Date
बिहि, मंसिर ३, २०८३
Thu, November 19, 2026
Home Blog Page 711

कांग्रेस वीरगंज महानगरकाे सभापतिमा नेपाली विजयी

0
वीरगंज । नेपाली कांग्रेस वीरगंज महानगरपालिकाकाे सभापतिमा मणीन्द्रलाल नेपाली विजयी भएका छन् । कांग्रेसकाे १४ अधिवेशन अन्तर्गत वीरगंज महानगर समिति चयनकाे लागि शनिबार भएकाे निर्वाचनकाे ताजा मतपरिणाम अनुसार सभापतिमा मणीन्द्रलाल नेपाली विजयी भएका हुन् ।
 
जिल्ला सभापति अजय द्विवेदी र पूर्व सभापति राजेन्द्र बहादुर अमात्य समूहका नेपाली ३६ मतले विजयी भएका हुन् । उनले २५७ मत प्राप्त गरेका छन् । उनको निकटम प्रतिद्वन्दी रमेश रिजाल र अजय चौरसिया पक्षका  राधेश्याम चौरसियाले २२१ मत ल्याएका छन् ।
 

त्यस्तै अर्का प्रतिस्पर्धी दिपेन्द्र चौहानले ३२ मत पाएका छन् । त्यसैगरी उपसभापतिमा संतोष गुप्ता २४८ मत र सर्जुग महतो २४४ मत ल्याएर विजयी भएका छन् । गुप्ता द्विवेदी र अमात्य समूहका र महतो रिजाल र चौरसिया समूहका हुन् ।

उपसभापतिमा विजय सिंह २४२ र विरभूषण प्रसाद पटेल २२३ मत ल्याएर पराजित हुनुभएको छ । सचिवमा संस्थापन इतरका शिवचन्द्र प्रसाद यादव २६२ र संस्थापन पक्षका श्याम प्रसाद कुर्मी २३९ मत ल्याएर विजयी भएका छन् ।

सचिव पदमा पराजित सञ्जय श्रीवास्तवको २२४ र धिरज कुमार गुप्ताको २१९ मत आएको छ ।

त्यसैगरी सहसचिवमा संस्थापन पक्षका उम्मेदवार निर्वाचित भएका छन् । दीपक कुमार साह २४६ र सहजाद हुसैन अन्सारी २५० मत ल्याएर विजयी भएका छन् ।

संस्थापन इतरका सम्साद अली अन्सारीले २३१ मत र जईन्द्र प्रसाद कुर्मी २२८ मत पाएका छन् ।  

पर्साकाे ३ पालिकामा नेकपा एस निकट युवा संघकाे कमिटी गठन

0
वीरगंज । पर्साकाे ३ पालिकामा नेकपा (एकीकृत समाजवादी) निकट युवा संघकाे कमिटी गठन भएकाे छ । बहुदरमाई नगरपालिका, पकहा मैनपुर गाउँपालिका र सखुवा प्रसाैनी गाउँपालिकामा कमिठी गठन भएकाे युवा संघ नेपालका सचीवालाय सदस्य एवम् पर्सा जिल्ला इंचार्ज अनिल पटेल जानकारी दिए ।
 
बहुदरमाई नगरपालिकामा मंतोष कुशवाहाको अध्यक्षतामा ३१ सदस्यीय कमिटी गठन भएकाे छ । जुन कमिटीकाे उपाध्यक्षमा चन्दन गुप्ता, सचिव दिलकलांम हुसैन लगयात रहेका छन् ।
 
यस्तै, पकहा मैनपुर गाउँपालिका अध्यक्ष प्रकाश पटेलको अध्यक्षतामा १२१ सदस्यीय कमिटी गठन भएकाे छ । जसकाे उपाध्यक्षमा अजय राम, नितेश कुशवाहा, सचिवमा अमित पटेल लगायतको रहेका छन् ।
 
यस्तै, सखुवा प्रसौनी गाउँपालिकामा मुमताज अंसारीको अध्यक्षतामा २१ सदस्यीय कमिटी गठन भएकाे छ । जसकाे उपाध्यक्षमा राम प्रसाद कुर्मी, सचिवमा लालबाबू चौधरी लगायतको पदाधिकारी चयन भएका छन् ।
पर्सा इन्चार्ज पटेलकाे विशेष उपस्थितीमा भएकाे कमिटी गठन कार्यक्रममा युवा संघका पर्सा जिल्ला सह इन्चार्ज आलम गिर हुसैन, केन्द्रिय सदस्य संजु चौधरी, रमेश ओझाइया थारू, जिल्ला अध्यक्ष भूपेन्द्र साह, विकास चौरसिया लगायतकाले शुभकामना मन्तव्य राखेका थिए ।

मेयर कप उद्घाटनमा आधा दर्जन विद्यार्थी बेहोस भएर ढले पछि..

0

वीरगंज । वीरगंज महानगरपालिकाकाे आयाेजनामा शनिबारदेखी तेस्राे मेयर कप खेलकुद प्रतियाेगिता सुरु भएकाे छ । वीरगंजस्थित नारायणी रंगशालामा सुरु भएकाे खेलकुद प्रतियाेगिताकाे उद्घाटन मधेश प्रदेशका खानेपानी तथा उर्जा विकास मन्त्री ओमप्रकाश शर्माले गरेका थिए ।

वीरगंज महानगरपालिकाका मेयर विजय कुमार सरावगीकाे अध्यक्षतामा भएकाे उद्घाटन कार्यक्रम मै स–साना विद्यार्थीहरुलाई घण्टौं घाममा लाइनमा उभ्याइएपछि थुर्पै विद्यार्थीहरु मैदान मै बेहोस भएर ढलेका थिए । उद्घाटन कार्यक्रमको लागि भन्दै विद्यार्थीहरुलाई झण्डै तीन घण्टासम्म मैदानमा खडा गराइएपछि विद्यार्थीहरु बेहाेस भएर ढलेकाे प्रत्यक्षदर्शीहरुले वताएका छन् ।

अपुग तयारीका बीच शुरु गरिएको मेयर कपमा सहभागी हुन आमनन्त्रित केही अतिथि र विद्यालय निर्धारित समयभन्दा करिब ३ घण्टा ढिलो पुगेपछि कार्यक्रम प्रभावित भएको थियो । खाजा पानी बिना बिहान ९ बजेदेखि दिउँसो १ बजेसम्म विद्यार्थीहरुलाई कार्यक्रममा सहभागी गराइएपछि करिब आधा दर्जन भन्दा बढी विद्यार्थीहरु बेहोस भएका थिए ।

मेयर कपको उद्घाटन कार्यक्रममा सहभागी हुनका लागि बिहान ठिक ९ बजे कार्यक्रम स्थल आर्दशनगर रंगशालामा पुग्न महानगरपालिकाले सहभागी विद्यालयलाई पत्राचार गरेको थियो । सोही सर्कुलर अनुसार अधिकांश विद्यालयका विद्यार्थीहरु कार्यक्रम स्थल पुगेका थिए । तर निर्धारित समय भन्दा ३ घण्टा ढिलो शुरु भएपछि भोक भोकै मैदानमा उभ्याइएका विद्यार्थीहरु बेहोस भएका थिए ।

बिहान ९ बजे कार्यक्रम स्थल पु¥याउनका लागि विद्यालयहरुले तयारी गरेर कार्यक्रममा सहभागी हुन लागि बिहान ८ बजे नै विद्यालयमा बोलाएका थिए । यसरी बिहानको खाजाको भरमा भोक भोकै रंगशाला पुगेका विद्यार्थीहरु कार्यक्रम करिब ३ घण्टा ढिलो भएपछि मैदानमै धमाधम बिद्यार्थीहरु मुर्छित भए लडेको एक विद्यालयका शिक्षकले बताए ।

त्यपछि मात्र महानगरका कर्मचारीले पानी र फ्रुटीको व्यवस्था गरेका थिए । त्यो पनि अपुग रहेको तथा धेरै विद्यार्थीहरुले पाउन नसकेको गुनासो गरे ।

“खेलकुद बिकास हाम्राे अभियान, मेयर कप खेलकुद वीरगंजकाे शान” नाराकाे साथ सुरु भएकाे प्रतियाेगितामा १८ वटा सामुदायिक र २० वटा संस्थागत गरि जम्मा ३८ वटा विद्यालयकाे सहभागीता रहेकाे वीरगंज महानगरपालिकाका शैक्षिक प्रशासन महाशाखा प्रमुख अरविन्दलाल कर्णले वताए ।

उद्घाट कार्यक्रममा भएकाे मार्च पासमा जिएचपी मावि पहिलो, मनकामना मावि दोस्रो सिद्वार्थ मावि तेश्रो भएका थिए । उनीहरुलाई प्रमुख अतिथि लगायत अतिथिहरुले पुरस्कार समेत वितरण गरेका थिए ।

उद्घाटन कार्यक्रममा प्रदेशसभा सदस्य करिमा वेगम, वीरगंज महानगरपालिकाकी उप प्रमुख शान्ति कार्की, महानगरपालिकाका प्रमुख प्रशासकीय अधिकृत निश्चलराज पाण्डे,  प्याब्सन पर्साका अध्यक्ष पुरन प्रधान, एन–प्याब्सनका रामराज श्रेष्ठ लगायतको उपस्थिति रहेको थियो ।

उद्घाटन कार्यक्रम अगाडि विभिन्न स्कुलका बिद्यार्थीहरुले मार्चपास, झाँकी तथा नृत्य प्रस्तुत गरेका थिए ।

हिमालयन हेल्पीङ्ग हैण्डस गठन

0

वीरगंज । बारामा हिमालयन माध्यमिक विद्यालयका युवाहरुद्वारा हिमालयन हेल्पीङ्ग समुह गठन गरिएको छ । वि‍.स. २०६४ को एसएलसी ब्याचका विधार्थीहरुद्वारा समुह गठन गरिएको प्रणय साहले वताए ।

प्रणय साहको अध्यक्षतामा परवानीपुरमा बसेको बैठकले अरुण कुमार साहकाे अध्यक्षतामा समुह गठन गरेकाे हाे । नवगठित समुहको सचिवमा सुशिल ठाकुर र कोषाध्यक्षमा आन्नद रौनियार रहेका छन् ।

हिमालयन माविका ०६४ ब्याचका विधार्थीहरु सो समुहमा आवद्ध रहेकाे प्रणय साहले जानकारी दिए । समुहमा आवद्ध रहेका प्रत्येक विधार्थीले मासिक रुपमा एक हजार बचत गर्ने समेत निर्णय गरेका छन् ।

साथै साहको अध्यक्षतमा बसेको पहिलो बैठकले फागुन २८ गते श्री ओम शिव शक्ति बचत तथा ऋण सहकारी संस्था परवानिपुरमा होली मिलन कार्यक्रम गर्ने समेत निर्णय गरेको छ ।

नेपाली कांग्रेस ठोरीकाे सभापतिमा संताेष बिजयी

0

वीरगंज । नेपाली कांग्रेस ठाेरी गाउँपालिकाकाे सभापतिमा मिन बहादुर श्रेष्ठ (संताेष) विजयी भएका छन् । कांग्रेसकाे १४ औ अधिवेशन अन्तर्गत शनिबार ठाेरीमा भएकाे निर्वाचनमा संताेष ४६ मत ल्याएर विजयी भएका हुन् । 

सभापतिमा संताेषसहित उनकाे पुरै प्यानल विजयी भएकाे छ । सभापतिका अर्का उम्मेदवार रामकृष्ण पन्तले ३१ मत प्राप्त गरेका थिए । 

गाउँपालिका समितिकाे उपसभापतिमा केदार बहादुर देउजा, हस्त बहादुर डुम्जन, सचिवमा धिर सिंह, भक्त बहादुर श्रेष्ठ, सह सचिवमा राज कुमार श्रेष्ठ, सालिक राम आचार्य विजयी भएकाे मतदान अधिकृत रामबालक प्रसाद यादवले जानकारी दिए । 

ठोरी ४ निर्मलबस्तीमा भएकाे मतदानमा ८० जना मतदाता मध्ये ७९ मत खसेको थियो । 

जम्मा खसेको ७९ मत मध्ये १ भोट खाली र १ भोट बदर भएको निर्वाचन अधिकृत राम बालक यादबले जानकारी दिए । यस अघि सन्तोष श्रेष्ठ प्यानलका १३ जना निर्बिरोध निर्वाचित भएका थिए ।

कालिकामाईमा एक महिलाकाे शंकास्पद मृत्यु

0
death boday_kalikatimes
सांकेतिक तस्बिर

वीरगंज । पर्साकाे कालिकामाई गाउँपालिका वडा नं. १ मुडलीमा आमा-छाेरामा विवाद हुँदा आमाकाे मृत्यु भएकाे छ । स्थानिय ६५ बर्षिय पारवती देवीकाे मृत्यु भएकाे प्रहरीले जनाएकाे छ ।

मृतककाे शव पाेष्टमार्टमकाे लागि वीरगंजस्थित नारायणी अस्पतालमा राखिकाे छ । प्रहरीले घटना सम्बन्धनमा अनुसन्धान गर्न २२ बर्षिय छाेरा भुलाई चाैरसिय भनिने जितेन्द्र चाैरसिया र उनकी श्रमतीलाई नियन्त्रणमा लिएकाे छ ।

स्थानियहरुका अनुसार मृतक पारवतीले केही दिन अगाडी आफ्नाे पांच कठ्ठा खेत बिक्रि गरेकी थिइन । खेत विक्रि गरे वापत आएकाे पैसा छाेरा जितेन्द्रले आमा पारवतीसंग माग्दै आएका थिए । खेत बिक्रि गरेकाे पैसा आमाले एकलाे छाेरा जितेन्द्रलाई दिन्न नमानेपछि विवाद भएकाे थियाे ।

विवादकाे विषयमा गाउँमा पंचायती समेत भएकाे थियाे । तर शनिबार विहान खाना बनाउने भन्सा घरमा आमा पारवती मृत्य भेटिएका हुन् । मृतक पारवतीकाे घाँटीमा चाेटपटक लागेकाे देखिएकाेले मृत्यु शंकास्पद रहेकाे प्रहरीले जनाएकाे छ ।

शवकाे प्रकृति हेर्दा मृत्यु कुटपिट अथवा घाँटी थिचेकाे कारणले भएकाे हुन्न सक्ने प्रहरीकाे अनुमान छ । तर अहिले नै केही भन्न नसकिने जिल्ला प्रहरी कार्यालय पर्साका प्रवक्ता प्रहरी नायब उपरिक्षक ओमप्रकाश खनालले वताए ।

मृत्यु शंकास्पद रहेकाे वताउँदै प्रवक्ता खनालले पाेष्टमार्टमकाे रिपाेर्ट आएपछि मात्र मृत्युकाे कारण भन्न सकिने वताए ।  

महुवनमा जडान टावर लाईट अध्यक्ष जयसवालद्वारा उद्घाटन

0

वीरगंज । पर्साकाे सखुवा प्रसाैनी गाउँपालिका वडा नं. ५ महुवनमा टावर लाईट जडान गरिएकाे छ । महुवन बाजारमा जडान गरिएकाे टावर लाईटकाे शुक्रबार सांझ गाउँपालिका अध्यक्ष प्रदिप जयसवालले उद्घाटन गरेका छन् ।

टावरलाईटकाे उद्घाटन गर्दै अध्यक्ष जयसवालले जडान गरिएकाे टावर लाईटबाट रातीकाे समयमा साे क्षेत्रमा कुनै पनि काम गर्न सहज हुने वताए । उनले गाउँपालिकाले भाैतिक पूर्वधारकाे साथ साथै शिक्षा, स्वास्थ्य र कृषि क्षेत्रमा जन चाहना अनुसार काम गरेकाे दाबी गरे । 

गाउँपालिकाकाे उज्यालाे अभियान अन्तर्गत रु १२ लाख ४३ हजारकाे लागतमा टावर लाईट जडान गरिएकाे हाे । गाउँपालिकाबाट २०७८ माघ ७ गते रागनी कन्सट्रक्सन वीरगंजसंग २०७९ असार १५ सम्म उक्त टावर लाईट जडान गर्न सम्झाैता भए पनि सम्झाैता अवधि समाप्त भन्दा ५ महिना पहिलाले टावर लाईट जडान कार्य सम्पन्न गरेकाे हाे ।  

पकहा मैनपुरमा निशुल्क आँखा शिविर सम्पन्न

0

वीरगंज । पर्साकाे पकहा मैनपुर गाउँपालिका वडा नं. ३ मा शुक्रबार निशुल्क आँखा शिबिर सम्पन्न भएको छ । माट्रिका आई फोउन्डेसनको आयोजना र नेकपा (एकीकृत समाजबादी) पकहा मैनपुरकाे सहकार्यमा शिविर सम्पन्न भएकाे हाे ।

श्री रामचरित्र माध्यमिक विद्यालय पकहा मैनपुरमा भएकाे शिविरमा ३५० जनाले आँखा परिक्षण गराएकाे नेकपा एकीकृत समाजबादी पकहा मैनपुर गाउँ कमिटीका अध्यक्ष मदन हजरा पासवानले जानकारी दिए ।

अध्यक्ष पासवानकाे अध्यक्षतामा भएकाे शिबिरमा डा.आदित्य तिवारी र रामायण साहले बिरामीहरुकाे आँखा परिक्षण गरेका थिए । साथै शिविरमा निशुल्क चस्मा र औषधि समेत बितरण गरिएकाे अध्यक्ष पासवानले वताए ।