Date
बिहि, मंसिर ३, २०८३
Thu, November 19, 2026
Home Blog Page 726

छात्राहरुकाे लागि विद्यालयलाई सेनेटरी प्याड हस्तान्तरण

0

वीरगंज । पर्साको पर्सागढी नगरपालिका वडा नं. ९ वडा कार्यालयले छात्राहरुको लागि २ सय थान सेनेटरी प्याड वितरण गरेको छ । नगरपालिकाको वडा नं. ९ स्थित रहेको श्री नेपाल राष्ट्रिय माध्यमिक विद्यालय बडेर्वाका प्रधानाध्यापक चेतमन प्रसाद दासलाई वडाध्यक्ष रामनारायण प्रसाद गौरोले एक कार्यक्रमबीच सेनेटरी प्याड हस्तान्तरण गरेका हुन् ।

बढ्दो चिसोको बेला छात्राहरुलाई महिनावारी आएपछि विद्यालय आउनमा समस्या हुने गरेकोलाई मध्यनजर गर्दै कक्षा ८ देखि १० सम्मका छात्राहरुको लागि उक्त सेनेटरी प्याड वितरण गरिएको वडाध्यक्ष गौरोले जानकारी दिए । उनले महिनावारीको कारण चिसोको समयमा विद्यालयमा छात्राहरुको उपस्थिति कम हुने गरेकोले त्यसलाई मध्यनजर गर्दै छात्राहरुको अध्ययनमा प्रभावित नहोस् भन्ने उद्देश्यले विद्यालयमा छात्राहरुको लागि सेनेटरी प्याड वितरण गरिएको बताए ।

ग्रामीण भेगका कतिपय छात्राहरुको गरिबी अवस्थाका कारण सेनेटरी प्याड किन्न नसक्ने भएकोले तिनीहरुले घरमा पनि लैजान पाउने उद्देश्यले वितरण गरिएको र पुनः चाहिएको अवस्थामा अझै उपलब्ध गराईने वडाध्यक्ष गाैराेले जानकारी गराए ।

रुपमालाकाे हत्यामा संलग्न आमा, छाेरा पक्राउ

0

वीरगंज । बालिकालाई जवर्जस्ती करणी गरी हत्या गरेकाे आराेपमा प्रहरीले दुई जनालाई पक्राउ गरेकाे छ । बाराकाे आदर्श कोतवाल गाउँपालिका वडा नं.७ कोतवाली टोलकी ९ बर्षिय रुपमाला कुमारी साहकाे हत्यामा संलग्न आमा र छाेरालाई प्रहरीले पक्राउ गरेकाे हाे । 

पक्राउ पर्नेमा आदर्शकोतवाल गाउँपालिकाकाे वडा नं.८ टोल कोतवालीका २० बर्षिय संतोष साह कानु र ४० बर्षिय उनकाे आमा शान्ति देवी रहेका छन् । 

पुस २५ गते दिउँसोको समयमा घरबाट बाख्रा लिई चराउन गएकी रुपमाला हराई बेपत्ता भएकी थिइन । निज रुपमाला पुस २७ गते दिउँसो १२:३० बजे आदर्शकोतवाल गाउँपालिकाकाे वडा नं.८ टोल कोतवालीस्थित जमुनी खोलामा मृत अवस्थामा फेला परेकी थिइन ।

मृतकको लास फेला परेको सूचना प्राप्त हुनसाथ तत्काल जिल्ला प्रहरी कार्यालय बाराका प्रहरी नायब उपरिक्षक राजेश थापा तथा अनुसन्धान अधिकृत समेतको टोली घटनास्थलमा खटी गई घटनास्थलको अवलोकन गर्दा निज नाबालिकाको घाटी कसी टाउँको समेतमा प्रहार गरी कर्तव्य गरी मारी फालेको देखिएको थियाे । त्यसपछि प्रहरीले कुकुर सहितको विशेषज्ञ प्रहरी टोली झिकाई घटनास्थलको सुक्ष्म अवलोकन गरेकाे थियाे ।

घटना पश्चात प्रारम्भिक अनुसन्धानको क्रममा मृतकसँगै बाख्रा चराई रहेका व्यक्तिहरूले मृतक खाने पानी लिन मृतक लाश फेला परेको स्थान नजिकै रहेको बिन्देश्वर साह कानुको कुखुरा फारम तर्फ गएको सो पश्चात फर्कि नआएको खुलेकाे छ ।

सो दिन उक्त कुखुरा फारममा पक्राउ परेका संतोष बाहेक अन्य व्यक्ति नरहेको भनी बुझिन आए पश्चात निजलाई नियन्त्रणमा लिई प्रविधिको सहयोगमा सोधपुछ गर्दा मृतक पानी लिन आएको बखत उनले घटना घटाएको भनी स्विकार गरेको प्रहरीले दाबी गरेकाे छ ।

उक्त अपराधमा पक्राउ परेका संताेषकी आमा  शान्तिले अपराध पुष्टी हुने दशीहरू लोप गर्ने प्रयास गरेको प्रहरीकाे भनाई छ ।

पक्राउ परेका संतोष र शान्तिलाई ज्यान सम्बन्धी कसूरमा बारा जिल्ला अदालतबाट पहिलो पटक ५ दिनको म्याद थप गरी  थप अनुसन्धान कार्य भइरहेको जिल्ला प्रहरी कार्यालय बाराका प्रहरी नायब उपरिक्षक राजेश थापाले जानकारी दिए ।

घटना अनुसन्धानको लागि तालुक २ नं. प्रदेश प्रहरी कार्यालयबाट समेत प्रहरी नायब उपरिक्षक ज्ञान कुमार महतोको कमाण्डमा खटिएको टोली र जिल्ला प्रहरी कार्यालय बाराका प्रहरी नायब उपरिक्षक थापा समेतको प्रहरी टोली संयुक्त रूपमा सुक्ष्म अनुसन्धान गरेकाे थियाे । 

सामुदायिक हरिखेतान क्याम्पसलाई निजी बनाएपछि बिराेध

0

वीरगंज । नेपाली काँग्रेस निकट नेपाल विद्यार्थी संघ पर्साले वीरगंजस्थित हरिखेतान बहुमुखी क्याम्पसमा देखिएको विकृति अन्त्य गर्न लगायतको सात बुन्दे माँग राख्दै क्याम्पस प्रशासनलाई ज्ञापन पत्र बुझाएको छ । आईतबार संघका जिल्ला अध्यक्ष मनोज कुमार साहको नेतृत्वमा विद्यार्थीहरु क्याम्पसमा ज्ञापन पत्र बुझाउन पुगेका थिए ।

संघले लिएर गएको ज्ञापन पत्र बुझन नमानेका क्याम्पस प्रमुख डा. भगवान यादवले ज्ञापन पत्र च्यात्न झम्टेका थिए । उनकै कार्यालय भित्र उनलाई ज्ञापन पत्र पढेर सुनायो, अध्यक्ष साहले भने, ‘ सभ्य तरिकारले ज्ञापन लिन नमानेपछि क्याम्पस प्रशासनकै रोहबरमा कार्यालयको गेटमा ज्ञापन पत्र टाँसि दिएका छौ, र यसको बोधार्थ जिल्ला प्रशासन कार्यालयमा समेत बुझाएका छौ ।’

क्याम्पसलाई बुझाएको ज्ञापन पत्रको पहिलो बुन्दामा नै हरि खेतान बहुमुखी क्याम्पस सामुदायिक क्याम्पस भएकोले सामुदायिकको विधि विधान अनुरूप संचालन हुनु गरी सरकारी क्याम्पस झै क्याम्पस प्रमुखको कार्यकाल तीन/चार बर्षमा परिर्वतन हुनुपर्ने उल्लेख गरिएको छ ।

त्यसैगरी सरकारी क्याम्पसको मान्यता अनुसार प्रत्येक संकायको प्रत्येक वर्षमा नियमानुसार विद्यार्थीको भर्ना संख्या अनुसार २० प्रतिशतलाई अनिवार्य निशुल्क छात्रवृत्ति तथा उत्कृष्ट विद्यार्थीलाई छात्रवृत्ति दिनुपर्ने, वीरगंज विश्व विद्यालय स्थापनाको नाममा संकलित रकमको आजसम्मको हरहिसाब र विश्व विद्यालयको कार्यप्रगति सार्वजनिक गर्नुपर्ने माँग गरेका छन ।

संघले क्यु.सि.सि क्वालिफाईड क्याम्पस भएकोमा टियुको युजिसि ग्रान्टको रकम कुन ठाउँमा र कसरी खर्च हुने गरेको छ त्यो पनि सार्वजनिक गर्नुपर्ने, कर्मचारी भर्नाको प्रक्रिया तथा भर्ना गरिएको कर्मचारीहरु बर्षाै बर्षाैदेखि कार्यरत हुँदा निजहरूको सन्चय कोषको रकम वा समाजिक सुरक्षा कोषको रकम कट्टा गरि सम्बन्धित कार्यालय किन जम्मा नगरि निजहरु प्राप्त गर्ने सुबिधाहरुबाट किन बन्चित गरेको त्यो पनि सार्वजनिक गर्नुपर्ने माँग गरेकाे छ ।

हरिखेतान सामुदायिक क्याम्पसको रुपमा दातावाट समुदायमा हस्तान्तरण भए पश्चात् क्याम्पस ब्यवस्थापन समिति कुन प्रक्रियावाट गठन गर्ने गरेको र करोडौंको लागतमा निर्माण भइरहेको छात्रावासमा सम्झौता अनुसारको सामग्रीहरुको प्रयोग नभएको देखिन्छ कारण के हो ? लगायत सात बुन्दे माँग राख्दै संघले ज्ञापन पत्र बुझाइएको हो ।

संघले जारी गरेको माँगहरु प्रति ३ दिनभित्र उचित जवाफसहित कार्यान्वयन नभए क्याम्पस प्रशासन विरुद्ध कडा भन्दा कडा आन्दोलन गर्न नेबि संघ बाध्य हुने जनाउँदै यसबाट उत्पन्न असज परिस्थितीको जिम्मेवारी क्याम्पस प्रशासनले नै लिने चेतावनी समेत दिएकाे छ ।

निःशुल्क आँखाको शल्यक्रियामा महानगर प्रमुखको सहयोग

0

वीरगंज । वीरगंज माहानगरपालिकाका नगर प्रमुख विजय कुमार सरावगीले वडा नम्बर २५ का आँखाका बिरामीहरुको निःशुल्क शल्यक्रिया गराईदिएका छन् ।

महानगरपालिकाको लोककल्याणकारी योजना अन्तर्गत वीरगंज माहानगर र माट्रिका आइ फाउन्डेसनको संयुक्त आयोजनामा आईतबार वडा नम्बर २५ का वृद्धवृद्धाहरुलाई माट्रिका आइ फाउन्डेसनको सहयोगमा राखिएको निशुल्क आँखा शिबिरमा पहिचान गरिएका मोतियाविन्दुका बिरामीहरुको निःशुल्क शल्यक्रिया शुरु गरिएको हो ।

यस अभियान अन्तर्गत माहानगर भरिका सम्पुर्ण ३२ वटै वडाका मोतियाबिन्दु झण्डै दुईहजार पाँचसय जना ब्यक्तिहरुको आँखाको निःशुल्क शल्यक्रिया गरिने महानगर प्रमुख विजय कुमार सरावगीले जानकारी दिए ।

उनले यसअघि पनि मेयर कल्याणकारी कोषबाट झण्डै एकहजार जनाको निःशुल्क आँखाको उपचार गराईदिएका थिए ।

पालिका स्तरिय क्रिकेट टुर्नामेन्टकाे उपाधि कालिकामाईलाई

0

वीरगंज । पर्साकाे कालिकामाई गाउँपालिकाका वडा नं. १  मुडलीमा जारी गाउँपालिका स्तरिय टि२० क्रिकेट टुर्नामेन्टकाे शनिबार भएकाे फाइनल खेलमा कालिकामाई क्रिकेट टिम विजयी भएकाे छ । धाेबिनी गाउँपालिका क्रिकेट टिमलाई १२८ रनले हराउँदै कालिकामाई विजयी भएकाे हाे ।

सुरुमा ब्याटीङ गरेकाे कालिकामाईले पुरै २० ओभर खेल्दै ७ विकेटकाे क्षतिमा २३२ रन बनाएकाे थियाे । त्यसपछि २३३ रनकाे लक्ष्य लिएर जवाफी व्याटीङमा उत्रेकाे धाेबिनीले १४.४ ओभर मै पुरै विकेट गुमाएर १०४ रन मै समेटिएपछि कालिकामाई विजयी घाेषित भएकाे थियाे ।

खेलकाे म्यान अफ द म्याच २३ बलमा ७४ रन बनाएका र दुई विकेट लिएका कालिकामाईका निमेश पटेल घाेषित भएका थिए ।

वडा कार्यालयकाे आयाेजनामा भएकाे टुर्नामेन्टकाे विजेता र उप विजेतालाई नेपाली कांग्रेस कालिकामाईका नेता अजय कुमार पटेलले ट्रफी र पुरस्कार राशीकाे चेक हस्तान्तरण गरेका थिए । 

साे अवसरमा वडाध्यक्ष रामशिष यादव, नेपाली कांग्रेसका वडा सभापति निजामुदिन मियाँ, नेता संजय प्रसाद साह, रामविश्वास प्रसाद चाैहान, रजाक मियाँ, जितेन्द्र प्रसाद कुर्मी, लालबाबु प्रसाद चाैरसिया, याेगेन्द्र प्रसाद चाैरसिया, सुरेन्द्र प्रसाद कुशवाहा, इलाका प्रहरी कार्यालय कालिकामाईका प्रहरी सहायक निरिक्षक देवेन्द्र गिरी लगायतकाे उपस्थिती रहेकाे थियाे ।

नेशनल इन्फोटेक इन्टर कलेज टुर्नामेन्टको उपाधि सत्यमलाई

0

वीरगंज । नेशनल इन्फोटेक इन्टर कलेज टुर्नामेन्ट २०७८ को उपाधि सत्यम कलेजले हात पारेको छ । शनिबार भएको रोमान्चकारी फाइनल खेलमा सत्यम कलेजले आयोजक कलेज नेशनल इन्फोटेकलाई ७ विकेटले पराजित गर्दै उपाधि माथि कब्जा जमाएको हो ।

सत्यमले टस जितेर पहिले इन्फोटेकलाई ब्याटिङको निम्तो दिएको थियो । इन्फोटेकका ब्याट्सम्यानले २० ओभरमा ६ विकेट गुमाएर १ सय २६ रन बनाउन सफल भएका थिए । नेशनल इन्फोटेकका परवेश कुशवाहाले ६० बलमा सानदार ६९ रनको पारि खेलेका थिए । सरफराज अलि मन्सुरीले २५ रन र अमिर अन्सारीले १० रन बनाए ।

सत्यमका सलमान आलमले २ विकेट र निरज पटेल/अभय यादवले एक/एक विकेट लिएका थिए । फाइनल खेलमा १ सय २७ रनको लक्ष्य सत्यमका ब्याट्सम्यानले ४ बल बाकी हुँदै हासिल गरेका थिए । सत्यमका सलमान आलमले २२ रन, अरविन्द यादवले ३२ रन, सुमित कुँवरले २३ रन र हासिम हवारीले २६ रन बनाएका थिए ।

सुरुवाती विकेट गुमाएपछि सत्यमका खेलाडीले सुझबुझका साथ ब्याटिङ गर्दै ३ विकेटको क्षतिमा विजयी हासिल गरेका थिए । इन्फोटेकका अबु बकरले ३ विकेट लिएका थिए । अलराउन्ड प्रदर्शन गरेका सत्यमका सलमान आलम म्यान अफ दि म्याच घोषित भएका थिए ।

नेशनल इन्फोटेकका सोनु कुशवाहा बेस्ट बलर, सत्यम कलेजका सलमान अलि बेस्ट ब्याट्सम्यान, इन्फोटेकका राहुल चौरसिया बेस्ट विकेट किपर घोषित भएका थिए । ग्लोबल कलेजका इमरान शेख म्यान अफ दिन सिरिज घोषित भएका थिए ।

विजयी टीमलाई क्रिकेटका पूर्व खेलाडी पवन अग्रवाल, नेपाल क्रिकेट संघ पर्साका अध्यक्ष दाउद अन्सारी लगायतले शिल्ड वितरण गरेका थिए । नेशनल इन्फोटेक कलेजका प्रबन्ध निर्देशक मनिष सिंहले खेलतर्फ रुची राख्ने विद्यार्थीहरुका लागि प्रतियोगिताको आयोजना गरेको जनाए ।

अगामी वर्षमा अझ भव्यताका साथ अन्य कलेजहरुलाई समेत समावेश गरि प्रतियोगिता आयोजन गर्ने उनले दाबी गरे । नेशनल इन्फोटेक कलेजले आयोजन गरेको प्रतियोगितामा वीरगन्जका १० कलेजले प्रतिस्पर्धा गरेका थिए ।

वीरगंजमा मकर संक्रान्ती उत्सवको रुपमा मनाइयाे

0

वीरगंज । हिन्दु स्वंयसेवक संघ नेपाल, पर्सा शाखाले मकर संक्रान्ती पर्व उत्सवको रुपमा मनाएको छ । वीरगन्ज १६ बाईपासस्थित गणेशटोलमा रहेको माँ बैष्णो देवीको मन्दिरकाे पुर्वपट्टी रहेकाे संघ कार्यालय केशवधाममा मकर संक्रान्ती पर्व धुमधामका साथ मनाएको हो ।

संघको ६ उत्वस मध्ये मकर संक्रान्ती पनि एक उत्सव रहेकोले मकर संक्रान्ती पर्व धुमधामका साथ मनाउँने गरिएकाे हिन्दु स्वयम् सेवक संघले जनाएकाे छ । संघ कार्यालयमा भेला भएका हिन्दु स्वंयसेवक संघका कार्यकर्ताहरु मकर संक्रान्ती धुमधामका साथ मनाएका हुन् ।

उत्सवमा सहभागि हिन्दु स्वंमसेवक संघका धर्म जागरण मंचका मणिकान्त त्रिपाठीले मकर संक्रान्ती पर्वको बारेमा विस्तृण वर्णन गरेका थिए । उनले, सम्पूर्ण पर्व मध्ये मकर संक्रान्ती पनि त्योहार पनि महापर्वको रुपमा रहेको स्मरण् गराउँदै यसमा सम्पूर्णलाई सम्मान भावले सहयोग गर्नुपर्ने बताए ।

संघका पर्सा जिल्ला संघ चालक ललन द्धिवेदीको अध्यक्षतामा भएको कार्यक्रममा छिमेकी राष्ट्र भारत रक्सौलका राष्ट्रिय स्वंयसेवक संघका जिल्ला प्रचारक मृत्युन्जय जी, हिन्दु स्वंयसेवक संघका सम्भाक प्रचारक लक्ष्मण यादव लगायत हिन्दु स्वंयसेवकहरुको सहभागिता हरेको थियो ।

कार्यक्रम पश्चात प्रसादको रुपमा संघ कार्यालयका स्वंयसेवकहरुले बनाएको खिचडी समेत वितरण गरिएको थियो ।

सशस्त्र प्रहरी उपरीक्षक खड्काकाे बिदाई

0

वीरगंज । क्रियाशील युवा पत्रकार मञ्च पर्साले शनिबार सशस्त्र प्रहरी उपरीक्षक राजेन्द्र खडकालाई एक समारोहकाबीच बिदाई गरेको छ । सशस्त्र प्रहरी बल नेपाल १३ नं. गर्ण हेडक्वाटर पर्सा वीरगंजबाट ए.पी. एफ कमाण्ड तथा स्टाफ कलेज काठमाडौँमा सरुवा हुनुभएका एसपी खड्कालाई फूलमालासहित प्रशंसा पत्रले सम्मान गर्दै बिदाई गरिएको हो ।

होटल मकालुमा सम्पन्न भएको कार्यक्रमका प्रमुख अतिथीसमेत रहेका एसपी खड्काले सम्मान गरेको संस्थाप्रति धन्यवाद प्रकट गरेका थिए । उनले पर्सा जिल्लाको बसाईमा यहाँको आम जनता, व्यापारी, विभिन्न संघ, संस्था , समाजसेवी, सञ्चारकर्मी लगायतहरुबाट निकै सहयोग पाएको बताए ।

एसपी खड्काले यहाको बसाई आफ्नो लागि अविस्मरणीय रहने र कामको सिलसिलामा ज्ञात, अज्ञातमा कसैको चित दुःखेकोमा यसै कार्यक्रम मार्फत छमा, याचना गरिदिन आग्रह गरेका थिए । उनले आफू यस ठाउबाट निकै अनुभव प्राप्त गरेको बताए ।

उनले यहाका जनताहरू साच्चिकै इमान्दार र सहयोगी रहेको वताउँदै प्रशंसा गरेका थिए । यसका साथै एसपी खड्काले आफू जहा रहे पनि यस क्षेत्रको विकासको लागि आवश्यकता अनुसार आफ्नो सहयोग निरन्तर रहने प्रतिबद्धता व्यक्त गरेका थिए ।

कार्यक्रमका विशिष्ट अतिथि वीरगंज उद्योग वाणिज्य संघका अध्यक्ष तथा संस्थाका सल्लाहकार सुबोध कुमार गुप्ताले शुभकामना व्यक्त गर्दै एसपी खड्काको १८ महीने कार्यकाल निकै नै प्रशंसा योग्य रहेको र वहाले ९ वटा सशस्त्र प्रहरी क्याम्पलाई बढाएर आज १८ वटा क्याम्प बनाउन सफल हुनु भएकोमा आगामी दिनमा डि. आई.जी बनेर देशको सेवा गरून् भन्ने शुभकामना दिएका थिए ।

उनले देशका प्रशासनिक निकायका व्यक्तित्वहरुलाई हरेक संघ, संस्थाहरूले मान सम्मान गर्नुपर्ने आफ्नो धारणा राखेका थिए ।

यसैगरी अर्का विशिष्ट अतिथि बिपीसी क्याम्पस प्रमुख तथा संस्थाका सलाहकार दीपक शाक्याले एसपी राजेन्द्र खड्काको आगामी कार्यकाल सफल होस भन्ने शुभकामना दिएका थिए । उनले छोटो समयमा यस्तो राम्रो कार्यक्रम आयोजना गरेको संस्थाका सम्पूर्ण पधादीकारीलाई धन्यवाद दिएका थिए ।

मंचका अध्यक्ष प्रणय कुमारको अध्यक्षतामा भएकाे कार्यक्रमको सञ्चालन संस्थाका सचिव बीरेन्द्र साहले गरेका थिए । कार्यक्रममा स्वागत मन्तव्य संस्थाका उपाध्यक्ष आनन्द पटेलले राखेका थिए । कार्यक्रममा संस्थाका सलाहकार शिवशंकर साह, कोषाध्यक्ष उपेन्द्र बरै, सदस्य गयासु मिया देवान लगायतको उपस्थिति रहेको थियो ।

पटेर्वा सुगाैलीमा एक सय जनाद्वारा रक्तदान

0
वीरगंज । माघे संक्रान्तिको अवसरमा पर्साकाे पटेर्वासुगौली गाउँपालिका वडा नं. ४ मा शनिबार रक्तदान कार्यक्रम सम्पन्न भएकाे छ । नव जागृत युवा क्लबकाे आयाेजनामा भएकाे कार्यक्रममा १ महिलासहित एक सय जनाले रक्तदान गरेकाे रेडक्रस पर्साका राजन श्रीवास्तवले जानकारी दिए ।
  
क्लबका अध्यक्ष सिबेन्द्र कुमार चौधरीको अध्यक्षतामा भएको कार्यक्रममा कबिता देबि, शिबेन्द्र कुमार चौधरी, राम सुन्दर पन्जियार थारु,  निरन्जन चौधरी, सशिकान्त प्रसाद, सिकेन्द्र दास, महेस्वर राम थारु, हरिदेव पसाद दास, अनिल कुमार दास, देवराज चौधरी लगायतकाले रक्तदान गरेको श्रीवास्तवले जानकारी गराए ।
पटेर्वा सुगाैली गाउँपालिकाका अध्यक्ष हरिनारायण चौधरीले उद्घाटन गरेकाे रक्तदान कार्यक्रममा पटेर्वा सुगाैली गाउँपालिकाकी उपाध्यक्ष ममता महतो लगायतकाकाे सहभागिता रहेकाे थियाे ।
 
रक्त संचार केन्द्रकाे प्राविधिक सहयाेगमा भएकाे कार्यक्रममा रक्तदान गर्नेहरुलाई टिसर्ट र प्रमाण पत्रले सम्मानित गरिएको थियो भने रेडक्रस पर्साका सहायक राजन श्रीवास्तवको कमान्डमा प्राबिधिक टोलिले सहयोग गरेका थिए ।