Date
बिहि, मंसिर ३, २०८३
Thu, November 19, 2026
Home Blog Page 786

काेराेना संक्रमणबाट पाेखरियाका युवककाे मृत्यु

0

वीरगञ्ज । पर्सामा कोरोना संक्रमणबाट थप एक जनाकाे मृत्यु भएको छ । पोखरिया नगरपालिकाकाे वडा नं. १ का ३३ वर्षीय पुरुषको कोरोना संक्रमणबाट मृत्यु भएको नारायणी अस्पतालका काेभिड संयाेजक डा. उदयनारायण सिंहले वताए ।

स्वास्थ्यमा समस्या देखिएपछि भदौ १० गते उनी नारायणी अस्पतालमा भर्ना भएका थिए । सोही दिन पीसीआर परीक्षण गर्दा उनमा कोरोना संक्रमण पुष्टि भएको थियो । उपचारको क्रममा बिहीबार राति पौने २ बजे उनको मृत्यु भएको संयोजक डा. सिंहले जानकारी दिए ।

‘बिरामीको फोक्सो ९० प्रतिशत जति खराब भइसकेको थियो, रगतमा पनि संक्रमणको लक्षण देखिएको थियो,’ उनले भने, ‘स्वास्थ्य अवस्थामा सुधार नै हुन सकेन, बिहान मृत्यु भयो ।’

नारायणी अस्पतालमा असार २३ गते यता कोही पनि संक्रमितको मृत्यु भएको थिएन । पर्सामा हाल १२ जना मात्रै सक्रिय संक्रमित छन् ।

पर्साका एक सय बाढि पिडित परिवारलाई राहत

0

वीरगंज । नेपाल भारत महिला मैत्री समाजले पर्सा जिल्लाका बाढी पहिरो पिडितलाई राहत सामग्री बितरण गरेका छन । बुधबार बिरगंज स्थित भारतिय बाणिज्य दूतावासमा आयोजित एक कार्यक्रमको बिच पर्सा जिल्लाका विभिन्न ४ स्थानीय तहका करिव १०० पीडित परिवारलाई बितरण गरिएको छ । पर्सा जिल्लाको जनगरनाथपुर गाउँपालिकाका ४१ घर धुरी, जिराभवानी गाउँपालिकाका २४ घर धुरी, बिरगंज महानगरपालिकाका १६ र पर्सागढि नगरपालिकाका १६ बाढी पहिरो पीडित प्रत्येक परिवारलाई टेन्ट, सुकुल, ठूलो, सानो, मझौला किसिमको लगभग ३५ लाख भन्दाबढी मुल्य पर्ने राहत सामग्री प्रदान गरिएको हो ।

बाढीपहिरो पीडितलाई सहयोग गरेकोमा भारत सरकारलाई धन्यबाद ज्ञापन गर्दै समाजकी अध्यक्ष एवं सघीय सांसद चौधरीले नेपाल भारत संबन्ध जनस्तरमा कहिले पनि कमजोर नहुने बिस्वास ब्यक्त गर्दै कसैले चाहेर पनि कमजोर नहुने बताइन । दुई देशको सम्बन्ध रोटीबेटीको मात्र नभई सदियौं देखि प्राकृतिक सम्बन्ध पनि रहेको छ यसलाई कसैले चाहेर पनि कम्जोर गर्न सक्दैन ।

उनले भनिन, ’नेपाल भारतको संबन्ध दुःख सुखको सम्बन्ध हो । यो राजनीतिक स्तरमा भन्दा कैयौं गुणा जनस्तरमा दुई देशका जनताबिच बलियो सम्बन्ध रहेको छ ।’ यो सम्बन्धलाई अझै प्रगाढ बढाउँनु पर्छ । केहि राजनितिक दलले दुई देशको सम्बन्धमा फाटो लगाउँने काम गर्दै आएका छन, उनले भनिन् यसले केहि फरक पर्दैन हाम्रो सम्बन्ध जनस्तरबाट प्रगाढ छ । न कुनै राजा महाराजाले बनाएको सम्बन्ध हो न कसैले विगार्न खोज्दैमा विग्रिदैन ।उ

नले भारतको सहयोगमा करिब ४ करोडको राहत समाग्री बाढी पहिरो पिडितलाई वितरण गरेको बताईन । प्राज्ञिक विद्यार्थी परिषद र नेपाल भारत महिला मैत्री समाज मार्फत भारत सरकारको सहयोगमा प्राप्त भएको राहत समाग्री नेपालका विभिन्न ठाउँमा आएको बाढी पहिरो पिडितलाई राहत स्वरुप समाग्री उपलब्ध गराईएको उनले बताईन ।

भारत सरकारको सहयोगबाट प्राप्त राहत सामग्री समाजकी अध्यक्ष चन्दा चोधरीको अध्यक्षता र भारत बाणिज्य दूतावासका महाबाणिज्य दुत नितेश कुमार, पोलिटिक कन्सुलर शैलेन्द्र कुमार, कंसुलर शशी भुषणको बिशेष उपस्थितमा बितरण गरिएको थियो ।

जोखिम न्युनिकरणका लागि कुनै कसर बाँकी नराख्ने मन्त्री साहको प्रतिबद्धता

0

वीरगंज । प्राकृतिक तथा दैविक प्रकोपको जोखिममा रहेको प्रदेश २ लाई जोखिम न्युनिकरण गर्नका लागि कुनै कसर बाँकी नराख्ने प्रदेश नम्बर २ का आन्तरिक मामिला तथा सञ्चार मन्त्री भरत प्रसाद साहले प्रतिबद्धता जनाएका छन् ।

प्रदेश सरकार र आन्तरिक मामिला तथा सञ्चार मन्त्रालयद्वारा जनकपुरस्थित मधेश भवनमा आयोजित बारुण यन्त्र हस्तान्तरण कार्यक्रमलाई सम्बोधन गर्दै मन्त्री साहले जोखिम न्युनिकरण गर्ने कार्य चुनौतीपुर्ण भएपनि उक्त चुनौतीलाई आफुले अवसरको रुपमा लिएको बताए । उनले भने, ‘हाम्रो प्रदेश विपद्का दृष्टिकोेणले उच्च जोखिममा छ । तथापी हामी यस विषयमा गम्भिर छौँ । केही हदसम्म जोखिम न्युनिकरण गर्न वारुण यन्त्रले पनि महत्वपूर्ण भूमिका निर्वाह गर्ने विश्वास लिएको छु ।’

विभिन्न किसिमका जोखिमहरुको व्यवस्थापनका लागि केही समयभित्रै गोाष्ठी एवम् तालिमकोे व्यवस्थापन गर्ने मन्त्री साहको भनाई छ । सो अवसरमा १ वटा नेपाली सेनासहित ४ वटा स्थानीय तह गरी ५ वटा वारुण यन्त्र हस्तान्तरण गरिएको छ । १ वटा वारुण यन्त्रको ५६ लाख रुपैयाँका दरले ५ वटाको २ करोड ८० लाख परेको मन्त्रालयले जनाएको छ ।

तत्कालिन आन्तरिक मामिला तथा सञ्चार मन्त्रीले खरिद गरेर वितरण गर्न नसकेर यत्तिकै थन्किएका वारुण यन्त्र मन्त्री साहले पर्साको सखुवाप्रसौनी गाउँपालिका, महोत्तरीको सम्सी गाउँपालिका र रामगोपालपुर नगरपालिका, धनुषाको गणेशमान चारनाथ नगरपालिका र नेपाली सेनाको श्री ९ नम्बर बाहिनी बर्दिबासलाई वारुण यन्त्र हस्तान्तरण गरिएको मन्त्री साहका सञ्चार संयोजक शिवम शाहले जानकारी दिए ।

शाहका अनुसार सखुवाप्रसौनी गाउँपालिकाका अध्यक्ष प्रदिप कुमार जयसवाल, सम्सी गाउँपालिकाका अध्यक्ष नगिना देवी यादव, रामगोपलपुर नगरपालिकाका नगरप्रमुख अशोक कुमार मण्डल, गणेशमान चारनाथ नगरपालिकाका नगरप्रमुख रामबाबु यादव र नेपाली सेनाका प्रतिनीधिलाई वारुणयन्त्र हस्तान्तरण गरिएको हो ।

होटल व्यवसायी संघ पर्साका पदाधिकारीहरु माओवादी केन्द्रमा प्रवेश

0

वीरगंज । होटल व्यवसायी संघ पर्साका पदाधिकारीहरु नेकपा माओवादी केन्द्रमा प्रवेश गरेका छन् । होटल व्यवसायी संघ पर्साका वरिष्ठ उपाध्यक्ष विद्यालाल प्रसाद, उपाध्यक्ष छविलाल उप्रेती, महासचिव तबरेज आलम, कोषाध्यक्ष दल बहादुर किंगरिंग, सदस्य कन्हैया अग्रवाल लगायतका व्यवासयीहरुले माओवादी केन्द्रमा प्रवेश गरेका हुन । काठमाडौंको खुमलटारस्थित अध्यक्ष प्रचण्ड निवासमा भएको एक कार्यक्रमका बिच होटल व्यवसायीहरु माओवादी केन्द्रमा प्रवेश गरेको माओवादी केन्द्र वीरगंज महानगरपालिका इन्चार्ज रहबर अंसारीले बताए ।

नवप्रवेशीहरुलाई पूर्व प्रधानमन्त्री एवं पार्टीका राष्ट्रिय अध्यक्ष पुष्पकमल दाहाल (प्रचण्ड)ले टिका तथा खादा लगाएर पार्टी प्रवेश गराएका थिए । सो पार्टी प्रवेश कार्यक्रममा स्थायी समिति सदस्य देवेन्द्र पौडेल, पर्सा जिल्ला ईन्चार्ज उर्मिला अर्याल, जिल्ला संयोजक विजय महतो, महानगर ईन्चार्ज रहबर अन्सारी, प्रदेश सदस्य रामदरश कुशवाहा, बालेश्वर थारु, अखिल क्रान्तिकारी केन्द्रिय सदस्य प्रभाकर गुप्ता लगायतका नेताहरुको सहभागीता रहेको थियो । पर्सा जिल्लामा नेकपा माओवादी केन्द्रलाई होटल व्यवसायी संघमा पार्टी प्रवेशले थप उर्जा बढेको तथा आम जनमानसमा पार्टीप्रति विश्वास बढनुको साथै आत्मबल पनि बढेको पार्टीका महानगर ईन्चार्ज रहबर अंसारीले बताए ।

सिमा खोलाई दिन अध्यक्ष प्रचण्डलाई बुझाईयो ज्ञापन

होटल व्यवसायी संघ पर्साले आफ्ना विभिन्न मागहरु सहित नेकपा माओवादी केन्द्रका अध्यक्ष पुष्पकमल दाहाल ‘‘प्रचण्ड’’लाई ज्ञापनपत्र बुझाएको छ । होटल व्यवसायी संघ पर्साका महासचिव तबरेज आलमको नेतृत्वमा गएका व्यवसायीहरुले अध्यक्ष प्रचण्डलाई बुझाएको ज्ञापनपत्रमा कोभिड–१९ ले नेपाल भारत सीमा नाका बन्द रहेका कारण होटल तथा पर्यटन व्यवसायीहरुले ठुलो क्षति बेहोर्नु परेको जनाईएको छ । हाल सम्म महामारीको समयमा होटल व्यवसायीले कुनै पनि किसिमको आर्थिक अनुदान संघ, प्रदेश र स्थानिय सरकारबाट नपाएको भनि ध्यानाकर्षण समेत गराएका थिए ।

नेपाल सरकारले जारी गरेको स्वास्थ्य मापदण्ड पालना गरी बन्द रहेका नेपाल भारत सिमा खुल्ला गर्नु पर्ने, बैंक तथा वित्तिय संघसंस्थाहरुबाट नेपाल सकारले जारी गरेको राहत प्याकेज अन्तरगतको सहुलियत ऋण उपलब्ध गराउनु पर्ने, व्यवासयीहरुको उत्थानको लागि घरबहादल, बैंकको ब्याज, किस्ता लगायत व्यवसायिक करमा विशेक्ष छुट दिनु पर्ने, ५० लाख सम्मको सहुलियत पूर्ण कर्जाको व्यवस्था गर्नु पर्ने, भारतीय पर्यटकको आवतजावतमा प्रयोग हुने भारतीय नम्बर प्लेटका गाडीहरुलाई नेपाल आउनमा सहजीकरण गर्नु पर्ने लगायतका मागहरु सो ज्ञापनपत्रमा उल्लेख गरिएको छ ।

सो ज्ञापनपत्रमा होटल व्यवसायी संघ पर्साका बरिष्ठ उपाध्यक्ष विधालाल प्रसाद र महासचिव तबरेज आलमले संयुक्त रुपमा हस्ताक्षर गर्नु भएको छ ।

पकहा मैनपुरकी उपाध्यक्षसहित पर्सामा ३ जनाले राेजे लाेसपा

0

वीरगंज । पर्सामा पकहा मैनपुर गाउँपालिकाकी उपाध्यक्ष कुशमी देवीसहित ३ जना जनप्रतिनिधिले लाेकतान्त्रीक समाजवादी पार्टी (लाेसपा) नेपाल राेजेका छन् ।

पर्साका ३ जना जनप्रतिनिधिले लाेसपाकाे पक्षमा सनाखत गरेकाे जिल्ला निर्वाचन कार्यालय पर्साकी प्रमुख रंजिता झाले वताइन ।

वीरगंजकाे राधेमाईमा रहेकाे जिल्ला निर्वाचन कार्यालयमा पुगेर पकहा मैनपुर गाउँपालिकाकी उपाध्यक्ष कुशमीसहित पाेखरिया नगरपालिका वडा नं. १ का वडाध्यक्ष बंका राउत कुर्मी र जगरनाथपुर गाउँपालिका वडा नं. ६ का वडाध्यक्ष अयाेध्या पटेलले लाेसपा राेज्दै हस्ताक्षर गरेका हुन् ।

यस्तै, प्रदेश सभा सदस्य प्रहलाद गिरीले पनि लाेसपा राेज्ने बुझिएकाे छ । उनी भाेली (बिहिबार) प्रदेश निर्वाचन कार्यालय जनकपुरमा पुगेर महन्थ ठाकुर नेतृत्वकाे लाेसपा राेज्दै हस्ताक्षर गर्ने उनी निकट स्राेतले जनाएकाे छ ।

लाेसपा राेज्नेहरु सबै जना गत निर्वाचनमा तत्कालिन संघिय समाजवादी फाेरमबाट निर्वाचित भएका जनप्रतिनिधिहरु हुन् । 

राप्रपा पर्साको नगर अध्यक्षमा जलेश्वर सर्राफ

0

वीरगंज । राष्ट्रिय प्रजातन्त्र पार्टी, पर्सा नगर कार्यसमितिको सम्पन्न नगर अधिवेशनले जलेश्वर सर्राफको अध्यक्षतामा ४१ सदस्यीय नगर कार्यसमिति गठन गरेको छ ।

वीरगन्जको होटल सम्झनामा सम्पन्न नगर अधिवेशनले अध्यक्ष सर्राफ सहित ४१ सदस्यीय नगर कार्यसमिति गठन गरेको हो । नवगठित कार्यसमितिको उपाध्यक्षमा देव कुमार सर्राफ, सचिवमा राजेश गुप्ता तथा सदस्यहरुमा क्रमश, अजय पौडेल, रेणु श्रेष्ठ, अर्जुन सिंह ठकुरी, सकल पासवान लगायत रहेको नगर अध्यक्ष सर्राफले बताए ।

यसअघि अधिवेशनको उदघाट्न सत्रलाई सम्बोधन गर्र्दै पार्टीका केन्द्रिय सदस्य शम्भु चौरसियाले राप्रपा पार्टीले नै देशको हित गर्न सक्ने दावी गर्नुभयो । उहाले वर्तमान राजनितिक परिवेशले देशको विकास नभई विनाश तर्फ प्रमुख राजनितिक दल लागि परेको आरोप समेत लगाए ।

अहिले काँग्रेस, एमाले, माओवादी र मधेशवादी दलले मुलुकको हित भन्दा पनि आफनो सत्ता र भत्ताको लागि पार्टी फुटाउँ अभियानमै लागेका छन यसले मुलुकको विकास भन्दा पनि विनाश तर्फ उन्मुख भएको उनले बताए ।

मुलुकमा परिर्वतनको नाममा गणतन्त्र ल्याएपनि गणतन्त्रको यर्थाथ कर्म र मर्म राजनितिक दलले बुझन सकेको छैन, गणतन्त्रको नाममा देशलाई टुत्रा टुत्रा बनाएर आफनो विलासी जिवन प्रमुख राजनितिक दलका नेताहरुले विताई रहेको उनको आरोप छ ।

दलका पूर्व जिविस पर्साका सभापती समेत रहेको नेता चौरसियाले भने, देश र जनताको विकास र उन्नतीको लागि एकमात्र विकल्प राजा सहितको हिन्दु राष्ट्र नै रहेको हुनाले नक्कली गणतन्त्रवादीहरुको भ्रममा नपरी देश हितमा रहेको राप्रपालाई नै सहयोग गर्नै आग्रह छ ।

उदघाट्न समारोहमा पार्टीका जिल्ला सभापती अंगद ठाकुर, केन्द्रिय सदस्य नगिना यादव, जिल्ला उपाध्यक्ष अवधकिशोर साह, लगायतले सम्बोधन गरेका थिए ।

बारामा पेस्तोलसहित दुई जना पक्राउ

0

वीरगंज । बारा प्रहरीले युएसए पेस्ताेलसहित दुई जनालाई पक्राउ गरेकाे छ । बाराकाे सिम्रौनगढ नगरपालिका वडा नं. ४ गंगानगर बस्ने बर्ष ३५ को राजेश प्रसाद यादव र साेही ठाउँ बस्ने बर्ष २० को जितेन्द्र प्रसाद कुशवाहालाई प्रहरीले पक्राउ गरेकाे हाे ।

तालुक २ नं. प्रदेश प्रहरी कार्यालय जनकपुर र जिल्ला प्रहरी कार्यालय बारा मातहतकाे समेतबाट खटिएको संयुक्त प्रहरी टोलीले बाराकाे सिम्रौनगढ नगरपालिका वडा नं. ६ स्थित बिधायक होटेलबाट मंगलबार दिउसाे ४ बजे पाेस्ताेलसहित दुबै जनालाई पक्राउ गरिएकाे प्रहरीले जनाएकाे छ । 

पक्राउ परेकाहरुकाे साथबाट लुकाई छिपाई राखेको अवस्थामा Made in USA नं.७७७७० लेखिएको म्याग्जिन सहित पेस्तोल थान-१ र एक्स्ट्रा म्याग्जिन थान-१ सहित फेला परेकाे जिल्ला प्रहरी कार्यालय बाराका प्रवक्ता एवम् प्रहरी नायब उपरिक्षक गाैतम मिश्रले वताए ।

परिक्षार्थीहरुलाई खाेप लगाउन अखिल क्रान्तिकारी जीतपुरकाे माग

0

वीरगंज । परिक्षार्थीहरुलाई काेराेना विरुद्धकाे खाेप लगाउन अखिल क्रान्तिकारी जितपुर सिमराले माग गरेकाे छ ।

अखिल क्रान्तिकारीले जीतपुर सिमरा उपमहानगरपालिका र इलाका प्रशासन कार्यालय सिमरा मार्फत जिल्ला प्रशासन कार्यालय बारालाई ज्ञापन पत्र बुझाउँदै कक्षा १२ का परिक्षार्थीहरुलाई काेराेना विरुद्धकाे खाेप लगाउन माग गरेकाे हाे ।

अखिल क्रान्तिकारी जीतपुर सिमराका अध्यक्ष दिपेन्द्र यादवकाे नेतृत्वमा गएकाे विद्यार्थी नेताहरुले जीतपुर सिमरा उपमहानगरपालिकाका स्वास्थ्य शाखा सह संयाेजक बाबुलाल सहनी र इलाका प्रशासन कार्यालय सिमराका प्रमुख लक्ष्मण ढकाल ज्ञापन पत्र बुझाउँदै खाेप लगाउन माग गरेका हुन् ।  

ज्ञपान पत्र बुझाउँदै अखिल क्रान्तिकारीका अध्यक्ष यादवले १२ कक्षाको परीक्षा तयारी गरिरहेका सबै परीक्षार्थीलाई कोभिड विरुद्धको भ्याक्सिन लगाएपछि मात्रै परीक्षा गरिने भनेर राष्ट्रिय परीक्षा बोर्डले भनिसकेको अवस्थामा जीतपुर सिमरा उपमहानगरपालिकामा परिक्षार्थीहरुलाई खाेप लगाउन कुनै तयारी नदेखिएकाेले ध्यानकार्षण गराइएकाे वताए ।

उनले भने “बोर्डकै पहलमा कक्षा १२ को परीक्षा पर्खेर बसेका विद्यार्थीलाई प्रवेशपत्र देखाएर कोभिड विरुद्धको भ्याक्सिन दिने काम देशका विभिन्न स्थानमा भइरहेको छ । नजिकैको वीरगञ्ज महानगरपालिकाले समेत कक्षा १२ का परीक्षार्थीलाई भ्याक्सिन लगाउन सुरु गरिसकेको छ । तर जीतपुर सिमरा उपमहानगरपालिकाले भने यझै यसतर्फ कुनै सुनुवाई नै गरेकोले ज्ञापन पत्र मार्फत खाेप लगाउन ध्यानाकर्षण गराएका हाैं ।”

राष्ट्रिय परीक्षा बोर्डले यही महिनाको अन्त्य वा असोजको पहिलो सातादेखि परीक्षा गर्ने तयारी गरिरहेको छ । सबै परीक्षार्थीलाई भ्याक्सिन लगाइसकेको निश्चित गरेपछि बोर्डले परीक्षा लिने निश्चित छ । तर जीतपुर सिमारा उपमहानगरपालिकाले विद्यार्थीलाई अहिलेसम्म भ्याक्सिनको व्यवस्था नगरिदिँदा आउँदो परीक्षा दिन पाउने हो कि होइन भन्ने चिन्ताले विद्यार्थीलाई पिरोल्न थालेको छ ।

कक्षा १२ को परीक्षा तयारी गरिरहेका विद्यार्थीलाई तत्काल खोपको व्यवस्था गरी विद्यार्थीको भविष्यमा खेलवाड नगरिदिन अखिल क्रान्तिकारी जीतपुर सिमरा उपमहानगर कमिटी अनुरोध छ । उपमहानगरले भ्याक्सिन उपलब्ध नगराएकै कारण विद्यार्थीको परीक्षा छुट्ने स्थिति आउनु हुँदैन पनि ज्ञापन पत्र मार्फत ध्यानाकर्षण गराइएकाे छ ।

ज्ञापन पत्र बुझाउनमा अखिल क्रान्तिकारी जीतपुर सिमराका उपाध्यक्ष शशिकान्त चौधरी, श्यामकुमार पासवान, सचिव तोप बहादुर श्रेष्ठ(रवि), कोसाध्यक्ष शुष्मा श्रेष्ठ, सह सचिव दिलशाद आलम, सदस्य प्रशांत बजगाई लगायतकाे सहभागिता रहेकाे थियाे ।