Date
बिहि, मंसिर ३, २०८३
Thu, November 19, 2026
Home Blog Page 743

स्थानिय सरकार परियाेजना व्यवस्थापन समितिकाे बैठक सम्पन्न

0

वीरगंज । स्थानीय सरकार परियाेजना व्यवस्थापन समितिकाे बैठक तथा स्थानीय सरकारका पदाधिकाहरुरीसंग अन्तरक्रिया कार्यक्रम मंगलबार वीरगंजमा सम्पन्न भएकाे छ ।

“स्वदेशमा नै राेजगारी गराैं, बैदेशिक राेजगारीमा जाने नै भए सही सूचना लिएर र शीप सिकेर मात्र जाऔं” मुल्य नाराका साथ संचालित सुरक्षित आप्रवासन (सामी) परियाेजना पर्सा जिल्लाकाे वीरगन्ज महानगरपालिका, पर्सागढी नगरपालिका, सखुवा प्रसाैनी गाउँपालिका र ठाेरी गाउँपालिकामा संचालनमा रहेकाे छ ।

वीरगन्ज महानगरपालिकाकाे आयाेजना, हेल्भेटासकाे प्राबिधिक सहयाेग तथा सेवा प्रदायक संस्था दिब्य युवा क्लब, पर्साकाे सहजीकरणमा वीरगन्ज महानगरपालिकाकाे सभाहलमा बसेकाे बैठकमा साेही परियाेजनाकाे बिषयमा छलफल भएकाे दिव्य युवा क्लबका कार्यकारी निर्देशक रामाकान्त पटेलले जानकारी दिए । 

बैठकमा पर्सा जिल्लाका स्थानीय तहहरूले आफ्नाे आवधीक याेजनामा सामी परियाेजनालाई राखेर प्रत्येक वर्ष बजेट बिनियाेजन गर्ने सहमति भएकाे उनले वताए ।

कार्यक्रममा वीरगंज महानगरपालिकाका नगर प्रख प्रमुख विजय कुमार सवरावगी, पाेखरियाे नरगपालिकाका नगर प्रमुख दिपनारायण रा‌ैनियार, सखुवा प्रसाैनी गाउँपालिकाका अध्यक्ष प्रदिप जयसवाल, ठाेरी गाउँपालिकाका अध्यक्ष पिएल श्रेष्ठ, वीरगंज महानपालिकाका प्रमुख प्रशासकिय अधिकृत निश्चलचल राज पाण्डे, धाेबिनी गाउँपालिकाका प्रमुख प्रशासकीय अधिकृत राजु साह,  हेल्भेटासका तालिम संयाेजक सनत सापकाेटा, प्रदेश २ का प्रदेश संयाेजक विजय ठाकुर, पर्सा जिल्लाका कार्यक्रम अधिकृत शिवचरण साह राैनियार लगायतकाे उपस्थिति रहेकाे थियाे ।

पर्सामा १८ बर्ष माथीकाे सबैलाई खाेप लगाउन अभियान संचालन

0

वीरगंज । पर्सामा १८ बर्ष माथिकाे सबै व्यक्तिलाई खाेप लगाउन खोप अभियान संचालन हुने भएकाे छ । कोभिड १९ विरुद्धको खाेप  ‘हाम्रो खोप, हाम्रो सुरक्षा, खोप लगाउ सुरक्षित बनौं’ भन्ने नाराका साथ मंसिर २२,२३ र २४ गते पर्सा जिल्लाको सबै स्थानिय तहहरुमा खाेप अभियान संचालन हुने जिल्ला खोप समन्वय समिति पर्साका संयाेजक प्रमुख जिल्ला अधिकारी उमेश कुमार ढकालले जानकारी दिए ।

स्थानिय तहको सहकार्यमा जिल्लाको सबै स्वास्थ्य संस्था तथा आवश्यकताको आधारमा तत्कालै खोप केन्द्र थप हुने गरी हाल ४ सय ७५ जना स्वास्थ्यकर्मी स्वयंसेवक व्यवस्थापक तथा ७६५ जना सामुदायीक महिला स्वयसेविकासहितको टिम परिचालन गरी १२९ स्थानबाट खोप अभियान सञ्चालन गर्न लागिएकाे प्रमुख जिल्ला अधिकारी ढकालले वताए ।

स्वास्थ्य कार्यालय पर्साले जिल्ला प्रशासन कार्यालयमा आयाेजना गरेकाे पत्रकार भेटघाट कार्यक्रममा वाेल्दै अधिकारी ढकाले खोप लिन बाँकी रहेका १८ वर्ष उमेर भन्दा माथिका सबै व्यक्तिलाई खोप लगाउने गरि तयारी रहेकाे वताए ।

उनले भने “त्यसका लागि जिल्लामा १ सय २९ वटा खोप केन्द्र ताेकिएका छन् । आवश्यकता परेको खण्डमा खोप केन्द्र थप्न पनि सकिन्छ । वीरगञ्ज महानगरपालिकाको बढी भिडभाड हुने क्षेत्र घण्टाघर चोक, नयाँ बसपार्क, आदर्शनगर चोक, भन्सार र ड्राईपोर्ट चोकमा समेत खोप केन्द्र स्थापना भएका छन् । पोखरिया नगरपालिकामा हाट बजार लाग्ने अभियानको दिन थप एउटा खोप केन्द्र सञ्चालन गर्ने गरि तयारी गरिएको छ ।” 

भेरोसेल सिनोफार्म खोपको पहिलो मात्रा वा पहिलो मात्रा लगाएकालाई दोस्रो मात्रा खोपको समेत सुनिश्चितता गरिएकाे छ । त्यसैले अभियानमा भेरोसेल सिनोफार्म खोपको छुटेको दोस्रो मात्रा पनि खोप प्रदान गर्ने गरि तयारी गरिएको स्वास्थ्य कार्यालय पर्साका स्वास्थ्य निरिक्षक जयमाेद ठाकुरले वताए ।

उनका अनुसार गर्भाअवस्थाको पहिलो त्रैमासिक पुगेको सबै गर्भवतीलाई पनि खोप दिईने छ । खोप अभियान सफल बनाउन स्थानीय तहलाई महिला स्वयंसेविकालाई घर घरमा पठाएर खोप लाग्दै गरेको बारेमा जानकारी गराउन आग्रह गरिएको छ ।

यसअघि भेरोसेल कोभिडसिल्ड वा एस्ट्राजेनेका खोपको पहिलो मात्रा लिएकालाई खोप कार्डको आधारमा दोस्रा मात्रा सम्बन्धित पालिकाले नै अभियानको अन्तिम दिन दिने गरि व्यवस्था मिलाइएकाे स्वास्थ्य निरिक्षक ठाकुरले जानकारी गराए ।

उनले भने “अभियानलाई अझ प्रभावकारी बनाउन कोभिड–१९ विरुद्धको प्रदेश स्तरिय कार्यक्रम सञ्चालन मार्गदर्शन २०७८ बमोजिम हाल निजी तथा गैर सरकारी अस्पतालहरुमा पनि खोप सेवा सञ्चालन हुने गरी व्यवस्था मिलाएका छौं । आवश्यकता अनुसार थप हुनेगरी हाललाई वीरगञ्ज विर्तास्थित नारायणी सेन्ट्रल हस्पीटलमा आईतबार, गण्डकस्थित वीरगञ्ज हेल्थ केयर हस्पिटलमा मंगलबार र वीरगंज घन्टाघर लिंकरोडस्थित भवानी हस्पीटलमा बिहिबार भेरोसिलको पहिलो वा खोप कार्डको आधारमा दोस्रो मात्रा खोप सेवा लिन सकिने गरि स्वास्थ्य कार्यालय पर्सा र वीरगंज माहानगरपालिकाको समन्वयमा व्यवस्था मिलाइएको छ ।”

खोप अभियानका लागि जिल्लामा प्रयाप्त मात्रामा खोप

विशेष खोप अभियानका लागि जिल्लामा प्रयाप्त मात्रामा खोप  रहेकाे खाेप समन्वय समिति पर्साले जनाएकाे छ । समितिका अनुसार यस अभियानमा लक्ष्य अनुसार खोप आपुर्तीको व्यवस्था मिलाइएको छ । ४३ हजार भेरोसेल खोप जिल्लामा आईसकेको छ । स्वास्थ्य कार्यालयले पालिकालाई आवश्यक खोप मंगलबारदेखी पठाईरहेको छ र थप ६० हजार खोप पथलैया प्रादेशिक खोप स्टोरमा पर्सा जिल्लाको लागी सुनसश्चित गरि आवश्यकताको आधारमा आपुर्तिहुने गरी राखिएक छ ।

पर्सा जिल्ला पटक पटक कोरोना संक्रमणको केन्द्र बनिसकेको अवस्था छ । त्यसैले जोखिम कायमै छ भनेर हामीले बुझ्नुपर्छ र आम जनसमुदायलाई पनि त्यसैगरि बुझाउनु पर्छ । नयाँ भेरियन्टको संक्रमण भित्रिन नदिन, भित्रिहालेको खण्डमा संक्रमितको उपचार गर्न आवश्यक तयारीहरु भईरहेकाे प्रमुख जिल्ला अधिकारी ढकालकाे भनाई छ ।

पर्सामा १८ बर्षमाथिका ३० प्रतिशतले खाेप लगाए

२०७८ साउन यता ७ पटक खोप अभियान सञ्चालन भईसकेको छ । त्यसक्रममा पर्सा जिल्लामा हालसम्म १ लाख ३२ हजार १ सय २८ जनाले दोस्रो मात्रा खोप लगाईसकेका छन् । जसमध्ये ९ हजार ७ सय ६४ जनाले कोभिसिल्डको दुवै डोज, ६६ हजार ३ सय ७५ जनाले भेरोसेलके दुवै मात्रा, ३४ हजार ५ सय ७ जनाले जनसन सिंगल डोज र २१ हजार ९ सय ८२ जनाले एष्ट्राजेनेकाको दुवै डोज खोप लगाएका छन् । जिल्लामा १८ वर्ष भन्दा माथिका लक्षित समुदायको संख्या ४ लाख ४५ हजार ३ सय ६८ जना छ । हालसम्म ३० (२९.६७) प्रतिशतले मात्रै खोप लगाएको अवस्था छ ।

जिल्ला खोप समन्वय समिति पर्साले पौष मसान्तभित्र दुई तिहाई नागरिक अर्थात ६६ प्रतिशतलाई खोप लगाई सक्ने लक्ष्य लिएर काम अघि बढाएको छ । वर्तमान परिस्थितिलाई मध्यनजर गरेर पर्सामा कोरोना भाइरस विरुद्ध विशेष खोप अभियान सञ्चालन गर्ने निर्णय गरेको खाेप समन्वय समितिले जनाएकाे छ ।

पाेखरियाकाे प्रमुख प्रशासकिय अधिकृतमा संदेश यादव

0

वीरगंज । पर्साकाे पाेखरिया नगरपालिकाका प्रमुख प्रशासकिय अधिकृतमा संदेश कुमार यादव हाजिर भएका छन् । पर्सा कै पटेर्वा सुगाैली गाउँपालिकाकाे प्रमुख प्रशासकिय अधिकृत समेत रहेका यादव पाेखरियाकाे थप जिम्मेवारी पाएपछि मंगलबार हाजिर भएका हुन् ।

पाेखरिया नगर कार्यपालिकाकाे कार्यालय पाेखरियामा हाजिर हुन पुगेका प्रमुख प्रशासकिय अधिकृत यादवलाई त्यहाँका जनप्रतिनिधि र कर्मचारीहरुले फुलकाे माला र अविरकाे टिका लगाई स्वागत गरेका थिए ।

पाेखरियाका प्रमुख प्रशासकिय अधिकृत अशाेक काेइरालाकाे सरुवा भएपछि अधिकृत यादवलाई संघिय मामिला तथा सामान्य प्रशासन मन्त्रालयले पाेखरियाकाे थप जिम्मेवारी दिएकाे हाे ।

मंगलबार हाजिर भएका प्रमुख प्रशासकिय अधिकृत यादवले साेही दिनदेखी कार्यभार समेत सम्मालेका छन् ।

पाेखरियाकाे प्रमुख प्रशासकिय अधिकृतकाे कार्यभार सम्माल्दै अधिकृत यादवले नगरवासीकाे आवश्यकतालाई मध्यनजर गर्दै जनप्रतिनिधिकाे समन्वयमा काम गर्ने वताए । उनले नगरपालिकाकाे कामकाज विगतकाे भन्दा सुधार गर्ने प्रयास गर्ने समेत प्रतिवद्धता जनाए । 

नेता गद्दी माओवादी केन्द्रमा प्रवेश, एमालेमा लागेका दास पनि केन्द्रमै फर्के

0

वीरगंज ।  नेपाल संघीय समाजवादी पार्टी पर्साका पूर्व जिल्ला संयोजक  इमदाद गद्दी नेकपा माओवादी केन्द्रमा प्रवेश गरेका छन । गत संघिय निर्वाचनमा पर्सा क्षेत्र नम्बर ४ को संसदमा समेत प्रत्यासी भईसकेका गद्दी मंगलबार माओवादी केन्द्रमा प्रवेश गरेका हुन ।

 नेता गद्दी मंगलबार काठमाडाैंस्थित माओवादी केन्द्रका अध्यक्ष पुष्प कमल दाहाल (प्रचण्ड) निवास खुलमटारमा पुगी माओवादीमा प्रवेश गरेका हुन । उनलाई अध्यक्ष प्रचन्डले पार्टीमा स्वागत गरेका छन ।

त्यस्तै, नेकपा माओवादी केन्द्र निकट अखिल क्रान्तिकारीका पूर्व केन्द्रीय सचिवसहित आधा दर्जन विधार्थी नेताहरु पुरानै घर फर्किएका छन् । नेकपा एमाले र माओवादी केन्द्रलाई अदालतले बनाईदिएपछि प्रभु साहसँगै एमालेमा लागेका अखिल क्रान्तिकारीका पूर्व सचिव अमिताब बच्चन दास, विधार्थी नेता सुनिल रौनियार, आईटी आर्मी पर्साका अध्यक्ष संतोष पटेल, प्रदीप गुप्ता, मखन पटेल लगायतका विद्यार्थी नेताहरु पुनः माओवादी केन्द्रमै फर्किएका हुन् । 

 माओवादी केन्द्र निकट अखिल क्रान्तिकारीका केन्द्रीय सचिव समेत भईसकेका दास माओवादी केन्द्रको सरकारको पालामा जिल्ला खेलकुद विकास समितिका अध्यक्ष समेत भएका थिए । प्रभु साहसँगै एमालेमा लागेका दास एमालेको जिल्ला सदस्य, युवा परिषद पर्साका अध्यक्षको समेत जिम्मेवारीमा सम्हालीसकेका व्यक्ति हुन । 

उनिहरुलाई पनि माओवादी केन्द्रका अध्यक्ष  प्रचण्डले पार्टीमा स्वागत गरेका छन । सो अवसरमा माओवादी केन्द्रकी नेतृ उर्मिला अर्याल, सांसद शेख चादं तारा, पर्सा जिल्ला  ईन्चार्ज विजय महतो, जिल्ला अध्यक्ष रामदरस कुशवाहा, जिल्ला सदस्य प्रभाकर गुप्ता लगायतको उपस्थिति रहेको थियो । 

व्यावसायिक कृषि तालिम शुरु

0

वीरगन्ज । कृषि ज्ञान केन्द्र पर्साकाे आयोजनामा मंगलबारदेखी ३ दिने युवा लक्षित शिप विकास क्षमता अभिवृद्धि व्यावसायिक च्याउ, तरकारी तथा फलफूल खेती तालिम शुरु भएको छ।

निम्न आय भएका किसानहरुलाई व्यावसायिक तरकारी खेती गरेर आत्मनिर्भर बनाउन आर्थिक स्तरमा पनि सुधार ल्याउन सकिने र विदेश पलायन हुने युवाहरुलाई स्वदेश मै आत्मनिर्भर बनाउने उद्देश्यले तालिम आयाेजना गरिएकाे कृषि ज्ञान केन्द्र वीरगंजका नि. प्रमुख मुनिलाल प्रसादले बताए ।

३ दिन सम्म चल्ने तालिममा कृषि सम्बन्धी आवश्यक ज्ञान र सीप सिकेर त्यसलाई व्यवहारमा लागू गर्न समेत तालिमका सहभागीहरुलाई उनले आग्रह गरे । नेपालका अधिकांश नागरिक कृषिमा नै आत्मनिर्भर रहेकाले किसानलाई व्यावसायिक तरकारी खेतीमा आकर्षित गर्न तालिमको आयोजना गरिएको प्रमुख मुनिलालले बताए ।

कृषि ज्ञान केन्द्रको प्रमुख मुन्नीलालकाे अध्यक्षतामा भएको कार्यक्रममा गणेश मिश्रले सहजिकरण तथा प्रशिक्षण गरिरहेका छन् । कृषी अनुसन्धान केन्द्र परवानीपुरमा सुरु भएकाे तालिममा पर्सा जिल्लाका विभिन्न पालिकाबाट किसानहरुको सहभागिता रहेको छ ।

बाल विवाहा अन्तकाे लागि पंडित तथा पुरोहितहरुसंग अन्तरक्रिया

0

वीरगंज । पर्साकाे पाेखरियामा बाल विवाह तथा दाइजाे अपराध अन्त गर्नकाे लागि साेमबार धर्म गुरु तथा सम्बन्धित सराेकारवालाहरुसंग अन्तरक्रिया गरिएकाे छ । 

दिव्य यूवा क्लव, पर्सा र एक्सनएड नेपालको संयुक्त साझेदारीमा संचालनमा रहेको स्थानीय अधिकार कार्यक्रम अन्तर्गत पोखरीया नगरपालीकाको सभाहलमा भएको कार्यक्रममा पंडित तथा पुरोहितहरुले अब देखी आफुहरुले विवाहको दिन तोक्दा केटा केटीहरुको जन्म दर्ताको आधारमा उमेर यकिन गरेर मात्रै मिति तोक्ने प्रतिवद्धता गरेका छन् ।

कार्यक्रमका सहभागिहरुले नेपालको कानुन अनुसार विवाह गर्ने उमेर २० वर्ष पूरा भएपछि हो । २० वर्ष भन्दा कम उमेरमा विवाह गर्ने गराउने सबैलाई कानुनी सजायको व्यवस्था गरिएको छ । तर हाम्रो समाजमा कानुनका कुरा भन्दा सामाजिक मुल्यमान्यताले बढी मान्यता पाएको वताए ।

आफ्नो छोरा छोरीको उमेर २० वर्ष नपुग्दै विवाह गर्ने तथा गराउने प्रचलन कायम नै रहँदा पनि कसैले उजूरी नगर्ने गरेको अवस्था छ । विवाह सामाजिक सांस्कृत कार्य भएको हुनाले कसैले यसको विरुद्धमा उजूरी गरिहाल्न सोच्नु पर्ने अवस्था रहेकाे उनीहरुकाे भनाई थियाे ।

लैंगिक हिंसा विरुद्धको १६ दिने अन्रराष्ट्रिय अभियानको अवसरमा घरबाट नै परिवर्तनको सुरुवात गर्नु पर्ने तथ आफ्नो व्यवहार परिवर्तन गरेर मात्र अरुलाई सन्देश प्रवाह गर्न सकिने हुनाले यसै सन्देशको साथमा हाम्रो सामाजिक मुल्य मान्यताको कारणले गर्दा बालविवाह जस्तो अपराध पनि निर्वाद भईरहेको हुनाले यसलाई रोक्नको लागि समुदायमा सचेतीकरण भईरहको छ । तै पनि धेरै बालविवाह भईरहेको अवस्थामा विवाहमा मुख्य भूमिका भएका पंडित, पुरोहित तथा अन्य धर्मगुरुहरुसंग एक अन्तरक्रिया गरिएको छ ।

दिब्य युवा क्लब, पर्साका अध्यक्ष देवनाथ ठाकुरकाे अध्यक्षता र पोखरीया नगरपालीकाका नगर प्रमुख दिपनारायण रौनियारकाे प्रमुख आतिथ्यतामा भएकाे कार्यक्रममा कार्यक्रममा पटेर्वा सुगौली गाउँपालीकाकाकाे वडा नं.३ का वडाध्यक्ष, पोखरीया नगरपालीकाकाे वडा नं ८ र ७ का वडाध्यक्षसहित पंडित पुरोहितहरुको सहभागिता रहेको थियो ।

कार्यक्रममा बालविवाह गर्न गराउन मुख्य भूमिका रहने पंडित पुरोहितहरु तथा अभिभावकहरुले के कस्ता कुराहरुमा ध्यानदिएको खण्डमा बालविवाह रोक्न सकिन्छ त भन्ने विषयमा पनि छलफल गरिएको थियो । 

सुनिलका छोराद्वारा अभिनित फिल्म ‘तडप’को राम्रो शुरुवात

0

अभिनेता सुनिल सेट्टीका छोरा अहान सेट्टीले चलचित्र ‘तडप’बाट बलिउडमा डेब्यु गरे । यो चलचित्रमा उनले नायिका तारा सुतरियासँग रोमान्स गरेका छन् ।

एकातिर सुनिलको छोरा हुनु, अर्कोतिर साजिद नाडियाडवाला जस्ता सफल मेकरसँग काम गरेको हुनाले पनि अहानको डेब्युलाई लिएर सर्वत्र चासो थियो ।

‘तडप’ले बक्स अफिसमा सुखद शुरुवात गरेको बलिउड पण्डितहरुले बताएका छन् । १६ सय हलमा मात्र रिलिज भएको यो चलचित्रले शुक्रबार ४.०५ करोड भारुको व्यापार गरेको थियो ।

शनिबार चलचित्रको व्यापारमा थोरै उछाल देखिएको छ । शनिबार चलचित्रले ४.१२ करोडको व्यापार गरेको छ । दुई दिनमा ८.१७ करोडको व्यापार गरेको चलचित्रले विकेन्डमा १४ करोड माथिको व्यापार गर्ने अपेक्षा गरिएको छ ।

चलचित्रले दिल्ली, उत्तर प्रदेश, गुजरात र पञ्जाबमा राम्रो कमाइ गरेको छ । यो चलचित्रलाई समीक्षकले पनि राम्रो भनेका छन् । साउथको चलचित्र ‘आर एक्स १००’को रिमेक यो चलचित्रबाट अहानले बलिउडमा बलियो सम्भावना देखाएका छन् ।

 

चिसो मौसममा खानैपर्ने खानेकुरा

0

चिसो मौसममा हाम्रो शरीरको पाचन प्रक्रिया सुस्त हुन्छ । पानी कम पिउने कारण शरीर पनि सुख्खा हुन्छ । यस्तो अवस्थामा बिरामी हुने सम्भावना बढी हुन्छ । स्वास्थ्य विशेषज्ञका अनुसार चिसोमा केही खानेकुरा खाली पेटमा खाने गर्नुपर्छ । यसले विभिन्न रोगहरूलाई कम गराउँछ । जसले दिनभर उर्जावान बनाउँछ । त्यसैले चिसो मौसममा नियमित रुपमा खाली पेटमा यी खानेकुरा सेवन गर्नुपर्छ । 

मेवा 
मेवा हाम्रो स्वास्थ्यका लागि राम्रो मानिन्छ । यसले पेटसम्बन्धी धेरै रोगहरु निको गर्छ । खाली पेटमा मेवा खानु उचित मानिन्छ । मेवा हरेक मौसम र स्थानमा पाइन्छ । यसलाई हामी सजिल्यै हाम्रो बिहानको खाजामा प्रयोग गर्न सक्छौँ । यसले कालेस्ट्रोल कम गर्छ । मुटुसम्बन्धी रोगहरु पनि टाढा राख्न भने तौल पनि नियन्त्रणमा राख्छ । 

मनतातो पानीसँग मह 
चिसो मौसममा हरेक बिहान खाली पेटमा मनतातो पानी र मह मिसाएर पिउने गर्नुपर्छ । महमा मिनरल्स, भिटामिन, फ्लेवोनोइड्स र एन्जाइम हुने भएकाले पेट सफा राख्छ । मनतातो पानीमा मह मिसाएर पिउँदा पेटको सबै विषाक्त पदार्थहरु बाहिर निस्किन्छ । यसका साथै तौल कम गर्न पनि मद्दत मिल्छ । 

ओटमिल
ओटमिलभन्दा राम्रो बिहानको खाजामा अरु कुनै पनि हुँदैन । यदि तपाईं क्यालोरी र पोषक तत्व भरपुर भएको खानेकुरा खान चाहानुहुन्छ भने ओटमिल खाने गर्नुपर्छ । विषाक्ता पदार्थ बाहिर निकाल्न पनि यसले मद्दत गर्छ । यसले पेटलाई सफा राख्छ । ओटमिल खाँदा धेरै लामो समयसम्म भोक लाग्दैन । र तौल पनि नियन्त्रणमा रहन्छ । 

भिजाएको बदाम 
बदाममा म्यागाजिन, भिटामिन ई, प्रोटिन, फाइबर, ओमेगा–३ र ओमेगा–६ फ्याटी एसिड पाइन्छ । बदामलाई सधैं राति भिजाएर राख्ने र बिहान खाने गर्नुपर्छ । बदामको बोक्रामा ट्यानिन हुन्छ । जसले पोषक तत्वहरुको अवशोषणलाई रोक्छ । बदाम भिजाएर खाँदा सजिल्यै बोक्रा निस्किन्छ भने यसले शरीरलाई तातो पनि राख्छ । 

भिजाएको ओखर
बदामजस्तै ओखर पनि भिजाएर खाँदा फाइदाजनक हुन्छ । दिनको सुरुवातमा भिजाएको ओखर खाँदा पोषक तत्व प्राप्त हुन्छ । २ देखि ५ वटा भिजाएको ओखर बिहान खाने गर्दा स्वास्थ्यलाई धेरै फाइदा पुग्छ । 

ड्राई फ्रुट्स 
किशमिश, बदाम, पिस्ता आदि ड्राई फ्रुट्स खाँदा पेट सफा रहन्छ भने यसले स्वस्थ रहन पनि मद्दत गर्छ ।