Date
बिहि, मंसिर ३, २०८३
Thu, November 19, 2026
Home Blog Page 799

सिर्सिया नदीको दिशा परिवर्तन हुँदा क्यौं विगहा जमिन भारततर्फ जादै : अध्यक्ष अंसारी

0

वीरगंज । वीरगंजस्थित सिरिसिया खोलाको वाहाबले दिशा परिवर्तन गर्दा प्रत्येक वर्ष कयौं बिघा नेपाली भू–भाग भारततिर पर्ने क्रम जारी रहेको नेकपा (माओवादी केन्द्र) वीरगंज महानगरका अध्यक्ष रहबर अंसारीले बताएका छन् ।

सिर्सिया नदीको अवलोकन तथा निरीक्षण गर्ने क्रममा अध्यक्ष अंसारीले विगत वर्षझै यस वर्ष पनि वीरगंज, १ छप्कैयासंग जोडिएको सिमा क्षेत्रमा पिलर न. ३९१ र ३९२ को बीचमा पर्ने लगभग १०० बिघा नेपाली भूभाग भारततर्फ जाने जोखिम बढ्दै गएको अवस्थामा स्थानीय सरकार र स्थानीय जनप्रतिनिधिले यस गम्भीर विषयमा कुनै चासो नदेखाउनु अफैमा एक विडम्बना भएको बताए ।

सिर्सिया नदी अवलोकन गर्नेमा अध्यक्ष अंसारीसंगै पर्साका प्रहरी उपरीक्षक श्री बेल बहादुर पण्डे, सशस्त्र प्रहरी उपरीक्षक राजेन्द्र खड्का लगायत स्थानीय नेताहरुको समेत उपस्थिति रहेको थियो ।

अवलोकनको क्रममा अध्यक्ष अंसारीले जोखिममा रहेका जग्गाहरुको अवलोकन गरि यसमा तत्काल अपनाउन सकिने समाधानका उपायहरु र दिर्घकालिन रूपमा समस्या निराकरण गर्ने उपायहरुको बारेमा छलफल समेत गरेका थिए ।

उनले सम्पूर्ण सरोकारवालाको गम्भीर ध्यानाकर्षण गराउदै जोखिममा रहेका भूभागहरुलाइ बचाउन आ–आफ्नो स्तरबाट सक्दो प्रयास गर्न आग्रह गरे ।

बाल क्लबका सदस्यहरुलाई बाल अधिकार बारे ३ दिने तालिम

0

वीरगंज । पर्साकाे पटेर्वा सुगौली गाउँपालिकामा बाल अधिकार सम्बन्धि ३ दिने तालिम सम्पन्न भएको छ । 

दिब्य युवा क्लब पर्सा र एक्सनएड नेपालको सयुक्त साझेदारीमा सञ्चालित स्थानिय अधिकार कार्यक्रम अन्तर्गत पटेर्वा सुगाैलीमा गठित बाल क्लबका सदस्यहरुकाे लागि भएकाे तालिम सम्पन्न भएकाे हाे ।

बालबालिकाहरुको स्वास्थ्यलाई मध्यनजर गर्दै भौतिक दुरी कायम गरेर तालिम संचालन गरिएको थियो । सो तालिममा ४० जना बालबालिकाहरुको सहभागिता रहेको थियो ।

तालिमको सामापन्न गर्दै दिब्य युवा क्लब पर्साका कार्यकारी निर्देशक रामाकान्त प्रसाद कुर्मीले अहिलेका बिषम परस्थितिमा बालबालिकाहरुको बिधालय बन्द हुँदा उनीहरुमाथि बिभिन्न नकारात्मक असरहरु देखिन थालेको वताए ।

उनले भने “बिद्यालय बन्द हुँदा पढाईलाई बिर्सदै जाने, पढ्नबाट डराउने, पढ्ने साहस छोडेर ज्याला मजदुरी गर्ने, घर चलाउन तर्फ उन्मुख हुने, ज्यालादारीमा काम गर्ने, कुलतमा फस्न थालेका छन् । यस्ता असरहरुले गर्दा बालबालिकाहरु शिक्षाबाट बञ्चित हुने संकेत देखिन्छ ।” 

यी सबै कुराहरुलाई ध्यानमा राखी बालबालिकाहरुलाई यस बिषम परस्थितिमा जागरुक बनाउन, प्रेरित गर्न तथा शिक्षालाई दैनिकीसंग जोड्न तालिम आयाेजना गरिएकाे उनले वताए ।

तालिममा बालअधिकार कर्मी जया साह तथा सुनिल कुमार भारतीले प्रशिक्षण दिएका थिए ।

तालिममा बालबालिकाहरुको अधिकारका बारेमा चौतर्फी रुपले छलफल गरिएको थियो भने समाजमा बालबालिकाहरुको दायित्व, सहभागिता, संरक्षण, शिक्षा, पोषणको बारेमा छलफल गरिएको थियो । साथै बालक्लब, बालअधिकारको उत्पति, प्रचलित ऐन कानुनको बारेमा पनि छलफल गरिएको थियो ।

प्रेस युनियन पर्साका अध्यक्ष कुर्मीलाई मातृ शाेक

0

वीरगंज । प्रेस युनियन पर्साका अध्यक्ष रामनारायण कुर्मी र नेपाल ट्रेड युनियन कांग्रेस प्रेदेश २ का अध्यक्ष लक्ष्मण प्रसाद कुर्मीलाई मातृ शाेक परेकाे छ ।

पर्साकाे पकहा मैनपुर गाउँपालिका वडा नं. ३ मैनपुर स्थायी घर भएका दुबै दाजुभाईका १०० बर्षिय आमा धुपिया देबीकाे मंगलबार अपरान्ह ४ बजे निधन भएकाे हाे ।

वीरगंज १४ स्थित आफ्नै घरमा निधन भएकाे आमाकाे बुधबार विहान स्थायी घर मैनपुरमा अन्त्येष्टि गरिने अध्यक्ष कुर्मीले वताए ।

सर्वाेच्चकाे परमादेशले ठूलाे दुर्घटनाबाट जाेगायाे : रहबर अन्सारी

0

वीरगंज । नेकपा (माओबादी केन्द्र) का वीरगंज महानगर अध्यक्ष रहबर अन्सारीले सर्वाेच्चकाे आदेशले देशलाई ठूलाे दुर्घटनाबाट जाेगाएकाे वताएका छन् ।

उनले सर्वाेच्च आदालतले संसद पुर्नस्थापना र शेरबहादुर देउवालाई प्रधानमन्त्री बनाउ जारी गरेकाे परामादेशले अहिलेकाे अवस्थामा र अगामी दिनकाे लागि दुर्गामी रुपमै देशलाई ठूलाे दुर्घटना हुनबाट बचाएकाे वताएका हुन् ।

वीरगंज ११ श्रीपुरस्थित संचालनमा आएकाे समीर मिट मार्टकाे उद्घाटन गर्दै अध्यक्ष अन्सारीले त्यसकाे लागि सर्वाेच्चलाई अदालतलाई धन्यावाद दिदै सबैले सर्वाेच्चकाे निर्णलाई स्वागत गर्नु पर्ने वताए ।

उनले भने “सर्वाेच्चकाे निर्णय नेपाली जनता, नेपाली समाजकाे चाहना बमाेजिम छ, याे कुनै एक व्यक्तिकाे तनाशाह बन्ने सपनाकाे परास्त र नेपाली जनताकाे जित हाे ।”

प्रदेश नं. २ मै पहलाे मिट मार्ट संचालनमा आएकाे संचालक फिराेज देवानले दाबी गरे । आधुनिक किसिम र व्यवस्थित तरिकाले संचालनमा आएकाे मिट मार्टमा खसी, कुखुरा, माछाकाे मासु उपलब्ध हुने छ ।

लागु औषध गाँजासहित मालबाहक ट्रक पक्राउ

0

वीरगंज । ठूलो परिमाणमा लागुऔषध गाँजासहित मालबाहक ट्रक प्रहरीले पक्राउ गरेकाे छ ।

ट्रककाे कन्टेनरमा लोड गरी हेटौँडाबाट पर्सा हुँदै भारततर्फ लैजाने क्रममा एचआर ५५ एम २२०९ नम्बरको भारतीय कन्टेनर ट्रकलाई प्रहरीले नियन्त्रणमा लिएकाे हाे ।

जिल्ला प्रहरी कार्यालय पर्साले बीरगञ्ज महानगरपालिका वडा नं. २५  आइसिपी गेट नजिकबाट मंगलबार दिउसाे १२:१० बजे २४७ के.जी. लागु औषध गाँजासहित ट्रक नियन्त्रणमा लिइएकाे जनाएकाे छ । 

प्रहरीले गराएकाे जानकारी अनुसार विगत २४ घण्टादेखि भएको निरन्तर निगरानी, सूचना परिचालन तथा प्रहरी कारबाहीको सिलसिलामा खटिएको प्रहरी टोलीले भारतीय ट्रकलाई रोक्न खोज्दा गाडी रोकी स्टार्ट अवस्थामा चालक फरार भएको थियाे । 

उक्त ट्रकको कन्टेनरको च्याम्बर खोली जाँच गर्दा रातो प्लाष्टिकमा बेरेर प्याकेट गरिएको अवस्थामा राखिएको २३ वटा पोका भित्र रहेकाे २४७ के.जी. लागुऔषध गाँजा फेला परेकोले सो ट्रकलाई उल्लेखित गाँजासहित बरामद गरी लागु औषध सम्बन्धी कसूरमा अनुसन्धान अगाडि बढाइएको जिल्ला प्रहरी कार्यालय पर्साले जनाएकाे छ ।

साथै ट्रकको सवारीधनी तथा चालकको तदारूकताका साथ खोजतलास भइरहेको जिल्ला प्रहरी कार्यालय पर्साका प्रवक्ता प्रहरी नायब उपरिक्षक ओमप्रकाश खनालले जानकारी दिए ।

नेता कुर्मीकाे श्रद्धान्जली सभा सम्पन्न, पार्टीलाई ठुलाे क्षति भयाे : नेता रिजाल

0

वीरगंज । प्रजातन्त्र स्थायीत्वका लागी सबै प्रजातन्त्र शक्ति एक हुन जरुरी रहेको नेपाली कांग्रेसका केन्द्रिय सदस्य रमेश रिजालले बताएका छन् ।

कालिकामाई गाउँपालिका अध्यक्षका प्रत्यासी तथा पुर्ब गाविस अध्यक्ष राजेन्द्र कुमार कुर्मीको निधनकाे १३ औं दिनको पुण्य तिथीमा आयाेजित श्रद्धान्जली सभालाई सम्बाेधन गर्दै नेता रिजालले प्रधानमन्त्री केपी शर्मा ओलीले देशलाई एकलौटी हुकुमी शासन गर्न खोजेको र संबिधान बिपरित देशलाई संचालन गर्न खोजेको आरोप लगाए ।

ओलीद्वारा विगठित प्रतिनिधि सभा सर्वाेच्चले पुन:स्थापना गरिदिएकाे निर्णयकाे स्वागत गर्दै उनले अदालतकाे परामादेश अनुसार अब शेरबहादुर देउवा प्रधानमन्त्री बन्ने वताए ।

उनले नेता कुर्मीकाे निधनले पार्टीलाई ठूलाे क्षति भएकाे वताए । उनले भने “कुर्मी कालिकामाईकाे मात्र नभई पर्सा जिल्ला कै नेता थिए । पार्टीले एक कुशल, कर्मठ, ईमान्दार र प्रजातन्त्रका लागी आफना समर्पण गरेका थिए र सारा जीवन पार्टी कै लागी निर्वाह गरे ।” रिजालले नेता कुर्मीको उदेश्य प्राप्तीका लागी गाउँपालिका सहित हामी सबै एक साथ भएको प्रतिबद्धता जनाए ।

नेपाली कांग्रेस पर्सा क्षेत्रनमबर ४ को आयोजनामासभामा भएकाे श्रद्धान्जली सभामा प्रदेश २ का प्रदेश सदस्य शंकर चौधरी, महासमिती सदस्य बशिष्ठनारायण कुर्मी, बृहस्पतिकृष्ण श्रेष्ठ, जिल्ला सचिव किशोरी साह कानु, श्याम पटेल, जिल्ला सदस्य नविन सिंह, पंचानन्द मिश्रा, धर्मेन्द्र पटेल, क्षेत्रीय सचिव बलिस्टर अहम्मद, छठु साह लगायतकाले फुलमाला सहित श्रद्धान्जली अपर्ण गर्दै वहाको निधन प्रति शोकमन्तब्य राख्दै सराहाना गरेका थिए ।

कार्यक्रममा पुर्ब संबिधान सभा सदस्य प्रधुमन चौहान, नेपाल शिक्षक महासंघ पोखरीयाका अध्यक्ष प्रर्बत ठाकुर, कालिकामाई गाउँपालिकाकाे वडा नं. १ का वडाध्यक्ष रामाशिष यादव, कालिकामाई गाउँ कार्यपालिका सदस्य रामानन्द ठाकुर, स्थानिय अगुवा रजाक राउत गदी, संजय साह गोढ लगायत सयौंकाे संख्यामा बिभिन्न पार्टीका नेता, कार्यकर्ता तथा सर्बसाधारणको सहभागीता रहेको थियो ।

कार्यवाहक क्षेत्रिय अध्यक्ष रामेश्वर महतोको अध्यक्षतामा भएको कार्यक्रमकाे संचालन क्षेत्रिय सचिव श्रीकान्त यादवले गरेका थिए ।

वैवाहिक बर्षगाठमा छात्राबासमा स्टेशनरी सहयाेग

0

वीरगंज । वैवाहिक बर्षगाठकाे अवसरमा एक युवकले आमाकाे मायाँ छात्रावासमा स्टेशनरी सहयाेग गरेका छन् ।

पर्साकाे धाेबिनी गाउँपालिका वडा नं. ३ गुलरिया निवासी सुदिल पटेलले आफ्नाे बैवाहिक बर्षगाठकाे अवसरमा छात्राबासमा रहेका छात्रहरुकाे लागि स्टेशनरी सहयाेग गरेका हुन् ।

ब्लु हेभेन एकेडेमीका प्रधानाध्यापक समेत रहेका पटेल वीरगंजकाे आदर्शनगरस्थित बजरंग टाेलमा रहेकाे छात्रावास मै पुगी कांपी, पेन, क्याल्कुलेटर र ट्रान्सलेसन बुक सहयाेग गरेका थिए । सहयाेग सामग्री छात्रावासका प्रमुख रुपेश हाँस्दाकाे जिम्मा लगाइएकाे थियाे ।

साे अवसरमा पशुपति शिक्षा मन्दिरका प्राचार्य प्रेमधर पाण्डे, हिन्दु स्वयंसेवक संघका जनकपुर संवाहक रंजित साह, प्रचारक सुरज अवस्थी, नेपाल पत्रकार महासंघ पर्साका सदस्य नरेश सरार्फ, पत्रकार शम्भु कुमार सुमन लगायतकाे उपस्थिती रहेकाे थियाे । 

पूर्व गाविस अध्यक्ष कुर्मीकाे निधन

0

परवानीपुर । बाराको परवानीपुर गाउँपालिकाका नेपाली कांग्रेसका नेता किशाेर कुमार कुर्मीकाे निधन भएकाे छ । परवानीपुर गाउँपालिकाकाे वडा नं. ५ बहुअरीका निवासी कुर्मीकाे ५९ बर्षकाे उमेरमा निधन भएकाे हाे ।

 पुर्व गाविस अध्यक्ष समेत रहेकाे कुर्मीको नेशनल मेडिकल कलेज वीरगंजमा शनिबार सांझ उपचारकाे निधन भएकाे थियाे । कुर्मीकाे शनिबार राति नै निज निवास बहुअरीमा अन्त्येष्टि समेत गरिएकाे गरिएकाे थियाे ।

त्यस अघि कुर्मीलाई पार्टीकाे झन्डा ओढाएर नेपाली कांग्रेसका नेताहरुले श्रद्धान्जली अर्पण गरेका थिए ।

लामो समयदेखि मृगौला रोगले पीडित उनको विभिन्न अस्पतालमा उपचार हुँदै आएको थियो । उनी पञ्चायती काल देखि नै राजनीतिमा लागेका थिए । उनी गाविस अध्यक्ष हुँदा आफ्नो गाउँको विकाससँगै पार्टीलाई एउटा अलग दिशामा अघि बढाएका थिए ।

उनको कार्यकालमा सडक निकाल्ने, स्कूलको व्यवस्थापन, अति गरीब, निमुखा जस्ता आम नागरिकको लागि रोजगारीको व्यवस्था गर्ने लगाएतको लोकप्रिय कामहरू भएका थिए । उनी लगभग गाउँको हरेक क्षेत्रमा विकासका कामहरू गरेका थिए ।

अन्त्येष्टिमा सहभागि नेपाली कांग्रेसका महाधिबेसन प्रतिनिधि जगदिश गुप्ताले नेता कुर्मीकाे निधनले पार्टीलाई ठूलो क्षति पुगेकाे बताए ।

उनको निधनले आफू निःशब्द भएको र आज पूरा गाउँपालिका नै शोकमा डुबेको नेपाली कांग्रेस परवानीपुर गाउँपालिकाका पार्टी सभापति पुन्देव यादवले वताए ।

गाउँपलिका अध्यक्षका प्रत्यासी लालबाबु यादवले दुःख व्यक्त गर्दै पार्टीको लागि उनले गरेका योगदानलाई कहिले पनि बिर्सन नसक्ने बताए ।

यसैगरी, पार्टीका युवा नेता प्रभु पटेलले नेता कुर्मीकाे निधन प्रति दुःख व्यक्त गर्दै उनी युवाको लागि प्रेरणाको स्रोत रहेको र आफूहरु उनीबाट धेरै कुरा सिकेको बताए ।

अन्त्येष्टि कार्यक्रममा परवानीपुर गाउँपालिका वडा नं. २ का वडाध्यक्ष इशवरी साह, वीरगन्ज महानगरपालिका रामगढवाका पूर्व गाविस अध्यक्ष जंगाली राउत कुर्मी, लोहा सिंह लगायत गाउँका अन्य पार्टीका पार्टी नेता, समाजसेवी, सर्वसाधारण लगायतको उपस्थिति रहेको थियो ।