Date
बिहि, मंसिर ३, २०८३
Thu, November 19, 2026
Home Blog Page 800

नारायणी अस्पतालकाे फोहोर व्यवस्थापनका लागि परियाेजना संचालन

0

वीरगंज । नारायणी अस्पतालको स्वास्थ्यजन्य फोहोर व्यवस्थापनका लागि हरित पुर्नस्थापना प्रवर्धन परियोजना (पि.जी.आर.पी) संचालनमा आएकाे छ ।

स्वास्थ्य तथा जनसंख्या मन्त्रालय, स्वास्थ्य सेवा विभागको अगुवाइमा, चाइना एडको आर्थिक तथा युएन.डि.पी.को प्राविधिक सहयोगमा परियाेजना संचालनमा आएकाे परियाेजनाकाे फिल्ड स्पाेट एशाेसियट संदिप श्रीवास्तवले वताए । 

नारायणी अस्पतालबाट निस्कने जोखिमयुक्त फोहोर र अन्य सबै किसिमका फोहोरहरुलाई व्यवस्थित तरिकाले वर्गिकरण, संकलन, प्रशोधन/निर्मलीकरण तथा विसर्जन गर्न आवश्यक प्राविधिक तथा सामग्री सहयोग गर्न शुक्रबार परियोजना संचालन गर्न समन्वयात्मक गोष्ठी समेत संचालन गरिएकाे उनले जानकारी दिए ।

सो गोष्ठीमा अस्पतालका मे.सु, विभिन्न बहिरङ्ग विभागका डाक्टरहरु, नर्सीङ्ग अधीकृत, सरसफाइ कर्मचारीहरुको उपस्थिती रहेको थियो ।

गोष्ठीमा पि.जी.आर.पी/यु.एन.डि.पी.का तर्फबाट निमेश ढकाल तथा मनोज प्रसाद ओझाले फोहोर व्यवस्थापन तथा त्यसका लागि संस्थाले गर्ने कृयाकलाप तथा सहयेगका बारेमा पकाश पारेका थिए ।

त्यस्तै, गोष्ठीमा मे.सु.डा. विरेन्द्र प्रधानले यो कार्यक्रम सफलतापुर्वक संचालन गर्न आवश्यक सहयोग गर्न सम्बन्धित सबैले इमानदारीपूर्वक काम गर्नुपर्ने भन्दै आगामी दिनमा यस अस्पताललाइ स्वास्थयजन्य फोहोर व्यवस्थापनमा नमुना अस्पताल बनाउन लागि पर्ने प्रतिबद्धता जनाएका थिए ।

त्यस्तै, कार्यक्रम सफलतापूर्वक संचालन गर्न आगामी दिनमा समन्वयात्मक भूमिकाका लागि नर्सिङ्ग विभाग अन्तर्गतको कर्मचारी अन्जना श्रेष्ठलाई सम्पर्क व्यक्ति तोकि फोहोर व्यवस्थापन समिति गठन गरिएकाे फिल्ड स्पाेट एशाेसियट श्रीवास्तवले वताए । 

छिपहरमाई गाउँपालिका पूर्ण खाेप घाेषणा

0

छिपहरमाई । पर्साकाे छिपहमाई गाउँपालिकालाई शनिबार एक समाराेहकाे बिच पूर्ण खोप घोषणा गरिएकाे छ ।   

वडा नं. ३ का वडाध्यक्ष अध्यक्ष बिनोद साहको अध्यक्षतामा भएकाे समाराेहका प्रमुख अतिथि गाउँपालिका अध्यक्ष मनोज कुमार गुप्ताले गाउँपालिकालाई पूर्ण खाेप घाेषणा गरेका थिए ।

पूर्ण खाेप घाेषणा समाराेहलाई सम्बाेधन गर्दै गाउँपालिका अध्यक्ष गुप्ताले गाउँपालिका अन्तर्गतका जन्मेदेखी २३ महिना सम्मका सम्पूर्ण बालबालिकाहरु पूण खोप लगाइसकेकाेले पुर्ण खोप घोषणा गरिएको वताए ।  

उनले गाउँपालिकालाई पूर्ण खाेप घाेषणामा सहयाेग गर्ने स्वास्थ्यकर्मीहरुलाई धन्यावाद समेत व्यक्त गरे ।

गाउँपालिकाले स्वास्थ्य, शिक्षा र कृषिलाई प्राथमिकतामा राखेर काम गरिरहेकाे अध्यक्षत गुप्ताले वताए । गाउँपालिकाकाे प्रत्येक वडाहरुमा बर्थिंग सेन्टर स्थापना गर्ने याेजना अनुसार आगाडी बढिएकाे वताउँदै उनले बाकी रहेकाे दुईटा वाडमा चाँडै नै बर्थिंग सेन्टर स्थापना गरिने वताए ।

वडा नं.  ३ काे जयमंगलापुरमा भएकाे पूर्ण घाेषणा समाराेहमा प्रमुख प्रशासकिय अधिकृत देवनाथ साह, वडाध्यक्ष राजबलि राउत अहिर, बालक राउत गदी, महिन्द्र साह कलवार, मौजिलाल साह, कार्यकर्ता अगुवा सुवाह साह, ज्ञानबहादुर साह, गाउँपालिका स्वास्थ्य संयोजक शम्भु साह, जिल्ला समन्वय समिति पर्साका सदस्य सुभाष गुप्ता, मनाेज पटेल लगायतकाे उपस्थिती रहेकाे थियाे ।

दिव्य युवा क्लबले बाँड्याे कालिकामाई ५ का ६२ परिवारलाई खाद्यान्न

0

वीरगंज । दिव्य युवा क्लब बिरन्चीबर्वाले पर्साकाे कालिकामाई गाउँपालिका वडा नं. ५ बलुवाका दलित तथा विपन्न परिवारलाई खाद्यान्न सामग्री वितरण गरेकाे छ ।

आवर संसारकाे सहयाेगमा बलुवाका दलित तथा विपन्न ६२ घरधुरीहरूलाई खाद्यान्न वितरण गरिएकाे दिब्य युवा क्लबका कार्यकारी निर्देशक रामाकान्त पटेलले वताए ।

प्रत्येक घरदुरीलाई साेना मंसुरी चामल १ बाेरा, मसुराे दाल ३ किलाे, खाने तेल १ लिटर, स्वाबीन १ किलाे, चाना १ किलाे, नुन १ किलाे, पिठाे ५ किलाे, नुहाउने साबुन ३ पिस तथा कपडा धुने साबुन ३ पिस वितरण गरिएकाे उनले जानकारी दिए ।

दिब्य युवा क्लब, पर्साका अध्यक्ष देवनाथ ठाकुरकाे अध्यक्षतामा भएकाे राहत वितरण कार्यक्रममा दिब्य युवा क्लब पर्साका सचिव जयनारनयण प्रसाद कुर्मी, कार्यसमिति सदस्य साेनालाल राउत कुर्मी, कार्यकारी निर्देशक रामाकान्त प्रसाद कुर्मी, आवर संसारका सुगम दहाल, स्थानिय अगुवा रामायण मुखिया बीन, राजदेव गिरी, नगिना पसवान, सदिक मियाँ, हदिस मियाँ, महन्त गिरी लगायतकाे उपस्थिती रहेकाे थियाे ।

क्लबले वितरण गरेकाे खाद्यान्नले बलुवाका ६२ गरिब घरपरिवारलाई करिब १ महिना सम्म दैनिक जिवनयापन गर्न सहज हुने छ ।

डेसिमल कलेजमा “समुदायमा सरकारी वकिल” सम्बाद कार्यक्रम सम्पन्न

0

वीरगंज ।

सरकारी वकिल कार्यालय पर्साको आयोजनामा “समुदायमा सरकारी वकिल” सम्बाद कार्यक्रम आज वीरगंजमा सम्पन्न भएको छ।

वीरगंज पानीटंकी स्थित डेसिमल कलेजमा भएको कार्यक्रममा डेसिमल कलेजको कानुन संकायमा अध्यनरत २५ जना बिधार्थीहरु र सरकारी वकिल कार्यालय पर्साका वकिल एव अन्य पदाधिकारीहरु बीच कानुन संग सम्बन्धित बिभिन्न बिषयमा सम्बाद भएको थियो ।

कार्यक्रम मा फौजदारी मुद्दाको अनुसन्धान अभियोजन र न्याय सम्पादन सम्बन्धि  बिद्यार्थीहरुको जिज्ञासा एव प्रशनहरुलाई जिल्ला सरकारी वकिल कार्यालय पर्साका कार्यालय प्रमुख जिल्ला न्यायाधिवकता श्री पदमबहादुर कार्की लगायत उपस्थित सरकारी वकिल कार्यालयका कर्मचारीहरुले सम्बोधन गरेका थिए।

सम्बाद कार्यक्रमको सहजीकरण जिल्ला सरकारी वकिल कार्यालय पर्साका सहायक न्यायाधिवकता दिपेश साहले गर्नु भएको थियो भने कार्यक्रममा डेसिमल कलेजका अध्यक्ष सन्नी कुमार दुबे र कलेजका निर्देशक रंजित पण्डित लगायतको उपस्थिति रहेको थियो। 

वीरगंजमा ३ दिने दक्षता बर्ग सुरु

0

वीरगंज । हिन्दू स्वयंसेवक संघ नेपाल, वीरगंजकाे आयाेजनामा शुक्रबारदेखी वीरगंजमा तीन दिवषिय दक्षता बर्ग सुरु भएकाे छ ।

वीरगंजस्थित हिन्दु स्वयंसेवक संघकाे कार्यालयमा सुरु भएकाे दक्षता बर्गकाे उद्घाटन जिल्ला संघचालक ललन द्विवेदी र जिल्ला कार्यवाहक कृष्ण चाैरसियाले गरेका थिए ।

दक्षता बर्गकाे उद्घाटन गर्दै जिल्ला संघचालक द्विवेदीले हिन्दुत्वकाे रक्षा नै राष्ट्रियता भएकाे वताए । उनले स्वयंसेवकहरुलाई हिन्दुत्व नै राष्ट्रीयता भएकाे वताउँदै धर्म संरक्षण र राष्ट्रियता जाेगाउन तर्फ लाग्नु पर्ने धारणा राखे ।

उनले भने “हामीले धर्मकाे रक्षा गर्दै जनता सेवा समेत गर्नु पर्छ । समस्यामा परेका सबैलाई सहयाेग गर्नु नै हाम्राे धर्म हाे । स्वयंसेवक जहिले पनि अनुशासित हुनु पर्ने पनि उनकाे सुझाव थियाे । 

३ दिन सम्म चल्ने दक्षता बर्गमा पर्सा जिल्लाकाे विभिन्न स्थानका २५ जनाकाे सहभागिता रहेकाे छ ।

भारतको पहिलो एरियल फिल्म ‘फाइटर’मा ऋतिक र दीपिका

0

सिद्धार्थ आनन्दको निर्देशनमा बन्न लागेको चलचित्र ‘फाइटर’को घोषणा गरिएको छ ।
यो चलचित्रमा नायक ऋतिक रोशन र नायिका दीपिका पादुकोणको मुख्य भूमिका रहनेछ । यो चलचित्रलाई सन् २०२२ को सेप्टेम्बर ३० तारिखमा रिलिज गर्ने तयारी निर्माणपक्षले गरेको छ ।

सिद्धार्थ र ऋतिकले यसअघि चलचित्र ‘ब्याङ ब्याङ’मा काम गरेका थिए । यो चलचित्रलाई भारतको पहिलो एरियल एकसन चलचित्र भनिएको छ । यो चलचित्रलाई वायकम १८ स्टूडियो, ममता आनन्द, रमोना छिब र अंकु पाण्डेले निर्माण गर्दैछन् । यो चलचित्रको छायांकन विश्वका विभिन्न लोकेशनमा गरिनेछ ।

यो चलचित्रको कथा सशस्त्र सेना, देशप्रेम र विरताको हुने भारतीय मिडियाले उल्लेख गरेका छन् । नायिका पादुकोण र नायक रोशनले पहिलो पटक एकसाथ काम गर्न लागेका हुन् ।

भवानीपुरमा छात्राहरुलाई साईकल वितरण

0

वीरगन्ज । वीरगन्ज महानगरपालिकाका नगर प्रमुख विजय कुमार सरावगीले शुक्रबार छात्राहरुलाई साईकल वितरण गरेका छन् ।

नगर प्रमुख सरावगीले महानगरपालिकाको अनुदान सहयोगमा वडा नम्बर १८ मा रहेकाे नेरा मावि भवानीपुरका गरिब, जेहेन्दार, दलित ३५ जना छात्राहरुलाई साइकल वितरण गरेका हुन् । 

साईकल वितरण गर्दै नगर प्रमुख सरावगीले बालिका शिक्षामा मधेस कमजोर रहेकोले पछिल्लो समयमा बालिकाहरुलाई विद्यालयमा पहुँच सहज बनाउन महानगरपालिकाले साईकल वितरण गरेको वताए ।

विद्यालयका प्रधानाध्यापक हरिमाधव यादवको अध्यक्षतामा भएको साइकल वितरण कार्यक्रममा ब्रहमदेव कुर्मी लगायतको उपस्थिति रहेको थियो ।

जिराभवानी गाउँपालिकाकाे ८ औं गाउँ सभा सम्पन्न

0

वीरगंज । पर्साकाे जिराभवानी गाउँपालिकाकाे आठौ गाउँ सभा शुक्रबार सम्पन्न भएकाे छ । वडा नं ३ स्थित बितो महतो जनता माबि जितपुर नौकाटोलाको भवनमा भएको सभा आर्थिक बर्ष २०७८/०७९ को निति, कार्यक्रम तथा बजेट पारित गरि सम्पन्न भएकाे हाे ।

गाउँपालिका अध्यक्ष रामपृत महताेकाे अध्यक्षतामा भएकाे गाउँ सभामा गाउँपालिकाकी उपाध्यक्ष उषा देबी थरुइनीले  पालिकाकाे कुल बजेट ३४ कराेड ७१ लाख बराबरकाे निति, कार्यक्रम तथा बजेट प्रस्तुत गरेकी थिइन ।

जसमा आय तर्फ संघ सरकारकाे समानिकरण अनुदान ९ कराेड ८८ लाख, राजश्व बाँडफाड ६ कराेड ३६ लाख, सर्शत अनुदान ११ कराेड ९३ लाख, बिशेष अनुदान एक कराेड २५ लाख, सम्पुरक अनुदान ८३ लाख लगायत प्रदेश सरकारकाे विभिन्न अनुदान एक कराेड ३६ लाख रहेकाे छ ।

उपाध्यक्ष थरुइनीले पंजुगत खर्च अनुमानित ८ कराेड, चालु खर्च तर्फ साढे ५ कराेड, शिक्षा तर्फ डेढ कराेड, कृषी तर्फ ५० लाख, स्वास्थ्य तर्फ ५० लाख लगायतकाे अन्य शिर्षकमा विनियाेजित बजेट समेत प्रस्तुत गरेकी थिइन ।

गाउँपालिकाले शिक्षा, स्वास्थ्य तथा कृषिलाई प्राथमिकता दिएर बजेट तयार गरेकाे जनाएकाे छ। गाउँपालिका परम्परागत खेतीलाई बिस्थापित गरी कृषिमा आधुनिकिकरण गरी कृषि उत्पादन बढाउने लक्ष्य लिएकाे प्रमुख प्रशासकिय अधिकृत प्राण मेहताले वताए ।

यसका साथै उनन्त जातका बिऊ बिजन उत्पादन तथा कोल्ड स्टोरको ब्यवस्थापनमा पालिकाले जोड दिने योजना बनाएकाे उनले वताए । भूमिगत सिचाई भन्दा बिनास हुँदै गएका सिचाईका मुहानको संरक्षण गरी प्रयोगमा ल्याइने गाउँपालिकाले जनाएकाे छ ।  

कुलत तथा बिकृतिमा लागेका यूवा शक्तिलाई पेशागत तालिम प्रदान गरी सामाजिक बिकासमा ल्याउने कार्यक्रममा पनि जोड दिएकाे छ । पालिका क्षेत्रमा रहेका खोलाबाट बैज्ञानिक मापदण्ड अपनाउदै नदिजन्य पदार्थ उत्खनन गरिने जनाईएकाे छ।

गाउँ सभामा वडाध्यक्ष शेख नुमान आजम, महादेव महताे थारु, उमेश सिंह, सुबाष राउत थारु, दारा सिंह, गाउँ कार्यपालिका सदस्य, गाउँ सभा सदस्य लगायत गाउँपालिकाका कर्मचारीहरुकाे उपस्थिती रहेकाे थियाे ।