Date
बिहि, मंसिर ३, २०८३
Thu, November 19, 2026
Home Blog Page 713

पत्रकार साहलाई मातृ शोक

0

वीरगंज । राष्ट्रिय सहारा दैनिकका प्रकाशक संजय साह एवम् हिन्दु स्वयंसेवक संघ जनकपुरका संवाहक रंजित साहलाई मातृ शोक परेको छ ।

८७ वर्षिय आमा पार्वती देवी साहको सोमबार राती ९ः०० बजे निधन भएको हो । बिगत तीन साता देखि स्वास्थ्यमा समस्या देखिएपछि वीरगंजस्थित नारायणी अस्पताल भर्ना भएकी आमाको अस्पताल मओ निधन भएको परिवारिक स्रोतले जनाएको छ ।

मंगलबार बिहान उनको अन्तिम दाहसंस्कारको लागि निजि निवास वीरगंज बाईपासस्थित वैष्णव मन्दिर अगाडिबाट शवयात्रा निकालिने परिवारजनले जनाएका छन् ।

आमाकाे गर्भ सुरक्षित हुँदा एउटा युग सुरक्षित हुन्छ : अध्यक्ष जयसवाल

0

वीरगंज । पर्साकाे सखुवा प्रसाैनी गाउँपालिकाले गर्भवती महिलाहरुलाई पाेषिलाे आहार वितरण गरेकाे छ । गाउँपालिकाकाे वडा नं. १ र २ का गर्भवती महिलाहरुलाई आइतबार गाउँपालिकाले पाेषिलाे आहार वितरण गरेकाे हाे ।

वडा नं. १ स्थित मधुवन मथाैल स्वास्थ्य चाैकीमा भएकाे कार्यक्रममा गर्भवती महिलाहरुलाई गाउँपालिका अध्यक्ष प्रदिप जयसवालले पाेषिलाे आहार वितरण गरेका थिए ।

गर्भवतीमहिलाहरुलाई पाेषिलाे आहार वितरण गर्दै गाउँपालिका अध्यक्ष प्रदिप जयसवालले आमाकाे गर्भ सुरक्षित हुँदा एउटा युग सुरक्षित हुने वताए । उनले गर्भवतीकाे समयमा महिलाहरुले विशेष ध्यान दिनु पर्ने सुझाए ।

कार्यक्रमका प्रमुख अतिथी समेत रहेका अध्यक्ष जयसवालले गर्भा अवस्थामा महिलाहरुलाई अति आवश्यक पर्ने पाेषिलाे आहार वितरण गरिएकाे वताए । उनले गर्भावती महिलाहरुकाे लागि निशुल्क रुपमा भिडियाे एक्स्रे लगायतकाे सुविधा समेत गाउँपालिकाबाट निशुल्क रुपमा उपलब्ध गराइएकाे वताए ।

गाउँपालिकाले आइतबार एक कार्यक्रमकाे बिच वडा नं. १ का एक सय र वडा नं. २ का एक सय १० जना गर्भवती महिलाहरुलाई पाेषिलाे आहार वितरण गरेकाे सुचना अधिकारी भोजेन्द्र कुमार चाैधरीले जानकारी दिए ।

श्रीनिवास बचाउ अभियान अन्तर्गत ८ लाख सहयाेग प्राप्त

0

कलैया । मृगाैला राेगी शिक्षक श्रीनिवास प्रसाद साहलाई आर्थिक सहयाेग प्राप्त भएकाे छ । बाराकाे महागढीमाई नगरपालिका वडा नं.  १ का निवासी मृगौला राेगी ३५ बर्षिय श्रीनिवासलाई रु ८ लाख ३७ हजार ६ सय ७० सहयाेग प्राप्त भएकाे हाे ।

महागढीमाई फाउन्डेसन नेपाल र लायन्स कल्ब अफ महागढीमाईले संयुक्त रुपमा संचालन गरेकाे श्रीनिवास बचाउ अभियान अन्तर्गत संकलित रकमकाे चेक पिडित साहलाई हस्तान्तरण गरिएकाे छ । एक महिनादेखि संचालित अभियानमा विभिन्न संघ/संस्था तथा व्यक्तिगतहरुले सहयाेग गरेकाे रु ८ लाख ३७ हजार, ६ सय ७० रुपैयाको चेक शनिबार हस्तान्तरण गरिएकाे फाउन्डेसनका सुबास यादवले जानकारी दिए ।

द राइजिङ स्टार काेचिङ सेन्टरका संचालक समेत रहेका शिक्षक श्रीनिवासकाे बिगत ६ महिनादेखि दुवै मृगौलाले काम गर्न छोडेको र उपचारमा समेत आर्थिक अवस्था नाजुक रहेकोले सकस भएको कारण सहयोग गरिएको यादवले वताए । ्श्री

निवासकाे उपचारको क्रममा उनकाे भएजतिकाे सम्पत्ति समेत बिक्री गरिएको आवस्थामा पनि सम्भव नभएपछि परिवारजनले आर्थिक सहयोगको अपिल गरेकोले स्थानिय संस्थाहरुले सहयाेगकाे लागि अभियान चलाएकाे थियाे ।

श्री गढीमाई महेन्द्र प्रावि महागढीमाई नपा २ काे प्राङ्गणमा भएकाे चेक हस्तान्तरण कार्यक्रममा सहयाेग रकमकाे चेक बुझ्दै पिडित साहले सम्पुर्ण दाताहरु प्रति आभार व्यक्त गरे । साहको जीवन वचाउन सहयोग प्रदान गरेका सम्पूर्ण दाताहरुलाई अभियान्ता शिवमंगल यादवले समेत धन्यावाद दिए ।

फाउन्डेसनका आजिवन सदस्य शिवमंगल यादवको अध्यक्षतामा भएकाे चेक हस्तांतरण कार्यक्रममा फाउन्डेसनका सदस्य एवम् प्रहरी सहायक निरिक्षक सुभाष यादव, जयराम कुशवाहा, बेद प्रकाश कुशवाहा, लायन्स क्लब अफ महागढीमाईका सचिव विकी महताे, फाउन्डेसनका संरक्षक राकेश कुशवाहा, फाउन्डेसन र लायन्स क्लका सदस्य अमिचन महतो, अबताब आलम, अमित कुशवाहा, ओम नारायण चौरसिया, मिथिलेश स्वर्णकार लगायतको उपसतिथि रहेको थियो भने कार्यक्रमको सञ्चालन जियालाल कुशवाहाले गरेका थिए ।

यता यस्ता समाजिक कार्यमा आवद्ध भई समाजिक कार्य गर्न चाहनेहरुकाे लागि फाउन्डेसनले सदस्यता खाेलिएकाे जनाएकाे छ । 

‘बी नेच्युरल’आईसक्रिमको आउटेलेट आदर्शनगरमा खुल्याे

0

बीरगंज । आईसक्रिम पारखीहरुको लागि वीरगंजकाे आदर्शनगरस्थित रुङ्ग्टा मार्केटमा आउटलेट खुलेको छ । बीरगंजको गढीमाई डेरीको उत्पादन बी नेचुरल ब्राण्डको आईस क्रिमको आउटलेट खुलेको हो ।

आउटलेटको शनिबार नेपाल उद्योग वाणिज्य महासंघ मधेस प्रदेशका अध्यक्ष उद्योगी गणेश लाठले उद्घाटन गरेका थिए । गढीमाई डेरी उद्योगबाट उत्पादित  उत्कृष्ट आईस क्रिम नेपालका तारे होटलमा बिक्री बितरण गरीदै आएकोमा सर्वसाधारण ग्राहकहरुको लागि पनि वीरगंजकाे आदर्शनगरमा खोलेको डेरी उद्योगका प्रमुख रबिन्द्र सिहंले जानकारी दिए ।

शनिबार उदघाटन गरिएको आईस क्रिमको शोरूममा विक्री वितरणका लागि भोलीबाट संचालनमा ल्याईने डेरी उद्योगका अभिषेक कुशवाहाले बताए । उत्कृष्ट आईस क्रिमको शोरूम बिहान ११ बजेदेखि राती ९ः३० बजेसम्म संचालन हुने कुशवाहाले जानकारी दिए ।

आइतबारबाट संचालनमा ल्याईने उत्कृष्ट आईस क्रिम रुममा ५० रुपैंयादेखि  ३ सय रुपैयाँसम्मको आईस क्रिम पाईनुको साथै फेमिली पैक आईस क्रिम १ सय ५० देखि  ३ सय सम्मको ल्याउने उधोगका प्रमुख सिहंले जानकारी गराए ।

प्रजातन्त्र दिवसकाे उपलक्ष्यमा रक्तदान कार्यक्रम सम्पन्न

0

वीरगंज । प्रजातन्त्र दिवसकाे उपलक्ष्यमा शनिबार वीरगंजमा रक्तदान कार्यक्रम सम्पन्न भएकाे छ । वीरगंजकाे घण्टाघरमा भएकाे कार्यक्रममा ४ महिलासहित ४० जनाले रक्तदान गरेकाे रक्त संचार केन्द्र वीरगंजले जनाएकाे छ ।

कार्यक्रममा सुरज प्रताप साह, शिवचरण प्रसाद राैनियार, संगिता चाैरसिया, शिलु गाैतम, रंजु ठाकुर, किशाेरी साह, अनिल कुमार पटेल, विपिन आचार्य, कृष्णा कुमार प्रजापती, जितेन्द्र महारा, सचिन कुमार कुशवाहा, रवि कुमार राउत, आकाश कुमार कायस्त, अजित पटेल, कृष्णा कुमार साह, साहेब आलम लगायतकाले रक्तदान गरेका हुन् ।

महानगर याेग विद्यालय विर्ता ४ वीरगंजकाे सहयाेग र पतंजली याेग समिति वीरगंजकाे आयाेजना रक्तदान कार्यक्रम भएकाे थियाे ।

गुणस्तरिय शिक्षा र लैंगिक समानता सम्बन्धि अन्तरक्रिया सम्पन्न

0

वीरगंज । दिगो बिकासका लक्ष्य गुणस्तरिय शिक्षा र लैंगिक समानता सम्बन्धमा मधेश प्रदेशका युवाहरुबीच छलफल तथा अन्तरक्रिया कार्यक्रम वीरगञ्जमा सम्पन्न भएको छ । युवा संस्थाले राइट हियर राइट नाउ र नेपाल एपीएफएसडी (नयाँ) को सयुँक्त सहकार्यमा भएकाे कार्यक्रम सम्पन्न भएकाे हाे ।

मधेश प्रदेशका ८ वटै जिल्लाबाट २२ जना युवाहरुको सहभागिता रहेकाे कार्यक्रममा मधेश प्रदेशभित्र दिगो बिकासका लागि गुणस्तरिया शिक्षा र लैंगिक समानता सम्बन्धमा देखिएका चुनौतीहरुको विषयमा छलफल भएकाे थियाे । छलफलको क्रममा सहभागिहरुले शिक्षा क्षेत्रभित्रका बेथिती एवम् बिसंगती र अपर्याप्त भौतिक पूर्वाधार लगायतका चुनौतीहरु औँल्याएका थिए ।

दक्ष जनशक्तिको अभाव, बनेका नियम कानुनहरु कार्यन्वयन नहुनु, पिर्तसतात्मक सोच, अन्धविश्वास लगायतका प्रवृतिको पतन नहुँदसम्म गुणस्तरीय शिक्षा र लैंगित समानताले सार्थकता नपाउने सहभागी युवाहरुको धारणा थियो । सातवटै प्रदेशका युवाहरुलाई समावेश गरेर गुणस्तरिय शिक्षा र लैंगिक समानता सम्बन्धमा सचेत बनाउने र नयाँ पुस्ताको धारणालाई निर्णायक क्षेत्रमा पु¥याउने अभिप्रायले कार्यक्रमको आयोजना गरिएको युवा संस्थाकी कार्यक्रम संयोजक श्रेया श्रेष्ठले बताइन् ।

यसअघि ६ वटै प्रदेशमा सम्पन्न भईसकेको कार्यक्रम शनिबार मधेश प्रदेशको पर्सा जिल्ला सदरमुकाम वीरगञ्जमा सम्पन्न भएको हो ।

पर्सा, बारा, रौतहट, सर्लाही, सप्तरी, महोत्तरी, सिराहा र धनुषाका युवाहरुले आ–आफ्नो जिल्ला र गाउँमा गुणस्तरिया शिक्षा र लैंगिक समानतासम्बन्धी विद्यमान चुनौतीहरु प्रस्तुत गरेका थिए । चुनौतीसँगै ति चुनौतीहरुको समाधानका लागि स्थानीय एवम् प्रदेश सरकारले गरीरहेका पहलहरुको बारेमा पनि युवाहरुले चासो देखाएको संस्थाकी कार्यक्रम संयोजक श्रेष्ठको भनाई छ ।

युवाहरुको क्षमता अभिवृद्धि र व्यक्तित्व बिकासका लागि बिभिन्न कार्यक्रमहरु गर्दै आएको युवाले नयाँ पुस्तालाई नेतृत्वदायी भूमिकामा ल्याउनका लागि कार्यक्रम गरिरहेको संस्थाकी सूचना अधिकारी स्नेहा ताम्राकारले बताइन् । उनका अनुसार युवाहरुले प्रस्तुत गरेका चुनौती, समस्या समाधानका लागि भएका पहलहरु र युवाहरुको धारणालाई अब राष्ट्रियस्तरको छलफलमा लिएर बहसको विषय बनाइनेछ ।

त्याँहाबाट पनि मुख्य प्राथमिकताका विषयहरुलाई अन्तराष्ट्रियस्तरमै लिने ताम्राकारको भनाई छ । युवा संस्थाले गरेको कार्यक्रम अत्यन्तै प्रभावकारी रहेको र यस्ता कार्यक्रमको निरन्तरताले पछिल्लो पिँढीका युवाहरुमा नेतृत्वदायी भूमिकाको विकास हुने कार्यक्रममा सहभागी सप्तरीकी अर्चना परियारले प्रतिक्रिया दिइन् ।

युवाहरुलाइ जागरुप बनाउनुका साथै सम्बन्धीत निकायलाई प्रश्न सोध्न सक्ने क्षमता अभिवृद्धिका लागि पनि कार्यक्रम उपलब्धीमुलक भएको छलफलमै सहभागी वीरगञ्जका दिपु वर्णवालले बताए । अरुले गर्ने कार्यक्रमहरुमा महिला तथा पुरुष मात्रै सहभागी हुने गरेपनि यो कार्यक्रममा खुलेरै यौनीक तथा लैङ्गिक अल्पसङ्ख्यकको समेत उपस्थिती हुनुले पनि केही हदसम्म परिवर्तन भएको आभाष युवा संस्थाका आँशु कुमार सर्राफले गरे ।

एमसीसी विरुद्ध परवानीपुरमा प्रदर्शन

0

परवानीपुर । बाराकाे परवानीपुरमा सतारुढ दल नेकपा माओवादी केन्द्र निकट अनेरास्ववियु क्रान्तिकारी परवानीपुरले एमसीसी विरुद्ध प्रदर्शन गरेकाे छ । परवानीपुरस्थित गण्डक चौकमा शुक्रबार सांझ एमसीसी विरुद्ध प्रदर्शन गर्दै अनेरास्ववियु आवद्ध विद्यार्थीहरुले प्रधानमन्त्री शेरबादुर देउवाको पुत्ला समेत जलाएका छन् ।

विरोधको क्रममा प्रदर्शनकारी र सुरक्षाकर्मीबीच केहीबेर तनाव समेत भएको थियो । प्रदर्शनकारीहरुले देश बेच्न पाइँदैन, एमसीसी हामीलाई चाहिँदैन लगायतको चक्राे नारा लगाएका थिए ।

अनेरास्वबियु क्रान्तिकारीका परवानीपुर गाउँपालिका अध्यक्ष अखिल पटेलको अध्यक्षतामा भएकाे विरोध कार्यक्रममा अनेरास्वबियु क्रान्तिकारी मधेश प्रदेशका सचिव बिबेक कुमार साह, मदन प्रसाद गुप्ता, किशोरी साह, लालबाबु साह, मनोज गुप्ता, प्रवीण साह, महेश साह, आदेश गुप्ता, कृष्ण साह लगायतकाे सहभागिता रहेको थियो ।

सखुवा प्रसाैनीमा ट्याक्टरको ठक्करले एक जनाको मृत्यु, ३ घाइते

0

वीरगंज । पर्साकाे सखुवा प्रसाैनी गाउँपालिकामा ट्याक्टरको ठक्करबाट एक जनाको मृत्यु भएको छ भने तीन जना घाइते भएका छन् । दुर्घटनामा सखुवाप्रसौनी गाउँपालिका-६ बस्ने ३५ वर्षीय राजेश राउत कंकरको मृत्यु भएको प्रहरीले जनाएकाे छ ।

यस्तै दुर्घटनामा स्थानिय ६१ वर्षीय सकलदेव राउत कंकर, १८ वर्षीय रञ्जन साह तेली र मकवानपुर हेटौंडा बस्ने अन्दाजी २४ वर्षीय राजकुमार तामाङ घाइते भएका छन् ।

उनीहरुको हात, खुट्टा र टाउकोमा चोट लागेको छ । तीनै जनाको नारायणी अस्पताल वीरगञ्जमा उपचार भईरहेको जिल्ला प्रहरी कार्यालय पर्साले जनाएको छ ।

हुलाकी सडक अन्तर्गत वीरगञ्ज–ठोरी सडक खण्डमा रामनगरीबाट बहुअरी तर्फ आउँदै गरेको ना ७ त ५३७८ नम्बरको ट्याक्टर अनियन्त्रित भएर दुर्घटना भएकाे जिल्ला प्रहरी कार्यालय पर्साका प्रवक्ता प्रहरी नायब उपरीक्षक ओम प्रकाश खनाले वताए ।