वीरगंज । वीरगंज महानगरको वडा नं. ८ मा नेकपा (एकीकृत समाजबादी) काे अगुवा कर्याकर्ता भेला साेमबार सम्पन्न भएको छ ।
भेलाले उमेश ठाकुरको अध्यक्षतामा गठित नेकपा एमालेको समानान्तर वडा कमिटीलाई नेकपा एकीकृत समाजबादीमा समाहित गर्ने निर्णय गरेको छ । साथै सबित्रि रोक्काको अध्यक्षतामा ११ सदस्यीय महिला संगठन र मुकेश महराको अध्यक्षतामा ७ सदस्यीय युवा संघको कमिटी समेत गठन गरेको अध्यक्ष ठाकुरले जानकारी दिए ।
शान्ता महर्जनको अध्यक्षता र पार्टीका जिल्ला अध्यक्ष बालगोपाल थापाको प्रमुख आतिथ्यतामाभएकाे भेलामा प्रदेश कमिटी सदस्य किशोरी कुशवाहा, वीरगंज महानगर कमिटी अध्यक्ष मनोज चौधरी, जिल्ला सचिवालय सदस्य बृजलाल पासवान, शंकर कर्ण, सन्तोष सिंह, जोग कुमारी तामाङ, जिल्ला सदस्य अनिल पटेल, राम कुमार पाण्डे लगायतले मन्तव्य राखेका थिए ।
