Date
बिहि, मंसिर ३, २०८३
Thu, November 19, 2026
Home Blog Page 751

बहुदरमाई मेला सम्पन्न, अन्तिम दिन अवधेश प्रेमीकाे प्रस्तुती (फाेटाेफिचरसहित)

0

वीरगंज । पर्साकाे बहुदरमाई नगरपालिकाे ध्यानसिंह पिपरामा लागेकाे बहुदरमाई मेला सम्पन्न भएकाे छ । मेला मै आयाेजित बहुदरमाई रमाइलाे मेलामा बुधबार सांझ चर्चित भाजपुरी गायक अवधेश प्रमीले आफ्नाे प्रस्तुती राखेका थिए ।

रामाइलाे मेलामा सहभागि सयाैं युवाहरुले उनकाे प्रस्तुतीमा झुमेका थिए । पछि मेलामा बढेकाे भिडलाई नियन्त्रण गर्न प्रहरी र मेला समितिलाई धाउधाउ परेकाे थियाे । रमाइलाे मेलामा अन्ति दिन बुधबार टिकटक स्टार प्रिती पासवले पनि नृत्य प्रस्तुत गरेकी थिइन ।

यस्तै, रमाइलाे मेलामा म‌ंगलबार सांझ भाेजपुरी गायक अमित पटेलले मेलामा सहभागिहरुलाई झुमाएका थिए ।

सयाैं बर्षदेखी पहिलादेखी प्रत्येक बर्ष कार्तिक पुर्णिमादेखी ५ दिन सम्म लाग्दै आएकाे मेलामा यस बर्ष गत बर्षकाे भन्दा बढी चहलपहल देखिएकाे थियाे । मेलामा प्रत्येक दिन नाच गानकाे साथै कुस्ती प्रतियाेगिता पनि हुँदै आएकाे थियाे ।

धुमधामकाे साथ यस बर्ष लागेकाे मेलाले बहुदरमाई मन्दिरलाई पर्यटकिय स्थल बनाउन सहयाेग पुग्ने स्थानियहरुकाे भनाई छ । 

हेर्नुहाेस् बुधबारकाे रमाइलाे मेलाका केही तस्बिरहरु

आमाको माया छात्रावासमा लागु औषध सम्बन्धि प्रशिक्षण 

0
वीरगंज । सामुदायिक प्रहरी साझेदारी कार्यक्रम अन्तर्गत आमाकाे मायाँ छात्रावास वीरगंजमा लागु औषध, मादक पर्दाथ तथा सुर्तीजन्य पर्दार्थको नकारात्मक असर सम्बन्धि प्रशिक्षण कार्यक्रम सम्पन्न भयो ।
 
सामुदायिक सेवा केन्द्र तथा सामुदायिक प्रहरी सेवा कुम्हालटोल वीरगंजकाे आयोजनामा आमाको माया छात्रावासमा रहेका विद्यार्थीहरुलाई प्रोजेक्टरकाे माध्यबाट जिल्ला प्रहरी कार्यालय पर्साका प्रहरी निरिक्षक दिपेन्द्र श्रेष्ठले प्रशिक्षण दिएका थिए ।
 
प्रशिक्षण कार्यक्रमका प्रमुख अतिथि वीरगंज महानगरपालिकाकाे वडा न.५ का अध्यक्ष प्रदिप चौरसियाले लागु औषधबाट हुने हानि नोक्सानी र भबिस्यमा विभिन्न रोग लाग्ने र कानुनी कारवाही समेत हुने हुँदा यसबाट टाडै रहन आग्रह गरेका थिए ।
 
सामुदायिक सेवा केन्द्र तथा सामुदायिक प्रहरी सेवा कुम्हालटोलका अध्यक्ष रमेश कुमार चौधरीको सभापतित्वमा भएकाे कार्यक्रममा जिल्ला प्रहरी कार्यालय पर्साका प्रहरी निरीक्षक श्रेष्ठ, युवराज केशरी, श्याम केसि, मार्टिन मुक्तान, लालबाबु सिंह, सन्जु दाहाल, ईन्दिरा पोखरेल, प्रहरी चौकि आदर्शनगरका प्रहरी नायब निरीक्षक गौरि शंकर साह, आमाको माया छात्राबासका रुपेश हास्दा, महेस्वर हास्दा लगायतकाे सहभागिता रहेकाे थियाे ।

सामाजिक जवाफदेहिता सम्बन्धि संवाद कार्यक्रम सम्पन्न

0
वीरगंज । सामाजिक जवाफदेहिता सम्बन्धि संवाद कार्यक्रममा बुधबार वीरगंजमा सम्पन्न भएकाे छ । युकेआइडीकाे सहयाेग र नेपाल प्रहरी तथा इन्टरनेशनल अलर्टकाे सहकार्यमा वीरगंजकाे हाेटल रानिपाेखरीमा आयाेजित दुई दिने संवाद कार्यक्रम सम्पन्न भएकाे हाे ।
 
लागु औषध न्युनिकरणकाे लागि आयाेजित कार्यक्रममा दा्स्राे दिन बुधबार लागु औषध न्यूनिकरणका ८ सुचकहरुकाे सम्बन्धमा कार्यक्रममा सहभागि सेवा प्रदायक निकाय सेवाग्राहीसंग संवाद गरिएकाे थियाे ।
 
संवादपछि सेवा प्रदायक र सेवाग्राही विच फरक मत देखिएका सुचक नं. ५ स्थानिय निकायले युवाहरुकाे लागि स्वराेजगारीकाे व्यवस्था गरेकाे छ र सुचक नं. ७ लागु औषध सम्बन्धि कडाईका साथ कानुन कार्यन्वयन गरेका छन् काे सम्बन्धमा सामुहिक छलफलबाट कार्य याेजना समेत तयार गरिएकाे थियाे ।
कार्यक्रमकाे सहजिकरण नेपाल प्रहरीका प्रहरी नायब निरीक्षक अताउल रहमान, महमद सफिउल्लाह आलम, प्रहरी सहायक निरीक्षक रन्जन कुमार गुप्ता, सुर्य बहादुर श्रेष्ठ, आदर्श खतिवडा र ईन्टरनेशनल अलर्टकी फेसिलेटर बिनिता बरालले गरेका थिए ।
 
कार्यक्रममा वीरगंज महानगरपालिकाकी उप मेयर शान्ति कार्की, बिरगंज महानगरपालिका वडा न. ३ का वडाध्यक्ष बैजु स्वर्णकार, पत्रकार शम्भु कुमार सुमन लागयतकाले आ आफ्नाे विचार राखेका थिए ।
 

श्रीसियामा सिलाई कटाई तालिम शुरू

0

वीरगंज । वीरगंज महानगरपालिकाकाे वडा नं. २५ श्रीसिया बुधबारदेखी दुई महिने सिलाई कटाई तालिम शुरू भएकाे छ । लाेकतान्त्रिक समाजवादी पार्टी (लाेसपा) श्रीसिया २५, वीरगंजकाे आयाेजनामा सुरु भएकाे तालिमकाे उद्घाटन लाेसपाका नेता राजेशमान सिंहले गरेका थिए ।

लोसपाका स्थानिय युवा नेता आशुतोष चतुर्वेदीकाे अध्यक्षतामा भएकाे उद्घाटन कार्यक्रममा लेसपाका नेता प्रेमबाबु पटेल, उमेश सहनी, मुकेश द्विवेदी, वकील मियाँ, आफ़रोज आलम लगायतकाे सहभागिता रहेकाे थियाे ।

नेता राजेशमान सिंहको सहयोग र नेता चतुर्वेदीको व्यक्तिगत लगानीमा सुरु भएकाे तालिममा प्रेणा श्रेष्ठले प्रशिक्षण दिइरहेकी छिन्  ।

शाहिद कपूर अभिनित ‘जर्सी’ को हिन्दी रिमेक ट्रेलर बाहिरियो

0

शाहिद कपुर अभिनित ‘जर्सी’ फिल्मको ट्रेलर सार्वजनिक भएको छ। आगामी डिसेम्बर ३१ बाट प्रदर्शनम आउने फिल्मको ट्रेलर मंगलबार सार्वजनिक भएको हो।

दक्षिण भारतीय फिल्म ‘जर्सी’ को हिन्दी रिमेकमा एक जना पूर्व क्रीकेट खेलाडीको कथालाई समेटिएको छ। 

फिल्ममा क्रिकेट छोडेका बाबुले आफ्ना ६ वर्षे छोरालाई जर्सी खरिद गर्नका लागि पुनः मैदानमा उत्रिएको कथालाई समेटेको छ।

सन् २०१९ मा प्रदर्शनमा आएको तेलगु भाषाका निर्देशक गौतम तिन्ननुरी निर्देशित ‘जर्सी’ कै कथा शाहिद कपुरको जर्सीमा देखाइएको छ।

फिल्मलाई तेलगु भाषाकै निर्देशक तिन्ननुरीले निर्देशन गरेका छन्। करिब २ वर्षपछि पर्दामा आउन लागेका शाहिदसँगै फिल्मको मुख्य भूमिकामा म्रुनल ठाकुर, पंकज कपुर लगायतको अभिनय छ। 

भारतकी केन्द्रीय मन्त्री स्मृति ईरानीलाई कपिलका गार्ड नै चिन्न सकेनन्, रुष्ट मन्त्री सुटिङ नगरी फर्किइन्

0

ऐजेन्सी । किताब ‘लाल सलाम’ को प्रोमोशनका लागि कपिल शर्मा शोमा पुगेकी भारतकी केन्द्रीय मन्त्री स्मृति ईरानीलाई सेटका गार्ड नै चिन्न सकेनन् र सेटमा जान रोके । रिसाएकी मन्त्री सुटिङ नगरीकनै फर्किइन् । उनी यो शोमार्फत् आफ्नो किताबबारे कुरा गर्ने तयारीमा थिइन् ।

जब कपिल र उनको प्रोडक्सनका टीमलाई यो कुरा थाहा भयो तब हल्लाखल्ला मच्चियो । त्यसपछि प्रोडक्सन टीमले स्मृति इरानीसँग कुरा गर्न असाध्यै धेरै कोसिस गर्यो तर अन्ततः सुटिङ नै रद्द गर्नुपर्यो । त्यसपछि ठूलो संख्यामा प्रहरी बल त्यहाँ  पुग्यो र कपिलको प्रोडक्सन टीमबाट निकै बेरसम्म कुराकानी चल्यो । जब कुरा हुन सकेन, तब प्रोडक्सन टीमले सेटसँग सम्बन्धित मानिसलाई घर जान भने ।

स्रोतका अनुसार केन्द्रीय मन्त्री उनका ड्राइभर र दुई जनाको समूहमा शोको सुटिङका लागि बेलुकी कपिल शर्माको सेटमा पुगेकी थिइन् । प्रवेश द्वारमा त्यहाँका सुरक्षाकर्मी अन्नाले उनलाई पहिचान गर्न सकेनन् र उनलाई प्रवेश गर्न दिएनन् । स्मृतिले ती सुरक्षाकर्मीलाई आफूलाई सेटमा एपिसोडको सुटिङका लागि निम्तो दिइएको बताइन् । यसबारे सुरक्षाकर्मीले भने, ‘हामीले कुनै आदेश पाएका छैनौं । माफ गर्नुहोस् म्याडम, तपाईं भित्र जान पाउनुहुन्नँ ।’

जोमेटोको डेलिभरी गर्ने व्यक्ति कुनै रोकटोक बिना भित्र गएः

स्मृति निकै बेरसम्म सुरक्षाकर्मीलाई सम्झाउने कोसिस गर्छिन् तर उनी कसैगरी मानेनन् । त्यति नै बेला जोमेटोका खाना लिएर एक व्यक्ति आए । सुरक्षाकर्मीले उनलाई केही सोधपुछ बिना नै जान दिए । यसबारे केन्द्रीय मन्त्री असाध्यै रिसाइन् । जानकारीका अनुसार उनले निर्माताको समूह र कपिल शर्मालाई पनि फोन गरे तर कुरा हुन सकेन । अन्ततः रिसाएर स्मृति इरानी सुटिङ नगरिकनै फिर्ता भइन् ।

मन्त्रीलाई रोकेको थाहा हुने बित्तिकै गार्डले फोन बन्द गरेः

भारतीय सञ्चार माध्यमका अनुसार जब सुरक्षाकर्मीलाई आफूले मन्त्रीलाई नै रोकेको भन्ने थाहा भयो तब उनी त्यहाँबाट भागे । उनले आफ्नो फोन पनि बन्द गरेका छन् । यता निर्माण पक्षले लगातार कोसिसपश्चात् पनि स्मृति इरानीलाई सुटिङमा फर्कन आग्रह गरेपनि उनी मानिनन् ।

अमेरिकाले लोकतन्त्र विषयमा सम्मेलन गर्दै : चीन र रुसबाहेकका एकसय १० देशलाई निम्तो

0

काठमाण्डौ – अमेरिकी राष्ट्रपति जो बाइडेनले विश्वभरका एक सय १० देशलाई लोकतन्त्र विषयमा हुने भर्चुअल सम्मेलनमा निम्तो दिनुभएको छ ।

डिसेम्बरको ९ र १० तारिखमा हुने यस सम्मेलनमा चीन र रुसलाई भने बोलाइएको छैन । तर ताइवान भने यो सम्मेलनमा भाग लिँदैछ । अमेरिकी विदेश विभागले जारी गरेको एक पत्रमा यसबारे उल्लेख छ ।

अमेरिकाको यो कदमसँग चीन असन्तुष्ट हुनसक्ने बीबीसीले जनाएको छ ।  किनकी ताइवानलाई चीनले आफ्नो अभिन्न हिस्सा मान्दै आएको छ । यस्तै अमेरिकाले टर्की, अफगानिस्तान, बंगलादेश, श्रीलङ्कालाई पनि यस सम्मेलनमा बोलाएको छैन ।

हरवा चरवा अधिकार मंच द्वरा २४ पालिकालाइ ज्ञापन

0

वीरगंज । रास्ट्रिय दलित नेटवोर्कको सहजीकरणमा गठित हरवा चरवा अधिकार मंचले एकै दिन प्रदेश न. २ का ६ जिल्लाका २४ वटा पालिकाहरुमा विभिन्न माग राखी ज्ञापन पत्र बुझएको छ ।

प्रदेश न.२ का पर्सा, बारा, रौतहट, धनुषा, सिरहा र सप्तरीका २४ पालिकाहरुमा हरवा चरवा अधिकार मंचका पालिका समितीहरुले बाध्यकारी बधुवा श्रममा अधारित एउटा शोषणमुलक दास प्रथाको रुपमा रहेको हरवा चरवा प्रथा अन्तय गर्न माग गर्दै ज्ञापन पत्र बुझएको हो ।

उक्त समितिहरुद्वारा बिभिन्न पालिकाहरुमा पेश गरिएको ज्ञापन पत्रमा दास प्रथाको अवशेषको रुपमा रहेको कृषी बधुवा श्रमिकहरु हरवा चरवाहरुको नागरिकता, जन्मदर्ता, समाजिक सुरक्षा भता लगायतका सवालहरुलाइ सहज ढंगले सम्बोधन गर्न माग गरिएको छ । हरवा चरवाहरुको पहिचान,  प्रमाणिकरन र परिचयपत्र बितरण गरियोस साथै हरवा चरवाहरु भुमिहिन भएकोले भुमी माथी उनिहरुको स्वामित्व कायम गरियोस भनी ज्ञापन पत्रमा उल्लेख छ ।

हाल स्थानिय सरकारहरुबाट नै सम्बोधन हुन सक्ने खालका विभिन्न मागहरु जस्तै हरवा चरवाहरुको आय आर्जन प्रबर्द्धन गर्नका लागि जिउकोपर्जन सीप बिकास तालीमहरुमा समेत उनीहरुको पहुच कायम गरियोस भने मागहरू ज्ञापन पत्र मार्फत प्रस्तुत गरिएको रास्ट्रिय दलित नेटवोर्कका जनवकालत अधिकारी रुपनरायन पासवानले बताए ।

सदियो देखि हरवा चरवा प्रथा बाट प्रताडित भइ सामाजिक , आर्थिक , राजनितीक र शैक्षिक दृस्ठिले पिछाडि परेकाहरु लाई राज्यको मुलधारमा ल्याउनु राज्यको प्रमुख दाइत्व भएकोले हम्रा मागहरू अबिलम्ब सम्बोधन हुनु पर्ने हरवा चरवा अधिकार मंच बिरगंजका अध्यक्ष जयप्रकाश माझिले बताए ।

पर्साका एसपी पाण्डेको बिदाई

0

वीरगंज । जिल्ला प्रहरी कार्यालय पर्साका प्रहरी उपरीक्षक (एसपी) बेल बहादुर पाण्डेको विदाई गरिएको छ । रेडियो वीरगंज र टिभी वीरगंजले मंगलबार एक कार्यक्रमको आयोजना गरि सरुवा भएका एसपी पाण्डेको विदाई गरेको हो ।

रेडियो र टिभी वीरगंजकाे परिसर मै भएको कार्यक्रममा पर्साका प्रमुख जिल्ला अधिकारी उमेश कुमार ढकाललाई स्वागत समेत गरिएको थियो ।

रेडियो वीरगंज एवम् टिभी वीरगंजका कार्यकारी अध्यक्ष ध्रुव साहको अध्यक्षतामा भएको कार्यक्रममा पर्साका सहायक प्रमुख जिल्ला अधिकारी भिमकान्त पौडेल, सशस्त्रका प्रहरी उपरीक्षक राजेन्द्र खड्का, वीरगंज पब्लिक कलेजका संचालक दिपक शाक्य, वीरगंज हेल्थ केयरका संचालक डा. अबुलैस हैस अंसारी, नारायणी अस्पतालका डा. उदय नारायण सिंह, डा. दिलिप चौरसिया लगायतको उपस्थिती रहेको थियो ।

कार्यक्रमको सहजीकरण रेडियो वीरगंजका समाचार प्रमुख ध्रुव अधिकारीले गरेका थिए ।