Date
शुक्र, मंसिर ४, २०८३
Fri, November 20, 2026
Home Blog Page 810

निषेधाज्ञा उलंघन गर्दै पकहा मैनपुरको गाउँ सभा सम्पन्न

0

वीरगंज। पर्साको पकाहामैनपुर गाउँ पालिकाका अध्यक्ष विजय कुमार चौरसियाले फेरी निषेधाज्ञाको उल्लंघन गरेका छन् ।
कोरोना संक्रमणको महामारी रोकथाम र नियन्त्रणका लागि अहिले पर्सा जिल्लाभरी असार ६ गतेसम्म निषेधाज्ञा कायम छ ।

निषेधाज्ञाको समयमा भेला, सभा तथा कुनैपनि कार्यक्रम गर्न रोक लगाइएको छ । तर, पकाहामैनपुर गाउँपालिकाले भने दोश्रो पटक निषेधाज्ञाको उल्लंघन गरेको छ । यसअघि पनि गाउँपालिकाले निषेधाज्ञाकै समयमा छैठौ गाउँसभाको आयोजना गरेको थियो ।
निषेधाज्ञाको उल्लंघन गरेर गाउँसभा गरेको भन्दै अध्यक्ष विजय कुमार चौरसियाको व्यापक आलोचना भएको छ । उनले कोरोना संक्रमण नियन्त्रणका लागि खर्च अनुमोदन गर्नका लागि गरेको सभामा स्वास्थ्य मापदण्डको समेत पाल्ना नगरेको पाईएको छ ।

सम्पन्न सभाको सार्वजनिक तस्बीरहरुमा केहीले बिना मास्कको सहभागि भएको देखिन्छ । निषेधज्ञाको समयमा सामाजिक कार्य विवाह, मृत्यु संस्कार लगायतका काममा मात्रै १५ जना भन्दा बढी संख्यामा उपस्थिति हुन नपाउने डीसीसीएमसीको निर्णय रहेको छ । त्यसको लागि पनि जिल्ला प्रशासन कार्यालयबाट अनुमति लिनुपर्ने व्यावस्था गरेको छ । तर, पकाहामैनपुर गाउँपालिकाकाले गरेको गाउँ सभाको भने प्रमुख जिल्ला अधिकारीलाई नै जानकारी छैन । यसअघिको गाउँसभाको बारेमा पनि जिल्ला कोभिड संकट व्यावस्थापन केन्द्र पर्साका संयोजक समेत रहेका प्रमुख जिल्ला अधिकारी पिताम्बर घिमिरेले जानकारी नपाएको बताए् ।

गाउँपालिकाले फेरी दोश्रो पटक सातौ गाउँसभाको आयोजना गरेको छ । यो पटक पनि जानकारी नभएको बताए । उनले निषेधाज्ञालाई खुकुलो बनाएर १२ बजेसम्म पसलहरु मात्रै खोल्न दिने र मोटरसाईकललाई पनि आवश्यक काममा जानेलाई नरोक्ने भनेर सहजीकरण गरेको तर, भेला, सभा, सम्मेलनको लागि भने कुनै छुट नगरेको बताए ।

उनले गाउँसभाको विषयमा आफुले बुझेर बताउने प्रतिक्रिया दिए । लामो समयसम्म निषेधज्ञा गर्दा गरिब विपन्नहरुलाई भने छाक टार्न समेत समस्या भईरहेको अवस्थामा नीति निर्माण तहमा बस्ने र कानून कार्यान्वयन गराउने तहमा बसेकाहरुले नै निषेधाज्ञको उल्लंघन गरेपछि नेपालको कानून सानालाई ऐन ठूलालाई चैन भने जस्तै भएको छ ।

बलिउड निर्देशक तथा कलाकार चन्द्रशेखरको निधन

0

बलिउडका निर्देशक तथा कलाकार चन्द्रशेखरको ९७ बर्षको उमेरमा निधन भएको छ । उनको आज बिहान ७ बजे निधन भएको भारतीय मिडियाले उल्लेख गरेका छन् ।
उनको अन्तिम संकार आज नै गर्ने तयारी उनको परिवारले गरेको छ । चन्द्रशेखरका छोरा अशोकले भारतीय मिडियासँग कुरा गर्दै उनको निधन सुतिरहेको समयमा भएको बताएका छन् । स्वास्थ्यमा कुनै समस्या नभएको भन्दै उनले शान्तिपूर्ण तरिकाले पिताले अन्तिम सास लिएको बताएका छन् ।
चन्द्रशेखरले २५० भन्दा बढी चलचित्रमा काम गरेका छन् । उनले नायकको रुपमा सन् १९५३ मा ‘सुरंग’ नामक चलचित्रमा काम गरेका थिए ।
उनले ‘गेटवे अफ इन्डिया, फेसन, बरसात कि रात’ लगायतका चलचित्रमा पनि काम गरेका छन् । उनले, हिट म्यूजिकल चलचित्र ‘चा चा चा’मा निर्देशक, निर्माता र नायकको रुपमा भूमिका निर्वाह गरेका थिए । यो चलचित्रमा बलिउड नायिका हेलेनले काम गरेकी थिइन् ।

जुलाई २७ बाट अक्षयको ‘बेल बटम’ हलमा रिलिज हुने

0

बलिउड नायक अक्षय कुमार अभिनित चलचित्र ‘बेल बटम’को प्रदर्शन मिति पक्का गरिएको छ । उसो त यसअघि पनि यो चलचित्रको प्रदर्शन मिति तय गरिएको थियो । तर, कोरोनाको दोश्रो लहरका कारण चलचित्र रिलिज हुन सकेन ।

अब, यसको निर्माणपक्षले चलचित्रलाई आगामी महिनाबाट रिलिज गर्ने तयारी गरेको छ । यो चलचित्र जुलाई २७ तारिखबाट हलमा नै रिलिज हुने तय भएको छ । नायक अक्षय कुमार र यसको निर्माणपक्षले नयाँ प्रदर्शन मिति तय गर्दै हलमा नै चलचित्र रिलिज हुने घोषणा गरेको हो ।
.

भारतमा अझै पनि केही राज्यमा लकडाउन छ । केही राज्यमा भने लकडाउन खुकुलो पार्दै लगिएको छ । दोश्रो चरणको कोरोना भाइरसको संक्रमणपछि विस्तारै भारतका विभिन्न राज्यहरु लयमा फर्किने तयारीमा छन् ।

अक्षय कुमार, वाणी कपुर अभिनित यो चलचित्र जुलाई २७ मा हलमै रिलिज भएको खण्डमा यसले बलिउडलाई पनि लयमा फर्काउन मद्दत गर्नेछ । यो चलचित्रका लागि ओटीटी प्लेटफर्मबाट पनि आकर्षक मुल्यमा खरिदको अफर आएको थियो । तर, चलचित्रका निर्माता बासु भगनानी र नायक अक्षय कुमारले हलहरुलाई लयमा फर्काउनका लागि चलचित्रलाई हलमै रिलिज गर्ने सोच बनाएका थिए । सोही अनुसार, यो चलचित्र अब जुलाई २७ बाट हलमै रिलिज हुने भएको छ ।

नदी सफाईमा ४० लाख खर्चेकाे कालिकामाईकाे सडककाे अवस्था बेहाल

0

वीरगंज । पर्साकाे कालिकामाई गाउँपालिकाकाे विभिन्न ठाउँमा सडक मर्मत अभावमा खराब भएर हिलाे मै भएकाे छ ।

गाउँपालिकाकाे वडा नं. ५ मा पर्ने बलुवा गाउँकाे सडक मर्मत अभावमा जिर्ण भएकाे कारण हिलाे भएकाे स्थानियहरुले वताएका छन् । बलुवास्थित शम्भु पासवानकाे घरदेखी महिन्द्र पासवानकाे घर सम्म र अर्काे बाटाे शम्भु पासवानकाे घरदेखी साहेब पासवानकाे घर सम्म बाटाे बिग्रेर हिलाे मै भएकाे हाे ।

बाटाे हिलाे मै भएका कारण आवतजावत गर्न समेत समस्या भएकाे स्थानिय आनन्द कुमारले वताए । ३ महिनादेखी बिग्रेकाे सडक मर्मतकाे लागि वडाध्यक्ष पवन तिवारीसंग बारम्बार भन्दा पनि बाटाे मर्मत हुन नसकेकाे उनले गुनासाे गरे ।

वडा नं. ५ मा पर्ने बलुवा टाेलमा बढी दलित समुदायकाे बसाेबार भएका कारण जनप्रतिनिधिहरुकाे ध्यान पुग्न नसकेकाे स्थानियहरुकाे गुनासाे छ ।

यस्तै, कालिकामाई गाउँपालिकाकाे वडा नं. २  काे विभिन्न ठाउँमा बाटाे हिलाे मै भएकाे स्थानियहरुले वताएका छन् । स्थानियहरुका अनुसार भेडिहारीकाे उत्तर टाेल, दक्षिण टाेल र सानाे गदियानीमा बाटाे खराब भएकाे छ । 

आर्थिक मसान्तकाे अन्तिममा मनसुन सक्रिए भएपछि नालाकाे निर्माणकाे काम भएपछि पानीकाे निकास नभएर बाटाे हिलाे मै भएकाे हाे । सानाे गदियानीमा थाेरै पानी परे पनि बाटाेमा हिलाे हुने गरेकाे छ ।

खाेला सफाईमा ४० लाख खर्च

गाउँपालिकाले जिर्ण भएकाे बाटाे मर्मत गर्न नसके पनि खाेला सफाईमा ४० लाख खर्च गरेकाे छ ।

आर्थिक बर्ष २०७७/०७८ काे याेजना अन्तर्गत उपभाेक्ता समिति मार्फत भएकाे खाेला सफाईमा ४० लाख खर्च भएकाे गाउँपालिकाकाे याेजना शाखा प्रमुख सुनिल कुमार राैनियारले वताए ।

माेटाे रकम कमाउनकाे लागि विना कामकाे नदी सफाई गाउँपालिकाले गराएकाे स्थानियहरुले वताएका छन् । जनप्रतिनिधि र प्रमुख प्रशासकिय अधिकृतले बढी कमिशन आउने भएपछि नदी सफाई गराएकाे स्थानियहरुकाे आराेप छ ।    

निषेधाज्ञामा पशुपंक्षीको सारथी बन्दै युवाहरु

0

काठमाडौ।

कोभिड १९ महामारीको दोश्रो लहरको करण वैशाख १६ गतेदेखि नै देश निषेधाज्ञामा छ। सर्वसाधारणहरू कोरोना भाइरस संक्रमण डरले अधिकांश समय घरभित्रै बसिरहेका छन्। उनीहरूलाई संक्रमण र भोकमरीबाट जोगिने भन्नेमात्र चिन्ता छ।सरकारले खाद्यान्न पसल समेत बन्द गर्ने निर्णय गर्दैगर्दाको समय छ ।

 

पसल, होटेल, रेस्टुरेन्ट लगायत सबै कुरा बन्द छ । अरु त अरु फोहर संकलन केन्द्रमा अरुबेलाझै थुप्रीने फोहर समेत छैन । सवारीसाधनलाई बिशेष पास बिना हिड्न नमिल्ने अवस्था छ ।मानिसभन्दा बिजोग यतिबेला सडकमा रहेका पशुपक्षीको भइरहेको छ। मानिसप्रति आशा र भरोसामा बाँचिरहेका यी प्राणीहरूले मानिस नै घरभित्र थुनिएपछि निकै सकस भोगिरहेका छन्‌।

तर, यस्ता व्यक्ति पनि छन्‌- जो संक्रमण जोखिममा पनि आफू र आफ्नो परिवारभन्दा बढी प्रेम पशुपक्षीलाई गरिरहेछन्‌। घाम-पानी नभनी खाना खुवाइ रहन्छन्। उनी हुन्‌-अवीन कार्की र ‘हाम्रो सानो प्रयास’ संस्थाका अन्य सदस्यहरु । अवीन सडकमा रहेका कुकुर, बाँदर र परेवाहरूलाई खाना र चारो खुवाएर उनीहरूको जीवन बचाइरहेको छन् यतिखेर।

अवीन कार्की भन्छन “निषेधाज्ञाले होटलहरू बन्द छन्‌, कुकुर भोकै हुन्छन्‌, भोकै टुलुटुलु बसेको हेर्न सकिनँ, त्यसैले खाना खुवाएको हुँ ।”निषेधाज्ञा फ्याँकिएको जुठो खाने गरेका पशुपक्षीहरू होटल नै बन्द भएपछि भोकै परेकाले आफूले खाना खुवाएको उनले बताए।
अवीन पहिले आफ्नै पकेट खर्चबाट पशुपक्षीलाई खाना खुवाउने गर्थे। अहिले अविनको काम देखेर धेरै प्रभावित भएपछि अरू पनि सहयोगी थपिँदै गएको उनी बताउँछन्।अब केहीले आर्थिक सहयोग समेत गरेका छन्। दिनमा चारो र खाना खुवाउँदा १७ सय रुपैयाँसम्म खर्च लाग्ने गरेको उनी बताउँछन्। त्यसमा गोसिप क्विन संस्था पनि थपिएको छ।

कार्की र हाम्रो सानो प्रयास संस्थाका अन्य सदस्यहरु पनि यस्तो अवस्थामा पिपिई र स्वयंसेवाका ज्याकेट लगाएर काठमाडौको पेप्सीकोला ,पशुपति र स्वयम्भूका क्षेत्रमा भेटिन्छन। उनिहरु जब बाटो छेउ रोकिन्छन तब आसपासका सबै सडक कुकुरहरु यो युवा जमातहरुलाई घेर्न आईपुगिहाल्छन । जब यी मनकारी युवाहरुले खानाले भरीएका बाल्टिहरु बाइक र स्कुटरबाट झिकेर हात हातमा लिन्छन तब ति सबै कुकुरहरु पछि-पछि लाग्छन । डराउने कुकुरहरु चाहिँ अलि परै बस्ने रहेछन ।

मेयर राैनियारकाे पहलमा पाेखरियामा पर्ने नहरकाे सडक कालाेपत्र

0

वीरगंज । पर्साकाे पाेखरिया नगरपालिका वडा नं. ५ मा सडक डिभिजन कार्यालय चन्द्रनिगाहपुरबाट ४५० मिटर कालाेपत्रे सडक निर्माण भएकाे छ ।

भौतिक पूर्वधार मन्त्रालयकाे आ.व. २०७६/०७७ काे याेजना अन्तर्गत पाेखरिया नगरपालिकाका मेयर दिपनारायण राैनियारकाे पहलमा सडक कालाे पत्रे भएकाे हाे । 

पाेखरिया नगरपालिकाकाे वडा नं. ५ सतवरियामा पर्ने नहरकाे पुलदेखी हलुमान मन्दिर सम्मकाे कालाे पत्रे सडक निर्माण कार्य पुरा भएकाे मेयर राैनियारले वताए । 

भाैतिक पूर्वधार मन्त्रालयले सडक निर्माणकाे लागि ९५ लाख बजेट छुट्याए पनि द्विवेदी निर्माण सेवा कालिकामाईले भ्याट सहित ६६ लाखमा निर्माण कार्य पुरा गरेकाे सडक डिभिजन कार्यालय चन्द्रनिगाहपुरका सब इन्जिनियर कृष्ण चाैधरीले वताए ।

उनका अनुसार सडक निर्माणकाे लागि सुरुमा ठेक्दार कम्पनीसंग २०७७ साल जेठ महिनामा सम्झाैता भएकाे थियाे । जस अनुसार सम्झाैता भएकाे मितिले ६ महिना भित्र २०७७ कार्तिक मसान्त सम्म निर्माण कार्य पुरा गर्नु पर्ने थियाे । तर साे समय भित्र निर्माण कार्य पुरा नभए पछि सडक डिभिजन कार्यालयबाट पुन: ६ महिना म्याद थप भएकाे अवधिमा ठेक्दारले निर्माण कार्य पुरा गरेका हुन् ।

उनले भने “सडक अन्तर्गत पर्ने एउटा कल्भटकाे पुल पनि निर्माण गर्नु पर्ने थियाे । साेे पुलकाे पनि निर्माण कार्य पुरा भएकाे छ ।” सडक निर्माणकाे लागि पहल र सहयाेग पाेखरिया नगरपालिकाका मेयर राैनियारले गरेकाे समेत उनले जानकारी गराए ।

पाेखरिया नगरपालिकाका मेयर राैनियारले लामाे समयकाे प्रयास अहिले आएर सार्थकता पाएकाे वताए ।

उनले सडक निर्माणकाे लागि बजेट छुट्याउने भाैतिक पूर्वधार मन्त्रालय, सडक निर्माण गराउने सडक डिभिजन कार्यालय, इन्जिनियर, सब इन्जिनियर र सडक निर्माण गर्ने ठेक्दार कम्पनीलाई धन्यावाद समेत व्यक्त गरे ।

कंगनाको पासपोर्ट नविकरण गर्न विभागले मानेन, अदालत पुगिन् नायिका

0

एजेन्सी । नायिका कंगना रनावत गतबर्षदेखि निरन्तर विवादमा छिन् । उनले दिएका बयानका कारण उनले समस्या पनि झेल्नु परिरहेको छ । गतबर्ष बीएमसीले कंगनाको मुम्बइमा रहेको अफिस भत्काइदिएको थियो । एकपटक फेरि कंगना समस्यामा परेकी छिन् । यसपटक, उनी पासपोर्ट नविकरण नभएपछि अदालत पुगेकी छिन् ।

पासपोर्ट विभागले कंगनाको पासपोर्ट नविकरण गर्न नमानेको हो । एक चलचित्रको छायांकनका लागि उनलाई वुडापेष्ट जानुपर्नेछ । कंगनाको पासपोर्टको समय सेप्टेम्बरमा सकिदैछ । यसैले, उनले पासपोर्ट नविकरणका लागि अपिल गरेकी थिइन् । तर, कंगनाको नाममा बान्द्रा प्रहरी स्टेशनमा एफआइआर दर्ता गरिएको छ । सोही, एफआइआरका कारण पासपोर्ट विभागले उनको पासपोर्ट नविकरण गर्न अस्विकार गरेको हो ।

जुन १५ देखि कंगनालाई बुडापेष्टको यात्रा गर्नुपर्नेछ । तर, पासपोर्ट नविकरण नभएपछि कंगनाले अदालतमा उजुरी दिदै आफू एक नायिका भएका कारण छायांकनका लागि विभिन्न देशमा जानुपर्ने भएकाले पासपोर्ट नविकरणका लागि अपिल गरेकी हुन् । उनले, एफआइआरलाई कारण देखाउँदै पासपोर्ट नविकरणको अधिकारमा संझौता नगर्न पनि उजुरीमा उल्लेख गरेकी छिन् । कंगनाको उजुरीको सुनुवाई जुन १५ तारिखमा हुनेछ ।

गतबर्षको अक्टुबर १७ तारिखमा कंगनाले विभिन्न धार्मिक समुहविच दुश्मनी बढाउनका लागि सहयोग गरेको भन्दै उनीविरुद्ध एफआइआर दर्ता गरिएको थियो ।

सनीको फिल्म ‘गदर ः एक प्रेम कथा’को सिक्वेल बन्ने

0

एजेन्सी । सनी देवल, अमिषा पटेल र अमरीश पुरी अभिनित हिट फिल्म ‘गदर ः एक प्रेम कथा’ को सिक्वेल पनि बन्ने भएको छ । २० वर्ष अगाडि निर्माण भएको यो फिल्मको सिक्वेलका लागि १५ वर्षदेखि काम भइरहेको छ ।

फिल्म १५ जुन २००१ मा रिलिज भएको थियो । त्यतिबेला फिल्मले २५० करोड कमाएको थियो । फिल्मको सिक्वेल फिल्म जहाँ सकिएको थियो । त्यहीबाट सुरु हुने बताइएको छ । फिल्ममा सनी (तारा सिंह), अमिषा पटेल (सकीना) र उनीहरुको छोरा जीतको कथा समेटिनेछ । फिल्मको कथा इन्डिया र पाकिस्तानकै एङ्गलबाट अगाडि बढ्नेछ । फिल्मको विषयमा सनीले एक अन्तवार्तामा क्लाइमेक्स चेन्ज गरिएको बताएका थिए । उनले भनेका थिए, ‘फिल्म फ्लप हुने डरले क्लाइमेक्स सम्पादनमा परिवर्तन गरिएको थियो ।’

सो समय सनीले भनेका थिए, ‘क्लाइमेक्समा गोली लागेको कारण सकिना (अमिषा)को निधन हुने दृश्य थियो । हामीलाई लाग्यो सकिनाको निधनपछि फिल्म ट्रयाजेटी हुन्छ । दर्शकले नेगेटिभ प्रतिक्रिया दिन सक्छन् । त्यसैले फिल्मको एडिटिङमा फिल्मको अत्य राम्रो गर्न छोराको गीत सुनेपछि गोली लागेको सकिना उठ्ने बनाइएको हो ।’ सनीको समय अभावको कारण फिल्मको सुटिङका लागि भने ३ वर्ष लागेको थियो ।