Date
बिहि, मंसिर ३, २०८३
Thu, November 19, 2026
Home Blog Page 797

नेपाललाई हिन्दुराष्ट्र बनाउन हिन्दुराष्ट्र स्वाभिमान जागरण अभियान

0

वीरगंज । हिन्दुराष्ट्र स्वाभिमान जागरण अभियान अन्तर्गत वीरगन्जमा मंगलबार आयोजित एक भेलाका सहभागिहरुले हिन्दुराष्ट्र कायम गराउँन संठगित भएर लाग्नुपर्नेमा जोड दिएका छन् ।

“गाउँ गाउँ हामी जाऔं आफनो धर्म आफैं बचाऔं, धर्मनिरपेक्षतालाई डाँडो कटाऔं हिन्दु राष्ट्र पुनः लेखाऔं” भन्ने नाराका साथ संचालति अभियान अन्तर्गत भएकाे भेलालाई सम्बाेधन गर्दै अभियानका अभियान्ता एवं प्राज्ञिक विद्यार्थी परिषदका राष्ट्रिय संगठन सचिव नारायण ढकालले पौराणिक समयदेखि नै नेपाल विश्वभरी कैै देवभूमीको रुपमा स्थापित भएको देश नै रहेको बताए ।

उनले भने, “विश्वका १ अर्ब ३० करोड हिन्दुको आस्थाको केन्द्र रुपमा नेपाल नै रहेको थियो । विश्वमा अनेकन प्रकारको धर्म भएपनि सनातन कालदेखि नै हिन्दु धर्मले एकात्मक भावना बोकेर विश्वको कल्याण गर्ने गरेको छ र त्यो हिन्दुधर्म सनातन विचार बोकेको राष्ट्र नै नेपाल थियो ।”

हामी ३ करोड नेपालीको लागि मात्र नभई विश्वको १ अर्ब ३० करोड जनताको आर्दशको भुमिको रुपमा नेपाल नै रहेको उनकाे भनाई थियाे ।

जुन भुमिमा भगवान पशुपतिनाथ हुनुहुन्छ, जुन भुमिले भगवान शालिकरामको जन्म दिएको छ । देवभूमि तपोभूमिको रुपमा रहेको हिन्दुराष्ट्र नेपाललाई हाम्रै हिन्दु समाज र हाम्रै समाजको नेतृत्व गर्ने केहि राजनितिक दलहरुले धर्मसापेक्षबाट धर्मनिरपेक्ष घोषणा गराएका छन त्यो हामी कदापी मान्न सक्दैनौ । उनले भने ।

नेपालमा ९४ प्रतिशत ओमकार परिवार रहेपनि चार पाँच जना नेताले नेपाललाई धर्मनिरपेक्ष घोषणा गरायो, उनले भने, ‘ धर्मनिरपेक्षतालाई नेपालीहरुले मौनरुपमा स्वीकार्य नगरेपनि विरोध समेत गर्न सकेनौ ।’ राष्ट्र, धर्म र आफनो आस्थालाई कहिले पनि प्राथमिकतामा राखेनौ, पहिलो प्राथमिकता राजनितिक पार्टी बनाएर आफनै समाजलाई विभाजन गर्ने काम भयो ।

हिन्दु समाज संगठित, जागरुक र स्वाभिमानी नभएका कारण केहि पार्टीका केहि नेताहरुले धर्मनिरपेक्ष घोषणा गर्दा हामी जुन प्रकारको प्रतिकार गर्नुपर्ने थियो तर गर्न सकिएन । धर्मनिरपेक्ष घोषणा भएदेखि संघ परिवारले निरन्तर रुपमा हिन्दुराष्ट्रको लागि नेताहरुलाई झकझकाउँदै आएको छ तर सम्पूर्ण हिन्दु समाज एकजुट नभएका कारण हिन्दुराष्ट्र नगराउँन नसकेको उनले बताए ।

नेपाली जनताले एउटै एजेन्डा हिन्दुराष्ट्र बनाउँनु पर्छ । उनले भने, ‘अब नेपाली जनताको पहिलो प्राथमिकता हिन्दुधर्म त्यसपछि राजनितिक हुनुपर्छ ।’ घर घरमा आउँने नेताहरुलाई पहिलो प्राथमिकतामा हिन्दु राष्ट्रको एजेन्डा लिएर आएमात्र भोट दिन्छौ भन्ने अभियान चलाए मात्र नेपाल हिन्दुराष्ट्र बनाउँन सकिने बताए ।

भेलामा विश्व हिन्दु परिषदका राष्ट्रिय संगठन मन्त्री प्रहलाद रेग्मीले पनि कर्तव्य र त्यागबाट नै नेपाललाई पुन हिन्दुराष्ट्र बनाउँन सकिने बताए ।

भगवान र माता पिताले नै जन्म दिएर हाम्रो सार्थक जिवन दिएका छन । विश्वको लागि आत्मगौरव पूर्ण सनातन संस्कृतिको भूमि हिन्दुराष्ट्रको गौरवमा जन्म भएको र त्यसको मुल्य चुकाउन मृत्युलाई पनि मेरो जीवनको सार्थकता प्राप्त होस् भन्ने निष्ठापुर्व हिन्दुधर्मप्रति कर्तव्य निर्वाह गर्न जरुरी रहेको उनले बताए ।

उनले दलगत स्वार्थ भन्दा माथि उठेर पहिलो भाव हिन्दुधर्म नै हो भन्ने विश्वासका साथ एकजुट भएर अगाडी बढेमात्र नेपाललाई हिन्दुराष्ट्र कायम गराउँन सकिने बताए । नेपाललाई हिन्दुराष्ट्र कायम गराउँन सहि समय आएको हुनाले सम्पूर्ण हिन्दु समाज वडा देखि नगर, जिल्लासम्म संगठित भएर जोडदार आवाज उठाउनुपर्ने बताए ।

हिन्दुराष्ट्र स्वाभिमान जागरण अभियानको आयोजित भेलामा विभिन्न राजनितिक दलका प्रतिनिधि, स्थानियबुद्धिजिवी, युवा, महिला, पुरुष, संचारकर्मी लगायतको सहभागिता रहेको थियो । भेलाले अभियानलाई सफल बनाउँन वडा स्तरीय देखि नगर, पालिका स्तरीय संगठन विस्तार गरी अगाडी बढ्न सुझाएका थिए ।

हिन्दु स्वयंसेवक संघ पर्साका संघचालक ललन द्धुवेदीको अध्यक्षतामा भएको भेलामा विश्व हिन्दु परिषदका जिल्ला अध्यक्ष ओम प्रकाश साह, उपाध्यक्ष कृष्णमोहन सहाय, रामराज्य परिषदका जिल्ला अध्यक्ष धमेन्द्र पटेल, पंडीत पुरुषोत्तम द्धुवे, शंकराचार्य पिठका अध्यक्ष डा. अनिल झा लगायतको उपस्थित रहेको थियो ।

ईतिहास, संस्कृति, परम्परा, पहिचान र जनसंख्याको आधारमा नेपाल हिन्दु राष्ट्र नै हो, भन्ने मान्यताको साथ हिन्दुराष्ट्र स्वाभिमान जागरण अभियानले नेपाललाई पुन हिन्दुराष्ट्र बनाउँन पूर्व प्रधानसेनापती रुक्तमाग्गद कटवालको संयोजगत्वमा देशभरी नै अभियान चलाईरहेको छ ।

चैनपुरमा नवनिर्मित वडा कार्यालय भवनकाे उद्घाटन

0

वीरगंज । बाराको परवानीपुर गाउँपालिका वडा नं ४ चैनपुरमा नवनिर्मित वडा कार्यालयकाे भवनको साेमबार एक कार्यक्रमकाे बिच उद्घाटन गरिएकाे छ । करिब ४० लाखको लागतमा निर्माण भएको भवनकाे उद्घाटन वडाध्यक्ष गजेन्द्र प्रसाद पटेलले गरेका हुन् ।

भवन उद्घाटन गर्दै अध्यक्ष पटेलले आफ्नो भवन आजदेखि सञ्चालन भएकोमा खुशी व्यक्त गर्दै अब यस वडा बासीको लागि सेवा प्रवाहमा सहज भएको बताए । उनले आफ्नै कार्यकालमा नवनिर्मित वडा कार्यालयकाे भवनमाथी थप गरेर दुईतले भवन निर्माण गर्ने योजना रहेको बताए ।

वडाध्यक्ष पटेलले भवन निर्माणमा सबै राजनीतिक दल, समाजसेवी, युवा, बुद्धिजीवी, वडा सदस्य, कर्मचारी लगायतको सहयोग रहेको वताउँदै आउने दिनहरुमा विकास निर्माणको कार्यमा सहयोग लागि आग्रह गरे ।  

वडा सचिव सन्तोष कुमार नेपालीले नयाँ भवन निर्माण भईसकेपछि हामी कर्मचारीहरुलाई पनि काम गर्नमा सजिलो भएकाे वताउँदै खुशी व्यक्त गरे ।

कार्यक्रममा गाउँपालिकाकी उपप्रमुख सावित्री देवी, वडा नं १ का वडाध्यक्ष मिश्री महतो, वडा नं २ का वडा अध्यक्ष इशवरि साह तेली, प्रहरी चौकी बुनियादका प्रहरी इन्चार्ज सुनिल सिंह राजपूत लगायतकाे उपस्थिती रहेको थियो ।

सखुवा प्रसाैनीबाट अवैध हतियारसहित एक जना पक्राउ

0

वीरगंज । प्रहरीले अवैध हतियारसहित एक जनालाई पक्राउ गरेकाे छ । पर्साकाे सखुवा प्रसौनी गाउँपालिका वडा नं.५ महुवन बस्ने बर्ष ६० को रामबाबु प्रसाद कलवारलाई नियन्त्रणमा लिएकाे हाे ।

आफ्नो घर भित्र अवैध हतियार लुकाई छिपाई राखिएको छ भन्ने सुचना प्राप्त भएपछि पुगेकाे प्रहरीले अवैध हतियार बराद गरी उनलाई नियन्त्रणमा लिएकाे जिल्ला प्रहरी कार्यालय पर्साले जनाएकाे छ ।

प्रहरी चाैकी महुवनबाट खटिएकाे प्रहरी टाेलीले साेमबार विहान ०९:०० बजे कलवारको घर रीतपूर्वक खानतलासी गर्दा सुत्ने कोठाभित्र लुकाइ छिपाई राखिएको एयर गन (Air gun)  १ थान फेला परेकाे जिल्ला प्रहरी कार्यालय पर्साका प्रवक्ता एवम् प्रहरी नायब उपरिक्षक ओमप्रकाश खनालले वताए ।

बरामद एयर गनसहित निजलाई नियन्त्रणमा लिई ईलाका प्रहरी कार्यालय पोखरियामा ल्याई हात हतियार सम्बन्धी कसूरमा अनुन्धान अगाडि बढाइएको उनले जानकारी दिए ।

खैराे हिराेइनसहित पकहा मैनपुर १ का वडाध्यक्ष सहनी पक्राउ

0

वीरगंज । पर्सा प्रहरीले लागु औषध खैराे हिराेइनसहित एक वडाध्यक्षलाई नियन्त्रणमा लिएकाे छ ।

जिल्ला प्रहरी कार्यालय पर्सा मातहतका इलाका प्रहरी कार्यालय पोखरियाबाट सदा पाेसाकमा खटिएकाे प्रहरीले वीरगंज महानगरपालिका वडा नं. १९ बर्वास्थित तिलावे पुल नजिककाे सडकबाट आइतबार राती १०:३० बजे पकहा मैनपुर गाउँपालिकाकाे वडा नं. १ धाेरेका वडाध्यक्ष अम्बिका सहनीलाई नियन्त्रणमा लिएकाे हाे ।

वडाध्यक्ष सहनी चढेको ना १ ब ३५९५ नम्बरकाे सरकारी पल्सर मोटर साइकलकाे फिल्टर बक्सबाट ७९ ग्राम खैरो हिरोईन जस्तो देखिने बस्तु फेला परेकाेले नियन्त्रणमा लिइएकाे जिल्ला प्रहरी कार्यालय पर्साका प्रवक्ता एवम् प्रहरी नायब उपरिक्षक ओमप्रकाश खनालले बताए ।

पक्राउ परेका वडाध्यक्ष सहनी नेकपा एमालेबाट निर्वाचित वडाध्यक्ष हुन् ।

यस्तै, उनकाे पछाडी संग सगै आएको ना ६२ प १९४२ नम्बरको मोटरसाइकलमा सवार साेही ठाउँ निवासी बर्ष ४० को बलिष्टर सहनी र सोही मोटरसाइकलकाे पछाडी सवार साेही ठाउँ निवासी बर्ष ५२ को राम आदेश सहनी समेतलाई नियन्त्रणमा लिइएकाे प्रवक्ता खनालले जानकारी दिए ।

पक्राउ परेका बलिष्टर सहनी पकहा मैनपुर गाउँपालिका वडा नं. १ कै वडा सदस्य हुन् भने अर्का आदेश सहनी पनि वडाध्यक्ष सहनीकाे नजिककाे व्यक्ति हुन् ।

३ दिने प्रशंसनीय खोज तालिम सुरु

0

वीरगंज । दिब्य युवा क्लब पर्सा र एक्सनएड नेपालको संयुक्त साझेदारीमा सञ्चालित स्थानिय अधिकार कार्यक्रम अन्तर्गत संस्थाका कार्यसमिति तथा कार्यक्षेत्रका कर्मचारीहरुको लागि ३ दिने प्रशंसनीय खोज तालिम शुक्रबादेखी वीरगंजमा सुरु भएकाे छ ।

सुरु भएकाे तालिमकाे उद्घाटन जिल्ला समन्वय समिति पर्साका उप प्रमुख ठाकुर प्रसाद न्याैपानेले गरेका थिए । तालिमकाे उद्घाटन गर्दै उप प्रमुख न्याैपाने तालिमले खाेज पद्धतिकाे विकास हुने वताए ।

उनले खाेजलाई प्रशंसनिय ढंगले अगाडी बढाउनु पर्ने वताउँदै दिव्य निरन्तरता दिनु पर्ने सुझाए ।

जिल्ला समन्वय समिति, पर्साकाे सभा हलमा सुरु भएकाे तालिममा कार्यसमितिका १३ जना र कर्मचारी तर्फ १५ जना गरि जम्मा ३८ जनाको सहभागिता रहेको छ ।

तालिमकाे उद्देश्य बारे दिव्य युवा क्लबका कार्यकारी निर्देशक रामाकान्त पटेलले गरेका थिए ।

तालिमकाे मुख्य उद्धेश्य चाही अहिलेको परस्थितिलाई मध्य नजर गर्दै समाजिक परिचालनमा नयाँ परस्थितिका साथमा कसरी समुदायमा परिचालन हुने र समाजमा परिवर्तन ल्याउन, अबको नौलो अभ्यास के हुने भनी रहेको उनले वताए ।

दिव्य युवा क्लबका अध्यक्ष देवनाथ ठाकुरकाे अध्यक्षतामा भएकाे तालिम उद्घाटन कार्यक्रममा जिल्ला समन्वय अधिकारी छबिरमण भट्टराई, दिव्य युवा क्लबका उपाध्यक्ष सुकमिन देबी, सचिव जयनारायण चाैधरी, काेषाध्यक्ष कन्हैया प्रसाद लगायतकाले शुभकामना मन्तव्य राखेका थिए भने कार्यक्रमकाे संचालन संस्थाका जयनारायण चाैधरीले गरेका थिए ।