Date
बिहि, मंसिर ३, २०८३
Thu, November 19, 2026
Home Blog Page 714

धिरज राईको ‘लुकी लुकी’ नयाँ शैलीमा सार्वजनिक हुँदै

0

काठमाडौं । गायक धिरज राईको सर्वाधिक हिट गीत ‘लुकी लुकी आँखा तिमी’ आज पनि दर्शक-श्रोताको मनमा बस्न सफल छ । धिरजलाई आज पनि यही गीतले संसार घुमाइरहेको छ ।

यो गीत रिलिज भएको २५ वर्षपछि धिरज राईले यसको म्युजिक भिडियो तयार पारेका छन् । ट्री इन्टरटेन्मेन्टको लगानीमा तयार भएको म्युजिक भिडियोको दुई दिन लगाएर काठमाडौंको प्लाटिनम क्लबमा छायांकन गरिएको छ ।

यो गीतको भिडियोलाई माइकल चन्दले निर्देशन गरेका छन् । माइकलले निर्देशन गरेका थुप्रै म्युजिक भिडियोले बजारमा चर्चा पाएका छन् । माइकलले यो गीतको क्रेजलाई आफूले भिडियोमा पनि मर्न नदिएको बताए ।

भिडियोमा अभिनेत्री आँचल शर्माले नृत्य गरेकी छन् । उनको साथमा राज र डेलविसलाई भिडियोमा देख्न सकिन्छ । करिब १८ घण्टा लगाएर खिचिएको भिडियोमा उत्सव दाहालको छायांकन र सिलन लम्सालको सम्पादन छ ।

गायक धिरजले २५ वर्षपछि गीतलाई पुनः दर्शकमाझ ल्याउन लागेको विषयमा भने, ‘यो गीतको भिडियो बनेको थिएन । नेपाल टेलिभिजनमा खिचिएको धमिलो भिडियो आज पनि दर्शकमाझ छ । यसैले अडियोमा खासै परिवर्तन नगरी हामीले भिडियोलाई भने नयाँ तरिकाले खिचेका छौं ।’

निर्माण कम्पनी ट्री इन्टरटेन्मेन्टले यो गीतलाई दुई सातापछि सार्वजनिक गर्ने तयारी गरेको छ ।

‘गंगुबाई काठियावाडी’ रिलिज अगाडि नै विवादमा

0

आलिया भट्ट अभिनित फिल्म ‘गंगुबाई काठियावाडी’ रिलिज अगाडि नै विवादमा घेरिएको छ । फिल्मको विषयलाई लिएर विवाद उत्पन्न भएको हो । फिल्मले गंगुबाईलाई गलत रुपमा चित्रण गरेको आरोप परिवारले लगाएको छ ।

गंगुबाईको नातिनी भारतीले फिल्म मेकर्सले आफ्नो परिवारसँग अनुमती बिना फिल्म बनाएको आरोप लगाएकी छन् । निर्माण युनिटले फिल्मबाट पैसा कमाउन आफ्नो परिवार बदनाम गरिरहेको उनको भनाई छ ।

गंगुबाईका वकिलले समेत फिल्ममा गंगुबाईलाई जसरी देखाइएको छ  त्यसमा सत्यता नरहेको बताए । वकिलले भने ‘एक समाजसेवीलाई सेक्स वर्करको रुपमा देखाइएको छ ।’ फिल्मको कारणले गंगुबाई समाजसेवी नभएर सेक्स वर्कर हो भनेर आफन्तले सोध्न थालेको समेत वकिलको भनाई छ । 

चोरीको मोटरसाईकलसहित ३ जना पक्राउ

0

वीरगंज । प्रहरीले बाराबाट चाेरीकाे माेटरसाइकलसहित ३ जनालाई पक्राउ गरेकाे छ । बारा प्रहरीले जीतपुरसिमरा उप-महानगरपालिकाकाे वडा नं. २० बस्ने बर्ष २४ को आकाश प्रसाद चौरसिया, साेही ठाउँ निवासी बर्ष १९ को निरज पासवान र बर्ष २४ को सुनिल यादवलाई पक्राउ गरेकाे हाे ।

जीतपुरसिमरा उप-महानगरपालिकाकाे वडा नं.०७ स्थितबाट फागुन २ गते साेमबार राती ९:४५ बजे चोरी भई हराएको प्रदेश न.२-०३-०१४ प. ४५८४ न.को मोटरसाईकल खोजतलास गर्ने क्रममा जीतपुरसिमरा उप-महानगरपालिका कै वडा नं.०९ स्थित छातापिपरा चोकबाट साे माेटरसाइकलसहित तिनै जनालाई पक्राउ गरिएकाे प्रहरीले जनाएकाे छ ।

बुत्धबार राती ११:३० बजे पक्राउ परेका तीनै जना उपर चोरी मुद्दामा म्याद थप भई अनुसन्धान कार्य भईरहेको ईलाका प्रहरी कार्यालय सिमराले जनाएकाे छ ।

पर्सागढीकाे ३ स्थानमा गुम्बा निर्माण हुँदै

0

वीरगंज । पर्साकाे पर्सागढी नगरपालिका वडा नं. १, जमुना टाेलमा निर्माण हुने गुम्बाकाे शिलान्यास गरिएकाे छ । नगरपालिकाकाे चालू आ.ब.को याेजना अन्तर्गत निर्माण हुने गुम्बाकाे एक कार्यक्रमकाे बिच नगर प्रमुख लाेकनारायण यादवले शिलान्यस गरेका हुन् ।

गुम्बाकाे शिलान्यास गर्दै नगर प्रमुख यादवले पर्सागढी १ सहित थप २ स्थानमा यसै बर्ष गुम्बा निर्माणा गर्न लागिएकाे वताए । उनले वडा नं. ३ झाला टोल र झबराहमा गुम्बा निर्माणधिन अवस्थामा रहेकाे वताए ।

बौद्ध धर्म प्रबर्धकको अगुवाईमा धर्म संस्कृति सम्बर्द्धनका उदेश्य अनुरुप गुम्बा निर्माण गर्न लागिएको नगर प्रमुख यादवले वताए ।

जमुना टाेलमा उपभाेक्ता समिति मार्फत रु ५ लाख ३४ हजार ८ सय ६० काे लागतमा निर्माण हुने गुम्बा २०७८ चैत ३० सम्म निर्माण कार्य सम्पन्न हुने छ ।  कुल लागत मध्ये नगरपालिकाकाे लागत रु ४ लाख ८५ हजार रहेकाे छ भने उपभाेक्ता समितिकाे लागत रु ४९ हजार ८ सय ६० रहेकाे छ ।

लामा, तामाङ समुदायको उल्लेखनीय संख्या रहेको यश पालिकामा पर्सागढी-३ बढनिहार माथिटोलमा रहेको तम्बा छोइलिङ विश्व उद्दार गुम्बा अहिले पर्यटकीय स्थलको रूपमा परिणत भएको नगरपालिकाका गिरी राज कडेलले वताए । 

नगर प्रमुख यादवकाे कार्यकालमा बर्षेनी नियमित बजेट बिनियोजन गरि गुम्बा प्रबर्द्धन तथा तामाङ समुदायको बिशेष चाड्पर्बहरुमा बार्शिक कार्यक्रमहरु हुने गरेको तथा यश कार्यबाट समग्र समुदाय हर्सित रहेको स्थानीय समाजसेबि सुकमान तामाङले बताए ।

समुदायको थप मागमा नगरपालिकाबाट गुम्बा निर्माणाधीन स्थलमा धारा जडान तथा जमुना टोल बस्वरिया रिङ्गरोड मर्मत कार्य समेत साेमबादेखी सुरुवात भएको छ ।

गोतामे पत्रकारिता पुरस्कारबाट पत्रकार झा सम्मानित

0

वीरगंज । मोफसलको प्रतिष्ठित गोपालचन्द्र गोतामे पत्रकारिता पुरस्कारबाट सप्तरीका पत्रकार वैजनाथ झा सम्मानित भएका छन् ।

गोपालचन्द्र गौतम प्रतिष्ठानले साेमबार वीरगञ्जमा आयोजना गरेको ११ औँ पुरस्कार वितरण समारोहमा वीरगञ्ज महानगरपालिकाका प्रमुख विजयकुमार सरावगीले पत्रकार झालाई एक तोला सुनको पदक र प्रमाणपत्रले सम्मानित गरेका हुन् ।

तीन दशकभन्दा बढी समयदेखि सप्तरीमा रही जनसरोकारका विषयमा कलम चलाउँदै आएका पत्रकार झालाई सम्मानित गर्दै नगर प्रमुख सरावगीले जनताका पक्षमा कलम चलाउने पत्रकारको सम्मान जस्ता कार्यले लोकतन्त्रलाई बलियो बनाउने धारणा व्यक्त गरे ।

उनले पत्रकारिता क्षेत्रको विकासले लोकतन्त्रलाई बलियो बनाउनुका साथै राज्यलाई उत्तरदायी बनाउने भएकाले वीरगञ्जबाट प्रकाशित प्रसारित सञ्चारमाध्यमको दिगो विकासका लागि महानगरपालिकाले लोककल्याणकारी विज्ञापन वितरण सुरु गरेको जानकारी दिए ।

सभालाई सम्बोधन गर्दै नगर प्रमुख सरावगीले जनताका पक्षमा कलम चलाउने र समाजमा व्यापक भेदभाव, भ्रष्टाचारलाई समाप्त पार्न महत्वपूर्ण भूमिका निर्वाह गर्ने सञ्चारकर्मीको मनोबल उच्च बनाउन महानगरपालिकाले रु पाँच लाख प्रतिष्ठानलाई प्रदान गर्ने घोषणा गर्नुभयो ।

प्रतिष्ठानका अध्यक्ष जगदिश शर्माको अध्यक्षतामा सम्पन्न कार्यक्रमलाई सम्बोधन गर्दै मधेस प्रदेश मिडिया काउन्सिलका अध्यक्ष शिवहरि भट्टराईले पुरस्कृत भएका पत्रकार झालाई शुभकामना व्यक्त गरे । उनले चालू आर्थिक वर्षदेखि नै लागू हुनेगरी मधेस प्रदेशमा रहेका पत्रकारको जीवन बिमा गर्नुका साथै वरिष्ठ पत्रकारलाई पेन्सन दिने तयारीमा लागेको जानकारी दिए ।

नेपाल पौराणिक र लोक आस्थाको देश हो : सांसद यादव

0

वीरगंज । पर्सा क्षेत्र नं. १ का प्रतिनिधि सभा सदस्य (सांसद) प्रदीप यादवले वीरगञ्जम एउटा मन्दिरको लोकार्पण गरेका छन् । वीरगञ्ज महानगरपालिका वडा नम्बर ३२ को बदननगरको स्कुल रोडस्थितत प्राण प्रतिष्ठा महायज्ञ सर्वकल्याणकारी राम जानकी मन्दिरको सांसद यादवले लोकार्पण गरेका हुन् ।

सर्वकल्याणकारी राम जानकी मन्दिर संरक्षण समितिका अध्यक्ष राजु राज गिरीको सभापतित्वमा भएको कार्यक्रममा सांसद् यादव र प्रदेश सांसद जनत अन्सारीले संयुक्त रुपमा मन्दिरको लोकार्पण गरेका थिए ।

लोकार्पण कार्यक्रममा बोल्दै सांसद् यादवले नेपाल पौराणिक र लोक आस्थाको देश भएको बताए । आफुले पहल गरेर निर्माण भएको मन्दिर लोकार्पण गर्न पाउँदा खुशी र गर्वान्वित महसुस भइरहेको बताउँदै सांसद् यादवले मन्दिरबाट जिल्लामा पर्यटकीय रुपले पनि उपलब्धि हुने बताए ।

“आफ्नो धर्म, आस्था र संस्कृतीसँग प्रत्यक्ष रुपमा जोडिएको मन्दिरको लोकार्पण गर्न पाउँनु आफैमा एउटा सौभाग्य पनि हो । आज मैले यस्तो सौभाग्य प्राप्त गरेको छु,” उनले भने । सांसद् यादवले आफ्नो पहलमा प्रदेश सरकारबाट १५ लाख रुपैयाँको बजेट उपलब्ध गराएपछि मन्दिर निर्माणको काम सुरु भएको थियो ।

विगत २७ वर्षदेखि मन्दिर बनाउन स्थानीयहरुले संघर्ष गरिरहेको बेला सांसद यादवको पहलमा प्रदेश सरकारबाट १५ लाख रुपैयाँ र स्थानीय सरकारको केहि सहयोगमा कुल ४५ लाखको लागतमा निर्माण भएको संरक्षण समितिका अध्यक्ष राजु राज गिरीले जानकरी दिए ।

मन्दिरको लोकार्पण कार्यक्रममा प्रदेश सांसद जनत अन्सारी, डा. रविन्द्र सिंह, राजेश सर्राफ, सन्तोष सह गुप्तालगायतको उपस्थिति रहेको थियो ।

बाराबाट खैरो हेरोइनसहित एक जना पक्राउ

0

वीरगंज । बाराबाट प्रहरीले खैराे हिराेइनसहित एक जनालाई पक्राउ गरेकाे छ । इलाका प्रहरी कार्यालय निजगढ, बाराबाट खटिएको प्रहरी टोलीले बाराकाे निजगढ नगरपालिका वडा न. ७ बस्ने बर्ष ४१ को मुन्ना लोप्चनलेलाई पक्राउ गरेकाे हाे ।

निजगढ नगरपालिकाकाे वडा नं.८ स्थित पश्चिम राजमार्ग सडक खण्डमा सवारी साधानहरु चेकजाँच गर्ने क्रममा शनिबार सांझ १६:४५ बजेको समयमा लागु औषधसहित लाेप्चनलाई पक्राउ गरिएकाे जिल्ला प्रहरी कार्यालय बाराले जनाएकाे छ ।

लोप्चनले चलाई आएको ना ६० प ८२४२ नम्बरको मोटर साइकल रोकी निजको शरीर चेकजाँच गर्दा निजले टाउजर मुनी पलाष्टिकको भागमा प्लाष्टिकमा राखी लुकाई छिपाई राखेको अवस्थामा ४ (चार) ग्राम अवैध लागू औषध खैरो हेरोइन (ब्राउन सुगर) फेला परेको जिल्ला प्रहरी कार्यालय बाराका प्रवक्ता प्रहरी नायब उपरिक्षक राजेश थापाले जानकारी दिए ।

पक्राउ परेका लाेप्चन विरुद्ध लागू औषध मुद्दामा बारा जिल्ला अदालतबाट पहिलो पटक ७ दिनकाे म्याद थप गरी थप अनुसन्धान भइरहेको प्रवक्ता थापाले जानकारी गराए ।