Date
बिहि, मंसिर ३, २०८३
Thu, November 19, 2026
Home Blog Page 710

भाेजपुरी सुपरस्टर खेसारी लाल र रानी चटर्जी माैलापुरमा

0

वीरगंज । भारतिय भाेजपुरी सुपरस्टर नायक खेसारी लाल यादव र नायिका रानी चटर्जी आज नेपाल आएका छन् । राैतहटकाे माैलापुर नगरपालिकामा आयाेजित मधानी महाेत्सवमा आफ्नाे प्रस्तुती दिन दुबै जना नेपाल आएका हुन् ।

माैलापुरकाे पताैरास्थित पुरातात्विक महादेव मन्दिर प्राङ्गणमा आयाेजित महाेत्सकाे दुबै जना अहिले आफ्नाे प्रस्तुती दिइरहेका छन् । दुबै कालकारहरुकाे साथै कार्यक्रमका एक दर्जन भन्दा बढी प्रसिद्ध कालाकाहरुकाे उपस्थिती रहेकाे छ । 

माैलापुर नगरपालिकाकी मेयर रिना कुमार साहकाे अध्यक्षता र नेकपा एमालेका नेता टाेकबहादुर रायमाझीकाे प्रमुख आतिथ्यतामा भइरहेकाे कार्यक्रममा नेता प्रभु साह लगायतकाे सहभागिता रहेकाे छ ।

सशस्त्र प्रहरीद्वारा ठाेरीबाट लागु औषध गाँजा बरामद

0

वीरगंज । सशस्त्र प्रहरीले पर्साकाे ठाेरी गाउँपालिका वडा नं. ४ निर्मलबस्तीबाट लागु औषध गाँजा बरामद गरेकाे छ । सशसत्र प्रहरी बाेर्डर आउट पाेष्ट विजयबस्तीबाट खटिएकाे टाेलीले ५.३५० केजी लागु औषध गाँजा बरामद गरेकाे हाे । 

सशस्त्र प्रहरी निरिक्षक श्याम बहादुर मग्रातिकाे कमाण्डमा खटिएकाे पैदल गस्ती टाेलीले निर्मलबस्तीबाट ब्रह्मनगर तर्फ जाँदै गरेकाे माेटरसाइकललाई चेक जाँच गर्न खाेज्दा उक्त लागु औषध (गाँजा) फाली माेटरसाइकल लिई भागेकाे सशस्त्र प्रहरी बल पर्साका प्रवक्ता सशस्त्र प्रहरी नायब उपरिक्षक संताेष कुमार बस्नेतले जानकारी दिए ।

त्यसपछि उक्त गाँजा नियन्त्रणमा लिई आवश्य कारवाही भइरहेकाे सशस्त्र प्रहरी नायब उपरिक्षक बस्नेतले जानकारी गराए । 

लोपउन्मुख धागड समुदायको संस्कृति प्रवर्धन अभियान शुरु

0

वीरगंज । लोपउन्मुख जातिको रुपमा सुचिकृत तराईमा बसोवास गर्ने धागड जातिको धर्म, संस्कृति र परम्परालाई संरक्षण गर्न वीरगंजमा धागड समुदायिको संस्कृति प्रबर्धन अभियान शुरु भएको छ ।

हाम्रो संस्कृति हाम्रो अभियान, धागड समुदायको संस्कृति प्रबर्धनमा युवाको अभियान कार्यक्रम अन्तर्गत साेमबार वीरगंज महानगरपालिकाकाे वडा नम्बर ३१ सोलखपुरमा धागड समुदायको भेषभुषा, संस्कृति र परम्पराको झाँकी, नृत्य प्रस्तुत गरिएको थियो ।

वीरगंज महानगरपालिका, एसियन फर पिस रिसर्च एण्ड डेभलम्पमेन्ट, शान्ति मेलमिलाप केन्द्रद्वारा संयुक्त रुपमा आयोजित कार्यक्रमको पर्साका सहायक प्रमुख जिल्ला अधिकारी भिमकान्त पौडेलले उद्घाटन गर्दै लोपउन्मुख जातिको धर्म, संस्कृतिलाई संरक्षण गर्दै विश्व माझ आफ्नो मौलिक प्रस्तुति देखाउन सके पर्यटनलाई आकर्षित गर्दै आय आर्जन समेत गर्न सकिने कुरामा जोड दिए ।

कार्यक्रममा वक्ताहरुले लोपउन्मुख धागड समुदायको संस्कृति, परम्पराको संरक्षण गर्दै नेतृत्व तथा क्षमता विकासका लागि आर्थिक, सामाजिक र राजनैतिक सशक्तिकरणको आवश्यकता रहेको वताए ।

कार्यक्रममा विशिष्ट अतिथिको रुपमा रहनु भएका रेडियो नेपालका पर्सा सम्वाददाता ध्रुव अधिकारीले लोपउन्मुख जनजातिको रुपमा रहेका धागड समुदायको भेषभुषा, रितिरिवाज, धर्म संस्कृतिको प्रचार प्रसारमा संचारकर्मीहरुको भूमिका समेत महत्वपूर्ण रहेको बताए ।

अल्पसंख्यक पिछडिएको जनजातिको रुपमा रहेको धागड समुदायको वीरगंज महानगरपालिका वडा नम्बर ३१ र ३२ मा बसोवास रहेको छ ।

शान्ति मेलमिलाप श्रोत केन्द्र पर्साका अध्यक्ष रमाकान्त चौधरीको सभापतित्वमा सम्पन्न कार्यक्रममा स्थानिय बुद्धिजीवी, संचारकर्मी, जनप्रतिनिधिहरुको सहभागिता रहेको थियो ।

वीरगंजबाट भारी परिणाममा भन्सार छलीकाे कपडा बरामद

0

वीरगंज । सशस्त्र प्रहरीले भन्सार राजश्व छली अवैध रुपमा भारतबाट नेपाल भित्र्याईएकाे ठूलाे परिणाममा कपडा बरामद गरेकाे छ । सशस्त्र प्रहरी बल नेपाल नं. १३ गण पर्साबाट खटिएकाे टाेलीले वीरगंज महानगरपालिकाकाे वडा नं. २५ रामगढवास्थित लक्ष्मण प्रसाद कुर्मीकाे घरमा छापा मारी ६५ पाेका कपडा बरामद गरेकाे हाे । 

कुर्मीकाे दुई तले घरकाे भुँई तलामा रहेकाे ३, ४ र ५ नं. काे ३ वटा सटर काेठा वीरगंज महानगरपालिकाकाे वडा नं. २० निवासी अनुप शर्माले भाडामा लिई लुकाई छिपाई राखेकाे कपडा बरामद गरिएकाे सशस्त्र प्रहरी नायब उपरिक्षक संताेष कुमार बस्नेतले जानकारी दिए ।

सशस्त्र प्रहरी नायब उपरिक्षक बस्नेतकाे कमाण्डमा १५ जना,  विओपि वीरगंजबाट सशस्त्र प्रहरी निरिक्षक सुवर्ण बहादुर बमकाे कमाण्डमा ९ जना र वीरगंज भन्सार कार्यालयका भन्सार अधिकृत तेज बहादुर रावलसहितकाे संयुक्त टाेलीले उक्त कपडा बरामद गरेकाे हाे ।

वडाध्यक्ष दशरथ राउत कुर्मी लगायत स्थानिय भद्रभलालमीहरुकाे राेहबरमा कानुनी पक्रिया पुरा गरी उक्त घरकाे खनतालासी गर्दा ६५ पाेक्का कपडा बरामद भएकाे सशस्त्र प्रहरी पर्साका प्रवक्ता समेत रहेका सशस्त्र प्रहरी नायब उपरिक्षक बस्नेतले वताए । बरामद कपडा आवश्यक कारवाहीकाे लागि वीरगंज भन्सार कार्यालयमा राखिएकाे उनले जानकारी दिए । 

नेका पर्सागढी नगर सभापतिमा विश्वमाेहन विजयी

0

वीरगंज । नेपाली कांग्रेस पर्सागढी नगरपालिकाकाे सभापतिमा विश्वमोहन दास थारु विजयी भएका छन् । कांग्रेसकाे १४ औं अधिवेशन अन्तर्गत नगर समिति चयकाे लागि शनिबार भएकाे निर्वाचनमा सपभाति थारुसहित उनकाे प्यानल विजयी भएकाे हाे ।

संस्थापन पक्षका उम्मेदवार थारु ८६ मत ल्याएर विजयी भएका हुन् । उनका प्रतिस्पर्धी सभापतिका अर्का उम्मेदवार घनश्याम प्रसाद चाैधरीले ५६ मत ल्याएका थिए ।

नगर उपसभापतिमा आत्माराम अधिकारी ८० मत र अच्छेलाल प्रसाद यादव ८२ मत ल्याएर विजयी भएका छन् । अक्राे प्यानलका उप सभापतिका उम्मेदवार मनोज दास थारु ५५ र देवकी साह ४२ मत पाएका छन् ।

त्यस्तै सचिवमा भुमा अधिकारी ८७ मत र अर्जुन गिरी ७५ मत ल्याएर विजयी भएका छन् । उनका प्रतिद्वन्दीहरु विनोद साहले ५२ र मीना कुमारीले ५६ मत पाएका छन् ।

त्यसैगरी सहसचिवमा रामसुनर महतो ८६ र सुकदेव दास ७५ मत ल्याएर विजयी भएका छन् । उनीहरुकाे निकटम प्रतिद्वन्दी मीरा चौधरीले ५९ र जितेन्द्र चौधरीले ५४ मत ल्याएका छन् ।

यस्तै खुला सदस्यतर्फ नगिना कुर्मी ८८, हरिशंकर अहिर ८१, आदिवासी जनजातिमा रामाकान्तीदेवी ८५ मत ल्याएर विजयी भएका छन् । दलित पुरुषमा भोला राम ११७ मत, कन्हैया हजरा दुसाध ६९ मत, मुस्लीम जोश महम्मद ७१ मतले ल्याएर विजयी भएका छन् । 

नेका पर्सा अधिवेशनकाे कार्यतालिका हेरफेर, १७ गते मनाेनयन दर्ता र १९ गते मतदान

0

वीरगंज । नेपाली कांग्रेस पर्साकाे १४ औ जिल्ला अधिवेशनकाे कार्यतालिका पुन: हेरफेर भएकाे छ । नयाँ कार्यतालिका अनुसार फागुन १७ गते मंगलबार  विहान १० बजे मतदाता नमावली प्रकाशन र साेही दिन १० बजेदेखी ५:३० बजे सम्म उम्मेदवारी मनाेनयन पत्र दर्ता हुने छ ।

उम्मेदवारी मनाेनयन दर्ता नेपाली कांग्रेस पर्साकाे पार्टी कार्यालय रामगढवामा हुने जिल्ला निर्वाचन समितिले जनाएकाे छ । 

साेही दिन सांझ ६:३० बजेसम्म उम्मेदवारकाे दावी विराेध/फिर्ताकाे समयपछि अन्तिम नमावली तत्काल प्रकाशित गरिने निर्वाचन अधिकृत नरेन्द्र कुमार केसीले वताए ।

फागुन १९ गते बिहिबार विहान १० बजेदेखी सांझ ५ बजे सम्म वीरगंजकाे आदर्शनगरस्थित बाल मन्दिरमा मतदान हुने अधिकृत केसीले जानकारी दिए । मतदान सकेपछि साेही दिन मतणना सुरु गरिने र मतपरिणाम पनि घाेषण गरिने उनले जानकारी गराए ।

जिल्ला अधिवेशनबाट निर्वाचित हुने कार्य समिति सदस्यहरुकाे लागि याे भन्दा अगाडी ताेकिएकाे मिति, समय जिल्लाका नेताहरुकाे सहमतिबाट नयाँ निर्वाचन कार्यतालिका हेरफेर गरिएकाे निर्वाचन अधिकृत केसीले वताए ।

उनका अनुसार पर्सामा एक हजार ८ सय १५ मतदाता रहेका छन् ।

अभिनेता पल शाह पक्राउ

0

अभिनेता पल शाह पक्राउ परेका छन् । उनले आइतबार जिल्ला प्रहरी कार्यालय तनहुँमा आफै पुगेर आत्मसमर्पण गरेका हुन् ।  जिल्ला प्रहरी तनहुँले शाह कार्यालयमा उपस्थित भएको पुष्टि गरेको छ।  

यसअघि शाहले आजै प्रहरीमा आत्मसमर्पण गर्ने बताएका थिए । नाबालिग गायिकाले जबरजस्ती करणीको आरोप लगाउँदै गत बुधबार जिल्ला प्रहरी कार्यालय तनहुँमा जाहेरी दिएकी थिइन् । त्यसयता उनी फरार रहँदै आएका थिए । 
आइतबार सामाजिक सञ्जालमार्फत उनले स्वास्थ्य समस्याका साथै केही घरको सबै व्यवहार मिलाउनुपर्ने भएकाले प्रहरीमा उपस्थित हुन नसकेको बताएका थिए । 

‘मेरो आफ्नो स्वास्थ्य स्थिति बिग्रिएको हुनाले साथै घरको सबै घर व्यवहार मिलाउनु परेकाले र मेरो फिल्म ‘म यस्तो गित गाउँछु २’ गत शुक्रबारदेखि नेपाल भर प्रदर्शन भएका कारण फिल्मलाई असर नपरोस् भनि म प्रहरी सामु उपस्थित हुन नसकेकोमा माफी माग्न चाहन्छु’, उनले सामाजिक सञ्जालमार्फत भनेका थिए, ‘नेपालको कानुनलाई सम्मान गर्दै आज (आइतबार) नेपाल प्रहरी सामु म आफै उपस्थित हुने जानकारी सम्पूर्णमा दिन चाहन्छु ।’

शाहविरुद्ध अभियोग पुष्टि भएमा १० देखि १२ वर्षसम्म जेल सजाय हुनेछ । 

नेपाली कांग्रेस पाेखरियाकाे सभापतिमा चाैहान विजयी

0

वीरगंज । नेपाली कांग्रेस पाेखरिया नगरपालिकाकाे सभापतिमा रामबाबु प्रसाद चाैहान विजयी भएका छन् । कांग्रेसकाे १४ औं अधिवेशन अन्तर्गत पाेखरिया नगरपालिकाकाे नगर कार्य समिति चयनकाे लागि शनिबार भएकाे निर्वाचानकाे अन्तिम मतपरिणाम अनुसार चाैहान ३ मतले विजयी भएका हुन् ।

नेता सुरेन्द्र चाैधरी पक्षका उम्मेदवार चाैहान ७१ मत प्राप्त गरेका छन् भने उनका प्रतिद्वन्धि संविधान सभा सदस्य रामेश्वर राेनियार पक्षका उम्मेदवार लक्ष्मण साह कानुले ६८ मत पाएका छन् ।

नगर उप सभापतिमा बच्चा साह तेली र रामानन्द बैठा धाेबी बिजयी भएका छन् । तेलीले ८० मत र धाेबीले ७६ मत प्राप्त गरी विजयी भएका छन् भने उप सभापतिका अर्का उम्मेदवार उमेश प्रसाद यादवले १९ र भाेला गिरीले ४२ मत प्राप्त गरी पराजित भएका छन् ।

यसैगरी नगर समितिकाे सचिवमा धर्मराज प्रसाद यादव ७६ मत र हरेराम पाण्डेय ७४ मत प्राप्त गरी विजयी भएका छन् । सचिव पदका अर्काे पक्षका उम्मेदवार मदन गिरीले ५२ मत र मदन साह कानुले ५१ मत पाएका छन् ।

नगर समितिकाे सह सचिवमाल श्यामकिशाेर यादवले ७९ मत र अशाेक चाैहानले ७५ मत प्राप्त गरी विजयी भएका छन् । सह सचिव पदकाे अर्काे प्यानलका उम्मेदवार संताेश कुमार कुर्मी ४१ र रामाधार मुखिया विन ५४ मत पाएका छन् ।