वीरगंज । पर्साकाे पकहा मैनपुर गाउँपालिका वडा नं. २ सुर्जाहामा मंगलबार राती आगलागी भएकाे छ ।
- Advertisement -
स्थानिय रामरतन दास तात्वाकाे घर गाेठमा भएकाे आगलागीले फुसकाे घर पुर्ण रुपले जल्नुकाे साथै घरमा रहेकाे एक वटा भैंसी, दुई वटा पाडी जलेर मृत्यु भएकाे छ भने एक वटा भैंसी जलेर गम्भिर घाइते भएकाे प्रहरीले जनाएकाे छ ।
लामखुट्टे धपाउन बालिएकाे आगाे (घुर) बाट मंगलबार राती १२ बजेकाे करिबमा भएकाे आगलागीले ४ लाख मुल्य बराबरकाे क्षति भएकाे पिडितले जनाएका छन् ।
आगाे स्थानियबासीहरुकाे सहयाेगमा केही समयपछि नियन्त्रणमा आएकाे स्थानिय संदिप चाैहानले वताए ।
यसै बिच आगलागी स्थलमा पकहा मैनपुर गाउँपालिका अध्यक्ष बिजय चौरसिया पुगेर आगलागीबाट भएकाे क्षती बारे जानकारी लिएका छन् ।
