Date
बिहि, मंसिर ३, २०८३
Thu, November 19, 2026
Home Blog Page 736

वीरगंज २५ मा टाेल स्तरिय बाल क्लब गठन हुँदै

0

वीरगंज । वीरगंज महानगपालिकाकाे वडा नं. २५ मा मंगलबारदेखी टाेल स्तरिय बाल क्लब गठन सुरु भएकाे छ । वडा कार्यालयकाे सहयाेगमा डेभलपमेन्ट समाज पर्साले टोल स्तरीय बाल क्लव गठन सुरु गरेकाे हाे  ।

मंगलबार सनी तुरहाको संयाेजकत्वमा १३ सदस्यीय बाल क्लव गठन भएको कार्यक्रम संयोजक राहुल कुमार साहले जानकारी दिए । वडाध्यक्ष अध्यक्ष विसराज पटेल, वडा सचिव हरेरा चौधरी लगायतकाे उपस्थितिमा टाेल स्तरिय बाल क्लब गठन भएकाे उनले वताए ।                                                                                                         

कार्यक्रम संयाेजक साहका अनुसार वडा भरीमा ४ वाट टोल स्तरीय बाल क्लब गठन गरेपछी सम्पूर्ण टोल स्तरीय बाल क्लबका सदस्यहरुलाई भेला गरी वडा स्तरीय गठन गरिने छ ।

शिक्षा पत्रकार समाजकाे प्रदेश २ समिति बिस्तार

0

वीरगंज । शिक्षा पत्रकार समाजको प्रदेश न. २ को समिती विस्तार गरिएको छ । मंगलवार जनकपुरमा प्रदेश २ का आठ वटै जिल्लाबाट भेला भएका पत्रकारहरुको उपस्थितीमा बाह्रखरी डटकमका सुरेश यादव (धनुषा)को संयोजकत्वमा ११ सदस्यीय प्रदेश समिति विस्तार भएकाे हाे ।

शिक्षा पत्रकार समाजका केन्द्रिय अध्यक्ष प्रकाश सिलवालको प्रमुख आतिथ्यतामा विस्तार गरिएको कमिटीको सह संयोजकमा ग्यालेक्सी फोरके टेलिभिजनका विश्वनाथ ठाकुर (सर्लाही), सदस्यहरुमा गोरखापत्रका  ललिता साह (सप्तरी), ब्रहमास्त्र दैनिकका त्रिलोकीनाथ यादव (पर्सा), फरिच्छ नेपाल डटकमका शम्भु यादव (सिरहा), बाह्रखरी डटकमका कमलेश ठाकुर (धनुषा), रेडियो सुनगाभाका सुभद्रा भुजेल (महोत्तरी), सर्लाही अपडेट दैनिकका वन्दना झा (सर्लाही), राससका उत्तम उपाध्याय (रौतहट), गढी न्यूज डटकमका पवन यादव (रौतहट) र भोजपुरी टाइम्स दैनिकका प्रभु यादव (बारा) लाई सर्वसम्मत रुपमा चयन गरिएको छ ।

शिक्षा क्षेत्रमा आमूल परिवर्तन तथा शिक्षा क्षेत्रका सकारात्मक, राम्रा प्रयास, समस्या, वेथितीलगायतको क्षेत्रमा कलम चलाउनका लागि समाजले आफनो प्रादेशिक कमिटी विस्तारलाई निरन्तरता दिन प्रदेश कमिटी विस्तार थालेका छन् । समाजले यस अघि नै प्रदेश संयोजक तय गरि सकेको केन्द्रिय अध्यक्ष प्रकाश सिलवालले बताए ।

कांग्रेसकाे केन्द्रिय सदस्यमा प्रदेश २ का मन्त्री शर्मा पराजित

0

वीरगंज । नेपाली कांग्रेसकाे १४ औं महाधिवेशनमा केन्द्रिय सदस्यकाे अल्पसंख्यक (खुल्ला) काेटामा चुनाव लडेका प्रदेश २ का खानेपानी तथा उर्जा मन्त्री ओमप्रकाश शर्मा पराजित भएका छन् । 

केन्द्रिय सदस्य अल्पसंख्यक (खुल्ला) मा २१७१ मा प्राप्त गरी प्रदिप कुमार सुनुवार निर्वाचित भएका छन् । पर्साकाे वीरगंज निवासी मन्त्री शर्माले ५३६ मत मात्र पाएका छन् ।

मंसिर २७ गते भएकाे निर्वाचनकाे साेमबार सम्पन्न मतगणना अनुसार मन्त्री शर्मा भन्दा बढी टीकाराम सुब्बा लेप्चा १०२३ मत र हरि बहादुर घले ६०९ मत पाएका छन् । निर्वाचित सुनुवार संस्थापन सभापति शेर बहादुर देउवा पक्षका हुन् ।

यस्तै, केन्द्रिय सदस्य (महिला खुल्ला) मा चुनाव लडेकी वीरगंज महानगरपालिकाकी उप मेयर शान्ति कार्की पनि पराजित भएकी छन् ।

९ पदकाे लागि भएकाे निर्वाचनमा डा. डिला संग्राैला २८८५, पुष्पा भुषाल २७१८, डा. आरजु राणा देउवा २५३६, अम्बिका बस्नेत २३३९, ईश्वरी न्याैपाने २२५९, सरिता प्रसाई २०९६, रमा काेइराला पाैडेल १८५८, शुसिला ढकाल आचार्य १८०४ र रंगमती शाही १७८९ मत प्राप्त गरी निर्वाचित भएका छन् । 

सब भन्दा बढी मत डा. संग्राैला पाएकी छन् भने पार्टी सभापति एवम् प्रधानमन्त्री शेरबहादुर देउवाकी श्रीमती डा. आरजुले तस्राे स्थानकाे मत पाएकी छन् । जम्मा खसेकाे ४६७९ मत मध्ये उप मेय कार्की २६० मत मात्र प्राप्त गरेकी छन् । खसेकाे मत मध्ये ६७ मत बदर समेत भएकाे थियाे ।  

कांग्रेसको केन्द्रिय सदस्यमा लाेकप्रिय मतका साथ चाैरसिया निर्वाचित

0

वीरगंज । नेपाली कांग्रेसको केन्द्रिय सदस्य मधेसी (खुल्ला) आरक्षण कोटामा लाेकप्रिय मतका साथ पर्साका नेता अजय कुमार चाैरसिया निर्वाचित भएका छन् । उनले सबै भन्दा बढी २५२२ मत पाएका छन् ।

यस्तै, केन्द्रिय सदस्य मधेशी (खुल्ला) मै उद्योगी विनोद चौधरी, डा. चन्द्र माेहन यादव, महेन्द्र कुमार राय, दिनेश कुमार यादव निर्वाचित भएका छन् । कांग्रेसकाे चाैधाैं महाधिवेशन अन्तर्गत मंसिर २७ गते भएकाे निर्वाचनमा उद्याेगी चाैधरीले २२०६, चन्द्रमोहन यादवले २१३८, महेन्द्रकुमार रायले १९८४ र दिनेश यादवले १९५९ मत पाएका छन् ।

मंगलबार सकिएको मतगणना अनुसारले चौरासियाले उद्याेगी चाैधरी भन्दा बढी मत पाएका हुन् । 

चौरासिया, चौधरी, राय र दिनेश यादव संस्थापन पक्षका हुन् भने चन्द्रमोहन यादव शेखर कोइराला पक्षका हुन् । चन्द्रमोहन पूर्व राष्ट्रपति रामवरण यादवका छोरा हुन् ।

केन्द्रिय सदस्य मधेशी (खुल्ला) मै चुनाव लडेका पर्साका जिल्ला सभापति अजय कुमार द्विवेदी पराजित भएका छन् । ५ सिटकाे लागि भएकाे निर्वाचनमा द्विवेदी १७८७ मत प्राप्त गरी साताैं स्थान हासिल गरेपछि पराजित भएका हुन् । 

एमाले पर्सा जिल्ला कमिटीकाे शपथ ग्रहण सम्पन्न

0

वीरगंज । नेकपा एमाले पर्साको जिल्ला कमिटी बैठक तथा शपथ ग्रहण कार्यक्रम साेमबार सम्पन्न भएको छ । पर्सा जिल्ला कमिटीमा मनोनित १८२ जना सदस्यको सथप ग्रहण कार्यक्रम सम्पन्न भएको हो ।

होटल कुमु प्यालेशमा भएकाे कार्यक्रममा जिल्ला सदस्यमा मनाेनित सुदिप लामा, मनाेज कुशवाहा, राजेन्द्र यादव, नरेश टिडेवाल, फरमान अन्सारी, ठाकुर न्याैपाने, सुनिल चाैरसिया, महेश दास, श्याम बन्जारा, केशी लामिक्षाने, यसवन्त यादव, अयाेध्या पटेल, दुर्गा लामिक्षाने, लालबाबु शेख, अखलेश साह लगायतकाले सपथ लिएका थिए ।

नेकपा एमाले प्रदेश २ का सहसंयोजक पुरुषोत्तम पौडेलको प्रमुख आतिथ्यमा सम्पन्न कार्यक्रममा पोलिटव्युरो सदस्य अच्युत मैनाली, ज्वाला साह, केन्द्रिय सदस्यहरु राजकुमार गुप्ता, अरविन्द सिंह, निर्मला देवकोटा लगायतकाले शुभकामना मन्तव्य राखेका थिए ।

पर्सा अध्यक्ष प्रभु हजराको अध्यक्षतमा सम्पन्न कार्यक्रमको सहजीकरण सचिव मनोज गुप्ताले गरेका थिए ।

यसैगरी साेमबार नै सम्पन्न जिल्ला कमिटीको बैठकले बिभिन्न निर्णयहरु गरेको छ । बैठकले पुस ८ गते प्रधानमन्त्री ओलीको प्रमुख आतिथ्यमा जगरनाथपुर गाउँपलिकामा हुने बिशाल पार्टी प्रवेश कार्यक्रमलाई सफल पार्न बिभिन्न उपसमितीहरु गठन गरेको छ ।

कार्यक्रमलाई सफल पार्न संबिधान सभाका सदस्य जयप्रकाश थारुको संयोजकत्वमा व्यवस्थापन समिती र जिल्ला सचिव मनोज गुप्ताको संयोजकत्वमा स्यवंसेवक समिती गठन गरिएको छ ।

वीरगंजकाे जसौलीमा नि:शुल्क आँखा शिविर सम्पन्न

0
वीरगंज । साहिब दरबार सेवा संस्थान वीरगंजकाे आयाेजनामा साेमबार वीरगंज महानगरपालिकाकाे वडा नं. २७ जसौलीमा निशुल्क आँखा शिविर सम्पन्न भएकाे छ ।
 
माट्रिका आई फाउन्डेसनको प्राविधिक सहयोगमा श्री नेपाल राष्ट्रिय आधारभुत विधालय जसाैलीको प्रागंणमा भएकाे शिविरमा १५२ जनाले आँखा परिक्षण गराएका छन् । जस मध्ये ५२ जनामा मोतियाबिन्दु फेला परेकाे आयाेजक संस्थाका मुकेश द्विवेदीले वताए ।
 
शिविरमा माेतियाबिन्दु फेला फेला परेकाहरुकाे बिहीबार र शुक्रबार नि:शुल्क शल्यक्रिया समेत गरिने उनले जानकारी दिए ।
 
शिविरमा संस्थानका राजेश मान सिंह, प्रेमबाबु पटेल, उमेशलाल सहनी,  मुकेश द्विवेदी, संजीत कुशवाहा, विशाल सिंह, मनिष कुशवाहा, शुभनारायण कुशवाहा, जितेन्द्र कुशवाहा लगायतको उपस्थिति रहेको थियोे ।
 
मंसिर ७ गते बुधबार वीरगंज महानगरपालिकाकाे वडा नं. २४ रामगढवाको कुर्मी धर्मशालामा शिविर आयाेजना गरिने आयाेजक संस्थाले जनाएकाे छ । 

ओमिक्रोनका कारण नेदरल्याण्डमा लकडाउन

0

 युरोपेली मुलुक नेदरल्याण्डमा आइतबारदेखि लकडाउन लगाइने भएको छ । कोभिड-१९ को नयाँ भेरियन्ट ओमिक्रोन नियन्त्रण गर्न भन्दै आजदेखि लकडाउन लगाइने भएको हो ।

शनिबार नेदरल्याण्डका प्रधानमन्त्री मार्क रुट्टेले पत्रकार सम्मेलनमार्फत् आइतबार बिहान ५ बजेदेखि लकडाउन लगाइने घोषणा गरेका हुन् । अत्यावश्यक बाहेक सबै पसल, बार, सिनेमा घर, म्युजियम र नाटकघर जनवरी १४ सम्म बन्द हुने उनको भनाइ थियो ।

‘भोलिदेखि नेदरल्याण्डमा लकडाउने लाग्नेछ,  रुट्टेले भने, ‘हामीले सोचेको भन्दा तीव्र गतिमा ओमिक्रोन फैलिएको र पाँचौं लहरका कारण लकडाउन अपरिहार्य भएको हो ।’

लकडाउन लागेसँगै जनवरी १४ गतेसम्म घरभित्र हुने जमघटमा २ जनाभन्दा मानिस फेला हुन पाउने छैनन् । तर क्रिसमस र नयाँ वर्षमा भने ४ जनासम्म फेला पाउने छन् । बाहिर हुने जमघटमा पनि बढीमा २ जना मानिस मात्रै फेला हुन पाउने छन् ।

त्यस्तै, सबै विद्यालय एवं विद्यालयमा हुने अतिरिक्त क्रियाकलाप जनवरी ९ गतेसम्म बन्द हुनेछन् । जनवरी ३ गते बस्ने मन्त्रिमण्डल बैठकले उक्त मितिपछि विद्यालय खोल्ने वा नखोल्ने भनेर निर्णय गर्ने आरटीएल न्युजले जनाएको छ ।

यसबाहेक, अधिकांश  इन्डोर खेलकुद केन्द्र बन्द गरिने छ तर स्विमिङ केन्द्र भने खुला राखिने छ । तर बाह्य खेलकुद स्थल सबै उमेर समूहका लागि खुला राखिने छ ।

यसैबीच, शनिबार नै विश्व स्वास्थ्य संगठनले समुदायमा संक्रमण देखिएका मुलुकमा ओमिक्रोन डेल्टा भेरियन्टभन्दा निकै तीव्र गतिमा फैलिइरहेको बताएको छ । डेढ दिनदेखि ३ दिनभित्रमा यसका संक्रमित दोब्बरले बढेको संगठनको भनाइ छ ।

वीरगंज २१ मा नि:शुल्क आँखा शिविर सम्पन्न

0
वीरगंज । वीरगंज महानरपालिकाकाे वडा नं. २१ पटेल नगरस्थित राम जानकी मंदिरको प्रागंणमा आइतबार नि: शुल्क आँखा शिविर सम्पन्न भएकाे छ ।
 
साहिब दरबार सेवा संस्थान, नेपालको आयोजनामा र माट्रिका आई फाउन्डेसनको सहयोगमा भएकाे शिविरमा १९६ जनाले आँखाकाे परिक्षण गराएका छन् । जस मध्ये ६२ जनाको आँखामा मोतियाबिन्दु फेला परेकाे आयाेजक संस्था साहिब दरबार सेवा संस्थाले जनाएकाे छ । माेतियाबिन्दु फेला परेकाहरुकाे आउँदो बिहीबार र शुक्रबार नि:शुल्क शल्यक्रिया गरिने छ ।
 
शिविरमा संस्थानका राजेशमान सिंह, प्रेमबाबु पटेल, उमेहलाल सहनी, मुकेश द्विवेदी, शशी पाण्डे, कृष्णा पटेल, संजय मण्डल, प्रमोद पटेल, दिपलाल पटेल, ओम पटेल, पुरोषत्तम पटेल, अजय महतो, रूपेश यादव, पुनिल पटेल, रामजी पटेल, सिपलाल राम, सुदेश यादव लगायतको उपस्थिति रहेको थियोे ।
 
साहिब दरबार सेवा संस्थान कै आयाेजनामा भोलि पुस ५ गते सोमबार वीरगंज महानगरपालिकाकाे वडा नं. २७ जसौलीमा आँखा शिविर संचालन हुने मुकेश द्विवेदीले जानकारी दिए । 
 
पथलैयामा चालक र सह चालककाे आँखा परिक्षण
 
यस्तै, “ट्राफिक सचेतना अभियान २०७८” को अन्तर्गत आइतबार पथलैयामा पनि नि:शुल्क आँखा शिविर सम्पन्न भएकाे छ ।   
 
२ नं. प्रदेश ट्राफिक प्रहरी कार्यालय पथलैया, बारा र वीरगंज सामुदायिक आँखा अस्पताल, वीरगंजको आयोजनामा भएकाे शिविरमा पथलैयास्थित सडक भएर जाने चालक तथा सहचालकहरुको नि:शुल्क आँखा परिक्षण गरिएकाे थियाे ।
 
ट्राफिक प्रहरी कार्यालय अगाडी संचालन गरिएकाे शिविरमा चालक १११ जना, सहचालक १७ जना र सर्वसाधारण २६ जना गरी जम्मा १५४ जनालाई नि:शुल्क आँखा चेकजाँच गरिएकाे ट्राफिक प्रहरी कार्यालय पथलैयाले जनाएकाे छ ।