Date
बिहि, मंसिर ३, २०८३
Thu, November 19, 2026
Home Blog Page 712

नेका वीरगंज महानगर सभापतिकाे लागि ३ जनाकाे उम्मेदवारी

0

बीरगंज । नेपाली कांग्रेस वीरगंज महानगरपालिकाको सभापति पदमा ३ जनाकाे उम्मेदवारी परेकाे छ । काँग्रेसको १४ औँ नगर अधिवेश अन्तर्गत वीरगंज महानगर सभापतिकाे लागि शुक्रबार पार्टी कार्यालय रामगढवामा छुट्टाछुट्टै उम्मेदवारी दर्ता भएको हाे ।  

पार्टी सभापति शेरबहादुर देउवा प्यानलबाट राधेश्याम चौरसियाको टिमले उम्मेदवारी दिएको छ भने शेखर कोइराला प्यानलबाट मणिन्द्रलाल श्रेष्ठको प्यानल खडा भएको छ । 

यसैगरी, नेपाल पत्रकार महासङ्घका केन्द्रिय सचिव दिपेन्द्र चौहानले समेत सभापति पदमा उम्मेदवारी दिएका छन् । चौहानको भने कुनै प्यानल रहेको छैन । 

देउवा प्यानलबाट उप सभापतिमा ध्यक्षमा विजय सिंह, सरजुग महतो, सचिवमा धिरज कुमार गुप्ता, श्याम कुमार प्रसाद कुर्मी, सहसचिवमा दिपक कुमार साह र सदाम हुसैन समानीले उम्मेदवारी दिएका छन् भने कोइराला प्यानलबाट उप सभापतिमा सन्तोष कुमार गुप्ता, बृजभूषण प्रसाद पटेल, सचिवमा सञ्जय श्रीवास्तव, शिवचन्द्र प्रसाद यादव, सहसचिवमा जयन्द्र प्रसाद कुर्मी र सम्मसाद अलीले उम्मेदवारी दिएका छन् । 

यता उम्मेदवारी दर्ता गराएका उम्मेदवारहरूले तोकिएको समयभित्र नाम फिर्ता नलिएको र उम्मेदवार विरुद्ध कुनै दाबी विरोध समेत नपरेको कारण भोलि बिहान ९ः०० बजेदेखि आदर्शनगरस्थित बाल मन्दिर परिसरमा मतदान हुने कार्यक्रम रहेको निर्वाचन अधिकृत नरेन्द्र केसीले जानकारी दिए ।

यस्तै, पाेखरिया नगरपालिका र बहुदरमाई नगरपालिकाकाे समिति चयनकाे लागि पनि निर्वाचन हुने भएकाे छ । १४ औ नगर अधिबेशनमा शुक्रबार दुबै नगरपालिकामा उम्मेदवारी दर्ता भएकाे छ ।

नेका जिराभवानीकाे सभापतिमा महताे निर्विराेध निर्वाचित

0

वीरगंज । नेपाली काङ्ग्रेस जिराभवानी गाउँपालिकाकाे सभापतिमा मनमाेहन महताे निर्विराेध निर्वाचित भएका छन् । कांग्रेसकाे  १४ औ अधिवेशन अन्तर्गत शुक्रबार सम्पन्न जिराभावनी गाउँपालिकाको अधिवेशनबाट महताेकाे सभापतित्वमा ३२ सदस्यीय गाउँ समिति निर्विराेध निर्वाचित भएका हुन् ।

समितिकाे उप सभापतिमा लालदेव दास, सत्यनारायण साह कानु, सचिवमा अर्जुन चौधरी थारु, रामाशंकर महतो, सह सचिवमा शेषनुमान आजम, अनिल गाैराै निर्वाचित हुनुभएकाे मतदान अधिकृत गगनदेव यादवले जानकारी दिए ।

यस्तै, समितिकाे सदस्यमा मदन दास तत्वा, राजेन्द्र साह, रुकमणी देवी थरुनी, बिरेन्द्र बच्छार, ध्रुपसागर खाँ, ललिता देवी, रामाकान्त महताे, प्रेम चाैधरी थारु, हिरामती देवी, गाैरीशंकर राय, प्रदेशी दास थारु, अंशुइया देवी थरुइनी, किरण प्रसाद राउत, प्रतिमा खवास, साेमनाथ सापकाेटा, पानादेवी, नविरसुल मियाँ, राजराज दास, शम्भु महताे थारु, संजय खवास, पुतरिया देवी थरुनी, नजिया देवी थरुनी, भागिरथ राम, पुनम देवी चमार र बृजलाल दिसवा निर्वाचित भएकाे वडा सभापति सराेज चाैरसियाले जानकारी दिए ।

नव निर्वाचित सभापति महताेसहित सम्पूर्ण गाउँ समितिका पदाधिकारी र सदस्यहरुलाई प्रदेश सभा सदस्य शंकर चाैधरीले फुल माला र अविरकाे टिका लगाएर प्रमाण पत्र वितरण गरेका थिए ।

नेपाली कांग्रेस बिन्दवासिनीकाे सभापतिमा चाैरसिया निर्विराेध

0

वीरगंज । नेपाली कांग्रेस बिन्दवासनी गाउँपालिकाको सभापतिमा बिवेक कुमार चौरसिया निर्विरोध निर्वाचित भएका छन् । कांग्रेसको १४ औं अधिवेशन अन्तर्गत शुक्रबार सम्पन्न गाउँपालिका अधिवेशनबाट चाैरसियाकाे सभापतित्वमा ३२ सदस्यीय समिति निर्वाचित भएका हुन् ।

गाउँ समितिको उपसभापतिमा राजेश्वर प्रसाद चौरसिया, राजेश तिवारी, सचिवमा संतोष कुमार चौरसिया, मुकेश प्रसाद साह कानु, सह सचिवमा जितेन्द्र कुमार, श्रीलाल प्रसाद कुर्मी निर्विराेध निर्वाचित भएकाे मतदान अधिकृत मनोज कुमार यादवले जानकारी दिए ।

यस्तै, समितिको सदस्यमा पन्ना देवी चमईन, नागेश्वर साह तेली, चोकट मुखिया बिन, सोना देवी कानु, मनोज राउत कुर्मी, सुनिल प्रसाद चौहान, देवनारायण साह कानु, प्रेम कुमार चौरसिया, दिनेश साह कानु, कोशिला देवी, अवधकिशोर प्रसाद बरै, रामराज बरै, तेतरी देवी, भागरिथ प्रसाद पटेल, अवध किशाेर ओझा, रामनारायण महरा चमार लगायतका निर्विरोध निर्वाचित भएको मतदान अधिकृत यादवले वताए । 

गाउँपालिका सभापतिमा निर्वाचित चाैरसिया तरुण दल पर्साका सचिव हुन् । नव निर्वाचित सभापति चाैरसियाले आगामी निर्वाचनमा पार्टीलाई विजयी गराउने प्रतिवद्धता जनाए । 

गाउँपालिका पार्टी कार्यालय बहुअर्वाभाठामा भएकाे अधिवेशनमा सभापतिमा निर्वाचित अध्यक्ष चौरसियासहित गाउँपालिका समितिका सम्पूर्ण पदाधिकारी तथा सदस्यहरुलाई महाधिवेशन प्रतिनिधि अशोक कुमार गुप्ता, उमेश चौरसिया, पर्सा क्षेत्र नं.३ (ख) का सभापति अनोज कुमार चौरसिया, गाउँपालिकाकी उपाध्यक्ष किरण देवी गुप्ता लगायतकाले फुल माला र अविरकाे टिका लगाएर बधाई तथा सफल कार्यकालकाे शुभकामना दिएकाे स्थानिय नेता उपनेश चौरसियाले वताए । 

वीरगंजमा महिला गोल्डकप फुटबल प्रतियोगिता हुने

0

वीरगंज । वीरगंजमा महिला गोल्डकप फुटबल प्रतियोगिता हुने भएको छ । वीरगंज युथ एकेडेमीको आयोजनामा चैत २ गते देखि प्रतियाेता हुने जनाइएकाे छ ।

शुक्रबार पत्रकार सम्मेलन गर्दै आयोजकले प्रतियोगितामा नेपाल र भारतका ८ वटा टिम सहभागि हुने जनाएकाे छ । क्लबका सचिव ऋतु शाक्यका अनुसार नेपालकाे  मधेस प्रदेशका  पाँच, बागमती प्रदेशकाे एक र भारत बिहारकाे दुई टिम सहभागी हुनेछन् ।

वीरगंजमा पहिलोपटक महिला गोल्डकप फुटबल प्रतियोगिता हुन लागेकाे सचिव शाक्यले वताए ।

कोरोना संक्रमणका कारण लामो समय रोकिएको खेलकुदलाई चलायमान बनाउन प्रतियोगिता आयोजना गरिएको सचिव शाक्यले बताए । पुरुष मात्र नभई महिला फुटबल खेलाडी उत्पादन गर्ने उद्देश्यले प्रतियोगिता सञ्चालन गर्न लागिएको उनले बताए।

सात दिनसम्म चल्ने प्रतियोगिताको विजेताले नगद रु ३० हजार, प्रमाणपत्र र ट्रफी तथा उपविजेताले नगद रु १५ हजार, प्रमाणपत्र र ट्रफी पाउने आयोजकले जनाएको छ ।

नारायणी रंगशाला अथवा आदर्शनगर रंगशालामा हुने प्रतियाेगितामा प्रबेश शुल्क समेत राखिने आयाेजकले  जनाएकाे छ । आयाेजकका अनुसार प्रतियाेगतामा अनुमानित १६ लाख जति खर्च हुने छ ।

नेपाल पत्रकार महासंघ पर्साकाे सभाहलमा भएकाे पत्रकार सम्मेलनमा राष्ट्रिय खेलकुद परिषदका सदस्य मानदेव हजारा, नेपाल पत्रकार महासंघ पर्साका कार्य समिति सदस्य नरेश सर्राफ, अन्तराष्ट्रिय फुटबल खेलाडी ललिता थापा,  पर्सा जिल्ला खेलकुद विकास समितिका पूर्व उपाध्यक्ष दिपक तिवारी लगायतकाे उपस्तिथी रहेकाे थियाे ।

एमसीसीको बिरोधमा वीरगञ्जमा प्रदर्शन र चक्का जाम

0

वीरग‌ंज । संसदमा पेश भएको अमेरिकी सहयोग एमसीसी सम्झौताको बिरोधमा विहीबार वीरगञ्जमा प्रदर्शन भएको छ । नेकपा माओवादी केन्द्रका भातृसंगठनहरु अखिल क्रान्तिकारी र वाईसिएलले संसदमा पेश भएको अमेरिकी सहयोग एमसीसी सम्झौताको बिरोधमा प्रदर्शन गरेका हुन् ।

वीरगञ्जको घण्टाघरमा नाराबाजी गर्दै दिउँसो २ बजेदेखि ३ बजेसम्म १ घण्टा चक्काजाम समेत गरिएको अखिल क्रन्तिकारी मधेश प्रदेश सचिव जुबेर आलमले जानकारी दिए । संसद बैठक हाललाई स्थगित गरेकाले फेरी संसद बैठक बस्ने दिन अझ भव्य बिरोधका कार्यक्रमहरु आयोजना गरिने सचिव आलमले बताए ।

बिरोध प्रदर्शन तथा चक्काजाम कार्यक्रममा अखिल क्रान्तिकारी पर्सा जिल्ला अध्यक्ष कविराज पटेल, वाईसिएल केन्द्रीय कमिटी सदस्य तथा पर्सा जिल्ला ईन्चार्ज ओमप्रकाश गुप्ता, वाईसिएल मधेश प्रदेश सदस्य राकेश साह कानु, चन्दन रौनियार लगायतको सहभागिता रहेको थियो ।

नेपाली कांग्रेस पकहा मैनपुरको सभापतिमा चौहान निर्बिरोध

0

वीरगंज । नेपाली कांग्रेस पकहा मैनपुर गाउँपालिकाको सभापतिमा हरि प्रसाद चौहान निर्बिरोध निर्वाचित भएका छन् । कांग्रेसको १४ औं महाधिवेशन अन्तर्गत बिहिबार सम्पन्न गाउँपालिका अधिवेशनले चौहानको सभापतित्वमा ३२ सदस्यीय गाउँ समिति निर्बिरोध निर्वाचित गरेको हो ।

समितिको उप–सभापतिमा रामबहादुर प्रसाद सोनार, महमद जाकिर हुँसैन, सचिवमा रामनाथ प्रसाद साह तेली, त्रिलोकी पाण्डे, सह–सचिवमा शिवनारायण प्रसाद चौरसिया, दिपक बर्णवाल निर्वाचित भएका छन् ।

यस्तै, सदस्यहरुमा बिनोद मेहता, रन्जित राउत कमकर, सुनैना देवी सोनी, जयलाल ठाकुर, विपिन चौहान, गिरिजा देवी, अनिरुद प्रसाद चौहान, खुबलाल राउत कुर्मी, सम्पतिया बर्णवाल, ईद्रिश मियाँ हवारी, अयोध्या चौहान, शुशिला देवी, मदन चौरसिया, सुमन्त प्रसाद चौरसिया, रमाउती देवी, त्रिभुवन सिंह क्षेत्री, प्रभावती देवी तेलिन, सुरसतिया देवी कुर्मिन लगायका निर्बिरोध निर्वाचित भएकाे निर्वाचन समितिले जनाएकाे छ ।

नेपाली कांग्रेस कालिकामाईकाे सभापतिमा साह निर्विराेध निर्वाचित 

0

वीरगंज । नेपाली कांग्रेस कालिकामाई गाउँपालिकाकाे सभापतिमा छठु साह निर्विराेध निर्वाचित भएका छन् । कांग्रेसकाे १४ औं महाधिवेशन अन्तर्गत बिहिबार सम्पन्न गाउँपालिका अधिवेशनबाट सभापतिमा साह निर्विराेध निर्वाचित भएका हुन् । 

गाउँपालिका समितिकाे उपसभापतिमा  रजाक राउत गद्दी, माेलाजिम मियाँ मन्सुरी, सचिवमा महमद नाजिर हुेसन मुकेरी, रामानन्द ठाकुर लाेहार, सह सचिवमा हिरालाल राउत कुर्मी, जयबालक साह कानु निर्वाचित भएका छन् ।

यस्तै, समितिकाे सदस्यमा लिला श्रेष्ठ, महन्थ प्रसाद पटेल, सुरेन्द्र प्रसाद कुशवाहा, शिवदुलारी देवी साह, रामराज चाैरसिया, जयचन्द्र प्रसाद, धुनिया देवी, अनिल कुमार कण्ठ, सतानन्द मिश्र, भागमती देवी,  शम्भु साह तेली, जयकिशुन राउत बरै, रीना देवी, अजय कुमार कलवार, रामन महताे केंवट, कान्ति देवी महरा, लालपरी देवी महरा, सदाम हुसेन, रामसागर बैठा, मजिद देवान, अमरुल आलम, शिवनारायण प्रसाद चाैरसिया, इब्राहिम मियाँ, वैधनाथ प्रसाद बरै र वीरेन्द्र प्रसाद बरै निर्विराेध निर्वाचित भएकाे मतदान अधिकृत लालदेव प्रसाद यादवले जानकारी दिए ।

गाउँपालिका सभापतिमा साह निर्वाचित भएपछि बैशाख ३० गते हुने स्थानिय तहकाे निर्वाचनमा पार्टीलाई बिजयी गराउने प्रतिबद्धता जनाए । उनले वडादेखी पालिका अध्यक्ष सम्मकाे सम्पूर्ण पदमा पार्टीकाे उम्मेदवारलाई विजयी गराउने वताए । 

पत्रकारिता र समाजिक क्षेत्रमा लामाे समय सम्म काम गरेका साह आफ्नाे मूल्यांकलन गरेर गाउँपालिका सभापतिकाे जिम्मेवारी दिएकाेमा सम्पूर्ण पार्टी पंक्तिलाई धन्यावाद तथा अभार समेत प्रकट गरे ।

गाउँपालिका पार्टी कार्यालय मुडलीमा भएकाे अधिवेशनमा सभापतिमा निर्वाचित अध्यक्ष साहसहित गाउँपालिका समितिका सम्पूर्ण पदाधिकारी तथा सदस्यहरुलाई महाधिवेशन प्रतिनिधि पंचानन्द मिश्रा, रामप्रसाद चाैहान, स्थानिय नेता अजय पटेल, संजय साह, वडा सभापतिहरु नेजामुदिन मियाँ, सिकेन्द्र देवान, रामशिष चाैरसिया, अमिरका ठाकुर लागयतकाले फुल माला र अविरकाे टिका लगायर बधाई तथा शुभकामना दिएका थिए ।

दलितको प्रतिनिधित्व बढाउने राजनीतिक दलहरुकाे प्रतिवद्धता

0

वीरगंज । आगामी निर्वाचनमा दलित समुदायको प्रतिनीधित्व बढाउन पर्सा जिल्लास्थित राजनीतिक दलका प्रमुख एवम् प्रतिनिधिहरुले प्रतिबद्धता जनाएका छन् । दलित सरोकार मञ्चले राष्ट्रिय दलित पत्रकार संघ पर्साको सहकार्यमा मंगलबार वीरगंजमा भएकाे एक अन्तरक्रिया कार्यक्रममा राजनीतिक दलहरुले दलितको सहभागिता बढाउने प्रतिबद्धता व्यक्त गरेका हुन् ।

वीरगञ्जको बसपार्कस्थित होटल सिटी ईनमा भएकाे कार्यक्रमलाई सम्बोधन गर्दै नेपाली काङ्ग्रेस पर्साका सचिव श्याम पटेलले सदियौँ देखि उपेक्षित दलित समुदायलाई लोकतान्त्रिक पार्टी काङ्ग्रेसले अवसर दिँदै आएको बताए । दलित समुदायबाटै हाल जीवन परियार पार्टीका केन्द्रिय सहमहामन्त्री बनेको बताउँदै पटेलले दलित समुदायलाई प्राथमिकतामा राख्दै आएको बताए ।

यस्तै नेकपा एमाले पर्साका कार्यबाहक अध्यक्ष डा. बिशम्बर शर्माले यसअघि पनि दलित समुदायबाट उम्मेदवार बनाउन पार्टी पछि नपरेको स्मरण गर्दै आगामी निर्वाचनमा पनि दलित उम्मेदवारको संख्यामा बृद्धि गर्ने दृढता व्यक्त गरेका छन् ।

जनता समाजवादी पार्टी (जसपा) पर्साका सचिव तबरेज अहमदले उद्देश्यअनुरुप र संख्यात्मक रुपमा दलितको हकहितका लागि कुनै पनि पार्टीले सन्तोषजनक काम नगरेको बताउँदै जसपाले केही हदसम्म भूमिका निर्वाह गरेको बताए । दलित समुदायभित्रको विखण्डनले गर्दा नै दलित समुदाय पछाडी परीरहेको चित्रण गर्दै सचिव अहमदले दलितहरुको एकताले दलित समुदाय सशक्न बन्ने विश्वास व्यक्त गरेका छन् ।

नेकपा एकिकृत समाजवादी पार्टी पर्साका अध्यक्ष बालगोपाल थापाले पनि सबै वक्ताहरुको भनाइमा सहमती जनाउँदै आगामी निर्वाचनमा दलितहरुलाई नेतृत्वादायी भूमिका प्रदान  गर्नुपर्ने बताए ।

लोकतान्त्रिक समाजवादी पार्टी (लोसपा) वीरगञ्ज महानगर कमिटीका अध्यक्ष ओमप्रकाश सर्राफले लोसपा जस्तो समावेशि पार्टी अरु हुनै नसक्ने दावी गरे । कम्युनिस्ट र काङ्ग्रेसहरु तानाशाही प्रवृतिबाट हावी भएको हुँदा ति पार्टीहरुले दलितको हकहतिका लागि कुनै ठोस काम गर्न नसक्ने आरोप सर्राफको छ ।

यस अघि सरोकार मंच नेपाल कै आयाेजनामा स्थानीय तहमा दलित समुदायको प्रतिनिधिहरुको अवस्था र भावी कार्यदिशा विषयक राजनितीक दलका भातृ संगठनका अगुवाहरूसंगकाे जिल्ला स्तरीय अन्तरक्रिया कार्यक्रमका सम्पन्न भएकाे थियाे ।

कार्यक्रममा विभिन्न राजनीतिक दलनिकट दलित भातृ संगठनका प्रमुख एवम् प्रतिनीधिहरुले आ आफ्नो क्षेत्रका समस्याहरु सुनाएका थिए । कार्यक्रममा सहप्राध्यापक डा. बिजय प्रसाद मिश्रले प्रशिक्षण दिएका थिए ।

राष्ट्रिय दलित पत्रकार संघ पर्साका अध्यक्ष श्याम पासवानको अध्यक्षतामा भएको कार्यक्रमको सहजीकरण राष्ट्रिय दलित पत्रकार संघ पर्साका सचिव सूर्यनारायण वि.क.ले गरेका थिए ।