Date
बिहि, मंसिर ३, २०८३
Thu, November 19, 2026
Home Blog Page 787

परिक्षार्थीहरुलाई खाेप लगाउन अखिल क्रान्तिकारी जीतपुरकाे माग

0

वीरगंज । परिक्षार्थीहरुलाई काेराेना विरुद्धकाे खाेप लगाउन अखिल क्रान्तिकारी जितपुर सिमराले माग गरेकाे छ ।

अखिल क्रान्तिकारीले जीतपुर सिमरा उपमहानगरपालिका र इलाका प्रशासन कार्यालय सिमरा मार्फत जिल्ला प्रशासन कार्यालय बारालाई ज्ञापन पत्र बुझाउँदै कक्षा १२ का परिक्षार्थीहरुलाई काेराेना विरुद्धकाे खाेप लगाउन माग गरेकाे हाे ।

अखिल क्रान्तिकारी जीतपुर सिमराका अध्यक्ष दिपेन्द्र यादवकाे नेतृत्वमा गएकाे विद्यार्थी नेताहरुले जीतपुर सिमरा उपमहानगरपालिकाका स्वास्थ्य शाखा सह संयाेजक बाबुलाल सहनी र इलाका प्रशासन कार्यालय सिमराका प्रमुख लक्ष्मण ढकाल ज्ञापन पत्र बुझाउँदै खाेप लगाउन माग गरेका हुन् ।  

ज्ञपान पत्र बुझाउँदै अखिल क्रान्तिकारीका अध्यक्ष यादवले १२ कक्षाको परीक्षा तयारी गरिरहेका सबै परीक्षार्थीलाई कोभिड विरुद्धको भ्याक्सिन लगाएपछि मात्रै परीक्षा गरिने भनेर राष्ट्रिय परीक्षा बोर्डले भनिसकेको अवस्थामा जीतपुर सिमरा उपमहानगरपालिकामा परिक्षार्थीहरुलाई खाेप लगाउन कुनै तयारी नदेखिएकाेले ध्यानकार्षण गराइएकाे वताए ।

उनले भने “बोर्डकै पहलमा कक्षा १२ को परीक्षा पर्खेर बसेका विद्यार्थीलाई प्रवेशपत्र देखाएर कोभिड विरुद्धको भ्याक्सिन दिने काम देशका विभिन्न स्थानमा भइरहेको छ । नजिकैको वीरगञ्ज महानगरपालिकाले समेत कक्षा १२ का परीक्षार्थीलाई भ्याक्सिन लगाउन सुरु गरिसकेको छ । तर जीतपुर सिमरा उपमहानगरपालिकाले भने यझै यसतर्फ कुनै सुनुवाई नै गरेकोले ज्ञापन पत्र मार्फत खाेप लगाउन ध्यानाकर्षण गराएका हाैं ।”

राष्ट्रिय परीक्षा बोर्डले यही महिनाको अन्त्य वा असोजको पहिलो सातादेखि परीक्षा गर्ने तयारी गरिरहेको छ । सबै परीक्षार्थीलाई भ्याक्सिन लगाइसकेको निश्चित गरेपछि बोर्डले परीक्षा लिने निश्चित छ । तर जीतपुर सिमारा उपमहानगरपालिकाले विद्यार्थीलाई अहिलेसम्म भ्याक्सिनको व्यवस्था नगरिदिँदा आउँदो परीक्षा दिन पाउने हो कि होइन भन्ने चिन्ताले विद्यार्थीलाई पिरोल्न थालेको छ ।

कक्षा १२ को परीक्षा तयारी गरिरहेका विद्यार्थीलाई तत्काल खोपको व्यवस्था गरी विद्यार्थीको भविष्यमा खेलवाड नगरिदिन अखिल क्रान्तिकारी जीतपुर सिमरा उपमहानगर कमिटी अनुरोध छ । उपमहानगरले भ्याक्सिन उपलब्ध नगराएकै कारण विद्यार्थीको परीक्षा छुट्ने स्थिति आउनु हुँदैन पनि ज्ञापन पत्र मार्फत ध्यानाकर्षण गराइएकाे छ ।

ज्ञापन पत्र बुझाउनमा अखिल क्रान्तिकारी जीतपुर सिमराका उपाध्यक्ष शशिकान्त चौधरी, श्यामकुमार पासवान, सचिव तोप बहादुर श्रेष्ठ(रवि), कोसाध्यक्ष शुष्मा श्रेष्ठ, सह सचिव दिलशाद आलम, सदस्य प्रशांत बजगाई लगायतकाे सहभागिता रहेकाे थियाे ।

पर्सामा माधव समूहकाे समानान्तर जिल्ला कमिटी नेकपा एसमा समाहित

0

वीरगंज । पर्सामा गठन भएको नेकपा एमाले माधवकुमार नेपाल समूहको समानान्तर कमिटी नै नेकपा (एकीकृत समाजवादी) पार्टीमा रुपान्तरण भएको छ ।

बालगाेपाल थापाकाे नेतृत्वमा बनेको सिंगो समानान्तर कमिटी माधवकुमार नेपाल अध्यक्ष रहेको नेकपा (एकीकृत समाजवादी) पार्टीमा समाहित हुने निर्णय गरेको हो । जिल्ला सचिवालयकाे मंगलबार बसेकाे बैठकले सिंगो जिल्ला कमिटी नेकपा (एकीकृत समाजवादी) पार्टीमा समाहित हुने निर्णय गरेकाे अध्यक्ष थापाले वताए ।

जिल्लाकाे सदरमुकाम वीरगंजमा बसेकाे सचिवालयकाे बैठकले प्रतिगमन बिरोधि आन्दोलनले एमाले भित्र संगठित गरेको समानान्तर कमिटी माधव नेपाल नेतृत्वकाे नेकपा (एकिकृत समाजवादी)मा समाहित हुने निर्णय गरेकाे उनले जानकारी दिए ।

नेकपा (एकिकृत समाजवादी)का केन्द्रिय सदस्य एवम् पर्सा जिल्ला इन्चार्ज रामचन्द्र साहकाे प्रमुख आतिथ्यमा बसेको बैठकले नवगठित जिल्ला कमिटीकाे सपथ ग्रहण वीरगंज बसपार्कस्थित साेल्टी पार्टी प्यालेसमा भदाै २६ गते गर्ने निर्णय समेत गरेकाे छ ।

साथै अग्रगमनका पक्षधर र इमान्दार कम्युनिष्ट नेता तथा कार्यकर्ताहरुलाई नेकपा एकिकृत समाजवादी पार्टीमा समाहित हुन आवहान गरेकाे जिल्ला सचिव बिक्रम चाैरसियाले वताए ।

बैठकमा वीरगंज महानगर कमिटीका अध्यक्ष मनाेज चाैधरी, प्रदेश कमिटीका सदस्यहरु किशाेरी कुशवाहा, याेगेन्द्र यादव लगायतकाे उपस्थिती रहेको थियो ।

ग्यास बुलेटकाे ठक्करबाट ड्राइपाेर्टमा साइकल यात्रीकाे मृत्यु

0

वीरगंज । वीरगंज महानगरपालिकाकाे वडा नं. २५ ड्राइपाेर्टमा भारतिय नम्बरकाे ग्यास बुलेटकाे ठक्करले साइकल यात्रीकाे मृत्यु भएकाे छ ।

एन.एल. ०१ ए.बि. ४३७३ नम्बरकाे ग्यास बुलेटकाे ठक्करबाट पर्साकाे बहुदरमाई नगरपालिका वडा नं. २ पिपरा निवासी ३० बर्षिय लालबाबु साह मृत्यु भएकाे जिल्ला प्रहरी कार्यालय पर्साका प्रवक्ता एवम् प्रहरी नायब उपरिक्षक ओमप्रकाश खनालले वताए ।

ड्राइपाेर्टबाट निस्किरहेकाे ग्यास बुलेटले मंगलबार दिउसाे १२ बजे साइकल यात्री मृतक साहलाई ठक्कर दिएकाे प्रवक्ता खनाले वताए । मृतककाे शव परिक्षणकाे लागि वीरगंजस्थित नारायणी अस्पतालमा राखिएकाे उनले जानकारी दिए । 

ठक्कर दिने ग्यास बुलेट र चालक भारतको मज्जफरपुर निवासी २६ बर्षिय ललन कुमार रायलाई प्रहरीले नियन्त्रणमा लिएकाे छ । 

असाहय समिक्षालाई सान इन्टरनेशनल कलेजले नि:शुल्क शिक्षा प्रदान गर्ने

0

काठमाडौ । पिताको निधनपछी असाहय बनेकी सिन्धुपाल्चोकको सुनकोसी गाँउपालिका ६ कि समीक्षा बस्नेतलाई काठमाडौंको सान इन्टरनेशनल कलेजले नि:शुल्क शिक्षा प्रदान गर्ने भएको छ ।

समिक्षालाई कलेजले कक्षा ५ देखी कक्षा १२ सम्म नि:शुल्क पढाउने गरि भर्ना लिएको हो । उनका पिता नेत्र बस्नेतको गत साउन २७ गते एपेण्डीसाईटका कारण ३६ वर्षकै उमेरमा मृत्यु भएको थियो । कक्षा ४ मा अध्ययनरत उनकी छोरी समिक्षाको पठन पाठनमा सहयोग पुर्‍याउने हेतुले उक्त कलेजले सतप्रतिशत छात्रवृत्तिमा उच्च शिक्षासम्म प्रदान गर्ने भएको हो ।

कलेजले साेमबार एक औपचारिक कार्यक्रम आयोजना गरी समिक्षालाई विद्यालयमा स्वागत गर्दै औपचारिक रुपमा भर्ना लिएको छ । सुनकोशी गाउँपालिकाका वडा न ६ का अध्यक्ष रामकुमार थापाको समन्वयमा समिक्षालाइ सो कलेजमा भर्ना गराइएको हो ।

छात्रा समिक्षालाई आफ्नो बिद्यालयमा स्वागत गर्दै कलेजका प्रधानाध्यापक बिष्णु पाण्डेले उनको शिक्षामा कुनै किसिमको कमी हुन नदिने प्रतिवद्धता जनाए । उनले आफ्नो कलेजले विगतका दिनमा पनि गरिब, असाहय तथा जेहेन्दार छात्रछात्राहरुलाई छात्रवृत्ति प्रदान गर्दै आईरहेको बताए ।

‘शिक्षालाई नाफामुलक ब्यवसायको रुपमा भन्दा पनि सामाजिक र मानसिक बिकासको पाटोको रुपमा ग्रहण गर्न आवश्यक रहेको छ ।’ प्रधानाध्यापक पाण्डेले भने-‘हामी हाम्रा विद्यार्थीबाट मासिक शुल्कको आशा भन्दा पनि विद्यार्थीको ब्यवहार र प्रवृत्तिमा कस्तो परिवर्तन आयो भन्नेमा बढी ध्यान दिन्छौ ।’

समिक्षालाई नि:शुल्क शिक्षा प्रदान गराउनको लागि पहलकदमी भूमिका निर्वाह गर्ने वडाध्यक्ष रामकुमार थापाले सान इन्टरनेशनल कलेजले विगतका दिनमा पनि सिन्धुपाल्चोकको बाढिपीडित परिवारका अन्य बालबालिकालाई पनि नि:शुल्क शिक्षाको जिम्मेवारी बोकेको स्मरण गर्दै आफ्नो पिता गुमाएर असाहय भएकी समिक्षा बस्नेतको समेत अबिभावकत्व ग्रहण गरिदिएकोमा बिद्यालयका ब्यवस्थापन पक्षलाई धन्यवाद ब्यक्त गरे ।

मृतक नेत्र बस्नेतको परिवारलाई थुम्पाखर एकता समाजका सदस्यहरु मार्फत साहनुभुती स्वरुप रु १ लाख ५७ हजार आर्थीक सहयोग संकलन गरी पिडीत परिवारलाई प्रदान गरीएक‍ो बताउदै समाजका सँस्थापक अध्यक्ष दिपेश भण्डारीले आफ्नो गाऊँठाऊँका सदस्यहरुलाई अफ्ठेरो पर्दा युवाहरु एक जुट हुने गरेको बताउनु भयो ।

समाजिक अभियन्ता यज्ञराज कार्कीले मृतक बस्नेतको परिवारका निमित्त सामाजिक संजाल मार्फत थालेको आर्थिक संकलन अभियानमा जोडिएर सहयोग गर्ने सबैलाई धन्यवाद दिदै आर्थिक सहयोग भन्दा पनि सैक्षिक सहयोगको अपरिहार्यता रहेको बताउदै अबोध बालिकाको सिक्षामा सहयोग गरेकोमा शान इन्टरनेशन कलेज प्रती आभार ब्यक्त गरे ।

कार्यक्रममा थुम्पाखर एकता समाजका उपाध्यक्ष रामचन्द्र कार्की, कोषाध्यक्ष हरी कार्की, समाजसेवी युवा प्रमोद तमाङ्ग लगायत समिक्षाकी आमा संगिता दहाल बस्नेत समेतको उपस्थिती रहेको थियो ।

वीरगंजमा मासिक र सप्ताहिक पत्रिकाकाे एकै साथ बिमाेचन

0

वीरगंज । प्रदेश नम्बर २ का उर्जा तथा खानेपानी मन्त्री ओमप्रकाश शर्माले संचार संस्थाकाे विकासकाे लागि आफु सदैव तत्पर रहेकाे वताएका छन् । 

वीरगञ्जबाट प्रकाशित हुने रंगीन मासिक पत्रिका ‘द मिरर अफ सोसाइटी’ र वीरगञ्ज सञ्जाल सप्ताहिक पत्रिकाको बिमोचन कार्यक्रमलाई सम्बोधन गर्दै मन्त्री शर्माले संचार संस्थाकाे लागि आफुले अनुदानमा वैकल्पिक उर्जाकाे रुपमा साेलार वितरण गर्न लागेकाे वताए ।

कार्यक्रमका प्रमुख अतिथि समेत रहेका मन्त्री शर्माले खानेपानीको समस्याबाट गुज्रिरहेका बाराको अमलेखगञ्जका बासिन्दालाई समस्याबाट मुक्त गराउने प्रयासमा आफु लागेको बताए । त्यसकाे लागि बजेट छुट्याएर काम समेत अगाडी बढाई सकेकाे वताउँदै मन्त्री शर्माले अमलेखगंज बासीकाे लागि आफ्नै कार्यकालमा खानेपानीकाे प्रबन्ध गर्ने प्रतिबद्धता जनाए ।

द मिरर आफ सोसाइटीका प्रकाशक एवम् सम्पादक आरसी यादवको अध्यक्षतामा भएको बिमोचन कार्यक्रममा नेपाल उद्योग वाणिज्य महासंघ प्रदेश नम्बर २ का अध्यक्ष गणेश लाठ, जगरनाथपुर गाउँपालिकाका अध्यक्ष जालिम मियाँ,  वीरगञ्ज उद्योग वाणिज्य संघका अध्यक्ष सुवोध कुमार गुप्ता, संविधान सभा सदस्य आत्माराम साह, नेपाल पत्रकार महासंघका केन्द्रिय सचिव दिपेन्द्र चौहान, रेडियाे वीरगंजका कार्यकारी अध्यक्ष ध्रुव साह, जनता समाजवादी पार्टी पर्साका अध्यक्ष रामनरेश यादव, लोकतान्त्रिक समाजवादी पार्टीका नेता नेजामुद्धिन समानी, नेपाली कांग्रेसका नेता महमद साहबुदिन, नेकपा माओबादी केन्द्रका नेता बाबुराम कौशिक, अधिवक्ता सुरेन्द्र कुर्मी, द मिरर अफ साेसाइटीका सह सम्पादक बिरेन्द्र साह, पन्नालाल साह, वीरगंज संजालका प्रकाशक कृष्ण श्रीवास्तव लगायतकाले मन्तव्य व्यक्त गरेको थिए ।

वीरगंजस्थित राेयल पार्टी प्यालेसमा भएकाे कार्यक्रमको सहजिकरण रेखा सिँहले गरेकी थिइन् ।

कृष्ण जन्माष्टमीको अवसरमा वीरगंजमा भव्य शोभायात्रा

0

वीरगंज । विश्व हिन्दु परिषदले ५७ औं अन्तराष्ट्रिय स्थापना दिवसको अवसरमा श्री कृष्ण जन्माष्टमी धुमधामका साथ वीरगन्जमा मनाएको छ । श्रीकृष्ण जन्माष्टमीको अवसरमा विश्व हिन्दु परिषद पर्साले वीरगन्जमा भव्य रुपमा भगवान श्रीकृष्णको शोभायात्रा निकालेको हो ।

वीरगंज ८ गहवाबाट निकालिएको शोभायात्रा रेल्वे रोड हुदै विर्ता, अलखियामठ, आर्दशनगर, घडिअर्वा, माईस्थान, घण्टाघर हुँदै पुन: गहवाको श्रीकृष्ण मन्दिरमा पुगी काेण सभामा परिणत भएको थियो । शोभायात्रामा सहभागिहरुले भगवान श्री कृष्ण जय जयकारको नारा तथा जय श्री राम, हर हर महादेव लगायत धार्मिक नारा लगाउँदै उत्साहपूर्वक यात्रा सम्पन्न गरेका थिए ।

शोभायात्रा सम्पन्न पश्चात श्रीकृष्ण मन्दिरमा आयोजित सभालाई सम्बोधन गर्दै विश्व हिन्दु परिषदका राष्ट्रिय महासचिव जितेन्द्र कुमार सिंहले वीरगन्जबाट निकालिएको शोभायात्रा हिन्दु धर्मावलम्बीहरुको लागि ऐतिहासिक र गर्भको कुरा भएको बताउँनु भयो ।

हिन्दु विभिन्न जातजातिमा बाटिएपनि हामी एकआपसको सहोदर दाजु भाई नै हौ, उनले भने, ‘ विश्व हिन्दु परिषदको दृष्टीमा कुनैपनि समुदाय सानो ठूलो छैन सब सम्मान रुपमा रहेको हुनाले आफनो धर्म संस्कृति जोगाउँन सम्पूर्ण हिन्दु समाज एकजुट हुनुपर्छ । ’ बैद्धिक सनातन धर्म यस्तो धर्म होे, जहाँ हामी आमालाई पुजा गर्छौ, ‘ नेपाल एउटा यस्तो पवित्र भुमि हो जहाँ हामी कन्यालाई पुजा गछौ महासचिव सिंहले भने, विश्वको ऐतिहासिक चिनारी पनि हो यसको संमरक्षण गर्न हाम्रो कर्तव्य रहेको हुनाले सम्पूर्ण हिन्दु समाज एकजुट भएर सनातन धर्मको रक्षा गर्नुपर्छ ।’

वडा नम्बर ८ का वडाध्यक्ष राजकिशोर साहको अध्यक्षतामा भएकाे कार्यक्रममा विश्व हिन्दु परिषद नेपालका जिल्ला अध्यक्ष ओम प्रकाश साह, जिल्ला सचिव कृष्ण मोहन सहाय, वीरगन्ज महानगर अध्यक्ष बृजेश मल्लिक, जिल्ला सदस्य मोहन पटेल, अजय सिंह लगायत स्थानियको उल्लेखनिय सहभागिता रहेको थियो ।

परिषदको कार्यालय उद्घाटन

वीरगंजमा विश्व हिन्दु परिषद नेपालको कार्यालय समेत उद्घाटन गरिएको छ । वीरगन्ज गहवास्थित भिमसेन मन्दिर अगाडी रहेको परिषदको कार्यालय विश्व हिन्दु परिषद नेपालका राष्ट्रिय महासचिव जितेन्द्र कुमार सिंहले विधिवत रुपमा पुजापाठ गरी उद्घाटन गरेका हुन् ।

कार्यक्रममा हिन्दु स्वयंसेवक संघका राष्ट्रिय प्रचारक बेद प्रकाश जी, संघका जनकपुर सम्भाहक रन्जीत साह, परिषदका युवा कार्यकर्ता अमन साह, सागर सर्राफ, राज सोनी लगायतको सहभागिता रहेको थियो ।

जगरनाथपुर गाउँपालिका पूर्ण खोप घोषणा

0

वीरगंज । पर्साको जगरनाथपुर गाउँपालिका पूर्ण खोप घोषणा भएको छ । पाालिका खोप समन्वय समिति जनगरनाथपुर गाउँपालिकाको आयोजनामा आईतबार भएको एक समारोहका बिच गाउँपालिकालाई पूर्ण खोप घोषणा गरिएको हो ।

जन्मदेखि १५ महिनाको उमेरसम्म १२ रोगको बिरुद्ध सम्पूर्ण खोप लगाइएको हँुदा गाउपालिकालाई पूर्ण खोप घोषणा गरिएको गाउँपालिकाको स्वास्थ्य शाखा जनाएको छ । गाउपालिकाको सभा हलमा भएको कार्यक्रममा जिल्ला सम्वन्य समिति पर्साको प्रमुख नेक महम्द आंसारीले पूर्ण खोप गाउँपालिका घोषणा गरेका थिए ।

कार्यक्रमका प्रमुख अतिथि समेत रहेका प्रमुख अंसारीले खोपले बालबालिकामा रोगसंग लड्न प्रतिरोधात्मक क्षमतामा शक्ति मिल्ने बताए । उनले खोप नलगाए बालबालिकामा विभिन्न किसिमको रोग लाग्ने सम्भावना बढि भएकोले अभिभावकले समयमै आ–आफ्ना बालबालिकालाई खोप लगाउनु पर्ने बताए ।

गाउँपालिका अध्यक्ष जालिम मियाँको अध्यक्षतामा भएको कार्यक्रममा पर्साका प्रमुख जिल्ला अधिकारी पिताम्बर घिमिरे, सशस्त्र प्रहरी उपरिक्षक राजेन्द्र खड्का, जिल्ला प्रहरी कार्यालय पर्साका प्रवक्ता एवम् प्रहरी नायब उपरिक्षक ओमप्रकाश खनाल, नेपाली कांग्रेसका नेता सोहरुम राउन गद्दी, जसपाका नेता महमद सरिफ गद्दी लगायतकाले मन्तव्य राखेका थिए । ‘स्वास्थ्य समृद्ध र नमूना जगरनाथपुर गाउँपालिका हाम्रो अभियान’, ‘पूर्ण खोप सूरक्षित भविष्य, हाम्रो स्वाभिमान’ भन्ने नाराको साथ कार्यक्रम आयोजना गरिएको थियो । कार्यक्रमको संचालन गाउँपालिका स्वास्थ्य संयोजक प्रवेन्द्र साहले गरेका थिए ।

कार्यक्रममा पूर्ण खोप घोषणामा योगदान पु¥याउने विभिन्न व्यक्तिहरुलाई सम्मान समति गरिएको थियो ।