघर्ष समिति बनाइएको अखिलका केन्द्रीय सदस्य हेमन्त तामाङले जानकारी दिए ।

तामाङको अध्यक्षतामा बसेको बैठकले १५ सदस्यिय सल्लाहकार समिति पनि बनाएको छ । समाजवादी विद्यार्थी युनियनका केन्द्रीय सचिब सुजित गिरीको संयोजकत्वमा सल्लाहकार समिति गठन भएको हो ।

बैठकमा अखिल पर्साका संयोजक रेयाज अंसारी, विशाल सर्राफ, नेविसंघका केशव मिश्र, एजाज आलम, फिरोज बादसाह, मेराजुल हवारी, सन्दिप बिक्रम साह, पूर्व विद्यार्थी नेताहरु रामकिशोर सिंह (पराग), शिवजी गुप्ता, प्रभाकर गुप्ता, मनोज साह लगायतको सहभागिता रहेको थियो ।

बाराको बङ्गरी खोलाको पुल सात वर्षमा पनि बनेन्, स्थानीय सास्ती खेप्दै

0

वीरगंज । बाराको प्रसौनी गाउँपालिकामा अवस्थित गाउँसंग शहर र सदरमुकाम कलैयासंग द्रुत सम्पर्क राख्न उद्देशले निर्माण गर्न शिलान्यास गरिएको सात वर्ष बितिसक्दा पनि बन्जरिया स्थित बङ्गरी खोलाकाे पुल निर्माण सप्पन्न भएको छैन ।

२०७१ साल असार २९ गतेदेखि निर्माण कार्य आरम्भ भएको उक्त पुलको पिलर मात्र निर्माण गरि काम अलपत्र पारेको भन्दै स्थानीयले पुल निर्माणको जिम्मा पाएको ठेकेदार कम्पनी एलाइट मोना कन्स्ट्रक्सन, प्रसौनी गाउँपालिका र गाउँपालिका प्रमुख भोला प्रसाद गुप्तासँग आक्रोशित बन्न थालेका छन् ।

सडक डिभिजन कार्यालय हेटौंडासंग एलाइट मोना कन्स्ट्रक्सनले ५ करोड भन्दा बढी रकममा २०७३ साल असार मसान्तसम्म निर्माण सम्पन्न गर्ने गरि सम्झौता गरे पनि हाल २०७८ साल असार महिना सुरु हुन लाग्दा पनि निर्माणको ५ प्रतिशन पनि काम भएको छैन ।

पुल निर्माण चाँडो गर्न पहलका लागि स्थानीयले पटक–पटक वडादेखि गाउँपालिका कार्यालय र गाउँपालिका अध्यक्षलाई पटक पटक खबर गर्दासमेत कुनै वास्ता नगरिएको बन्जरियाका स्थानीय सुनिल साहले वताए ।

वर्षाैदेखि पुल अभावमा स्थानीयवासीले निकै समस्या भएको गुनासो गर्ने गरेका छन् । स्थानीय सुलभ लामिछाने भन्छन्, “गाउँसंग द्रुत सदरमुकाम कलैया सम्म जान पुल नहुँदा बैकल्पिक रुपमा बासको पुल बनाएर आवत जावत गर्न बाध्य छौ, सवारी साधनलाई खोलाबाट नै आवतजावत गर्ने गर्छन् । अब वर्षा यामको समय आइसक्यो, अब फेरि खोलामा बाढी आउँने निस्चित छ । हामीलाई फेरि आवत जावत मा कठिनाइ हुने भयो । हरेक वर्ष यस्तै झेल्नुपरेको छ । यो वर्ष पनि झेल्नु पर्ने ब्याध्यातमक अवस्था छ । अरु त के दु:ख त झन यो छ गाउँमा कोही बिरामी भए एम्बुलेन्स जान पनि निकै कठिनाई छ । बाढी आए झन अप्ठ्यारो हुने गर्छ ।”

पुल नबन्दा बन्जरिया गाउँ मात्र नभई इनर्वा, सुराहि, मेथुरापुर, मटियरिया, बसडिलवा, प्रस्टोका, बलुवासहित अन्य गाउँका स्थानीयहरुलाई आवत जावतमा निकै कठिनाई भएको छ ।

यता प्रौसौनी गाउँपालिकाले पुल निर्माणमा कुनै चासो देखाएको छैन । जनप्रतिनिधिहरु निर्वाचित भएको कार्यकाल सक्न लाग्दा पनि एउटा खोलाको पुल निर्माण गर्न सकेका छैनन् ।

स्पर्श मल्टिस्पेशालिटी अस्पतालमा जेनरल सेवा सुरु

0

वीरगंज । वीरगंज महानगरपालिकाकाे वडा नं. १४ बहुअरीमा रहेको स्पर्श मल्टिस्पेशालिटी अस्पतालले जेनरल सेवा सुरु गरेकाे छ ।

दाेस्राे चरणकाे काेराेना महामारीकाे समयमा बैशाख २६ गतेदेखी संचालनमा आएकाे अस्पतालले वीरगंज महानगरपालिकाकाे आग्रहमा काेराेना संक्रमितकाे उपचार गर्दै आएकाे थियाे । अहिले काेराेना संक्रमित बिरामीकाे संख्या न्युन भएकाेले जेनरल सेवा सुरु गर्न लागिएकाे अस्पतालका अध्यक्ष डा. महेश्वर कुर्मीले वताए ।

अस्पतालले शुक्रबार आयाेजना गरेकाे पत्रकार सम्मेलनमा कोरोना महामारीमा ६६ जना संक्रमितलाइ भर्ना गरेर उपचार गरिएकाे उनले जनाए । जस मध्ये ४८ जना कोरोना संक्रमितको उपचार गर्न सफल भएकाे अध्यक्ष डा. कुर्मीले बताए । 

६६ जना कोरोना संक्रमित भर्ना भएकोमा १४ जनालाई बचाउन नसकिएको पनि अस्पतालले जनाएकाे छ । अहिले पनि ४ जना संक्रमित अस्पतालमा उपचाररत रहेको तर उनीहरुको पिसिआर रिपोर्ट नेगेटभि आईसकेको डा. कुर्मीले वताए । ४८ जना भने पूर्ण रुपमा निको भएर डिस्चार्ज भइसकेको उनले जानकारी गराए ।

अस्पताल भर्खरै संचालनमा आएको हुनाले व्यवस्थापनमा केही कमी-कमजोरी भएको हुन सक्ने स्वीकार्दै अबको दिनमा व्यवस्थित तरिकाले अस्पतालको व्यवस्थापन गर्दै लैजाने डा. कुर्मीले प्रतिबद्धता समेत जनाए । उनले नेपाल सरकारको मापदण्डभित्र रहेर २५ बेडको अस्पताल संचालन गरिएको र आगामी दिनमा पुनः नेपाल सरकारसँग समन्वय गरी बेड थप्दै सेवालाई झनै प्रभावकारी बनाउँदै लैजाने पनि बताए ।

हाल अस्पतालमा ८ जना विशेषज्ञ चिक्सिकहरुको टिमले उपचार गरिरहेको उनकाे भनाइ छ । अस्पतालले मेडिशिन, गाइनो, पिडिआ, अर्थो, ग्यास्ट्रो, पल्मो, सर्जरी र न्यूरो सर्जरीको सुविधा दिँदै आएको छ ।

कोरोना महामारीकै बीच अस्पतालले बढि शुल्क लिने भन्ने विभिन्न आरोप प्रत्यारोप लागेको विषयलाई प्रष्टयाउँदै डा. कुर्मीले यस अस्पतालले नेपाल सरकारको मापदण्डभित्र रहेर कोरोना संक्रमितहरुसँग शुल्क लिएको प्रष्ट पारे ।

उनले नेपाल सरकारले आईसियूको शुल्क प्रतिदिन २२ हजारसम्म तोकेको भए तापनि अस्पतालले १५ हजार मात्रै लिएको र यहाँ दिइएको सेवाअनुसार मात्रै अधिकतम शुल्क लिएको बताए ।

अस्पताल मै भएकाे पत्रकार सम्मेलनमा डा. निमेश पाल रमन, डा. राजेश साह, डा. श्याम गुप्ता, प्रशासन प्रमुख  सुनिल पटेल लगायतकाे उपस्थिती रहेकाे थियाे ।  

वप्रका श्रीपुरकाे गाडीले ठक्कर दिदा एक युवक गम्भीर घाइते

0

वीरगंज । वडा प्रहरी कार्यालय श्रीपुरको गाडीको ठक्करबाट एक जना युवक गम्भीर घाइते भएका छ्न । घाइते हुनेमा पर्साको कालिकामाई गाउँपालिका वडा नं. ३ हरिहरपुरका २२ बर्षिय मन्दिप पटेल रहेका छन ।  

बा १ झ ७८४५ नम्बरकाे प्रहरीकाे भ्यानले युवक सवार प्रदेश ०३. ०१३ प २४८६ नम्बरको पल्सर मोटरसाइकललाई ठक्कर दिएको थियो । तराइ अस्पतालमा भर्नारत श्रीमतीलाई भेटन अस्पताल गइरहेको अवस्थामा राधेमाइको मेनरोडमा बिपरित दिशातर्फबाट आइरहेको प्रहरीको गाडिले युवकलाई ठक्कर दिएको प्रत्यक्षदर्शीले बताएका छ्न ।

गम्भीर घाइते युवकलाई प्रहरीले नै उद्दार गरि उपचारको लागि तराइ अस्पतालमा भर्ना गएका छ्न । उनको बायाँ तिघ्रामा गम्भित चोट लागेको छ ।

दुर्घटना स्थलको सर्वसाधारणले तस्बिर लिन खोज्दा प्रहरीले रोक लगाएको थियो । प्रहरीले आफै गम्भीर घाइते युवकलाई पिकप भ्यानमा राखेर अस्पताल पुर्याएको प्रत्यक्षदर्शीले जनाएको छन ।

सकारात्मक समाजको पोजेटिभीटी एम्बेसडरमा ओम झा नियुक्त

0

वीरगंज । डाइनामिक एक्सन टिम वीरगंजद्वारा सकारात्मक युवा समाजको पोजेटिभीटी एम्बेसडरमा पर्सा जिल्लाका ओम कुमार झा नियुक्त भएका छन् ।

“युवाका लागि खुला मञ्च” भन्ने मुख्य ध्येयका साथ सञ्चालित संस्थाको पोजेटिभीटी एम्बेसडरमा झा नियुक्त भएका हुन् । संस्थाका प्रमुख कार्यकारी अधिकृत श्रद्धेश आचार्यद्वारा हस्ताक्षरित नियुक्ती पत्रमा झालाई पोजेटिभीटी एम्बेसडरमा नियुक्त गरिएको उल्लेख गरिएको छ ।

 संस्थाले नामजस्तै समाजलाई सकारात्मक बनाउन युवाहरुको परीचालन गर्नुका साथै कोरोना भाइरसको महामारीमा पनि विभिन्न सामाजिक कामहरु गरीरहेको संस्थाका नवनियुक्त पोजेटिभीटी एम्बेसडर ओम कुमार झाले बताए । 

संस्थाको सक्रिय सदस्यमा आकाश दास, अनामिका तिवारी, प्रज्ञा कर्ण, अंशिका सिँह, अर्जुन गुप्ता, दिनीता चौधरी, बिकी मिश्रा, बिदगंल तामाङ, शिवानगी सुड, विवेक महताे, जिवन कुमार कानु, पवन कलवार, पियुष अग्रवाल, प्रभात गुप्ता, पुरषुत्म गुप्ता, राजु गुप्ता, रिषु श्रीवास्तव, राेहीत कर्ण, सेजल कर्ण, सिद्धार्थ गुप्ता, सुमन राैनियार, सुमित गुप्ता, सुरज कुशवाहा, तमाना कुमारी, त्रिपिती तिवारी र राेशन कुमार  रहेका छन् ।