[real3dflipbook id=”121″]
वीरगंजमा सिटी जुलुश प्रदर्शन
ग्रामीण वडाहरुको विकास विना महानगरको विकास असम्भव : मेयर सरावगी
वीरगन्ज । वीरगन्ज महानगरपालिकाका मेयर विजय कुमार सरावगीले ग्रामीण क्षेत्रका वडाहरुको समग्र विकास विना महानगरपालिकाको विकास असम्भव रहेको बताएका छन् ।
वीरगन्ज महानगरपालिकाले वडा नम्बर २९ बसडिल्वामा बुधबार आयोजना गरेको सार्वजनिक सुनुवाइ कार्यक्रममा स्थानीयवासीले राखेको गुनासो र समस्याको बारेमा जवाफ दिने क्रममा मेयर सरावगीले आफु निर्वाचित भएपछि नयाँ गाभिएका वडाहरुको विकासलाई प्राथामिकतामा राखेको बताउँदै निर्वाचित भए यता ४ वर्षको कार्यकालमा ग्रामीण भेगका वडाहरुको पुर्वाधार विकासमा साधन श्रोतले भ्याए सम्म काम गरेको बताए ।
मेयरमा निर्वाचित भएपछि आफूले ग्रामीणक्षेत्रका वडाहरुलाई स्मार्ट सिटीको रुपमा विकास गर्ने अवधारणा बनाएको भएपनि कमजोर पूर्वाधारलाई स्तरोन्नतीमा समय लागेकोले स्मार्ट सिटीको रुपमा विकास गर्न नसकिएको बताए ।
उनले अबको बाकी १ वर्षको कार्यकालमा पनि ग्रामीण भेगका वडाहरु आफनो प्राथमिकतामा रहने र पूर्वाधार संरचना निर्माण गरिदिए आगामी दिनमा ग्रामीण भेगका वडाहरुलाई आफूले चाहे जस्तो स्मार्ट सिटी बनाउन सहज हुने बताए । बाढी र डुबानले बर्सेनि दु:ख दिदै आएको भेडाहा खोलामा स्थायी पक्की बाँध निर्माणको लागि दुई तीन दिनमै टेण्डर प्रकृया शुरु हुने जानकारी दिदै यसका लागि महागरपालिकाले आगामी आर्थिक वर्षको बजेटमा १० करोड ३८ लाख रुपैया विनियोजन गरिसकिएको उनले बताए ।
महानगरपालिकाको बजेट र राष्ट्रिय योजना आयोगकको बजेटबाट भेडाहा खोलाको कटान नियन्त्रणका लागि २५ करोडको लागतमा स्थायी बाँध निर्माण गरिने नगर प्रमुख सरावगीले वडावासीलाई आश्वासन दिए ।
कार्यक्रममा वीरगन्ज महानगरपालिका वडा नम्बर २९ का स्थानीयवासीले चुनावमा जनप्रतिनिधीले गरेका वाचा अहिले सम्म पनि पुरा गर्न नसकेको गुनासो गरेका थिए । उनीहरुले महानगरमा समाहित भएको वडा नम्बर २९ मा अहिलेसम्म पनि स्वास्थ्य र शिक्षाको अवस्था दयनीय रहेको गुनासो गरेका थिए ।
कार्यक्रममा सहभागी स्थानीयवासीले वडा नम्बर २९ मा अहिले सम्म कालोपत्रे सडक नै नरहेको भन्दै यस तर्फ गम्भिर बनि दिन महानगर मेयर सरावगीको ध्यानाकर्षण गराएका थिए ।
वडा नम्बर २९ मा तीन वटा गाँउ रहेको भन्दै स्थानीयले अहिले वर्षाका बेला तीन वटै गाउ बिच सडक सम्पर्क विच्छेद भएको गुनासो पनि गरेका थिए । उनीहरुले वडा कार्यालयमै मालपोत कर तिर्ने व्यवस्था गरि दिन माग पनि गरेका थिए ।
यस्तै वडामा सार्वजनिक शौचालय , नालाको व्यवस्थित सरसफाइ, गाँउमा रहेको नेपाल राष्ट्रिय आधारभुत विद्यालयमा शिक्षकको दरबन्दी थप गरि दिन पनि स्थानीयवासीले नगरप्रमख सरावगीसंग आग्रह गरेका थिए । भेडाहा खोलाले वर्षेनी कटान र डुबान गर्दै आएकाले यसको दीर्घकालीन सामधान गरिदिन पनि स्थानीयवासीले माग गरेका थिए ।
वडा अध्यक्ष धर्मेन्द्र महत्तो थारुको अध्यक्षतामा भएको सार्वजनिक सुनुवाइ कार्यक्रममा वीरगन्ज महानगरपालिकाका प्रमुख प्रशासकीय अधिकृत प्रदीप निरौला, शिक्षा महाशाखा प्रमुख अरविन्दलाल कर्ण, योजना महाशाखा प्रमुख राकेश साह, प्रशासन शाखा प्रमुख विकास मिश्र लगायतको उपस्थिति रहेको थियो ।
समायन्तर मिडिया प्रालिकाे संयोजनमा आयोजना भएकाे सार्वजनिक सुनुवाइ कार्यक्रमा उक्त संस्थाका अध्यक्ष ओम प्रकाश खनालले सेवाग्राहीहरुबीच गरिएको अनुसन्धान प्रतिवेदन सार्वजनिक गरेका थिए । कार्यक्रमको सहजीकरण पत्रकार लक्ष्मी खरेलले गरेकी थिइन ।
अवैध सामान लाेड गरेका २ वटा ट्याक्टर र एक वटा ट्रक पक्राउ
वीरगंज । अबैधरूपमा खुद्रा सामान, केराउ र स्याउ लोड रहेका २ वटा ट्याक्टर र १ वटा ट्रक प्रहरीले नियन्त्रणमा लिएकाे छ ।
तालुक प्रदेश नं. २ प्रहरी कार्यालय, जनकपुरको सूचना संयन्त्र तथा जिल्ला प्रहरी कार्यालयसमेतको टोलीले ना.१ त. ७०४५ र ना.४ त.८५६२ नं. को ट्रयाक्टर नियन्त्रणमा लिएकाे हाे ।
बीरगञ्ज महानगरपालिकाकाे वडा नम्बर १९ मा बीरगञ्जबाट बहुअरी गाउँतर्फ जाँदैगरेका २४ हजार केजी स्याउ लाेड गरिएकाे ट्रक र ६ हजार केजी लोड गरिएको ट्रयाक्टर मंगलबार राति १२:०५ बजे नियन्त्रणमा लिइएकाे लिल्ला प्रहरी कार्यालय पर्साले जनाएकाे छ ।
साे सामानकाे कुनै बिलबिजक नरहेको र उक्त मालसामानहरू भारततर्फ अवैधरूपमा निकासी गरी लाँदैगरेको भन्ने खुल्न आएकोले नियन्त्रणमा लिईएकाे जिल्ला प्रहरी कार्यालय पर्साका प्रवक्ता प्रहरी नायब उपरिक्षक ओमप्रकाश खनालले वताए ।
नियन्त्रणमा लिइएकाे स्याउ, केराउ र सवारीसाधनको रू २२ लाख ६० हजार मूल्याङ्कन गरी आवश्यक कारबाहीको लागि बीरगञ्ज भन्सार कार्यालयमा पठाइएको उनले जानकारी दिए ।
प्रहरी कारबाहीको क्रममा जिल्ला पर्सा बीरगञ्ज महानगरपालिका वडा नम्बर १९ मा बीरगञ्जबाट बहुअरी गाउँतर्फ जाँदैगरेका २ वटा ट्रयाक्टरलाई रोकी जाँच गर्ने क्रममा दुवै चालकहरू ट्रक र ट्रयाक्टर छोडी तत्काल फरार भएको प्रहरीले जनाएकाे छ ।
यस्तै, वीरगंज महानगरपालिकाकाे वडा नं. ८ घण्टाघरमा खुद्रा सामान बोकी बीरगञ्जबाट नारायणघाटतर्फ जाँदैगरेको जय बजरंग बली ट्रान्सपोर्टको ना २ ख ८६१७ नं.को ट्रकलाई पनि प्रहरीले नियन्त्रणमा लिएकाे छ ।
जिल्ला प्रहरी कार्यालय पर्साबाट खटिएकाे प्रहरी टाेलीले भन्सार छली गरी अवैधरूपमा मालसामानहरू ट्रकमा लोड गरी लाँदै गरेको अवस्थामा साेमबार राती १०.१० बजे नियन्त्रणमा लिइएकाे जनाइएकाे छ ।
ट्रक रोकी जाँच गर्ने क्रममा चालक तत्काल फरार भएकोले जिल्ला प्रहरी कार्यालय पर्साले जनाएकाे छ ।
ट्रकमा भएका मालसामान तथा ट्रकको अन्दाजी मूल्य रू. २० लाख मूल्याङ्कन गरी आवश्यक अनुसन्धान तथा कारबाहीको लागि बुधबार राजश्व अनुसन्धान कार्यालय पथलैया, बारामा बुझाइएको प्रवक्ता खनालले जानकारी दिए ।
बर्षायाममा ग्रामिण सडककाे अवस्था बेहाल
वीरगंज । बर्षायाममा पर्सा जिल्लाकाे ग्रामिण भेगकाे सडककाे अवस्था बेहाल भएकाे छ । मनसुन सुरु भएपछि ग्रामिण भेगकाे विभिन्न सडकहरुमा खाल्डा खुल्डी भएर पानी जमेका छन् ।
पाेखरियादेखि जानकी टाेला जाने सडकमा एक फिटदेखी ३ फिट सम्म खाल्डा खुल्डी भएर पानी जम्मेका कारण सवारी साधनकाे आवत जावतमा समस्या हुने गरेकाे छ । साे सडक खण्डकाे विभिन्न ठाउँमा खाल्डा खुल्डी भएर पानी जम्मेका छन् भने केही ठाउँमा पानी जम्मेका कारण सडक हिलाेमै भएकाे छ ।
जस कारण सवारी साधन आवत जातवतमा समस्या हुनुकाे साथैे पैदल आवत जावतमा समेत कठिनाई हुने गरेकाे छ ।
यस्तै, पदम राेडकाे पनि विभिन्न ठाउँमा कलभट निर्माण नभएका कारण सवारी साधन आवगमन प्रभावित हुने गरेकाे छ । साे सडक खण्डकाे सुपवलीस्थित कलभट निर्माण भएपनि माटाे पुर्ने काम नभएका कारण सवारी साधन आवतजावतमा समस्या हुने गरेकाे छ ।
कलभट माटाे पुर्ने काम नभएका कारण वैकल्पिक बाटाेकाे रुपमा खेतकाे बाटाे भएर सवारी साधन आवतजावत गर्नु परेकाे छ । तर त्याे वैकल्पिक बाटाे बिग्रेका कारण एम्बुलेन्स आवत जावतमा समेत समस्या हुने गरेकाे छ ।
त्यस अघि पनि साेही सडक खण्डकाे भिविन्न ठाउँमा कलभटकाे निर्माण कार्य सम्पन्न नभएका कारण वैकल्पिक रुपमा खेतकाे बाटाे भएर सवारी साधनलाई आवत जावत गर्नु परेकाे छ ।
फाउन्डेसन पर्साद्वार दुई पत्रकार पुरस्कृत
वीरगंज । जिपि काेइराला फाउन्डेसन पर्साले २ जना पत्रकारलाई सम्मान गरेकाे छ ।
पूर्व प्रधानमन्त्री एवम् नेपाली कांग्रेसका पूर्व सभापति स्व. गिरीजा प्रसाद कोइरालाको ९८ औँ जन्मजयन्तीको अवसरमा फाउन्डेसनले स्थापना गरेकाे क्रियाशिल पत्रकारित पुरस्कारबाट पर्साका २ जना पत्रकार सम्मानित भएका हुन् ।
फाउन्डेसनले बिबिसी पर्साकी संवाददाता एवम् सामुदायीक रेडियो नारायणी एफएमकी समाचार प्रमुख माधुरी महतो र ग्यालेक्सी फोर के टेलिभिजनका पर्सा संवाददाता इर्फान अली सम्मान गरेकाे हाे ।
नेपाल पत्रकार महासंघ पर्साकाे सभा हलमा भएकाे एक कार्यक्रममा फाउण्डेशन पर्साले स्थापना गरेको क्रियाशिल पत्रकारिता पुरस्कारबाट महतो र अली सम्मानित भएका हुन् । दुबै जनालाई कार्यक्रमकी उप्रमु अतिथी वीरगंज महानगरपालिकाकी उप मेयर शान्ति कार्कीले पुरस्कार राशी रु २५/२५ हजारकाे चेक र प्रमाणपत्रले सम्मानित गरेकी थिइन ।
फाउन्डेसन पर्साका अध्यक्ष महमद सहाबुदिनकाे अध्यक्षतामा भएकाे पुरस्कार वितरण कार्यक्रममा नेपाल पत्रकार महासंघका केन्द्रिय सचिव दिपेन्द्र चाैहान, प्रदेश नं. २ का महासचिव श्याम बन्जारा, नेपाली काँग्रेस पर्साका उपसभापति दिना प्रसाद गुप्ता, प्रकाश उपाध्याय, प्रेस युनियन पर्साका अध्यक्ष रामनारायण कुर्मी, प्रेस सेन्टर पर्साका अध्यक्ष निरज पिठाकाेटे मगर लगायतकाे उपस्थिती रहेकाे थियाे ।
सन २०५० सम्ममा ८ देखि १२ प्रतिशत पानीको मात्रा बढ्न सक्छ : विज्ञहरु
काठमाडौं । जलवायु परिवर्तनको असरले सन २०५० सम्ममा पानीको मात्रा ८ देखि १२ प्रतिशत वृद्धि हुनसक्ने विज्ञहरुले औल्याएका छन् । जलवायु परिवर्तनका कारण पृथ्वीको तापक्रम वृद्धिदरमा अहिलेकै अवस्था रहेमा पृथ्वीमा पानीको मात्रा बढ्ने विज्ञहरुले औल्याएका हुन् ।
‘सन २०५० सम्ममा अहिलेको हिसावले तापक्रम वृद्धि हुने हो भने पृथ्वीमा ८ देखि १२ प्रतिशत मापनको मात्रामा वृद्धि हुनसक्छ,’ जलवायु परिवर्तनको विषयमा लामो समयदेखि अध्ययन गरिरहेका विज्ञ मञ्जित ढकालले भने, ‘अहिलेको तापक्रम वृद्धिदर नियन्त्रणका उपाय अवलम्बन नगरिए सन २०५० सम्मा पृथ्वीको तापक्रम थप १ दशमलव ३ डिग्री सेल्सियसदेखि १ दशमलव ८ डीग्री सेल्सियससम्म पुग्नसक्छ ।’
अहिले सम्म पृथ्वीको र्आसम तापमान(औद्योगिकीकरण समयपछि) करिव १ डिग्री सेल्सियस तापक्रम वृद्धि भैरहेको उनले बताए ।
उनले भने, ‘यस्तै हुने हो भने पृथ्वीको तापक्रम ३ दशमलव ५ डिग्री सेल्सियसले वृद्धी हुन सक्छ ।’ सन २०१५ मा भएको पेरिस सम्झौताले पृथ्वीको तापक्रम १ दशमलव ५ डिग्रीमा सीमित राख्ने प्रतिवद्धता जनाएको छ । अहिले नेपालमा भएका ८० प्रतिशतभन्दा बढी विपदका घटना जलवायु परिवर्तनको प्रभावले भएको स्वच्छ उर्जा नेपालमा आवद्ध जलवायु परिवर्तन विज्ञ ढकालले बताए ।
उनका अनुसार नेपालमा भएका सुख्खा खडेरी, पहिरो, हिमताल विस्फोटन र तापक्रम वृद्धिका घटनाहरुको मुख्य कारण नै जलवायु परिवर्तन भएको हो । उनले नेपालमा ४५ वर्षको अवधिमा २ दशमलव ५ डिग्री सेल्सियस अधिकतम तापक्रम वृद्धि भएको बताए । न्यूनतम् तापक्रम भने न्यूनमात्रामा वृद्धि भएको उनले बताए ।
‘हिमाली क्षेत्रको तापक्रम विश्वको सरदर वृद्धि भन्दा उच्च दरमा बढिरहेको छ । यो तापक्रम वृद्धिको प्रभाव हिमनदीमा परेको विभिन्न अध्ययन तथा अनुसन्धानले प्रष्ट पारिसकेको छ,’ विज्ञ ढकालले भने । स्वच्छ उर्जा नेपालसंगको सहकार्यमा नेपाल वातावरण पत्रकार समूहले आयोजना गरेको कार्यक्रममा बोल्दै उनले नेपालले जलवायु परिवर्तनको असरले पारेको जोखिम न्यूनीकरणमा सरकारले राम्रा कामहरु पनि गरिरहेको बताए ।
उनले पूर्वसूचना प्रणाली जडान हुनै मानवीय क्षती न्यून भएको औल्याए । नेपालजस्तो जटिल भौगोलिक बनावट भएको मुलुकले धेरै जोखिम व्यहोर्नुपरेको उनको बुझाइ छ । अन्तराष्ट्रिय एकिकृत पर्वतीय विकास केन्द्र (इसिमोड) का अनुसार नेपालमा करिब ३२५२ हिमनदी र २३२३ हिमतालहरु छन् भने धेरै जसो हिमनदीहरुको आकारमा परिवर्तन आइसकेको छ जसमध्ये २० वटा हिमतालहरु जोखिममा रहेका छन् ।
विभिन्न अध्ययनका अनुसार नेपालमा हिमनदीहरु द्रूत गतिमा पग्लिँदै गइरहेका छन् । यसरी हिमालमा रहेको हिउँ छिटो छिटो पग्लिनाले हिमतालमा धेरै पानी जम्मा हुन जान्छ, यसैका कारण हिमतालको बाँधले पानी थेग्न नसकी हिमताल फुट्ने र तल्लो तटिय क्षेत्रमा ठूलो बाढी आउने खतरा हुन्छ ।
जसलाई अंग्रेजीमा ग्लफ –ग्लेसीयर लेक आउटव्रस्ट फ्लड) भनिन्छ । यसैगरी खेत बस्ती डुबान, नदीको धार बदलिएर हुने बाढी, नदी तटीय क्षेत्रमा कटान र खडेरीले तराईलाई आक्रान्त पार्न सक्नेछन् । ‘बढ्दो तातोपनाको कारण विशेष गरेर झाडापखला र लामखुट्टे जातिबाट सर्ने मलेरिया, कालाजार, जापानिज ईन्सेफलाइटिस् जस्ता रोगमा वृद्धि हुनगई यसबाट हुने मृत्युदर बढ्दै गइरहेको छ,’ वातावरण पत्रकार राजेश घिमिरेले भने, ‘नेपालका तराई क्षेत्रहरु यो समस्याबाट बढी पिडित हुन सक्नेछन् ।
सखुवाप्रसाैनीमा गर्भवतीलाई घ्यु वितरण
वीरगंज । पर्साकाे सखुवा प्रसाैनी गाउँपालिका वडा नं. मधुवन मथवलमा गर्भवती महिलाहरुलाई घ्यु वितरण गरिएकाे छ ।
बहुक्षेत्रीय पाेषण याेजना अन्तर्गत दलित तथा गरिब गर्भवतीलाई गाउँपालिकाबाट ध्यु वितरण गरिएकाे गाउँपालिका स्वास्थ्य संयाेजक राजेश राैनियारले वताए । वडा नं. १ का ५० जना गर्भवती महिलाई घ्यु वितरण गरिएकाे उनले जानकारी दिए ।
मधुवन मथवल स्वास्थ्य चाैकीमा गाउँपालिका अध्यक्ष प्रदिप जयसवालले गर्भवती महिलाहरुलाई घ्यु वितरण गरेका थिए । वडा नं. १ बाट मंगलबारदेखी सुरु भएकाे गर्भवतीलाई घ्यु वितरण कार्य सबै वडामा गरिने उनले वताए ।












