Date
बिहि, मंसिर ३, २०८३
Thu, November 19, 2026
Home Blog Page 737

पर्साकाे ११ विद्यालयमा लैंगिक हिंसा सम्बन्धि अभिमुखिकरण

0

वीरगंज । पर्साकाे ४ पालिकाकाे ११ विद्यालयमा विद्यालयसंग सम्बन्धि लैंगिक हिंसा सम्बन्धि अभिमुखिकरण कार्यक्रम सम्पन्न भएकाे छ । दिव्य युवा क्लब र भिएसाे नेपालकाे साझेदारीमा संचालित किशाेरी सशक्तिकरणकाे लागि शिक्षा कार्यक्रम अन्तर्गत अभिुखिकरण कार्यक्रम सम्पन्न भएकाे हाे ।

कार्यक्रम संचालन रहेकाे जगरनाथपुर गाउँपालिकाकाे ६ वटा, धाेबिनी गाउँपालिकाकाे ३ वटा, पाेखरिया नगरपालिकाकाे एक वटा र वीरगंज महानगरपालिकाकाे एक वटा विद्यालयमा लैंगिक हिंसा सम्बन्धि अभिमुखिकरण सम्पन्न भएकाे परियाेजना संयाेजक गणेश ठकुरीले जानकारी दिए ।

अभिमुखिकरण मार्फत विद्यालयमा अध्ययनरत छात्र/छात्रा र शिक्षकहरुलाई विद्यालयसंग सम्बन्धित लैंगिक हिंसा बारे चेतना प्रदान गरिएकाे उनले वताए । विद्यालयसंग सम्बन्धित लैंगिक हिंसाकाे घटनाहरु न्यूनिकरण गर्न कार्यक्रमकाे प्रमुख उद्देश्य रहेकाे संयाेजक ठकुरीले जानकारी गराए ।

मंसिर २७ गते साेमबारदेखी सुरु भएकाे अभिमुखिकरण कार्यक्रम आइतबार अन्तिम दिन वीरगंजकाे त्रिजुद्ध माध्यमिक विद्यालयमा आयाेजना गरिएकाे थियाे । कार्यक्रममा परियाेजनाका कर्मचारी र स्वयम्सेवकहरुले प्रशिक्षण दिएका थिए । 

विद्यार्थी नेता शशिकान्तकाे माेटरसाइकल दुर्घटनामा परी मृत्यु

0

वीरगंज । अनेरास्ववियू (क्रान्तिकारी) बाराका सह सचिव तथा जितपुर सिमरा उपमहानगरपालिकाका उपाध्यक्ष शशिकान्त चाैधरीकाे माेटरसाइकल दुर्घटनामा परी मृत्यु भएकाे छ ।

जितरपुर सिमरा उपमहानगरपालिकाकाे वडा नं. ३ बजनी निवासी शशिकान्तकाे शनिबार सांझ वीरगंज जितरपुर सडक खण्डकाे सिमरास्थित हुलास स्टिल अगाडी  माेटरसाइकल दुर्घटनामा परी निधन भएकाे अनेरास्ववियू (क्रान्तिकारी) जितपुर सिमराका सचिव ताेप बहादुर श्रेष्ठले वताए ।

सुपर स्पलेन्डर माेटरसाइकलमा चाैधरीसहित दुई जना सवार थिए । माेटरसाइकल चालक शशिकान्तकाे मृत्यु भएकाे र साेही माेटरसाइकलमा सवार सुनिल चाैधरी गम्भिर घाइते भएका छन् । घाइते सुनिलकाे वीरगंजस्थित एलएस न्यूराे अस्पतालमा उपचार भइरहेकाे छ ।

अनेरास्ववियू (क्रान्तिकारी) जितपुर सिमरा उपमहानगरपालिकाले आइतबार शाेक वक्तव्य जारी गर्दै शशिकान्तकाे माेटरसाइकल दुर्घटनामा परी असमायिक दु:खद निधन भएकाे जनाएकाे छ ।

संगठनका अध्यक्ष दिपेन्द्र प्रसाद यादव र सचिव श्रेष्ठले संयुक्त रुपमा शाेक वक्तव्य जारी गर्दै शशिकान्तकाे मृत आत्मा प्रति भावपूर्ण  श्रद्धान्जली अर्पण गर्दै शाेक सन्तप्त परिवारजनमा धैर्य धारण गर्ने शक्ति प्रदान हाेस् भन्दै संवेदना समेत व्यक्त गरेकाे छ । 

कांग्रेस प्रदेश २ को अधिवेशन पुस ६ र ७ गते हुने

0

वीरगंज । नेपाली कांग्रेस प्रदेश २ को अधिवेशन अगामी पुस ६ र ७ गते हुने भएको छ । महाविधेशनअघि नै प्रदेश अधिवेशनको उद्घटान भए पनि सर्लाहीसहितका जिल्लामा विवाद समाधान नहुँदा कांग्रेसको प्रदेश २ को अधिवेशन अझै हुन सकेको छैन ।

विवाद हुँदा पार्टी केन्द्रीय महाधिवेशनमा असर नपरोस भनेर स्थगित गरिएको प्रदेश अधिवेशन अब यही पुस ६ र ७ गते हुने भएको छ ।

कांग्रेस केन्द्रीय निर्वाचन समितिको बैठकले प्रदेश २ को अधिवेशन पुस ६ र ७ गते गर्ने निर्णय गरेको छ । निर्वाचन समिति सदस्य अरुणकुमार यादवका अनुसार महाधिवेशन सम्पन्न पश्चात पुस ६ र ७ गते प्रदेश अधिवेशन हुने निर्णय भएको हो ।

यता, प्रदेश अधिवेशनको मिति पुनः तोकिएपछि प्रदेशमा कांग्रेस नेताहरूको चहलपहल बढेको छ । प्रदेश सभापतिका लागि देउवा समूहबाट रौतहटका जिल्ला सभापति कृष्ण यादव, विमलेन्द्र निधि समूहबाट प्रदेश २ का भौतिक पूर्वाधार विकास मन्त्री रामसरोज यादव, स्वतन्त्र उम्मेदवारको रूपमा रञ्जित कर्णले औपचारिक रूपमा उम्मेदवारी घोषणा गरिसकेका थिए ।

पार्टीको महाधिवेशनअघि प्रदेशमा कृष्णा यादव र रामसरोज यादव बलियो उम्मेदवारको रूपमा देखिए पनि महाधिवेशन पश्चात समिकरण फेरिएको हुँदा शेखर कोइराला समूहले पनि उम्मेदवारी दिन सक्ने कांग्रेसका नेताहरूको भनाइ छ ।

सर्वदलीय बैठक अघि सत्तारुढ गठबन्धनको बैठक बस्ने

0

काठमाण्डाै । प्रधानमन्त्री शेरबहादुर देउवाले आह्वान गर्नु भएको सर्वदलीय बैठक अघि सत्तारुढ गठबन्धनको बैठक बस्ने भएको छ । बैठक दिउँसो २ बजे बस्ने छ । राष्ट्रिय मुद्दामा साझा धारणा बनाउनका लागि सर्वदलीय बैठक अघि सत्तारुढ दलको बैठक बस्न लागेको हो ।

बैठकमा प्रधानमन्त्री देउवासहित, माओवादी केन्द्रका अध्यक्ष पुष्पकमल दाहाल प्रचण्ड, नेकपा एकीकृत समाजवादीका अध्यक्ष माधवकुमार नेपाल, जनता समाजवादी पार्टीका अध्यक्ष उपेन्द्र यादव र जनमोर्चा नेपालमा दुर्गा पौडेल सहभागी हुनेछन् ।

संसद् लामोसमयदेखि अवरोध हुँदा दुवै सदनका काम कारबाही प्रभावित हुँदै आएको छ । प्रधानमन्त्री देउवाले संसद्को गतिरोध अन्त्य र मिलेनियम च्यालेञ्ज कर्पोरेसन (एमसीसी) बारे छलफल गर्नका लागि आज दिउँसो ४ बजे सर्वदलीय बैठक बोलाउनु भएको छ । तर, प्रतिपक्षी दल एमालेले बैठकमा नजाने बताएको छ ।

नामको सट्टा निक जोनसकी पत्नी लेखेपछि आक्रोशित प्रियंका

0

अभिनेत्री प्रियंका चोपडाको क्रेज विश्वभरि नै छ । बलिउडदेखि हलिउडसम्म आफ्नो सुखद् यात्रा गरिरहेकी प्रियंकाले केही वर्षअघि अमेरिकी गायक निक जोनससँग विवाह गरिन् । त्यसपछि प्रियंका र निक मिडियामा लाइमलाइटमा छन् ।

तर, प्रियंकालाई आफ्नै परिचय हुँदाहुँदै मिडियाले निक जोनसकी पत्नी भनेर सम्बोधन गरेको मन पर्दैन । हालै मात्र एक सञ्चारमाध्यमले उनको नामको साटोमा निक जोनसकी पत्नी भनेर सम्बोधन गर्दै समाचार सार्वजनिक भयो । यो समाचारमा आपत्ति जनाउँदै प्रियंकाले मिडियामाथि आक्रोश व्यक्त गरेकी छन् ।

उनले लेखेकी छन्, ‘निक्कै रमाइलो कुरा के छ भने, म अहिलेसम्म निक्कै नै सफल एक चलचित्रको फ्रेञ्चाइजको प्रमोसनमा व्यस्त छु । तर, अझै पनि मलाई ‘निक जोनसकी श्रीमती’ भन्दै सम्बोधन गरिन्छ । कृपया मलाई भनिदिनुहोस् कि अझै पनि महिलाहरुमाथि नै किन यस्तो हुन्छ ? के मलाई अब आफ्नो बायोग्राफीमा आफ्नो आईएमडीबी लिंक जोड्नु परेको हो ।’

प्रियंकाले आफ्ना पति निकलाई पनि यो पोष्ट ट्याग गरेकी छन् । उनी ‘द म्याट्रिक्स रिसरेक्सम’को प्रमोसनमा व्यस्त छिन् । यो चलचित्र डिसेम्बर २२ बाट हलमा र एचबीओबाट सार्वजनिक हुँदैछ ।

महिला साफ च्याम्पियनसिप : नेपाल र भारत खेल्दै, फाइनलमा पुग्न नेपालले बराबरी खेले पुग्ने

0

काठमाण्डाै । १९ वर्षमुनिको महिला साफ च्याम्पियनसिप फुटबलमा आज नेपाल र भारत खेल्दैछन् । खेल बङ्गलादेशको ढाकामा दिउँसो पौने तीन बजे सुरु हुनेछ । नेपालको ३ खेलमा ७ अङ्क छ ।

समान अङ्क भए पनि गोलअन्तरका आधारमा बङ्गलादेश पछाडि छ । भारतको तीन खेलमा ६ अङ्क छ । आज बराबरी खेले मात्र पनि नेपाल फाइनलमा पुग्नेछ । पहिलो खेलमा बङ्गलादेशसँग गोलरहित बराबरी खेलेको नेपालले दोस्रो खेलमा श्रीलङ्कालाई ६–० र तेस्रो खेलमा भुटानलाई ४–० ले हराएको थियो ।

नेपालसहित भारत, भुटान, श्रीलङ्का र बङ्गलादेश गरी पाँच टोली सहभागी प्रतियोगितामा राउन्ड रोबिन लिगपछि शीर्ष दुई टोली फाइनलमा पुग्नेछन् । शीर्ष दुई टोली उपाधिका लागि बुधवार खेल्नेछन् । 

भेटेरिनरी प्राक्टिसनर पर्साको अध्यक्षमा गुप्ता सर्वसहमत चयन

0

वीरगंज । एसोसिएसन अफ भेटेरिनरी प्राक्टिसनर वीरगंज पर्साको दोस्रो जिल्ला अधिवेशन शनिवार सम्पन्न भएको छ । होटल साह दरबार वीरगंजमा भएको अधिवेशनले कमलेश गुप्ताको अध्यक्षतामा ११ सदस्यीय नयाँ कार्य समिति चयन गरेकाे छ ।

जसको उपाध्यक्षमा अणु राणा, सचिवमा विजय कुमार साह, सह–सचिवमा राम प्रसाद चौरसिया, कोषाध्यक्षमा जय सुन्दर पाल, सदस्यहरुमा नरेश महतो, अरुण पटेल, महम्मद समिर अंसारी, सुनिल यादव, जयप्रकाश यादव र शिवशंकर ठाकुर सर्वसहमत रुपमा चयन भएका छन् ।

अधिवेशनको उद्घाटन गर्दै प्रमुख अतिथि भुमि व्यवस्था कृषि तथा सहकारी मन्त्रालय प्रदेश नं. २ का सचिव डा. नम्रता सिंहले नव निर्वाचित पदाधिकारी तथा सदस्यहरुलाई बधाई दिदै आ–आफ्नो क्षेत्रमा ईमान्दारी पूर्वक काम गर्न सुझाव दिए । अहिले पनि गाउँ घरमा भेटेरिनरी चिकित्सकहरुको अभाव रहेकोले पशु कृषकहरुलाई आ–आफ्नो स्थानबाट सक्दो सहयोग गर्न आग्रह गरे ।

बैजुलाल गुप्ताको अध्यक्षतामा भएको उद्घाटन शत्रमा पशु क्वारेन्टाईन कार्यालय वीरगंजका प्रमुख डा. हरेराम यादव, डा. पुस्पेन्दर साह, डा. दिनेश कुमार तिवारी लगायतको सहभागीता रहेको थियो ।

उखान टुक्कैमा जनताको मतको कदर भएन : कानुन मन्त्री यादव

0

वीरगंज । प्रदेश २ का कानुन, न्याय तथा प्रदेश सभा मन्त्री प्रमोद कुमा यादवले पूर्व प्रधानमन्त्री एवम् नेकपा अध्यक्ष केपी शर्मा ओलीले आफनो कार्यकाल उखान टुक्कैमा लागेर जनताको मतकाे कदर नगरेको आराेप लगाएका छन् ।

बाराको कलैया उपमहानगरपालिका वडा नम्वर २३ भतौडामा आयाेजित नेकपा (एकीकृत समाजवादी)काे वडा भेलालाई सम्बाेधन गर्दै मन्त्री यादवले पुर्व प्रधानमन्त्री ओलीको आफनो कार्यकाल उखान टुक्का मै बिताएकाे आराेप लगाए । उनले घरघरमा ग्यासको पाईप, पानी जहाज जस्ता कुरामा अल्झाएर ओलीले विकास विरोधी काम मात्र आफनो कार्यकालमा गरेकाे वताए ।

माधव नेपालले पार्टी फुटाएको आरोप गलत रहेको वताउँदै मन्त्री यादवले ओलीकाे घमण्डले गर्दा पार्टीबाट अल्लगिएको वताए ।

तानाशाही शासनबाट मुक्त भएर देश र जनताको हकहितको लागि लडने भएकोले एकिकृत समाजवादीमा देशैभर पार्टी प्रवेश कार्यक्रममा लर्को लागेको उनले बताए । एकीकृत समाजवादीका नेता समेत रहेका मन्त्री यादवले मुलुक कै भ्रष्ट पुर्वप्रधानमन्त्री ओलीले आफनो निजि स्वार्थ पुरा गर्न लागिपरेकोले पार्टीबाट विद्रोह भएर अर्को पार्टी गठन भएको वताए ।

नागेन्द्र मिश्राको अध्यक्षतामा भएको भेलामा पार्टीका पोलिट ब्युरो सदस्य दिनेश राई, प्रदेश २ का संसद तथा प्रमुख सचेतक सुन्दर विश्वकर्मा, पार्टीका केन्द्रिय सदस्य श्रीप्रसाद पासवान, बारा सह ईन्चार्ज बतहु यादव, पार्टी उपाध्यक्ष उस्मान अंसारी, बिजेन्द्र चौधरी, सचिव विक्रम ठाकुर, जिल्ला सदस्य ध्रुव यादव, सुरेश मोदक, विरेन्द्र साह, रमेश सुवेदी, कौशल किशोर सिंह, महिला ईन्चार्ज गौरी ढकाल, नगर अध्यक्ष अरुण खनाल, राजेश गुप्ता, असर्फी पटेल, धर्मराज महतो, समाजवादी पत्रकार संघ बाराका अध्यक्ष अजय साह लगायतको सहभागिता रहेको थियो । 

सम्पन्न वडा भेलाले सरोज पटेलको अध्यक्षतामा वडा कमिटि गठन गरेकाे छ । जुन कमिटीकाे उपाध्यक्षमा विनोद पटेल, रन्जित कुशवाहा, सचिव नागिन्द्र मिश्रा, माला देवि, राधेश्याम पटेल लगायतका रहेका छन् ।

प्याब्सन पर्साको जिल्ला अधिवेशन सम्पन्न, अध्यक्षमा प्रधान चयन

0

वीरगंज । निजी तथा आवसीय विद्यालय अर्गनाइजेशन (प्याब्सन) पर्साको १५ औं जिल्ला अधिवेशनबा शनिबार सम्पन्न भएकाे छ । सम्पन्न अधिवेशनबाट प्याब्सन पर्साकाे अध्यक्षमा पुरन प्रधानसहित सम्पूर्ण १८ सदस्यीय कार्य समिति निर्विरोध चयन भएको छ ।

होटल भिस्वामा सम्पन्न अधिवेसनको बन्द सत्रले अध्यक्षमा प्रधानसहित वरिष्ठ उपाध्यक्षमा सरोज प्रसाद चौधरी, उपाध्यक्षमा शिव गुप्ता, सचिवमा राहुल श्रीवास्तव, कोषाध्यक्षमा सुशीला साह, सह सचिवमा विरेन्द्र यादव, सह कोषाध्यक्षमा रामकिशोर यादवलाई निर्विरोध चयन गरेको हो ।

यसैगरी, सदस्यमा परिक्षा पिया लामा, राजेन्द्र चौधरी, मार्टिन मोक्तान, जेपी चौरसिया, सन्तोष कुमार, विश्वराज घिमिरे, सुरेश पन्त र सुदिल कुमार पनि निर्विरोध रुपमा चयन भएका छन् ।

निर्विरोध चयन भएका नव गठित कार्यसमितिका पदाधिकारीसहित सम्पूर्ण सदस्यहरुलाई प्रमुख निर्वाचन आयुक्त मणि पाख्रिनले शनिबार नै शपथ पनि खुवाएका छन् ।

यसअघि, प्याब्सन पर्साको १५ औं जिल्ला अधिवेशनको नेपाल सरकारका वन तथा वातावरण मन्त्री रामसहाय यादवले पानसमा बत्ती बालेर उद्घाटन गरेका थिए । अधिवेशन उद्घाटन समाराेहलाई सम्बाेधन गर्दै मन्त्री यादवले गुणस्तरीय र व्यावहारिक शिक्षालाई सर्वसुलभ बनाउनुपर्नेमा जोड दिए । मन्त्री यादवले वीरगञ्जमा विश्वविद्यालय बनाउन पहल गर्ने प्रतिबद्धता समेत जनाएका छन् ।

तुलनात्मक रुपमा मुस्लिम तथा दलित समुदाय शिक्षाको पहुँचबाट टाढा रहेको बताउँद यादवले आर्थीक, सामाजिक तथा सांस्कृतिक कारणले सिमान्तकृत समुदायका बालबालिकाले बिचमै पढाई छाड्नुपर्ने बाध्यताको अन्त्य गर्नुपर्ने बताए ।

अनिवार्य र निःशूल्क शिक्षा प्रदान गर्ने सरकारको दायित्व मौलिक हकमै उल्लेख भएपनि व्यावहारिक रुपमा कार्यनयन हुन नसकेकोमा चिन्ता व्यक्त गर्दै मन्त्री यादवले सहकार्य र समन्वयात्मक भूमिका खेल्नुपर्ने बताए ।

प्याब्सन पर्साका नि. वर्तमान अध्यक्ष डा. हरिशंकर साहको अध्यक्षतामा भएकाे अधिवेशनको उद्घाटन समाराेहमा पर्सा क्षेत्र नं. ३ का निलम्वित सांसद हरिनारायण रौनियार, प्रदेश सांसद करिमा बेगम, वीरगंज महानगरपालिकाका मेयर विजय कुमार सरावगी, चण्डी प्रसाद गण वीरगंजका प्रमुख सेनानी मनोज कार्की, प्याब्सनका केन्द्रिय सदस्य प्रकाश उपाध्याय, नेकपा एमालेका पर्सा अध्यक्ष प्रभु हजरा, नेपाली काँग्रेस जिल्ला सचिव श्याम पटेल, लोकतान्त्रिक समाजवादी पार्टीका शंकर कर्ण, प्रहरी उपरीक्षक रमेश बस्नेत, अभिभावक संघका अध्यक्ष अमर गौतम, प्याब्सनका सल्लाहकारहरु, संस्था आवद्ध विद्यालयका संस्थापक तथा प्रिन्सिप, पत्रकार लगायतको उपस्थिति रहेको थियो ।

नवदिप एकेडेमीकी प्रधानाध्यापिका सुशिला साहले स्वागत मन्तव्य व्यक्त गरेको कार्यक्रमको सहजिकरण अशोक संग्रौलाले गरेका थिए ।