Date
बिहि, मंसिर ३, २०८३
Thu, November 19, 2026
Home Blog Page 733

राष्ट्रिय शिक्षक मंच पर्साकाे संयाेजकमा प्रदिप साह

0

वीरगंज । राष्ट्रिय शिक्षक मंच पर्साकाे जिल्ला संयाेजकमा श्री ने.रा. आधारभुत विद्यालय प्रसाैनी विर्तामा कार्यरत शिक्षक प्रदिप साह मनाेनयन भएका छन् ।

राष्ट्रिय शिक्षक मंचकाे केन्द्रिय पदाधिकारीहरुकाे २०७८ पुस ९ गतेकाे निर्णय अनुसार मंचकाे पर्साका संयाेजकमा साहलाई मनाेनयन गरिएकाे केन्द्रिय संयाेजक कुमाेद कुमार सिंहले जानकारी दिए ।

यसका साथै संयाेजक साहलाई मंचकाे विधान बमाेजिम जिल्ला कार्य समिति पुनर गठन गरी संगठन विस्तारका कामकाज गर्न समेत जिम्मेवारी दिइएकाे उनले जानकारी गराए । 

नेपाल शिक्षक महासंघ सँग आबद्ध शिक्षक मञ्च, लोकतान्त्रिक शिक्षक युनियन र नेपाल लोकतान्त्रिक शिक्षक फेडेरेसन एकिकृत भई बनेको राष्ट्रिय शिक्षक मञ्चको पर्सा जिल्ला तदर्थ समितिकाे संयोजक उमेश ठाकुरकाे ठाउँमा साहलाई मनाेनय गरिएकाे केन्द्रिय संयाेजक सिंहले एक प्रेस विज्ञप्ती जारी गर्दै जानकारी गराएका हुन् ।

लागु औषध गाँजा र अटोसहित ३ जना पक्राउ

0
वीरगंज । मकवानपुर प्रहरीले भारी परिमाणमा प्रतिवन्धित लागु औषध गाँजासहित ३ जनालाई पक्राउ गरेकाे छ ।
 
जिल्ला प्रहरी कार्यालय मकवानपुरबाट खटिएको प्रहरी टोलीले मकवानपुरकाे कैलाश गाउँपालिका ५ कटहरे घर भई हाल हेटौडा उपमहानगरपालिकाकाे वडा नं. ७ कमाने बस्ने वर्ष ३४ को सिताराम मोक्तान, कैलाश गाउँपालिका वडा नं. १ बस्ने वर्ष ३३ को अमर बहादुर गिरि र साेही ठाउँ निवासी वर्ष २६ को ईन्द्र बहादुर मोक्तानलाई पक्राउ गरेकाे हाे ।
 
विशेष सूचनाको आधारमा खटिएकाे प्रहरीले साेमबार सांझ ५:४५ बजेको समयमा हेटाैडा उपमहानगरपालिकाकाे वडा नं. १ पालुङ बसपार्कस्थितमा ना १ ह ७६३८ नं. को अटोलाई चेकजाँज गर्ने क्रममा तरकारीको बोरा भित्र लुकाई छिपाई ल्याएको १० वटा पोकामा ६९ किलो ५०० ग्राम लागु औषध गाँजा फेला परेको जिल्ला प्रहरी कार्यालय मकवानपुरले जनाएकाे छ ।
 
अटोमा लागु औषध गाँजा बरामद भएपछि अटाे चालक सितारामसहित उक्त लागुऔषध गाँजा ओसारपसारमा संलग्न ३ जनालाई उक्त लागुऔषध गाँजा, अटो सहित पक्राउ गरी थप अनुसन्धान भईरहेको प्रहरीले जनाएकाे छ ।

लागु औषधसहित वीरगंजका सर्राफ पक्राउ

0

वीरगंज । प्रहरीले मंगलबार वीरगंजबाट लागु औषधसहित एक जनालाई पक्राउ गरेकाे छ । जिल्ला प्रहरी कार्यालय पर्साबाट खटिएकाे प्रहरी टाेलीले वीरगञ्ज महानगरपालिकाकाे वडा नं.१३ मुर्ली बस्ने वर्ष १९ को बिक्रम सर्राफलाई पक्राउ गरेकाे हाे ।

विशेष सूचनाको आधारमा खटिएकाे प्रहरी टाेलीले मंगलबार विहान १० बजे वीरगञ्ज महानगरपालिकाकाे वडा नं.१५ स्थित शंकाष्पदरूपमा पैदल हिंडिरहेका सर्राफले बोकेको झोला चेकजाँच गर्दा कालो प्लाष्टिकमा लुकाइछिपाई ल्याएको लागु औषध बरामद भएकाे जिल्ला प्रहरी कार्यालय पर्साले जनाएकाे छ ।

उनकाे साथबाट लागु औषध नुफ्रिन ३५० एम्पुल, डाइजीपाम ३५० एम्पुल र फेनारगण ३५० एम्पुल गरी जम्मा १०५० एम्पुल फेला परेको जिल्ला प्रहरी कार्यालय पर्साका प्रवक्ता प्रहरी नायब उपरिक्षक ओमप्रकाश खनालले जानकारी दिए ।

उक्त लागु औषधसहित निजलाई नियन्त्रणमा लिई लागु औषध सम्बन्धी कसूरमा अनुसन्धान अगाडि बढाइएको प्रवक्ता खनाले जानकारी गराए ।

पकहा मैनपुरकाे विद्यालयहरुमा सेनेटरी प्याड वितरण

0

वीरगंज । पर्साको पकहा मैनपुर गाउँपालिकाले आफ्नो पालिका भित्र रहेका विद्यालयहरुमा सेनेटरी प्याड वितरण गरेको छ । अध्यक्ष विजय कुमार चौरसियाले पालिका अन्तर्गत रहेका माध्यमिक तथा निम्न माध्यमिक विद्यालयहरुमा अध्ययनरत छात्राहरुको लागि सेनेटरी प्याड वितरण गरेका हुन् ।

अध्यक्ष चाैरसियाले चिसोको मौसममा छात्राहरुलाई महिनावारी भएपछि विद्यालय आउन हुने समस्यालाई मध्यनजर गर्दै आफु आफै ट्याक्टरमा सेनेटरी प्याड बोकी सम्पूर्ण विद्यालयमा पुगी वितरण गरेकाे वताए । उनले महिनावारीको कारण चिसोको समयमा विद्यालयमा छात्राहरुको उपस्थिति कम हुने गरेकोले त्यसलाई मध्यनजर गर्दै छात्राहरुको अध्ययन प्रभावित नहोस् भन्ने उद्देश्यले विद्यालयमा छात्राहरुको लागि सेनेटरी प्याड वितरण गरिएको बताए ।

उनका अनुसार सम्पूर्ण विद्यालयमा ५ हजार प्याकेट सेनेटरी प्याड वितरण गरिएको छ । ग्रामीण भेगका कतिपय छात्राहरुको गरिबी अवस्थाका कारण सेनेटरी प्याड किन्न नसक्ने भएकोले तिनीहरुले घरमा पनि लैजान पाउने उद्देश्यले वितरण गरिएको र पुनः चाहिएको अवस्थामा अझै उपलब्ध गराईने उनको भनाई छ ।

सेनेटरी प्याड बितरण गर्ने क्रममा अध्यक्ष चाैरसियासहित प्रमुख प्रशासकिय अधिकृत रमेश सुबेदी, जिन्सी शाखा प्रमुख रामप्रवेश चौरसिया लगायतको उपस्थितिमा रहेकाे थियो l

पुरस्कार वितरणकाे विषयलाई लिएर पत्रकार महासंघ पर्साकाे कार्यसमितिमा विवाद

0

वीरगंज । नेपाल पत्रकार महासंघ पर्सा कार्य समितिको निर्णयको विरोध भएको छ । महासंघले प्रत्येक वर्ष वितरण गर्ने गरेको गोपाल गिरी स्मृत्ति पत्रकारिता पुरस्कार वितरणमा कार्य समितिका केही सदस्यले विरोध गरेका छन् ।

नेपाल पत्रकार महासंघ पर्साको कार्य समितिको सोमबार बसेको तेश्रो बैठकले गोपाल गिरी स्मृत्ति पत्रकारिता पुरस्कार वितरणको लागि प्रेस चौतारी नेपालमा आबद्ध पत्रकारहरुलाई मात्रै वितरण गर्ने निर्णय गरेपछि कार्य समितिका २ जना सदस्यले विरोध गरेका हुन् ।

पुरस्कार वितरणको लागि कुनै पनि मापदण्ड तथा प्रक्रिया नै नपु¥याई हचुवाको भरमा पुरस्कार वितरणको लागि नामावली छनौट गरिए पछि आफुहरु विराेध गरेकाे महासंघका जिल्ला कार्य समिति सदस्य नरेश सर्राफ र अजय चाैरसियाले वताएका छन् ।

साेमबार बसेकाे महासंघकाे बैठकमा सहभागि कार्य समिति सदस्य सर्राफ र चौरसियाले महासंघको नाममा प्रेस चौतारीका पदाधिकारीहरुले एकलौटी निर्णय गरेको आरोप लगाए । कार्य समिति सदस्य सर्राफले नेपाल पत्रकार महासंघ पर्सा सम्पूर्ण पत्रकारको छाता संगठन भए पनि सम्पूर्णलाई समेटेर लैजानु पर्नेमा कुनै पनि पुरस्कार, तालिम एवं अन्य कार्यमा प्रेस चौतारीका पदाधिकारीहरुलाई मात्रै सिफारिस गर्ने गरिएकाे बताए ।

बैठकमा सर्राफ र चौरसियाले असहमति जनाए पनि प्रेस चौतारीमा आबद्ध महासंघका पदाधिकारीहरुले जबरजस्ती निर्णय गर्न खोजेपछि सर्राफले बैठक नै बहिष्कार गरि निस्केका थिए । उनले अन्य पत्रकार संगठनसंग आवद्ध पत्रकार एवं स्वतन्त्र पत्रकारहरुलाई पनि पुरस्कार दिनुपर्ने बैठकमा प्रस्ताव राखेका थिए ।

उनले प्रेस चौतारीसंग आबद्ध महासंघका पदाधिकारीहरुले पहिलादेखि नै पुरस्कारको लागि दुई जना चौतारीका पदाधिकारीको नाम लिएर बैठकमा आएका थिए बताउँदै हामीले अन्य पत्रकारहरुको पनि नाम राखेर छलफल गरौं भनेका थिए तर त्यससलाई वेवास्ता गर्दै एकलौटी रुपमा पत्रकार महासंघमा बहुमतको दम्भ देखाई ति दुईजनालाई नै पुरस्कार दिने भनेर निर्णय गरेपछि आफु बैठकबाट बसि रहनु कुनै औचित्य नै नदेखेर निस्केकाे वताए ।

नेपाल पत्रकार महासंघ पर्सा शाखाले वर्षेनी एक जना पत्रकारलाई स्व. गोपाल गिरी स्मृत्ति पत्रकारिता पुरस्कार वितरण गर्दै आएको छ । गत बर्षकाे पनि स्व. गाेपाल गिरी पत्रकारिता पुरस्कार महासंघले वितरण गर्न नसकेपछि यस बर्ष दुबै बर्षकाे पुरस्कार पत्रकार प्रताप श्रेष्ठ र विजय भण्डारीलाई दिने बहुमतले निर्णय गरेकाे छ ।

अर्का कार्यसमिति सदस्य चौरसियाले साेमबारकाे बैठकमा महासंघको तेश्रो तल्लाको भवन निर्माणका लागि समिति बनाउने क्रममा सबैलाई नसमेटिएको र स्व. गोपाल गिरी स्मृत्ति पत्रकारिता पुरस्कारमा पनि एकलौटी गर्न खोजेपछि ‘नोट अफ डिसेन्ट’ लेखि आफुले असहमति जनाएकाे वताए । 

समाजवादी प्रेस संगठन पर्साको जिल्ला कार्य समिति गठन

0

वीरगंंज । समाजवादी प्रेस संगठन नेपाल पर्साको सोमबार जिल्ला कार्य समिति गठन भएको छ । समाजवादी प्रेस संगठन नेपालका केन्द्रि सदस्य एवम् नेकपा (एकीकृत समाजवादी) पर्साका प्रचार विभाग प्रमुख राघव साहको अध्यक्षतामा सम्पन्न भेलाले मनोज  पटेलको अध्यक्षतामा २७ सदस्यीय जिल्ला कार्य समिति गठन गरेको हाे ।

नवगठित संगठनको उपाध्यक्षमा शम्भु कुमार सुमन, महिला उपाध्यक्षमा प्रकृति अधिकारी, सचिवमा अजय चौरसिया, सह सचिवमा अमित अग्रवाल, बिनोद पटेल र कोषाध्यक्षमा हरिशंकर शर्मा चयन भएका छन् ।

यस्तै, संगठनको सदस्यहरुमा नरेश सर्राफ, संतोष साह, दिपेन्द्र गिरी, दिपक चौरसिया, रञ्जित चौरसिया, श्याम पासवान, शंकर पटेल, अर्जुन गुप्ता, बलिराम यादव, आशमहमद अंसारी, सरोज पटेल, जय यादव, सानु साह, अनुप यादव, रामेश्वर चौरसिया, आर के जयसवाल, श्रीराम रौनियार लगायतका रहेका छन् ।

वीरगंजस्थित होटल मकालुमा भएको भेलामा संगठनका केन्द्रिय सदस्य साहले समितिको घोषणा गरेका थिए । भेलाले संगठनको सल्लाहकारमा संजय साह, सरोज खड्कालाई चयन गरेको केन्द्रिय सदस्य साहले जानकारी दिए ।

भेलालाई सम्बाेधन गर्दै नेकपा (एकीकृत समाजवादी) का पोलिटब्युरो सदस्य एवम् प्रदेश नम्बर २ का उपाध्यक्ष रामचन्द्र साहले कुनै पनि संगठन विचारले ठूलाे हुने वताउँदै संख्याले महत्व नराख्ने वताए । उनले संगठनकाे विधानकाे अधिनमा रहेर काम गर्न सुझाव दिए ।

कार्यक्रमका प्रमुख अतिथी समेत रहेका उपाध्यक्ष साहले समाजमा रहेकाे गलत कुरा पत्रकारले बाहिर निकाल्नु पर्ने वताए । उनले पत्रकारकाे काम समाजमा रहेकाे सहि कुरा बाहिर ल्याउने र गलत कुराकाे भण्डाफाेर गर्नु पर्ने रहेकाे वताए ।

कार्यक्रममा नेकपा एकीकृत समाजवादीका केन्द्रीय सदस्य चिरञ्जीवी आचार्य, केन्द्रिय सदस्य एवम् पर्सा जिल्ला अध्यक्ष बालगोपाल थापा, समाजवादी प्रेस संगठनका केन्द्रिय सदस्य बृजलाल पासवान, रेविन्द्र कार्की, जितलाल श्रेष्ठ, रमेश सुवेदी, बाराका अध्यक्ष अजय साह लगायतले शभकामना मन्तव्य राखेका थिए ।

बिन्दबासिनीकाे प्रमुख प्रशासकिय अधिकृतमा गिरी हाजिर

0

वीरगंज । पर्साकाे बिन्दबासिनी गाउँपालिकाको प्रमुख प्रशासकिय अधिकृतमा अमित कुमार गिरी हाजिर भएका छन् । ऊर्जा जलश्रोत तथा सिंचाई मन्त्रालय अन्तर्गत सिचाई कार्यालय वीरगंजमा कार्यरत गिरीकाे बिन्दवासिनी गाउँपालिकाकाे प्रमुख प्रशासकिय अधिकृतमा सरुवा भएपछि आइतबार उनी हाजिर भएका हुन् । 

संघिय मामिला तथा सामान्य प्रशासन मन्त्रालयले पुस ८ गते अधिकृत गिरीलाई बिन्दवासिनी गाउँपालिकाकाे प्रमुख प्रशासकिय अधिकृतकाे कामकाजकाे जिम्मेवारी दिएर पठाएकाे थियाे ।

बिन्दबासिनी गाउँपालिकाको कार्यालय बहुवर्वा भाठ्ठामा आईतबार हाजिर हुन गएका गिरीलाई गाउँपालिका अध्यक्ष श्रीलाल साह कानुसहितका जनप्रतिनिधि र कर्मचारीहरुले स्वागत गरेका थिए । एक कार्यक्रमका बिच गाउँपालिका अध्यक्ष कानुले प्रमुख प्रशासकिय अधिकृत गिरीलाई गम्छा, फूलको माला र अबिरको टीका लगाएर स्वागत गरेका थिए ।

उक्त अवसरमा बोल्दै अधिकृत गिरीले आफूले जन चाहना अनुसार जनप्रतिनिधिको समन्वयमा काम गर्ने बताए । उनले भने “मैले जनप्रतिनिधिको समन्वय र सहकार्यमा जन चाहना अनुसार काम गर्ने छु, त्यसको लागि जनप्रतिनिधि र कर्मचारी बीचको समन्व्य जरुरी छ ।”

उक्त अवसरमा जनप्रतिनिधिसहित अधिकृत मुना रौनियार, लेखा अधिकृत मिथलेश कुशवाहा, जसपाका नेता गौरीशंकर साह लगायतको उपस्थिती रहेको थियो ।

बिन्दवासिनी गाउँपालिकामा यस भन्दा अगाडि निमित प्रमुख प्रशासकिय अधिकृत श्याम बाबु साहले निमित प्रमुख प्रशासकिय अधिकृत भई कार्यालय प्रमुखकाे जिम्मेवारीमा काम गर्दै आएका थिए ।

आईतबार हाजिर भएका प्रमुख प्रशासकिय अधिकृत गिरीले साेही दिनदेखी कार्यभार समेत सम्मालेका छन् ।

यस अघि पर्सा कै जिराभवानी गाउँपालिका, पोखरिया नगरपालिका र जगरनाथपुर गाउँपालिकाकाे प्रमुख प्रशासकिय अधिकृतमा कामकाज गरिसकेका अधिकृत गिरी हुन् ।

अबैध हतियारसहित एक जना पक्राउ

0

वीरगंज । प्रहरीले अवैध नलकटुवा बन्दुकसहित एक जनालाई पक्राउ गरेकाे छ । इलाका प्रहरी कार्यालय परवानीपुर बाराबाट खटिएको प्रहरी टोलीले बाराकाे परवानीपुर गाउँपालिका वडा नं. ४ चैनपुर टोल बस्ने वर्ष २४ को सनवर देवानलाई पक्राउ गरेकाे हाे ।

प्राप्त सूचनाको आधारमा आइतबार बिहान ३ बजे देवानलाई चैनपुरस्थित लक्ष्मी नारायण दुर्गा मन्दिर परिसरभित्रबाट अबैध कटुवा बन्दुकसहित पक्राउ गरिएकाे जिल्ला प्रहरी कार्यालय बाराले जनाएकाे छ ।

देवाललाई नियन्त्रणमा लिई शरीर खानतलासी गर्ने क्रममा निजले कम्मरको भागमा लुकाई छिपाई राखेको अवस्थामा अबैध कटुवा बन्दुक थान-१ र पाइन्टको खल्तीमा ८ पिस लागू औषध नाइट्राभेट ट्याबलेट फेला परेको जिल्ला प्रहरी कार्यालय बाराका प्रवक्ता प्रहरी नायब उपरिक्षक राजेश थापाले जानकारी दिए ।

निजलाई पक्राउ गरी हातहतियार तथा लागू औषध मुद्दामा बारा जिल्ला अदालतबाट पहिलो पटक ५ दिन म्याद थप गरी हिरासतमा राखी थप अनुसन्धान भइरहेकोउनले वताए ।