Date
बिहि, मंसिर ३, २०८३
Thu, November 19, 2026
Home Blog Page 775

भाेजपुरी फिल्म “बिहार से काठमाडाैं” काे सुटिङ शुभारम्भ

0

वीरगंज । भाेजपुरी फिल्म “बिहार से काठमाडाैं” काे सुटिङ सुभारम्भ भएकाे छ । वीरगंजका अभिनेता प्रदेशी साह र काठमाडाैंकी अभिनेत्री एलिना बास्काेटाकाे मुख्य अभिनय रहेकाे फिल्मकाे सुटिङ बुधबार एक कार्यक्रमकाे बिच सुभारम्भ गरिएकाे हाे ।

नेपाल पत्रकार महासंघकाे सभा हलमा भएकाे शुभारम्भ समाराेहका प्रमुख अतिथी नेशन मेडिकल कलेजका निर्देशक बसरुदिन अन्सारीले फिल्मले भाेजपुरी भाषाकाे प्रबर्द्धन हुने वताए । उनले “बिहार से काठमाडाैं” नाम राखिएकाे भाेजपुरी फिल्मले भारत र नेपाल बिचकाे राेटी बेटीकाे सम्बन्ध प्रागाढ समेत बनाउने वताए ।

काठमाडाैं मेडिकल कलेजका निर्देशक समेत रहेका अन्सारीले फिल्म सुटिङकाे लागि आवश्यकता परे कलेज पनि उपलब्ध गराउने प्रतिबद्धता जनाए । उनले वीरगंजका प्राेडुसरहरुकाे मुख्य लगानीमा निर्माण हुने फिल्मबाट यहाँका स्थानिय कलकारहरुलाई माेका दिनु पर्ने वताए ।

आशुताेष फिल्म प्राेडुसन प्रा.लि., नमस्ते नेपाल इन्टरटेनमेन्ट र वीरगंजका व्यवसायी नविन कुमार अग्रवालद्वारा निर्माण भइरहेकाे फिल्मकाे निर्देशक नारायण दत उपाध्याय रहेका छन् भने प्राेडुसरहरुमा वीरगंज कै किरण सरकार र गाेपाल पाैडेल रहेका छन् ।

वीउवा संघका अध्यक्ष गुप्ता “प्रोफेसनल डक्टरल सर्टिफिकेट”बाट सम्मानित

0

वीरगंज । वीरगंज उद्योग वाणिज्य सङ्घका अध्यक्ष सुबोध कुमार गुप्तालाई युरोपियन इन्टरनेशनल युनिभरसिटी, पेरिस, फ्रान्सले ग्लोबल लिडरसीप एण्ड म्यानेजमेन्टमा “प्रोफेसनल डक्टरल सर्टिफिकेट”बाट सम्मानित गरेको छ । सेराटन दुबई क्रिक होटल्स एण्ड टावर्समा आयोजित कार्यक्रममा गुप्तालाई युनिभरसिटीले भव्य समारोहका बीच सम्मान गरेको हो ।

उनले वर्षौदेखि सामाजिक सेवा, संस्थागत र आर्थिक विकासको क्षेत्रमा पु¥याएकाे उल्लेखनीय योगदानका फलस्वरुप युरोपियन इन्टरनेशनल युनिभरसिटीको मोनिटरिङ्ग बोर्डले गुप्तालाई “प्रोफेसनल डक्टरल सर्टिफिकेट” दिने निर्णय गरेकाे हो ।

बारा–पर्साका नीजिक्षेत्रका छाता संगठन वीरगञ्ज उद्योग वाणिज्य सङ्घको अध्यक्षका हैसियतले गुप्ताले प्राप्त गर्नु भएको यस किसिमको अन्तर्राष्ट्रिय क्षेत्रमा प्रतिष्ठित सम्मान वहाँको लागि मात्र नभई वीरगञ्ज उद्योग वाणिज्य सङ्घ र बारा–पर्साका सम्पूर्ण उद्योगी व्यवसायीको लागि गौरवको बिषय भएको वीरगंज उद्याेग वाणिज्य संघका कार्यवाहक अध्यक्ष अनिल कुमार अग्रवालले वताए ।

साथै गुप्ता नेपाल उद्योग वाणिज्य महासंघका कार्यकारणी सदस्य र नेपाल चामल, तेल, दाल उद्योग महासंघका केन्द्रिय अध्यक्ष भएको नाताले राष्ट्रका सम्पूर्ण उद्यमी व्यवसायीको लागि यो सम्मान महत्वको बिषय बनेको उनले वताए ।

नेपालको जिल्ला नगर उद्योग वाणिज्य संघ क्षेत्रबाट अध्यक्षको हैसियतले उल्लेखित सम्मान ग्रहण गर्ने गुप्ता पहिलो व्यक्तित्व हुन् । वीरगञ्ज उद्योग वाणिज्य सङ्घका अध्यक्ष गुप्तालाई यस किसिमको अन्तर्राष्ट्रिय सम्मान प्रदान गरिएकोमा युरोपियन इन्टरनेशनल युनिभरसिटी प्रति संघले हार्दिक आभार समेत व्यक्त गरेकाे छ ।

उनले आफ्नो व्यापार, व्यवसायको अलावा सामाजिक सेवा, संस्थागत तथा आर्थिक विकासका लागि विभिन्न सामाजिक एवम् व्यावसायिक संघ–संस्थाहरुमा आबद्ध रही नेपालको उद्योग, व्यापारको प्रबर्द्धन निमित्त विगत २ दशकदेखि निर्वाह गरेकाेमा नेतृत्वदायी भूमिकाका फलस्वरुप यस्तो अन्तर्राष्ट्रिय सम्मान प्राप्त गर्न सफल भएकाे संघका कार्यवाहक अध्यक्ष अग्रवालले वताए ।

गुप्ता वीरगञ्ज उद्योग वाणिज्य संघका अध्यक्ष, नेपाल उद्योग वाणिज्य महासंघका कार्यकारिणी सदस्य, नेपाल चामल, तेल, दाल उद्योग संघका केन्द्रीय अध्यक्षका साथै नेउवामहासङ्घ–बैंकिङ्ग, फाइनान्स एण्ड इन्स्योरेन्स कमिटीका उप–सभापति, नेउवामहासङ्घ–प्रदेश नं. २, नेपाल रेल्वे माध्यमिक विद्यालय, वीरगञ्ज र नेपाल रेडक्रस सोसाइटी, पर्साका सल्लाहकारको रुपमा हाल पनि सक्रिय रुपमा आफ्नो भूमिका निर्वहन गरि राखेका छन् ।

यस अघि उनलाई लायन्स क्लब इन्टरनेशनल, अञ्चल प्रहरी कार्यालय नारायणी, राष्ट्रिय सरोकार मञ्च नेपाल, उद्योग वाणिज्य सङ्घ–सिमरा, नागरिक सरोकार सेवा समाज सुधार समिति, नेपाल हिमालय सिमापार वाणिज्य सङ्घ, सानो पाइला, मानव सेवा आश्रम, नेपाल युवा उद्यमी मञ्च, निर्यात व्यवसायी महासङ्घ नेपाल लगायत विभिन्न सङ्घसंस्थाहरुले विभिन्न समयमा सम्मानित गरि सकेकाे छ ।

कालिकामाईमा अख्तियारकाे छापा, एक दर्जन फाइल नियन्त्रणमा

0

वीरगंज । पर्साको कालिकामाई गाउँपालिकामा अख्तियार दुरुपयोग अनुसन्धान अयोग हेटौंडाको टोलीले छापा मारेर एक दर्जन भन्दा बढी याेजनाकाे फाइलहरु नियन्त्रणमा लिएकाे छ ।

गाउँपालिकाकामा व्यापक भ्रष्टाचारमा भइरहेकाे समाचारहरु विभिन्न संचार माध्यममा प्रकाशनमा आएपछि र अख्तियारमा उजुरी परेपछि अख्तियारको टोली छानविन गर्न वडा नं. ३ हरिहरपुरस्थित रहेकाे गाउँ कार्यपालिकाकाे कार्यालय मै पुगेको हाे ।

आइतबार गाउँपालिका कार्यालय पुगेकाे अख्तियारकाे टोलीले एक दर्जन भन्दा बढी शंकास्पद योजना तथा कार्यक्रमहरुको कागजात आफ्नो नियन्त्रणमा लिएर साेमबार सांझ फर्केकाे थियाे ।

त्यसैगरी गाउँपालिकाको बिभिन्न वडामा संचालन भएको योजनाहरुको स्थलगत अवलोकन तथा  निरिक्षण समेत टोलीले गरेको थियो । टोलीले कार्यालयका कर्मचारी तथा सम्बन्धित जनप्रतिधिहरुसँग ब्यान समेत लिएर फर्केकाे छ ।

दुई दिनको अवधीमा कार्यालयबाट संचालन भएको योजनाहरुको फाइलहरुको समेत अध्ययन गरेको बताइएको छ । सो क्रममा अख्तियारको टोलीले गाउँपालिका कार्यालयको कर्मचारी तथा जनप्रतिनिधिहरुको मिलोमतोमा बिभिन्न योजनाहरुमा चरम भ्रष्टाचार भएको प्रमाणहरु फेला पारेको स्रोतको दाबी छ ।

अख्तिया दुरुपयोग अनुसन्धान आयोगको कार्यालय हेटौंडाका उप–सचिव एवम् सूचना अधिकारी विष्णु प्रसाद सापकोटाले कालिकामाई गाउँपालिले संचालन गरेको विकासे योजना, कर्मचारी भर्ना, सम्मान कार्यक्रम, धारा जडान कार्यक्रम, आइसुलेशन, नदी सफाई तथा सडक ढलान आदीको बिषयमा धेरै उजुरी परेको तथा आवश्यक कागजातहरु माग गर्दा गाउँपालिकाले समयमा नपठाई दिएको एवम् ताकेता गर्दा समेत सम्पर्कमा नआएपछि विज्ञ सहितको टोली छानविनको लागि गाउँपालिकाको कार्यालय मै पुगेको वताए ।

उनले केही योजनाहरुको कागजात टोलीले कार्यालयबाट संकलन गरेको वताउँदै उजुरीहरु उपर अनुसन्धान भइरहेको बताए । दोषी देखिएको खण्डमा भ्रष्टचारमा संलगन कर्मचारी तथा जनप्रतिनिधिहरु उपर कानुनी कारवाही गरिने सूचना अधिकारी सापकोटाले जानकारी गराए । 

यता गाउँपालिकाको कार्यालयमा अख्तियारको टोली पुगेपछि कर्मचारी तथा जनप्रतिनिधिहरु बिच खैलाबैला मच्चिएको छ । अनियमितता भएकाे याेजनामा संलग्नहरु त्रसित भएका छन् । अनुसन्धानको क्रममा केही कर्मचारी, ठेकेदार तथा जनप्रतिनिधिहरु अख्तियारको फन्दामा जाने निश्चित रहेको स्रोतको दावी छ ।

गत आर्थिक बर्षकाे अन्तिममा गाउँ कार्यपालिका कार्यालय पुगेका पत्रकारहरुकाे एक समुहले दर्ता चालनी रजिष्टरमा खाली ठाउँ राखेर दर्ता चलानी गरिएकाे रजिष्टर फेला पारेकाे थियाे ।

वीरगञ्जमा सुरक्षित गर्भपतन सम्बन्धी अन्तरक्रिया कार्यक्रम सम्पन्न

0

वीरगंज ।  अन्तराष्ट्रिय सुरक्षित गर्भपतन दिवसको अवसरमा वीरगञ्जमा अन्तरक्रिया कार्यक्रम सम्पन्न भएको छ । युवा नामक गैरसरकारी संस्थाले संस्कृति वीरगञ्जसँगको सहकार्यमा अन्तरक्रिया कार्यक्रम सम्पन्न भएकाे हो ।

संस्थाका कोषाध्यक्ष शतिष कर्णको सभापतित्वमा भएको उद्घाटन समारोहलाई सम्बोधन गर्दै वीरगञ्ज महानगरपालिकाका नगर प्रमुख विजय कुमार सरावगीले सुरक्षित गर्भपतनले नेपालमा वैधानिकता पाएको भएपनि धेरै नागरिक अनविज्ञ रहेको बताए । यौन तथा प्रजनन स्वास्थ्यको बारेमा सबैलाई सचेत बनाउन संघ संस्थाहरुको भूमिका महत्वपूर्ण हुने बताउँदै मेयर सरावगीले वीरगञ्ज महानगरपालिका पनि सहकार्य गर्न तयार रहेको बताए । 

त्यसैगरी पर्साको पोखरिया नगरपालिकाकी उपप्रमुख सलमा खातुनले गर्भपतन जस्तो संवेदनशिल विषयमा बहस र बिमर्स हुनुपर्ने आवश्यक्ता औँल्याईन् । अँझै पनि हाम्रो समाजमा यस विषयमा खुलेर कुरा गर्ने अवस्था नरहेको हुँदा लुकाउनुपर्ने र लाज मान्ने अवस्थाको अन्त्यका लागि सबै जागरुप हुनुपर्नेमा खातुनले जोड दिईन् । शिक्षा र समाजको तादम्यता नमिल्दा समस्या भएको बताउँदै उपप्रमुख खातुनले ग्रामिण क्षेत्रमा गर्भपतन सम्बन्धी ज्ञानको अभावकै कारण धेरैले नचाहेर पनि सन्तान जन्माउनुपर्ने बाध्यता रहेको बताईन् । 

उद्घाटन पश्चातको अन्तरक्रिया कार्यक्रममा वीरगञ्ज महानगरपालिकाको स्वास्थ्य तथा सामाजिक विकास महाशाखा संयोजक अरुण कुमार महतोले वीरगञ्ज महानगरपालिकाले स्वास्थ्य सँगै प्रजनन स्वास्थ्यलाई पनि प्राथमिकता दिएको बताए । वीरगञ्जको वडा नम्बर ९ र नारायणी अस्पताल  पर्ने वडा नमबर ३ र ४ बाहेक अरु सबै वडामा आधारभुत स्वास्थ्यको सुनिश्चितता भइसकेको महतोको भनाई छ । अशिक्षाकै कारण मातृ मृत्युदर पनि उच्च रहेको हुँदा सचेतना र जागरण फैलाउनुको विकल्प नरहेको महतोले बताए । 

नारायणी अस्पतालकी स्त्री तथा प्रसुती रोग विशेषज्ञ डा. प्रीति यादवले यौन तथा प्रजनन स्वास्थ्यको बारेमा ज्ञान भएर समाज र परिवारको डरका कारण पनि युवाहरु हिचकिचाउने गरेको बताईन् । उनले भनिन्, ‘१२ हप्तासम्मको गर्भलाई चिकित्सकको मञ्जुरीमा सुरक्षित रुपमा गर्भपतन गर्न सकिन्छ । सबैलाई जनचेतना जगाउन सके गर्भपतन गर्ने अवस्था नै आउँदैन ।’ ‘गर्भपतन भन्दा अगाडी नै अरु धेरै उपायहरु भएको हुँदा गर्भपतन अन्तिम विकल्प हो’, डा. यादवले भनिन् । 

सामाजिक अभियानता एवम् महिला अधिकारकर्मी डा. सुष्मा तिवारी द्विवेदीले गर्भपतनलाई परिवार नियोजनको साधन बनाउन नहुने बताईन् । आफुले पनि गर्भपतन गर्दाको पिडा सुनाउँदै डा. द्विवेदीले भनिन्  ‘हाम्रो समाज  अशिक्षित छ । परिवारसँग यौन र प्रजननका कुरा गर्ने छोराछोरीलाई संस्कारी मान्दैन । जुन एउटा ठूलो समस्या हो । आधारभूत तहको पाठ्यक्रममा पनि यौन तथा प्रजनन स्वास्थ्यलाई समावेश गर्नुपर्छ ।’ विशेष गरी किशोर किशोरीको गोपनीयतालाई मध्यनजर गर्दै फोन तथा म्यासेज जस्ता भौतिक उपस्थिती बिना नै सल्लाह र सुझाव दिने व्यवस्था गर्नुपर्ने डा. द्विवेदीको धारणा छ ।

सुरक्षित गर्भपतन सम्बन्धी काम गर्दै आएको म्यारीस्टोपका सुरेश ठाकुरले अभिभावकहरुको चेतनास्तर माथी उकास्नुपर्ने बताए । छोरी र अभिभावकबिच गर्भपतन सम्बन्धी खुलेर कुरा गर्ने अवस्था आएमा मात्रै परिवर्तित हुने ठाकुरको भनाई छ । अन्तरक्रिया कार्यक्रममा युवाकी उपाध्यक्ष निशा अधिकारीले सहजकर्ताको भूमिका निर्वाह गरेकी थिईन् । 

संस्कृति वीरगञ्जका संयोजक आँशु कुमार सर्राफले धन्यवाद व्यक्त गरेको कार्यक्रमको सहजिकरण युवा वीरगञ्जका विवेक कर्ण र रेखा सिँहले गरेका थिए । 

बिन्दबासिनीमा माओबादी केन्द्रको वडा कमिटी गठन

0

वीरगंज । पर्साको बिन्दबासिनी गाउँपालिका वडा नं. २ मा नेपाल कम्युनिस्ट पार्टी(माओवादी केन्द्र)को वडा कमिटी गठन भएको छ |

सोमबार एक कार्यक्रमकाबीच नरेश मुखिया बिनको अध्यक्षमा ५१ सदस्यीय पार्टीको ईकाई कमिटि गठन गरिएको हो | नव गठित वडा ईकाई समितको उपाध्यक्षमा चञ्चल यादव, सचिवमा रामलाल साह तुरहा, सहसचिवमा महादेव चौहान लगायत रहेको नेकपा माओबादी केन्द्रका प्रदेश समिति सदस्य छोटेलाल यादवले जनाकारी दिए |

पार्टीका नेता स्व. मुकेश चौरसियाका बुवा रामनाथ चौरसियाको अध्यक्षतामा भएको कार्यक्रममा नेकपा माओबादी केन्द्रका प्रदेश समिति सदस्य यादव, बाबुराम कौशिक, रामबाबु बैठा लगायतकाले शुभकामना मन्तव्य राखेका थिए भने कार्यक्रमको सहजीकरण पार्टीका जिल्ला सदस्य प्रभु यादवले गरेका थिए ।

महानगरको स्वास्थ्य सेवा प्रवाह प्रभावकारी गर्नुपर्छ : मेयर सरावगी

0

वीरगंज । वीरगन्ज महानगरपालिकाका मेयर विजय कुमार सरावगीले महानगरवासीको स्वास्थ्य सेवा प्रभावकारी रुपमा प्रवाह हुनुपर्ने बताएका छन् । मानव स्वास्थ्यको विकास नभई अन्य विकासको कुनै औचित्य नहुने बताउँदै मेयर सरावगीले स्वास्थ्य, शिक्षा र मानवता महानगरपालिकाको प्राथामिकतमा रहेकोले स्वास्थ्य सेवा प्रवाहमा कुनै कमी हुन नहुने बताए ।

युनिसेफ नेपाल र काठमाडौ मेडिकल कलेजको आयोजनामा र वीरगंज माहानगरपालिकाको सहकार्यमा आईतबारदेखि सुरु भएको प्राथमिक स्वास्थ केन्द्र (C.P.H.C) सम्बन्धि दुईदिने कार्यशाला गोष्ठीको समापन समारोहमा प्रमुख अतिथिको रुपमा बोल्दै मेयर सरावगी नागरिकले स्थानीय सरकार आएपछि घरदैलो मै प्रभावकारी स्वास्थ्य सेवाको अपेक्षा गरेकोले सोही अनुसार स्वास्थ्य सेवा प्रवाह गर्न कर्मचारीहरुलाई निर्देशन दिए ।

उनले तालिम र प्रशिक्षणले कर्मचारीहरुलाई अझ दक्ष बनाउने र यसले सेवा प्रवाहमा पनि महत्वपूर्ण भूमिका खेल्ने बताए ।

कार्यक्रममा वीरगंज महानगरपालिकाकी उपप्रमुख शान्ति कार्की, स्वास्थ्य तथा सामाजिक महाशाखा प्रमुख अरुण महतो, स्वास्थ्य संयोजक ऋतेश जयसवाल, युनिसेफका प्रतिनिधिहरु लगायत महानगरपालिकाका स्वास्थ्य केन्द्रका कर्मचारीहरुको सहभागिता रहेको थियो ।

भन्सार छलीकाे सुपारीसहित ट्रक र ट्याक्टर पक्राउ

0

वीरगंज । भन्सार छली ल्याएका सुपारी लगायतका सामानहरुसहित ट्रक र ट्याक्टर प्रहरीले नियन्त्रणमा लिएकाे छ । जिल्ला प्रहरी कार्यालय पर्साबाट खटिएकाे प्रहरी टाेलीले वीरगंज महानगरपालिकाकाे वडा नं.१४ स्थित गण्डक चोकबाट ना.२ ख. ००२५ नम्बरको मालवाहक ट्रकमा नियन्त्रणमा लिएकाे हाे ।

जिल्ला प्रहरी कार्यालयका अनुसार ट्रकमा मेडिकल सामाग्री लगायत अन्य किराना सामानहरु भन्सार छली गरी वीरगञ्जबाट नेपालगञ्जतर्फ लाँदै गरेको सूचना प्राप्त भएकाे थियाे । प्राप्त सूचना पश्चात खटिएको प्रहरी टोलीले आइतबार राती १०:३० बजे  ट्रकलाई रोकी जाँच गर्ने क्रममा ट्रकमा लोड रहेको मालवस्तुहरुको बिलविजक नरहेकोले उक्त ट्रक र चालक जिल्ला मकवानपुर हेटौडा उ.म.न.पा.वडा नं.१५ बस्ने वर्ष ३१ को नवीन कुमार श्रेष्ठसहित नियन्त्रणमा लियएकाे हाे ।

ट्रकलाई नियन्त्रणमा लिई सामान तथा ट्रककाे ६५ लाख मूल्याङ्कन गरी आवश्यक कारवाहीको लागि साेमबार राजश्व अनुसन्धान कार्यालय पथलैया, बारामा बुझाइएको जिल्ला प्रहरी कार्यालय पर्साका प्रवक्ता एवम् प्रहरी नायब उपरिक्षक ओमप्रकाश खनालले वताए ।

        यस्तै, जिल्ला प्रहरी कार्यालय पर्साबाट नै खटिएकाे प्रहरी टोलीले वीरगञ्ज महानगरपालिकाकाे वडा नं.२४ स्थित सिर्सिया सडकखण्डको बाटाेबाट प्रदेश नं.२-०३ -००१ थ ०००१ नम्बरको ट्याक्टर नियन्त्रणमा लिएकाे छ ।

ट्रयाक्टरमा सुपारी, छोगडा तथा मरिच लगायतका मालबस्तुहरू भन्सार छली चोरी निकासी गरी भारततर्फ लैजाँदै गरेको सूचना प्राप्त भई खटि गएको टोलीले उल्लेखित नम्बरको ट्याक्टरलाई नियन्त्रणमा लिएकाे जिल्ला प्रहरी कार्यालय पर्साले जनाएकाे छ ।

उक्त ट्याक्टरको डब्बा भित्र सुपारी ४६ बोरा, छोकडा १० बोरा, मरिच ५ बोरा, केराउ ७ बोरा लगायतका अन्य किराना सामानहरू लोड रहेको देखिएको तथा सो सामानको आवश्यक बिलबिजक लगायतका कागजातहरू तत्काल पेश गर्न नसकेकोले नियन्त्रणमा लिइएकाे जिल्ला प्रहरी कार्यालय पर्साका प्रवक्ता खनालले जानकारी दिए ।

उक्त ट्याक्टर तथा मालसामानलाई चालक जिल्ला पर्सा धोबिनी गाउँपालिका वडा नं. ५ बस्ने बर्ष ४५ को आलिम अन्सारीसहित नियन्त्रणमा लिई २० लाख मूल्याङ्कन गरी आवश्यक कारबाहीको लागि साेमबार नै राजश्व अनुसन्धान कार्यालय पथलैया, बारामा बुझाएको उनले जानकारी गराए ।

गुठी संस्थानको नाममा हुनु पर्ने जग्गा व्यक्तिको नाममा, अध्यक्ष चाैधरीकाे आपती

0

वीरगंज । नेकपा (एकिकृत समाजवादी) वीरगंज महानगर कमिटिका अध्यक्ष मनोज चौधरीले गुठी संस्थानको नाममा हुनु पर्ने जग्गा व्यक्तिको नाममा भएको प्रति आपति जनाएका छन् ।

कालिका टाईम्ससंगको संवादमा अध्यक्ष चौधरीले महानगरभित्र कुनै पनि प्रकारको अनुदानमा सार्वजनिकीकरण भईसकेको जग्गा पुनः आफ्नो नाममा गराएर निजी सम्पती बनाए आफू र आफ्नो पार्टीले त्यसताहरुको बिरुद्ध संघर्ष गर्ने बताए ।

अध्यक्ष चौधरीले  साविक वीरगंज उप–महानगरपालिकाकाे वडा नं. १० हाल वीरगंज महानगरपालिका वडा नं. ८ मा  पर्ने शिवा आँखा अस्पताल जाने बाटाेमा रहेकाे सुर्यानारायण मन्दिर छेउछाउकाे किता नं. ६७,२९९ र ३ को ९ कठ्ठा १२ धुर जग्गा कन्क शमशेर राणाले सार्वजनिक उपभोगको लागि अनुदानमा दिईसके पनि स्थानीयले उक्त जग्गा सार्वजनिक परियोजनको लागि उपयोग गर्न नपाएकोमा आफू दुःखी भई सार्वजनिक उपयोगको गराउनको लागि लागीपर्ने बताए ।

चौधरीले कन्क शमशेर राणाले उक्त वडाका बासिन्दाहरुको लागि आफ्नो नाममा रहेको जग्गा सार्वजनिक उपयोगका लागि सार्वजनिकीकरण गरिसके पनि हाल गुठ्ठि संस्थानको नाममा हुनु पर्ने जग्गा राणाका सुपुत्र हेमाद्री शमशेर राणाले नैतिकता छोडी पुनः आफ्नो पूर्वजको सम्पती आफ्नो नाममा गराई जघन्य अपराध गरेको समेत बताए ।

नेता चौधरीले हेमाद्री शमशेर राणाको कुकृत्यका बिरुद्ध म लगायत मेरो पार्टीले जनताको भलो हुने गरी पुनः सार्वजनिकिकरण गराउन आवश्यक संघर्ष गर्न पछि नहट्ने समेत दाबी गरे ।

वीरगंज ८ मा नेकपा एसकाे अगुवा कार्यकर्ता भेला सम्पन्न

0

वीरगंज । वीरगंज महानगरको वडा नं. ८ मा नेकपा (एकीकृत समाजबादी) काे अगुवा कर्याकर्ता भेला साेमबार सम्पन्न भएको छ ।

भेलाले उमेश ठाकुरको अध्यक्षतामा गठित नेकपा एमालेको समानान्तर वडा कमिटीलाई नेकपा एकीकृत समाजबादीमा समाहित गर्ने निर्णय गरेको छ । साथै सबित्रि रोक्काको अध्यक्षतामा ११ सदस्यीय महिला संगठन र मुकेश महराको अध्यक्षतामा ७ सदस्यीय युवा संघको कमिटी समेत गठन गरेको अध्यक्ष ठाकुरले जानकारी दिए ।

शान्ता महर्जनको अध्यक्षता र पार्टीका जिल्ला अध्यक्ष बालगोपाल थापाको प्रमुख आतिथ्यतामाभएकाे भेलामा प्रदेश कमिटी सदस्य किशोरी कुशवाहा, वीरगंज महानगर कमिटी अध्यक्ष मनोज चौधरी, जिल्ला सचिवालय सदस्य बृजलाल पासवान, शंकर कर्ण, सन्तोष सिंह, जोग कुमारी तामाङ, जिल्ला सदस्य अनिल पटेल, राम कुमार पाण्डे लगायतले मन्तव्य राखेका थिए ।