Date
शुक्र, मंसिर ४, २०८३
Fri, November 20, 2026
Home Blog Page 811

अबैध रुपमा भित्रीएको ८ वटा भारतिय माेटरसाइकल भन्सार बुझाइयाे

0

वीरगंज । पर्सा प्रहरीले अवैध रुपमा भित्रीएका ८ वटा भारतिय माेटरसाइकल नियन्त्रणमा लिएकाे छ ।

जिल्ला प्रहरी कार्यालय पर्साबाट खटिएकाे प्रहरी टाेलीले बिआर ०५ एजि २७१७, बिआर २२ जेड ११४७, बिआर ०० एपि २०२५, जेएच ०२ क्यु ३३०४, एउटा वन टेन्ट बुलेट र ३ वटा नम्बर नखुलेकाे माेटरसाइकल नियन्त्रणमा लिएकाे हाे ।   

बैशाख १६ गतेदेखि पर्सा जिल्लामा जारी भई थप भएको निषेधाज्ञा उल्लङ्घन गरी अनाधिकृतरूपमा पर्सा जिल्लाका विभिन्न स्थानमा चलाइएका तथा कागजपत्र नभएका ८ वटा भारतीय मोटरसाइकलहरूलाई यस कार्यालयबाट खटिएका विभिन्न चेकिङ तथा मोबाइल टोलीले वेवारिसे अवस्थामा नियन्त्रणमा लिएकाे जिल्ला प्रहरी कार्यालय पर्साले जनाएकाे छ ।

उक्त माेटरसाइकलहरुलाई रु.६ लाख ४५ हजार मूल्याङ्कन गरी आवश्यक कारवाहीको लागि साेमबार वीरगञ्ज भंसार कार्यालयमा बुझाइएको जिल्ला प्रहरी कार्यालय पर्साका प्रवक्ता एवम् प्रहरी नायब उपरिक्षक ओमप्रकाश खनालले जानकारी दिए ।

मासिक शुल्क भन्दा बढी भर्ना शुल्क नलिन उच्च अदालतकाे आदेश

0
वीरगंज । उच्च अदालत अस्थाई ईजलास बीरगंजले पहिलादेखि बिद्यालय भर्ना भईसकेका बिद्यार्थीसंग सोही बिद्यालयको अर्को कक्षामा प्रवेश गरे वापतको भर्ना शुल्क नलिन र पहिलो पटक भर्ना हुँदा एकपटकको लागी भर्ना हुने कक्षाको मासिक पढाई शुल्क भन्दा बढी भर्ना शुल्क नलिन र लिन नलगाउन भनि शिक्षा बिकाश तथा समन्वय ईकाई पर्सा र जिल्लाको सम्पुर्ण संस्थागत तथा सामुदायिक बिद्यालयहरुको नाँउमा अल्पकालिन अन्तरिम आदेश जारी गरेको छ ।
 
निवेदक अधिवक्ता प्रमोद प्रसादले पर्सा जिल्लाका संस्थागत तथा सामुदायिक बिद्यालय तथा शिक्षा बिकाश तथा समन्वय ईकाई पर्सा लगायत बिभिन्न ७१ जनालाई बिपक्षी बनाई दायर गर्नु भएको उत्प्रेषण परमादेश मुद्दामा उच्च अदालत अस्थाई ईजलास बीरगंजका माननिय न्यायाधिश गणेश प्रसाद बरालको एकल ईजलासले साेमबार साे आदेश जारी गरेको हो ।
 
साथै ईजलासले अन्तरिम छलफलका लागी यही आषाढ ७ गते उपस्थित हुन समेत बिपक्षीहरुको नाँउमा आदेश जारी गरेको छ ।
 
मुद्दामा निवेदक तर्फबाट निवेदक लगायत अधिवक्ताहरु रामचन्द्र सिंह, रामनारायण प्रसाद कुर्मी, रामाशिष प्रसाद यादव, प्रेम कुमार साह, ओमप्रकाश गुप्ता, केशवलाल केशरी, अजय कुमार श्रीवास्तव र रामबली प्रसाद चौहान लगायतले बहस गरेका थिए ।
 
यसैबिच अभिभावक संघ पर्साका अध्यक्ष अमर गौतमले सम्मानित उच्च अदालत अस्थाई बीरगंजको आदेशले बिद्यार्थी तथा अभिभावकहरुलाई राहत पुगेको प्रतिक्रिया दिए ।

मनसुन पुर्ब तयारी तथा प्रतिकार्य योजनाको लागि बैठक सम्पन्न

0

वीरगंज । जिल्ला प्रशासन कार्यालय पर्साको आयोजनामा सोमबार जिल्ला स्तरीय बिपत ब्यवस्थापन समितीको बैठक सम्पन्न भएको छ । मनसुन पुर्ब तयारी तथा प्रतिकार्य योजना २०७८ को लागि जिल्ला प्रशासन कार्यालय पर्साको सभाहालमा बसेको बैठक सम्पन भएको हो ।

बिपत ब्यवस्थापन समितीका संयोजक प्रमुख जिल्ला अधिकारी पिताम्बर घिमिरेको अध्यक्षतामा र जिल्ला समन्यव समिती पर्साका सभापति नेकमहम्मद अंसारीको प्रमुख आतिथ्यमा बसेको बैठकले जिल्ला भरीका १४ औ पालिकाले पुर्ब तयारीका साथ प्रतिकार्य योजना बनाउनु पर्ने निर्णय गरेको छ ।

पालिकाहरुले बिपत ब्यवस्थापन समिती गठन गरी बिपत तथा जेखिम कार्यलाई तिब्रताका साथ न्युनिकरण गर्न कार्ययोजना बनाई अगाडी बढनु पर्ने छ ।

बैठकमा वक्ताहरुले बिपत जुन समयमा आउन सक्ने भएकाले सम्पुर्ण तयारी पहिला नै गर्नु पर्ने कुरामा जोड दिएका थिए । वीरगंज महानगरपालिका, पर्सागढी नगरपालिका बाहेक अरु पालिकामा सरसमानहरु उपलब्ध नभएका कारण बिपतका लागी चाहिने उपकरणहरुको पनि ब्यवस्थापन गर्नु पर्नेमा वक्ताहरुको जोड थियो ।

१४ वटा पालिकाका जोखिम, अति जोखिम र कम जोखिम वडा र टोल कुन हो भने बारेमा प्रस्तुती सहायक प्रमुख जिल्ला अधिकारी भिमकान्त पौडेलले गरेका थिए ।

बैठकमा वीरगंज महानगरपालिकाका मेयर बिजय सरावगीले बिपत ब्यवस्थापनका लागी ९ वटा ट्रेक्टर, ५ वटा डोजर, ३ वटा टिपर, डोरी, हुमपाईप, ग्रेबल जस्ता अन्य सामग्रीहरु तयारी अवस्था रहेको र १ करोड बजेट पनि छुटयाएको बताए ।

पटेवर्वासुगौलीले ८० लाख, पकहामैनपुर गाउपालिकाले २३ लाख, पर्सागडीले १२ लाख छुटयाएको बताए । पर्सागढी नगरपालिकाका मेयर लोकनारायण यादवले बिपतका लागी सम्मपुर्ण सरसमान तयारी अवस्थामा रहेको बताए । जगरनाथपुर गाउँपालिकाका अध्यक्ष जालिम मियाँले बिपतको लागी हामी लडन पुर्ण रुपले तयार रहेको बताए ।

उधोग बाणिज्य संघ वीरगंजका अध्यक्ष सुबोध गुप्ताले धेरै कुरामा पछाडी भए पनि हामी सबैको साझा सहयोगले कसै भन्दा पर्सा जिल्ला कम नभए पनि धेरै कुराहरु जुटाउन बाकी रहेको बताए । उनले आवश्यक परेमा हरेक क्षेत्रमा उधोग बाणिज्य संघ पछि नहटने प्रतिवद्धता जनाए ।

प्रहरीउपरिक्ष बेलबहादुर पाण्डे, शशस्त्रका प्रहरी उपरिक्षक राजेन्द्र खडकाले तालिम सहित बिभिन्न उपकरण सहित आम सर्वधारणका लागी सदैव तयारी अवस्थामा रहेको बताएका थिए ।

जिल्ला प्रशासन कार्यालयमा बसेकाे बैठकमा नेकपा एमालेका जिल्ला अध्यक्ष प्रभु हजरा, नेपाली कांग्रेसका जिल्ला सचिव श्याम पटेल, माओवादी केन्द्रका जिल्ला अध्यक्ष बिजय महतो, जसपा जिल्ला अध्यक्ष रामनरेश यादव, गैरसरकारी संस्था महासंघ पर्साका अध्यक्ष छठु साह, नेपाल पत्रकार महासंघका पर्साका अध्यक्ष अनुप तिवारी तथा बिभिन्न गाउँपालिकाका प्रमुख प्रशासकिय अधिकृतहरुको सहभागीता रहेको थियो ।

सिजि फाउन्डेसनद्वारा अक्सिजन कन्सन्ट्रेटर सहयोग

0

वीरगंज । चौधरी ग्रुपद्वारा स्थापना गरिएको सिजि फाउन्डेसनले बारा र रौतहट जिल्लामा रहेका दुई सरकारी अस्पताललाई चार थान अक्सिजन कन्सन्ट्रेटर सहयोग गरेको छ ।

फाउन्डेसनले सोमबार एक कार्यक्रमको आयोजना गरि बारा जिल्लाको कलैया अस्पताल र रौतहट जिल्लामा रहेको गौर अस्पताललाई १० लिटरको २/२ थान गरि जम्मा ४ थान अक्सिजन कन्सन्ट्रेटर सहयोग गरेको प्रदेश न.२ का प्रमुख सत्येन्द्र झाले बताए ।

वीरगंज महा नगरपालिका वडा न.११ श्रीपुरमा चौधरी ग्रुपको सिजि फाउन्डेसनको प्रदेश न.२ को प्रादेशिक कार्यालयको उदघाटन गर्नु हुँदै वीरगंज महानगरपालिकाका मेयर बिजय कुमार सरावगीले फाउन्डेसनको तर्फबाट सो अस्पताललाई अक्सिजन कन्सन्ट्रेटर समेत हस्तान्तरण गरेका थिए ।

रक्तदाता दिवसको अवसरमा रक्तदान

0
वीरगंज । अनेरास्ववियु (क्रान्तिकारी) वीरगंज महानगर समितिको आयोजनामा सोमबार वीरगंजमा रक्तदान कार्यक्रम सम्पन्न भएको छ । विश्व रक्तदाता दिवसको अवसरमा भएको कार्यक्रममा एक महिलासहित ३२ जनाले रक्तदान गरेका थिए ।
 
वीरगंज घण्टाघरस्थित भएको कार्यक्रममा जुबेर आलम, विवेक साह, एहसान अंसारी, सगिर अंसारी, नेहा मण्डल, ईब्राहम मंसुरी, रामबाबु मण्डल, रबिन्द्र गुप्ता, साविर हुसेन, अजय श्रेष्ठ लगायतकाले रक्तदान गरेका थिए ।
 
अनेरास्ववियु (क्रान्तिकारी) वीरगंज महानगर समितिका अध्यक्ष विवेक साहको अध्यक्षता र नेकपा माओवादी केन्द्र पर्साका अध्यक्ष बिजय महतोको प्रमुख आतिथ्यतामा भएको रक्तदान कार्यक्रममा माओवादी केन्द्रका प्रदेश सदस्य छोटेलाल यादव, रामदरश कुशवाहा, अनेरास्ववियु (क्रान्तिकारी) प्रदेश २ का सह–संयोजक प्रभाकर गुप्ता, केन्द्रिय सदस्य एवम् पर्सा जिल्ला इन्चार्ज जुवेर आलम, जिल्ला अध्यक्ष कबिराज पटेल, उपाध्यक्ष संदिप विक्रम साह लगायतको उपस्थिति रहेको थियो ।
 
रक्तदान कार्यक्रम रक्त सञ्चार केन्द्र वीरगंजको प्राविधिक सहयोगमा भएको थियो ।

ठेक्का र पेश्की लिएकाे एक बर्षमा पुल निर्माणकाे हाेर्डिङ बाेर्ड पनि राखिएन

0
६ कराेड ७५ लाखकाे लागतमा पुल निर्माण हुने खाेला । तस्बिर : कालिका टाईम्स

वीरगंज । बाराकाे करैयामाई गाउँपालिकाकाे वडा नं. ८ बेलाहीस्थित प्रसन्वा नदीमा ठेक्दारकाे लापरवाहीले पुल निर्माण हुन सकेकाे छैन् । पुल निर्माणकाे लागि ठेक्का सकार गरेकाे विनाेद साह निर्माण सेवाले एक बर्ष वित्न लाग्दा पनि निर्माण कार्य सुरु गरेकाे छैन् ।

गाउँपालिका स्राेतका अनुसार ठेक्दार कम्पनीले ६ कराेड ७५ लाख ५० हजारकाे लागतमा पुल निर्माण गर्न ठेक्का सकार गरेकाे छ । ठेक्दारले  गाउँपालिकासंग २०७७ असार ११ गते पुल निर्माणकाे लागि गरेकाे सम्झाैत अनुसार २०७८ कार्तिक मसान्त भित्र निर्माण कार्य सम्पन्न  गर्नु पर्ने छ ।

सम्झाैता लगतै पुल निर्माण कार्य अगाडी बढाउन ठेक्दारले कुल लागतकाे १० प्रतिशत ६७ लाख ५५ हजार माेबलाइजेशन पेश्की समेत लिए पनि हाल सम्म निर्माण कार्य सुरु गरेकाे छैन् । एक बर्षमा पुल निर्माण स्थलमा हाेर्डिङ बाेर्ड समेत राखिएकाे छैन ।

माेबलाइजेशन पेश्की लिएकाे ३० दिन भित्र काम सुरु गर्नु पर्नेमा एक बर्ष वित्न लाग्दा पनि काम सुरु भएकाे छैन । सम्झाैता अवधि सक्न लाग्दा पनि पुल निर्माण कार्य सुरु नहुनुमा ठेक्दार कम्पनीकाे लापरवाही र गाउँपालिकाका जनप्रतिनिधि, प्रमुख प्रशासकिय अधिकृत र प्राविधिककाे समेत सलंग्नता देखिन्छ ।

गाउँपालिका र ठेक्दारकाे लापरवाहीले आर्थिक बर्ष २०७६/०७७ काे राष्ट्रिय याेजना आयाेगकाे स्विकृत बजेट अन्तर्गत ५० प्रतिशत गाउँपालिकाकाे लगानीमा हुने पुल निर्माण कार्य अलपत्र परेकाे छ ।

पुलकाे डिपिआर मै त्रुटी

दुई महिना पहिला करैयामाई गाउँपालिकामा प्रमुख प्रशासकिय अधिकृत राज कुशवाह हुँदा उनले तत्कालिन प्रमुख प्रशासकिय अधिकृत विरेन्द्र महताे र प्राविधिक शाखा प्रमुख अवधेश प्रसाद कुशवाहासंग पुल निर्माण कार्य सम्बन्धमा लिखित जवाफ समेत मागेका थिए ।

उनले पुलकाे डिपिआर देखी याेजना सम्झाैता, माेबिलाइजेशन समेतमा तत्कालिन प्रमुख प्रशासकिय अधिकृत र प्राविधिक प्रमुखकाे सलंग्नता देखिएकाे भन्दै जवाफ मागेका थिए । साेही कारण उनकाे सरुवा समेत गराइएकाे थियाे ।

पुलकाे डिपिआर अनुसार ओपेन फाउन्डेसबाट पुल निर्माण गर्दा साेयल कन्डिसन कमजाेर हुने भएकाेले प्याइल गर्ने सिफारिस गरिएकाेमा त्रुटि देखिएकाे हाे । 

आवश्यकतै नभएकाे ठाउँमा पुल निर्माण गर्न दिनाैं : स्थानिय 

५ दिन अघि मात्र ठेक्दारले पुल निर्माण कार्य सुरु गर्न लाग्दा स्थानियले राेकेका थिए । त्यसपछि पुल निर्माण कार्य अगाडी बढन सकेकाे छैन् ।

स्थानियहरुका अनुसार पुल निर्माण गर्न लागिएकाे बेलाहीस्थित प्रसन्वा नदीमा  पुलकाे कुनै आवश्यकता छैन् ।  बेलाही टोल र ईटहर टोल बीच भएर बगेको तियर नदीमा पुलकाे आवश्यकता छ ।

तर तियर नदीमा पुल निर्माण नगरी प्रसन्वा नदीमा पुल निर्माण गर्न लागिएकाेले स्थानियहरु पुल निर्माण कार्यमा अवराेध गरेका हुन् ।  आवश्यकतै नभएकाे ठाउँमा पुल निर्माण गर्न नदिने स्थानियहरुकाे भनाई छ । पहिला अवश्यकता भएकाे तियर नदीमा पुल निर्माण गर्नु पर्ने स्थानियहरुकाे माग रहेकाे छ ।

विनाेद निर्माण सेवालाई नै तियर नदीकाे पुल निर्माण गर्ने जिम्मा

प्रसन्वा नदीमा पुल निर्माण गर्न ठेक्का र पेश्की लिएर एक बर्ष सम्म काम समेत सुरु नगरेकाे विनाेद साह निर्माण सेवाले तियर नदीकाे पनि पुल निर्माणकाे ठेक्का पाएकाे छ ।

प्रदेश सरकारकाे भाैतिक पूर्वधार विकास मन्त्रालय अन्तर्गतकाे ८ कराेडकाे बजेटले निर्माण हुने तियर नदीकाे पुल निर्माणकाे जिम्मा नागा अर्जुन विनाेद साह जेभिले लिएकाे छ । नागा अजर्नु विनाेद साह जेभिले ३३ प्रतिशत विलाेमा ५ कराेड ४० लाख ४५ हजारमा पुल निर्माणकाे ठेक्का सकार गरेकाे  पुर्वधार विकार कार्यालय वीरगंजका इन्जिनियर विवेकानन्द झाले वताए ।

उनका अनुसार पुल निर्माणकाे लागि २०७८ जेठ १६ गते सम्झाैता भएकाेमा २ बर्ष भित्र २०८० जेठ १५ गते सम्म निर्माण कार्य सम्पन्न गर्नु पर्ने छ । तियर नदीकाे पुल निर्माणकाे लागि पनि ठेक्दार कम्पनीले माेबिलाइजेश पेश्की १० प्रतिशत ५४ लाख ४५ हजार लिइसकेका छन् । 

माेबिलाईजेशन पेश्की लिएकाे १५ दिन भित्र विमा, हार्डिङ बाेर्ड राख्ने लगायतकाे काम गरि सक्नु पर्नेमा अहिले १५ दिन विते पनि हाल सम्म हाेर्डिङ बाेर्ड पनि राखेका छैनन् ।

 इन्जिनियर झाले पुल निर्माण स्थलमा अहिले सम्म ठेक्दार कम्पनीले हाेर्डिङ बाेर्ड समेत नराखेकाे पत्रकार मार्फत जानकारी पाएपछि तत्काल आफुले हाेर्डिङ बाेर्ड राख्न निर्देशन दिने वताए । 

ठेक्का हुनु भन्दा पहिला नै गरिएकाे थियाे तियर नदीमा पुलकाे शिलान्यास

तियर नदीमा पुल निर्माणकाे लागि ठेक्का हुनु भन्दा दुई महिना पहिला शिलान्यास गरिएकाे थियाे । प्रदेश २ सरकारकाे अर्थ तथा याेजना राज्य मन्त्री उषा देबी यादव, बारा क्षेत्र नं. २ का विघठित प्रतिनिधि सभा सदस्य रामशाय यादव, प्रदेश सभा सदस्य शर्धा शंकर कलवारले संयुक्त रुपमा पुलकाे शिलान्यास गरेका थिए ।

पुल निर्माण कार्यकाे जिम्मा आफुले नपाए पनि शिलान्यास कार्यक्रममा सहभागि भएकाे विनाेद साह निर्माण सेवाका संचालक शेषनाथ साहले वताए ।

पुलकाे ठेक्का हुनु भन्दा अघि नै नेता ज्यूहरुबाट शिलान्यास गरिएकाेले पूर्वधार विकास कार्यालयबाट आफुहरु सहभागि नभएकाे इन्जिनियर झाले वताए ।

ओ टू परियोजनाले अक्सिजनको बढ्दो माग पूरा गर्ने भारतको प्रयास

0

एजेन्सी । भारतको केन्द्र सरकारले अक्सिजनको बढ्दो माग सम्बोधन गर्न ओ टू परियोजना सुरु गरेको छ । भारत सरकारका प्रमुख वैज्ञानिक सल्लाहकारको कार्यालयले सरोकारवालाहरूलाई देशमा बढ्दो अक्सिजनको माग सम्बोधनका लागि सहायता प्रदान गर्न यस परियोजनाको शुरूआत गरेको जनाएको छ ।

अक्सिजनको एक राष्ट्रिय संघका अनुसार महत्वपूर्ण कच्चा पदार्थको आपूर्तिलाई सक्षम बनाउँदै कोभिड–१९ को महामारीको दोस्रो लहरले मेडिकल अक्सिजनको आवश्यकता र मागमा अचानक वृद्धि भएको छ । आइतवार प्रकाशित आधिकारिक प्रेस विज्ञप्तिमा यस पहलका विभिन्न पक्षका बारेमा विस्तृत विवरण प्रस्तुत गरिएको छ । भारतको ओ टू परियोजना अन्तर्गत, अक्सिजनको एक राष्ट्रिय संघले जियोलाइट्स, सानो अक्सिजन प्लान्ट स्थापना, निर्माण कम्प्रेसर, अन्तिम उत्पादन अर्थात्, अक्सिजन प्लान्टहरू, कन्सन्ट्रेटर, र भेन्टिलेटरहरु जस्ता निर्माणका लागि आवश्यक महत्वपूर्ण कच्चा पदार्थहरूको राष्ट्रिय स्तरको आपूर्तिलाई सक्षम बनाउँदैछ ।

भारत सरकारका प्रमुख वैज्ञानिक सल्लाहकारको कार्यालयले जारी गरेको विज्ञप्ति अनुसार संघले अल्पकालिन राहत प्रदान गर्ने मात्र नभएर दीर्घकालीन रुपमा पारिस्थितिक प्रणाली सुदृढीकरणका लागि पनि काम गरिरहेको छ । विज्ञप्तिका अनुसार विशेषज्ञ को एक समितिले भारत स्थित निर्माता, स्टार्टअप र एमएसएमई बाट प्राप्त अक्सिजन प्लान्ट, कन्सन्ट्रेटर र भेन्टिलेटर जस्ता उपकरण को मूल्याङ्कन गरिरहेको छ ।

निर्माण र आपूर्ति संघमा भारत इलेक्ट्रोनिक्स लिमिटेड (बीईएलस), टाटा परामर्श इन्जिनियर्स (टीसीई) सी–क्याम्प, बैंग्लोर आईआईटी कानपुर,आईआईटी दिल्ली (आईआईटी–डी), आईआईटी बम्बइ (आईआईटी–बी), आईआईटी हैदराबाद (आईआईटी–एच); आईआईएसईआर ,भोपाल,भेन्चर सेन्टर, पुणे र ४० भन्दा बढी एमएसएमई समावेश छन् । यस संघले यूएसएआइडी, एडवर्ड्स लाइफ साइन्स फाउन्डेसन र क्लाइमेट वर्क्स फाउन्डेसन जस्ता संस्थाहरूबाट सीएसआर र परोपकारी अनुदानहरू प्राप्त गर्न थालेको छ ।

होप फाउन्डेसन, अमेरिकन भारतीय फाउन्डेसन, वालमार्ट, हिताची, बीएनपी परिबास र इनफोकसिप्सले संघलाई उचित सहयोग प्रदान गर्न र सीएसआर प्रयास स्वरुप वीपीएसएरपीएसए प्लान्ट खरिद गर्दैछन् ।

आधिकारिक विज्ञप्ति अनुसार एनएमडीसी लिमिटेडले संघका निर्माताका लागि जियोलाइट जस्ता कच्चा पदार्थ खरीद का लागि अनुदान दिन सहमति जनाएको छ । –साभार ः इण्डिया न्यूज नेटवर्क

भारतमा आइतबार ७४ दिनयताकै कम संक्रमित थपिए

0

भारतमा आइतबार ७० हजार ४२१ व्यक्तिमा कोरोना संक्रमण देखा परेको केन्द्रीय स्वास्थ्य तथा परिवार कल्याण मन्त्रालयले सोमबार जानकारी दिएको छ । हिजो आइतबार भारतमा ७४ दिनयताकै यो सबैभन्दा कम कोरोना संक्रमित फेला परेको हो ।

गत २४ घण्टामा यहाँ कोरोना संक्रमणको कारण ३ हजार ९२१ जनाको मृत्यु भएपछि भारतमा कोरोनाबाट मृत्यु हुने कूल व्यक्तिको संख्या ३ लाख ७४ हजार ३०५ भएको जनाइएको छ ।यहाँ हाल कोरोना संक्रमितको कूल संख्या २ करोड ९५ लाख १० हजार ४१० पुगेको मन्त्रालयले सोमबार जानकारी दिएको छ । गत २४ घण्टामा १ लाख १९ हजार ५०१ जना कोरोना भाइरस संक्रमित मुक्त भएका छन् । यसैसँग २ करोड ८१ लाख ६२ हजार ९४७ जना कोरोना मुक्त भएका बताइएको छ ।

भारतमा कोरोना भाइरस संक्रमण मुक्त हुने दर ९५.४३ प्रतिशत रहेको छ । हाल यहाँ ९ लाख ७३ हजार १५८ जना सक्रिय संक्रमित रहेका छन् । कोरोना शुरु भएयता हालसम्म यहाँ ३७ करोड ९६ लाख २४ हजार ६२६ जनाको कोरोना परिक्षण भएको सरकारी स्रोतले जानकारी दिएको छ ।

गत जनवरी १६ बाट भारतमा कोरोना भाइरसविरुद्ध खोप अभियान शुरु भएको थियो । सो समयदेखि हालसम्म भारतमा २५ करोड ३१ लाख ९५ हजार ४८ डोज खोप लगाइएको छ । रासस 

किन चल्यो ट्विटरमा ‘करिना बहिष्कार’ अभियान ?

0

सामाजिक संजाल ट्विटर कुनै कलाकारलाई रातारात स्टार बनाउन होस् या कुनै कलाकारको बिषयमा चर्को आलोचना नै गर्न किन नहोस्, भारतमा निकै प्रयोग भएको पाइन्छ ।

केही दिनयता चलचित्र ‘सीता’को मुख्य भूमिकामा नायिका करिना कपुरलाई अफर गरिएको खबर सार्वजनिक भैरहेको छ । यो भूमिकाका लागि करिनाले १२ करोड पारिश्रमिक मागेको खबर पनि भारतीय मिडियामा सार्वजनिक भएको थियो ।
तर, यो बिषयमा यो चलचित्रको निर्माण टिम र करिनाले केही पनि बताएका छैनन् । यो खबर सार्वजनिक भएसँगै सामाजिक संजाल ट्विटरमा ‘करिना बहिष्कार’ अभियान नै चलेको छ ।

आखिर, करिनालाई लिएर मानिसहरुमा किन यति धेरै आक्रोश पैदा भएको होला ?

विशेषगरि, यो चलचित्रमा करिनाले काम गर्दा ‘सीता’को भूमिकामाथि न्याय नहुने केही मानिसहरुको वुझाई छ । यो चलचित्रका लागि कुनै हिन्दु धर्ममा आस्था राख्ने नायिकालाई लिन धेरैले माग गरेका छन् । कतिपय प्रयोगकर्ताले त करिना तैमुर अली खानको आमा भएकाले पनि उनले ‘सीता’को भूमिका निर्वाह गर्न नसक्ने तर्क प्रस्तुत गरेका छन् ।

यस्तै, करिनाले चलचित्रको पर्दामा चुरोट तान्दै गरेको फोटो सार्वजनिक गर्दै केही ट्विटर प्रयोगकर्ताले ‘सीता’ बन्नका लागि उनी फिट नभएको बताएका छन् । करिनालाई यो भूमिकाका लागि फाइनल गरेको खण्डमा बलिउडकै विरुद्धमा प्रदर्शन गर्ने तर्क समेत केही ट्विटरका प्रयोगकर्ताको छ । तर, यो बिषयमा करिना र यो चलचित्रको टिमले कुनै प्रतिक्रिया दिएको छैन । तर, ट्विटरमा करिनालाई बहिष्कार गर्नुपर्ने ट्रेन्ड चलेको छ ।