Date
बिहि, मंसिर ३, २०८३
Thu, November 19, 2026
Home Blog Page 803

अति विपन्न दलित परिवालाई खाद्यान्न सहयोग

0

वीरगंज । पिस फाेर दलित फाउन्डेसन नेपाल र ग्रामीण दलित शिक्षा विकास केन्द्र नेपाल, दाङको संयुक्त सहकार्यमा स्थानीय संस्था दलित सामुदायिक विकास केन्द्र रौतहटको अनुरोधमा काेभिड १९ तथा लकडाउन प्रभावित एक जनाले राहत पाएका छन् ।

रौतहट जिल्लाको फतुवा बिजयपुर नगरपालिका -६ पेटभरवाका कोभिड-१९ तथा लकडाउन प्रभावित प्रयाग महरा चमार राहतमा खाद्य सामग्री पाएका हुन् ।

राहतमा चामल – ३० केजीको ६ बोरा, आलु – १५ केजी, तेल – ५ लिटर (सन फलावर), दाल – ५ केजी, नुन -३ केजी, साबुन – १० पिस , सर्फ ५ प्याकेट, आयुर्वेदिक (लवन, लाईची, आदुवा, पेसार, ज्वाईन, मरिच) (पुरिया सानो सबै ) र मास्क १० पिस लगायतको सामग्रीहरु सहयोग गरिएको पिस फाेर दलित फाउन्डेसनका अध्यक्ष मनाेज रामले वताए ।

देशभर जस्तै रौतहट जिल्लामा पनि मिति २०७८/०१/१६ गतेदेखि हाल सम्म निषेधाज्ञा रहेकाे छ। निषेधाज्ञा र लकडाउनले गर्दा धेरै दलित, मजदुर, जेष्ठ नागरिक, श्रमिकहरु प्रभावित भएका छ्न । काम बन्द भएकोले दैनिकी ज्यालादारी गरेर काम गर्ने घरपरिवारलाई खाद्यान्नको समस्या भएर भोकभोककाे अवस्था भएको छ।

यस्तै चितन महरा चमारको परिवारकाे अवस्था निकै कम्जोर रहेकोले सहयाेग गरिएकाे फाउन्डेसनका अध्यक्ष रामले वताए ।

कैलाली जिल्ला घर भएको हाल क्यालिफोर्निया, संयुक्त राज्य अमेरिका बस्ने सामाजिक अभियान्ता दान बिश्वाकर्माको पहल, सहकार्य र समन्वयमा पोखरा जिल्ला घर भएको हाल क्यालिफोर्निया, संयुक्त राज्य अमेरिका बस्ने अनिल सेन्चुरी र तनहुँ जिल्ला घर भएका सुनिता सदाशंकर दुबै श्रीमानश्रीमती मार्फत खाद्यान्न राहत र कपडाको लागि सत्र हजार पाँच सय आर्थिक सहयोग गरेका थिए ।

सहयाेग हस्तान्तरण कार्यक्रममा दलित सामुदायिक विकास केन्द्र, रौतहटका अध्यक्ष उदयनारायण डोम, समुदाय विकास केन्द्रका अध्यक्ष बिजय मल्लि, पिसफोर दलित फाउन्डेसन नेपालका नागरिक स्वयंसेवीकाे संयोजक संन्जोग कुमार राम लगायत स्थानिय दलित अगुवाहरुकाे सहभागिता रहेकाे थियाे ।

कार्यक्रमको सहजीकरण पिसफोर दलितस फाउन्डेसन नेपालका अध्यक्ष मनोज रामले गरेका थिए ।

बिन्दवासिनीमा ३ महिलासहित ५५ जनाद्वारा रक्तदान

0

वीरगंज । पर्साकाे बिन्दवासिनी गाउँपालिकाकाे वडा नं. २ बहुअर्वा भाठामा आइतबार रक्तदान कार्यक्रम सम्पन्न भएकाे छ ।

विन्दवासिनी गाउँपालिकाकाे आयाेजना र नेपाल हेल्थ सेवाकाे सह आयाेजनामा भएकाे कार्यक्रममा ३ महिलासहित ५५ जनाले रक्तदान गरेकाे युवा वचन पर्साका संयोजक एवम् नेपाल हेल्थ सेवाका सल्लाहकार किसन सर्राफले वताए ।

श्री राधा कृष्ण चाैरसिया मावि बहुअर्वा भाठामा भएकाे कार्यक्रममा बिन्दवासिनी गाउँपालिकाका अध्यक्ष श्रीलाल साह कानु, प्रमुख प्रशासकिय अधिकृत मुन्ना साह राैनियार, स्वास्थ्य शाखा प्रमुख नरेश प्रसाद चौहान,जसपाका युवा नेता गौरी संकर साह, शिक्षक मुकलेश गद्दी, मुकेेश कुमार साहले रक्तदान गरेका थिए ।

यस्तै, निभा क्षेत्री, सन्ध्या कुमारी, प्रिती घिसिंग, निरज कुमा पासवान, राजन कुमार पाण्डे, नकुल पटेल, राजु पटेल, उजवल रजक, हिरालाल साह, रबि कुमार, प्रशुराम प्रसाद यादव, महेश्वर कुमार साह, साेनु कुशवाहा, नरेश प्रसाद साह, जयनारायण पंडित, सुनिल प्रसाद चाैहान, अरबिन्द कुमार पंडित, भिम पटेल, बिवेक कुमार साह लगायतकाले रक्तदान गरेकाे सर्राफले जानकारी दिए ।

रक्तदान कार्यक्रम रक्त संचार केन्द्र वीरगंजकाे प्राविधिक सहयाेगमा भएकाे थियाे ।

आमिर खानले गरे डिभोर्स

0

बलिउडका मिस्टर फरफेक्शनिस्ट आमिर खान र किरण रावले १५ वर्षको सम्बन्धलाई तोडेका छन् । उनीहरु दुवैले सहमतिमा सम्बन्ध विच्छेद गरेको बताएका छन् । दुवै श्रीमान र श्रीमतीको रुपमा नरहे पनि व्यावसायिक साझेदार भने बन्न सक्ने टाइम्स अफ इन्डियाले जनाएको छ । उनीहरुले भनेका छन्, ‘हाम्रो व्यावसायिक सम्बन्ध भने कायम छ ।’

उनीहरुको एक सन्तान छन्, अजाद । उक्त बच्चाको पालनपोषण दुवैले गर्ने सहमति भएको छ ।

आमिर खानले यसअघि सन् २००२ मा रीना दत्तसँग सम्बन्ध विच्छेद गरेका थिए । आमिर र रीनातर्फ दुई छोराछोरी छन् । पछि २००५ मा किरण रावसँग आमिरको विवाह भयो । यो आमिरको दोस्रो विवाह थियो ।

आमिर र किरण रावले अलग हुनुको संयुक्त पत्र लेखेका छन् । उनीहरुले लेखेका छन्,

 ‘यी १५ सुन्दर वर्षहरुमा हामीले एकसाथ जीवनभरको अनुभव, आनन्द र खुसी साझेदार गरेका थियौं । र, हाम्रो सम्बन्धले केवल विश्वास, सम्मान र प्रेम बढायो । अब हामी आफ्नो जीवनमा एक नयाँ अध्याय सुरु गर्न चाहन्छौं । अब पति र पत्नीको रुपमा नभई सह माता पिता र परिवारको रुपमा रहनेछौं । हामीले केही समय पहिले एक प्लान्ड सेपरेशन सुरु गरेका थियौं । अब यस व्यवस्थालाई औपचारिक रुप दिनमा सहज महसुस गरेका छौं । अलग अलग रहेर पनि आफ्नो जीवनको एक विस्तारित परिवार झैं साझेदार रहनेछाैं । हामी आफ्ना छोरा आजादप्रति समर्पित आमा बुवा हौं, जसको पालनपोषण हामी दुवै मिलेर गर्नेछौं । हामी फिल्म, पानी फाउन्डेसन र अन्य परियोजनामा पनि सहयोगी काम जारी राख्नेछौं । जसको बारेमा हामी भावुक महसुस गरिरहेका छौं । हाम्रो सम्बन्धको विकासका बारेमा उनको निरन्तर समर्थन र समझदारीका लागि हाम्रा परिवार र साथीभाइलाई एकदमै धन्यवाद दिन्छौं । हामी आफ्ना शुभचिन्तकबाट शुभकामना र आशीर्वादको अपेक्षा गर्छौं । र, आशा गर्छौं कि, हामीले जस्तै यस सम्बन्ध विच्छेदलाई एक अन्त्यको रुपमा नभई, एक नयाँ यात्राको सुरुवातको रुपमा बुझ्नुहुनेछ ।  धन्यवाद र प्रेम ।

एक अन्तरवार्तामा आमिरले भनेका छन् कि उनीहरुको भेट फिल्म लगानको सेटमा भएको थियो । त्यहाँ किरण असिस्टेन डाइरेक्टर थिइन् । दुवै केही वर्ष डेट गरेपछि विवाह गरेका थिए ।

संयुक्त विद्यार्थी संगठनद्वारा वीरगंजमा मशाल जुलुश प्रदर्शन

0

वीरगंज । संयुक्त विद्यार्थी संगठनले शनिबार साँझ वीरगंजमा मशाल जुलुश प्रदर्शन गरेका छन् ।

नेवि संघ, अनेरास्ववियू (क्रान्तिकारी), अनेरास्ववियू र समाजवादी विद्यार्थी संगठनकाे आयाेजनामा प्रधानमन्त्री केपी शर्मा ओलीकाे असंवैधानिक कदम विरुद्ध मशाल जुलुश प्रदर्शन गरिएकाे अनेरास्ववियू (क्रान्तिकारी) का केन्द्रिय सदस्य एवम् प्रदेश नं. २ का सह संयाेजक प्रभाकर गुप्ताले वताए  ।

प्रधानमन्त्री ओलीद्वारा असंवैधानिक तरिकाले गरिएको संसद विघटन विरुद्ध विद्यार्थी संगठनहरुकाे केन्द्रिय आन्दाेलनकाे कार्यक्रम अन्तर्गत नै वीरगंज पनि मशाल जुलुश प्रदर्शन गरिएकाे उनले जानकारी दिए ।

बीरगन्जको घडिअर्वास्थित गीतामन्दिर रोडबाट सुरु भएको प्रदर्शन घण्टाघरमा आएर कोणसभामा परिणत भएको थियो । मशाल जुलुशकाे प्रदर्शनकाे क्रममा प्रहरीले हस्तक्षेप समेत गरेका थिए ।

नेवि संघका विकेश पटेल, समाजवादी विद्यार्थी युनियनका एजाबाबु राँकी, अनेरास्ववियु (क्रान्तिकारी) का कविराज पटेल, अनेरास्ववियुका रन्दिप श्रीवास्तवकाे नेतृत्वमा ओली सरकारको असंवैधानिक गतिविधी विरुद्ध प्रदर्शन गरिएकाे हाे ।

मशाल जुलुशमा सहभागिहरुले केपी ओली मुर्दाबाद, प्रतिगमन मुर्दाबाद, महंगी, भ्रष्टाचार र सरकारका जनविरोधी क्रियाकलाप मुर्दाबाद लगायतका चक्राे नारा  समेत लगाएका थिए ।

भोलेन्टियर समूहकाे कार्यक्रममा १०३ जनाले गरे रक्तदान

0
वीरगंज । भोलेन्टियर समुह वीरगंजकाे आयाेजनामा वीरगंज महानगरपालिकाकाे वडा नं. ३० लालपर्सामा शनिबार आकस्मिक रक्तदान कार्यक्रम सम्पन्न भएकाे छ । 
 
लालपर्सा स्वास्थ्य चौकीमा भएकाे कार्यक्रममा ६ महिलासहित १०३ जनाले रक्तदान गरेकाे भोलेन्टियर समूहका संयोजक राजन श्रीवास्तवले वताए । 
 
कार्यक्रममा बिरेन्द्र राज कंडेल, संजय परियार, निसा कुमारी शाह, रेखा कुमारी गुप्ता, कुन्ती देबि कुश्वाहा, सिमा श्रेष्ठ, रिन्की कुमारी, रोजिना पराजुलि, मन्जुर आलम, बिजय कुश्वाहा, गुडु कुमार गुप्ता, रोशन गुप्ता, दिनेश प्रसाद कुश्वाहा, हिरालाल कुश्वाहा, सोनालाल कुश्वाहा, रामानन्द महतो कोइरी लगायतले रक्तदान गरेकाे उनले  जानकारी दिए ।
 
कोरोना महमारिका साथै हालै भइरहेका अविरल बर्षाका कारणले रक्तदान कार्यक्रममा कमि देखिएकोले नेपाल रेडक्रस रक्त सञ्चार केन्द्रको समन्वयमा आकस्मिक रक्तदान कार्यक्रमको आयोजना गरिएको संयाेजक श्रीवास्तवले वताए ।
 
भोलेन्टियर समुहका सदस्य एवं रक्तदान कार्यक्रमका संयोजक राधेश्याम गुप्ताको सभापतित्व र नेपाल रेडक्रस साेसाइटी पर्साका सभापति बिरेन्द्र राव कंडेलकाे  प्रमुख अतिथ्यतामा भएकाे कार्यक्रममा वडाध्यक्ष अमानत अन्सारि, भोलेन्टियर टिमका महासचिव श्याम सरार्फ, कोषाध्यक्ष कमलेस कुश्वाहा, ब्लड डोनर्स एसोसिएसन नेपाल पर्साका सचिव अरबिन्द सिंह, डाक्टर लक्ष्मी थापा, मानवसेवाका देवेस गुप्ता, किसन सरार्फ, उजवल सरार्फ, बिक्की सरार्फ, दिनेस मिश्र, राहुल शर्मा, राजेन्द्र भट्टराई, बिक्की कुश्वाहा लगायतकाे उपस्थिति रहेकाे थियाे ।
 
रक्त सञ्चार केन्द्रकाे प्राविधिक सहयाेगमा भएकाे रक्तदान कार्यक्रममा केन्द्रका प्राबिधिक धिरेन्द्र झा नेतृत्वकाे टाेलीले प्राबिधिक सहयोग गरेको थियाे । कार्यक्रममा रक्तदान गर्ने रक्तदाताहरुलाई प्रमाण पत्र र भाेलेन्टियर लेखिएकाे टिसर्ट समेत वितरण गरिएकाे थियाे ।
 
वीरगंजमा मात्र विभिन्न कार्यक्रमकाे आयाेजना गर्दै आएकाे भाेलेन्टियर समूहले अब ग्रामीण क्षेत्रमा समेत रक्तदान कार्यक्रम गरी जनचेतना फैलाउन थालेकाे छ ।

प्रतिगमन विरुद्ध एकताबद्ध हुन पर्साका पाँच दलद्वारा संयुक्त आहवान

0

वीरगंज । प्रतिगमन विरुद्ध एक जुट हुन पर्साका पाँच राजनितीक दलले संयुक्त आहवान गरेका छन् ।

नेपाली काँग्रेस, नेकपा (माओवदी केन्द्र), नेकपा एमाले माधव नेपाल समूह, जनता समाजवादी पार्टी उपेन्द्र यादव समूह र राष्ट्रिय जनमोर्चा पर्साले संयुक्त रुपमा विज्ञप्ती जारी गर्दै यस्ताे आहवान गरेका हुन् ।

झण्डै ७ दशकको निरन्तरको जनसंघर्ष पछि स्थापित संघीय लोकतान्त्रिक गणतन्त्रात्मक शासन व्यवस्था, संविधान सभाबाट निर्मित संविधान, विधिको शासन प्रणली र समाजवाद उन्मुख समृद्धिको मार्ग चित्रलाई विलुप्त गरी पुनः कालोदिनका लागी अध्याँरो सुरुङ्गभित्र देशलाई धकेल्ने वर्तमान संघीय सरकार र शितल निवासको भूमिका विरुद्ध ५ राजनैतिक दलहरु मोर्चावद्ध भई सबैलाई एकजुट हुन आहवान गरेका छन् ।

नेपाली काँग्रेस पर्साका उपसभापति प्रकाश कुमार उपध्याय, नेकपा माओवदी केन्द्रका प्रदेश समिती सदस्य छोटेलाल यादव, नेकपा एमाले माधव नेपाल पक्षका पर्सा अध्यक्ष बालगोपाल थापा, जनता समाजवादी पार्टी पर्साका अध्यक्ष रामनरेश यादव र राष्ट्रिय जनमोर्चा पर्साका अध्यक्ष अक्षेलाल साहले संयुक्त रुपमा विज्ञप्ती जारी गर्दै पर्सामा समेत पाँच राजनितीक दलहरुले एकजुट भई अघि बढ्ने जानकारी दिएका छन् ।

जिल्ला भित्रका स्थानिय तहका पार्टी अगुवाहरुलाई पनि यसै बमोजिम एक जुटभएर अगाडि बढन विज्ञप्ती मार्फत अहवान गरेका हुन् ।  

जारी विज्ञप्तीमा विगतका विभिन्न आन्दोलनहरु (संयुक्त जनआन्दोलन, सशस्त्र विद्रोह, मधेश आन्दोलन, आदिबासी जनआन्दोलन आदि) बाट प्राप्त उपलब्धीहरु आज पुनः खोसिने र निरंकुशताको इतिहास दोहो¥याउने षडयन्त्र सहित निर्वाचित प्रतिनिधि सभा पटक–पटक विघटन गरिदैछ ।

यसले संविधानको हुर्मत लिने काम भएको छ भने कानुनी राज्यको खिल्ली उडाईएको छ । सुशासन दिन नसक्ने व्यक्तिको हातमा राज्यसत्ताको नेतृत्वको परिणाम आजको स्थिति हाे । यसबाट मुलुक गम्भिर संकटमा परेको छ र यसबाट राष्ट्रियता, सार्वभौमसत्ता, भौगोलिक अखण्डता अदि सबै खतरामा परेको हाम्रो ठहर छ ।

यसर्थ, संविधानको रक्षार्थ र संघिय लोकतान्त्रिक गणतन्त्रको संस्थागत विकासका लागि प्रतिगमन विरुद्ध उभिनु कत्र्तव्य ठानेका छौं र एकजुट भएका हौं उल्लेख गरीएको छ ।

जारी विज्ञप्ती मार्फत नै ५ दलले विश्वव्यापी माहामरीको रुपमा फैलिएको कोरोना भाईरस (कोभिड –१९) ले शुक्रबार सम्म ९ हजार १ सय ८९ जना नेपालीको नेपालमा र नेपाल बाहिर ५ सयभन्दा बढीको ज्यान लिईसकेको जनाउँदै मृतक सबै प्रति श्रद्धान्जली अर्पण समेत गरेका छन् ।

काेराेना महामारीले विश्वकै अर्थतन्त्रलाई संकटमा पु¥याएको छ । हामि नेपाली र नेपाल कति पिडामा छौं, सबैले बुझेका छौं । यसप्रति राज्य जति गम्भिर हनुपर्ने, पुर्व तयारी गनेु पर्ने, रोकथाम तथा उपचारका उपायहरु गर्नुपर्ने जति अबलम्बन गरेको देखिएन । झन राहतका नाममा भ्रष्टाचार आदि देख्दा घृणा जागेर आउँछ जारी विज्ञप्तीमा उल्लेख छ ।

यी सबैका विरुद्ध हावाज उठाउन, कोभिड–१९ विरुद्ध एकजुट भई अगाडि बढन र स्वास्थ्य मापदण्ड पालना गरी कोरोनाबाट बच्न पनि पांच दलले आग्रह गरेका छन् । साथै सम्पुर्ण लक्षित नेपाली जनतालाई यथासिघ्र खोप उपलब्ध गराउन पनि नेपाल सरकारसंग जोडदार माँग गरेका छन् ।

महामारीजन्य राेग राेकथामको लागि पूर्व तयारी जरुरी : सराेकारवालाहरु

0

वीरगंज । स्वास्थ्य कार्यालय पर्साकाे आयाेजनामा आज महामारीजन्य राेगहरुकाे राेकथाम तथा निगरानीकाे लागि सराेकारवालासंग अन्तरक्रिया कार्यक्रम सम्पन्न भएकाे छ ।

नारायणी अस्पतालमा भएकाे अन्तरक्रिया कार्यक्रममा वाेल्दै सराेकरवालाहरुले महामारीजन्य राेग राेकथाम तथा निगरानीकाे लागि पूर्व तयारी र नारायणी अस्पतालकाे स्तर उन्नति गर्न जरुरी रहेकाे वताएका छन् ।

नारायणी अस्पतालका निमित मेडिकल सुपरिटेन्डेन्ट डा. अतुलेश कुमार चाैरसियाले महामारी राेकथामकाे लागि नारायणी अस्पतालकाे स्तर उन्नती गर्न जरुरी रहेकाे वताउनु भयाे । उहाँले २० बर्ष पहिला जुन अवस्थामा नारायणी अस्पताल थियाे अहिले पनि त्यहीं अवस्थामा रहेकाेले स्तर उन्नती गर्न जरुरी रहेकाे धारणा राख्नु भयाे ।

नारायणी अस्पताल कै डा. उदय नारायण सिंहले महामारी राेकथामकाे लागि पूर्व तयारी जरुरी रहेकाे वताउनु भयाे । उहाँले महामारी आउन सक्ने सम्भावनालाई ख्याल गरेर पूर्व तयारी गर्न जरुरी रहेकाे वताउनु भयाे । 

नारायणी अस्पतालका आकस्मिक कक्षका प्रमुख समेत रहेका डा. सिंहले भने “गाउँमा कुनै व्यक्तिलाई सर्प डाेसेकाे छ भने अस्पताल ल्याउन लग्दा आफुलाई खबर गर्नुस्, खबर गरेकाे खण्डमा बिरामी अस्पताल पुगेकाे समयमा यहाँ चिकित्सकाे टाेली तयारी गरेर राख्न सकिन्छ ।” 

त्यसाे गरिएकाे खण्डमा शर्प डाेसेकाे १०० प्रतिशत बिरामीलाई बचाउन सकिने उहाँले दाबी गर्नु भयाे ।

अन्तरक्रियामा सहभागि पालिकाका स्वास्थ्य संयाेजकहरु पहिलाे चरणकाे काेराेना महामारीकाे समयमा जिल्ला स्तरबाट समन्वय सहयाेग भए पनि दाेस्राे चरणकाे काेराेना महामारीकाे समयमा त्यसकाे तुल्ना कम भएकाे वताए ।

सखुवा प्रसाैनी गाउँपालिकाका स्वास्थ्य संयाेजक राजेश राैनियारले दाेस्राे चरणकाे काेराेना महामारीकाे समयमा नारायणी अस्पतालबाट भिटिएम किट माग्दा पनि उपलब्ध नभएकाे र पालिकाले आफै खरिद गर्न चाहदा पनि बजारमा नपाएका कारण समस्या भएकाे वताए ।

त्यसैले महामारीजन्य राेग राेकथामकाे लागि जिल्ला स्तरबाट समन्वय सहयाेग र पूर्व तयारी जरुरी रहेकाे वताए ।

स्वास्थ्य कार्यालय पर्साका निमित प्रमुख नवलकिशाेर साहकाे अध्यक्षता र पर्साका सहायक प्रमुख जिल्ला अधिकारी भिमकान्त पाैडेलकाे प्रमुख आतिथ्यतामा भएकाे कार्यक्रमको सहजिकरण स्वास्थ्य कार्यालयका स्वास्थ्य निरिक्षक जयमाेद ठाकुरले गरेका थिए ।  

पार्टीले साहसी तथा होनाहार व्यक्तित्वलाई गुमायाे : नेपाली कांग्रेस पर्सा

0
वीरगंज । नेपाली कांग्रेस पर्साले कालिकामाई गाउँपालिका वडा नं. १ मुडली निवासी नेता राजेन्द्र कुमार कुर्मीकाे निधन प्रति शोक व्यक्त गरेकाे छ ।
 
नेपाली कांग्रेस पर्साका सभापति अजय द्विवेदीले शुक्रबार शाेक वक्तव्य जारी गर्दै नेपाली कांग्रेस, पर्सा संसदिय निर्वाचन क्षेत्र नं.३ को पूर्व महासमिति सदस्य, मुडली गाविसको पूर्व अध्यक्ष एवं कालिकामाई गाँउपालिकाकाे अध्यक्षका प्रत्याशी नेता कुर्मीको निधन प्रति शाेक व्यक्त गरेका हुन् ।
 
जारी शाेक वक्तव्यमा नेपालको लोकतान्त्रिक आन्दोलनहरुमा तथा संगठन निर्माणमा कुर्मीले सक्रिय भूमिका निर्वाह गर्नु भएको थियो । वहाँको निधनले नेपाली कांग्रेस,पर्साले एक कुशल, लोकप्रिय, साहसी तथा होनाहार व्यक्तित्वलाई गुमाएको उल्लेख गरिएकाे छ ।
 
यसका साथै नेपाली कांग्रेस, पर्सा वहाँको निधन प्रति गहिरो दुःख व्यक्त गर्दै भावपूर्ण श्रद्धान्जली अर्पण गरेकाे छ । साथै वहाँको आत्माको चिर शान्तिको कामना गर्दै शोक सन्तप्त परिवारजनमा नेपाली कांग्रेस, पर्सा हार्दिक समवेदना पनि प्रकट गरेकाे छ । 
 
नेता कुर्मीकाे ६८ वर्षको उमेरमा २०७८ असार १४ गते सोमवारका दिन असामयिक तथा अकल्पनिय निधन भएकाे थियाे ।