पटेर्वा सुगाैलीमा एक सय जनाद्वारा रक्तदान
सुबिसुको वार्षिकाेत्सवमा ३२ जनाद्वारा रक्तदान
वीरगंज । सुबिसु इन्टरनेटको आयोजना र भोलेन्टियर समूह वीरगंजकाे सहकार्यमा शुक्रबार वीरगंजमा रक्तदान कार्यक्रम सम्पन्न भएकाे छ । सुबिसु इन्टरनेटको वार्षिकाेत्सवका अवसरमा भएकाे कार्यक्रममा ३२ जनाले रक्तदान गरेकाे भाेलन्टियर समुहका संयाेजक राजन श्रीवास्तवले जानकारी दिए ।
वीरगंजकाे माइस्थानस्थित गहवामाई मन्दिर अगाडि रहेको पार्कमा भएकाे कार्यक्रममा सिखा कर्ण, स्नेहा दुबेदी, सुमित खनाल, आशिष् गुप्ता, बिनय कुमार, दिनेस चन्द्र गुप्ता, सतिस कुनार साह, कृष्ण कुमार सिह, दिपेन्द्र राम, गजेन्द्र महतो, सोनु सोनार, शनि कुमार, सन्दिप पटेल, मुन्निलाल साह तेलि, मिन्टु राउत, शेर साबुदिन हुसेन, महम्मद सहजाद हुसेन, उपेन्द्र प्रसाद साह, राहुल कानु लगायतकाले रक्तदान गरेकाे उनले वताए ।
झाैवामा निशुल्क स्वास्थ्य शिविर सम्पन्न
वीरगंज । पर्साकाे बिन्दवासिनी गाउँपालिकाकाे वडा नं. ४ झाैवागुठीमा शुक्रबार निशुल्क स्वास्थ्य शिविर सम्पन्न भएकाे छ । बिन्दवासिनी गाउँपालिकाकाे सहयाेग र प्रभु हस्पिटलकाे समन्वय तथा पर्सा डेभलपमेन्ट प्रा.लि. पर्साकाे आयाेजनामा शिविर सम्पन्न भएकाे हाे ।
श्री रा.रा.चौरसिया मा.वि. झौवामा भएकाे शिविरमा ४२७ जनाले स्वास्थ्य परिक्षण गराएकाे आयाेजक संस्थाका हृदेश यादवले जानकारी दिए । शिविरमा सहभागि बिरामीहरुलाई निशुल्क औषधीसमेत वितरण गरिएकाे उनले जानकारी गराए ।
शिविरमा सहभागिहरुकाे प्रभु हस्पिटल वीरगंजका महिला तथा निशन्तान एवम् स्त्री राेग विशेषज्ञ डा. लक्ष्मी थापा गुप्ता, लेप्राेस्काेपी र पथली राेग विशेषज्ञ एवम् बरिष्ठ सर्जन डा. मनाेज कुमार गुप्ता, बालराेग विशेषज्ञ डा. नविन झा र फिजिसियन डा. असरफले स्वास्थ्य परिक्षण गरेका थिए ।
शिविरमा गाउँ कार्यपालिका सदस्य रामचन्द्र प्रसाद चाैरसिया, गाउँपालिका स्वास्थ्य संयाेजक नरेश चाैहान, प्रभु हस्पिटलका कुन्दन गुप्ता, आयाेजक संस्थाका प्रकाश गुप्ता लगायतकाे सहभागिता रहेकाे थियाे ।
महिला बचतकाे भवन निर्माण गर्ने सांसद यादवले लिए जिम्मा
वीरगंज । पर्सा क्षेत्र नं.१ का संघीय सांसद प्रदीप यादवले महिलाहरुद्वारा संचालित ‘एकता महिला बचत तथ ऋण सहकारी संस्था लिमिटेडको भवन निर्माणको जिम्मा लिनु भएको छ । एकता महिला बचत तथा ऋण सहकारी संस्था लिमिटेडको १४ औं वार्षिक साधारण सभालाई सम्बोधन गर्दै सांसद यादवले संस्थाको भवन निर्माणको सबै खर्चको जिम्मा लिएका हुन् ।
सांसद यादवले,” तपाईहरु जग्गा रोज्नुहोस् ,भवन निर्माण कहाँबाट कसरी गर्ने त्यो मेरो जिम्मा हो” भन्नू भयो । सभालाई सम्बोधन गर्दै उनले, वीरगंज महानगरपालिकाले कसैलाई जग्गा र कसैको भवन निर्माण गर्दै आएको भए पनि महानगर भित्र कै महिलाहरुलाई वास्ता नगरेको आरोप समेत लगाए ।”
महानगरपालिका संग जग्गा उपलब्ध गराउनुहोस् ,भवन निर्माणको जिम्मा मेरो हो” सांसद यादवले थप भने । वीरगंजको लक्ष्मिनारायण पार्टी प्यालेसमा आयोजित वार्षिक साधारसभामा बोल्दै सांसद यादवले अब मधेशी महिला घुम्टो भित्र रहिरहने अवस्था नरहेको समेत उल्लेख गरे ।
उनले ,”घुम्टो प्रथाको अन्त्य भईसकेको छ र अब मधेशी महिलाले पनि आर्थिक उन्नतिमा आफ्नो पाईला चालेको देखेर खुशी लागेको वताए । “तपाईहरुको सहयोगमा निरन्तर साथ दिने बाचा गर्दछु” यादवले भने ।
महानगरको ९ वटा वडाको २७ वटा समुदायमा विस्तार भएको ‘एकता महिला बचत तथा ऋण सहकारी संस्था लिमिटेड’मा महिला, पुरुष र बालबालिका गरि चौबीस सय बढी सदस्य आवद्ध छन ।
भगवती बचतकाे १४ औं साधारण सभा सम्पन्न
वीरगंज । वीरगंज महानगरपालिकाकाे वडा नम्बर २४ मा रहेको भगवती बचत तथा ऋण सहकारी संस्थाको १४ औं साधारण सभा सम्पन्न भएको छ । संस्थाका उपाध्यक्ष छटुराउत अहिरको अध्यक्षतामा बिहीबार भएकाे साधारण सभाकाे उद्घाटन नेफकुनका संचालक हरेराम प्रसादले गरेका थिए ।
साधार सभाकाे उद्घाटन सत्रमा संंस्थाले यसै बर्षबाट स्थापना गरेको संस्थाकी संरक्षण अभिभावक एवम् संचालिका स्वर्गीय ब्यक्तित्वहरु बास्मतियादेवी अहिरिन, कलिता देवी यादवको स्मृतिमा स्थापित पत्रकारिता पुरस्कारबाट नारायणी एफएम तथा बिबिसी नेपाली सेवामा कार्यरत पत्रकार माधुरी महतोलाई सम्मान गरिएकाे संस्थाका कार्यकारी निर्देशक रामनिवास देहातीले जानकारी दिए । महतोलाई प्रशंसा पत्रसहित पत्रकारिता क्षेत्रमा गरेको योगदानको प्रशंसा गर्दै सम्मान गरिएको उनले वताए ।
कार्यक्रममा शिवम् साकोसका राजेन्द्र जैसवाल, बचत संघ पर्साका संचालक कुन्दन पाल, राष्ट्रिय सहकारी बैंक वीरगंजका प्रवन्धक संजय महतो, युवा स्वराज कोषका सुनिल रौनियार, मोहन अर्याल, कष्मिक बुढा, गगन सहकारीको राजेश राय, जिल्ला बचत संघका बरिष्ठ उपाध्यक्ष अस्गर अली, दिब्य बचतका धर्मनाथ कुशवाहा, बिन्दवासिनीका मनु पटेल डाँफे साकोसका कामेश्वर तिवारी, फूल साकोसका संदीप पटेल, ताज साकोसका ताज मंसुरी, महिमा साकोसका हृदयनाराण साह लगायतले शुुभकामना मन्तब्य राखेका थिए ।
इ रिक्सा चालक मुख्तार हत्यामा संलग्न ५ जना पक्राउ
वीरगंज । ई रिक्सा चालक भारतीय नागरिक मुख्तार मियाँकाे हत्यामा संलग्न ५ जनालाई प्रहरीले पक्राउ गरेकाे छ ।
भारत बिहार राज्य पूर्वी चम्पारण मोतिहारी ६ घर भई हाल वीरगंज ३ छपकैया बस्ने ई रिक्सा चालक बर्ष ३० को सुनिल कुमार महतो, भारत बिहार जिल्ला मुंगेर थाना हवेली खडकपुर ग्राम बैजरपुर ३ घर भई हाल वीरगंज ३ छपकैया बस्ने ५५ बर्षिय सपन मण्डल, बाराको परवानीपुर गाउँपालिका वडा नम्बर ५ बस्ने कार्टुन फ्याक्ट्रीमा काम गर्ने बर्ष २२ को निकेश पटेल, भारत बिहार घर भई वीरगंज २ छप्कैया बस्ने होटल व्यावसाय गर्ने वर्ष ३५ को बक्सर भन्ने नाजिर हुसैन र वीरगंज ३ छप्कैया बस्ने होटल व्यावसाय गर्ने छोरा वर्ष ५० को बाबर हुसैनलाई प्रहरीले पक्राउ गरेकाे हाे ।
पुस २२ गते वीरगंज महानगरपालिका वडा नम्बर २३ ईटियाही, नारायणी बयोधा अस्पतालको पछाडि रहेको नहरमा ४५ बर्षिय ई रिक्सा चालक भारतीय नागरिक मियाँकाे हत्या गरीएको अवस्थामा शव प्रहरीले फेला पारेको थियो । पुस २१ गते साँझ ६ बजे मियाँ ई रिक्सासहित हराएको भनि उनकी श्रीमतीले खोजतलासको लागि पुस २२ गते दिउँसो तीन बजे लिखित रुपमा जिल्ला प्रहरी कार्यालयमा निवेदन दर्ता गराएकी थिइन ।
उनको निवेदनको आधारमा खोजताल गर्दै जाँदा पुस २२ गते दिउँसो साँझ ५ बजे अर्थात २ घण्टामै जिल्ला प्रहरी कार्यालयको अपराध नियन्त्रण टोलीले मुख्यारलाई मृत अवस्थामा नारायणी बयोधा अस्पताल पछाडि रहेको नहरमा भेटिएको पर्साका प्रहरी उपरिक्षक रमेश कुमार बस्नेतले बताए । प्रहरीले अनुसन्धान गर्दै जाँदा मृतकसँगको झगडापश्चातको रिसवी र आर्थिक प्रलोभनमा मुख्तारको हत्या गरिएको अनुसन्धानबाट प्रहरीले खुलाएको छ ।
मुख्तार भारत बिहार, जिल्ला बैशाली, ग्राम पञ्चायत महुवा निवासी हुन् । २०६३ सालमा जन्मको आधारमा पर्सा जिल्लाबाट नेपाली नागरिकता लिएका छन । हाल दुवै देशको नागरिक रहेका प्रहरीले अनुसन्धान गर्ने क्रममा फेला पारेको छ । मृत्यु पश्चात उनको परिवारले शव दाहंसंस्कारको लागि भारत नै लगिएको प्रहरी उपरिक्षक बस्नेतले जानकरी गराएका छन ।
जिल्ला प्रहरी कार्यालय प्राङ्गणमा बिहिबार प्रहरी उपरिक्षक बस्नेतले पत्रकार सम्मेलन नै गरेर मुख्तार हत्याकाण्डमा संलग्न व्यक्तिहरुलाई सार्वजनिक गर्दै आफसी झगडाको रिसिभी साध्न र आर्थिक प्रलोभनमा हत्या जस्ता अपराधि घटना घटाईएको बताए ।
घटना पश्चात ई रिक्सा व्यवस्थापन गर्न दुई जना मतियारकाे प्रयाेग भएकाे उनले खुलाए । पक्राउ परेका मध्येका नाजिर हुसैन र बाबर हुसैनलाई घटनाका मतियार रहेकाे उनले वताए ।
घटना घटेको केही दिन अगाडि मियाँसँग एउटै घरमा भाडामा बस्ने सपन मण्डलसँग झगडा परेको थियो । बिहारको मुंगेर थाना बैजरपुर निवासी हाल छपकैया बस्ने सपन वीरगंज फल्स सिलिङको काम गर्छन् । ‘सपनले सुनिल कुमारसँग मिलेर मुख्तारको हत्या योजना बनाएका थिए, प्रहरी उपरिक्षक बस्नेतले भने, ‘त्यसका लागि ई–रिक्सा खरिद गर्नका लागि ५० हजार रुपैयाँ दिने भनि सुपारी दिएका थिए ।’
बिहार मोतिहारी निवासी सुनिल हाल वीरगन्जको छपकैयामा बस्दै आएका छन् । दोस्रो लकडाउन अगाडिसम्म उनी मुख्तार बस्ने घरमै भाडा लिएर बस्थे । तर, दुवैको श्रीमतीको बीचमा झगडा भएपछि अहिले छेउकै घरमा भाडामा बस्ने गरेको प्रहरी अनुसन्धानमा देखिएको छ । एसपी बस्नेतका अनुसार सुनिलले योजना बनाई एकजना भारतीय साथी र पहिले आफूसँगै कार्टुन फ्याक्ट्रिमा मिस्त्री काम गर्दा परिचय भएको निकेशलाई बोलाएका थिए ।
सीसीटीभी फुटेजको आधारमा प्रहरीले सुनिलाई नियन्त्रणमा लिई अनुसन्धान थालेपछि थप अभियुक्त पक्राउ परेका थिए । ‘पुस २१ को करिब पौने ५ बजेको समयमा सुनिलको भारतीय साथी र निकेशले मुख्तारलाई घटनास्थल लिएर पुगेका थिए,’ एसपी बस्नेतले भने, ‘नारायणी अस्पताल अगाडि श्रीमतीको ठेला पसल छेउमा ई–रिक्सा रोकी बसेका मुख्तारलाई दुबैलै बयोधा अस्पतालबाट डेलिभरि केस नारायणी अस्पताल ल्याउनु छ, ५ सय रुपैयाँ भाडा दिन्छौं भनी लगेका थिए ।
पहिलेदेखि घटनास्थलमा रहेका सुनिलले निकेश र भारतीय साथीसँग मिली फलामको रेन्चले मुख्तारको टाउकोमाथि अन्धाधुन्ध प्रहार गरेका थिए । मृत्यु भएपछि नहरमा उत्तानो फालेर पल्टाइदिएका थिए । घटनास्थलबाट केही पर पुगेर उनीहरुले रेन्च र रगत लागेको सर्ट फालेका थिए । सुनिलले बाबर र बक्सरलाई फोन गरी मुख्तारको ई–रिक्सा व्यवस्थापन गर्न लगाएको पाइएको छ । गत पुस २५ मा मृतकको ई–रिस्का बाराको फेटा गाउँपालिका–४ स्थित पिलाहा सडकमा बरामद भएको थियो । प्रहरीले अभियुक्त सुनिलको अटो समेत बरामद गरेको छ । घटनामा प्रयोग भएको फलामको रेन्च, अभियुक्तहरुको मास्क, रगत लागेको सर्ट, रगत लागेको ज्याकेट, रगत लागेको स्पोर्टस जुत्ता बरामद भएको छ ।
पुरस्कार वितरण समाराेह चार पत्रकार संगठनले बहिस्कार गर्ने
वीरगंज । स्व. गाेपाल गिरी क्रियाशिल पत्रकारिता पुरस्कार वितरण समाराेह चार पत्रकार संगठनले बहिस्कार गर्ने भएका छन् ।
प्रेस युनियन पर्सा, प्रेस सेन्टर पर्सा, समाजवादी प्रेस संगठन पर्सा र राष्ट्रिय दलित पत्रकार संघ पर्साले बिहिबार संयुक्त रुपमा प्रेस विज्ञप्ती जारी गर्दै माघ १ गते शनिबार हुने पुरस्कार वितरण समाराेह बहिस्कार गर्ने जनाएका छन् ।
नेपाल पत्रकार महासंघ पर्सा शाखाले वितरण गर्ने पुरस्कारकाे लागि छनाैट भएका व्यक्तिहरु प्रक्रिया नै नपु¥याई महासंघ पर्सा शाखाले बल–मिच्याई गरेको र पुरस्कृत हुने व्यक्तिहरुको हकमा पूर्णतः प्रेस चौतारीकरण गरिएले पुरस्कार वितरण समाराेह बहिस्कार गर्ने निर्णय गरिएकाे प्रेस युनियन पर्साका अध्यक्ष रामनारायण कुर्मीले वताए ।
महासंघलाई सचिन्न, आवश्यक प्रक्रिया पूरा गर्न सञ्चार सम्वद्ध चार संगठनले मंसिर २० गते सयुक्त रुपमा प्रेस विज्ञप्ती जारी गर्दै आग्रह गरे पनि कुनै वास्ता नगरिएकाले पुरस्कार वितरण समाराेह बहिस्कार गर्न निर्णय गरिएकाे प्रेस सेन्टर पर्साका अध्यक्ष दिपक गाैतमले वताए ।
विज्ञप्ती मार्फत आफुहरुले महासंघलाई निर्णय सच्याउन आग्रह गर्दा पनि महासंघ पर्सा शाखाले कुनै किसिमकाे वास्ता नै नगरेकाेले कार्यक्रम बहिस्कार गरी पुरस्कार वितरणकाे समाचार नलेख्न निर्णय गरिएकाे समाजवादी प्रेस संगठन पर्साका अध्यक्ष मनाेज पटेलले वताए ।
विज्ञप्ती मार्फत चार संगठनले पुरस्कार वितरण समारोह वहिस्कार गर्ने सामुहिक निर्णय गरेको जनाउँदै सोही अनुसार आफ्ना संगठन सम्वद्ध पत्रकारहरुलाई सो पुरस्कार वितरण समारोहमा सहभागी नभई सांकेतिक विरोध जनाईदिनु हुन अनुराेध गरेका छन् ।













