Date
बिहि, मंसिर ३, २०८३
Thu, November 19, 2026
Home Blog Page 732

वनबाट चोरी गरी घरमा राखिएको सालको काठ बरामद

0

वीरगंज । इलाका प्रहरी कार्यालय पटेर्वा सुगौलीले राष्ट्रिय वनबाट अबैध रुपमा चोरी गरी घरमा राखीएको सालको काठ बरामद गरेकाे छ ।

प्रहरी निरिक्षक रामकाजी थापा नेतृत्वकाे गस्ती टोलीले वीरगंज माहानगरपालीकाकाे वडा नं. ३२ टोल रामबन बस्ने आइते बिक, नर बहादुर बिक, अर्जुन खत्री, टिका पौडेल, गोपाल पौडेल घरमा छापमारी गरी ६४.११ क्युफिट काठ बरामद गरेकाे हाे ।

सालको गोलाई, चिरपट, चौकठ, चिरान गर्ने दुई ओटा मोटर मेसीन, साईकल, फर्निचर बनाउने समानहरु लगायतको बरामद गरिएकाे इलाका प्रहरी कार्यालय पटेर्वा सुगाैलीले जनाएकाे छ ।

बिशेष सुचनाको आधारमा गएकाे प्रहरी गस्ती टाेलीमा सव डिभिजन बन कार्यालय मधुवन मथवल बढनिहार, सव डिभिजन बन कार्यालय सबैया, सबैया साझेदारी बन लगायतकाको सहभागिता रहेकाे थियाे ।

साथै प्रहरी निरिक्षक थापा नेतृत्वकाे टोलीले नै सोहि टोलमा लगाईको एक कठ्ठा गाँजा खेती, एकहजार लीटर कच्चा घरेलु मदिरा समेत नष्ट गरेकाे छ ।

बरामत गरिएको काठ र मेसिनलाई आवश्यक कारवाहीको लागि सव डिभिजन बन कार्यालय मधुवन मथवल बढनिहारमा राखिएको छ भने फरार रहेका ब्यक्तिहरुलाई पक्राउ गरी आवश्यक कारवाही गरिने साझेदारीका अध्यक्ष लखनलाल साह कानुले बताए ।

बिपिसी सिङ्गीङ् आईडल सम्पन्न

0

वीरगंज । बिपिसी सिङ्गीङ् आईडल र टेलिभिजन समाचार बाचन प्रतियोगिता बिहिबार सम्पन्न भएको छ । वीरगञ्ज पब्लिक कलेज (बिपिसी) को सप्ताहव्यापी खेल तथा सांस्कृति कार्यक्रमकाे अन्तिम दिन प्रतियाेगिता सम्पन्न भएकाे हाे । 

बिपिसीले विद्यार्थीहरुको क्षमता अभिवृद्धि र व्यक्तित्वका विकासका निम्ती साप्ताहिक रुपमा विभिन्न १० भन्दा बढी प्रतियोगिताहरुको आयोजना गरेको थियो । प्रतियाेगितामा क्लेजमा अध्ययनरत छात्र/छात्राहरुले भाग लिएका थिए ।

दुई प्रतियोगितासँगै यसअघि भएका प्रतियोगिताका बिजयीहरुलाई प्रमाणपत्र, मेडल र कमसहित पुरस्कृत गरिएको कलेजका प्रबन्ध निर्देशक प्राध्यापक डा. दिपक शाक्यले जानकारी दिए ।

कलेजले पहिलो पटक टेलिभिजन समाचार बाचन प्रतियोगिता आयोजना गरेको कलेजका क्याम्पस प्रमुख बिनय श्रेष्ठले बताए । श्रेष्ठका अनुसार विद्यार्थीहरुलाई अध्ययनसँगै अतिरिक्त क्रियाकलापहरुमा अब्बल बनाउने कलेजको लक्ष्यअनुरुप प्रतियोगिताको आयोजना गरिएको हो । 

भविष्यमा यसै कलेजबाट अध्ययन गरेका विद्यार्थीहरु, खेलाडी, कलाकार, पत्रकार बन्ने हुँदा अहिलेदेखि नै उनीहरुलाई अतिरिक्त क्रियाकलापमा जोड दिइएको कलेजका प्रमुख श्रेष्ठले बताए । 

टेलिभिजन समाचार बाचन प्रतियोगितामा पत्रकारद्वय निरज पिठाकोटे मगर र शिवनाथ यादवले निर्णायकको भूमिका निर्वाह गरेका थिए । यस्तै गायन प्रतियोगिताको मेन्टरमा मन्दिप खड्का र चन्दन प्रजापती थिए भने निर्णायकमा ध्रुबसिँह ठकुरी र रमेश परियार रहेका थिए ।

वीपिसीकाे नयाँ भवनमा भएकाे कार्यक्रममा भारतिय राजदुतावास वीरगंजका शैलेन्द्र कुमार, वीरगंज महानगरपालिकाका शिक्षा शाखा प्रमुख अरविन्द लाल कर्ण, जिल्ला प्रहरी कार्यालय पर्साका प्रहरी नायब उपरिक्षक प्रहलाद कार्की, भवानी हस्पिटलका निर्देशक राम श्रेष्ठ, वीरगंज ८ का वडाध्यक्ष राजकिशाेर गुप्ता, कलेजका शैक्षिक निर्देशक याेगल किशाेर प्रसाद, प्रिन्सपल हरिरतन तुल्लाधर, सहायक प्रिन्सपल विनय ठाकुर, संयाेजक बासु कर्ण लगायतकाे सहभागिता रहेकाे थियाे । 

क्षमता विकास तालिम सम्पन्न

0

वीरगंज । पर्साका ११ वटा विद्यालयका ३३ जना शिक्षकहरुको लागि पढाई, लेखाई र अतिरिक्त कृयाकलाप सम्बन्धी ३ दिने क्षमता विकास तालिम बिहिबार सम्पन्न भएको छ । भिएसओ नेपाल र दिव्य युवा क्लबको साझेदारीमा संचालित किशोरी सशक्तिकरणका लागि शिक्षा कार्यक्रम अन्तर्गत भएकाे तालिम सम्पन्न भएकाे हाे । 

शिक्षकहरुको पढाई, लेखाई र अतिरिक्त कृयाकलाप सम्बन्धी क्षमताको विकास गरी बालबालिकाहरुको शिक्षामा सुधार गर्न र उनीहरुको सिकाईलाई प्रभावकारी बनाउने उद्देश्य उद्देश्यले तालिम आयाेजना गरिएकाे परियाेजना संयोजक गणेश ठकुरीले जानकारी दिए ।

बीरगन्जको होटल भिस्वामा सम्पन्न भएको तालिममा सहभागीहरुलाई भग्रासन ठाकुर र अनिता श्रेष्ठले प्रशिक्षण दिएका थिए । तालिममा परियोजनाका कर्मचारीहरुले पनि सहजिकरण गरेका थिए ।

पर्साकाे जगरनाथपुर गाउँपालिका, धाेबिनी गाउँपालिका, पाेखरिया नगरपालिका र वीरगंज महानगरपालिकामा किशाेरी सशक्तिकरणकाे लागि शिक्षा कार्यक्रम संचालनमा रहकाे छ ।

शिवबर्वामा नि:शुल्क आँखा शिविर सम्पन्न

0

वीरगंज । पर्साकाे पाेखरिया नगरपालिका वडा नं. १० शिवबर्वामा बिहिबार निशुल्क आँखा शिविर सम्पन्न भएकाे छ । वडा कार्यालयकाे आयाेजना र किरण आँखा अस्पतालकाे प्राविधिक सहयाेगमा स्वास्थ्य बिमा कार्यक्रम अन्तर्गत शिविर सम्पन्न भएकाे स्थानिय मनाेहर साहले जानकारी दिए ।

उनका अनुसार वडा कार्यालयमा भएकाे शिविरमा १३८ जनाले आँखा परिक्षण गराएका थिए । जसमध्ये ५६ जनामा माेतियाबिन्दु फेला परेकाे थियाे । माेतियाबिन्दु फेला परेकाे सबै जनाकाे निशुल्क शल्यक्रिया समेत गरिने छ । 

पोखरिया नगरपालिका वडा नं. १० का वडाध्यक्ष साेनालाल प्रसाद गाेढकाे अध्यक्षतामा भएकाे शिविरमा स्थानिय नेता शंकर प्रसाद यादव, रामबचन महतो, अब्दुल गनी मिया लगायतकाे उपस्थिती रहेकाे थियाे ।

शिविरमा किरण आँखा अस्पतालकी डा. सरिता सिन्हाले बिरामीहरुकाे आँखा परिक्षण गरेकी थिइन ।

वीरगंजकाे जनतासंग धाेगाधढी भइरहेकाे छ : प्रदेश सांसद गिरी

0

वीरगंज । प्रदेश नं. २ काे राजधानी जनकपुरलाई बनाउन चलखेल भइरहेकाे प्रदेश सभा सदस्य (सांसद) प्रहलाद गिरीले वताएका छन् । उनले बिहिबार वीरगंजमा पत्रकार सम्मेलन गर्दै यस पालि जनकपुरलाई राजधानी बनाउन प्रदेश सरकारले नै प्रस्ताव लगेकाे वताए ।

उनले यस अघि प्रदेश सरकारले राजधानीकाे लागि प्रस्ताव नगरे पनि प्रदेश सरकारकाे नेतृत्व गरिरहेका पर्सा कै मुख्यमन्त्री भएपनि यस पालि प्रदेश सरकारबाट जकपुरलाई राजधानी बनाउनु प्रस्ताव गर्नु मुख्यमन्त्री लालबाबु राउतकाे मिलाेमताे रहेकाे वताए ।

यसका साथै राजधानीकाे लागि छलफल गर्न बनेकाे १६ सदस्यीय समितिमा पर्साकाे एक जना पनि नपर्नु वीरगंजकाे मतबाट जितेका मुख्यमन्त्री लालबाबु राउतकाे नियत गलत देखिएकाे सांसद गिरीले आराेप लगाए । वीरगंजकाे जनताकाे साथ धाेखाधढी भइरहेकाे छ उनले भने राजधानी प्रदेशकाे बिचमा हुनु पर्ने बहाना मात्र हाे ।

लाेकतान्त्रिक समाजवादी पार्टी (लाेसपा)का नेता समेत रहेका सांसद गिरीले वीरगंज आधुनिक सहर भएकाे वताउँदै सांसद गिरीले यहाँ राजधानीकाे लागि सम्पूर्ण आधार भएकाे वताए ।

उनले भने “राजधानीकाे लागि वीरगंजसंग सम्पूर्ण थाेक छ । वीरगंज प्रदेश नं. २ काे एक मात्र महानगर हाे, आर्थिक नगरी हाे । वीरगंज शिक्षा र स्वास्थ्यकाे हब बन्दै गएकाे छ । जनकपुरमा महंगी धेरै छ । जनकपुरमा जानकी मन्दिर छ भने यहाँ पनि गहवा, बिन्दवासिनी माईकाे मन्दिर छ । त्यही भएर वीरगंज राजधानी हुनु पर्छ ।”

यसका साथै परिवर्तनकाे सम्पूर्ण आन्दाेलनमा वीरगंजकाे याेगदान उलेखनिय रहेकाेले वीरगंज राजधानी हुनु पर्छ । जनकपुर राजधानी भए प्रदेश २ टुक्रा हुने बृजाराेपण हुने उनकाे भनाई थियाे ।

नेपाल पत्रकार महासंघ पर्साकाे सभा हलमा भएकाे पत्रकार सम्मेलनमा सहभागि लाेसपाका नेता नेजामुदिन सम्मानीले सुरुदेखि नै मधेश प्रदेश र वीरगंज राजधानीकाे पक्षमा आफुहरु रहेकाे वताउादै अझै पनि त्यही अडान रहेको वताए ।

लाेसपा पर्साका अध्यक्ष पुरुषाेत्म झाले प्रदेश २ काे राजधानीको लागि उपयुक्त ठाउँ वीरगंज नै रहेकाे तर्क गर्दै वीरगंज नै राजधानी हुनु पर्ने माग गरे ।

पाेखरिया अस्पतालकाे बिषयमा मन्त्री साहसंग छलफल

0
वीरगंज । पाेखरिया अस्पतालकाे बिषयमा जनकपुरमा समाजिक विकास मन्त्री नवल किशोर साहसंग पोखरिया नगरपालिका मेयर दिपनारायण रौनियार र लोकतान्त्रिक समाजवादी पार्टी नेपालका नेता नेजामुद्दीन शमानीले भेट गरी छलफल गरेका छन् ।
 
छलफलमा पोखरिया अस्पताललाई ५० बेड सहित जिल्ला अस्पताल बनाउन नगर पालिकाले पत्र तथा निर्णय पेठाउने, अस्पतालको माथिलो तला थप गर्न मंत्रालयले रकम निकाशा तथा औषधी उपलब्ध गराउने, वडा नं. ९ जगतपुरमा निर्माणाधीन अधुरो बर्थीङ सेन्टरको इस्टिमेट समाजिक विकास ईकाई, बीरगंज मार्फत पेठाउने, अस्पतालमा अप्रेशन, ICU , NICU सेवा संचालन गर्न थप रकम उपलब्ध गराउने सहमति भएको नेता सम्मानीले जानकारी दिए ।

स्व. राजा बीरेन्द्रको ७७ औं जयन्ती वीरगंजमा मनाइयो

0
वीरगंज । स्वर्गीय राजा बीरेन्द्र शाहको ७७ औ जयन्ती बुधबार बीरगंजमा मनाएको छ ।  राष्ट्रिय सरोकार मंच नेपाल नारायणी बीरगंजले आफ्नै कार्यालयमा जयन्तीकाे अवसरमा आयाेजना गरेकाे श्रद्धान्जली कार्यक्रममा सहभागिहरुले स्व पूर्व राजा बिरेन्द्रकाे तस्बिरमा माल्यार्पण गरेका थिए ।
 
कार्यक्रममा बोल्दै सहभागीहरुले अहिलेको राजनितीका कारण देशमा महंगी, हत्या, हिंसा, भ्रष्टाचारहरू बढेकोमा घोर भर्त्सना गर्दै यस्ता भ्रष्टाचारीहरुलाई अन्त्य गर्न सम्पूर्ण राष्ट्रबादी एक जुट हुन जरुरी रहेको बताए । सहभागीहरुले अहिलेको राजनितीमा बिदेशीको चलखेल बढी भएका कारण सम्पूर्ण जनताले यसको बिरोध गर्न आग्रह गरे ।
 
राष्ट्रिय सरोकार मंच नेपाल नारायणीका अंचल संयोजक नन्दकिशोर गोयलको अध्यक्षतामा भएकाे कार्यक्रममा स्थानियबासी, समाज सेबी, भद्रभलादमी, पत्रकारहरुको समेत सहभागीता रहेको थियो ।  
 
बुवा महेन्द्र तथा आमा ईन्द्र राज्य लक्ष्मी देवी शाहको कोखबाट वीरेन्द्रको जन्म २००२ साल पुस १४ गते भएको थियो । तत्कालिन राजा वीरेन्द्रले २०४६ सालको जनआन्दोलन पछि प्रजातन्त्रको पुनर्बहाली गर्ने निर्णय गर्नुभएको थियो ।
 
त्यसपछि देशमा बहुदलीय व्यवस्था आएको थियो । नेपाललाई शान्ति क्षेत्र बनाउने प्रस्ताव विश्वसामु राखेर शान्तिवादी राजाको छवी बनाएका वीरेन्द्रलाई जनप्रेमी राजाका रुपमा पनि चिनिन्छ । शाहवंशका दशौं राजा विरेन्द्रको २०५८ साल जेठ १९ गते शुक्रबारका दिन नारायणहिटी हत्याकाण्डमा ज्यान गएको थियो ।
 
तत्कालिन राजा वीरेन्द्रसहित तत्कालिन रानी ऐश्वर्य युवराज, दिपेन्द्र अधिराजकुमार निराजन, अधिराज कुमारी श्रुति लगायतको हत्या भएको नारायणहिटी हत्याकाण्ड भने अझै रहस्यमय रहेको छ ।

नेपाल र भारत सम्बन्धलाई जनस्तरबाट प्रगाढ बनाउनु पर्छ : वक्ताहरु

0

वीरगंज । नेपाल भारत सिमावर्ती जनमैत्री सम्मेलन बुधवार वीरगञ्जमा सम्पन्न भएको छ । भारतकाे ७५ औ  अजादी दिवस (अमृत महाेत्सव) रजतजयन्तीको अवसरमा आयोजित सभालाई सम्बाेधन गर्दै कृषि तथा पशुपन्छि बिकास मन्त्री महेन्द्र राय यादवले नेपाल र भारत बिच अटुट सम्बन्ध रहेकाे वताए ।

उनले भने “नेपाल र भारत सार्वभौम देश हो । दुई देशको पौराणिक, धार्मिक, पारिवारीक, अटुट र महत्वपूर्ण सम्बन्ध रहेको छ । एक आपसमा देखिएको समस्या दुई देशको साँझा समस्या बुझेर साँझा समाधान निकाल्न जनता विचका सम्बन्ध अझ बलियो बनाउँनु पर्छ ।”

प्रगती उन्नती गर्नको लागि दुई देशको सरकार विभिन्न समयमा विभिन्न समस्यालाई सम्वाद र वार्ताको माध्यमले समाधान गर्ने सरकारको निति नै रहेको उनले बताए । वर्तमान समयमा सिमामा देखिएको समस्या नेपाल र भारतको लागि साझा समस्या हो यसको समाधान दुई देशको सरकारले नै गर्छ बताउँदै केही दिन मै नेपालका प्रधानमन्त्रीद्वारा हुने भारत भ्रमणकाे क्रममा धेरै समस्या समाधान भएर जाने वताए ।

प्राकृति र भौगोलिक हिसाबले चुरे दहन हुँदा जुन प्रकारले भुक्षय आउँने सम्भावना रहेको छ, त्यसले गर्दा तराई मधेशको जनजिवनमा ठूलो असर पर्ने देखिएको छ, उनले भने, ‘चुरे संरक्षण नहुँदा तराईको अधिकांश जमिन उर्वभुमिमा परिणत बन्दै यसको तराई मधेशमा मात्र नभई सिमानाकामा समेत असर पर्ने भएकोले यसलाई समयमै नियन्त्रण गर्न आवश्यक रहेको छ ।

भारतीय सांसद एवं भारतीय जनता पार्टी बिहार प्रदेशका अध्यक्ष संजय जैसवालले नेपाल र भारतको सम्बन्धलाई जनस्तरबाट प्रगाढ बनाउँन भारत सरकारले विभिन्न विकासको योजना ल्याएको बताए ।

उनले भने, “नेपालका व्यापारीहरुको लागि व्यापारमा सहज बनाउँन रक्सौल देखि हल्दीया सम्म ४ लेनको हाईवे सडक निर्माणको प्रकृया अगाडी बढाईएको छ । त्यसैगरी रक्सौलबाट भारतको विभिन्न शहरको लागि रेल्वे कनेक्टीभिटी बढाउँन तिव्ररुपमा काम अगाडी बढाईएको छ । उड्नमन्त्री ज्योती आदित्य सिन्धीयाको सम्बन्ध नेपालसंग पारिवारी सम्बन्ध भएका कारण रक्सौलमा हवाई हड्डा निर्माणको कार्यलाई विशेष प्राथमिकतामा राखेर अगाडी बढाईएको छ ।”

रक्सौलमा विभिन्न रेल्वे क्रसिंममा ओभरबृज निर्माणको काम यही २०२२ मा सम्पन्न गर्ने योजना अनुसार कामतिव्र गतिमा अगाडी बढाईएको उनले बताए । नेपाल युवा उद्यमीलाई सक्दो सहयोग गराउँन प्रतिबद्धता समेत सांसद जैसवालले गरे ।

उनले, आईसीपीबाट यात्रुआवगमनको लागि भारत सरकारले पहल कदमी सकारत्मक रहेकोले नेपाल सरकारले चाहेको बेला यात्रुहरुको लागि पनि आवगमन गर्न सहज बनाउँन प्रतिबद्ध रहेको बताए । 

नेपाल भारत सहयोग मञ्चका राष्ट्रिय अध्यक्ष अशोक कुमार वैद्यले नेपाल भारत सहयोग मंचले विगत २५ वर्षमा निर्वाह गरेको भुमिका बारे सविस्तार व्याख्या गर्नु भएको थियो । उनले रक्सौल काठमाडौ रेल परियोजना अगाडी बढाइएकाेमा भारतिय सांसद जयसाललाई धन्यवाद समेत दिए ।

नेपाल भारत सहयोग मंच वीरगञ्ज र सरोकार मंच रक्सौलको संयुक्त आयोजनामा भएको कार्यक्रमममा स्वागत मन्तव्य राख्दै अध्यक्ष बैधले रक्सौल पाटना स्कप्रेस ट्रेन संचालन र रक्सौल एयरपोर्ट संचालनकाे माग गरेका थिए ।

यसका साथै उनले सिमरा एयरपोर्ट बिकास गर्नु पर्ने वताए । उनले वीरगंजकाे विकास भए मात्र रक्सौलको विकास हुन नसक्ने वताउँदै रक्सौल सौन्दर्यकरण र मोर्डन सहर बनाउनु वताए ।

सम्मेलनमा भाेजपुरी प्रसिद्ध गायक सुनिल पण्डीत, भारत नेपाल मैत्री संघ रक्सौलको अध्यक्ष मनिष कुमार दुवे, उधोगपति एवम्‌ मंचका पुर्व अध्यक्ष वावुलाल चाचान, हिरालाल केडिया, आत्माराम कावरा मुरली धर रुङटा उमेश चन्द्र ठाकुर, वरिष्ठ पत्रकार चन्द्रकिशोर झा  र ईश्वर चन्द्र गौतमलाई सम्मान गरिएको थियो । 

वीरगंजकाे आदर्शनगरस्थित हाेटल दियालाे लाेर्डसमा भएकाे कार्यक्रममा प्रतिनिधि सभा सदस्य लक्षमण लाल कर्ण, प्रदेश २ का खानेपानी तथा उर्जा मन्त्री ओमप्रकाश शर्मा, भारतीय महावाणिज्य दुतावास वीरगन्जका महावाणिज्य दुत नितेक कुमार, नेपाल भारत सहयाेग मंचका महासचिव अधिवक्ता बालमुकुन्द खरेल, मंचका सल्लाहकार उमेशचन्द्र ठाकुर, एनवाईएफका अध्यक्ष अनुप अग्रवाल, आईसिपी रक्सौलका प्रबन्धक ज्ञानेन्द्र कुमार लगायतले आ आफ्नाे धारणा राखेका थिए ।