[real3dflipbook id=”190″]
शिक्षाकाे विकास बेगर देशकाे विकास हुँदैन : सांसद राजेश्वर साह
वीरगंज । पर्साकाे पर्सागढि नगरपालिका वडा नं. ९ बडेर्वामा रहेकाे श्री नेपाल राष्ट्रिय माध्यमिक बिधालमा कक्षा ११ को स्वागत तथा कक्षा १२ को बिदाई कार्यक्रम सम्पन भएकाे छ ।
विद्यालय प्राङ्गणमा भएकाे कार्यक्रमकाे उद्घाटन पर्सा क्षेत्र न. २ (क ) का प्रदेश सभा सदस्य (सांसद) राजेश्वर प्रसाद साहले गरेका थिए ।
कार्यक्रमलाई सम्बाेधन गर्दै प्रदेश सांसद साहले विध्यालयकाे भाैतिक पूर्वाधार विकासकाे लागि दुई काेठे भवन निर्माण गरिदिन प्रतिवद्धता जनाए । उनले विद्यालयमा विद्यार्थीकाे संख्या बढी रहेकाे र कक्षा काेठाकाे अभाव देखिएकाेले चालु आर्थिक बर्ष मै भवन निर्माण गरिदिने वताए ।
कार्यक्रमका प्रमुख अतिथी समेत रहेका सांसद साहले प्रदेश सरकारले शिक्षा ऐन अझै बनाइनसकेकाे अवस्थामा मावि तह सम्म स्थानिय तहलाई नै हेर्ने जिम्मा रहेकाेले वताए । उनले भाैतिक पूर्वधार विकासले मात्र गाउँ ठाउँमा विकास नहुने वताउँदै शिक्षामा विशेष ध्यान दिनु पर्ने धारणा राखे । शिक्षाकाे विकास बेगर देशकाे विकास नहुने उनकाे भनाई थियाे ।
वडा नं. ९ का वडाध्यक्ष एवम् विद्यालय व्यवस्थापन समितिका अध्यक्ष रामनारायण गौरो थारुको अध्यक्षतामा भएकाे कार्यक्रममा पर्सागढि नगरपालिकाकी उप प्रमुख अर्चना चौधरी, वडाध्यक्ष तुलाराम थारु, बेदमन दास थारु, किसुन्देव प्रसाद यादव, विद्यालयका प्रधानाध्यापक रामबहादुर चौधरी लगायतकाले शुभकामना मन्तव्य राखेका थिए ।
विद्यालय प्राङगणमा भएकाे कार्यक्रममा विद्यालयमा अध्ययनरत छात्र/छात्राहरुले संगित तथा नृत्य समेत प्रस्तुत गरेका थिए ।
फेम इन्स्ट्च्यिुटद्वारा चिकित्सा शिक्षा अध्ययनको लागि तयारी कक्षा शुरु
वीरगन्ज । वीरगन्ज महानगरपालिका वडा नं. १२ मुर्लीस्थित फेम इन्स्ट्च्यिुटले चिकित्सा शिक्षाको लागि तयारी कक्षा संचालन गरेको छ । चिकित्सा शिक्षा एम.बि.बि.एस., बि.डि.एस., बि.एस.सि. नर्सिङ्ग तथा फार्मेसीको तयारी कक्षा संचालन शुरु गरेको हो ।
चिकित्सा शिक्षा तयारीको लागि कक्षा संचालन गर्न इन्स्ट्च्यिुटले असोज ५ गतेदेखि नै विद्यार्थीहरुलाई रजिष्ट्रेशन फाराम खुल्ला गरेको छ भने असोज १२ गतेदेखि तयारी कक्षा संचालन गर्ने भएको छ । सोही कक्षा संचालनको पूर्व सन्ध्यामा इन्स्ट्च्यिुटले चिकित्सा शिक्षा क्षेत्रमा अध्ययन गर्न चाहने विद्यार्थीहरुको लागि सेमिनारको आयोजना गरेको छ ।
चिकित्सा शिक्षाको लागि तयारी गर्ने करिब ५० जना विद्यार्थीहरुको उपस्थितिबीच राणीसति अतिथि सदनमा आयोजित सेमिनारमा इन्स्ट्च्यिुटका कार्यकारी निर्देशक आशुतोष यादव, डा. मृगेन्द्र कुमार सिंह यादव, निलम ट्रेडर्सका प्रोप्राइटर राजकुमार रौनियार, नेशनल मेडिकल कलेजका एम.बि.बि.एस. अन्तिम वर्षका विद्यार्थीहरु आशिष झा, नेविसंघ पर्साका युवा नेता राकेश यादव लगायतले मेडिकल शिक्षाप्रतिको विशेषताको बारेमा विद्यार्थीहरुलाई जानकारी गराएका थिए ।
चिकित्सा क्षेत्र अध्ययन गर्नका लागि हुने प्रवेश परीक्षा तयारीका लागि इन्स्ट्च्यिुटका संयोजक डा. मृगेन्द्र कुमार सिंह यादव, नेशनल मेडिकल कलेजका (एम.बि.बि.एस.) का अन्तिम वर्षका विद्यार्थीहरु रामजी राम, महेन्द्र पाण्डे, दिपक आचार्य, अर्जुन ढकाल, गोविन्द यादव, राज गुप्ता, तेश्रो वर्षका विद्यार्थी खगेन्द्र देवकोटा, जनक गौतम, प्रिया चामलिङ्ग तथा विवेक आचार्यले कक्षा संचालन गर्नेछन् ।
चिकित्सा शिक्षाको तयारीको लागि इन्स्ट्च्यिुटले अनलाइन तथा शारिरिक वर्ग कक्षा संचालन गर्नेछ । चार महिनाको कोर्स रहेको उक्त तयारी कक्षामा प्रतिदिन ४ घण्टाको कक्षा संचालन हुनेछ भने यो कक्षा प्लस टु मा विज्ञान शंकायमा अध्ययन गर्दै गरेको र आगामी दिनमा चिकित्सा शिक्षा अध्ययन गर्ने विद्यार्थीहरुको संचालन गरिएको इन्स्ट्च्यिुटका कार्यकारी निर्देशक आशुतोष यादवले जानकारी दिए ।
साथै प्लस टु विज्ञान शंकायमा अध्ययन गर्दै गरेका विद्यार्थीहरुको लागि दैनिक २ घण्टाको प्रि मेडिकल कक्षा पनि संचालन हुन गइरहेको निर्देशक यादवको भनाई छ ।
वीरगञ्जमा राजपुत समुदायको भेला सम्पन्न
वीरगंज । बारा जिल्ला समन्व्य समितिका सभापति नवलकिशोर सिंहले सबै राजपुत एक जुट भएर जानुको बिकल्प नरहेको बताएका छन् । नेपाल राजपुत सेवा समितिको शनिबार वीरगञ्जमा भएकाे भेलालाई सम्बोधन गर्दै सभापति सिंहले राजपुत समाजको भवन निमार्ण भईरहेको सन्दर्भमा यसकार्यले समाजको अस्तित्वमा थप बल पुग्ने बताए ।
होेटेल कुम्मु प्यालेसका संचालक तथा समाजमा पुर्व अध्यक्ष पि.पि सिंहको कोरोनाको संक्रमणका कारण निधन भएकोमा प्रमुख अतिथि सभापति सिंह वहाँको तस्बीरमा पुष्प सहित श्रृद्धाञ्जली अपर्ण गरेका थिए ।
भेलालाई सम्बोधन गर्दै बार एशोसिएसनका केन्द्रिय उपाध्यक्ष रामचन्द्र सिंहले भवन निमार्णकार्यले गति लिएको भन्दै प्रसंशा व्यक्त गरे । उनले काम गर्दै जादा सामान्य त्रुटी भएपनि गम्भीर भएर लाग्नु पर्नेमा जोड दिए । ईतिहास निर्माणमा सबै भुमिका बराबर हुने भएको हुनाले सबैको साथ जरुरी रहेको उनकाे भनाई थियाे ।
त्यस्तै देवताल गाउँपालिकाका प्रमुख चन्दन सिंहले समाजको भवन निमार्णमा शुभकामना दिदै समाजमा आफनो पारिवारी सहयोग निरन्तर रहने बताए । कार्यक्रममा भवन निमार्णको प्रगती तथा अर्थ संकलनको बारेमा महासचिव सुरेन्द्र सिंह र कोषाध्यक्ष नगनारायण सिंह प्रस्ट पारेका थिए ।
कार्यक्रममा सतिश सिंह राजपुत, हुकुम सिंह राजपुत, उदय प्रताप सिंह, श्रीभगवान सिंह, अव्धकिशोर सिंह, अनिल सिंह, जमुना सिंह लगायतले मन्तव्य व्यक्त गरेका थिए ।
शनिबारको कार्यक्रममा करिब ५ लाख रुपैया संकलन भएको बताईएको छ । समाजका वरिष्ठ उपाध्यक्ष जटेश्वर सिंहको अध्यक्षतामा भएकाे कार्यक्रमकाे संचालन संचारकर्मी राजेन्द्र सिंहले गरेका थिए ।
ठोरीको विकास बिना जिल्लाको विकास असम्भव : सांसद यादव
वीरगंज । पर्सा क्षेत्र नं १ का संघिय सांसद प्रदिप यादवले ठोरीको विकास बिना जिल्लाको विकास असम्भव रहेको बताएका छन् । भौगोलिक दृष्टिकोणले जिल्लाकाे सदरमुकामभन्दा टाढा रहेको ठोरीको विकास नभएसम्म जिल्लाको समुन्नतीको कल्पना समेत गर्न नसकिने सांसद यादवकाे भनाई छ ।
ठाेरीकाे विजयबस्तीमा शनिबार स्व. राम बहादुर श्रेष्ठ दोस्रो गोल्डकप फूटबल प्रतियाेगिताकाे उद्घाटन गर्दै सांसद यादवले हुलाकि सडकमार्फत जिल्ला सदरमुकामसँग जोडिएको ठोरीलाई अब मूलधारमा ल्याउन सबैको साथको आवश्यक्ता रहेको वताए ।
उनले प्रचुर पर्यटकिय सम्भावना बोकेको ठाेरी गाउँपालिकालाई पर्यटकिय गन्तव्यका रुपमा स्तरोन्नती गर्नु वर्तमानको आवश्यक्ता रहेकाे वताए । उद्घाटन कार्यक्रमको प्रमुख अतिथि समेत रहेका सांसद यादवले ठोरीमा तत्कालै खेल मैदान निर्माण गर्नका लागि आफू तयार रहेको बताए ।
गोल्डकप हेर्न पुगेका दर्शकहरुको उत्साहजनक सहभागिताको सम्मान गर्दै उनले गाउँपालिकाले जग्गाको व्यवस्थापन गरे खेल मैदान निर्माण गर्न आफू तयार रहेको बताए । ठोरीमा विभिन्न जातजाती, भाषाभाषी तथा धर्मसंस्कृति भएकाहरुको एकतापूर्ण बसाईंले आफूलाई निकै प्रभावित पारेको वताए । ठोरीबाट देशका अन्य सहरले पनि पाठ सिक्नुपर्ने उनको भनाई छ ।
आयोजक विजयबस्ती फूटबल क्लबका अध्यक्ष झलकमान श्रेष्ठको अध्यक्षतामा भएकाे उद्घाटन कार्यक्रममा प्रदेश सांसद शंकर चौधरी, ठोरी गाउँपालिकाका अध्यक्ष पिएल श्रेष्ठ, जगरनाथपुर गाउँपालिकाका अध्यक्ष जालिम मियाँ, जिराभवानी गाउँपालिकाका अध्यक्ष रामप्रित महतो, युवा उद्यमी तथा समाजसेवी टेक बहादुर शाक्य लगायतकाले मन्तव्य राखेका थिए ।
उद्घाटन कार्यक्रममा स्थानिय विद्यालयका विद्यार्थीहरुले झाँकी, मार्चपास लगायतका सांस्कृति प्रस्तुती समेत प्रदर्शन गरेका थिए ।
विजयबस्ती फूटबल क्लबको आयोजनामा शनिबारबाट सुरु भएको प्रतियोगितामा देशैभरिका १६ वटा क्लब बिच प्रतिस्पर्धा हुने छ ।शनिबारको राप्ति युवा क्लब र हाम्रो टिम विरगंज बीच भएको थियो भने प्रतियोगिता २८ गतेसम्म जारी रहने छ ।
जोश र जाँगर बोकेका युवाहरु नेतृत्वदायी भुमिकामा आउनु पर्छ : वक्ताहरु
वीरगंज । वीरगंज महानगरपालिका वडा नम्बर ३० मा जनता समाजवादी पार्टी (जसपा) निकट समाजवादी युवा संघको वडास्तरीय भेला सम्पन्न भएको छ ।
वडाकाे लालपर्सामा संघका जिल्ला सदस्य सुजित ठाकुरको सभापतित्वमा संगठन सुदृढीकरण तथा जनजागरण अभियान अन्तर्गत भेला सम्पन्न भएको हो । भेलालाई सम्बोधन गर्दै जिल्ला समन्वय समिति पर्साका सभापति नेकमहमद अन्सारीले संगठनलाई विस्तार गर्नुका साथै सुदृढीकरण गर्नुपर्ने आवश्यक्ता औँल्याए ।
कार्यक्रमका बिशिष्ट अतिथी जसपा पर्साका सचिव तबरेज अहमदले युवाहरुको एकरुपता नै अबको अपरिहार्यता भएको बताए । जोश र जागर बोकेका क्षमतावान एवम् सिर्जनशिल युवाहरु अब सरकारको नेतृत्वदायी भूमिकामा आउनुपर्नेमा सचिव अहमदले जोड दिए ।
समाजको सांस्कृतिक, आर्थीक एवम् भौतिक परिवर्तनका लागि राजनीतिक परिवर्तन हुनुपर्ने बताउँदै अहमदले त्यसका लागि युवाहरु स्वयम् आवाज उठाउनुको विकल्प नरहेको धारणा राखे । उनले भने, ‘ तँ आईज र गर् कसैले भन्दैन । यहाँ अधिकारको लागि आफै लड्नुपर्छ ।’
भेलामा अहमदले युवाहरुलाई अबको राजनीतिक भविष्य, जसपाका भावि रणनीति, आगामी योजना लगायतका बारेमा प्रशिक्षण दिएका थिए ।
भेलाले मुना यादवको अध्यक्षतामा १७ सदस्यीय वडा स्तरीय समाजवादी युवा संघ गठन गरेको समाजवादी युवा संघका केन्द्रिय सचिव सरोज यादवले जानकारी दिए ।
संघको उपाध्यक्षमा शेषनाथ मण्डल, जयराम राम, सचिवमा राधेश्याम साह, कोषाध्यामा मान्सी देवी, सदस्यमा सन्तोष पटेल, श्याम महतो, दिपक मण्डल लगायत रहेको समाजवाद युवा संघ पर्साका अध्यक्ष गौरब बर्माले बताए ।
बर्माका अनुसार कार्यक्रममा संघीय समाजवादी शिक्षक फोरम पर्साका अध्यक्ष हरेन्द्र चौरसिया, वीरगञ्ज महानगरपालिकाको न्याययिक समितिका सदस्य तुफैल अख्तर, संघका पर्सा जिल्ला ईन्चार्ज अमित यादव, बरिष्ठ उपाध्यक्ष मनमोहन पाण्डे, घनश्याम बाबु गुप्ता, अमोद यादव, ईकाई अध्यक्ष दिनानथ मण्डल, गगनदेव यादव, ल्गायतको सहभागिता रहेको थियो । सो अवसरमा सम्पात साह कलवारले नेपाली काङ्ग्रेस परित्याग गरी जसपामा प्रवेश गरेका थिए ।
नेकपा एकिकृत समाजवादी सखुवाप्रसाैनीकाे अध्यक्षमा दिपेन्द्र साह
वीरगंज । पर्साकाे सखुवा प्रसाैनीमा नेकपा (एकिकृत समाजवादी) काे गाउँ कमिटी गठन भएकाे छ । काेइलाभार मन्दिरमा भएकाे पार्टीकाे गाउँ भेलाले दिपेन्द्र साहकाे अध्यक्षतामा ५१ सदस्यीय गाउँ कमिटी गठन गरेकाे हाे ।
नवगठित गाउँ कमिटीकाे उपाध्यक्ष हेमराज चाैधरी, सचिव अफताब आलम, सह सचिव अमिरका पासवान, सदस्यहरु दिपेन्द्र खवास, मिथुन खवास, सत्यनारायण चाैधरी, वासु चाैधरी, मुम्ताज अन्सारी, जगदिश प्रसाद कुर्मी, जयलाल राम, जयनारायण चाैधरी, माेहित दास थारु, रायाशंकर चाैधरी, वीरेन्द्र सहनी, बेचु प्रसाद कमकर, हरिन्द्र प्रसाद साह, सुरेन्द्र साह, दिपक कलवार, श्यामनाथ राम, महेश राम लगायतका रहेका छन् ।
पार्टीका जेष्ठ जिल्ला सदस्य राजेन्द्र चाैधरीकाे अध्यक्षता र केन्द्रिय सदस्य एवम् जिल्ला इन्चार्ज रामचन्द्र साहकाे प्रमुख आतिथ्यतामा भएकाे भेलामा प्रदेश कमिटी सदस्य किशाेरी कुशवाहा, जिल्ला सदस्य माेहन यादव, अशाेक यादव, रमेश चाैधरी, अमृता चाैधरी, डा. माेताब अन्सारी, नरेश जयसवाल लगायतकाले शुभकामना मन्तव्य राखेका थिए ।
वीरगंज महानगरकाे विभिन्न वडामा नेकपा एसकाे कमिटी गठन
वीरगंज । वीरगंज महानगरपालिकाकाे विभिन्न वडामा नेकपा (एकीकृत समाजबादी) काे वडा कमिटी गठन भएको छ । वीरगंज महानगरपालिकाकाे वडा नं. १७, २१, २२ र २३ मा वडा कमिटी गठन भएको महानगर अध्यक्ष मनाेज चाैधरीले वताए ।
वीरगंज महानगरकाे वडा नं. १७ अलाैंमा रमेश चौधरीको अध्यक्षतामा १२१ सदस्यीय वडा कमिटी गठन भएको अध्यक्ष चाैधरीले जानकारी दिए । नवगठित कमिटीकाे उपाध्यक्षमा अम्बिका साह कानु, रन्जित चौधरी, सचीवमा जयलाल पटेल, सह-सचीवमा जुग्नु अन्सारी र सदस्यहरुमा क्रमश बिजयभक्त माली, लालबाबु पटेल, कपिलदेव साह तुरहा लगायत रहेका छन् ।
त्यस्तै वीरगंज महानगरकाे वडा नं. २१ मा राजमहम्द मियाँको अध्यक्षतामा ५४ सदस्यीय वडा कमिटी गठन भएको छ । जसको उपाध्यायमा सन्जय साह, सचीवमा रामनरेश कुशवाहा, सह – सचीवमा सुब्बा पटेल र कोषाअध्यक्षमा रामेश्वर कुशवाहा रहेका छन् ।
त्यस्तै, वीरगंज महानगरकाे वडा न. २३ मा आशनारायण पाण्डितको अध्यक्षतामा ३५ सदस्यीय वडा कमिटी गठन भएको छ । जसको सचीवमा सत्यनारायण माली र सदस्यहरुमा रामानन्द यदाव, रमेश महरा, रामअशिश कुशवाहा लगायत रहेका छ्न् ।
त्यस्तै वडा नं. २२ मा शिव ठाकुरको अध्यक्षतामा २१ सदस्यीय वडा कमिटी गठन भएको छ । जुन कमिटीकाे सचीवमा शम्भु गिरि रहेका छन् ।
वडा कमिटी गठनकाे लागि भएकाे भेलामा पार्टीका केन्द्रिय सदस्य रामचन्द्र साह, जिल्ला अध्यक्ष बालगोपाल थापा, वीरगंज माहानगर अध्यक्ष मनोज चौधरी, कार्यालय सचीव शंकर कर्ण, जिल्ला सदस्यहरु मन्जुर आलम, बृज प्रसाद यदाव, अनिल पटेल, सुब्बेदार यादव लगायतको उपस्थिती रहेको थियाे ।
कवहीका २१ बर्षिय पासवान ११ दिनदेखी वेपता
वीरगंज । बाराकाे सुर्वण गाउँपालिका वडा नं. २ कवही दरबार निवासी २१ बर्षिय धर्मेन्द्र कुमार पासवान ११ दिनदेखी वेपता भएका छन् । सुस्तमनस्थितीका पासवान भदाै २९ गतेदेखी वेपता भएका हुन् ।
आफ्नाे घर र नाम बताउन नसक्ने सुस्तमनस्थितीका भाई ११ दिनदेखी आफ्नै घरबाट वेपता भएकाे दाई जितेन्द्र पासवानले वताए । पहेलाे कलरकाे टि स्वर्टकाे लगाएकाे भाईकाे दुईटै हातमा ६ वटा औंला रहेकाे उनले वताए ।
भाईलाई कहिं कतै देख्नु हुने मानुभावले नेपाली माेबाइल नम्बर ९८४५५२६७८२, ९८०७१२५७५६, ९८४५६०३२१४ र इन्डियन नम्बर ८७५७८५९२३१ मा जानकारी गराई सहयाेग गरिदिनुहुन अनुराेध गरेका छन् ।
आफुले भाई हराएकाे बारे जिल्ला प्रहरी कार्यालय बारा र इलाका प्रहरी कार्यालय कवही गाेठलाई पनि लिखित रुपमै जानकारी गराईसकेकाे वताए ।












