Date
बिहि, मंसिर ३, २०८३
Thu, November 19, 2026
Home Blog Page 734

साबुन बनाउने ७ दिने तालिम सम्पन्न

0

वीरगंज । प्लान स्टार सानो संसार क्षेत्रिय कार्यालय वीरगंजद्वारा सञ्चालित साबुन बनाउने ७ दिने तालिम शनिबार सम्पन्न भएको छ । वीरगंज महानगरपालिकाकाे वडा नं. १६ ईनर्वास्थित रहेकाे संस्थाकाे कार्यालयमा भएकाे साबुन बनाउने ७ दिने अभिमुखिकरण तालिम सम्पन्न भएकाे हाे ।

तालिम समापन समाराेहमा वाेल्दै पर्सा क्षेत्र नं. ३ का निलम्वित सांसद हरिनारायण रौनियारले तालिममा सिकेका ज्ञान शिपलाई व्यवहारमा उतार्न आग्रह गरे । उनले महिलाहरुलाई पुरुषभन्दा कमजोर नठानी सम्मान रुपले व्यवहार गर्नु पर्ने वताए ।

सांसद राैनियारले महिलाहरु पनि पुरुष जस्तै डाक्टर, पाईलट, वकिल, नेतृ बन्न सफल हुदै गएको चर्चा गर्दै शिप सिकेर स्वरोजगार हुन आग्रह समेत गरे  । महिलाहरुलाई घरायसी काममा मात्र नलगाई गाउँ समाजमा शिप सिकाई आत्मनिर्भर बनाउन घरका सदस्यले पनि सहयोग गर्नु पर्नेमा उनकाे जोड थियाे ।

पकहाँ मैनपुर गाउँपालिकाका अध्यक्ष विजय चौरसियाले सिपकाे साथ साथै बजारीकरणकाे व्यवस्था हुनु पर्ने वताए । उनले सिप सिकेर बनाएका विभिन्न सामग्रीहरुलाई आफुले पालिकाबाटै खरिद गरी महिलाहरुलाई आय आर्जनमा प्रोत्साहन गर्ने प्रतिबद्धता समेत जनाए ।

संस्थाका क्षेत्रिय प्रमुख श्याम चौधरीको अध्यक्षतामा भएकाे तालिम समापन समाराेहमा प्रदेश सभा सदस्य करिमा बेगम, लोसपाका नेता शिव पटेल, वीरगंज महानगर अध्यक्ष ओमप्रकाश सर्राफ लगायतका नेताहरुले तालिममा सिकेका सिप ज्ञानलाई व्यवहारमा लागु गर्दै आय आर्जन गरी स्वरोजगार बन्न आग्रह गर्नुका साथै आफुले सिकेका सिप ज्ञानलाई आफ्नो गाउँ समाजका व्यक्तिहरुलाई पनि सिकाउन आग्रह गरेका थिए ।

भन्सार छलीकाे सामान लोड गरेकाे मिनि ट्रक पक्राउ

0

वीरगंज । विल विजक भन्दा बढी विभिन्न किसिमका लत्ताकपडा तथा खुद्रा मालबस्तुहरू लोड गरी मकवानपुर हेटौडा लग्दै गरेको मिनी ट्रक प्रहरीले पक्राउ गरेकाे छ ।

जिल्ला प्रहरी कार्यालय पर्साबाट खटिएको टोलीले शुक्रबार राती १० बजे वीरगञ्ज महानगरपालिकाकाे वडा नं.८ स्थित घण्टाघर सडकखण्डबाट ना.३ ख ७४८ नम्बरको मालवाहक मिनि ट्रकलाई नियन्त्रणमा लिएकाे हाे ।

प्राप्त सूचनाकाे आधारमा ट्रक रोकी जाँच गर्ने क्रममा सूचना अनुरूप नै भन्सार छली गरी ल्याइएका विभिन्न किसिमका लत्ताकपडा तथा खुद्रा सामानहरू फेला परेको जिल्ला प्रहरी कार्यालय पर्साले जनाएकाे छ ।

उक्त मिनि ट्रक तथा चालक जिल्ला मकवानपुर हेटौडा उप-महानगरपालिका वडा नं.१० बस्ने बर्ष ३७ को प्रेम बहादुर स्याङबो तामाङलाई नियन्त्रणमा लिई रू.२५ लाख मूल्याङ्कन गरी आवश्यक कारवाहीको लागि शनिबार राजश्व अनुसन्धान कार्यालय पथलैया, बारामा बुझाइएको जिल्ला प्रहरी कार्यालय बाराका प्रवक्ता प्रहरी नायब उपरिक्षक ओमप्रकाश खनालले जानकारी दिए ।

पिसफोर दलित फाउन्डेसन पुरस्कृत

0

वीरगंज । पिसफोर दलितस फाउन्डेसन नेपाल प्रदेश -२, पर्सा राष्ट्रिय पुरस्कारबाट सम्मानित भएको छ । पर्साकाे सखुवा प्रसौनी गाउँपालिका वडा नं. ५, महुवनमा दलित समुदायको युवाहरुको जमातद्वारा संचालित फाउन्डेसन पुरस्कृत भएकाे हाे । 

नेपाल सरकारको पुर्व सचिव डा. मान बहादुर बिकेकाे बाबुआमाको सम्झना स्थापित भिम -माया स्मृति पुरस्कारबाट फाउन्डेसन पुरस्कृत भएकाे फाउन्डेसनका अध्यक्ष मनाेज रामले वताए ।

साे पुरस्कारबाट एक कार्यक्रमबा बिच शनिबार पुरस्कार राशी रु ५० हजारकाे चेकसहित प्रमाण पत्रले फाउन्डेसनका अध्यक्ष रामलाई सम्मानित गरिएको छ ।  पुरस्कारले संस्थाको जिम्मेवारी झन बढेकाे र आगामी दिनमा अझै सक्रियता हुने अध्यक्ष रामले वताए ।

विगत केही बर्षदेखी फाउन्डेसनले प्रदेश -२ को मधेशी दलित बालबालिकाको शिक्षामा पहुँच, विद्यालय टिकाउ, गुणस्तरीय शिक्षा, दलित बालबालिकाको लागि निशुल्क टियुसन कक्षा संचालन गर्दै आएकाे उनले जानकारी गराए ।

काठमाडौंमा नेपाल दलित साहित्य तथा संस्कृति प्रतिष्ठानको आयोजनामा भिम-माया स्मृति पुरस्कार समारोह तथा विके सेवकद्वारा लिखित मान्छे र माटो कविता संग्रह -२ लोकार्पण कार्यक्रमको फाउन्डेसनलाई पुरस्कारले सम्मानित गरिएकाे हाे ।

नेपाल साहित्य तथा संस्कृति प्रतिष्ठानको अध्यक्ष रणेन्द्र बराईलीको अध्यक्षता र बागमती प्रदेश प्रमुख तिलक परियारकाे प्रमुख आतिथ्यतामा भएकाे कार्यक्रममा राजदुत पदम सुन्दास, गोबिन्द नेपाली, मोतिलाल नेपाली, डाक्टर मान बहादुर विके लगायतकाे उपस्थिति रहेकोे थियाे ।

कार्यक्रमको संचालन नेपाल दलित साहित्य तथा संस्कृति प्रतिष्ठानको महासचिव सरोजदिलु विश्वाकर्माले गरेका थिए ।

४ महिलासहित ६१ जनाद्वारा रक्तदान

0

वीरगंज । वीरगंज महानगरपालिकाकाे वडा नं. २३ मा शनिबार रक्तदान कार्यक्रम सम्पन्न भएकाे छ । सबैठवा यूवा समितिकाे आयाेजनामा भएकाे कार्यक्रममा ४ महिलासहित ६१ जनाले रक्तदान गरेकाे थिए ।

राम जानकी मठ परिसरमा भएकाे कार्यक्रममा रंजित कुमार कुशवाहा, रामअयाेध्या पटेल, नैमा खातुन, बिहारी प्रसाद यादव, जयराम बैठा, संताेष कुशवाहा, राजकुमार यादव, राम मण्डल, रामबाबु यादव, दिपक यादव, मुन्ना कुमार माली, नागेश्वर यादव, रमेश कुशवाहा, नवलकिशाेर महताे, राकेश कुमार राम, निरज कुमार राम, मिना खातुन विवेक राम, धर्मेन्द्र कुशवाहा, रवि कुशवाहा, राजन पण्डित, समिर मियाँ अन्सारी लगायतकाले रक्तदान गरेकाे कार्यक्रममा सहभागि पाेखरिया युवा सामाजका उपाध्यक्ष दिनेश मिश्रले जानकारी दिए ।

श्रीराम हास्पिटल विर्ताकी महिला रोग बिशेषग्य डा. प्रिती यादवको प्रमुख आतिथ्यमा भएको रक्तदान कार्यक्रममा, श्रीराम हास्पिटल विर्ताका कन्सलटेन्ट फिजिसियन डा. मनिष खन्ना, सामाजिक अभियन्ता प्रकाश थारू, समाजसेवी तथा यूवा नेता ओमप्रकाश सर्राफ, भोलेन्टियर समुह वीरगंजका संयोजक राजन श्रीवास्तव, स्वास्थकर्मी अली अकबर हुसैन, करण पटेल, पब्लिक फिटनेसका संचालक करण यादव, ग्यालेक्सी फिटनेसका संचालक सन्नी आलम, ज्योति यूवा कल्बका अध्यक्ष रामानन्द कुशवाहा, मकसुदन अंसारी, दी हन्ड्रेड ग्रुप पर्साका सचिव बिक्की सर्राफ, युवा वचन संस्था पर्साका अध्यक्ष किशन सर्राफ, कमलेश कुशवाहा लगायतकाे उपस्थिती रहेकाे थियाे ।

श्रीराम हास्पिटल विर्ता, भोलेन्टियर टीम वीरगंज, ज्योती युवा क्लब, राधेमाई अफसेट प्रेसको सहयोगमा भएको सो कार्यक्रममा स्थानीय युवाहरूको उल्लेखनीय सहभागिता रहेको थियो ।

समितिका अध्यक्ष एसानुल अन्सारीको अध्यक्षतामा भएको कार्यक्रम सहजिकरण स्वास्थ्यकर्मी अनिषकान्त कुशवाहाले गरेका थिए भने रक्त संचार केन्द्र वीरगंजका प्रमुख सौरभ राज पाण्डे नेतृत्वकाे प्राविधिकहरुकाे प्राविधिक सहयाेगमा रक्तदान कार्यक्रम भएकाे  थियो ।

एनएमएसआरए रेड विजयी

0

वीरगंज । नेपाल औषधी तथा बिक्रि प्रतिनीधि संघ पर्साले आयोजना गरेको प्रथम एनएमएसआरए एफ १५ नकआउट क्रिकेट प्रतियोगिता शनिबार सम्पन्न भएको छ । वीरगंजस्थित आदर्शनगर रङ्गशालामा सम्पन्न फाइनल खेलमा एनएमएसआरए रेड विजयी भएको छ ।

क्वेस्ट फार्मासिटिकललाई ९ विकेटले पराजित गर्दै एनएमएसआरए एतिहासिक विजयी भएको हो । टस जितेर पहिलो इनिंग खलेको क्वेस्टले १३ ओभर खर्चेर १० विकेट गुमाउदै ८७ रन बनाएको थियो । जवाफी इनिंगमा रेडले ७ ओभर ३ बल खेलेर १ विकेट गुमाउदै ८८ रन बनाएर क्वेस्टलाई ९ रनले हराएको एनएमएसआरएका सचिव राम गोसाईले जानकारी दिए ।

त्यसैगरी प्लेयर अफ थ म्याचको उपाधि एनएमएसआरए रेडका बलर सचिन कुमारले हासिल गरेका छन् । उनले ३ ओभरमा १५ रन खर्चिंदै ३ विकेट लिएका थिए । त्यसतै प्ल्येअर अफ द सिरिज उपाधि एनएमएसआरए रेडकै राजेन्द्र बस्नेतले प्राप्त गरेका छन् ।

विजेत टोलि एनएमएसआरए रेडलाई प्रमुख अतिथि क्वेस्ट फार्मा सिटिकलका मार्केटिंग निर्देशक तथा एनएनएसआरएका संस्थापक सचिव शैलेन्द्र प्रसाद वर्मा २५ हजार रुपैयाँ नगद, ट्राफि, सिल र सर्टिफिकेट हस्तान्तरण गरेका थिए ।

त्यसैगरी दोस्रो स्थान हासिल गरेको क्वेस्ट फार्मासिटिकललाई १५ हजार रुपैयाँ नगद प्रदान गरिएको सचिव गोसाईले बताए । तिनदिवसीय प्रतियोगितामा म्यागनस फार्मा, भास्कर, एनपीएल लगायत ८ वटा टिम सहभागी रहेका थिए ।

एनएमएसआरए वीरगञ्जका अध्यक्ष मनोज साहको सभापतित्वमा सम्पन्न फाइनल खेलमा नेपाल औषधी व्यवसायी संघ प्रदेश २ का सचिव पप्पु झा, पर्सा जिल्ला अध्यक्ष ताजुदीन अन्सारी, सचिव विश्वाज राज गौतम, पिनका अध्यक्ष महेबुब आलम, पीसीनका अध्यक्ष शिवाजी यादव, नबिल बैंक श्रीपुर शाखाका प्रबन्धक सन्तोष साह, भोलेन्टियर समूहका संयोजक राजन श्रीवास्तव लगायतको सहभागिता रहेको थियो ।

प्रतियोगितालाई क्वेस्ट फारमासुटिकल, भास्कर फारमासुटिकल, म्यागनस फार्मा, भवानी अफसेट प्रेस, एक्स्पर्ट एडुकेसन, फेयर डिल मेसिकल स्टोर, पाथ फार्मा डिष्ट्रिब्यूटर, निर्जल वाटार, फार्माकम डिष्ट्रिब्यूटर, यात्रा डेली प्रालि लगायतले प्रायोजन गरेका थिए ।

क्रिसमसमा आशा किरण केन्द्रलाई सहयोग 

0
वीरगंज । क्रिसमसकाे अवसरमा आशा किरण केन्द्रलाई शनिबार सहयाेग प्राप्त भएकाे छ । केन्द्रका बच्चाहरुकाे लागि कम्प्युटर, प्रीन्टर, न्यानो कपडा एवम् मिठाई खाजा सहयोग उपलब्ध भएकाे केन्द्रका महासचिव राजन श्रीवास्तवले जानकारी दिए ।
 
वीरगंजकाे सिद्धार्थ मा.बि.को प्राणङमा रहेको सुस्तमनिस्थितिका बालबालिकालाई दैनिक हेरचाह गर्ने संस्था आशा किरण केन्द्रलाई लाइन्स क्लब अफ बिरगंज संस्कृति गोल्डबाट सो सहयोग उपलब्ध गराइएको हो ।
 
सहयाेग सामग्री हस्तान्तरण कार्यक्रममा क्लबका अध्यक्ष सुधा कार्की थापाले आशा किरण केन्द्रले सुस्तमनिस्थितिका बालबालिकाको लागि गरिएको प्रयास अति नै सराहनिय रहेको वताइन । उनले सदस्यहरुले केन्द्रको लागि गरेको योगदानको उच्च कदर गर्दै सबैमा क्रिसमसकाे शुभकामना दिदै बच्चा एवं अभिभावहरुलाई क्रिसमसकाे टोपी लगाएर केक काटिनुका साथै कम्प्युटर, प्रीन्टर, मिठाइ, न्यानो कपडा एवं सामाग्रीहरु हस्तान्तरण गरेकी थिइन ।
 
कार्यक्रममा आशा किरण केन्द्रका महासचिव राजन श्रीवास्तवले सबै आगन्तुक पाहुनाहरुलाई खादा ओढाइ स्वागत मन्तव्य मार्फत स्वागत गरेका थिए भने  कोषाध्यक्ष सन्दिप मोहता, लायन्स रमेश अग्रवालले धन्यवाद ब्यक्त गरेका थिए ।
 
कार्यक्रममा क्लबका रमेश अग्रवाल,  स्वेता मानन्धर, सुनिला अग्रवाल, प्रीया सिह, रिता सिकारिया, बिनिता अग्रवाल, श्याम अग्रवाल, डि.एन. अग्रवाल, रजनी वर्मा, सिन्धु कुश्वाहा लगायतको सहभागीता रहेको थियो भने कार्यक्रम संचालन सचिव भगवती सिगदेलले गरेका थिए ।

हिन्दू परिषदकाे राष्ट्रिय सम्मेलन एवं प्रशिक्षण सम्पन्न

0

वीरगंज । हिन्दू परिषद नेपालले शुक्रवारदेखि सोल्टी गार्डेन होटल एण्ड पार्टी प्यालेसमा आयोजित राष्ट्रिय सम्मेलन एवं प्रशिक्षण कार्यक्रम शनिवार सम्पन्न भएको छ ।

शनिवार बिहानदेखि सुरु भएको प्रशिक्षण कार्यक्रममा भारतका मधुमुनि गुरु, पूर्व डिआईजी कृष्णभत्त ब्रह्मचार्य, हिन्दूवादी अगुवा डा. चिन्तामणी योगी, शंकर खराल, दिपक महाराज आतरे, श्रीनिवास गुरु लगायतकाले आ–आफ्नो अनुभव आदानप्रदान गर्नुका साथै प्रशिक्षण दिएका थिए ।

प्रशिक्षण कार्यक्रममा प्रशिक्षकहरुले आफ्नो धर्म र राष्ट्रलाई सर्वोच्च शिखरमा राखी आ–आफ्नो क्षेत्रबाट लाग्न आग्रह गर्नु भएको थियो । विश्वमा एक मात्र हिन्दू राष्ट्र नेपाल रहेकोमा केही विदेशी दलालहरुले नेपाललाई धर्मनिरपेक्ष राष्ट्र बनाए । अब छिटै नेपाल हिन्दू राष्ट्र बनाउनका लागि हामी सबै मिलेर हिन्दू बिरोधी गतिविधि गर्नेमाथि कडा निगरानी गर्न आग्रह गरेका थिए ।

हिन्दू धर्म कसैले सिकाउनु भन्दा पनि आफ्नो घर, परिवार समाजमा मान्दै आएको हिन्दू धर्मलाई मजबुत बनाउन हामी सबैले हरेक दिन आफ्ना गुरु, आमा बुवाबाट आफ्नो धर्म संस्कृतिको बारेमा सिक्न जरुरी रहेको बताए । नेपालका अधिकांश स्कूलहरुमा क्रिश्यचन विद्यार्थीहरु नरहे पनि क्रिश्मस दिवस मनाउन विभिन्न कार्यक्रमहरु गरिरहेका छन् तर हिन्दू धर्मका हजारौ लाखौ विद्यार्थीहरु रहे पनि हिन्दू धर्मका बारेमा कुनै पनि कार्यक्रम नहुनु दुःखद रहेको बताए ।

अभिभावकहरुले पनि आफ्नो बालबच्चा पढने स्कूलमा आफ्नो धर्म संस्कृतिको रक्षा गर्नका लागि समय समयमा हिन्दू धर्म संस्कृतिको बारेमा जनचेतना एवं कार्यक्रमहरु गर्न स्कूलका व्यवस्थापन पक्षलाई घचघचाउन आग्रह गरेका थिए । नेपालमा ८२ प्रतिशत ओमकार हिन्दू समुदाय रहे पनि हिन्दू धर्मावलम्बीहरुले आफ्नो धर्म संस्कृतिको रक्षाको लागि यस्ता प्रशिक्षण कार्यक्रमहरु गर्न सुझाएका थिए ।

प्रशिक्षण कार्यक्रम पश्चात हिन्दू धर्म संस्कृतिमा योग्दान पु¥याएका परिषद्का नगर, जिल्ला, प्रदेश र केन्द्रिय समितिका पदाधिकारी सदस्यहरुलाई सम्मान समेत गरिएको थियो ।

हिन्दू धर्म संरक्षणमा योग्दान पु¥याएका र पु¥याउदै आएका करिब १५० व्यक्ति तथा संघसंस्थाहरुलाई भारतका मधुमुनि गुरु, पूर्व डिआईजी कृष्णभत्त ब्रह्मचार्य, हिन्दूवादी अगुवा डा. चिन्तामणी योगी, शंकर खराल, दिपक महाराज आतरे, श्रीनिवास गुरु, कालि माता, आरती माता, साबित्रि माता, बरिष्ठ समाजसेवी जगरनाथ प्रसाद कुर्मी, परिषदका केन्द्रिय अध्यक्ष संतोष पटेल लगायतका गुरु एवं अतिथिहरुले गम्छा, अबिर टिका र कदर पत्रले सम्मानित गरेका थिए ।

परिषद्का जिल्ला अध्यक्ष हरेन्द्र पटेलले आफ्नो शान्दर्भिक भनाई राख्दै कार्यक्रमको समापन गरेका थिए ।

कांग्रेस प्रदेश २ का महामन्त्रीमा पर्साका बृहस्पती श्रेष्ठ विजयी

0

वीरगंज । नेपाली कांग्रेसको प्रदेश २ महामन्त्रीमा पर्साका बृहस्पती श्रेष्ठ विजयी भएका छन् । संस्थापन पक्षका श्रेष्ठ ७८८ मत प्राप्त गरी विजयी भएका हुन् । महामन्त्रीमा निर्वाचित श्रेष्ठ केन्द्रिय सदस्य एवम् प्रदेश २ का संयाेजक रमेश रिजालका निकटका नेता हुन् ।

यस्तै, अर्काे महामन्त्रीमा उपेन्दर कुमार यादव विजयी भएका छन् । संस्थापन पक्ष कै यादव ९५९ मत प्राप्त गरी विजयी भएका हुन् ।  

शुक्रबार सम्पन्न मतगणना अनुसार महामन्त्रीमा निर्वाचित श्रेष्ठ र यादवकाे निकटतम प्रतिद्वन्धी नरेश कुमार यादवले ७७५ मत र हरेश प्रसाद महताेले ७०३ मत प्राप्त गरेका छन् ।

यस्तै, सभापतिमा संस्थापन पक्षका कृष्ण यादव विजयी भएका छन् । रौतहटका यादव १ सय ४१ मत अन्तरले प्रदेश सभापतिमा निर्वाचित भएका हुन् ।

आज बिहान सार्वजनिक मत परिणामअनुसार यादवले ९९६ मत पाएका छन् । उनका प्रतिस्पर्धी राम सरोज यादवले ८५५ मत पाएका छन् ।

प्रदेश सभापतिमा निर्वाचित यादव नेपाली कांग्रेस रौतहटका सभापति हुन् । अर्का प्रत्यासी रामसरोज भने कांग्रेस प्रदेश नं २ संसदीय दलका नेता तथा भौतिक पूर्वाधार विकासमन्त्री हुन् ।

१९ सय ३८ मतदाता मध्ये १८ सय ८१ मत खसेको थियो । ३० मत बदर भएको छ । मतपरिणामको औपचारिक घोषणा हुन भने बाँकी छ ।

नेपाली कांग्रेसको १४औं महाधिवेशन अन्तर्गत प्रदेश २ को अधिवेशन आन्तरिक विवादका कारण रोकिएको थियो र नेतृत्व चुन्न बिहीबार मात्रै मतदान भएको थियो ।