Date
शुक्र, मंसिर ४, २०८३
Fri, November 20, 2026
Home Blog Page 805

राष्ट्रिय धान दिवस पर्सामा पनि मनाइयाे

0

वीरगञ्ज । राष्ट्रिय धान दिवस पर्सामा पनि मनाइएको छ । सखुवा प्रसाैनी गाउँपालिकाकाे वडा नं. ५ महुवनस्थित खेतमा धान रोपेर धान दिवस मनाइएको हाे ।

धान उत्पादन वृद्धि, खाद्यान्न सुरक्षा, आन्तनिर्भरता र समृद्धि भन्ने नाराका साथ सखुवा प्रसाैनी गाउँपालिकाकाे वडा नं. ५ साेलखपुर दिवस मनाइएकाे गाउँपालिकाका सूचना अधिकारी राजेश राैनियारले वताए ।

दिवसकाे अवसरमा गाउँपालिका अन्तर्गतका २५ जना कृषकलाई सम्मान समेत गरिएकाे उनले जानकारी दिए । २५ कृषकहरुलाई गमछा ओढाएर सम्मान गर्दै कुदालाे समेत वितरण गरिएकाे राैनियारले वताए ।

गाउँपालिकाकी उपाध्यक्ष फुलमती चाैधरीकाे अध्यक्षता र गाउँपालिका अध्यक्ष प्रदिप जयसवालकाे प्रमुख आतिथ्यतामा भएकाे कार्यक्रममा वडाध्यक्षहरु रुपलाल यादव, जुमादिन अन्सारी, विश्वनाथ पटवारी, इलाका प्रहरी कार्यालय पाेखरियाका प्रहरी निरिक्षक दिपक थापा लगायतकाे सहभागिता रहेकाे थियाे ।

यस्तै, वीरगञ्ज महानगरपालिकाले वडा नं ३१ मा आयोजना गरेको रोपाई कार्यक्रममा नगर प्रमुख विजय कुमार सरावगी सहभागी भएका थिए । नगरप्रमुख सरावगीले कृषि क्षेत्रलाई प्राथमिकतामा राखेर आगामी आर्थिक वर्षको नीति कार्यक्रम तथा बजेट ल्याइएको बताए ।

‘कृषकका समस्या समाधान गर्न महानगर गम्भीर छ । वडा नं ३१ मा चैते धान पकेट क्षेत्रको रूपमा घोषणा गर्ने लक्ष्य राखेका छौं’ नगर प्रमुख सरावगीले भने, ‘कृषकको कदम कदममा साथ दिन महानगर तयार छ ।’

महानगर प्रमुख सरावगीद्वारा विद्यालय भवनकाे उद्घाटन

0

वीरगंज । वीरगन्ज महानगरपालिकाका नगर प्रमुख विजय कुमार सरावगीले मंगलबार वीरगंज महानगरपालिकाकाे वडा २७ भवानीपुरमा निर्माण भएकाे विद्यालय भवनको उद्घाटन गरेका छन् ।

महानगरपालिकाको नगरस्तरीय बजेटबाट निर्माण गरिएको चार कोठे भवनको महानगर प्रमुख सरावगीले उद्घाटन गरेका हुन् ।२/२ कोठे भवनको १५/१५ लाख गरी ३० लाख रुपैयाँको लागतमा ४ कोठे भवनको निर्माण भएकाे नगर प्रमुख सरावगीले वताए ।

विद्यालयको पर्खाल निर्माणका लागि ९ लाख, शौचालय निर्माणका लागि ७ लाख र खेल मैदानमा माटो पुर्नका लागि २ लाख रुपैयाँ महानगरपालिकाबाट उपलब्ध गराइएको नगरप्रमुख सरावगीले जानकारी गराए ।

त्यसैगरी आगामी वर्ष नेपाल सरकारको बजेटबाट १२ कोठे भवन निर्माणका लागि पनि पहल गर्ने नगरप्रमुख सरावगीले प्रतिबद्धता जनाए ।

वीरगंजमा वर्डलिंककाे नेट छिनछिनमा डिस्टर्ब हुने समस्या

0

वीरगंज । वर्डलिंककाे नेट वीरगंज महानगरकाे विभिन्न क्षेत्रमा राम्राे नचलेकाे सेवाग्राहीहरुले गुनासाे गरेका छन् । नेट राम्ररी नचल्दा कार्यालयकाे कामकाज समेत प्रभावित हुने गरेकाे वर्डलिंक प्रयाेगकर्ताहरुकाे गुनासाे छ ।

छिनछिनमा वर्डलिंककाे नेट डिस्टर्ब हुने, चले पनि साेलाे चलेका कारण प्रयाेगकर्ताहरुलाई सास्ती हुने गरेकाे छ । विशेष गरेर छिनछिनमा इन्टरनेट डिस्टर्ब भएका कारण वर्डलिंक नेट प्रयाेग गर्ने कार्यालयहरुकाे कामकाजमा बाधा पुग्ने गरेकाे छ ।

वर्डलिंकले इन्टरनेट शुल्क बढाए पनि सेवा प्रभावकारी बनाउन नसकेकाे प्रयाेगकर्ताकाे गुनासाे छ । प्रयाेगकर्ताका अनुसार नेट डिस्टर्ब भएपछि मर्मत सम्भार पनि समयमा नहुने गरेकाे छ । वर्डलिंककाे कार्यालय वा कर्मचारीलाई फाेन गर्दा फाेन नउठने, फाेन नलाग्ने, फाेन उठेपनि समयमा समस्या समाधान नहुने कारण प्रयाेगकर्ताहरु आक्राेशित भएका छन् । 

नेपाली कांग्रेसका नेता राजिन्द्र कुर्मीकाे निधन

0

वीरगंज । नेपाली कांग्रेसका नेता राजेन्द्र प्रसाद कुर्मीकाे निधन भएकाे छ । कालिकामाई गाउँपालिकाकाे वडा नं १ मुडली निवासी ६६ बर्षिय नेता कुर्मीकाे मंगलबार विहान ९ बजे भारतकाे मुम्बईमा असमायिक निधन भएकाे हाे ।

श्री जनता मावि मुडलीका विद्यालय व्यवस्थापन समिति अध्यक्ष समेत रहेका कुर्मी स्वास्थ्यमा समस्या देखिएपछि उपचारकाे लागि १९ दिन अगाडी मुम्बई गएका थिए । उनी मुम्बईस्थित टाटा मेमाेराेलियल केन्सर हस्पिटलमा आफ्नाे स्वास्थ्य परिक्षण गराउँदै थिए । 

साेमबार सांझ मात्र आफ्नाे घरमा भिडियाे कल गरेकाे कुर्मीकाे मंगलबार विहान निधन भएकाे खबरले गाउँ नै शाेकमा डुबेकाे छ ।

साविक गाबिस मुडलीका पूर्व अध्यक्ष समेत रहेका कुर्मी गत स्थानिय तहकाे निर्वाचनमा नेपाली कांग्रेसबाट गाउँपालिका अध्यक्षका उम्मेदवार समेत भएका थिए ।

उनी पंचायतकालदेखी प्रजातन्त्र सम्म ४ पटक गाविस अध्यक्षमा निर्वाचित हुन सफल भए पनि गत स्थानिय तहकाे निर्वाचनमा गाउँपालिका अध्यक्षमा झिनाे मतले पराजित भएका थिए ।

समान्य परिवारमा जन्मेका कुर्मी गाबिस अध्यक्ष रहँदा आफ्नाे कार्यकालमा गाउँका ८० बिगहा भन्दा बढी क्षेत्रफल भएकाे १० वटा पाेखरी संरक्षण गर्न सफल व्यक्ति हुन् ।

४५ बर्ष अगाडी देखी राजनितिक सुरुवात गरेका कुर्मी नेपाली कांग्रेसका पूर्व महाधिवेशन प्रतिनिधि र पूर्व जिल्ला सदस्य समेत हुन् 

कुर्मीकाे शव मुम्बईबाट ल्याउन लागिएकाे र भाेली बुधबार निजि निवास मुडलीमा दाहसंस्कार गरिने परिवारजनले जनाएका छन् ।

पर्सामा चट्याङ लागेर ३ जनाकाे मृत्यु, ४ जना घाइते

0
chatyanag_kalikatimes

वीरगंज । पर्सामा चट्याङ लागेर ३ जनाको मृत्यु भएकाे छ भने ४ जना घाइते भएका छन् ।

पर्साकाे सखुवा प्रसाैनी गाउँपालिका वडा नं. ४ देउरवाना निवासी ५५ बर्षिय रघुबिर यादव, पटेर्वा सुगाैली गाउँपालिका वडा नं. १ निवासी २७ बर्षिय रसुलअज गद्दी र जिराभवानी गाउँपालिका वडा नं ३ जितपुर निवासी ५० बर्षिय असरताेमी देवी थरुनीकाे चट्याङ लागेर मृत्यु भएकाे जिल्ला प्रहरी कार्यालय पर्साका प्रवक्ता एवम् प्रहरी नायब उपरिक्षक ओमप्रकाश खनालले वताए ।

भैंसी चराउन घर बाहिर गएका देउरवाना निवासी यादवकाे र गदियानी निवासी गद्दीकाे चट्यांग लागेर मृत्यु भएकाे उनले जानकारी दिए । उनका अनुसार जितपुर निवासी थरुनीकाे खेतमा काम गर्न गएकाे बेला चट्याङ लागेकाे थियाे ।

थरुनी सहित अन्य महिलाहरुको समूहले रोपाई गरिरहेको अवस्थामा करिब ७ बजे चट्याङ खस्दा थरुनीको घटना स्थाल मै मृत्यु भएकाे हाे । साथै अन्य चार जना महिला पनि घाइते भई बेहोस भएका थिए ।

आज (मंगलबार) विहान पानीसँगै परेको चट्याङले  १ जना सख्त घाइते र तीन जना सामान्य घाइते भएकाे प्रहरी नायब उपरिक्षक खनालले वताए ।

समान्य घाइते हुनेमा जिराभवानी गाउँपालिका निवासी ३ जना रहेका छन् भने सख्त घाइते हुनेमा सखुवा प्रसाैनी गाउँपालिका वडा नं. ४ देउरवाना निवासी ४० बर्षिय राजबंशी महरा रहेका छन् ।

सख्त घाइते महरालाई उपचारकाे लागि वीरगंज ल्याउँदै गरेकाे प्रहरी नायब उपरिक्षक खनालले जानकारी दिए ।

नारायणी आयल रिफाईनरीद्वारा एडभान्स हस्पिटललाई भेन्टिलेटर सहयाेग

0

वीरगंज । नारायणी आयल रिफाईनरी उधाेग प्रा.लि. वीरगंजले एडभान्स मेडिकेयर हस्पिटल वीरगंजलाई एक थान भेन्टिलेटर सहयाेग गरेकाे छ ।

उद्याेगका संचालक सजन कुमार चाचानले हस्पिटलका प्रबन्ध संचालक जनार्दन सिंह क्षेत्रीलाई साेमबार एक कार्यक्रमका बिच साे भेन्टिलेर हस्तान्तरण गरेका हुन् ।

कर्पाेरेट समाजिक उत्तरदायित्व  काेषबाट सहयाेग स्वरुप रु ८ लाख ८० हजार मुल्य पर्ने भेन्टिलेटर सहयाेग गरिएकाे उद्याेगका संचालक चाचानले वताए ।

भेन्टिलेटर हस्तान्तरण कार्यक्रममा बाेल्दै अस्पतालका प्रबन्ध संचालक सिंहले एडभान्स हस्पिटल नाफा कमाउन संस्था नभई सेवा गर्ने मुलक संस्था भएकाे वताए । उनले समाजिक उत्तरदायित्वलाई बहन गर्दै हस्पिटललाई भेन्टिलेटर सहयाेग गर्ने उद्याेगलाई धन्यावाद समेत व्यक्त गरे ।

सिंह कै अध्यक्षतामा भएकाे कार्यक्रममा हस्पिटलका संचालक नरेन्द्र कुमार साह, सुमन कुमार क्याल, नारायणी आयल रिफाईनरी उधाेगका संचालक समिति सदस्य सतीश कुमार चाचान, सुभांसु कुमार चाचान, व्यवस्थापक नवलकिशाेर यादव, डा. उदय नारायण सिंह लगायतकाे उपस्थिती रहेकाे थियाे ।

प्रदेश व्यापी वृक्षारोपण अभियान वीरगन्जमा पनि शुरु

0
वीरगंज । रुख रोपौं, वन जोगाऔं भन्ने नाराका साथ डिभिजन वन कार्यालय पर्साले राष्ट्रिय वृक्षारोपण दिवसको अवसरमा प्रदेश व्यापी वृक्षारोपण अभियान कार्यक्रम अन्तर्गत पर्सामा पनि वृक्षारोपण अभियान शुरु गरेकाे छ ।
 
वीरगन्जको श्रीसियामा रहेको एकीकृत जाँच चौकी (आईसिपी) को मुख्य ६ लेनको सडकको बिच खाली ठाउँमा प्रदेश २ का सिचाई तथा उर्जा मन्त्री ओम प्रकाश शर्माले वृक्षारोपण गरी अभियानको उद्घाटन गरेका हुन ।
 
वृक्षारोपण कार्यक्रमको उद्घाटन गर्दे उर्जा मन्त्री शर्माले बढदो सवारी चाप र वन विनाशले गर्दा वातावरण नै प्रदुषित भई मानिसको स्वास्थ्यमा असर पर्न लाथेको भन्दै स्वास्थ्य वातावरण र मानिसको जिवन रक्षाको निम्ती पनि वृक्षारोपण अहिलेको अपरिहार्य नै रहेको बताए ।
 
उनले भने, “वृक्षारोपण मात्र समस्या समाधान हुँदैन, यसको दिर्घकालिन संरक्षणको पनि ग्यारेन्टी हुनुपर्छ । सम्बन्धीत निकाय सहित स्थानियले पनि यसको संरक्षणमा ध्यान दिन आवश्यक रहेकाे छ ।”
 
वातावरण प्रदुषण मुक्त बनाउँन निजी तथा सार्वजनिक जग्गामा वृक्षारोपण हुनुपर्छ र यसको लागि आवश्यक सहयोग चाहिएमा आफू सहयोग गर्न तयार रहेको उनले बताए ।
 
कार्यक्रममा डिभिजन वन कार्यालय पर्साका प्रमुख फरमान मियाँले प्रदेश २ मा ४ प्रतिशत मात्र वनजंगल रहेको बताए । वन कटान तथा अवैध चोरी निकासीले दिनप्रतिदिन वन विनाष हुँदै गएका कारण जलवायु परिर्वतन हुन थालेको स्मरण गराउँदे उनले सबै ठाउँमा वृक्षारोपन गर्न जुरुरीरहेको औल्याए ।
 
राष्ट्रिय गौरवको आयोजनाले गर्दा पनि वन कटान बढेको छ, यसलाई व्यवस्थित रुपमा मिलाउँन आवश्यक छ, उनले भने, ‘ अहिलेको आवश्यकता पुर्तीको लागि नै असार १४ गतेदेखि २० गतेसम्म प्रदेश सरकारले प्रदेश व्यापी वृक्षारोपण अभियान नै चलाएको छ ।
प्रदेश २ व्यापरी वृक्षारोपण अभियान कार्यक्रम अन्तर्गत पहिलो दिन श्रीसिया एकिकृत चेकजाँच चौकी (आईसिपी) को मुख्य सडकको खाली ठाउँमा ट्रि गार्ड सहित २५१ थान विभिन्न परिजातिका वृक्षारोपण शुरुवात गरिएको वनअधिकृत रेयाज अहमद अंसारीले बताए ।
 
कपुर, कलंकी फुल, गोल मोहर, ईरीका पाल, वोतल पाम, कलंकी फुल लगायतको विरुवा रोपिएको छ । रोपिएको विरुवाको संरक्षण वन कार्यालय र आईसिपी कार्यालयले लिने सम्झौता समेत भएको वन अधिकृत अंसारीले बताए ।
 
डिभिजन कार्यालय पर्साले पनि यस आर्थिक बर्षमा ९२ हेक्टर वनको जग्गामा वृक्षारोपण गरिरहेको उनले बताए ।
 
उनले, सवैया साझेदारीमा २० हेक्टर, जिल्ला वन पैदावर आपुर्ती समितिमा १२ हेक्टर र मानवामा अतिक्रमित जग्गा खाली गराई तारवार सहित ६० हेक्टरमा वृक्षारोपण कार्यक्रम भईरहेको बताए ।
 
वृक्षारोपण कार्यक्रमको उद्घाटन समारोहमा पर्साका प्रमुख जिल्ला अधिकारी पिताम्बर घिमिरे, प्रहरी उपरिक्षक वेल बहादुर पाण्डे, साझेदारी वन महासंघका जिल्ला अध्यक्ष श्याम पटेल, नेपाली काँग्रेसका नेता रामरुप कुर्मी, सवैया साझेदारी वन व्यवस्थापन समूहका अध्यक्ष लखनलाल साह कानु, नेका नेता सन्जु क्षतकुली, नेवि संघका सुधिर पटेल लगायतको सहभागिता रहेको थियो ।