Date
बिहि, मंसिर ३, २०८३
Thu, November 19, 2026
Home Blog Page 798

वीरगंजबाट जुवा खेल्ने ७ जना पक्राउ

0

वीरगंज । पर्सा प्रहरीले वीरगंज महानगरपालिकाकाे वडा नं. १५ नेशनल मेडिकल कलेज छेउमा निर्माणधीन भवनको माथिल्लो तल्लामा जुवा खेलिरहेकाे ७ जनालाई पक्राउ गरेकाे छ ।

वीरगंज महानगरपालिका वडा नं.३ का अली असगर अन्सारी, वडा नं. ६ का ४२ बर्षिय श्यामबाबु साेनार, वडा नं. १५ का ३२ बर्षिय सुनिल सर्राफ, वडा नं. १६ का ५८ बर्षिय भगवान प्रसाद महताे, बाराकाे महागढीमाई नगरपालिका वडा नं. १० का ३५ बर्षिय धिरेन्द्र प्रसाद जयसवाल, राैतहटकाे गाैर नगरपालिका वडा नं. १ का ४८ बर्षिय रमेश चाैधरी र भारत विहान जिल्ला माेतिहारी रक्साैल ४ का ४० बर्षिय रामबाबु प्रसाद साैनारलाई प्रहरीले पक्राउ गरेकाे हाे ।

जिल्ला प्रहरी कार्यालय पर्साबाट कारवाहीको सिलसिलामा खटिएकाे प्रहरी टाेलीले बिहिबार सांझ ५ बजेको सातै जनालाई नियन्त्रणमा लिइएकाे जनाएकाे छ । उक्त जुवा खालबाट एक लाख ५८ हजार  र १० बुक ताससहित समेत बरामद भएकाे जिल्ला प्रहरी कार्यालय पर्साका प्रवक्ता एवम् प्रहरी नायब उपरिक्षक ओमप्रकाश खनालले वताए । 

पक्राउ परेकाहरुमाथी सार्बजनिक हित, स्वास्थ्य सुरक्षा, सुविधा नैतिकता विरुद्धको कसुर ( जुवा) अन्तर्गत अनुसन्धान अगाडि बढाईएकाे उनले जानकारी दिए ।

साथै जुवातास खेल्ने खेलाउने जस्ता सामाजिक विकृतिजन्य कसूर नगर्न तथा कुनै पनि स्थानमा भइरहेको थाहा भएमा प्रहरीलाई सूचना दिई यस्ता क्रियाकलाप नियन्त्रण गर्ने अभियानमा सहयोग गर्न सबैमा प्रहरीले आग्रह गरेकाे छ ।

ट्रकमा सवार महिलालाई जबरजस्ती करणी गर्ने दुई जना पक्राउ

0

वीरगंज । ट्रकमा सवार १९ वर्षिय महिलालाई पटक पटक बलात्कार गरेको आरोपमा प्रहरीले दुई जनालाई पक्राउ गरेकाे छ ।

वीरगंज महानगरपालिकाकाे वडा नं‍. २१ बस्ने २७ वर्षिय सुनील महतो र पोखरिया न.पा. वडा नं.६ बस्ने  २५ वर्षिय शिवबालक महतोलाई असार ३० गते बुधबार प्रहरीले पक्राउ गरेकाे हाे । 

असार २७ गते बिहान रुकुम जिल्ला घर भएकी १९ वर्षिय महिला २ वर्षिय छोरा सहित बुटवल जानको लागि कलङ्की चोकनिर सार्वजनीक सवारी साधनको प्रतिक्षा गर्दै थिइन ।

सोही बखत  ना.५.ख.२८७० नम्बरको ट्रक चालक  सुनील महतोले  नारायणगढसम्म पुर्‍याइदिन्छु भनी उनलाई ट्रकमा चढाए । पहिरोका कारण चितवनमा बाटोमा जाम थियो ।

जाममा गाडी रोकिएको अवस्थामा महतोले  ट्रकको क्याबिनभित्र सीटमा जबरजस्ती करणी गरेको उनले जाहेरीमा उल्लेख गरेकी छिन । असार २८ गते जाम खुलेपछि महतोले  युवतीलाई चितवनको रामनगरसम्म ल्याई दिउसो १ बजे  शिवबालक महतोले चलाएको ना.६ख.३३६९ नं. को ट्रक रोकी उक्त ट्रकमा चढाइदिए ।

ट्रक बुटवल जाने भन्दै आफूलाई ट्रकमा चढाएको ति युवतीले बताइन । महतोले ट्रकमा उनलाई बीरगञ्जतर्फ ल्याएको र बीरगञ्ज ल्याउने क्रममा  पथलैया अमलेखगंज सडक खण्डको जङ्गल एरियामा पुगेपछि राजमार्ग छेउमा ट्रक रोकी पटकपटक करणी गरिएको पीडित महिलाले बताइन ।

असार गते बिहान ८ बजे महतोले  सोही ट्रकका सहचालक सोही ठाउँका २७ वर्षिय इन्दल चौहानलाई गाडी चलाई ड्राइपोर्टसम्म पुर्‍याउन भनेकोमा निज सहचालक इन्दल चौहाननाको ४०  वर्षिय ब्यक्तिले पीडितलाई ड्राइपोर्ट परवानीपुर सडकखण्डको बिचतिर गाडी रोकी पालैपालो जबर्जस्ती करणी गरी ड्राइपोर्टमा ल्याई अलपत्र अवस्था छोडी हिँडेका थिए । 

दिउसो ५ बजेको समयमा र्सिसिया प्रहरी चौकीबाट निस्किएको गस्ती टोलीले ति महिलालाई फेला पारी उद्धार गरेको जिल्ला प्रहरी कार्यालय पर्साका प्रवक्ता डिएसपी ओम प्रकाश खनालले बताए ।

प्रहरीले पीडित महिलाको नालीबेली ससनीसकेपछि घटनामा संलग्न सुनील महतो र शिवबालक महतोलाई उनीहरुले  चलाएको दुइटा ट्रसहित गिरफतार गरेको छ ।

पीडित महिलाले असार ३० गते नै जिल्ला प्रहरी कार्यालयमा उजुरी दिएकी छन् । महिलाको स्वास्थ्य परिक्षण आसार ३१ गते बीरगंजको नारायणी अस्पतालमा भएको छ ।

प्रतिवादीलाई जिल्ला अदालतबाट ७ दिनको म्याद थमाई जिल्ला प्रहरी कार्यालय पर्साको हिरासतमा राखेर थप अनुसन्धान भइरहेको डीएसपी खनालले जानकारी दिए । २ घटनामा सलंग्न अन्य २ जना व्यक्तिहरुको खोजतलाश भइरहेको उनले वताए । 

वीरगंज महानगरपालिका नेपालको पहिलो पूर्ण खोप युक्त घोषणा

0

वीरगंज । वीरगंज महानगरपालिकालाई पूर्ण खोपयुक्त पालिका घोषणा गरिएको छ । नगर सभा गृहमा बिहीबार आयोजित घोषणा सभामा प्रदेश नम्बर २ का खानेपानी तथा उर्जामन्त्री ओमप्रकाश शर्माले वीरगन्ज महानगरपालिकालाई पूर्ण खोप घोषणा गरे ।

घोषणा समारोहमा बोल्दै मन्त्री शर्माले बालबालिकाको पहिलो अधिकार स्वास्थ्य नै रहेकोले कोही पनि बालबालिका खोपबाट बञ्चित नहुने बताए ।

अहिले संसारभर फैलिएको कोरोना महामारीमा स्वास्थ्य क्षेत्रमा निकै जटिलता आएको बताउँदै मन्त्री शर्माले तेश्रो भेरियण्टको जोखिम बालबालिकाहरुमा अझ बढी रहने विज्ञहरुको चेतावनीबाट सतर्क रहनुपर्ने अवस्था रहेकोले सतर्कता अपनाउन आग्रह गरे ।

कोरोना संक्रमण महामारीले खोप कार्यक्रम प्रभावित भएपनि वीरगंज महानगरपालिकाले भने पूर्ण खोप घोषणा गरेकोमा बधाई तथा धन्यवाद दिए । कोरोना संक्रमण नियन्त्रण र व्यावस्थापनमा महानगरपालिकाले खेलेको भूमिका अत्यन्त उत्कृष्ट रहेको उनले चर्चा समेत गरे ।

महानगर प्रमुख विजय कुमार सरावगीले महानगरपालिकालाई पूर्ण खोप घोषणा गरेर मात्रै नहुने बताउँदै यसलाई निरन्तरता दिनका लागि स्थानीय वडाध्यक्ष लगायत जनप्रतिनिधिहरुको सक्रियता आवश्यक रहेको बताए ।

उनले वडाध्यक्षहरुलाई आफ्ना वडाहरुमा रहेको वडा स्तरीय खोप समितिलाई सक्रिय बनाएर वडाभित्रका बालबालिकाहरुलाई खोपको सुनिश्चितताका लागि सक्रिय भूमिका खेल्न आग्रह गरे । महागनरपालिकामा जन्मिएदेखि १५ महिना सम्मका बालबालिकालाइ लगाईने १२ प्रकारका सबै खोप लगाइ सकेपछि पूर्णखोप घोषणा गरिएकाे वताए ।

पूर्णखोप घोषणाका लागि वीरगंज महानगरपालिकाको कार्यालयले केही समय पहिले महानगरका ३२ वटै वडामा १६ देखि २३ महिना सम्मका उमेर समुहका बालबालिकाहरुको बारेमा २९ हजार १ सय ९३ घरधुरीमा सर्भेक्षण गरेको थियो ।

सर्भेक्षणका क्रममा १६ देखि २३ महिना सम्म उमेर समूहका बालबालिका २ हजार ६ सय ६१ जना भेटिएका र ती मध्ये जन्मिएदेखि १५ महिना भित्रमा सबै १२ प्रकारका खोप लगाउने बालबालिकाको संख्या २ हजार ६६ जना मात्र देखिएको महानगरका स्वास्थ्य तथा सामाजिक महाशाखा प्रमुख अरुण महतोले बताए ।

उनले ५ सय ८७ जना बालबालिकाले भने आवश्यक १२ प्रकारका मध्ये आंशिक मात्र खोप लगाएको भेटिएको थियो । ८ जना बालबालिकाले भने कुनै पनि प्रकारको खोप नलगाएको फेला परेको बताए ।

सर्भेक्षणबाट प्राप्त प्रतिवेदन अनुसार महानगरका ३२ वटै वडामा स्वास्थ्यकर्मी र स्वयंसेविकाहरुलाई खटाएर खोप लगाउन छुटेका ५ सय ९५ जना बालबालिकालाइ आवश्यक १२ प्रकारको खोप लगाइएको महानगरपालिकाका खोप अधिकृत रितेश जयसवालले बताए ।

३२ वटै वडाहरुलाई क्रमश पूर्ण खोप वडा घोषणा गरेपछि महानगरपालिकालाई पूर्ण खोप घोषणा गरिएको उनले वताए ।

नगर स्तरीय खोप समन्वय समितिका अध्यक्ष एवं महानगर प्रमुख सरावगीको अध्यक्षतामा भएको कार्यक्रममा महानगर उपप्रमुख शान्ति कार्की, प्रमुख प्रशासकीय अधिकृत प्रदीप कुमार निरौला, वीरगन्ज उद्योग वाणिज्य संघका अध्यक्ष सुवोध गुप्ता, वीरगंज महानगरपालिकाका प्रेस सल्लाहाकार गोविन्द देवकोटा, महानगरपालिकाका ३२ वटै वडाका अध्यक्षहरु, नगर कार्यपालिका सदस्यहरु लगायत विभिन्न संघ संस्थाका प्रतिनिधिहरुको उपस्थिति रहेको थियो ।

कार्यक्रममा स्वास्थ्य क्षेत्रमा खटिएका सबै स्वास्थ्यकर्मी र स्वयंसेवकहरुलाई प्रशंसा पत्र र दोसल्ला ओढाएर सम्मान समेत गरिएको थियो ।

बालिकालाई जबरजस्ती करणी गरेकाे आराेपमा युवक पक्राउ

0

वीरगंज । बालिकालाई जबरजस्ती करणी गरेकाे आराेप एक युवकलाई प्रहरीले पक्राउ गरेकाे छ । पर्साकाे बहुदरमाई नगरपालिका वडा नम्बर २ पिपराटोल बस्ने वर्ष २५ को धर्मराज साह कानूलाई प्रहरीले पक्राउ गरेकाे हाे ।

पक्राउ परेकाे युवकले असार  १४ गते १२.३० बजे १५ वर्षीया वालिकाको घरमा गई निज सुत्ने कोठामा प्रवेश गरी निजलाई विवाह गर्ने र जागीर लगाइदिने प्रलोभनमा पारी सखुवाप्रसौनी गाउँपालिका वडा नं ४ स्थित बाँसघारीमा लगी जबरजस्ती करणी गरेकाे आराेपकाे आधारमा पक्राउ गरिएकाे प्रहरीले जनाएकाे छ।

त्यसपश्चात पनि बालिकालाई आफू साथै राखी पटकपटक जबरजस्ती करणी गरेको भन्ने व्यहोराको पीडित बालिकाको अभिभावकको जाहेरी दरखास्त पर्न आएको हुँदा निज धर्मराज कानूलाई बुधबार नियन्त्रणमा लिई जबरजस्ती करणी सम्बन्धी कसूर गरेको अभियोगमा थप अनुसन्धान भइरहेको जिल्ला प्रहरी कार्यालय पर्साका प्रवक्ता एवम् प्रहरी नायब उपरिक्षक ओमप्रकाश खनालले वताए ।

बाल विवाह गर्ने तथा गराउने दुल्हासहित ३ जना पक्राउ

0

वीरगंज । पर्सा प्रहरीले बाल विवाह गर्ने र गराउने ३ जनालाई पक्राउ गरेकाे छ । प्रहरीले पकहा मैनपुर गाउँपालिका वडा नं. १ धाेरेबाट बाल विवाह गर्ने दुल्हासहित ३ जनालाई पक्राउ गरेकाे हाे ।

पक्राउ पर्नेमा पकहा मैनपुर गाउँपालिका वडा नं. १ धाेरे निवासी २४ बर्षिय विशाल सहनी (दुल्हा), साेही ठाउँ निवासी ६५ बर्षिय ठग सहनी र बाराकाे प्रसाैनी गाउँपालिका वडा नं. ५ बेलहिया पनटाेका निवासी ४८ बर्षिय महेश सहनी रहेका छन् ।  

ठग सहनी र महेश सहनीले आपसी सहमति गरी १७ वर्षीया बालिका तथा २४ बर्षिय विशाल सहनीको विवाह असार १७ गते धोरेस्थित भुटनदेवी मन्दिरमा गराएकोले वाल विवाह गर्ने तथा गराउने तिनै जनालाई बुधबार पक्राउ गरिएकाे जिल्ला प्रहरी कार्यालय पर्साले जनाएकाे छ ।

पक्राउ परेका तिनै जनालाई बुधबार नै पर्सा जिल्ला अदालतबाट ५ दिन म्याद थप गरी मुलुकी अपराध संहिताको दफा १७३ विपरीत विवाह सम्बन्धी कसूरमा अनुसन्धान अगाडि बढाइएको जिल्ला प्रहरी कार्यालय पर्साका प्रवक्ता एवम् प्रहरी नायब उपरिक्षक ओमप्रकाश खनालले वताए ।  

पर्सा जिल्लाका विभिन्न भागमा २० वर्ष पूरा नभएका युवायुवतीले यस किसिमको वालविवाह गर्ने तथा अभिभावकहरूले गराउने गरेको भन्ने जानकारी हुन आएकोले सो सम्बन्धमा जिल्ला प्रहरी कार्यालयको गम्भीर ध्यानाकर्षण भएको जानकारी गराउँदै उनले वालविवाह गर्न लागेको, गरिरहेको वा गरेको जानकारी पाउनुहुने सबैलाई तत्काल प्रहरीलाई खबर गर्न समेत अनुरोध गरे ।

बाढीले क्षति गरेको क्षेत्रको नगर प्रमुख सरावगीद्वारा निरीक्षण

0

वीरगंज । वीरगंज महानगरपालिकाका नगर प्रमुख विजय कुमार सरावगीले सिर्सिया खोलाको बाढीले क्षति पु¥याएको क्षेत्रमा अनुगमन निरीक्षण गरेका छन् ।

महानगरपालिकाको वडा नम्बर ११ कृषि ज्ञान केन्द्र कार्यालय पछाडि सिर्सिया खोलाको बाढीले पु¥याएको क्षतिको बुधबार नगर प्रमुख सरावगीले स्थलगत अनुगमन गरेका हुन् ।

स्थलगत निरीक्षणपछि महानगर प्रमुख सरावगीले बाढीले क्षति पु¥याएको क्षेत्रहरुमा बाँध बाध्नुपर्ने देखिए त्यसलाई योजनावद्ध ढंगले अगाडि लगिने वताए ।

सिर्सिया खोलाको किनारमा वस्ती बढेर अतिक्रमण हुँदा खोलाको बाढी घरघरमा पसेको बताउँदै यसको दीर्घकालिन समाधानका लागि सिर्सियाको अतिक्रमण हटाउनु पर्ने र स्थानीयहरुले पनि यसको संरक्षणमा जोड दिनुपर्ने बताए ।

दिव्य युवा क्लबद्वारा स्वास्थ्य सुरक्षा सामाग्रीहरु वितरण

0

वीरगंज । दिव्य युवा क्लबले पर्साकाे पाेखरिया नगरपालिका, बिन्दवासिनी गाउँपालिका र पकहा मैनपुर गाउँपालिकामा स्वास्थ्य सुरक्षा सामग्री वितरण गरेकाे छ ।

एक्शनएड नेपाल, आईरिशएड तथा दिब्य युवा क्लब, पर्साकाे संयुक्त साझेदारीमा संचालित महिला अधिकार समुन्नति परियाेजना अन्तर्गत पाेखिरया नगरपालिकाकाे वडा न. ७, ८, १०, पकाहा मैनपुर गाउँपालिकाकाे वडा न. ३ र बिन्दाबासिनी गाउँपालिकाकाे वडा न. ५  मा स्वास्थ्य सुरक्षा सामग्री वितरण गरिएकाे हाे ।

काेभिड १९ काे प्रतिकार्य गर्नकाे लागि ५ वटा स्वास्थ्य चाैकी, १ वटा जिल्ला अस्पताल (पाेखरिया) तथा ६० जना हाेम आईशुलेशनमा बसेका व्यक्तिहरुकाे लागि बुधबार ब्यक्तिगत स्वास्थ्य सुरक्षा सामाग्री वितरण गरिएकाे दिव्य युवा क्लबका कार्यकारी निर्देशक रामाकान्त पटेलले वताए ।

उनले भने “कोभिड १९ को संक्रमण सुरु भए लगतै नेपालमा संक्रमण फैलन नदिनको लागि बन्दाबन्दी गर्नुको साथै कोरोना संक्रमणबाट बच्नको लागि विभिन्न सुरक्षात्मक उपायहरु बारे सचेतना पनि सुरु गरिएको छ । विभिन्न सरकारी तथा गैर सरकारी संघसंस्थाहरुले आ आफ्नो तर्फबाट सक्दो प्रयास गरिरहेका छन् । यस संक्रमणलाई समुदाय स्तरमा फैलन दिन तथा यसबाट हुने क्षति न्यूनीकरण गर्ने उद्देश्यले राहत सामाग्री वितरण गरिएको हाे ।”

पोखरीया नगरपालीका वडा नं. ७ रानीगंजमा केहि समय अगाडी होम आईसोलेसनमा रहेका व्यक्तिहरुको लागि पनि स्वास्थ्य सुरक्षा सामाग्रीहरु वितरण गरिएको उनले जानकारी दिए ।

कोरोना संक्रमणको पहिलो र दोस्रो लहर सकिए पछि अहिले फेरि तेस्रो चरणको नयाँ भेरियन्ट देखिन थालीसकेको छ ।

यस अवस्थालाई मध्यनजर गर्दै महिला अधिकार कार्यक्रम संचलनमा रहेका वडाहरुमा संचालनमा रहेको स्वास्थ्य चौकीहरुमा कार्यरत कर्मचारिहरुको लागि पि.पि.ई. ५ सेट, ग्लाेभस ५ प्याकेट, सर्जिकल मास्क १० प्याकेट, सेनिटाईजर ५ लिटरको २ जार, फेस हेड १० थान, ह्याण्डवास १ थान, अक्सीमिटर १ थान प्रदान गरिएको निर्देशक पटेलले वताए ।

यस भन्दा पहिलाको कोरोना संकटकालमा स्वास्थ्य सामाग्री अभावको कारणले गर्दा स्वास्थ्य कर्मीहरुलाई सेवा प्रदान गर्न गाह्रो भएको हुनाले पूनः सो अवस्था सृजना नहोस् भन्नका लागि सो सामाग्रीहरु वितरण गरिएको हो ।

त्यसै गरि पोखरीया आइृसोलेसन सेन्टरको लागि पनि स्वास्थ्य सुरक्षा सामाग्रीहरु वितरण गरिएको छ ।

जस अन्तरगत अक्सीजन कन्सन्ट्रेटर १ थान, पि.पि.ई. २० सेट, ग्लाेभस १०० प्याकेट, सर्जिकल मास्क २० प्याकेट, सेनिटाईजर ५ लिटरको २ जार, फेस हेड १०० थान, ह्याण्डवास (५०० एम.एल.) २० थान, सुतिको तौलिया १० थान, तन्ना २० थान, तकिया २० थान, तकियाको खोल २० थान, सोडियम क्लोरिन १ जार, अक्सीमिटर १० थान र थर्मगन १ थान रहेका छन् ।

त्यस्तै पोखरीया नगरपालीका वडा नं. ७ रानीगंजमा केहि दिन पहिला होम आईसोलेसनमा बसेका कोरोना लक्षणसंग मिल्दोजुल्दो लक्षणहरु भएका विरामीहरुको लागि पनि हर्लिक्स ५०० ग्राम, सर्जिकल मास्क १ प्याकेट, सेनिटाईजर ५०० एम.एल. १ थान, अक्सीमिटर १ थान, डिजिटल थर्मोमिटर, डस्टबीन, साबुन, स्यानीटरी प्याड लगायतका समाग्री आज वितरण गरिएको छ ।

साे सामग्रीहरु दिव्य युवा क्लबका अध्यक्ष देवनाथ ठाकुरले पाेखरिया नगरपालिकाकी उपमेयर सलमा खातनुलाई हस्तान्तरण गरेका थिए ।

सो अवसरमा पोखरीया अस्तालका आईसोलेसन फोकल पर्सन संजय कुमार, वडाध्यक्ष नन्दलाल पटेल लगायतकाको उपस्थिति रहेको थियो ।

‘रुद्र’ मा इशा

0

मुम्बई : बलिउड अभिनेत्री इशा देओल वेव सिरिज ‘रुद्र’ मा काम गर्ने भएकी छन् । पछिल्लो समय चलचित्र क्षेत्रमा गुमनामजस्तै बनेकी इशा रुद्रमार्फत अभिनयमा कमब्याक गर्न लागेकी हुन् ।

भरत तख्तानीसँग सन् २०१२ मा वैवाहिक बन्धनमा बाँधिएपछि अभिनेत्री इशा बलिउडबाट टाढिएकी थिइन् । लामो वर्षको अन्तरालपछि उनी ‘रुद्र’मार्फत अभिनयमा फर्किन लागेकी हुन् । इशा उक्त सिरिजमा अभिनेता अजय देवगणको जोडीका रुपमा प्रस्तुत हुने छिन् ।

इशाले आफू अभिनयमा फर्किन लागेको सामाजिक सञ्जालबाट आफ्ना प्रशंसकलाई जानकारी दिएकी छन् । ‘रुद्र मेरो डेब्यु वेव सिरिज हो । यो सिरिजमा कलाकार अजय देवगणसँग म काम गर्दैछु । अजय र मैले केही चलचित्रमा एकसाथ काम गरेका छौं’, उनले ट्विटरमा लेखेकी छन् । अजय र इशाले विभिन्न हिन्दी चलचित्रमा सँगै काम गरेका छन् । उनीहरूले युवा, एलओसी ः कारगिल, क्यासलगायतका चलचित्रमा काम गरेका छन् ।

चर्चित अभिनेता धमेन्द्र र अभिनेत्री हेमा मालिनीकी छोरी इशाले बलिउडमा रहँदा राम्रो छवि बनाउन सकेकी थिइनन् ।
यसकारण पनि उनलाई पछिल्लो समय दर्शकले भुलिसकेको भारतीय सञ्चारमाध्यमले जनाएका छन् । यस सिरिजमा अजय र इशासँगै अन्य विभिन्न चर्चित कलाकारको पनि अभिनय रहने निर्माण पक्षले जनाइएको छ ।