[real3dflipbook id=”170″]
पोखरियाको रानीगंज आयुर्वेद संस्थामा लापरवाही
वीरगंज । पर्साको पोखरिया नगरपालिकाको आयुर्वेद स्वास्थ्य संस्थामा सेवाग्राहीले सेवा नपाएको व्यापक जन गुनासो आईरहेको छ । जिल्लाकै सबैभन्दा पुरानो आयुर्वेद स्वास्थ्य संस्थामा रानीगंज आयुर्वेद संस्था पर्दछ ।
कुनै समय सेवाग्राहीको व्यापक भिड लाग्ने रानीगंज आयुर्वेद स्वास्थ्य संस्था अहिले भूत बंगलाजस्तै बनेको छ । क्यौं पटक सेवा लिन गएका स्थानीय त्यहाँ प्राविधिक कर्मचारी नभेटिने र कार्यालय सहयोगी मात्र भेटिने गुनासो गर्दछन् । नेपाल सरकारले तोकेका सेवासमेत त्यस संस्थाबाट प्रवाह नहुने गरेको जनगुनासो छ । संस्था प्रमुख रामेश्वर साह र प्राविधिक ब्रजेश झा त्यस संस्थामा कार्यरत रहेपनि हप्तामा एक÷दुई दिन मात्र आउने स्थानीय बताउँछन् ।
यस विषयमा पोखरिया नगरपालिकामा सम्पर्क गर्दा आयुर्वेद शाखा हेर्ने राबिन्द्र कुमार यादवले आफू बैरिया विर्ता आयुर्वेद संस्था हेर्ने र यहाँ जनतालाई जिल्लाभरीकै संस्था मध्ये प्रभावकारी रुपमा सेवा प्रवाह गरेको बताउँछन् । पर्सा जिल्ला भित्र रहेको संस्थामध्ये बैरिया बिर्ता आयुर्वेद संस्था सेवा प्रवाहमा अग्रपंक्तिमा रहेको दाबी गर्दै यादवले रानीगंज संस्थाबारे कमीकमजोरी रहेको स्वीकार्छन् ।
आफूले रानीगंज संस्थामा सेवा प्रवाह नगर्ने र त्यहाँका कर्मचारीलाई कारबाही समेत गर्न नमिल्ने बताउँदै यादवले यो विषयमा नगरपालिकाले नै निगरानी गर्नु पर्ने बताए । उनले रानीगंजका स्थानीय समेत बैरियाको संस्थामा सेवा लिन आउन गरेको बताए ।
यस विषयमा रानीगंजका संस्था प्रमुखलाई रामिश्वर साहसंग फोन सम्पर्क गर्न खोज्दा मोबाईल स्वीच अफ रहेको पाईयो ।
बारा प्रहरीको संरक्षणमा विभिन्न नाकाहरुबाट व्यापक तस्करी
बाराको सिमावर्ती क्षेत्रबाट व्यापक रुपमा तस्करी मौलाएको छ । भारतको सिमासंग जोडिएको विभिन्न नाकाहरुबाट प्रहरीकै संरक्षणमा तस्करी धन्धा मौलाएको हो ।
जिल्ला प्रहरी कार्यालय बाराबाट अपराध र अबैध गतिविधी नियन्त्रणका लागि खटिएका प्रहरीहरुकै विषेश पहमा सिमावर्ती क्षेत्रहरुबाट व्यापक तस्करी भईरहेको स्रोतले जनाएको छ । भारतसंग जोडिएको बाराको मटिअर्वा, सिम्रौनगढ, कवहि, अमवा लगायतको नाकाबाट तस्करीहरु भईरहेको नाम उल्लेख नगर्ने शर्तमा प्रहरीले नै जनाएको छ । सिमावर्ती नाका मटिअर्वा, सिम्रौनगढ, कवही, अमवा लगायतका नाकाहरुबाट कपडा, कुखुरा, कुखुराको चल्ला, भौसी, खाद्य, चिनी, हार्डवेयर लगायतका समानहरुको प्रहरीकै संरक्षणमा तस्करी भईरहेको जनाईएको छ ।
तस्करीलाई निरुत्साहित गर्ने जिम्मेवारी पाएका प्रहरीहरुले नै तस्करहरुको संरक्षण गर्दै तस्करी धन्धाहरुलाई तिब्रता दिने क्रममा बारा कचोरवाको सन्दिप यादव, रामबाबु यादव, छेना यादव, जट्टाशंकर यादव लगायतका तस्करहरुले निर्वाद्य रुपमा करोडौंको राजश्व छली गरी भारतबाट कपडाहरु आयात गरी नेपालका विभिन्न सहरहरुमा निर्यात गर्ने गरेको जनाईएको छ । त्यसैगरी, बाराकै भूमन मियाँ, सुरेन्द्र प्रसाद साह कलवार लगायतका तस्करहरुले अबैध रुपले भैसीको तस्करी गरिरहेको समेत जनाईएको छ । त्यस्तै, राजु यादव, रामबाबु यादवले कुखुरा र कुखुराका चल्लाहरुको अबैध ओसार पोसार गर्ने गरेको समेत जनाईएको छ । साथै सुनिल यादव, लगायतले खसी, बाख्राको अबैध ओसार पोसार गर्दै लाखौं, करोडौं कर छली गरिरहेको विभिन्न स्रोतले जनाएको छ ।
आफूलाई इन्मन्दार र कर्तव्यनिष्ट बताउने प्रहरी अधिकारीहरुकै निर्देशनमा बारा प्रहरीका प्रहरी जवान महाबिर साह सोनार र राकेश कुमार यादव लगायतका प्रहरी जवानहरुले उक्त तस्करी धन्धाबाट लाखौं कमाई आफ्ना उच्च पदस्त अधिकारीहरुलाई बुझाउने गरेकोले तस्करी धन्धा मौलाएको जनाईएको छ ।
बिन्दवासिनीमा नि:शुल्क आँखा शिविर सम्पन्न
वीरगंज । पर्साको बिन्दवासिनी गाउँपालिका वडा नं. ३ ईटियाहीमा एक दिने निःशुल्क आँखा चेक जाँच तथा परामर्श शिविर सम्पन्न भएको छ ।
श्री हनुमान मन्दिर विकास समिति विन्दवासिनी गापा ३ ईटियाहिको आयोजना तथा नारायणी आई केयर बिर्ता वीरगंजको प्राविधिक सहयोगमा भएको शिविरमा २०७ जनाले आँखा परिक्षण गराएकाे आयोजक संस्थाले जनाएको छ ।
ईटियाहीको श्री कामाख्यामाई बचत तथा ऋण सहकारी संस्थाको प्राङ्गणमा भएको शिविरमा जय पोलिक्लिनिक नारायणी आई केयर वीरगंजका नेत्र रोग विशेषज्ञ एवं नारायणी अस्पतालका आँखा विभागका प्रमुख डा. बि.डि चौरसिया, दृष्टि विशेषज्ञ प्रभात चौरसिया, राजेश यादव लगायतको टिमले आँखा परिक्षण गरेका थिए ।
आँखा परिक्षणको क्रममा आँखाका रोगीहरुलाई निःशुल्क रुपमा औषधी समेत वितरण गरिएको थियो । आँखाको नजदिकी तथा दुरीका समस्या भएका १०० जना बिरामीहरुलाई निःशुल्क रुपमा चश्मा समेत वितरण गरिएको कार्यक्रमका व्यवस्थापक मुकेश चौरसियाले जानकारी दिए ।
शिविरमा संचारकर्मी अजय कुमार चौरसिया, दिपक चौरसिया, रामेश्वर चौरसिया लगायत स्थानिय समाजसेवी, बुद्धिजिवि लगायतको सहभागीता रहेको थियो ।
नेकपा (एकिकृत समाजवादी) बाराकाे बैठक सम्पन्न
कलैया । नेपाल कम्यूनिष्ट पार्टी (एकिकृत समाजवादी) पार्टी बाराकाे बैठक शनिबार सम्पन्न भएकाे छ । बिक्रम ठाकुरको अध्यक्षता र पार्टीका केन्द्रीय सदस्य दिनेश राईको प्रमुख आतिथ्यतामा बसेकाे बैठक सम्पन्न भएकाे हाे ।
बैठकले पार्टीलाई सुदृढ, संगठित तथा जनआधारित पार्टी निर्माणको साथै पार्टी अध्यक्ष माधव कुमार नेपालकाे प्रमुख आतिथ्यतामा भदाै २७ गते हुने पूर्ण जिल्ला कमिटी गठन, विस्तार र शपथ ग्रहण कार्यक्रमलाई सफल बनाउन मञ्च व्यवस्थापन, आर्थिक उपसमिति, स्वयंसेवक तथा जनपरिचालन उपसमितिहरु गठन गरेकाे छ ।
साथै प्रचारप्रसार उपसमिति रमेश सुवेदीले संयोजन गर्ने, प्रत्येक स्थानीय तहबाट न्यूनत्तम ५० जना अगुवा कार्यकर्ता उपस्थिती गराउने, स्थानीय तहहरुले आ आफ्नो वडा, गाउँ, नगर, उपमहानगरकाे भेला, भदाै २७ गते कलैयामा हुने कार्यक्रमलाई भव्य र सभ्य बनाउन पनि निर्णय गरेकाे छ ।
यस्तै, बैठकले जिल्लामा प्रतिनिधी सभा विघटन तथा प्रतिगमनको विरोधमा रहेका र १० बुँदेको भुलभुलैयामा रहेका पार्टीका नेता तथा कार्यकर्ताहरुलाई सँगै रहेर कम्यूनिष्ट आन्दोलन सुद्धिकरण अभियानमा जुट्न आह्वान समेत गरेको छ ।
बैठकमा वाेल्दै केन्द्रीय सदस्य दिनेश राईले सबै उपमहानगर, नगर तथा गाउँपालिका कमिटीकाे पार्टी संगठनहरुमा व्यापक छलफल गरी २७ गतेको जिल्ला अगुवा भेलालाई सपल बनाउन आह्वान गरे ।
उनले व्यक्तिवाद तथा व्यक्तिहरुको पछि नलाग्न तथा पार्टी, संगठन, बित्री, पद्दतीका आधारमा चल्ने सँस्कृतीको विकासमा लाग्न आग्रह गरे । केपि ओलीको व्यक्तिवादी प्रवृत्तीले एमाले यस अवस्थामा पुगेको स्मरण गर्दै जिल्लाका कोही कसैले हाम्रो आन्दोलनलाई पछि पार्न नसक्ने उनले दाबी समेत गरे ।
साथै लोकतन्त्रक तथा समाजवादी आन्दोलनलाई सुटृढ गर्दै सुखी नेपाली र समृद्ध नेपाल सपना साकार पार्ने अभियानमा जुट्न उनले आह्वान समेत गरे ।
बैठकमा पार्टीका नेता बिक्रम राम, बतहु यादव, डा. द्वारिका उप्रेती, वीरेन्द्र प्रसाद शाह, सकल राम, श्री प्रसाद पासवान, अरुण यादव, वैद्यनाथ साह, हारिओम साह, राम यादव, कौशलकिशो सिंह, राजेश पटेल, कमला अधिकारी, मालती कुशवाहा, ध्रुव यादव, श्रीनिवास महतो, उस्मान अंसारी, अमलदेव यादव, वीरेन्द्र यादव, विजेन्द्र चौधरी, आ.के. भट्टराई, विन्दा यादव, शम्भु गिरी लगायत जिल्ला सचिवालय सदस्य, जिल्ला कमिटीका सदस्य, जनवर्गीय संगठन तथा बुद्धिजिवीहरुको उपस्थिति रहेको थियो ।
कृष्ण जन्माष्टमीकाे अवसरमा रक्तदान कार्यक्रम सम्पन्न
वीरगंज । गोपाल सेवा समिति पर्साकाे आयाेजनामा शनिबार वीरगंजमा रक्तदान कार्यक्रम सम्पन्न भएकाे छ। श्री कृष्णको ५२४८ औ जन्मोत्सवको अवसरमा भएकाे कार्यक्रममा ३ महिलासहित २३ जनाले रक्तदान गरेका छन् ।
गोपाल सेवा समिति पर्साका अध्यक्ष सुरेन्द्र प्रसाद यादवको अध्यक्षतामा भएकाे रक्तदान कार्यक्रमको उद्घाटन रक्तदान गरी युवा नेता अमित यादवले गरेका थिए ।
वीरगंजकाे राधेमाईस्थित गोपाल सेवा समितीद्वारा आयोजित श्री कृष्णा जन्मोत्सव पुजा स्थलमा भएकाे कार्यक्रममा सुमन यादव, पक्राश कुमार साह, रबिन्द्र कुमार यादव, राजेश यादव, अरबिन्द यादव, पुनम यादव, विकास माली, सुनिल यादव, राजेश यादव, सुजित यादव लगायतकाले रक्तदान गरेकाे कृष्णा यादवले वताए ।
युवा गोपाल सेव समिति पर्साका अध्यक्ष कृष्ण यादवले स्वागत एवम् क्षेत्रीय सचिव हरि यादवले संचालन गरेकाे कार्यक्रममा गोपाल सेवा समिति पर्साका सचिव शिवचन्द्र यादव, समाजसेवि एवम् युवा नेता रबिन्द्र यादव, नेपाली कांग्रेसका नेता श्रीकान्त यादव, राकेश यादव, महन्थ यादव लगायतको उपस्थिति रहेको थियो ।












